سؤال / ماهو الممشي الطبيعي للسيارة ؟!

[ولد النصر]

السلام عليكم


ماهو الممشي الطبيعي للسيارة

إذا افترضنا ان السيارة موديل 2010 خروج شهر 12 2009 كم يكون ممشاها الطبيعي لغاية هذا الشهر شهر 7 ؟!

حبيت اعرف على حسب :

1 عدم خروج السيارة من الدوحة

2 خروج السيارة من الدوحة يعني راعي سفرات


بالانتظار

الله لايهينكم

[voks]

لو سيارة صالون فى حالة عدم الخروج من الدوحة الطبيعى من 30 الى 35
وفى حالة السفر من 35 الى 45 ( صالون )

[BuFaisal]

ما فيه شي اسمه ممشى طبيعي وغير طبيعي
مثال :
انسان يشتغل بالشمال او دخان او امسيعيد .. تلقى سيارته تمشي تقريبا 30 - 35 الف بالسنة
وانسان شغال بالدوحه ما يمشي موتره 10 الاف بالسنة
الموتر اهم شي فيه الاستعمال النظيف والصيانة الدورية

[بوعلي 8]

الى اليوم لو ممشاها 25 - 30 طبيعي

الى اليوم لو ممشاها 35-45 سفرات

ويختلف ممكن الرجال ساكن فالخور ودوامه فالدوحه

مش شرط الممشى الكثير يكون راعي سفرات ممكن بيته في الدوحه ويروح زرعة في الزبارة

[rayyani4ever]

اخوي مثل ما تفضل "بو فيصل"..

اهم شي المحافظة على السيارة بغض النظر عن الممشى.. احيانا ظروف الواحد تخليه يقطع مسافات (حتى لو داخل الدوحه بس) و يكون ممشى الموتر وايد..

بس تلقى الموتر تشييكاته بالوكاله أول بأول.. و ما تحس انه ممشاه وااايد من نظافته..


و العكس.. يمكن تلقى موتر ما مشى وااايد بس راعيه مو محافظ عليه.. و لو تسوقه تحس صار له عمر من كثر الكررررف..


و سلامتك :)

[*¤ بن قطر¤*]

مثال بسيط ...

في سيارات تلاقيها ماشيه 5000 او 10000 كيلو بس .... كأنها ماشيه مليون كم ...

ضربات من كل صوب ... الفرش وسخ ... مغبره و الرنقات مطعوجه :rolleyes2:

و في سيارات ماشيه 100 ألف و كأنها طالعه من الوكاله

""" السياره استخدام و عنايه أكثر من ممشى """

و لكن حلو انك تحصل سياره نظيفه و ممشاها قليل

[المحقق كونان]

السلام عليكم


ماهو الممشي الطبيعي للسيارة

إذا افترضنا ان السيارة موديل 2010 خروج شهر 12 2009 كم يكون ممشاها الطبيعي لغاية هذا الشهر شهر 7 ؟!

حبيت اعرف على حسب :

1 عدم خروج السيارة من الدوحة

2 خروج السيارة من الدوحة يعني راعي سفرات


بالانتظار

الله لايهينكم

اذا ماطلعت من قطر بيكون الممشى بين 25 و 30 كم في السنة في حالة صاحب السيارة يشتغل في الدوحة ..

اما اذا يشتغل في لفان ولا دخان و لا مسيعيد بيكون الممشى وايد

و بعضهم يشتغل في الدوحة و لكن العصرية يدق خط للعزبة يشوف الحلال فيكون الممشى وايد

المهم في الموتر يكون نظيف

و الله يوفقك

[كويتى1]

مساء الخير

ولد النصر

بخصوص السؤالك

حتي مانخرج من الموضوع

الممشي الطبيعي للسياره هوه 30من 35الف هذا طبيعي

وبخصوص السفر السفر ماله شغل او الممشي له

بالسياره يهلك السياره من البدي والتواير والصبغ الخارحي

هذي وجه نظري طال عمر اسمحي ع المداخله

[ALHAJAJI]

شوف الله يسلمك , انا سيارتي مطلعها في شهر 10 - 2009 وللحين ماشية 65 الف كيلو متر مشاويري كلها داخل الدوحة والدوام في الكورنيش , واستخدمها في مشاوير البيت ووووووو |.......

اخوي سيارته مطلعها في نفس السنة , الحين ماشية 150 الف كيلو( راس لفان) .
واحد من الشباب مطلعها في نفس السنة الحين سيارتة ماشية 190 الف كيلومتر ..(راس لفان) + سفرات

يعتمد على الشخص وعلى مشاويره وعلى جهة العمل اللي يشتغل فيها ..

واخر شئ هو المحافظة على السيارة من ناحية الصيانة الدورية والحوادث وعدم السرعة والاهتمام والمحافظة على السيارة اولا باول.

احسن ناس يحافظون على السيارة هم الفلبينيين , ولاحظ سياراتهم كيف شكلها ,مرتبة ترتيب عجيب , ومثل ما قال وااحد فلبيني ان السيارة بالنسبة له هي مثل الاهتمام بالطفل الصغير.

[المخفي]

بعض السيارات ملعوب في عدادها الافضل فحص السيارة و تشيك تاريخ الصيانة في الوكالة

[كويتى1]

كل شي جايز

وتختلف من شخص للشخص

[أبو يووسف]

بالنسبة لي أنا ممشاي مايقل في السنة عن 50 ألف بحكم إني أسافر كثير

[بوعيسى1]

انا طلعت موتر في شهر 9 سنة 2009 وموديله 2010
ما اطلع من الدوحة دوامي داخل الدوحة ومشاوير الاهل
لا سفرات ولا مناطق الخارجية
موتري وصل الحين 55000
الي يقول لك 30000 شكله يستعمل سيارتين
تحياتي

[ابن مانع]

الممشى الطبيعي بغض النظر عن اذا سافر او لا بيكون في حدود 40 الى 45 في السنه وعلى حسب المشاوير والسفره ماتحسبها من المشاوير وحسبة العداد لانه سفره وحده يمكن تمشي 6000 كم رايح وجاي

[ولـد الخليج]

اخوي انا عندي سيارةالورة كامري 2011 صار له سنة ماشية 25 الف السيارة كانت ماشية 500 يوم اخذتها

[يراعٌ فراتي]

والله الحين في مواتر 2008 و 2009 تحصله ماشي قريب 300 الف .........

والله لونها تاكسي ما مشت هالكثر

والمشكلة كلوزر مب صالون

[aljaber1]

3000 كم في الشهر طبيعي
لو ماشيه في حدود 24000 الف
استخدام طبيعي

[عاشق الشهادة]

السيارة يكون ممشاها الطبيعي في السنه 12 شهر من 30 الى 35 الف هذا طبيعي ,
انا عندي كروزر 2008 خروج ابريل شهر 4 ماشي 73 الف كيلو .

[ولد النصر]

اشكركم جميع على تفاعلكم ونصائحكم وتجاربكم

انا عندي كروزر 2010 خروج شهر 12 2009 ولي اليوم ماشي 40000 ومسافر فية سفرتين احس انة طبيعي خاصة انة صار له عندي سنة و 8 شهور
انا اشوف ان في السنة 30000 جدآ جدآ طبيعي يعني في خمس سنوات يطلع الممشى 150000
بس في ناس مواترهم موديل السنة وماشيين 90000 وإلا 120000

[BuFaisal]

والله الحين في مواتر 2008 و 2009 تحصله ماشي قريب 300 الف .........

والله لونها تاكسي ما مشت هالكثر

والمشكلة كلوزر مب صالون

اعتقد ان اكثر من 50 او 60 الف بالسنة بيكون اكثر من المعدل المتوقع

[المحافظ]

شركات السيارا تحدد الضمان مع الممشى مثلا 100 الف كيلو او 5 سنوات
أو 3 سنوات أو 60 الف كيلو

يعني معدل 20 الف كيلو في السنة ، بمعدل 1667 كيلو شهرا بمعدل 50 كيلو يوميا
لو الواحد يمشي بمعدل 100 كيلو يوميا ، بيصير المعدل 40 الف كيلو في السنة

بس حالة السيارة والعناية بها أهم من المشي ..