استفسار عن انواع الصبغ والجبس ورق جدران والديكورات

[MeMe MoOoON]

شو الحين الالوان اللي تفخم البيت بالصالات اللي دارجه بالسوق القطري وديزاين الجبس شلون يكون

ناعم ولا يكون فيه نقش وهل الحين رجعوا على الللون الذهبي بالجبس ولا راحت موضة الذهبي
حد يتكلم ويكون عنده فكره عن الديكورات بشكل عام .


لحد يقول موضة الديزاين المغربي لانه مش حلو بالنسبة لي دفش



افيدونا يا اصحاب الديكورات والذوق الرفيع:)

[QTR-SOUL]

بالنسبه لي مااحب التعتيق والذهبي الاوفر احس الرخام الفخم والسجاد الايراني وباقات الورد الصناعي اللي تشبهه الطبيعي والمساحات المفتوحه هي اللي تفخم البيتبس في ناس الله يهداهم قمه الدفاشه على ابو انه فخامه حلاته المكان مافيه لويث والجبس يكون في نقشه بس مب
نقشته مترين عرضها

يعني بالمختصر simple is abeauty
تحياتي

[MeMe MoOoON]

بالنسبه لي مااحب التعتيق والذهبي الاوفر احس الرخام الفخم والسجاد الايراني وباقات الورد الصناعي اللي تشبهه الطبيعي والمساحات المفتوحه هي اللي تفخم البيتبس في ناس الله يهداهم قمه الدفاشه على ابو انه فخامه حلاته المكان مافيه لويث والجبس يكون في نقشه بس مب
نقشته مترين عرضها

يعني بالمختصر simple is abeauty
تحياتي


انا ايدك المودرن احلى

[خالد32]

انا كرنيش مب مسوي فالجبس و مستحيل اصبغه لانه بيقيدني بديكور معين و تعال اصبغ كل ما بغيت تغير مخده او ستاره. سو حركات خفيفه في السقف بس طلعها بالاضائة
شوف لك حجر داخلي و حطه على طوفه وحده
سو فتحات جداريه جبسيه مع اضائة

simple is beauty
اكيد

[بن غيث]

كل واحد يحب ديكوره حسب شخصيته
وفي النهايه الي تختار الديكور الزوجه ... لانها اهي الي قاعده في البيت معظم الوقت
والمسألة كلها اذواق
لازم تستشير مهندس ديكور يشوف البيت ويأخذ اراكم ويحطلكم التصور
وبالتوفيق ان شاء الله

[بوالبيض]

يعني انا بسوي الصبغ في الصالات بيج ذهبي وبني فاتح عشا ن هي احسن الالوان تركب علي كل شي اما الجبس مسوي شي عادي ما فيه شي بارز واخف احسن معي الضبغ اما الدفاشه مشكله تخرب الديكور :)