ماذا يسعد الشارع القطري؟

[Qtr95]

بسم الله الرحمن الرحيم :)

كيف حالكم ..؟

سؤال للقطريين فقط !!

ما هو الشيء الذي يسعدكم ؟
معنويا ونفسيا..

لعلني استطيع اسعادكم يوم من الايام :)

وشكرا :)

[Qtr95]

رائع ..
ارى الأمل فيكم .. :)

[بوخالد88]

الحمدلله بخير .. دامك بخير

اخوي ابن الكواري ياريت لو تحدد بالضبط من اي ناحية اللي يسعدني !!

واعتبرني اول واحد مشارك معاك في هالموضوع

واتمني لك التوفيق اخوك بوخالد 88

[Qtr95]

الحمدلله بخير .. دامك بخير

اخوي ابن الكواري ياريت لو تحدد بالضبط من اي ناحية اللي يسعدني !!

واعتبرني اول واحد مشارك معاك في هالموضوع

واتمني لك التوفيق اخوك بوخالد 88

أشكرك أخوي ع المشاركة ..

سؤالي واضح أخوي
ما هو الشيء الذي يسعد المواطن القطري ،،
أنا ما اعتقد أن أقدر أوضح أكثر من جي ..
لأن مفهوم السعادة واحد ..
نفسيا .. :shy:

[بوخالد88]

أشكرك أخوي ع المشاركة ..
سؤالي واضح أخوي
ما هو الشيء الذي يسعد المواطن القطري ،،
أنا ما اعتقد أن أقدر أوضح أكثر من جي ..
لأن مفهوم السعادة واحد ..
نفسيا .. :shy:

اممم الصراحة ماادري اخوي بس لين احين مافهمت ايش اللي تقصدة بالتحديد!! نفسياً !!

ترا عادي اتوقع علشان تفكيري اشوي امشوش والسبب مني :shy:

بس راح احاول ، بالنسبه لي يعني اللي يسعدني نفسياً بعد رضا والدي علي

الله يطول في عمرهم هو( البحر )، والسموحة اذا ماقدرت اوصل للي تقصدة

زين وضح لي نقطتك هاذي ( لعلني استطيع اسعادكم يوم من الايام :) )

بالتوووووفيق

[@ بوفيصل@]

انا تسعدني الابتسامه الي تصاحب السلام خصوصا اذا جات من شخص ماعرفه

[Qtr95]

أنا أؤمن بأن القصص تسعد الناس ..
مثل ما أسعد هاري بوتر العالم حتى إذا كان خيالي
مثل ما أسعد قصة سندريلا الأطفال ..
مثل ما تسعدنا الأفلام أو المسلسلات ،،

أي نوع من القصص تسعدكم .. :) ؟
سؤال محيرني ..

[Qtr95]

انا تسعدني الابتسامه الي تصاحب السلام خصوصا اذا جات من شخص ماعرفه

إضافة رائعة أثرت الموضوع ! :) ’’
ومشكور ع المشاركة ..

[Qtr95]

أنا أؤمن بأن القصص تسعد الناس ..
مثل ما أسعد هاري بوتر العالم حتى إذا كان خيالي
مثل ما أسعد قصة سندريلا الأطفال ..
مثل ما تسعدنا الأفلام أو المسلسلات ،،

أي نوع من القصص تسعدكم .. :) ؟
سؤال محيرني ..

أبي أوضح شيء ..

احنا نبي قصتنا الخاصة اللي تسعدنا ..
ما هي ؟
أنا أبي أعرف شنو اللي يسعدكم غشان أقدك لكم شيء جميل ويؤثر
إيجابيا علينا ..

[سهم احمر]

تعبنا من كثر ما نتكلم عن السعادة ألي ما شفناها

[طارق العلي]

عودة الرسوم المتحركة القديمة مثل / قراند دايزر . . وساسوكي . . حكايات عالمية . . الليث الابيض

بدال هالخرابيط اللي نشوفها هاليومين مثل مسلسل سوبنج بوب . . يعني بذمتكم سفنجه تاكل همبرقر مع كاتشب وين جات

[بدوي]

الشفافية


والوضوح

[متداول عالمي]

معاملات الناس تمشي :)

[بوخالد88]

أنا أؤمن بأن القصص تسعد الناس ..
مثل ما أسعد هاري بوتر العالم حتى إذا كان خيالي
مثل ما أسعد قصة سندريلا الأطفال ..
مثل ما تسعدنا الأفلام أو المسلسلات ،،

أي نوع من القصص تسعدكم .. :) ؟
سؤال محيرني ..


احين اوضحت الصورة هههه اشدعوه امغبرة :omen2:

المهم اللي نبغيه كل شي قديم كان حللللللو والكل يتمني انه يرجع مره ثانية لانه تحس انه فيه شي هادف :shy:

[بوخالد88]

عودة الرسوم المتحركة القديمة مثل / قراند دايزر . . وساسوكي . . حكايات عالمية . . الليث الابيض

بدال هالخرابيط اللي نشوفها هاليومين مثل مسلسل سوبنج بوب . . يعني بذمتكم سفنجه تاكل همبرقر مع كاتشب وين جات

:nice:


وبعد جزيرة الكنز وسنشيرو و افتح ياسمسم و السنافر و قراندايزر و لولو الصغيره
و كاليميرو

[Qtr95]

احين اوضحت الصورة هههه اشدعوه امغبرة :omen2:

المهم اللي نبغيه كل شي قديم كان حللللللو والكل يتمني انه يرجع مره ثانية لانه تحس انه فيه شي هادف :shy:

فكرتي هي خرافية شوي ..
أن الشر يعم الدولة ، إلا جان يتيمعون كل الشيبان وألعيائز
وينشرون الخير بطريقة سحرية .. :) ’’

[BIG-VEGA]

العدل والأمان

[طارق العلي]

:nice:


وبعد جزيرة الكنز وسنشيرو و افتح ياسمسم و السنافر و قراندايزر و لولو الصغيره
و كاليميرو


خلها على ربك اخوي بو خالد . . اذكر اذا شفت جزيرة الكنز اقعد اصيح على القطو اللي مع جيمي

كان عندي قطو يشبهه دعسته سيارة في الشارع . . المفارقه العجيبة ان مسلسل جزيرة الكنز انعرض يوم وفاة القطو اللي كان عندي

[بوخالد88]

فكرتي هي خرافية شوي ..
أن الشر يعم الدولة ، إلا جان يتيمعون كل الشيبان وألعيائز
وينشرون الخير بطريقة سحرية .. :) ’’


انت شكلك علشان سهران وقاعد اتخبص رووح ارقد ابرك لك :rolleyes2:

هههههه لا اتغشمر معاك :tease:

المهم شكلها الفكرة جهنمية بس حاطها في مخك خاشها :omen2:

بداية موافقة ، الشر يعم الدولة من طرف الشباب هل تقصد انهم ينغمسون في

الاشياء الحديثة مثل سوالف البلاك بيري والاشياء الثانية اللي ضعيت بعض

الشباب والشابات وووو ماابغي احرق باقي قصتك صح او شي قريب منه :rolleyes2:

بالتووووووفيق:nice:

[بوخالد88]

خلها على ربك اخوي بو خالد . . اذكر اذا شفت جزيرة الكنز اقعد اصيح على القطو اللي مع جيمي

كان عندي قطو يشبهه دعسته سيارة في الشارع . . المفارقه العجيبة ان مسلسل جزيرة الكنز انعرض يوم وفاة القطو اللي عندي

سبحان الله صج مفارقة عجيبه

والله يعوضك بقطو نفسه:victory:

بالتووووفيق

[BIG-VEGA]

خلها على ربك اخوي بو خالد . . اذكر اذا شفت جزيرة الكنز اقعد اصيح على القطو اللي مع جيمي

كان عندي قطو يشبهه دعسته سيارة في الشارع . . المفارقه العجيبة ان مسلسل جزيرة الكنز انعرض يوم وفاة القطو اللي كان عندي


بخصوص القطو :rolleyes2:

كان فهد يالحبيب

crocodile بالانجليزي :shy:

[FCB 123]

بعد الرضا من سبحانه وتعالى والرضا من الوالدين

إني أشوف عيالي بخير وبصحه وعافية ولله الحمد
إني أشوف قطر وشعب قطر بخير
إني أشوف الدولة تسقط الديون :eek5:
إني اشوف كل القطريين متوظفين ومحد يشتكي من انه مب لاقي شغل :weeping:
إني أشوف الأجنبي يحترم القوانين والأفكار القطرية والإسلامية

والله مادري أنا فهمت السؤال ولا لا :oops:

[الحياة الخالدة]

بخصوص القطو :rolleyes2:

كان فهد يالحبيب

crocodile بالانجليزي :shy:


من صجك ؟؟!!



و انا كل هالمدة عبالي crocodile يعني تمساح :secret:

[بوسلمان 2010]

اللهم ولك الحمد الواحد يااخوي ابن الكواري يقدر يسعد نفسه ويقدر بعد يلته نفسه اهم شي يااخوي ان الواحد


الزم ماعليه هو والديه واعياله واهل بيته ويختار الصحبه العدله ويبعد عن مظاهر الدنيا الي اصبحت في بيوت


99 % من بيوت اهل قطر الله يهدينا ويهديهم ان شاء الله ولا الدنيا وشفيها ماغير انت فيها عابر سبيل وافعالك


هي الي بتنجيك من كل شي باذن الواحد الاحد

[بوخالد88]

بخصوص القطو :rolleyes2:

كان فهد يالحبيب

crocodile بالانجليزي :shy:

اخوي كان تمسااااااح:omg::eek5::secret::(

[f111242]

نوووووووووووووووووووووو واسطه

[$$$$$$]

القصه الي تسعدني (( ايام اول لما ابوي يرش علي ماي عشان يقعدني حق صلاة الفجر , واحصل الشباب كل واحد في زاويه ومتكي راسه على الطوفه ونايم , او الي قاعد جنب ابوه ويقراء قران )) الله على ايام اول

[BIG-VEGA]

من صجك ؟؟!!



و انا كل هالمدة عبالي crocodile يعني تمساح :secret:



اخوي كان تمسااااااح:omg::eek5::secret::(


شكلكم دارسين في قطر :rolleyes2:

عشان جذيه ماتعرفون ان الـ crocodile = فهد :weeping:

اذا ماتصدقوني اسالو اي بريطاني :anger1:

لحد يسويها ويسال ... ثاني يوم بتلاقون الخبر في الـ BBC ان شعب قطر مايعرف الفرق بين التمساح والفهد خخخخخخخخ

[طارق العلي]

بخصوص القطو :rolleyes2:

كان فهد يالحبيب

crocodile بالانجليزي :shy:




من صجك ؟؟!!



و انا كل هالمدة عبالي crocodile يعني تمساح :secret:




اخوي كان تمسااااااح:omg::eek5::secret::(








شكلكم دارسين في قطر :rolleyes2:

عشان جذيه ماتعرفون ان الـ crocodile = فهد :weeping:

اذا ماتصدقوني اسالو اي بريطاني :anger1:

لحد يسويها ويسال ... ثاني يوم بتلاقون الخبر في الـ bbc ان شعب قطر مايعرف الفرق بين التمساح والفهد خخخخخخخخ



شدعوه مايسوى علي هالقطو اللي صار قضية شعب بكبره

ابشركم الحين عندي سلقه

[La.Queen]

الشعب القطري ما يسعده شي كله زعلان...

بلاك بيري مب عاجبه

يبي زياده

الاسهم مب عاجبته

البنات فالاند مارك مب عاجبينه

سواقه الحريم مب عاجبته

اللقنز والسكني مب عاجبينه

كله زعلاااااااااااااااان مب عاجبه شي


عن نفسي يسعدني اني اشوف والديني راضين عني ... وقدرت اسعد طفل او يتيم

اشكرك ع الموضوع

[الحياة الخالدة]

شدعوه مايسوى علي هالقطو اللي صار قضية شعب بكبره

ابشركم الحين عندي سلقه


و يالها من قضيــــــــة .. :nice:

وينك يا BIG-VEGA
طارق يقول عنده سلقـــــه
تهقى يقصد فيها elephant ؟؟!!
خبرك دارسين بقطــــــــر .. :secret:

[الحياة الخالدة]

^^^^^^^

شفت شنو اللي يسعدنا و يوسع صدورنا يا ولد الكــــــــواري ..

الطلبـــــة و المعاياة .. :secret:

[شعنونة قطر]

العدل

[بو خليفه 123]

مايسعدني أنا شخصياً قد لا يسعد الشارع القطري .. او العكس ..

لكن تسعدني امور كثيره ..


يسعدني عندما يمتلأ المسجد في صلاة الجمعه بالمصلين ..

يسعدني عندما ارى قطري مع قطري على قلب واحد ..

يسعدني عندما ارى أن الدوله تخطط للبنيه التحتيه للمناطق الجديده السكنيه ..

يسعدني عندما ارى أمير بلادي يحترم الصغير قبل الكبير ..

يسعدني التمسك بالعادات والتقاليد ..

يسعدني عندما ارى ابتسامة ابني تعلو وجهه من الفرحه ..


امور كثيره تسعدني .. و امور اكثر تحزنني ..


شكراً لك يالكواري .. لك مستقبل برواية القصص :victory:

[قــ502ـطرالعز]

الصراحه موضوع شيق جدا اخوي الكواري ... بعد رضى الله والوالدين ودوام الصحه والعافيه اكيد في اشياء كثيره راح تسعد الشارع القطري . انا من راي الشخصي اشوف انه الشارع القطري محتاج شي واحد يسعده الي هو تصدق بعض الاشاعات لو بس مره وحده ونشوف الشعب القطري بأكمله راضي وفرحان . اعتقد انت عرفت شنهي الاشاعه هههههههه

[Qatarianes]

راح استانس لما اشوف البلد يقدم على خطوات فيها نيه لتعديل وضع البلد خصوصا في الاسعار
لا اضافة قوانين تدعم رفع الاسعار

[تحداني]

يسعدني أن يتمنى كل إنسان للغير ما يتمناه لنفسه
وأن يبعد الحاجة والذل عن طريق كل انسان .. وأن يصلح حال شبابنا وبناتنا
فهم زاد االوطن .. و شعاع الأمل
وهم المستقبل كله


جملكم الله برضاه

[BIG-VEGA]

و يالها من قضيــــــــة .. :nice:

وينك يا BIG-VEGA
طارق يقول عنده سلقـــــه
تهقى يقصد فيها elephant ؟؟!!
خبرك دارسين بقطــــــــر .. :secret:

عيني عليك بارده ... الحين صرت بلبل بالانجليزي :nice:

[الأصيلة]

المواطن القطري يسعده مايلي:
ـ إيجاد وظيفة محترمة بكل قطري وحسب مستواه العلمي..
ـ توفير سكن لائق بكل مواطن...
ـ التساوي في الرواتب والعدل في توزيعها وعدم تفضيل
الأجنبي على القطري في كل محال..
ـ تقلص الواسطات في كل مكان ( ورارات ، مستشفيات ، مدارس )
ـ التأمين الصحي الشامل لكل مواطن ...
ـ راتب لكل مولود قطري ...
ـ تقليص عدد الأجانب وبالذات في الوظائف العادية
اللي يقدر يقوم بها أي واحد...
ـ حل مشاكل المدارس المستقلة وتوفير تعليم أفضل...
ـ التوقف عن إحالة الشباب القطري إلى البند المركزي
والإستفادة من الخبرات المركونة على طاولات القهاوي في المجمعات..

[عذب الكلام 1]

امتيازات الاجنبي للقطري وبس

[ام السعف]

اممم

بيسعدني لو تم تعديل اوضاع التعليم في قطر ................> لأنه مأساوي


بيسعدني لو شفت القطريين كلهم بشكل عام معاملتهم افضل
من الاجانب في المميزات اللي تنهل من خيرات البلاد ،،


بيسعدني لو شفت مراكز راقية تحتوي عيالنا في الصيف وغير الصيف
( وتقدر بلادنا )
تحتوي هالمراكز على اقسام تكنالوجية ورياضية ومكتبات الكترونية وعادية

بيسعدني لو تراجعوا عن استضافة كاس العالم 2022

[الأصيلة]

امتيازات الاجنبي للقطري وبس

فعلا هذا هو أهم شي......

صاحب الموضوع طلب مايسعد المواطن القطري عامة...
ماطلب مايسعد الإنسان في كل مكان..
هو خصص القطري بالذات وفي قطر..
بعض الردود ماخذه طريق ثاني ماكان يقصده ابن الكواري...

[سهم طويل الأجل]

إلغاء البيروقراطية

[الأصيلة]

اممم

بيسعدني لو تم تعديل اوضاع التعليم في قطر ................> لأنه مأساوي


بيسعدني لو شفت القطريين كلهم بشكل عام معاملتهم افضل
من الاجانب في المميزات اللي تنهل من خيرات البلاد ،،


بيسعدني لو شفت مراكز راقية تحتوي عيالنا في الصيف وغير الصيف
( وتقدر بلادنا )
تحتوي هالمراكز على اقسام تكنالوجية ورياضية ومكتبات الكترونية وعادية

بيسعدني لو تراجعوا عن استضافة كاس العالم 2022


كل السعادة اللي شفتيها على وجوه الناس ذاك اليوم
بدأً من الأمير الله يحفظه وعياله..لـ حد أصغر مواطن...
وبعد تبغينهم يسحبون الترشيح الله يسامحج يا أم السعف...
مهما كانت السلبيات...
فـ قطر هي المستفيدة في النهاية..كفاية التعجيل في الإصلاحات والإنجازات...
وتعديل الشوارع والبنية التحتية...
ودهنا في مكبتنا...

[R 7 A L]

إلغاء البيروقراطية

شنهي هذي البير وقراطية :telephone:

[الحياة الخالدة]

شنهي هذي البير وقراطية :telephone:


البيروقراطية أو الدواوينية :
هي مفهوم يستخدم في علم الاجتماع والعلوم السياسية يشير إلى تطبيق القوانين بالقوة في المجتمعات المنظمة .
وتعتمد هذه الأنظمة على الاجراءات الموحدة وتوزيع المسؤوليات بطريقة هرمية والعلاقات الشخصية .
وهنالك العديد من الأمثلة على البيرقراطية المستخدمة يومياً :
الحكومات ، القوات المسلحة، الشركات ، المستشفيات، المحاكم، والمدارس.
يعود أصل كلمة البيرقراطية إلى بيرو (bureau)، أي مكتب، المستخدمة في بداية القرن الثامن عشر ليس للتعبير عن كلمة مكتب للكتابة فقط بل للتعبير عن الشركة، وأماكن العمل . وكلمة قراطية وهي مشتقه من الأصل الإغريقي كراتُس (κράτος) ومعناها السلطة والكلمة في مجموعها تعني قوة المكتب أو سلطة المكتب .

[nadeemy]

مثل ما أسعد هاري بوتر العالم

واضح انك يا ابن الكواري انك شفت الجزء الاخير ومتاثر به وايد
قول لنا ايش رايك في النهاية السعيده للفلم , علشان الكل يفهم قصدك , لاني اشوف اغلب المشاركات بعيده نوعا ما عن اللي انت تبغيه

[ام السعف]

البيروقراطية أو الدواوينية :
هي مفهوم يستخدم في علم الاجتماع والعلوم السياسية يشير إلى تطبيق القوانين بالقوة في المجتمعات المنظمة .
وتعتمد هذه الأنظمة على الاجراءات الموحدة وتوزيع المسؤوليات بطريقة هرمية والعلاقات الشخصية .
وهنالك العديد من الأمثلة على البيرقراطية المستخدمة يومياً :
الحكومات ، القوات المسلحة، الشركات ، المستشفيات، المحاكم، والمدارس.
يعود أصل كلمة البيرقراطية إلى بيرو (bureau)، أي مكتب، المستخدمة في بداية القرن الثامن عشر ليس للتعبير عن كلمة مكتب للكتابة فقط بل للتعبير عن الشركة، وأماكن العمل . وكلمة قراطية وهي مشتقه من الأصل الإغريقي كراتُس (κράτος) ومعناها السلطة والكلمة في مجموعها تعني قوة المكتب أو سلطة المكتب .

يعني الأخ المطالب بالغاء البيروقرطية ما يبي الطريقة الحالية في توزيع المسؤوليات ؟

اوجه له السؤال شنهو الشكل البديل ؟

[الحياة الخالدة]

يعني الأخ المطالب بالغاء البيروقرطية ما يبي الطريقة الحالية في توزيع المسؤوليات ؟

اوجه له السؤال شنهو الشكل البديل ؟


يا حبذا لو أحد من الخبراء ينورنا و يقول لنا عن مساوئ البيروقراطية .. :discuss:

[محمد]

انا عن نفسي يسعدني لين شفت هارديز معلن عن سندويتش يديد :nice:


هههههههه


يعطيك العافيه اخوي على موضوعك ..
ويسعدنا الي يسعد هل قطر ..
اي شي بشوفه يسعد هلي و جماعتي بيسعدني :)
وفي مفهومي للسعادة هي في الرضا .. لين رضا الشخص على كل ماهو فيه .. بيشعر بقيمة السعادة ..
ولا اقصد الرضا بالظلم عشان محد ينقز لي لان الملاقيف وايد :p لكن اقصد ان تتاح كل الامور الي توصلنا لحالة الرضا ..

[سهم طويل الأجل]

يعني الأخ المطالب بالغاء البيروقرطية ما يبي الطريقة الحالية في توزيع المسؤوليات ؟

اوجه له السؤال شنهو الشكل البديل ؟


أنا ضد البيروقراطية كعرف دارج وليس البيروقراطية كتعريف علمي

البيروقراطية كعرف هي : تعقيد الاجراءات وكثرة الخطوات والتوقيعات لين ماتخلص المعاملة
يعني بالعربي تاخذ شهور لين تخلص معاملة معينة
وفي بعض المعاملات على هوى الموظف يقول لك الشروط لاتنطبق !!!

وهذا أحد أهم أسباب التأخر سواءً الاقتصادي أو الأجتماعي

البديل هو التقدم التكنولوجي والاستعاضة عن الأختام والحبر بالمعاملات الالكترونية اللي مافيها مقياس على حسب الشكل.

أتمنى وصلت وجهة النظر :whistling:

[ام السعف]

أنا ضد البيروقراطية كعرف دارج وليس البيروقراطية كتعريف علمي

البيروقراطية كعرف هي : تعقيد الاجراءات وكثرة الخطوات والتوقيعات لين ماتخلص المعاملة
يعني بالعربي تاخذ شهور لين تخلص معاملة معينة
وفي بعض المعاملات على هوى الموظف يقول لك الشروط لاتنطبق !!!

وهذا أحد أهم أسباب التأخر سواءً الاقتصادي أو الأجتماعي

البديل هو التقدم التكنولوجي والاستعاضة عن الأختام والحبر بالمعاملات الالكترونية اللي مافيها مقياس على حسب الشكل.

أتمنى وصلت وجهة النظر :whistling:

وصلتها وتشكر عليها واثني على مطالبتك ،،

بس بالشكل هذا انت تتكلم عن جزئية البيروقراطية مالها ذنب فيها :(

والذنب في منفذي البيروقراطية ....> يا صعبها هالكلمة :(

[intesar]

عودة الرسوم المتحركة القديمة مثل / قراند دايزر . . وساسوكي . . حكايات عالمية . . الليث الابيض

بدال هالخرابيط اللي نشوفها هاليومين مثل مسلسل سوبنج بوب . . يعني بذمتكم سفنجه تاكل همبرقر مع كاتشب وين جات

كله ولا سبونج بوب ترى ما أرضى عليه.. أفلام الكرتون هالايام هابطة وما تنشاف.. بس بصراحة سبونج بوب هو اللي قدر انه يسحب الضحكة مني.. يونس حيل..:nice:

[intesar]

المواطن القطري يسعده مايلي:
ـ إيجاد وظيفة محترمة بكل قطري وحسب مستواه العلمي..
ـ توفير سكن لائق بكل مواطن...
ـ التساوي في الرواتب والعدل في توزيعها وعدم تفضيل
الأجنبي على القطري في كل محال..
ـ تقلص الواسطات في كل مكان ( ورارات ، مستشفيات ، مدارس )
ـ التأمين الصحي الشامل لكل مواطن ...
ـ راتب لكل مولود قطري ...
ـ تقليص عدد الأجانب وبالذات في الوظائف العادية
اللي يقدر يقوم بها أي واحد...
ـ حل مشاكل المدارس المستقلة وتوفير تعليم أفضل...
ـ التوقف عن إحالة الشباب القطري إلى البند المركزي
والإستفادة من الخبرات المركونة على طاولات القهاوي في المجمعات..

صج انج أصيلة.. جبتيها من قاصرها.. هذي الاصلاحات اللي نبيها بالبلد وراح تسعد كل مواطن قطري..

ما نبي قطر تصير مثل دبي..
نبي قطر للقطري..

[بوحارب]

تقليل الأسعار وزيادة الرواتب

وتسنيع مستشفى حمد والمجلس الأعلى للتعليم

وبسسسسس

[intesar]

أنا سعيدة مو حزينة.. عكس العالم.. يقال أن كثرة المصائب تولد بلادة..
أهم شي الله يسعد اهل قطر كلهم ويححق اللي ببالهم مدام ما يضر ببلدنا وأميرنا الله يطول بعمره..

[الحبتور]

فوز منتخبنا ..

[ام السعف]

فوز منتخبنا ..

:eek5::eek5::eek5:

[jeep-srt8]

الأستعراض