هل توجد حرية للرأي والإعلام في قطر !! ؟

[Qtr95]

السلام عليكم ورحمة الله وبركاته ,,

سؤال ؟..
:shy:

عندنا حرية للرأي والإعلام في قطر !!؟

هل تقدر تروح وتنتقد (بدون تجريح) في الجرايد ؟..
هل تقدر تقول رايك بكل صراحة في الجرايد ؟..

نقدر ننتقد الحكومة , والمسؤولين ؟..
وكيف؟؟

شكرا !

[intesar]

نعم فيه حرية تتذكر موضوع الاسكان والفرق بين المواطنين انطرح بالجريدة وعادي ووزير التربية اللي انهان جامد هم عادي.. يعني الحرية موجودة بس بأدب ومن غير تجريح..

[Qtr95]

نعم فيه حرية تتذكر موضوع الاسكان والفرق بين المواطنين انطرح بالجريدة وعادي ووزير التربية اللي انهان جامد هم عادي.. يعني الحرية موجودة بس بأدب ومن غير تجريح..

أبي تكتب فالجريدة إشلوون ؟!

[قــ502ـطرالعز]

احنا بلد ديموقراطي اكيد فيه حريه في التعبير عن الرأي والراي الاخر ... بس مثل ماقال اخوي بدون تجريح

[Dawn]

لا مافيه حريه

انا مره خذت 3 جرايد لما قريت وحده منهم ومسكت الثانيه طلعت لي نفس الاخبار
ومسكت الثالثه وطلعت نفس الاخبار ... المصيبه بنفس الترتيب ونفس الاخراج ...

الحريه اللي عندنا مقيده .... مب كل شيء صالح للنشر ،،، وفيه اشياء مسموح للصحفيين بالكتابه عنها مثال وزير التعليم انا ما اعتبر اللي كتبوه عنه حريه صحافه ، بدليل انه لو كان وزير ثاني ما اظن انه راح يكتب عنه بنفس الطريقه ... لكن الصحفي تم توجيهه للهجوم على شخص محدد بالذات واهمل باقي الوزراء مثل وزير الصحه او وزير البلديه وغيرهم رغم ان فيه مشاكل وتقصير في اغلب القطاعات ،،، في نظري هذي ليست حريه .... هي حريه مقيده وموجهه ....

نعم صحافتنا افضل من غيرها ... لكن محتاجين المزيد من الحريه الحقيقية النابعة من الفرد نفسه

[اسعاف]

لا مافيه حريه


:secret::secret:

[سهم نيشان]

في شوي بس ليحن بعيدين من حرية الغرب في التعبير

[Qtr95]

أبي صفحة أكتب فيها للتغيير للأفضل
لأن في كتاب فقط يكتبون لهدف التجارة !!

[الخفي]

(( ابن الكواري ؛ صمم لك مدونه شخصيه واكتب فيها اي شي في خاطرك

ومع ذلك ستكون تحت الرقابه ولكن تشعرك بالاستغلاليه احيانا من تقيد

الصحف في مقال ومساحه معينه وفي وقت يحدده رئيس التحرير

اما المدونه فاكتب فيها بحريه))

[مهل]

السلام عليكم

اكيد مافيه حرية بالمعنى الحقيقي لحرية الرأي و الاعلام .

[Right]

نقدر نقول فيه حرية بس بإطارات وخطوط حمراء وفي نطاقات معينة وضيقة

[الأصيلة]

في شوي بس ليحن بعيدين من حرية الغرب في التعبير

امحق حرية ..حرية الغرب....
بالفلوس تقدر تشتري الأقلام وتمارس حريتك في كشف فضايح الناس
وبدون قيد أو مراعاة لـ قانون...
كثر ماتدفع كثر مايعطونك مجال للحرية...
وشوف الأقلام اللي تفضح الناس عرب أو أجانب كلها مؤجرة...

[Qtr95]

هل هناك إعلام يسعى للتغيير للأفضل ؟

[vtc_4.8]

Yeh, kink of

:)

[حسن]

اذا احنا عندنا مركز الدوحه لحريه الاعلام شلون ماعندنا حريه :victory:

[ام ناصر1]

مقارنة بالسابق والغابر من الايام ...ايه عندنا حرية ...بس مالها هدف ...لصالح التغير فقط هي للتعبير ...

[بلوتنيوم]

في حرية بالتعبير
بس مافي اعلام (قطري) يستغل هالمساحة او الحرية

[Strange]

حرية التعبير في كل الدول العربية بدون إستثناء في الصحافة المكتوبة والمرئية والمنتديات والمواقع الشخصية ينطبق عليها قول الشاعر

يُقادُ لسِجنٍ مَن سَبّ الزّعِيمَ وَمَن *** سَبّ الإِلَهَ فَإِنّ النّاسَ أحرَارُ

[سهم الخيانة]

نــعـم فـي حــرية بالتعبيــر بس مش بالكـلام


في الـرســم وأن لايتعـدى عمـر المعبـر ؟ عن 9 سنـوات

[سهم الخيانة]

السلام عليكم ورحمة الله وبركاته ,,

سؤال ؟..
:shy:

عندنا حرية للرأي والإعلام في قطر !!؟

هل تقدر تروح وتنتقد (بدون تجريح) في الجرايد ؟..
هل تقدر تقول رايك بكل صراحة في الجرايد ؟..

نقدر ننتقد الحكومة , والمسؤولين ؟..
وكيف؟؟

شكرا !


الله يذكرك بالخير يا أبن الكواري

الموضوع قضى عليك خلاص

وراح تطلع من س - ج وحالتك النفسيه مثل هذا :tease:

[العقل الحر]

اخوي لا حد يقص عليك ويوهقك

لا عندنا حرية ولا ديموقراطية ولا هم يحزنون

في الخليج كله بستثناء الكويت

اما مايميز قطر عن الخليج انى شيوخ قطر تاج على راس شيوخ الخليج ولا عندهم ظلم ولا طبقيه واذا لك حق بتاخذه من اكبر راس عكس الدول الخليجية الاخرى

ماقولك مافيه ظلم مطلق او عداله مطلقة ولكن عادلة بوجه عام

هذا من فضل اخو روضة جاسم العود الله يرحمه حكم فعدل ووصى عياله وعياله فيهم البركه طبقوا كلامه والمميز فيهم على قوله جدي انهم يشاركون الشعب افراحه واحزانه وماتحصل هذا الشي الى في قطر عن الخليج كله

اما حرية وديموقراطية مافيه والاعلام موجه والمنتديات مراقبة واليوتيوب مراقب والايميلات مراقبه والجوالات مراقبه والكتب الي تدخل قطر موجه

[ابوسعود]

محد يقدر يرد ويجزم بوجود حريه من عدمه

ولكن اقدر اقول هناك حريه ذاتيه يعني انت مسوول عن ماتقول

[سهم نيشان]

امحق حرية ..حرية الغرب....
بالفلوس تقدر تشتري الأقلام وتمارس حريتك في كشف فضايح الناس
وبدون قيد أو مراعاة لـ قانون...
كثر ماتدفع كثر مايعطونك مجال للحرية...
وشوف الأقلام اللي تفضح الناس عرب أو أجانب كلها مؤجرة...

انا قصدي
هل الكاتب في الغرب عنده خطوط حمره؟ في الغالب لا
هل الكاتب عندنا عنده خطوط حمره ؟ طبعاً

[الأصيلة]

انا قصدي
هل الكاتب في الغرب عنده خطوط حمره؟ في الغالب لا
هل الكاتب عندنا عنده خطوط حمره ؟ طبعاً

الخطوط الحمراء ضرورية لـ ضبط القلم حتى لايتعدى حدوده...
ويفقد اتزانه ....
عدم وجود هذه الخطوط يؤدي إلى ارتباك الآراء
وتضارب الأفكار والتمادي في النقد ...
وأغلب هذه خطوط حريتنا هي من
أمر الشرع الذي رسمها كـ إطار لهذه الحرية..
فقط هناك لديهم رد اعتبار يأخذونه بسرعة عن طريق المحاكم إذا ماحدث تشهير وقذف وتكون هناك مبالغ مرضية...
عكس محاكمنا التي لم أرى أنها أخذت حق أحد...

[Qtr95]

بعد التفكير ..

نعم هناك حرية في قطر !!
ولكن في تخوف من البعض !

[Dawn]

بعد التفكير ..

نعم هناك حرية في قطر !!
ولكن في تخوف من البعض !


اثبت ذلك
تخوف ندري عنه وانا كتبت في مشاركه سابقه عن خوف الشعب الزايد عن اللزوم ...
لكن الحريه يبيلها ذكر امثله لو تفضلت .....

[Qtr95]

يوم الثلاثاء اللي طاف ، تكلمت في تلفزيون قطر في "تواصل " والصراحة انتقدت لين
ما قلت بس ،، بدون أستخدام ألفاظ ..
هذا مثال جيد ؟

[Qtr95]

أنا حاليا في البحر وشابك من البلاكبيري ..
لين وصلت أرد انشألله ..

[CH Engineer]

في حرية ولكن ليست موجوده :rolleyes2:

ابن الكواري نصيحه مني لك ادخل الجامعه ودور لك على وظيفه وعين من الله خير

[Dawn]

ابن الكواري
قريت مشاركتي طبعا ...
هل لاحظت شي ؟؟؟

قامت الاداره مشكورة بالاجابه على تساؤلك ......

بالتوفيق ... وتمنياتي لك برحله بحريه ممتعه ..

[بوسلمان 2010]

السلام عليكم الحرية موجودة لاكن في حدود المسموح واذا تعديت الله يعينك ودمتم سالمين

[R 7 A L]

موجودة







ولكن بعد التنقيح و إعادة الفلترة بعناية

[بومحمد911]

نعم موجودة ولكن بكيف المسؤوليين

[المنتعش]

:nono:ابن الكواري تحمل لحد يقص عليك الحرية عندنا مثل الشداخه حاطينها عشان يصيدون ويعرفون اللي يتكلم وترك السوالف عنك

[صليب الراي]

اي نعم الحرية موجودة
لكن المشكلة في رؤساء تحرير الصحف اللي هم يتوهمون ان في رقيب و شديد عليهم لكن كل هذا وهم في وهم

[Kuwaiti88]

اخوي لا حد يقص عليك ويوهقك

لا عندنا حرية ولا ديموقراطية ولا هم يحزنون

في الخليج كله بستثناء الكويت

اما مايميز قطر عن الخليج انى شيوخ قطر تاج على راس شيوخ الخليج ولا عندهم ظلم ولا طبقيه واذا لك حق بتاخذه من اكبر راس عكس الدول الخليجية الاخرى

ماقولك مافيه ظلم مطلق او عداله مطلقة ولكن عادلة بوجه عام

هذا من فضل اخو روضة جاسم العود الله يرحمه حكم فعدل ووصى عياله وعياله فيهم البركه طبقوا كلامه والمميز فيهم على قوله جدي انهم يشاركون الشعب افراحه واحزانه وماتحصل هذا الشي الى في قطر عن الخليج كله

اما حرية وديموقراطية مافيه والاعلام موجه والمنتديات مراقبة واليوتيوب مراقب والايميلات مراقبه والجوالات مراقبه والكتب الي تدخل قطر موجه


اخي الفاضل جميع الأسر الحاكمه في الخليج والنعم فيها ...

بس أتوقع خانك التعبير يوم قلت شيوخ قطر تاج على روس شيوخ الخليج ...

فياريت تعدل ردك لأن تعبيرك خاطئ ولك جزيل الشكر ...

واهم تاج على روسنا كلنا ... :)

[na7ees]

نعم في حريه في امور كثيره. وفي نفس الوقت هناك شوارع حمراء اذا قطعتها أدعمتك تريله
*

[سلمان_1]

الحرية كلمة مطاطية و مثل ما يقولون (نسبية) تختلف من مجتمع الي اخر

لكن اذا بتقارن اعلامنا مع اعلام الدول المجاورة بتحصلة متوسط يعني الكويت و البحرين اكثر حرية منا و السعودية والامارات اكثر تشدد.

[La.Queen]

لا ياخوي مافيه .. واللي يقولك فيه يطنز عليك ...

[(بوطلال)]

يجب التفريق بيت الحريه الراقيه وابداء الراي بأدب واحترام للطرف الاخر وبين قلة الادب والوقاحه. البعض يخلط بين الحريه في الراي وبين قلة الادب والوقاحه والكذب والتدليس لذلك مثل ماقال احد الاخوه الحريه كلمه مطاطه ويجب ان نفهم مالمقصود بحرية الراي .

[فقيه زمانه]

شوف الله يسلمك لاحد يتفلسف وايد بتكلم في الصحة او التربية او البلدية او الطلعة الجديدة حماية المستهلك انت اوكيه ، وان حدت عن هذي الاشياء دخلت في المحظور الي الطلعة منه اصعب ما تكون ، :tease: