الدولة توظف عدد كبير من المواطنين والحمدلله

[مساهمة بسFresh]

قال مصدر مطلع في وزارة العمل إن إدارة القوى العاملة الوطنية بوزارة العمل عيّنت 436 من الباحثين عن عمل في شهر يونيو والنصف الأول من شهر يوليو الجاري، وذلك في إطار سلسلة اتفاقات قد تم عقدها مع عدة جهات من القطاع الخاص شملت البنوك والبترول ومؤسسات تعليمية خاصة.
وأشار نفس المصدر أن إدارة القوى العاملة الوطنية بوزارة العمل قبلت طلبات ترشيح 226 باحثاً عن عمل، تم تسجيلهم خلال الفترة ذاتها، وأكدت الإدارة على استمرار استقبال الطلبات في قسم خدمة الجمهور بالدور الأرضي بمبنى الوزارة.
وجاءت هذه التعيينات في إطار عده اتفاقيات تم عقدها مع ما يقارب 18 مؤسسة وشركة في
القطاع الخاص لرعاية الباحثين واستقطابهم للعمل بها.

جريدة العرب

[Me&OnLy]

كلام فاضي اثنين من اخواني عندهم ثانويه راجعوهم وقدمو عندهم ولحد الان ماتوظفو

[khalid Qtr]

انا ولله الحمد توظفت قبل سنتين ، كان الفرق بين تقديمي طلب التوظيف في ادارة القوى العاملة وبين مباشرتي للتدريب في معهد التنمية الادارية - مركز التأهيل الوظيفي الذي تم ارسالي اليه من قبل الجهة الي توظفت فيها اقل من شهر والحمد لله ..

وخلال هالفترة عرضوا 3 جهات تقريبا ، يعني ادارة القوى العاملة ما تقصر لكن البعض وده بوظيفة معينة ومكان معين فمن الصعب توفيره

نشكر الدولة على ما تقدمه من وظائف وتعليم لابنائها

[سهم مديون]

كلام اعلام

[بن غيث]

انا افهمكم الموضوع
الكلام صحيح 100% .... بس فيه توضيح
الي دوروا بنفسهم وعينوا شغل لازم ياخذون كتب ترشيح من وزارة العمل
اي تسجيلهم كمتعطلين واصدار كتاب ترشيح للعمل
اي ان وزارة العمل اهي الي سجلتهم ودورت لهم ع وظايف وشغلتهم ..

[khalid Qtr]

انا افهمكم الموضوع
الكلام صحيح 100% .... بس فيه توضيح
الي دوروا بنفسهم وعينوا شغل لازم ياخذون كتب ترشيح من وزارة العمل
اي تسجيلهم كمتعطلين واصدار كتاب ترشيح للعمل
اي ان وزارة العمل اهي الي سجلتهم ودورت لهم ع وظايف وشغلتهم ..

يعني الي يلقى بنفسه لازم يجيب كتاب ترشيح ..؟؟

[بن غيث]

نعم صحيح
علشان بعد يتاكدون انه مايشتغل او متقاعد وتكون فيه ازدواجيه في العمل

[BIG-VEGA]

انا افهمكم الموضوع
الكلام صحيح 100% .... بس فيه توضيح
الي دوروا بنفسهم وعينوا شغل لازم ياخذون كتب ترشيح من وزارة العمل
اي تسجيلهم كمتعطلين واصدار كتاب ترشيح للعمل
اي ان وزارة العمل اهي الي سجلتهم ودورت لهم ع وظايف وشغلتهم ..

يعني الجهد مب من وزاره العمل
وحتى لو الجهد منهم ... مش انجاز انهم يوظفون الناس

بس هم يحبون ان حد يطبل لهم .... ويجون ناس ويكملونها رقص

[مساهمة بسFresh]

يعني الجهد مب من وزاره الاعلام


اخوي انا مادري انت تبي تعلق في اي موضوع بالضبط
بس محد قال ان الجهد من وزارة الاعلام :rolleyes2:

ومادري بصراحة اذا في وزارة في قطر اسمها وزارة الاعلام :rolleyes2:

يمكن تبي تعلق على موضوع ثاني الظاهر :)

[بوسلمان 2010]

الله يهديهم وان شاء الله الفال حق اخونا واخوتنا الي ماحصلو عمل

[بن غيث]

مثل بعض الوزارات يقولون ان نسبه الوظائف الادارية بالوزارة 100% قطريين
كذب ...................
السالفه كلها تلاعب في المصطلحات
المقصود ان كل القطريين شغالين في وظائف ادارية
واذا حسبتها بالنسبه المئويه يطلع عدد القطريين الي شغاليين في وزارة اعلنت قبل فتره ذلك
30% فقط
اي ان 70% اجانب شغالين اداريين وفنيين
بس مثل ما وضحت مجرد تلاعب في المصطلحات

[BIG-VEGA]

اخوي انا مادري انت تبي تعلق في اي موضوع بالضبط
بس محد قال ان الجهد من وزارة الاعلام :rolleyes2:

ومادري بصراحة اذا في وزارة في قطر اسمها وزارة الاعلام :rolleyes2:

يمكن تبي تعلق على موضوع ثاني الظاهر :)


ههههههههههههههههههههههههههههههههههههه

الواحد مايغلط يعني :shy:

[R 7 A L]

ماعليك من ادارة العمل
الامر في النهاية ارزاق
وكلاً ورزقه
بعضهم للحين ماتوظفوا

[الأصيلة]

قال مصدر مطلع في وزارة العمل إن إدارة القوى العاملة الوطنية بوزارة العمل عيّنت 436 من الباحثين عن عمل في شهر يونيو والنصف الأول من شهر يوليو الجاري، وذلك في إطار سلسلة اتفاقات قد تم عقدها مع عدة جهات من القطاع الخاص شملت البنوك والبترول ومؤسسات تعليمية خاصة.
وأشار نفس المصدر أن إدارة القوى العاملة الوطنية بوزارة العمل قبلت طلبات ترشيح 226 باحثاً عن عمل، تم تسجيلهم خلال الفترة ذاتها، وأكدت الإدارة على استمرار استقبال الطلبات في قسم خدمة الجمهور بالدور الأرضي بمبنى الوزارة.
وجاءت هذه التعيينات في إطار عده اتفاقيات تم عقدها مع ما يقارب 18 مؤسسة وشركة في
القطاع الخاص لرعاية الباحثين واستقطابهم للعمل بها.

جريدة العرب

نعم الكلام صحيح وانا أعرف منهم الكثير..
لكن كلهم خريجي الثانوية العامة...
تم اختبارهم وتوزيعهم على مجموعات للتدريب حسب درجاتهم ومستواهم ...
لكن الجامعيين مازالوا ينتظرون وخاصة اللي عندهم شروط في مكان العمل ونوعية العمل...
والله يوفق الجميع يارب...

[رُفق المجنّا]

وزارة العمل وللأسف غير مهيئة لـ إنهاء عراقيل التوظيف

وأجد فائدتها في استخراج شهادة حسن السيرة فقط

وإلا فـ هل تشكل أعداد بسيطة من القطريين معضلة لـ وزارة كاملة !!

أين الخطط والدراسات والتشاور وووووووووو الكلام الكثير اللي نسمعه في سبيل توظيف القطريين !!

ناس متخرجين من 2008 ولـ يومكم هذا لم يتوظفوا !!

- إلا إذا لم يكن في يد الوزير حيلة لـ إنجاح عملية التقطير !! فـ نقول له طالب بـ صلاحيات أكبر الله يجزاك خير

تبقى وزارة شهادات حسن السيرة والسلوك ,, ومسمى العمل كبير جداً عليها !!

[الأصيلة]

وزارة العمل وللأسف غير مهيئة لـ إنهاء عراقيل التوظيف

وأجد فائدتها في استخراج شهادة حسن السيرة فقط

وإلا فـ هل تشكل أعداد بسيطة من القطريين معضلة لـ وزارة كاملة !!

أين الخطط والدراسات والتشاور وووووووووو الكلام الكثير اللي نسمعه في سبيل توظيف القطريين !!

ناس متخرجين من 2008 ولـ يومكم هذا لم يتوظفوا !!

- إلا إذا لم يكن في يد الوزير حيلة لـ إنجاح عملية التقطير !! فـ نقول له طالب بـ صلاحيات أكبر الله يجزاك خير

تبقى وزارة شهادات حسن السيرة والسلوك ,, ومسمى العمل كبير جداً عليها !!

المشكلة في نوعية الوظائف..والإختلاط ...
اكثر الوظائف ماتناسب...وأكثر الخريجين يبغون وظائف تليق بهم..
ووالواسطة هي مربط الفرس...
ناس تلقى بسرعة وناس تنتظر...
حسب معرفتك بالوزير أو المدير...

[صوت الضمير]

انا كل يوم قاصين علي مسوين لي اوراق عشان مقابله

وكل مارحت للوزارة المطلوبه يقولون مافيه شاغر ولاراح نسوي مقابله

شسوي :(

الله كريم والله لايحوجنا لاحد

وزارة العمل يمكن تفيد اللي معاهم شهادة ثانويه

لكن احنا اللي معانا شهادة جامعية محد يبينا

أبداع

[المرحب]

اللهم لك الحمد

[ريم المدينة]

انا كل يوم قاصين علي مسوين لي اوراق عشان مقابله

وكل مارحت للوزارة المطلوبه يقولون مافيه شاغر ولاراح نسوي مقابله

شسوي :(

الله كريم والله لايحوجنا لاحد

وزارة العمل يمكن تفيد اللي معاهم شهادة ثانويه

لكن احنا اللي معانا شهادة جامعية محد يبينا

أبداع

اكيد مايبونج لانج بتكلفينهم مبالغ باهظة :shy::shy:

[مساهمة بسFresh]

انا كل يوم قاصين علي مسوين لي اوراق عشان مقابله

وكل مارحت للوزارة المطلوبه يقولون مافيه شاغر ولاراح نسوي مقابله

شسوي :(

الله كريم والله لايحوجنا لاحد

وزارة العمل يمكن تفيد اللي معاهم شهادة ثانويه

لكن احنا اللي معانا شهادة جامعية محد يبينا

أبداع

اختي شكثر صار لج؟:shy:

[CH Engineer]

قال مصدر مطلع في وزارة العمل إن إدارة القوى العاملة الوطنية بوزارة العمل عيّنت 436 من الباحثين عن عمل في شهر يونيو والنصف الأول من شهر يوليو الجاري، وذلك في إطار سلسلة اتفاقات قد تم عقدها مع عدة جهات من القطاع الخاص شملت البنوك والبترول ومؤسسات تعليمية خاصة.
وأشار نفس المصدر أن إدارة القوى العاملة الوطنية بوزارة العمل قبلت طلبات ترشيح 226 باحثاً عن عمل، تم تسجيلهم خلال الفترة ذاتها، وأكدت الإدارة على استمرار استقبال الطلبات في قسم خدمة الجمهور بالدور الأرضي بمبنى الوزارة.
وجاءت هذه التعيينات في إطار عده اتفاقيات تم عقدها مع ما يقارب 18 مؤسسة وشركة في
القطاع الخاص لرعاية الباحثين واستقطابهم للعمل بها.

جريدة العرب

اختي مساهمة بسFresh
مع احترامي لج بس انتي مناقضه لنفسج شلون كل يوم تقولين لنا مافي بطاله في قطر واليوم منزله هالموضوع!!
توفير 436 وظيفة خلال شهر ونص!!

[حالي الذوق]

ولدي متخرج السنه الماضيه من المدرسه التقنيه تخصص كهربا
رفضوه قطر للبترول بحجة ان وزنه زايد وطبعا عذر اقبح من ذنب لاني اعرف اشخاص موظفين ومتدربين في قطر للبترول من قطريين وغير قطريين امتن من الولد بكثير.

قدمنا على الكهرباء ولم يتم توظيفه الى الان
تم تقديم طلب الى كيوتل من عشر ايام ولا زلنا ننتظر
قدمنا على ادارة الجمارك من شهر 3 لغاية الان ولا خبر
قدمنا له في مصرف قطر الاسلامي ولا رد حتى
تم استدعائه من شركة قطر للتامين ورفضنا بحكم ربوية الشركه

فعلا شي يقهر

[شمس]

مش نفس فكرة موضوع قطر لغير القطريين؟

[مساهمة بسFresh]

اختي مساهمة بسfresh
مع احترامي لج بس انتي مناقضه لنفسج شلون كل يوم تقولين لنا مافي بطاله في قطر واليوم منزله هالموضوع!!
توفير 436 وظيفة خلال شهر ونص!!

مع احترامي لك :
متى كل يوم قلت مافي بطالة؟هات لي المشاركات اللي قلت فيها مافي بطالة ولاتنسى لازم تكون مشاركات يومية ولا انت بتكون تناقض نفسك اخوي:)
ولما اتجيب كل المشاركات اليومية اللي تقول عليها باقول لك شنو الرابط واصلا مافي اي رابط او تناقض الا عندك اخوي
في الانتظار :)

[مساهمة بسFresh]

ولدي متخرج السنه الماضيه من المدرسه التقنيه تخصص كهربا
رفضوه قطر للبترول بحجة ان وزنه زايد وطبعا عذر اقبح من ذنب لاني اعرف اشخاص موظفين ومتدربين في قطر للبترول من قطريين وغير قطريين امتن من الولد بكثير.

قدمنا على الكهرباء ولم يتم توظيفه الى الان
تم تقديم طلب الى كيوتل من عشر ايام ولا زلنا ننتظر
قدمنا على ادارة الجمارك من شهر 3 لغاية الان ولا خبر
قدمنا له في مصرف قطر الاسلامي ولا رد حتى
تم استدعائه من شركة قطر للتامين ورفضنا بحكم ربوية الشركه

فعلا شي يقهر

جزاكم الله خير اخوي انكم رفضتوا مكان ربوي والله بيعوضكم باللي اخير منه
بس هل اذا وجدت الوظيفة وتم رفضها هل هذا يدخل تحت البطالة؟:shy:

[مساهمة بسFresh]

مش نفس فكرة موضوع قطر لغير القطريين؟

اللي تشوفينه فديتج :)

[متواصل]

اذا الوزارة عندها مشكلة في توفير ميزانية لتعين موظفين جدد
انا سداد وراتبي تحت امرهم
بس يخلون لي 150 ريال حق الشاي والحب وكل شهر يعطوني وزار مدراسي
ليش الواحد يعيش في بذخ طول حياته !!!

[مساهمة بسFresh]

اذا الوزارة عندها مشكلة في توفير ميزانية لتعين موظفين جدد
انا سداد وراتبي تحت امرهم
بس يخلون لي 150 ريال حق الشاي والحب وكل شهر يعطوني وزار مدراسي
ليش الواحد يعيش في بذخ طول حياته !!!

:rolleyes2:
مافهمت عليك اخوي
الوزارة ماعندها مشكلة لانها وظفت مواطنين

انت تقصد لازم توظف عدد اكبر؟

وزار؟شدعوة غاندي :shy:

[BIG-VEGA]

جزاكم اله خير اخوي انكم رفضتوا مكان ربوي والله بيعوضكم باللي اخير منه
بس هل اذا وجدت الوظيفة وتم رفضها هل هذا يدخل تحت البطالة؟:shy:


لا طبعا مش تحت بطاله

الغلط كله في الولد ... ليش الولد وزنه زايد ... ليش مايرضى بالربا
هذا دليل انه قطري يحب يفشخر وياكل عيش ولحم وايد والدين ذابحه
ويتدلع في اختيار الوظائف

حالي الذوق السموحه ياخوي ...بس اكيد انت فاهمني

[متواصل]

:rolleyes2:
مافهمت عليك اخوي
الوزارة ماعندها مشكلة لانها وظفت مواطنين

انت تقصد لازم توظف عدد اكبر؟

وزار؟شدعوة غاندي :shy:

اقصد ان الوزارة ماعندها خرده راح اعطيهم من راتبي
وش لي بالراتب اصلا
خلاص تمللنا من الفلوس
شاي وحب شمسي ووزار وجلسه على عتبة البيت تكفي

[مساهمة بسFresh]

لا طبعا مش تحت بطاله

الغلط كله في الولد ... ليش الولد وزنه زايد ... ليش مايرضى بالربا
هذا دليل انه قطري يحب يفشخر وياكل عيش ولحم وايد والدين ذابحه
ويتدلع في اختيار الوظائف

حالي الذوق السموحه ياخوي ...بس اكيد انت فاهمني

اخوي انا ماقلت جذيه ولا قصدت الكلام اللي تقوله
ماقلت لازم يرضى بالربا بالعكس اللي يترك شي لله الله يعوضه باحسن منه

بس انا اسال في حالة توفر وظيفة ويتم رفضها هل هاذي تعد بطالة؟بس هذا السؤال اللي انت مافهمته
اللي يدخل في اي شي ربوي فهو يحارب الله ورسوله عليه السلام

[راعي ال VXR]

جزاكم اله خير اخوي انكم رفضتوا مكان ربوي والله بيعوضكم باللي اخير منه
بس هل اذا وجدت الوظيفة وتم رفضها هل هذا يدخل تحت البطالة؟:shy:
جزاكم الــلــه خير
للتعديل يرجى عدم التخربط في إســم الله

[مساهمة بسFresh]

اقصد ان الوزارة ماعندها خرده راح اعطيهم من راتبي
وش لي بالراتب اصلا
خلاص تمللنا من الفلوس
شاي وحب شمسي ووزار وجلسه على عتبة البيت تكفي

دام تمللت من الفلوس تصدق فيها اخوي
:)
بارك الله فيك

[مساهمة بسFresh]

جزاكم الــلــه خير
للتعديل يرجى عدم التخربط في إســم الله


الله يعطيك على قد نيتك اخوي
تم التعديل

[na7ees]

يالله صباح خير
ويستمر مسلسل الأقدار

[مساهمة بسFresh]

ياله صباح خير
ويستمر مسلسل الأقدار

وينك ياراعي الفي اكس ار تعدل حق الاخ :)

[قلبي الطيب]

ولدي متخرج السنه الماضيه من المدرسه التقنيه تخصص كهربا
رفضوه قطر للبترول بحجة ان وزنه زايد وطبعا عذر اقبح من ذنب لاني اعرف اشخاص موظفين ومتدربين في قطر للبترول من قطريين وغير قطريين امتن من الولد بكثير.

قدمنا على الكهرباء ولم يتم توظيفه الى الان
تم تقديم طلب الى كيوتل من عشر ايام ولا زلنا ننتظر
قدمنا على ادارة الجمارك من شهر 3 لغاية الان ولا خبر
قدمنا له في مصرف قطر الاسلامي ولا رد حتى
تم استدعائه من شركة قطر للتامين ورفضنا بحكم ربوية الشركه

فعلا شي يقهر


والله حاسة فيج أخوي تخرج من هالمدرسة التعيسة وتم يحوس مايعرف يدرس ولا يشتغل في الأخير الحمدلله اقتنع أنه لازم يدرس

[na7ees]

وينك ياراعي الفي اكس ار تعدل حق الاخ :)

ولا يهمج اختي عدلنا

الا صج وشصار بموضوع القطرين والأجانب
بازين الكرك

[الخفي]

(( ومازال الطبل يقرع بقوه وبشكل مزعج ))

[شاعر المليون]

3011 قطري وقطرية عاطلون عن العمل في 2010

http://www.qsa.gov.qa/ar/GeneralStatistics.htm

[همسه]

الله المستعان

[20 دي]

عيل في شخص في قطر كلها (ان شا الله ماتكون عنده شهادة من الاساس) يدور وظيفة عشر سنين على قولتهم ومايلاقي؟ من يصدق مثل هالسوالف؟الا اذا كانت عليه سوابق او مشاكل هذا شي ثاني
او لقى وقام يتشرط او مابغا لاسباب خاصة فيه
هاذي مااعتبرها بطالة:rolleyes2:

اي في ناس ما تتوظف ..وفي ناس ما كملو تعليهم بسبب ظروف الله يعلم بها ..وفي ناس تخرجت وتحب تشتغل في تخصصها اللي تخرجت عليه ..وهذا حق من حقوقها ومب شرط تتنازل عشان بس تحصل وظيفه والسلام وعشان ترضى ناس محدودي التفكير مثلج..الشخص اللي بيتوظف على تخصصه بيبدع اكثر وبيعطي اكثر ..وهالشي بيرفع من انتاجيته وفي النهايه لصالحه ولصالح البلد ..اما الاخت سما الوطن فقصدها مفهوم لكن انتي مسارج مختلف تماما لان انتي ضد كل شي حتى اللي راتبه ما يكفيه بسبب الغلا اللي صاير تقولين له غلطتك واحد ما حصل وظيفه غلطته..واحد ما طلعت له ارض غلطتك...واحد عنده عيال وايد وراتبه ما يكفيه غلطتك..واحد تدين عشان يبني بيت فوق قرض التنميه اللي ما يسوي شي في الوقت الحالي وانقص ظهره من الديون غلطتك على طاري الديون يا ام العريف دوري لنا بيت قيمته مليون وميتين اتحداج تحصلين لان انا واحد ما طلعت لي ارض ومقدم من 2004ويوم حصلت بيت في ام قرن بمليونين يعني ازيد 800 الف واذا عن طريق البنك الفوايد اربعميه الف..فقلت امد ريولي على قد لحافي واخلي القرض يمكن يبيض ذهب لين ما احصل بيت بهالقيمه..وانا مع مقولتج مد ريولكك قد لحافك بس بقولها لج بطريقه غير .. خلي مواضيعج على قدج وعلى محيطج مب على شعب كامل وحكومه..

[طبعي غير]

ماتطنزت على حد
قلت الواقع واللي اشوفه
:)

امبييييييييييييه
الواقع يقول مئات طلعوهم (تقاعد اجباري- بند مركزي- تطفيش) من وزارة العمل ومئات من جامعة قطر وعشرات من المجلس الأعلى للصحه ومئات من المدرسات والمدرسين
ترى قطريين واعمارهم بين 28 و 46

امبييييييييييييه :shy: :shy: :shy:

[سما الوطن]

امبييييييييييييه
الواقع يقول مئات طلعوهم (تقاعد اجباري- بند مركزي- تطفيش) من وزارة العمل ومئات من جامعة قطر وعشرات من المجلس الأعلى للصحه ومئات من المدرسات والمدرسين
ترى قطريين واعمارهم بين 28 و 46

امبييييييييييييه :shy: :shy: :shy:


والله انه اكبر قرار خاطئ في قطر
قرار التقاعد الاجباري والبند المركزي
المسؤول عنه لا يفقه شي ولا يرى ابعد موقع قدمه

[الـخـالـدي]

قواهم الله

[طبعي غير]

والله انه اكبر قرار خاطئ في قطر
قرار التقاعد الاجباري والبند المركزي
المسؤول عنه لا يفقه شي ولا يرى ابعد موقع قدمه


بل يفقه ويقصد ويضمر ويخطط لعشرات السنين القادمة وهي أسلحة اعطيت لأمثال مديرة جامعة قطر لتتملك الجامعة الوطنية وتسلخها من هويتها بكل حرية واريحية وحسب مزاجها وتمارس هواياتها في التسلط واستعمال النفوذ المفتوح بدون قيد أو شرط. وكله تحت شعارات مأخوذ خيرها ومكشوف زيفها مثل التطور والعالمية والرقي والحرية

[سما الوطن]

بل يفقه ويقصد ويضمر ويخطط لعشرات السنين القادمة وهي أسلحة اعطيت لأمثال مديرة جامعة قطر لتتملك الجامعة الوطنية وتسلخها من هويتها بكل حرية واريحية وحسب مزاجها وتمارس هواياتها في التسلط واستعمال النفوذ المفتوح بدون قيد أو شرط. وكله تحت شعارات مأخوذ خيرها ومكشوف زيفها مثل التطور والعالمية والرقي والحرية

أوافقك ميه بالميه
بل مليون بالميه

[مضاربه]

بل يفقه ويقصد ويضمر ويخطط لعشرات السنين القادمة وهي أسلحة اعطيت لأمثال مديرة جامعة قطر لتتملك الجامعة الوطنية وتسلخها من هويتها بكل حرية واريحية وحسب مزاجها وتمارس هواياتها في التسلط واستعمال النفوذ المفتوح بدون قيد أو شرط. وكله تحت شعارات مأخوذ خيرها ومكشوف زيفها مثل التطور والعالمية والرقي والحرية



كلامك صحيح انا كنت اشتغل بالجامعه وخدمت الجامعه فوق 15 سنه واحلت على البند المركزي وراتبي 10500 بالله وش هالراتب الي بيعيش مع غلاء المعيشه والعلاج بروحه يبيله ميزانيه عموما انا ماتكلم عن نفسي الحمدالله اني مب عايشه على المعاش انا اتكلم عن غيري الانسان مايصير اناني هو عايش في خير وينسى غيره

[ابن البيطار]

الله يبارك في حكومتنا ان شالله وفيها الخير توظف كل مواطن .

[همسه]

الواسطه قويه ما شاء الله

:victory:

[بـــــــنت النوخـّــــذه]

ولله الحمد والشكر