سواقة المراه

[بوالبيض]

السلام عليكم ورحمة الله وبركاته

نؤيد سواقة المراه ومعي السواقه لكن بشروط مثلا ما في احد في البيت غير بنت ما عندهم اولاد او الحاله الماديه ضعيفه تتطر العائله في سواقة البنت لقضاء الحاجيات اليوميه وهل الزمن يصير كثير الي تتطر العوائل في تعطي ليسن للبنت لقلة الماديه اما يتركون السالفه سايبه من هب ودب خذ ليسن الصغير ولكبير ليش ما في رجال في البيت الحمد الله هل الزمن الخير وايد وما اظن احد ما يقدر يجب دريول ( سواق) للبيت شي سهل صار ومتيسره الامور ماكنا قبل نشوف بنت في الشارع ولا اخر الليل الكل في البيت ومتستر الحين ابد 1 فليل ماره عليك بالسياره اشوي ولا وحده صافه سيارتها ونازله تتغدي بنفسها ولا تتمشي بنفسها علي الفرجان ليش هي البنت ما فكرت لو لحظه احد يوقفها ولا يعتدي عليها ولا توقف سيارتها من بيساعدها في هل الوقت اقول لزم يحطون ضوابط قويه وقوانين قويه يعني 30 سنه مو مشكله بس بموافقة الاهل الاب والام ولا اذ جي رحنا وطي بعدين البلاد كثرت فيها الاجانب وصارت سايبه في كل مكان موجودين ما في امان نفس قبل والله المستعان يارب مجرد رائي لا اكثر ولا اقل :)

[R 7 A L]

حتى لو كثروا الاجانب الحمدلله الامن قوي و أمان

[خليفـة]

اول شي احب ارحب فيك اخوي بوبالبيض عضوا جديد وعزيز في الشبكة
ثاني شي :
والله لو تخلون المرأة في حالها .. بيكون حالها بألف خير

خليفــة

:)

[شبح الصمت]

سؤال اخوي خارج الموضوع


انت بالوبيض ما غيـره الي نعــرفه !!!


الملقب المشهور بو البيــض !!!

:eek5:

[intesar]

أعطيك الحق في الكثير مما قلته.. شوف الوحدة تاخذ ليسن كيفها.. لكن تشوف حرمة بانصاص الليالي تفتر بالسيارة.. مو عدلة.. أنا مثلك أشوف الوحدة لين صار عمرها 30 وما تزوجت ما يخالف تاخذ ليسن.. بصراحة الحريم ساعات ماينعطون وجه.. وكفاية سواقتهم الحلوة.. كل وحدة تمسك لك الخط تملكه وياويله من يكلمها..

[جمال اليافعي]

أخوي السواق ألعن من سواقة البنت للسيارة , و السواقات مستواهم اسوء من مستوى سواقة بنات قطر ..
وفي بنات بارك الله فيهم و حفظهم من أروع ما يكون من سواقة و أخلاق ..

فرجاءا لا تولع موضوع تم البت فيه و القله من البنات الي يصيعون بالشوارع معروفين و بنات الناس مستحيل يسوونها ..

[الأصيلة]

أخوي السواق ألعن من سواقة البنت للسيارة , و السواقات مستواهم اسوء من مستوى سواقة بنات قطر ..
وفي بنات بارك الله فيهم و حفظهم من أروع ما يكون من سواقة و أخلاق ..

فرجاءا لا تولع موضوع تم البت فيه و القله من البنات الي يصيعون بالشوارع معروفين و بنات الناس مستحيل يسوونها ..

فعلا أغلبهم غير قطريات بس من ورى السكان ماتبين مع لبسة الشيلة
والمكياج الصارخ ...
يضايقني هذا المنظر وخاصة لما تكون راكبه فورويل..
وبكامل زينتها...وتفتر قدام اللاند مارك...

[khalid Qtr]

كثير من النساء يسوقون سياراتهم بأدب واحترام ولا ارى حرج في هالشي

لانه اهون من الخروج مع سايق اجنبي

[شبح الصمت]

وينك يابو البيـض

ريح ضميري وقولي

ههههههههاي

المهم عن سواقـة الحريم في حريم ماشاء الله عليـهم اسواقتهم طيـبه وما تشوف منهم إلا كل خيـر ...

ياخي في ثـنـتين كل يوم الصبح اشوفهم ومطلعين سيارات نفس الموديل ...

وكل يوم اشوفهم وراء بعض يتابعون وأتوقع نفس الدوام ...

بس وحده كله داعسه والثانيه وراءها قابضه الذرء ...

:shy:


صـج من يومين في وحده لفـت علي بس انا احسنت النيـه يمكن مسكينه لهت في التلفون شيء مش معناته انها ما تعرف تسوق ..

تقبل مروري يابو البيض

:eek5:

[ورقة غار]

قلبه متروسه على سواقة المره هههههههههههههههههههههههههههههههههههههههههههه

[STAR]

لاول مرة القى ردوود ذكورية تثلج القلب:nice:

[do7awi]

هالموضوع يمكن يكون مفيد لو كتبته قبل 15 سنة

اقول خلكم من اللف و الدوران حول هالموضوع اللي ماله معنى. السواقة شي و الصياعة شي مب شرط يكونون مقترنين ببعض.

[مشاكل]

هههههههههه
قال ايش قال سواقة المراءة
موضوعك هذا تراثي وصار صخر

[مريومة]

والله لو تخلون المرأة في حالها .. بيكون حالها بألف خير

خليفــة
:)


جزاك الله خير يا خليفة .. كرهونا في جنسنا :weeping:


. السواقة شي و الصياعة شي .

اي بالله وانتي صاجة :victory:



هههههههههه
وصار صخر

صار صخر .. صار صخر :victory:

[ALRAYYAN]

سواقة النساء لاهي عيب ولا حرام .. لكن انتوا تشوفون اللي قاعد يصير في الشوارع

طلعات بنات ودواره وهياته مالها اي داعي وتأخير لين اوقات متاخره بداعي وبدون داعي

كانت الرخصه تنصرف تحت ضوابط وكانو يشوفون مدى حاجة البنت للرخصه

لكن الحين البنات صارو مثل الشباب ينتظرون السن القانوني للرخصه ومتلهفين عليها ان كان لها حاجه او بدون حاجه

والنتيجة واضحه في الشوارع

الكلام ماينطبق على الكل لان في بنات ملتزمات بأوقات خروج معينه
وحتى بعضهم اذا حصل لها حد يؤديها من اهلها او إخوانها تفضل تروح معاهم ورخصتها في بوكها

الله يستر على الجميع

[هبوب الكوس]

احسن سواقه صراحه الحريم :(

خاصه في قطر :secret:

[chillis]

سواقة النساء لاهي عيب ولا حرام .. لكن انتوا تشوفون اللي قاعد يصير في الشوارع

طلعات بنات ودواره وهياته مالها اي داعي وتأخير لين اوقات متاخره بداعي وبدون داعي

كانت الرخصه تنصرف تحت ضوابط وكانو يشوفون مدى حاجة البنت للرخصه

لكن الحين البنات صارو مثل الشباب ينتظرون السن القانوني للرخصه ومتلهفين عليها ان كان لها حاجه او بدون حاجه

والنتيجة واضحه في الشوارع

الكلام ماينطبق على الكل لان في بنات ملتزمات بأوقات خروج معينه
وحتى بعضهم اذا حصل لها حد يؤديها من اهلها او إخوانها تفضل تروح معاهم ورخصتها في بوكها

الله يستر على الجميع

ترا الي تبي تلف وتدور لاخرلا الليل عادي مع الدريول ومع ليموزين ومع غيره الف تراه سهل مهب شرط وهي تسوق الي محترمه نفسها محترمه نفسها لو تسوق مليون سياره

[chillis]

اول شي احب ارحب فيك اخوي بوبالبيض عضوا جديد وعزيز في الشبكة
ثاني شي :
والله لو تخلون المرأة في حالها .. بيكون حالها بألف خير

خليفــة

:)

عاش نصير المراه :victory::victory:

[حسن]

الله يهداك انت ياابو البيض الحين المره تسوق طياره

[شبح الصمت]

احسن سواقه صراحه الحريم :(

خاصه في قطر :secret:



ارسل ارسل



v
v
v
v
v
v
v
v
الرجاء التوجـه إلى الدوار الثالث


شوهـدت فتاة عندها نيسان بترول كامات كمبيوتر تشل على تيارين ...


v
v
v
v
v
:shy:

[بو خليفه 123]

والله البلا ماهوب بالحريم

فيه حريم سواقتهم احسن من سواقتي ماشاءالله عليهم و يتصرفون عن ألف رجال


البلا بالآسيوين والشاحنات الي تزاحم بالشوارع الفرعيه و تفاجئك بالانعطاف المفاجىء ..

ردائه بالسواقه .. و ردائه من مدارس السواقه الي عطت الساقط واللاقط رخصة السواقه .

[تحداني]

وبعدين معاكم

:con2::waiting::waiting:

[chillis]

وبعدين معاكم

:con2::waiting::waiting:

:weeping: لا تعصبين

[هبوب الكوس]

ارسل ارسل

الرجاء التوجـه إلى الدوار الثالث

شوهـدت فتاة عندها نيسان بترول كامات كمبيوتر تشل على تيارين ...

:shy:

بعد وش خلوا للشباب

اقول اجلسوا في البيت ابرك لكم

[هبوب الكوس]

وبعدين معاكم

:con2::waiting::waiting:

أسف :shy:

[تحداني]

:weeping: لا تعصبين



:) مو امعصبه الله يرضى عليج
بس ما يحترمون سواقه المرأه ما اعرف ليش .. حسبالهم وحده مينونه في الشوارع
وتمشي على الله .. وكأنهم يقولون هاذي زين توصل البيت بالسلامه


ما لاحظتي ؟؟ " طبعا مو الكل لكن الاكثر "

جملك الله برضاه

[بو خليفه 123]

بصراحه تحداني أنا لو منك اعطيهم كلهم باند


هبوب الكوس شرير واحد :tease:

[تحداني]

أسف :shy:


ردك في المشاركه رقم 16 كلش مو معني بالفئه الي اتكلم عنهم
كلش كلش

انت براءه


جملك الله برضاه

[chillis]

:) مو امعصبه الله يرضى عليج
بس ما يحترمون سواقه المرأه ما اعرف ليش .. حسبالهم وحده مينونه في الشوارع
وتمشي على الله .. وكأنهم يقولون هاذي زين توصل البيت بالسلامه


ما لاحظتي ؟؟ " طبعا مو الكل لكن الاكثر "

جملك الله برضاه

عاادي اغلب المواضيع عن المراه يستهزءون فيها لازم نتعود :) دائما يشفون المراه ولا شي البعض منهم نسوا انها الام والاخت والزوجه :omen2:

[تحداني]

بصراحه تحداني أنا لو منك اعطيهم كلهم باند


هبوب الكوس شرير واحد :tease:




هبوب الكوس اكثر واحد برئ ومنصف وحقاني في هالموضوع
ما اتشوف اعتراضه الملئ بالابتسامات

حرام وعليه عليهم
خل يستمرون في الكتابه على قوله " هبوب الكوس "
هو لو ما استمروا وقتها من وين نستمتع بالطرف الآخر المعارض
يمكن هم يشوفون في سواقتنا شي احنه انعمينا منها " الله اعلم "
خل نشوف على شنو راح يسري هالحوار


جملك الله برضاه

[ذيب ازغوى]

سواقته من دون عذر هذا يعتبر قلة حيااا

المرءه معروف مكاانهاا البيت اما ليسن ودوااره هذي عند قليلاة الحيااا

[مضاربه]

اخوي بو البيض اهل قطر ناس محافظين وبناتهم تربوا على السنع وعلى معرفه العيب ماظنتي في بنت قطريه بتهيت في الشوارع في نص الليل

[تحداني]

عاادي اغلب المواضيع عن المراه يستهزءون فيها لازم نتعود :) دائما يشفون المراه ولا شي البعض منهم نسوا انها الام والاخت والزوجه :omen2:




راجعه لهم هالنظره وحق الي يعرفونهم
اما كأعضاء من حق كل وحده ترد بوجهه نظرها على الاقل في ذاتها وفي محيطها
انتي معاي ولا لا ؟؟ :)


جملك الله برضاه

[chillis]

راجعه لهم هالنظره وحق الي يعرفونهم
اما كأعضاء من حق كل وحده ترد بوجهه نظرها على الاقل في ذاتها وفي محيطها
انتي معاي ولا لا ؟؟ :)


جملك الله برضاه

صح كلامج ومعاج ميه بالميه :)

[تحداني]

سواقته من دون عذر هذا يعتبر قلة حيااا

المرءه معروف مكاانهاا البيت اما ليسن ودوااره هذي عند قليلاة الحيااا



بعد اذنك الله يرضى عليك
لما تستخدم مثل هالكلمات اتوقع تحتاج انك تحط " البعض " بين الكلمات حتى لو كانت هاذي وجه نظرك .. يظل كلامك واجب علينا احترامه
ولكن تعميمه فيه ظلم

جملك الله برضاه

[يحفظك ربي]

بعد اذنك الله يرضى عليك
لما تستخدم مثل هالكلمات اتوقع تحتاج انك تحط " البعض " بين الكلمات حتى لو كانت هاذي وجه نظرك .. يظل كلامك واجب علينا احترامه
ولكن تعميمه فيه ظلم

جملك الله برضاه

:nice::nice::nice:

[حسن]

بعد اذنك الله يرضى عليك
لما تستخدم مثل هالكلمات اتوقع تحتاج انك تحط " البعض " بين الكلمات حتى لو كانت هاذي وجه نظرك .. يظل كلامك واجب علينا احترامه
ولكن تعميمه فيه ظلم

جملك الله برضاه
لاوالله الكلمات هذه مانحب نحتترمها ولانحترم 000 نتمني تكون ملاحظات قيمه :victory:

[..الاميرة..]

لاول مرة القى ردوود ذكورية تثلج القلب:nice:


تعالي كم درجة الحراره برى اخاف مولعه .. :telephone:

[eXpert*]

((ويقولون ما نبيّ المجتمع يتفكك))

[chillis]

((ويقولون ما نبيّ المجتمع يتفكك))

ممكن توضح ؟

[شبح الصمت]

يا أخوان لا تنسون أنه في حريم محتدين على السواقه ..


الي ابوها متوفي ومافي احد يشل البيت غيرها ..

الي ما عندها لا أب وإلا ام واخوانها هاملينها ..

الي زوجها كله مسافر وتحتاج أنها توصل العيال ..

الي مطلــقه وعندها عيال ولا احد من عيالها كبار ..


خلونا واقعيــن ونتكلم بكل منطق

الحين البنات يا اخوي يتزوجون من اعمارهم 23 وتوصل لـ 30 وعندها ولد عمره 6 سنـين ويمكن أكبر ..


لو تبون تكلمون بكملة الحق بنتكلم ولو تبون نستعبط بستعبط بس ما نجرح أحد ...


في الزين وفي الشـين

وتأكدوا لو تشابهت الاصابع نفس الشيء ما عاد في خير في أحد ...


هبوب هف علي ياخوك ... حرارة حرارة اريد ثلجاً اريد ثلجاً

:protest:

[بو خليفه 123]

اتصلت بمطوع يقرأ على هبوب

[التيما]

اول شي احب ارحب فيك اخوي بوبالبيض عضوا جديد وعزيز في الشبكة
ثاني شي :
والله لو تخلون المرأة في حالها .. بيكون حالها بألف خير

خليفــة

:)

:nice:

[chillis]

حتى بسواقه المراه تدخلون :( هذي حريه شخصيه وكلن حر بنفسه

[هبوب الكوس]

اتصلت بمطوع يقرأ على هبوب

ههههه

ليش

زين بعد مره وحده يبعد عني الحسد

بشرط انت معاي

يقرا عليك بعد

[هبوب الكوس]

ياريت يصدر قانون

يسمح المراه باخذ الليسن في سن الخمسين سنه

ومايحتاج كجه بعد :nice:

[..الاميرة..]

هبوب هف علي ياخوك ... حرارة حرارة اريد ثلجاً اريد ثلجاً

:protest:


هبوب الحق على خويك وجيب معاك ثلجاً ثلجاً .. :telephone:

[بوحارب]

يازين المرأة التي لاتسوق:(

هي بالفعل انثى @@

اما وحده راكبة جمس غمارتين لا وين هذي غطت علي ههههههههههههههههههههههههههههههههه

[بوحارب]

حتى بسواقه المراه تدخلون :( هذي حريه شخصيه وكلن حر بنفسه

البنت مالها حرية شخصية عندنا ومالها كلمة بعد الا بعد موافقة رجّال البيت

فهمتي ولا :omen2:

وقومي سوي حق الشباب كرك بسرعة :tease:

[ALRAYYAN]

ترا الي تبي تلف وتدور لاخرلا الليل عادي مع الدريول ومع ليموزين ومع غيره الف تراه سهل مهب شرط وهي تسوق الي
محترمه نفسها محترمه نفسها لو تسوق مليون سياره


هلا اخت شيليز

انا أتكلم عن شي وانتي ردج عن شي ثاني

انا مضمون كلامي ان الليسن صار ينصرف بداعي وبدون داعي
مب مثل قبل كان ينصرف للي فعلا تحتاج تسوق وظروفها تستدعي انها تسوق وبعد موافقة ولي الامر

اما الكلام اللي انتي قلتي انا معاج فيه واللي يبي يسوي الغلط بيسويه أكيد

[chillis]

البنت مالها حرية شخصية عندنا ومالها كلمة بعد الا بعد موافقة رجّال البيت

فهمتي ولا :omen2:

وقومي سوي حق الشباب كرك بسرعة :tease:

لا لها وانت قلت بعد شور اهلها لكن مهب شور العالم كله :) شخبار لاند كل يوم الصبح :shy: بعدك

[هبوب الكوس]

هبوب الحق على خويك وجيب معاك ثلجاً ثلجاً .. :telephone:

ما يمديله بذوب خاصه في هذا الموضوع :(

[بلوتنيوم]

مشكلة هالمرأة :)

[شبح الصمت]

هبوب الحق على خويك وجيب معاك ثلجاً ثلجاً .. :telephone:



:eek5:

:shy:

[chillis]

هلا اخت شيليز

انا أتكلم عن شي وانتي ردج عن شي ثاني

انا مضمون كلامي ان الليسن صار ينصرف بداعي وبدون داعي
مب مثل قبل كان ينصرف للي فعلا تحتاج تسوق وظروفها تستدعي انها تسوق وبعد موافقة ولي الامر

اما الكلام اللي انتي قلتي انا معاج فيه واللي يبي يسوي الغلط بيسويه أكيد

قصدك اول الليسن يصرف للي عمرها 30 والاصغر للي ظروفها صعبه الحين للك وبهذي انا معاك المفروض يكون الليسن للمحتاجه ان كانت تحت ال 30 والي بعمر ال 30 عادي بموافقه ولي الامر

[بوحارب]

لا لها وانت قلت بعد شور اهلها لكن مهب شور العالم كله :) شخبار لاند كل يوم الصبح :shy: بعدك

اي بعد شور اهلها مب حرية شخصية :victory:

ومافيه لاند هالأيام اصلي الفير وانا قابظ الخط للدوام درب السلامة :(

[do7awi]

اني ارى موضوعا عقييييما

[بوحارب]

اتصلت بمطوع يقرأ على هبوب

ههههههههههههههههههههههههههه

[نــــظــــره]

اول شي احب ارحب فيك اخوي بوبالبيض عضوا جديد وعزيز في الشبكة
ثاني شي :
والله لو تخلون المرأة في حالها .. بيكون حالها بألف خير

خليفــة

:)


:)



أهديتني إبتسامه في قمة حزني

[بوحمد111]

والله استغربت من بعض الردود اللي مالها داعي وبعض الردود ما شاء الله قمة في الفكر والنضوج وعن سواقة البنت انا من وجهة نظري ما فيها شي ومب شرط الى ما توصل سن الثلاثين او على قولة احدى الردود الى سن الخمسين ولكل عائلة ظروفها والى متى والاعتماد على السواقين الأجانب ونعتبرهم من اولويات البيوت والبنت المحترمة تسوى مليون رجال غير محترم وأكثر واللي تبي تلعب بتلعب بالسيارة أو بدون ولا فيه دولة ما فيها مقبره

الله يحفظ بناتنا وبنات المسلمين

[ALRAYYAN]

قصدك اول الليسن يصرف للي عمرها 30 والاصغر للي ظروفها صعبه الحين للك وبهذي انا معاك المفروض يكون الليسن للمحتاجه ان كانت تحت ال 30 والي بعمر ال 30 عادي بموافقه ولي الامر

بالضبط طال عمرج

العمر مو مهم .. حتى لو ينصرف لها وعمرها 19 ولا 20 دام لها حاجه فيه ويستدعي انها تسوق تسوق ليش لا وموافقه ولي الامر اكيد ضروريه

ترى حتى اللي عمرها 30 وفوق تسوي الغلط
العمر مب مقياس .. بس كل شي في مكانه حلو وهذا اللي لازم يفهمه ولي الامر لان كله في ذمتهم

اما الانسان في عمر صغير سواء رجال او بنت اكيد انه وده يجرب كل شي ويستفيد من كل شي يتاح له

تحياتي لج وللجميع

[eXpert*]

ممكن توضح ؟

روحيّ أسأليّ عن أغلب الأسر المفككة وبتستنتجين شاللي وصل مجتمعنا لهذا الحال ،، خصوصاً في أخر 5 سنوات .

[chillis]

روحيّ أسأليّ عن أغلب الأسر المفككة وبتستنتجين شاللي وصل مجتمعنا لهذا الحال ،، خصوصاً في أخر 5 سنوات .

ماعتقد من سواقة المراه :secret:

[eXpert*]

ماعتقد من سواقة المراه :secret:

إذا بتجاوبين من غير لا تبحثين أكيد بيكون هذا جوابك .

:secret:

[chillis]

إذا بتجاوبين من غير لا تبحثين أكيد بيكون هذا جوابك .

:secret:

قول عامل من عوامل التفكك بس مهب اساسي التفكك يجي من ضعف الوازع الديني ومن التحرر الزائد :)

[qatara]

شوف هل الفيديو بليوتيوب يا بو البيض


نصيحة كويتية للسعوديات حول قيادة السيارة


http://www.************/watch?v=QWifRkm3lmA&feature=player_embedded


خلو الرجل يقول رايه مش ديمقراطيه خله يعبر وش فيكم زعلانين لكم راي وله راي

[بوسلمان 2010]

لا تعليق على الموضوع لانها بيكون فيها زعل

[بوالبيض]

حبايبي مشكورين علي الرد :) ( شبح الصمت) نعم معاك بو البيض المشهور اي ما يكل جاكسون معاك ههههههه اتقبل ونص حبيب اخوي ( خالد قطر )صحيح البنت المحترمه محترمه بس اكتب هل الموضوع من غيرتي علي بنات بلادي والخوف عليهم ( ورقة غار) اي متروس ههههه بنفجر تحمل مني (الاصيله )ما اولع الموضوع بنات سواقتهم احسن من السواق والعكس صحيح بس لزم ييحطون سن معين تاخذ البنت اليسن بس وعزيزه وغاليه اختي (انتصار) اي اما في ان تاخذ الخط لها شي طبيعي هههه اي والله لحد يكلمها مشكور علي الرد اخوي( خليفه) ما يصير نخليها في حالها لزم نتقد اشوي لو خلينها في حالها رحنا وطي هههه الله يحفظ بلادنا وامنها يا رب بس الحذر واجب (رحل )

[بوالبيض]

مشكورين علي الرد للجيمع :)

[الأستاذ]

بوالبيض ..بو البيض ..
قطيتها وشردت ..
هالسوالف ما عادت تجيب الرأس ..
الحين سقف المطالب وصلت مرحلة متقدمه جداً ..

وش طرأ عليك .. تراك راعي طلعات ..
من صوب موضوعك .. ومن صوب نكّك ..:tease:

[intesar]

اخوي بو البيض اهل قطر ناس محافظين وبناتهم تربوا على السنع وعلى معرفه العيب ماظنتي في بنت قطريه بتهيت في الشوارع في نص الليل

لا فيه من النوعية.. بكل بلد الزين والشين.. يعني الحين بناتنا كلهم ملاك ولا شبابنا..
بكل بلد الزين والشين.. ولكل قاعدة شواذ..