كيوتل توفر الانترنت الجوال غير المحدود لعملاء هلا..بتكلفة 5 ريالات في اليوم..

[دايموند]

بتكلفة 5 ريالات في اليوم..
كيوتل توفر الانترنت الجوال غير المحدود لعملاء هلا


أعلنت كيوتل عن عرض جديد على خدمة الانترنت الجوال لعملاء خدمة "هلا"، توفر فيه أفضل قيمة للعملاء.

وخلال العرض الجديد سيتمكن عملاء كيوتل من النفاذ غير المحدود للانترنت الجوال مقابل تكلفة تبلغ 5 ر.ق. في اليوم.

وستتوافر هذه التعرفة الجديدة للانترنت الجوال لكل عملاء خدمة "هلا" من كيوتل. وسيسري هذا العرض من 14 يوليو حتى 14 أغسطس 2011.

وسيتم احتساب هذه التكلفة بدلاً من التعرفة السابقة البالغة 10 ر.ق. مقابل كل 1 ميجابايت من البيانات، مما يوفر قيمة عالية جداً لعملاء خدمة "هلا".

وللاستفادة من العرض الجديد، باستطاعة عملاء "هلا" إرسال رسالة قصيرة تتضمن كلمة DATA إلى الرقم 121.

وعند تفعيل الخدمة، سيتم احتساب التكلفة فقط على الأيام التي قام فيها العملاء باستخدام الانترنت، وسيكون بوسعهم استخدام الإنترنت الجوال غير المحدود طوال اليوم. وفي كل يوم يستخدم فيه عملاء "هلا" الإنترنت، سيتمكنون من تصفح الإنترنت غير المحدود حتى منتصف ليل ذلك اليوم.

وتعكس الأسعار الجديدة طلب عملاء كيوتل القوي وحاجتهم إلى النفاذ إلى الانترنت الجوال. فمع استخدام المزيد من العملاء لهواتفهم الجوالة بغرض الدخول إلى مواقع التواصل الاجتماعية المفضلة لديهم، أو البحث عن أحدث الأخبار، تسهل كيوتل عليهم النفاذ إلى الانترنت طوال اليوم، وبتكلفة معتدلة.

وتسهم التعرفة الجديدة في توفير قيمة عالية للعملاء، وتمكنهم من الارتباط بشبكات التجوال الأكثر وثوقاً في قطر، والاستمتاع بتصفح مواقعهم المفضلة على الشبكة العنكبوتية.

وتوفر خدمة الانترنت الجوال من كيوتل قيمة فورية لعملاء خدمة الاتصالات الجوالة مسبقة الدفع، ممن يستخدمون الانترنت الجوال بشكل خفيف طوال اليوم.

كما تقدم كيوتل أيضاً مجموعة من باقات الإنترنت الجوال، وباقات "الشهري" القيمة، التي توفر قيمة أفضل مع حجم بيانات ممنوح للعملاء.

يذكر ان اتصالات قطر (كيوتل) هي شركة خدمات اتصالات متنوعة تعمل في 17 دولة. وتكمن رؤيتنا في أن نكون من أكبر 20 شركة اتصالات في العالم بحلول عام 2020 من خلال التوسع في منطقة الشرق الأوسط وشمال أفريقيا وجنوب شرق آسيا.



المصدر جريدة الشرق
http://www.al-sharq.com/articles/more.php?id=250472




امممم يعني في الاسبوع 5*7= 35 ر.ق...

وفي الشهر تقريبا 35*4=140 الى 150 فالشهر...

طبعا من الوهلة الاولى الكل على باله انه العرض دائم لكن بعد قراءة الموضوع كامل يكتشف انه عرض مؤقت..!!!

كيوتل دائما تحب ان تضع اعلانات غامضة ...

[khalid Qtr]

الي عنده بلاك بيري ما يحتاج هالخدمة ، لان النت مفتوح ما عدا اليوتيوب على خدمة البي بي

هذي تنفع حق الي عنده آي فون او جلاكسي

عموما 150 ريال في الشهر كثير شوي :anger1:

[عزيزوف]

والله يا ريت يا كيوتل لو تخلونه عرض دايم حرااااااااااااااااام ليش مؤقت



صح ما نحتاجه حق البي بي لكن حق الاي فون نحتاجه

ونقول فوق اصعدي فوق اصعدي >>>>>>> شدخل :(

[ودي أكون]

الي عنده بلاك بيري ما يحتاج هالخدمة ، لان النت مفتوح ما عدا اليوتيوب على خدمة البي بي

هذي تنفع حق الي عنده آي فون او جلاكسي

عموما 150 ريال في الشهر كثير شوي :anger1:

صحيح .. لو يخلونها دايمه وعالايفون .. كان فله :tease:

[STAR]

صحيح .. لو يخلونها دايمه وعالايفون .. كان فله :tease:

:victory::victory:

[TEAMspirit]

للايفون ما ينفع كرت هلا للشهري اوكي عشان تشترك بلانترنت الجوال

[راعي ال VXR]

انا مشترك في خدمة الانترنت على الايفون ال 1 غيغا رسوم شهري 100 ريال
الانترنت بطيئ جدا وفاشل وكل ما جيت اتصفح الانترنت يطلع لي لاتوجد خدمه
وغيرت الجوال لكن للاسف ....المبلغ مدفوووع ومخصووم مقدما والخدمه بطيئه جدا بحيث انها ترفع الضغط وفي الغالب لاتوجد خدمه
اليس هذا كسب اموال الشعب دون مقابل

[نيساني]

واااااجد زين!

[م. عبدالعزيز]

ممتاز ،، هذي اعتقد اول نتائج حملة حقوقنا يا كيوتل اللي صارت في تويتر :)

[Qatarianes]

والله يا ريت يا كيوتل لو تخلونه عرض دايم حرااااااااااااااااام ليش مؤقت



صح ما نحتاجه حق البي بي لكن حق الاي فون نحتاجه

ونقول فوق اصعدي فوق اصعدي >>>>>>> شدخل :(

الا وانت الصاج فوق اصعدي وفوق افشلي :rolleyes2:

[بوعلي2]

عروض التعبئه للفودافون حق النت افضل

خصوصا لاصحاب الايفون

تعبئه 50 للنت او 100 او 200 والجيجا شي خيالي

الله يحفظ لنا فودافون ويهديها تعدل ارسالها هههههههههههههههههههههه => متعقد من الارسال

[الخـود]

انا ما عندي بي بي
<< ضد التطور ^^
يعني بس يسحب 5 ريالات واستخدم النت على كيفي @@ ؟؟ والله طيبين كيوتل :)

[بوخالد88]

نبغي الخدمة علي طووول

يعطيك العافية


بالتووووفيق

[TEAMspirit]

كيوتل سوت الخدمة هذي خلال فتره نص الناس مسافره فقلت المدخولات وخف الضغط على الشبكه فلذا قامت بهذه الحركه و لين الناس ترجع من السفر مستحيل يتم الحال حق العرض لانه راح يصير ضغط رهيب على الشبكه فماراح يستفيد المستخدم من كثرة الضغط على الشبكه وكيوتل من حلاة الشبكه اكيد ما عندها المقدره على الضغط هذا تحليلي المتواضع وبكره نشوف .

[bohilal191]

هل النت على الهلا بيكون ارساله قوي في مدينة ألعاب فيلاجيو واللي نعاني منه حاليا على الشهري وعلى البلاك بيري

[فقط قطر]

كيوتل...وما ادراك ما كيوتل...
بس الامل في فودافون......

[ام السعف]

اللحين الشبكة بروحها تعبانة يروحون يقدمون عليها عروض

اكره كيوتل

[boali]

اليوم عبيت رصيدي علشان اشترك في الخدمة طيروا مني ثلاثين ريال واتصلت فيهم وقدمت شكوى وقالوا بيردون علي.

[STAR]

اليوم عبيت رصيدي علشان اشترك في الخدمة طيروا مني ثلاثين ريال واتصلت فيهم وقدمت شكوى وقالوا بيردون علي.

:eek5:
يعني السالفة اخرطي..‏!!‏

[بوعلي2]

اليوم عبيت رصيدي علشان اشترك في الخدمة طيروا مني ثلاثين ريال واتصلت فيهم وقدمت شكوى وقالوا بيردون علي.

نفس الشي باقوا فلوسي ولافتحت الخدمه وسويت كل الي قالوا عليه ومافتحت

وخلاص فلوسي راحت وحطيت كرت الفوافون بدل كيوتل :)

لو متبرع بهالفلوس ابرك الله كريم

[bohilal191]

كل واحد يعبي ب5 ريال فقط ويشغل الخدمة ويجربها واذا اشتغلت يروح يعبي قبل الساعة 12

[راقي]

صراحه ماااااحب كيووتل افففففف تنرفزني .. !! //

[فقط قطر]

نفس الشي باقوا فلوسي ولافتحت الخدمه وسويت كل الي قالوا عليه ومافتحت

وخلاص فلوسي راحت وحطيت كرت الفوافون بدل كيوتل :)

لو متبرع بهالفلوس ابرك الله كريم

عادي الله يسلمك.....
هذي كيوتل.....

[آخر الفرسان]

العرض مؤقت ولا فترة الاشتراك هو المؤقت

ياحب كيوتل لهالسوالف الغامضة

[م. عبدالعزيز]

انا مشترك بالخدمه ، وكل يوم الصبح يجيني على الايفون مسج تم خصم 5 ريال ،،
والنت بلاش ماياخذون زياده عن ال 5 ريال ،،، والعرض مكتوب بالخبر بالاحمر والخط العريض والمسطر لين 14-8-2011

[بوحارب]

العرض سخيف :(_

[السنافية]

انا مشترك بالخدمه ، وكل يوم الصبح يجيني على الايفون مسج تم خصم 5 ريال ،،
والنت بلاش ماياخذون زياده عن ال 5 ريال ،،، والعرض مكتوب بالخبر بالاحمر والخط العريض والمسطر لين 14-8-2011


انا اشتركت بالخدمة وجاني مسج تم الاشتراك بس ليمى الحين ما تفعلت الخدمة ولا فتح النت عندي على الايفون ماعرف ليش !!
:weeping::weeping:

[م. عبدالعزيز]

انا اشتركت بالخدمة وجاني مسج تم الاشتراك بس ليمى الحين ما تفعلت الخدمة ولا فتح النت عندي على الايفون ماعرف ليش !!
:weeping::weeping:
روح على settings
عقب general
عقبnetwork
عقب data
بتلاقي اول فراغ ، APN اكتب فيه
gprs.qtel

وارجع سو back
وعيد تشغيل الجوال ، وراح يشتغل وياك ان شاء الله

[shadad]

روح على settings
عقب general
عقبnetwork
عقب data
بتلاقي اول فراغ ، apn اكتب فيه
gprs.qtel

وارجع سو back
وعيد تشغيل الجوال ، وراح يشتغل وياك ان شاء الله

بو سعود ..مساك الله بالخير .

الحين العرض هو مؤقت والا التسجيل مؤقت ؟ يعني مثال ...هل الانترنت بيتم عندك محدود لبعد انتهاء المدة يعني قول للسنه الجايه ..هل بيتم الخصم منك ريال يوميا وانت بتم تستخدم الانترنت اللمحدود لقدام ..والا التسجيل والاستخدام بس لمدة هاي الشهر ؟!

واشلون سرعة اليوتيوب معاك ؟..

[Right]

ما يسوى العرض

[م. عبدالعزيز]

بو سعود ..مساك الله بالخير .

الحين العرض هو مؤقت والا التسجيل مؤقت ؟ يعني مثال ...هل الانترنت بيتم عندك محدود لبعد انتهاء المدة يعني قول للسنه الجايه ..هل بيتم الخصم منك ريال يوميا وانت بتم تستخدم الانترنت اللمحدود لقدام ..والا التسجيل والاستخدام بس لمدة هاي الشهر ؟!

واشلون سرعة اليوتيوب معاك ؟..
مساك الله بالنور الشيخ ،،

اخوي الغالي مكتوب بالخبر انه العرض من تاريخ 14-7 لين 14-8 ،، انا حاليا مشترك فيه على الايفون واشتركت اول مانزل العرض، فكل يوم الصبح يجيني مسج تم خصم 5 ريال للانترنت ،،

هالشي راح يتم متكرر لين تاريخ 14-8-2011 عقبها ماندري هل بيستمر العرض او بيسوون عروض ثانيه او بيوقفون العرض ويرجع نفس السعر القديم ،،، وطبعا بأي وقت اقدر اوقف خصم ال5 ريال اليوميه ..

بالنسبه لليوتيوب زين عندي مع انه احيانا يقطع لما اكون داخل البيت بالطابق الارضي،، لانه ارسال الثري جي ضعيف فتتحول الشبكه لل 2g والسرعه ابطأ .. وهو بالنهايه يعتمد على منطقتك اذا فيها ارسال ثري جي ولا لا ...

وحياك الله

[Qatar-Qa]

انه عن نفسي مشترك في فودافون والميزه هي ان
كل 2 جيجا ب 100 ريال
ومايسحب في الشهر الثاني بعد 100 الا لما تخلص ال 2 جيجا
والصراحه الارسال تحسن واييد وبالنسبه لي فرق احسسسن من كيووتل في النت

[السنافية]

روح على settings
عقب general
عقبnetwork
عقب data
بتلاقي اول فراغ ، APN اكتب فيه
gprs.qtel

وارجع سو back
وعيد تشغيل الجوال ، وراح يشتغل وياك ان شاء الله


تمت العملية بنجاح :victory:
تسلم اخوي م عبدالعزيز

[ام السعف]

انه عن نفسي مشترك في فودافون والميزه هي ان
كل 2 جيجا ب 100 ريال
ومايسحب في الشهر الثاني بعد 100 الا لما تخلص ال 2 جيجا
والصراحه الارسال تحسن واييد وبالنسبه لي فرق احسسسن من كيووتل في النت


تبي الصراحة جربت النت من فودافون على جالكسي اس ،، كان كلش مب حلو
جربت النت المجاني وعقب كنت اعبي شهرين بخمسين ريال ،، ويفصل النت
وما اقدر اتصفح واتلعوز لو كنت برع البيت ،، فما كنت استفيد

حاليا مع خدمة كيوتل بو 100 ريال للأمانة النت افضل مليون مرة
هل السبب في اني استخدم Htc والا الخدمة بالفعل احسن،،

وان كنت اميل الى فكرة ان ارسال كيوتل اقوى من فودافون في انترنت الجوال ،،

[شيط ويط]

يعطيهم العافيه الصراحه عرض متميز .. خصوصا انه غير محدود .. :nice:

[شيط ويط]

انه عن نفسي مشترك في فودافون والميزه هي ان
كل 2 جيجا ب 100 ريال
ومايسحب في الشهر الثاني بعد 100 الا لما تخلص ال 2 جيجا
والصراحه الارسال تحسن واييد وبالنسبه لي فرق احسسسن من كيووتل في النت

فعلا ارسال فودافون في انترنت الجوال اسرع .. جربت مع واحد من الربع .. والزين فيهم يطرشون لك مسج انه تبقى لك مثلا 2 ميغا .. عشان تحاسب

[ام السعف]

يعطيهم العافيه الصراحه عرض متميز .. خصوصا انه غير محدود .. :nice:

صح لأن غير المحدود على الفاتورة 400 ريال .....> بل عليهم :(