بخصوص البنيان لمبتدئ

[مهندس اسهم]

السلام عليكم ورحمة الله وبركاته

قبل لا ابدأ احب اقولكم اني استفدت وايد وايد من قسم أعمال الديكور وعرفت اشياء كثيره ما كنت اعرفها من قبل خصوصا من الاخ شموخ دائم والاخ naklan وجميع الاخوان والله من دون استثناء. فجزاكم الله الف الف الف خير على كل كلمه وعلى كل نصيحه تقدمونها وربي يوفقكم ان شاء الله.

أخوكم راح يبدا البنا قريب بعد ما خلصت التصماميم والتراخيص وكل شي والحمد لله بس باقي المقاول ونبدأ ان شاء الله

البنا بيكون ان شاء الله على ارض مساحتها 450 م ما بين بيسمنت " قبو" وطابق ارضي وأول وبنتهاوس وبتكون الفيلا متلاصقه مع اخوي. ولأني اول مرة ابني فحبيت استفيد من خبراتكم وسامحوني على كثرت الأسئله

1. ان شاء الله انا ناوي اتعاقد مع المقاول على العظم ويشمل معاه التمديدات للكهربا والماي والصرف الصحي والسور .. بالنسبه للتشطيبات مثل البلاط والحمامت " اعزكم الله " والمطابخ هل تنصحوني اني اخليه هو يركب في حالة ان المحل ما عنده حد يركب او ايش تنصحوني بالنسبه لهالنقطه؟ وايش اقدر اكتب في العقد من هالناحيه؟

2. ايش رايكم في البورسلان شبيه الرخام الموجود عند نابينا بالذات. هو صيني درجه اولى على قولت البياع ؟ وهل فعلا لو ركبته يبين كأنه رخام ؟ وهل نوعيته جيده؟

3. من خلال تجاربكم ايش احسن محل يسوي المطابخ ؟ من خلال الجوده والتصاميم الحلوة؟ انا حاط في بالي 3 شركات.. نابينا عند نابليون وعندكم الدهليز والمحل الثالث عالم المطابخ؟ انا وام العيال نحب المطابخ الفخمه الكلاسيك .

4. بالنسبه للبيبان الداخليه ... تنصحوني اركب بيبان جاهزة مثل اللي عند نابينا ونابكو والمتحده والا افصل في احد المناجر ؟ واي منجره تنصحوني فيها من اللي يسوي ديزاينات حلوه وفخمه وجودته عاليه وسعره معقول " ما اقول رخيص بس سعره غير مبالغ فيه " ؟ سواء اللي في نجمه او الصناعيه

5. في حد عنده فكره عن تكسية الوجه الخارجي بكسر الرخام؟ هل هو مكلف ؟ هل يفرق كثير عن الصبغ؟ انا ناوي اصبغ الواجهه الخارجيه بصبغ جوتن اكستريم " عازل حراري دبل" جوتشيلد بس اذا ما فرقت كثير عن كسر الرخام فراح اتجه لكسر الرخام ... وماهي اهم مزاياه وعيوبه؟

6. بالنسبه للدرابزين... والله من كثر ما قريت من منتداكم عنه قدرت اكون فكره عن احسن المحلات واكثر احتمال يمكن يكون درابزين اللي بالسد ان شاء الله . بس ممكن تقولون لي كيفية حساب تكلفة درابزين الدرج ومتوسط الاسعار؟ وهل مثلا الالمنيوم المشغول له انواع والحديد المشغول له انواع والا هو نوع واحد ويتغير بس الديزاين؟

7. اخر سؤال اخواني وسامحوني على الاطاله ... فيه محلات مفروشات واثاث ايطالي او اسباني في قطر؟ واذا لا... ايش احسن محل وجوده وضمان بالنسبه للصيني ويكون درجه اولى؟ وايش رايكم في فرساي للديكور لتفصيل كراسي المجلس ؟ وهل هناك فيه محل في قطرلو جبت له مثل غرفة طعام او كراسي كنب صور معينه ويسوون نفسها وبجوده حلوه؟

سامحوني اخواني على الاطاله والله يجزاكم الف خير على كل النصايح

واسمحولي اقولكم من الحين مبارك عليكم شهر رمضان والله يبلغنا ويبلغكم الشهر الكريم

[سهم احمر]

ودي أفيدك بس أنه نفسك مبتدئ

الله يعينا ويعين الجميع

[مهندس اسهم]

ودي أفيدك بس أنه نفسك مبتدئ

الله يعينا ويعين الجميع

شاكرلك مرورك اخوي الكريم وان شاء الله الاخوان ما راح يقصرون وبيفيدوننا

[خالد32]

وعليكم السلام و رحمة الله و بركاته

خل المقاول يركب لك البلاط و السراميك اريح لك.
للحين محد يعرف من الي يسوي كسر الرخام من الشباب الموجودين لان كان في مواضيع وايد و محد جاوب
بالنسبه لجوتشيلد اكستريم المتر 20 ريال مع البرايمر و ما اضن كسر الرخام لو في قطر بيكون قريب من السعر.
الصبغ تقدر تغيره بعد كم سنه لكن كسر الرخام و الحجر ما تقدر
في صبغ اسمه بروفايل اذا تصبغ البيت و تحط حجر حول الدرايش و الزوايا اشوف انه احلى من الحجر لكامل البيت لانها موضه قديمة و لا تنسى الجي ار سي بعد حلو

الابواب فصل في منجره التصميم الي تبيه و اذا عجبك الجاهز توكل على الله.

و نشوف اقتراحات باقي الاعضاء

[almaf1a]

اعتقد لو وجدنا اجوبة لاسئلتك الجميع بيستفيد
والاخوه الي ذكرت اسمائهم بالفعل يشكرون على مجهوداتهم

[QAT2020]

موفق اخوي ,,
ويرفع للاهمية ..

[شموخ دائم]

,


,



مرحبا


السلام عليكم ورحمه الله

كل عام والجميع بخير بمناسبه الشهر الفضيل الله يبلغنا واياكم صيام رمضان

الشكر لله رب العالمين وحقيقه احنا بدورنا نشكر الجميع على هذا التجمع الرائع
في شبكه الاسهم وخاصه القسم الاقتصادي الي اصبح من الاقسام المميزه التي تقدم فائده كبيره للجميع الاعضاء والزوار فشكرا شبكه الاسهم واخص الاخوان المميزين هنا
من المشرف اخونا ابو يوسف الى naklan الى الاخوان راحه والكتاروني وبن رومي khaldon وخليفه وكوكبه كبيره من اهل الخبره وجميعنا هنا نكمل بعضنا الانسان مهما كانت خبرته تكون في جوانب معينه والاخرين يكملون الجوانب الثانيه لان مجال البناء والديكور والاثاث مجال واسع جدا وفيه فنيات وفيه المتخصص وفيه الجماليات بالفعل مجال متنوع ويحتاج تنوع الاعضاء
والحمدالله كل هذه الجوانب يوجد من يكملها عندنا فالشكر موصول للجميع بدون استثناء من الاخوان والاخوات
الي يترددون على القسم بين فتره واخرى لخبرتهم في الاثاث والاضاءه بشكل عام فلهم الشكر ايضا


1. ان شاء الله انا ناوي اتعاقد مع المقاول على العظم ويشمل معاه التمديدات للكهربا والماي والصرف الصحي والسور .. بالنسبه للتشطيبات مثل البلاط والحمامت " اعزكم الله "

2-والمطابخ هل تنصحوني اني اخليه هو يركب في حالة ان المحل ما عنده حد يركب او ايش تنصحوني بالنسبه لهالنقطه؟ وايش اقدر اكتب في العقد من هالناحيه؟
.

اذا المقاول عندك جيد ويمتلك عمال جيدين اعمل العقد ( توريد عليك وتركيب المقاول )
انت تختار وتشتريهم وهو يركب لك اريح لك لان التركيب يحتاج شخص عنده خبره يتابع
طريقه التركيب وعمل المناسيب والميول ...الخ
المطابخ دائما المحل الي تشتري منه التركيب عليه هذا ضروري لضمان التركيب من نفس المحل

ايش رايكم في البورسلان شبيه الرخام الموجود عند نابينا بالذات. هو صيني درجه اولى على قولت البياع ؟ وهل فعلا لو ركبته يبين كأنه رخام ؟ وهل نوعيته جيده؟

بالنسبه لي انا ما اشجع الصيني نهائيا وما احبه ولا ارتاح له وثقتي صفر في الصين
لا مقاساتهم صح ولا الكوالتي ولا المواد المستخدمه مانعرف شنو يخلطون فيها
انا ارتاح للاوربي لقوه القوانين عندهم والقص عندهم ليزر دقه كبيره مافي بلاطه تختلف عن الثانيه ولو ملي واحد السيراميك rak راس الخيمه احسن من الصيني بالكوالتي
وانا انصح بالاوربي خاصه الاسباني او نركب رخام حتى لو نوع رخيص حتى لو عماني بيكون رخام وفخامه الرخام موجوده بالنسبه لي انصح دائما بالرخام لجماله وفخامته
الرخام يبقى رخام والسيراميك يبقى سيراميك مقلد على نوع الرخام ولونه
:)

مافي فندق بالعالم يحط سيراميك في اللوبي نهائيا لازم رخام لسبب الجمال والفخامه
مهما كان السيراميك فخم يبقى ينقصه الفخامه انا من عشاق الرخام
عندي احساس اي مكان ادخله يكون سيراميك احس اني داخل حلاق او معرض بيع ما احس نفسي داخل فيلا
:)

ويبقى تنوع الاذواق مهم في هذه الناحيه للرخام محبينه واللسيراميك والبورسلان محبينه
ولولا تعدد لاذواق لبارت السلع
:)


3. من خلال تجاربكم ايش احسن محل يسوي المطابخ ؟ من خلال الجوده والتصاميم الحلوة؟ انا حاط في بالي 3 شركات.. نابينا عند نابليون وعندكم الدهليز والمحل الثالث عالم المطابخ؟ انا وام العيال نحب المطابخ الفخمه الكلاسيك .

عالم المطابخ شركه ممتازه انصح فيها وايضا مالنا غناه عن ( نابليون ) حبيبنا هذا مافي بيت بقطر الا مر عليه نابينا جيدين جدا في المطابخ المكانين ممتازين وعلى حسب رغبتك توكل على الله اهم شي وين ترتاح وتشوف ان الي يناسبك من ناحيه فنيه الاثنين ما عليهم كلام
:)


4. بالنسبه للبيبان الداخليه ... تنصحوني اركب بيبان جاهزة مثل اللي عند نابينا ونابكو والمتحده والا افصل في احد المناجر ؟ واي منجره تنصحوني فيها من اللي يسوي ديزاينات حلوه وفخمه وجودته عاليه وسعره معقول " ما اقول رخيص بس سعره غير مبالغ فيه " ؟ سواء اللي في نجمه او الصناعيه5.

انا ما انصحك في النجمه يوجد اماكن افضل منهم من ناحيه الفنش ومن ناحيه الامكانيات
ونظافه الشغل مثل مصنع شرق وسقاره اسعارهم متوسطه وشغلهم نظيف جدا

في حد عنده فكره عن تكسية الوجه الخارجي بكسر الرخام؟ هل هو مكلف ؟ هل يفرق كثير عن الصبغ؟ انا ناوي اصبغ الواجهه الخارجيه بصبغ جوتن اكستريم " عازل حراري دبل" جوتشيلد بس اذا ما فرقت كثير عن كسر الرخام فراح اتجه لكسر الرخام ... وماهي اهم مزاياه وعيوبه؟

عندنا فكره عنه ممتازه وتعاملنا فيه ولكن ما عندنا شركه موثوقه نرشحها لكم وهذي هي المشكله
الي يعملون هذا النوع اكثرهم اشخاص واحنا مانقدر نرشح اشخاص او افراد
لان احتمال تحصل مشكله لو يسافر او يمرض وقف شغلك كامل والله يعلم كم اخذ مقدم فلوس
فهذه المشكله ما عندي شركه اثق فيها ارشحها وهذا سبب عدم تعليقنا على هذا الموضوع
والنوع هذا منتشر في السعوديه الناس تحب تستخدمه دائما اما في قطر فالصبغ العادي
او تكسيه الواجهه بالحجر هو المنتشر عندنا اكثر شي بقطر نحب الحجر كثير ودائما عليه طلب
ودائما فخم وجميل ويريح المالك ما نحتاج نصبغ كل 4 لو 5 سنوات البيت
عموما اخوي اختيارك موفق جوتشيلد هو الخيار الطيب الان وحطه في برنامجك حتى توصل الى المرحله هذي
تحسم الموضوع


6. بالنسبه للدرابزين... والله من كثر ما قريت من منتداكم عنه قدرت اكون فكره عن احسن المحلات واكثر احتمال يمكن يكون درابزين اللي بالسد ان شاء الله . بس ممكن تقولون لي كيفية حساب تكلفة درابزين الدرج ومتوسط الاسعار؟ وهل مثلا الالمنيوم المشغول له انواع والحديد المشغول له انواع والا هو نوع واحد ويتغير بس الديزاين؟

بالفعل شركه درابزين شركه ممتازه ما عليها كلام اختيار طيب مع ان سعرهم مو بسيط
السعر يبتدي من 1200 ريال الى 2000 ريال للمتر حسب اذا فيه خشب فوق او حديد خالي
او زجاج والحديد ايطالي ويوجد حديد محلي بيكون السعر 800 ريال الى 1000 ريال للمتر
يوجد حديد مشغول ويوجد المنيوم صب مشغول لكن الالمنيوم للاماكن الخارجيه احسن لانه مايصدي وداخل البيت نسنخدم الحديد المشغول لانه داخل البيت وما توصل له الرطوبه نهائيا
اما خارج المنزل للبرندات او البلكونه ممكن تستخدم المنيوم صب مع حديد للاطارات التثبيت

7. اخر سؤال اخواني وسامحوني على الاطاله ... فيه محلات مفروشات واثاث ايطالي او اسباني في قطر؟ واذا لا... ايش احسن محل وجوده وضمان بالنسبه للصيني ويكون درجه اولى؟ وايش رايكم في فرساي للديكور لتفصيل كراسي المجلس ؟ وهل هناك فيه محل في قطرلو جبت له مثل غرفة طعام او كراسي كنب صور معينه ويسوون نفسها وبجوده حلوه؟

هذا السؤال بترك الاخوان الي بمرحله الاثاث وشافوا السوق زين يجاوبونك ان شاء الله
:)
بالتوفيق لك



,

,


اخوك


شموخ دائم

[مهندس اسهم]

وعليكم السلام و رحمة الله و بركاته

خل المقاول يركب لك البلاط و السراميك اريح لك.
للحين محد يعرف من الي يسوي كسر الرخام من الشباب الموجودين لان كان في مواضيع وايد و محد جاوب
بالنسبه لجوتشيلد اكستريم المتر 20 ريال مع البرايمر و ما اضن كسر الرخام لو في قطر بيكون قريب من السعر.
الصبغ تقدر تغيره بعد كم سنه لكن كسر الرخام و الحجر ما تقدر
في صبغ اسمه بروفايل اذا تصبغ البيت و تحط حجر حول الدرايش و الزوايا اشوف انه احلى من الحجر لكامل البيت لانها موضه قديمة و لا تنسى الجي ار سي بعد حلو

الابواب فصل في منجره التصميم الي تبيه و اذا عجبك الجاهز توكل على الله.

و نشوف اقتراحات باقي الاعضاء

اخوي خالد 32
الله يجزاك خير على نصايحك وفعلا ياخوي رغم ان الحجر فخم وحلو بس لو صار فيه شي والا شي ما تقدر تغيره ونفس الشي بالنسبه لكسر الرخام وبيني وبينك الميزانيه ما تسمح:weeping:

طبعا لكل واحد ذوقه وانا مثلك اخوي خالد الواجهه احبها تكون صبغ والبروفايل اختيار حلو مع وضع الحجر والجي ار سي حوالين الزوايا والدرايش

بس سؤالي اخوي " ادري اسأل وايد ما تخلص اسألتي" اشلون تقدر تحسب قيمة شغل الجي ار سي ؟ وكم متوسط السعر؟ وهل يعتبر بديل ناجح للحجر؟

يعطيك العافيه اخوي وجزاك الله الف خير

[مهندس اسهم]

اعتقد لو وجدنا اجوبة لاسئلتك الجميع بيستفيد
والاخوه الي ذكرت اسمائهم بالفعل يشكرون على مجهوداتهم

مشكور اخوي على مرورك وان شاء الله الكل يستفيد

وياريت يسامحوني الاخوان اللي ماذكرت اساميهم والله كلهم على القوه بس انا ذكرت اثنين يعني صراحه اساتذه في عالم البناء والديكور والا البقيه ما عليهم قصور بس تخاف تنسى اسم منهم ... علشان جذيه اقول الله يجزي الخير للجميع ويوفقهم اجمعين بدون استثناء

والله يعطيك العافيه اخوي

[مهندس اسهم]

موفق اخوي ,,
ويرفع للاهمية ..

الله يوفقنا وياك وجزاك الله الف خير واشكرك على مرورك

[مهندس اسهم]

,


,



مرحبا


السلام عليكم ورحمه الله

كل عام والجميع بخير بمناسبه الشهر الفضيل الله يبلغنا واياكم صيام رمضان

الشكر لله رب العالمين وحقيقه احنا بدورنا نشكر الجميع على هذا التجمع الرائع
في شبكه الاسهم وخاصه القسم الاقتصادي الي اصبح من الاقسام المميزه التي تقدم فائده كبيره للجميع الاعضاء والزوار فشكرا شبكه الاسهم واخص الاخوان المميزين هنا
من المشرف اخونا ابو يوسف الى naklan الى الاخوان راحه والكتاروني وبن رومي khaldon وخليفه وكوكبه كبيره من اهل الخبره وجميعنا هنا نكمل بعضنا الانسان مهما كانت خبرته تكون في جوانب معينه والاخرين يكملون الجوانب الثانيه لان مجال البناء والديكور والاثاث مجال واسع جدا وفيه فنيات وفيه المتخصص وفيه الجماليات بالفعل مجال متنوع ويحتاج تنوع الاعضاء
والحمدالله كل هذه الجوانب يوجد من يكملها عندنا فالشكر موصول للجميع بدون استثناء من الاخوان والاخوات
الي يترددون على القسم بين فتره واخرى لخبرتهم في الاثاث والاضاءه بشكل عام فلهم الشكر ايضا


1. ان شاء الله انا ناوي اتعاقد مع المقاول على العظم ويشمل معاه التمديدات للكهربا والماي والصرف الصحي والسور .. بالنسبه للتشطيبات مثل البلاط والحمامت " اعزكم الله "

2-والمطابخ هل تنصحوني اني اخليه هو يركب في حالة ان المحل ما عنده حد يركب او ايش تنصحوني بالنسبه لهالنقطه؟ وايش اقدر اكتب في العقد من هالناحيه؟
.

اذا المقاول عندك جيد ويمتلك عمال جيدين اعمل العقد ( توريد عليك وتركيب المقاول )
انت تختار وتشتريهم وهو يركب لك اريح لك لان التركيب يحتاج شخص عنده خبره يتابع
طريقه التركيب وعمل المناسيب والميول ...الخ
المطابخ دائما المحل الي تشتري منه التركيب عليه هذا ضروري لضمان التركيب من نفس المحل

ايش رايكم في البورسلان شبيه الرخام الموجود عند نابينا بالذات. هو صيني درجه اولى على قولت البياع ؟ وهل فعلا لو ركبته يبين كأنه رخام ؟ وهل نوعيته جيده؟

بالنسبه لي انا ما اشجع الصيني نهائيا وما احبه ولا ارتاح له وثقتي صفر في الصين
لا مقاساتهم صح ولا الكوالتي ولا المواد المستخدمه مانعرف شنو يخلطون فيها
انا ارتاح للاوربي لقوه القوانين عندهم والقص عندهم ليزر دقه كبيره مافي بلاطه تختلف عن الثانيه ولو ملي واحد السيراميك rak راس الخيمه احسن من الصيني بالكوالتي
وانا انصح بالاوربي خاصه الاسباني او نركب رخام حتى لو نوع رخيص حتى لو عماني بيكون رخام وفخامه الرخام موجوده بالنسبه لي انصح دائما بالرخام لجماله وفخامته
الرخام يبقى رخام والسيراميك يبقى سيراميك مقلد على نوع الرخام ولونه
:)

مافي فندق بالعالم يحط سيراميك في اللوبي نهائيا لازم رخام لسبب الجمال والفخامه
مهما كان السيراميك فخم يبقى ينقصه الفخامه انا من عشاق الرخام
عندي احساس اي مكان ادخله يكون سيراميك احس اني داخل حلاق او معرض بيع ما احس نفسي داخل فيلا
:)

ويبقى تنوع الاذواق مهم في هذه الناحيه للرخام محبينه واللسيراميك والبورسلان محبينه
ولولا تعدد لاذواق لبارت السلع
:)


3. من خلال تجاربكم ايش احسن محل يسوي المطابخ ؟ من خلال الجوده والتصاميم الحلوة؟ انا حاط في بالي 3 شركات.. نابينا عند نابليون وعندكم الدهليز والمحل الثالث عالم المطابخ؟ انا وام العيال نحب المطابخ الفخمه الكلاسيك .

عالم المطابخ شركه ممتازه انصح فيها وايضا مالنا غناه عن ( نابليون ) حبيبنا هذا مافي بيت بقطر الا مر عليه نابينا جيدين جدا في المطابخ المكانين ممتازين وعلى حسب رغبتك توكل على الله اهم شي وين ترتاح وتشوف ان الي يناسبك من ناحيه فنيه الاثنين ما عليهم كلام
:)


4. بالنسبه للبيبان الداخليه ... تنصحوني اركب بيبان جاهزة مثل اللي عند نابينا ونابكو والمتحده والا افصل في احد المناجر ؟ واي منجره تنصحوني فيها من اللي يسوي ديزاينات حلوه وفخمه وجودته عاليه وسعره معقول " ما اقول رخيص بس سعره غير مبالغ فيه " ؟ سواء اللي في نجمه او الصناعيه5.

انا ما انصحك في النجمه يوجد اماكن افضل منهم من ناحيه الفنش ومن ناحيه الامكانيات
ونظافه الشغل مثل مصنع شرق وسقاره اسعارهم متوسطه وشغلهم نظيف جدا

في حد عنده فكره عن تكسية الوجه الخارجي بكسر الرخام؟ هل هو مكلف ؟ هل يفرق كثير عن الصبغ؟ انا ناوي اصبغ الواجهه الخارجيه بصبغ جوتن اكستريم " عازل حراري دبل" جوتشيلد بس اذا ما فرقت كثير عن كسر الرخام فراح اتجه لكسر الرخام ... وماهي اهم مزاياه وعيوبه؟

عندنا فكره عنه ممتازه وتعاملنا فيه ولكن ما عندنا شركه موثوقه نرشحها لكم وهذي هي المشكله
الي يعملون هذا النوع اكثرهم اشخاص واحنا مانقدر نرشح اشخاص او افراد
لان احتمال تحصل مشكله لو يسافر او يمرض وقف شغلك كامل والله يعلم كم اخذ مقدم فلوس
فهذه المشكله ما عندي شركه اثق فيها ارشحها وهذا سبب عدم تعليقنا على هذا الموضوع
والنوع هذا منتشر في السعوديه الناس تحب تستخدمه دائما اما في قطر فالصبغ العادي
او تكسيه الواجهه بالحجر هو المنتشر عندنا اكثر شي بقطر نحب الحجر كثير ودائما عليه طلب
ودائما فخم وجميل ويريح المالك ما نحتاج نصبغ كل 4 لو 5 سنوات البيت
عموما اخوي اختيارك موفق جوتشيلد هو الخيار الطيب الان وحطه في برنامجك حتى توصل الى المرحله هذي
تحسم الموضوع


6. بالنسبه للدرابزين... والله من كثر ما قريت من منتداكم عنه قدرت اكون فكره عن احسن المحلات واكثر احتمال يمكن يكون درابزين اللي بالسد ان شاء الله . بس ممكن تقولون لي كيفية حساب تكلفة درابزين الدرج ومتوسط الاسعار؟ وهل مثلا الالمنيوم المشغول له انواع والحديد المشغول له انواع والا هو نوع واحد ويتغير بس الديزاين؟

بالفعل شركه درابزين شركه ممتازه ما عليها كلام اختيار طيب مع ان سعرهم مو بسيط
السعر يبتدي من 1200 ريال الى 2000 ريال للمتر حسب اذا فيه خشب فوق او حديد خالي
او زجاج والحديد ايطالي ويوجد حديد محلي بيكون السعر 800 ريال الى 1000 ريال للمتر
يوجد حديد مشغول ويوجد المنيوم صب مشغول لكن الالمنيوم للاماكن الخارجيه احسن لانه مايصدي وداخل البيت نسنخدم الحديد المشغول لانه داخل البيت وما توصل له الرطوبه نهائيا
اما خارج المنزل للبرندات او البلكونه ممكن تستخدم المنيوم صب مع حديد للاطارات التثبيت

7. اخر سؤال اخواني وسامحوني على الاطاله ... فيه محلات مفروشات واثاث ايطالي او اسباني في قطر؟ واذا لا... ايش احسن محل وجوده وضمان بالنسبه للصيني ويكون درجه اولى؟ وايش رايكم في فرساي للديكور لتفصيل كراسي المجلس ؟ وهل هناك فيه محل في قطرلو جبت له مثل غرفة طعام او كراسي كنب صور معينه ويسوون نفسها وبجوده حلوه؟

هذا السؤال بترك الاخوان الي بمرحله الاثاث وشافوا السوق زين يجاوبونك ان شاء الله
:)
بالتوفيق لك



,

,


اخوك


شموخ دائم


وعليكم السلام ورحمة الله وبركاته

مرحبتين اخونا واستاذنا شموخ دائم

والله انا ما اقول غير والنعم فيك وفي كل الاعضاء اللي صراحه نستفيد منكم ومن نصايحكم وخصوصا اخوي شموخ دائم الكل يشهدلك وفعلا نصايحك جدا قيمه وتريح الواحد صراحه وتخليه يقدم على الشي وهو مطمئن ... ما شاء الله عليك والله يجزاك كل الخير ويوفقك ويرزقك ويديم عليك نعمة الصحه والعافيه لك ولكل الاعضاء

ارجع شوي لأسألتي اللي ما تخلص

بالنسبه للرخام العماني او التركي ايش رايك فيهم؟ وحسب خبرتك اشكثر يمكن يعمر كل واحد معاي؟ وهل له عناية خاصه او طريقه خاصه يخليه يدوم ويعمر؟ يعني في تفكيري المجلس كفكره مبدئية الرخام اليوناني الابيض والممر و مجلس النساء يكون عماني او تركي. بصراحه شلت من راسي فكرة البورسلان الصيني شبيه الرخام بعد كلامك

بالنسبه للبيبان الداخليه خلاص شورتك وهداية الله بس ممكن تعطيني عناوين المناجر اللي ذكرتهم الله يجزاك خير وهل هم عندهم كتالوجات الواحد يقدر يختار منهم او انا اوديلهم التصميم اللي ابيه؟

بالنسبه للحديد والالمينوم المشغول راح اطبق نصيحتك ان شاء الله ... بس سؤال اخوي هل الحديد المشغول تقدر تشكل منه اشكال وايده وفخمه مثل الالمنيوم؟ وايش رايك بالحديد المحلي؟

ونفس السؤال اللي سألت اخوي خالد بخصوص الجي ار سي وكيفية حساب التكلفه وهل هو بديل ناجح للحجر حوالين الدرايش والزوايا؟

انا والله صح ابي اسعار معقوله في كل شي بس اول شي لازم الجوده والشي الفخم واللي يعمر بيت العمر ما اقدر اسوي شي على حساب شي او اسوي شي رخيص اندم عليه بعد فتره الواحد كم مره بيبني؟

وجزاك الله الف خير وارحم الله والديك وموفق ان شاء الله وسامحني على كثرة اسألتي
والله يعينكم علي

[خالد32]

من وجهة نظري ما اعتقد ان الجي ار سي بديل للحجر لانه اغلى منه و محدودية اماكن توزيعه على البيت
عموماً اسعاره على الي شفته من 350 و انت طالع للمتر المربع اذا كان حجم القطعه اقل من متر و 400 اذا اكبر لان التركيب بياخذ مواد اكثر للقطعه
عجبني شغل جي ار سي ماستر http://grcmasters.net/

[ZURICH]

اعتقد لو وجدنا اجوبة لاسئلتك الجميع بيستفيد
والاخوه الي ذكرت اسمائهم بالفعل يشكرون على مجهوداتهم


بالفعل موضوع متكامل ومهم ويوضح لنا مدى اهتمام مهندس اسهم بكل خطوة وهالشي جميل جداً .. ومن الطبيعي ان الكثير بيستفيد لنقاط مهمة خاصة مع بداية تأسيس كل مرحلة في بدايتها


السلام عليكم ورحمة الله وبركاته


5. في حد عنده فكره عن تكسية الوجه الخارجي بكسر الرخام؟ هل هو مكلف ؟ هل يفرق كثير عن الصبغ؟ انا ناوي اصبغ الواجهه الخارجيه بصبغ جوتن اكستريم " عازل حراري دبل" جوتشيلد بس اذا ما فرقت كثير عن كسر الرخام فراح اتجه لكسر الرخام ... وماهي اهم مزاياه وعيوبه؟



وعليكم السلام

عدي افكار كثيرة عن أصباغ شفتها في دول خليجية منها البروفايل وكسر الرخام وله انواع

كثيرة واصباغ فلفت خيال روشن ( مخمل ) مشابهة للبروفايل

وفي صبغ ياباني اسمة على مااتوقع kks يقولون عنه هو الافضل لكن غااااالي !

لكن هل في شركات متخصصة لجميع هذي الاصباغ .. هذا السؤال

من اجمل مافي البروفايل وكسر الرخام انه يخفي عيوب البلاستر ( التموجات ) خاصة انه

يوضع مثل البلاستر لكن بطريقة مسح المعجون .. قوي جداً .. شكله مخملي .. له الوان

محدودة كالبنفسجي بدرجاته والبني والليموني والمشمشي وأفضل انواعة في شركة العسيب



,


.

اذا المقاول عندك جيد ويمتلك عمال جيدين اعمل العقد


مرحبا والله بصاحبنا .. مبروك التأسيس

تبارك علينا النسكافي هالمرة :nice:

خلاك تخط لنا معلومات وأراء جميلة جدا تشكر عليها

مثل ماقلت عن المقاول اذا كان جيد ويملك عمال جيديين وهذي اهم نقطة في تسليم بعض الامور

خاصة الحساسة واقصد فيها السيراميك بأنواعة والحمامات وغيرة الكثير .

ترى تفدع البلاط علامة مميزة عن بعض المقاولين هالايام

[خالد32]

خذت الكوتيشن من جلف ماستر اليوم و كان 205 الاف للوارش و الدرايش !!!
اعتقد عندي مشكله في الجي ار سي و يمكن ما سوي وارش اوفر

[مهندس اسهم]

من وجهة نظري ما اعتقد ان الجي ار سي بديل للحجر لانه اغلى منه و محدودية اماكن توزيعه على البيت
عموماً اسعاره على الي شفته من 350 و انت طالع للمتر المربع اذا كان حجم القطعه اقل من متر و 400 اذا اكبر لان التركيب بياخذ مواد اكثر للقطعه
عجبني شغل جي ار سي ماستر http://grcmasters.net/

اخوي خالد 32 مشكور على هالمعلومه والله كان كل فكري ان الجي ار سي ارخص من الحجر

عساك على القوه والله يجزاك خير

[مهندس اسهم]

بالفعل موضوع متكامل ومهم ويوضح لنا مدى اهتمام مهندس اسهم بكل خطوة وهالشي جميل جداً .. ومن الطبيعي ان الكثير بيستفيد لنقاط مهمة خاصة مع بداية تأسيس كل مرحلة في بدايتها




وعليكم السلام

عدي افكار كثيرة عن أصباغ شفتها في دول خليجية منها البروفايل وكسر الرخام وله انواع

كثيرة واصباغ فلفت خيال روشن ( مخمل ) مشابهة للبروفايل

وفي صبغ ياباني اسمة على مااتوقع kks يقولون عنه هو الافضل لكن غااااالي !

لكن هل في شركات متخصصة لجميع هذي الاصباغ .. هذا السؤال

من اجمل مافي البروفايل وكسر الرخام انه يخفي عيوب البلاستر ( التموجات ) خاصة انه

يوضع مثل البلاستر لكن بطريقة مسح المعجون .. قوي جداً .. شكله مخملي .. له الوان

محدودة كالبنفسجي بدرجاته والبني والليموني والمشمشي وأفضل انواعة في شركة العسيب





مرحبا والله بصاحبنا .. مبروك التأسيس

تبارك علينا النسكافي هالمرة :nice:

خلاك تخط لنا معلومات وأراء جميلة جدا تشكر عليها

مثل ماقلت عن المقاول اذا كان جيد ويملك عمال جيديين وهذي اهم نقطة في تسليم بعض الامور

خاصة الحساسة واقصد فيها السيراميك بأنواعة والحمامات وغيرة الكثير .

ترى تفدع البلاط علامة مميزة عن بعض المقاولين هالايام


هلا اخوي حوران

حياك الله وعساك ع القوه

والله ياخوك بيت العمر يبيله اهتمام غير عادي والواحد لازم يسأل في كل صغيره وكبيره ويسمع نصايح اللي هم اخبر منه من خلال تجاربهم ومعرفتهم مثلك وشرواك

بالنسبه للصبغ اخوي صراحه افكارك جدا حلوه وانا دخلت كثير مواقع وفعلا اشكالهم فخمه وحلوه بس المشكله انهاغير مطبقه عندنا في الدوحه ولو موجوده تكون بشكل قليل جدا مثل ما قال اخوي شموخ دائم هم افراد يسوونه ومشكلتك ياخوي اهني محد ينفذ شغلك صح ويكون على مزاجك وانا بعد اتساّئل مثلك فيه شركات تقدر تسوي مثل هالانواع من الاصباغ ويكون شغل محترف؟ اذا كان الصبغ العادي اللي العالم كله مسويته تلقى اخطاء كثيره فما بالك بشي جديد علينا؟ وبالنسبه للصبغ الياباني كلمة ياباني بس تعطيني انطباع انه فيه شي غير معتاد ... بس هل له وكيل في الدوحه ؟ اذا له بحطه في اللسته ان شاء الله مع جوتن اكستريم جوتشيلد في الوقت اللي اوصل هالمرحله

بالنسبه للرخام اخوي انا سمعت انه بعض المحلات عندها عمال يركبون بس المعظم لازم المقاول يركبلك فأحسن شي اسأله واشوف شغله وبعدها بإذن الله نقرر

واتمنى منك ومن الاخوان اصحاب الخبره والتجارب تنصحونا بالنسبه للرخام .. هو طبعا الافضل والاحسن والارقى الايطالي والاسباني بدون شك ... بس مثلا للي حاب يركب رخام بس ميزانيته ما تسمح ايش تنصحونه بالبديل الجيد. هل التركي او العماني ؟ هل نقدر نصنفهم انهم يجون بعد الايطالي والاسباني من حيث الفخامه والجوده والعمر؟ وهل مع شوية اهتمام اكثر نقدر نحافظ على هالانواع من الرخام؟ وحد جرب الرخام اليوناني او البرازيلي؟

يعني انا عندي فكره انه نعطي الجميع افكار وبدائل لبعض الشغلات وتقدر تحافظ على الجمال والفخامه ولو شوي بدرجه اقل وتسمح للبعض اللي ميزانيته اقل انه يفكر في بعض البدائل القريبه. احسن من انه يدور الشي الرخيص وبعدين يطيح في جبده ويخسر مره ثانيه

اسف يا اخوان على الاطاله والله يجزاك اخوي حوران كل الخير وعساك ع القوه دايما

[مهندس اسهم]

خذت الكوتيشن من جلف ماستر اليوم و كان 205 الاف للوارش و الدرايش !!!
اعتقد عندي مشكله في الجي ار سي و يمكن ما سوي وارش اوفر

ما شاء الله 205 الاف!!! الله يعينك ياخوي ويرزقك ان شاء الله وتسوي بيتك على مزاجك باللي خاطرك فيه . بس حاول اتدور اكثر من محل وشوف وان شاء الله الاخوان اهني يدلونك ويفيدونك وهم مب مقصرين ان شاء الله. ومثل ما انت شايف انا توني مبتدي وما اعرف هالسوالف والا كنت نصحتك بمحل او شغل معين

[مهندس اسهم]

اخواني

من شوي رفيجي اللي معاي في الشغل ياب لي اعلان عن شركه موجوده في الوسيط لاني انا من فتره سالته عن كسر الرخام بس ما ادري قوانين المنتدى تسمح بوضع الرابط او لا؟

ع العموم اذا تدخلون موقع جريدة الشرق شوفوا PDF على يدكم اليسار وعنده مكتوب Calander اختاروا تاريخ 03-07-2011 واختاروا الوسيط وشوفوا صفحه 13

وان شاء الله يفيدكم

[مهندس اسهم]

سبحان الله والحمد لله والله اكبر

اخواني ياريت تشاركونا بالموضوع لكي يستفيد اكبر عدد من اللي يبنون او اللي يفكرون يبنون