ابي وظيفه راتبها قوي

[9umt aljroo7]

]السلام عليكم

خواني ابي اقدم على اي وظيفه تسوي لي ابتعاث فالمدنيه تعليميه ويكون راتبهم قوي تكفون يالاجاويد تعبت من راتبي القليل مع اني ثانويه عامه ومشتغله صار لي خمس سنوات ولين هالحين على نفس الدرجه تعبت من الفقر والله مرات اتحسف على اني ماكملت الجامعه :weeping: ابي احد يساعدني ولكم الاجر

[طارق العلي]

ذبحني الجوع


فرصة لتعويد النفس على الصيام

[STAR]

اذبحج الجووع؟!!!‏

عالعموم حاولي
تلتحقين بكلية المجتمع..

[9umt aljroo7]

الحمد الله على كل حال شكوى لغير الله مذله

[جاسم القطري]

قدمي في كل مكان واذا لج نصيب بتاخذينه

[e7sas]

فقر!!:s وجوع!!


الله يعينج.. بس حاولي تقدمين على اي ابتعاث عن طريق شركات وايد ..:)


او دخلي كليه شي احسن من لاشيء

[ابوسعود]

السلام عليكم

خواني ابي اقدم على اي وظيفه تسوي لي ابتعاث فالمدنيه تعليميه ويكون راتبهم قوي تكفون يالاجاويد تعبت من راتبي القليل مع اني ثانويه عامه ومشتغله صار لي خمس سنوات ولين هالحين على نفس الدرجه تعبت من الفقر والله مرات اتحسف على اني ماكملت الجامعه :weeping: ابي احد يساعدني ولكم الاجر
ذبحني الجوع

السلام عليكم ورحمة الله
اختي قولي الحمدلله على النعمه
تعرفين سالفة الرواتب لاتقاس بالشهادات ولكن تقاس بحسب الجهه
على فكره ترا القناعه كنز اختي
روضي النفس على القناعه
لو راتبج مليون وماعندج قناعه
يعني طول عمرج ماراح ترضين باي راتب

[STAR]

او قدمي في القطاع الخاص

[شبح الصمت]

اختي دام شهادة ثانوية ما راح يعطونج أكثر من هالشيء لو شتسوين ..


أحنا ما نحطمك بس هذه كلمة الحـق ..

تبين يزيد راتبج ساعدي نفسـج حاولي تكملين الدراسة

الجامعات واجد ..

او حاولي تلتحقين في مؤسسة البترول وهم بينمونج في مجال التعليم ...

بيعطونج دراسة في شمال الاطلنطي وهالامور ..

اختي الواحد لا يقول ما اقدر ويتحسف ...

شيء قفـيتي منه لا تحسفين عليه الدراسة فاتتج اقولج غلط الدراسة ما تروح بس الانسان الي عمره يروح ...


الله يوفقج

واحنا اخوانج لا تزعلين من كلامنا بس الي يزعلنا الواحد يوم يتشكى وهو بيده يسوي كل شيء ...

[9umt aljroo7]

انتو حطيتوا المساله مساله قناعه ذا راتبي 8000 ريال وغيري نفس شهادتي 18 الف ريال من 8000 ريال اكل اخواني ولاعيالي ولانفسي شكلكم من عيال النعمه اللي ماتحسبون متي يجي اخر شهر ولاتوقف سيارتكم بنص طريق ماعندكم بترول

[9umt aljroo7]

مشكور اخوي شبح الصمت على الرد

[شبح الصمت]

انتو حطيتوا المساله مساله قناعه ذا راتبي 8000 ريال وغيري نفس شهادتي 18 الف ريال من 8000 ريال اكل اخواني ولاعيالي ولانفسي شكلكم من عيال النعمه اللي ماتحسبون متي يجي اخر شهر ولاتوقف سيارتكم بنص طريق ماعندكم بترول



الله يفرج همـج ويفك ضيقـتج ...

بس اختي ارجعي للأسباب هل الراتب ما يكفي احتياجاتج ...

او الكمليات الي اهي مخربه على العالم ...

[La.Queen]

من حقج تعيشين نفس غيرج .. بس الشكوى لغير الله مذله

شوفي البنوك صج كرف بس يعطونج راتب زين خاصه البنك التجاري وبتتطورين هناك

او ساعدي نفسج وكملي الجامعه والله بيفتحها عليج ...

وكثري من الصدقه والاستغفار .... اشفيني صرت مطوعه :)

[شيط ويط]

انتو حطيتوا المساله مساله قناعه ذا راتبي 8000 ريال وغيري نفس شهادتي 18 الف ريال من 8000 ريال اكل اخواني ولاعيالي ولانفسي شكلكم من عيال النعمه اللي ماتحسبون متي يجي اخر شهر ولاتوقف سيارتكم بنص طريق ماعندكم بترول

قدمي في نفس المكان اللي فيه ناس نفس شهادتج ورواتبهم 18 الف ريال .. والله يفرجها عليج

[9umt aljroo7]

والله العظيم انها مو كمليات بالعكس مرات اقصر على عمري عشان اخلي لي فلوس وقت الحاجه بس مايجي تاريخ 5 من شهر الا الراتب طاير

[9umt aljroo7]

قدمي في نفس المكان اللي فيه ناس نفس شهادتج ورواتبهم 18 الف ريال .. والله يفرجها عليج

عندج واسطه انا قدمت هناك بس مافيه وظايف ذا عندج وظفيني

[9umt aljroo7]

من حقج تعيشين نفس غيرج .. بس الشكوى لغير الله مذله

شوفي البنوك صج كرف بس يعطونج راتب زين خاصه البنك التجاري وبتتطورين هناك

او ساعدي نفسج وكملي الجامعه والله بيفتحها عليج ...

وكثري من الصدقه والاستغفار .... اشفيني صرت مطوعه :)


فديتج مشكوره ليت كلهم يردون نفس ردج بس البنك تجاري ربوي وانا اخاف من ذنب

[شبح الصمت]

والله العظيم انها مو كمليات بالعكس مرات اقصر على عمري عشان اخلي لي فلوس وقت الحاجه بس مايجي تاريخ 5 من شهر الا الراتب طاير

ما أقول الا الله يعينج اختي

ترى الخير عندج وعندنا ...

الي عليه التزامات تجاه اهله لا حول ولا قوة ..

اختي شاقول لج العالم الله بحالج وما نقدر الا بالدعاء لج ...

الله يرزقج رزق ما يخلص ويفتح لج ابواب الرزق الطيب ...

والحاضرين ...

اوقات النفس تعجز عن شيء وما لها غير الدعاء

[STAR]

انزين قدمتي في امن الدولة؟!!‏

قدمتي في البنوووك؟!!‏

[طارق العلي]

عندج واسطه انا قدمت هناك بس مافيه وظايف ذا عندج وظفيني


شيط ويط ياحظك صرت بنت . . متى اجيب امي تخطبك لي هههههه

[نوفا91]

الله يكون بعونج اختي ويفرج همج ..

[Mr. H]

إكتبي على جوجل " how to make money " راح تطلع لك عشرات المواضيع الي ممكن تساعدك عن كيفية كسب مزيد من المال بجانب الوظيفة ..

[La.Queen]

فديتج مشكوره ليت كلهم يردون نفس ردج بس البنك تجاري ربوي وانا اخاف من ذنب

الله يسلمج اختي ..

شوفي الديار .. بس الله يعينج ع البيئه قطريه بحت ما يحتاي اكمل..

كيوتل... اذا لج نصيب

واذا تبين راتب زين ابعدي عن الاماكن الحكوميه

والله يفرجها عليج ان شاء الله

[9umt aljroo7]

البعض يبي يقنعني مافيه حد نفسي وان هالشي مستحيل والله ان فيه غيري مثل حالتي اظاهر اللي يده فالماي مو مثل اللي يده فالنار
نسيت اني قطريه وهذا حجره عثر في طريقي وماراح تقبلون موضوعي لان القطريين في بالكم مالكين قصور وملايين

[STAR]

اختي اشفيج متسببة؟!!‏

احنا قاعدين نحاول نساعدج ونقترح عليج حلووول
وتقولين ان احنا مب مصدقينج..‏!!‏

اختي قدمتي في امن الدولة؟!!‏
رواتبهم قوية..

وحاولي تلتحقين بكلية المجتمع اذا سمعتي عنها...

[9umt aljroo7]

الحين لو سمحتوا
انتوا ركزتوا على الجوع والفقر
ونسيتوا سؤالي
اللي هو : وين القى وظيفة تعطيني ابتعاث لوحده من جامعات المدينة التعليمية؟؟

[CH Engineer]

8000 تكفي وزياده ماعندج مسؤوليه ولاشي
بس اذا تشوفينه مايكفيج كملي دراستج
او فكري بمشروع صغير

[ابوسعود]

كلمة الحق في هالزمن صارت تزعل

[الســيل]

]السلام عليكم

خواني ابي اقدم على اي وظيفه تسوي لي ابتعاث فالمدنيه تعليميه ويكون راتبهم قوي تكفون يالاجاويد تعبت من راتبي القليل مع اني ثانويه عامه ومشتغله صار لي خمس سنوات ولين هالحين على نفس الدرجه تعبت من الفقر والله مرات اتحسف على اني ماكملت الجامعه :weeping: ابي احد يساعدني ولكم الاجر

السلام عليكم اختى

قدمي على شركة قطر للغاز او راس غاز

دام انتى عندج خبره

وهالشركات يطورون القطرين يبعثونهم دورات

وانا بساعدك ان شاء الله

والله بفرجها عليج

[9umt aljroo7]

اختي اشفيج متسببة؟!!‏

احنا قاعدين نحاول نساعدج ونقترح عليج حلووول
وتقولين ان احنا مب مصدقينج..‏!!‏

اختي قدمتي في امن الدولة؟!!‏
رواتبهم قوية..

وحاولي تلتحقين بكلية المجتمع اذا سمعتي عنها...

:):) مو متسببه ولا شئ . . بس لانه البعض نرفزوني :shy:

جزاء الله خير كل من رد
لكن
امن الدولة صعبه اشتغل فيه :(


وكلية المجتمع قريت موضوع هنيه بالمنتدى يقول انهم الغوا اتفاقهم مع الفرع الام .. وبكذاا مب معترف فيهاا

[شبيــه الريح]

انزين قدمتي على البنوك قدمتي على التلفزيون بس اذا اختي بتقولين اهني ماقدر واهني مادري ايش بتطلعين

اسباب ترى صعب اتحصلين وظيفه

[روح الاطلس]

اختي انتي تبيين تكملين جامعة او تبين مكان راتبه عالي؟

مبين انج تبين الاثنين بوقت واحد

شوفي اختي تبين مكان يبعثج للجامعات الداخلية لازم تاخذين تخصص مطلوب مثلا هندسة

وقبل هاي حاولي تاخذين وظيفة بشركات البترول مثل قطر للبترول او شركات الغاز

بس لا تمنين نفسج وايد لان غالبا مافي مكان بيوظف شخص ويبعثه بنفس الوقت < شنو استفاد منه:)

طريقة شركات البترول في الابتعاث ( وهالكلام بعد على جهات ثانية)

اقل شي تكونين مشتغلة عندهم سنتين

بعدين لازم يكون عندج ايلز او توفل وغيرها من الامتحانات اللي تطلبها الجامعات ( لان القبول فيها صعب على اصحاب المستوى المتوسط ودون ذلك) لازم يكون الشخص عنده طموح ورغبة .. اذا شايفة نفسج لغتج الانجليزية ممتازة وعندج متطلبات الجامعات بيكون شي حلو وطيب


وانا ركزت على شركات البترول لانها هي الاغلب اللي تسمح بابتعاث موظفينهم

جربي قدمي عليهم

[همسه]

ليش صعبه تشتغلين في امن الدوله حد يحصل له يشتغل في امن الدوله و يرفض

اختي الشغله محترمه بتكونين اداريه على مكتب مافيها شي يعيبج و راتب قوي

انا قدمت لهم قالو نبي العمر بالكثير 23

فشلوني

:shy:

[Web-Master]

كملي الجامعة بالأول وعقبها فكري في الشغل
والله يوفقج

[36R]

المدينه التعليميه تقبل الطلاب الخريجين من الثانويه العامه الجدد

اما حالتج مشتغله خمس سنين وتبين المدينه التعليمه ما يصير

لازم تعيدين الثانويه ، وتجيبين معدل عالي ، لانج داخله منافسه مع طلاب غيرج والأولويه للمتفوق

High School Fresh Graduate

وتقدمين امتحان التوفل او الايتلس
وتقدمين امتحان السات او الاي سي تي


موفقه

[e7sas]

^^

اختي اذا تبين في المدينه التعليميه.. حوالي تشوفين وتسألين في قطر فاونديشن وهم بيقولون لج شتسوين او ع الاقل اتصلي.. وقولي انج تبين تدرسيين ..

لان الي اعرفه نفس شركات البترول والباقي يبتعثون على شمال اطلنطي او بره:)


وربي يساعدج ويفرج همج ان شاء الله

[9umt aljroo7]

8000 تكفي وزياده ماعندج مسؤوليه ولاشي
بس اذا تشوفينه مايكفيج كملي دراستج
او فكري بمشروع صغير

8000 هذا راتبي من غير الاقساط

و ربك كريم

[9umt aljroo7]

اختي انتي تبيين تكملين جامعة او تبين مكان راتبه عالي؟

مبين انج تبين الاثنين بوقت واحد

شوفي اختي تبين مكان يبعثج للجامعات الداخلية لازم تاخذين تخصص مطلوب مثلا هندسة

وقبل هاي حاولي تاخذين وظيفة بشركات البترول مثل قطر للبترول او شركات الغاز

بس لا تمنين نفسج وايد لان غالبا مافي مكان بيوظف شخص ويبعثه بنفس الوقت < شنو استفاد منه:)

طريقة شركات البترول في الابتعاث ( وهالكلام بعد على جهات ثانية)

اقل شي تكونين مشتغلة عندهم سنتين

بعدين لازم يكون عندج ايلز او توفل وغيرها من الامتحانات اللي تطلبها الجامعات ( لان القبول فيها صعب على اصحاب المستوى المتوسط ودون ذلك) لازم يكون الشخص عنده طموح ورغبة .. اذا شايفة نفسج لغتج الانجليزية ممتازة وعندج متطلبات الجامعات بيكون شي حلو وطيب


وانا ركزت على شركات البترول لانها هي الاغلب اللي تسمح بابتعاث موظفينهم

جربي قدمي عليهم

:nice: جزاااج الله خيييير

هاي اللي ابيه :shy:

[Right]

الله يرزقج من حيث لا تحتسبين ويفتحها بويهج دنيا وآخره


اللهم آآآآآآآمين

[meme~qatar]

اختي الله يفرج همج

هههههههههه
احس خطج نفس خطي بس على كبير

[سهم عتيج]

من حقج تعيشين نفس غيرج .. بس الشكوى لغير الله مذله

شوفي البنوك صج كرف بس يعطونج راتب زين خاصه البنك التجاري وبتتطورين هناك

او ساعدي نفسج وكملي الجامعه والله بيفتحها عليج ...

وكثري من الصدقه والاستغفار .... اشفيني صرت مطوعه :)

:con2:

[e7sas]

^^

شوفي قطر فاونديشن اتصلي لهم وقولي لهم بس لازم تتعدين امتحان الايلتس.. اعتقد الشركات الخاصه نفس شركات البترول ماتبتعث الا برا او على شمال الاطلنطي

[QTR-SOUL]

الله يفرج عليج من حيث لاتحتسبين والله يرزقج من نعيمه

[al_jo0ory]

^^

شوفي قطر فاونديشن اتصلي لهم وقولي لهم بس لازم تتعدين امتحان الايلتس.. اعتقد الشركات الخاصه نفس شركات البترول ماتبتعث الا برا او على شمال الاطلنطي



ويبعثون بعد لطلاب جامعة قطر :nice:

[شنايدر]

روحي مصر، شهاده من جامعه القاهره . . وامور الدراسه سهله . . وبتمر الايام ، ، الان وانتي مخلصه . . فكري فيها . . غيرج راحو وخلصوا

[Locale]

الله يعينج ويفك كربتج
نصيحه اكفلي يتيم والرزق والبركه بينفتح لج من صوب

[وحيد-الشوق]

محد بيحس فيج وفي وضعج صدقيني

قدمي في الجمارك اختي رواتب الثانوية 12 وخرده او البترول

الله يكون بعونج ويفرجها عليج يارب وصدق الشكوى لغير الله مذله

[captin]

اتركي عنج القطاع الحكومي

حاولي في البنوك أو قطاع النفط والغاز

بالتوفيق وان شاء الله يتحقق مرادج

[المحقق كونان]

قدمي على القطاع الخاص و شركات البترول و الغاز لان رواتبهم افضل .. اما الحكومي لا

البترول بيطورج و ممكن يعطيج بعثة لكلية شمال الاطلنطي بس ماظن يعطون للمدينة التعليمية

و الله يوفقج

[حقيقه]

الله يوفقتس ويفتح لتس باب الرزق

[Qtr95]

اشلون الانجليزي عندج؟..
في اشغال رواتبها قوية يبونها لمهرجان الافلام ..
يمكن فوق ال50 الف..

[La.Queen]

:con2:

شسالفه؟؟؟؟؟؟؟؟؟؟

[قطر77]

لو انتي اجنبية في المدينه التعليمية راتبج بكون قوووي

[العديد]

انتو حطيتوا المساله مساله قناعه ذا راتبي 8000 ريال وغيري نفس شهادتي 18 الف ريال من 8000 ريال اكل اخواني ولاعيالي ولانفسي شكلكم من عيال النعمه اللي ماتحسبون متي يجي اخر شهر ولاتوقف سيارتكم بنص طريق ماعندكم بترول

الله يفك كربج

بس نصيحة اذا تبين الله يفتحها عليج من وساع ابوابة لاتنظرين للغير بنظرة حسد لان عندهم وانتي ماعندج قولي يارب ارزقني وهذه ارزاق مكتوبة من يوم ما الانسان في بطن امه

[9umt aljroo7]

اشلون الانجليزي عندج؟..
في اشغال رواتبها قوية يبونها لمهرجان الافلام ..
يمكن فوق ال50 الف..

اللغه عندي ضعيفه
بس الحين أخذ دورات بالانجليزي

لو بغيت اقدم وين ؟؟