ما الاشياء الي تزيد سعر البناء؟

[MAZEN37]

السلام عليكم
من عنده فكره عن الاشياء الي تزيد مصاريف البناء؟
في اي شيء او فكره ؟
لحد يبخل علينا

[بن غيث]

الاشياء التي يمكن الاستغناء عنها في البناء ...؟؟
الاشياء التي ترفع تكلفة البناء ... ولا يمكن الاستغناء عنها ؟؟

[خالد32]

الخرسانة و الحديد

[شموخ دائم]

,

,


مرحبا

موضوع طيب

هناك اشياء كثيره ترفع السعر

ولو اني اشوف اكبر مشكله تواجه الناس هي

1- مساحه المنزل

هذي اكبر مشكله يطيح فيها الي اول مره يعمل خريطه
كل شوي يوسع ويضيف وحنا احتياجاتنا كثيره
فالشخص ينظر الى احتياجاته بكل شي ولا ينظر الى الميزانيه المتاحه

2- كثره الخرسانات في اماكن مالها داعي مثل ( كورنيش السطح يكون من خرسانه )
هذا تكلفه مالها اي داعي

3- خرسانات ديكور على السور ممكن نعمل الديكور في البلاستر بيطلع ارخص بكثير

4- مواصفات العاليه في البيت

على سبيل المثال الرخام الغالي الشبابيك الدبل قلاص الابواب الغاليه
السيراميك من النوع فوق المتوسط


لو حطينا كل بند لوحده وجمعناهم بيطلع مبلغ كبير

ولو رجعنا عدلنا في نفس البنود ممكن ينزل السعر الى النصف تقريبا
على حساب المواصفات طبعا


ملاحظه

الله يرحم ايام شيبانا تربينا في بيوت 3 غرف نوم وحمامين الله يعز الجميع
وعدد افراد الاسره 9 والبيت كله مافيه غير تلفزيون واحد ونفر الاريل ومافي غير قناه قطر طالعه وايام الرطوبه تطلع بوظبي والسعوديه
ههههه

ولا يوجد ملاحق نهائيا بالبيت
ومع الايام صاروا يبنون ملحق ومطبخ خارجي الحياه كانت بسيطه وعايشين على قدهم

:)

,


,


اخوك


شموخ دائم

[ماجد]

,

,


مرحبا

موضوع طيب

هناك اشياء كثيره ترفع السعر

ولو اني اشوف اكبر مشكله تواجه الناس هي

1- مساحه المنزل

هذي اكبر مشكله يطيح فيها الي اول مره يعمل خريطه
كل شوي يوسع ويضيف وحنا احتياجاتنا كثيره
فالشخص ينظر الى احتياجاته بكل شي ولا ينظر الى الميزانيه المتاحه

2- كثره الخرسانات في اماكن مالها داعي مثل ( كورنيش السطح يكون من خرسانه )
هذا تكلفه مالها اي داعي

3- خرسانات ديكور على السور ممكن نعمل الديكور في البلاستر بيطلع ارخص بكثير

4- مواصفات العاليه في البيت

على سبيل المثال الرخام الغالي الشبابيك الدبل قلاص الابواب الغاليه
السيراميك من النوع فوق المتوسط


لو حطينا كل بند لوحده وجمعناهم بيطلع مبلغ كبير

ولو رجعنا عدلنا في نفس البنود ممكن ينزل السعر الى النصف تقريبا
على حساب المواصفات طبعا


ملاحظه

الله يرحم ايام شيبانا تربينا في بيوت 3 غرف نوم وحمامين الله يعز الجميع
وعدد افراد الاسره 9 والبيت كله مافيه غير تلفزيون واحد ونفر الاريل ومافي غير قناه قطر طالعه وايام الرطوبه تطلع بوظبي والسعوديه
ههههه

ولا يوجد ملاحق نهائيا بالبيت
ومع الايام صاروا يبنون ملحق ومطبخ خارجي الحياه كانت بسيطه وعايشين على قدهم

:)

,


,


اخوك


شموخ دائم

اي والله يازينها من أيام
على طاري الاريل بعد فترة نزلت الماكينة اللي تفر الاريل بشكل اوتوماتيكي ولما نزل هالجهاز كان ثورة بالنسبة لنا !!!
الله يالدنيا

[خالد32]

الديكورات مثل الكرنيش و الاشياء الي تحتاج نجاره للصبيه مثل الدرايش المقوسه و الدرج الدائري و ديزاينات الطوف البارزه
و عندك خرسانة السقف توفر فيها بان تخليها هوردي
و اهم شي هو المصمم للبيت
اذا المهندس بيحط حديد و خرسانه عشان عماره 10 طوابق حق بيت دورين اكيد بيكون البنا غالي

[كنونة]

للرفع

[alnoida]

,

,


مرحبا

موضوع طيب


اخوك


شموخ دائم

صراحه أنك جبتها
على قد امكانياتك عيش حياتك

عندي اثنيين من الفريج نفس الامكانيات الماديه ولكن التفكير مختلف

الأول
حدد مصطح البناء والملحق في الأرض
بداء ببناء الملحق ( لكن ملحق راقي ) وقال في المستقبل إن شاء الله أبني البيت الرئيس
الأن الملحق واسع وكفاية لي ولزوجتي وبنتي
الشهادة لله الرجل مرتاح نفسياً ... حتى خدوده مورده
من أقواله -> أنا اللى بعيش في البيت وأنا اللى بادفع التكلفه ايش علي من الناس
عموما الناس مايتركون حد في حاله

الثاني
صمم بيت فخم
ولا زال يدقدق فيه .. كل ماتنتهي سلفه ياخذ غيرها
مع العلم أنه بادي بمده قبل صاحب الملحق

[MAZEN37]

الديكورات مثل الكرنيش و الاشياء الي تحتاج نجاره للصبيه مثل الدرايش المقوسه و الدرج الدائري و ديزاينات الطوف البارزه
و عندك خرسانة السقف توفر فيها بان تخليها هوردي
و اهم شي هو المصمم للبيت
اذا المهندس بيحط حديد و خرسانه عشان عماره 10 طوابق حق بيت دورين اكيد بيكون البنا غالي
شاكر الجميع
بس اخوي انت تتكلم في حديد وخرسانه
لازم ننتبه حتى لو غاليه
وش الفرق بين الكنكري الهوردي؟
وتقليل الحديد بالسقف يضر؟
انت بتبني بيت مب ملحق
بالنسبه لديكور الدرايش القوس ترا يزوود السعر بينما ممكن تسوه سيده وتسو عليه عقب الجبس الدائري

[خالد32]

كلامك صحيح
بس في بعض المهندسين يحطون زياده بكميه مبالغ فيها لانهم ما يبون يعورون راسهم بالحسبه
السقف الهوردي الي يكون فيه طابوق باين من تحت و يكون للصالات و المساحات الكبيره
ميزته انه يوفر الخرسانه و خفيف و عازل للصوت و الحراره اكثر من السقف العادي

[بن رومي]

السلام عليكم

احب اتكلم عن (( بعض )) اسباب زيادة تكاليف البنيات (( فقط في العظم ))

وما على الأعضاء من زود

1 - اكبر سبب هو التصميم وكل تصميم وله وزن معين يقدرة الاستشارة (( وزن ميت و وزن حي ))
الوزن الميت : هو البيت كامل من السقف الى القواعد
الوزن الحي : هو المتحرك مثل الاثاث الخ ...

" وعلى اساسين يعتمد تصميم القواعد من حجمها وحديدها
1- الوزن الكللي
2- نوعيت الارض : مثلاً قواعد الارض الصلبة غير الارض العادية غير السبخة وهلم جره
ويجب على المصمم الاستشاري الزيارة الميدانية للارض وعمل تحليل للتربة . على معطيات التحليل والزيارة يتم تحديد حجم القواعد ونوعية الخرسانة وحجم الحديد (( مقاومة للأملاح او عادية .. والحديد عادي او معزول )) ..

من المواقف اللي مرة علي (( كنت ابني لزبون وفي المواصفات الفنية اللي في الخرايط .. يجب ان تكون خرسانة القواعد الى الفونديشن src مقاومة للأملاح ( وهذه توضع في السبخات والاراضي المدفونة القريبة من البحر ) سالناه هل المصمم زار الموقع قالي لا والموقع بعيد كلياً من البحر و غيرة .


2- كل ما زادت مساحة الغرف او غيرها كل ما زاد الحديد في المتر المربع في السقف (( مثال غرفه 4 في 4 تاخذ غاط واحد حديد 12 او 14 ملم والغاط الثاني خمس الطول لتدعيم
غرفة 5 في 7 تاخذ غاطين حديد 12 او 14 ملم

فيكون مثلاً مسطح المتر المربع في سقف الغرفه الصغيرة ياخذ 30 كيلو والغرفة الكبيرة ياخذ 50 كيلو (( هذا مثال تقريبي )) وهلم جره

وعلاوتاً على هذا الكمر او الجسر في الغرف الصغيرة يكون صغير مثلاً من 30 الى 40 وفي الغرف الكبيرة يصل الى 60 فهذا دبل عن ذاك

وبالنسبة للعمدان كذالك يزيد الحجم والحديد بزيادة المساحة المطلوبة ..


3 - بالنسبة للزينة (( الوارش الخرساني ، تحلية الدرايش من الخارج بخرسانة ، درج دائري ، اقواس خرسانية ، عمدان دائرية )) كل هذا يزيد من السعر (( ويطلب النجار من المقاول باخذ هذا العمل بمبلغٍ ما لانه ياخذ وقت كبير وجهد )) وعليها يزيد من سعر البناء

4 - الطابوق امره سهل الطابوقة الاسمنتية 2.5 والطابوق الاحمر اغلى والطابوق المعزول اغلى بكثير عن العادي

5 - البلاستر ومنه انواع (( وهذا اغلب الاحيان المالك لا يعرف عنه شئ ))
1- نوع يتم استلامه بالذراع الالمنيوم (( للتاكد من عدم تموجه )) سعره عادي
2- ونوع *يتم عمل علامات من البلاستر في كل مترين او ثلاثة على منسوب واحد ويمد الخيط بينهم ويستلم من الاستشاري وبعدها يبدأ العمل ..... وهذا افضل ويكون اغلى
3 ونوع يسمونه تربيع وتأكيس وهو افضلهم على الإطلاق واغلاهم (( وانصح فيه ))

(( في مادة كيميائية تخلط مع الطرطشة قبل البلاستر تعمل على تقوية وصلابة الطرطشة ))

6- طولت عليكم والبنيان بحر وهذا باختصار


بن رومي

[بن رومي]

السقف الهوردي الي يكون فيه طابوق باين من تحت و يكون للصالات و المساحات الكبيره
ميزته انه يوفر الخرسانه و خفيف و عازل للصوت و الحراره اكثر من السقف العادي

كلامك صحيح

بس مايوفر ولو يوفر شي بسيط لانه سماكة الصبية العادية 15 سم

والهوردي 30 واقل شي 28 سم

لانه ارتفاع الطابوقة 20 سم ولازم اتكون الخرسانة فوقة من 8 الى 12 سم

وشاكر لصاحب الموضوع جداً جداً ممتااااااز


والله يوفقك*

[آخر الفرسان]

السبب هو طلبات الزوجة اللي ماتخلص

ههههههههههههه دعابة فقط

شئ طبيعي بيكون اهم سبب هو تصميم البيت نفسة والمساحة

كل ماكبر البيت كل مازادت امور البناء من حديد وخرسانات وطابوق وغيرها من امور


بالتوفيق

*

[MAZEN37]

لو فرضنا صاله 8 *10م يعني على قولتك بيزيد الحديد وخرسانة الاعمده
ووو - ولو كانت 4*5 غرفتين ما بيزيد السعر؟
طيب ممكن يسوي الجسور العلويه على غرفتين 4*5 وبيطلع احسن بالتوفير

[بن رومي]

لو فرضنا صاله 8 *10م يعني على قولتك بيزيد الحديد وخرسانة الاعمده
ووو - ولو كانت 4*5 غرفتين ما بيزيد السعر؟
طيب ممكن يسوي الجسور العلويه على غرفتين 4*5 وبيطلع احسن بالتوفير

طال عمرك يسير ليش ما يسير

على خبرتي البسيييطة سقف الصاله بيكون هوردي واقل سماكة للبلاطة 35 سم ويكون ملييان حديد وبيكون الكمر كبير جداً جداً واقل شي بيكون هناك 6 عمدان كبيرة وبين العمودين
اللي فالنص بيكون كمر يحمل ويدعم السقف واقل شي بيكون 60 سم بيكون مظهرة كريه
وهذا التوزيع بيخليك اتكبر القاعدة نسبياً وكل شي له شي

كل شي بيستوي وكل شي له ميزانية

[بن رومي]

في طريقة تبني فيها الملاحق وهية طريقة آمنه جدى بس غير معتمدة في قطر

(( في بلدان عربية كثيييرة يستخدمونها في بناء عماير من 6 طوابق وانت نازل ))

معتمده هندسياً لحد يتخرع

وهية الحوائط الحاملة لها مميزات وعيوب (( تبني طابوق واتصب علية السقف )) نفس اعزكم الله البالوعة من غير عمدان

اولا تعمل قواعد شريطية وتبني عليها الطوفة وفي النهاية تشد السقف واتصبة خرسانة

مع مراعات ان يكون اكبر عرض 4 متر والطول من 5 الى 6 وتكون الدرايش من 80سم الى متر و20سم
ولا تلغي اي طوفة مستقبلاً ويكوم اعلى الباب خرسانة لتحمل ضغط السقف ...

انا هالطريقة باذن الله بسويها في بنيان الملاحق

ارخص واسرع ولا يوجد اي وزن فوق الملاحق الا درام الماي (( يكون محمل على تأكيس طوفتين )) والسلام

بن رومي

[بن غيث]

بن رومي .. طال عمرك هذه الطريقة انا شفت مقاولين شغالين فيها في بناء الفلل في قطر من فتره طويله

[بن رومي]

بن رومي .. طال عمرك هذه الطريقة انا شفت مقاولين شغالين فيها في بناء الفلل في قطر من فتره طويله



هلا بن غيث .......

صادق بس هية غير معتاد عليها الشعب القطري ومقارلين قطر ......

وبكل امانه انا ماشفتها فالدوحة لو شفتها كان ذكرتها .....

وانت المعلم .... الا انا توني في المهد .......

اسال الله ان يبارك لك في شركتك الفريدة من نوعها ......

ويجعل لها القبول ......

بن رومي

[MAZEN37]

طال عمرك يسير ليش ما يسير

على خبرتي البسيييطة سقف الصاله بيكون هوردي واقل سماكة للبلاطة 35 سم ويكون ملييان حديد وبيكون الكمر كبير جداً جداً واقل شي بيكون هناك 6 عمدان كبيرة وبين العمودين
اللي فالنص بيكون كمر يحمل ويدعم السقف واقل شي بيكون 60 سم بيكون مظهرة كريه
وهذا التوزيع بيخليك اتكبر القاعدة نسبياً وكل شي له شي

كل شي بيستوي وكل شي له ميزانية
لا هنت يا بن رومي
طيب الحين وشوا الافضل بالجوده مع السعر؟
وسؤالي الحين السقف الهوردي يعزل الصوت افضل ام في نوع ثاني ؟
وش الشوره بارك الله فيك؟

[بو خليفه 123]

لا تنسون جشع التجار

[desert hunter]

سلام عليكم
زين اخواني الكرام
لو شركه عطتني سعر والشركه الثانيه سعر ثاني
والفرق تقريبا 100 الف ريال
هل في سبب معين لهالشي هل يعني يقلل من مواد البناء

اتمنى حد يفيدني وشكرا

[MAZEN37]

سلام عليكم
زين اخواني الكرام
لو شركه عطتني سعر والشركه الثانيه سعر ثاني
والفرق تقريبا 100 الف ريال
هل في سبب معين لهالشي هل يعني يقلل من مواد البناء

اتمنى حد يفيدني وشكرا
هني المشكله ومربط الفرس
اكيد محد بيخسر علشان سواد عيون المالك
كله على ظهره يعني ان بينزلك فهو على حساب الجوده والنوعيه
السؤال ؟
شلون الواحد يبني بيته وما عنده خبره
وبنفس الوقت تكون حسبة الحديد والخرسانه والسقف صحيحه وما تأثر على الجوده؟
ناس تقولك بعض الاستشاريين يحطون بزياده حديد وبالنهايه انا الي بدفع
طيب كيف اعرف الكميه الصحيحه والسليمه
للموضوع؟ خصوصا انه الاستشاري شغال من مبدأ الي بعده:rolleyes2:

[desert hunter]

هني المشكله ومربط الفرس
اكيد محد بيخسر علشان سواد عيون المالك
كله على ظهره يعني ان بينزلك فهو على حساب الجوده والنوعيه
السؤال ؟
شلون الواحد يبني بيته وما عنده خبره
وبنفس الوقت تكون حسبة الحديد والخرسانه والسقف صحيحه وما تأثر على الجوده؟
ناس تقولك بعض الاستشاريين يحطون بزياده حديد وبالنهايه انا الي بدفع
طيب كيف اعرف الكميه الصحيحه والسليمه
للموضوع؟ خصوصا انه الاستشاري شغال من مبدأ الي بعده:rolleyes2:

هاي الشي اللي يحير والله
فرق قريب ال 100 الف يعني مب بالمبلغ البسيط
ليش هالفرق هل الجوده اقل مثلا ولا شنو
الواحد هني يحتار والله ويقعد يفكر في هالفرق ليش

[خالد32]

صار معاي نفس الشي
واحد قال لي 800 و الثاني 980 الف عظم نفس المواصفات
ما اعتقد المواد بتفرق بالسعر 180 الف

[بن رومي]

سلام عليكم
زين اخواني الكرام
لو شركه عطتني سعر والشركه الثانيه سعر ثاني
والفرق تقريبا 100 الف ريال
هل في سبب معين لهالشي هل يعني يقلل من مواد البناء

اتمنى حد يفيدني وشكرا


وعليكم السلام

اخوي العزيز

في عدت اسباب ومنها يمكن الشركة الاغلى تطلب سعر اغلى لسمعتها في السوق ونظام بنائها بمواصفات عالية او لانها عندها اشغال كثيرة وزادت في السعر عشان شيئين اما ما تبغي تشتغلك او اذا اشتغلت لك يكون الربح مجزي لها , او سبب ان يكون مكان بيتك بعيد بالنسبة لها , او سبب لان الاوفر هد للشركة كبير ولابد من تغطيته وعندها طاقم من العمالة والمهندسين وغيرة . ((( او استغلال الوقت الحالي في بيوت التنمية وغيرها ))) أو خطأ في حسب تكاليف البناء وغيرة الكثير

وفي المقابل الشركة الارخص اعكس كل الاسباب , وغيرها يمكن هي شركة قنوعة في الربح , او هي جديدة في السوق , الخ

وفي كلتا الحالتين لازم تتاكد منة كل الشركتين من وجود مهندسيين للرجوع اليهم

ملاحظة مهمة : قطر ستيل زادت من 1/7/2011 في سعر الطن 85 ريال بالنسبة للحديد 10 مم وأكبر فسار مبلغ الطن 3050 ريال (( الحديد العادي )
وبالنسبة للحديد 8 مم زاد 40 ريال فسار الطن 3190 ريال

+++ يمكن اخذت السعر الارخص قبل 1/7 والغالي في شهر 7 مع تخوف الشركة من زيادة الاسعار المفاجئة +++

وفي كلتا الحالتين انت لابد اتحط استشاري امين امين امين
لانه في استشاريين ياخذون رشاوي :anger1: ويغض الطرف عن بلاوي ما يعرفها الا اللي عندة خبرة في البنيان




نصيحة اخو لا تروح ورا الاسعار :::::: وخاصة في البنيان

روح للشركات اللي سمعتها طيبة بين الناس واللي اتعرفهم بانيين عندهم (( ولو كانت أغلى نسبياً )) ,, ولا تبني عند حد من جماعتك عندة شركة مقاولات, عشان تبعد من المشاكل والمشاحنات ,

بن رومي

[بن غيث]

بن رومي ... والله العظيم اني مرات استفيد منك في شغلات اكون ناسيها او ما كنت ادري عنها
وانت اكثر واحد احب اتابع مواضيعه وتعليقاته
لانك شخص واعي وفاهم ومحترم
وان شاء الله نكون اصدقاء
اذا تسمح
وترسلي رقمك ع الخاص

[بن رومي]

بن رومي ... والله العظيم اني مرات استفيد منك في شغلات اكون ناسيها او ما كنت ادري عنها
وانت اكثر واحد احب اتابع مواضيعه وتعليقاته
لانك شخص واعي وفاهم ومحترم
وان شاء الله نكون اصدقاء
اذا تسمح
وترسلي رقمك ع الخاص

هذا وسام شرف واعتز فية

و قد قيل (( جالسو أُلو الألباب فإن العقول تُلَقِح العقول ))

وهذا اللي جالسين نفعله كل واحد يدلو بإللي عندة ..

وما مشاركة بن رومي إلا نقطة في بحر المنتدى ...

بن رومي

[MAZEN37]

هذا وسام شرف واعتز فية

و قد قيل (( جالسو أُلو الألباب فإن العقول تُلَقِح العقول ))

وهذا اللي جالسين نفعله كل واحد يدلو بإللي عندة ..

وما مشاركة بن رومي إلا نقطة في بحر المنتدى ...

بن رومي
في ميزان حسناتك يا بن رومي ويكثر من امثالك - ان شاء الله اخوان جميعا
كلامك منطقي وواقعي ,لو رجعنا للموضوع باسباب زيادة السعر في البنيان يدور في بالي سؤال ؟
هل تقسيمة الغرف فوق افضل وارخص بالبناء لو كانت مباشره تحت تقسيمة الغرف الارضيه هل الجسور والعمدان تختلف تقسيمتها في حالة اختلاف المقاسات وبهالشكل بيكون اكثر جسور ؟
وجزا الله من فاد واستفاد

[خالد32]

المفروض و الاصح ان العمدان تكون فوق بعض عشان تشيل الحمل
و كل ما تزيد حجم الجسور لازم تزيد حجم الاعمده
و اذا بغيت تغير توزيع الغرف بالدور العلوي تقدر اذا كان السقف هوردي لان الجسور بتكون جانبيه او مخفيه و بتكون ملتزم بالاعمده الاساسيه

الهوردي
http://thumbs.bc.jncdn.com/b024ee9163cc2a0f7c65d69861f17ddb_lm.jpg

العادي
http://thumbs.bc.jncdn.com/e4d9257de40ad5846e276df0de3ba1fb_lm.jpg



بس لازم تتأكد من المهندس و الاستشاري لانهم ادرى بتوزيع بيتك

[بن رومي]

في ميزان حسناتك يا بن رومي ويكثر من امثالك - ان شاء الله اخوان جميعا
شكراً يالغالي
كلامك منطقي وواقعي ,لو رجعنا للموضوع باسباب زيادة السعر في البنيان يدور في بالي سؤال ؟

هل تقسيمة الغرف فوق افضل وارخص بالبناء لو كانت مباشره تحت تقسيمة الغرف الارضيه
هل الجسور والعمدان تختلف تقسيمتها في حالة اختلاف المقاسات وبهالشكل بيكون اكثر جسور ؟

اخوي العزيز (( التقسيم يكون في حيز توزيع العمدان ))
ولا بد من ان تكون العمدان متعامدة مع بعض (( إلا في بعض الخالات يكون فيها زرع عامود وله شروط لابد من توافرها مثلا يكون الكمر اللي مزروع فية العامود مدعم جيداً جداً والعمود يكون من العمدان الصغيرة 20 في 20 او 20 في 30 ,, ولا يكون شايل حمل كبير (( يوضع في بعض الاحيان في غرف البنت هاوس ))
وبالنسبة لتقسيم الكمرات يعتمد على توزيع الغرف وكل ما اكبرت المساحة زاد في الحديد وارتفاع الكمر العمودية او الأفقية وتسمى (( مخدات ))

ملاحظة دائما الكمر العمودي اقوى بكثير من الافقي

مثال تقريبي اذا نبغي نبدل كمر مقاسة 20 عرض في 80 ارتفاع في نصف المجلس او الصاله لكبر المساحة
نضع كمر أفقي (( مخدة )) 150 سم عرض في 30سم ارتفاع في الهوردي ويكون تسليحة ما يقارب من 24 الى 28 سيخ 20 مم في المقابل يكون الكمر تسليحة 9 الى 12 سيخ 20 مم فقط


تسليح زاد في الكمر فقط 250% تقريبا لسبب جمالي

__ وتستخدم (( المخدات في الهوردي والمساحات الواسعة وتكون بدايتها من عمود وتنتهي لعمود او لمخدة ثانية وتكون مخفية في السقف وتكون في احجام مختلفة في العرض وارتفاعها نفس ارتفاع السقف (( لابد من وجودها في بعض الاماكن في بعض اسقف الهوردي او تكون بادئ سلم صغير خدمي في الطابق الاول اذا لم يتوفر تحتة كمر )) عيبها تستهلك كمية حديد كبيرة واغلى نسبيا لفني الحدادة )) بكل اختصار


وجزا الله من فاد واستفاد



اللهم امين


بن رومي