لا تحزن اذا لم يتم الرد علي موضوعك.....

[بوخالد88]

بسم الله الرحمن الرحيم


قال تعالى : " وقل اعملوا فسيرى الله عملكم "



نعم أخي الكريم :



نعم اختي الكريمة :


فأنت تكتب للــــــــــه



فلا تحزن إن وجدت جفاء أو قلة اهتمام من إخوانك لأحد مواضيعك



ولا تحزن إن حصلت جفاء ومعاداة لك أنت


لم الحزن أخي على هذا الأمر ؟؟! أأنت أخي تكتب في المنتدى


حتى تحصل على عبارات الشكر والمدح ؟؟ أم تكتب لله الواحد الأحد


إياك أخي ! إياك أن يكون فقط همك أن يقال لك كلمات الشكر والثناء

فيكون ما تكتب في موزاين سيئاتك فتكون من الخاسرين وممن حبط عمله


أنت أكبر من أن تكتب لرضا من لا يغني عنك من الله شيئا


أنت لك هنا رسالة تؤديها ودعوة تقوم بها ولم تكتب وتتعب نفسك الأيام في كتابة مقال حتى


تحصل على رضا الجماهير ! بل اجعل رضا الله هو غايتك وهو هدفك !!


فلا تتوانى ولا تتراجع وإن ثبتك المثبطون وإن خذلك المخذلون وإن قالوا عنك ما قالوا !!


فأنت تكتب لله ولا تكتب ولم تكتب لهؤلاء ! نعم قد يفرح الإنسان إذا أثنى عليه إخوانه


ويتشجع في تقديم المزيد



ولكن .....


ولكن المقصود أن لا يكون همنا وهدفنا هذ الأمر

فإن وجدنا كلمة شكر حمدنا الله القبول بين الناس


وقال عز وجل: {وَمَنْ أَحْسَنُ قَوْلاً مِمَّنْ دَعَا إِلَى اللَّهِ } (فصلت:33)


فعليك أن تخلص لله عز وجل، هذة أهم الأخلاق،


وهذة أعظم الصفات أن تكون في دعوتك تريد وجه الله والدار الآخرة"


( اللهم اجعل الفردوس الأعلى من نصيبي ونصيب من يقرأ موضوعي والمؤمنين والمسلمين أجمعين )

إنك سميع تجيب الدعاء

بالتوووووفيق

[فرحة الكواري]

ساعات اقول ودي انزل موضوع ومابي حد يرد

لان في الغالب بعض الاعضاء يفهمون بالمقلوب ويتجه الموضوع اتجاهات ثانيه

[Qatarianes]

^
maybe learn how to write?

[FCB 123]

يعطيك العافية

[رجل الجزيرة]

جزاك الله خير وبيض الله وجهك بس ودك لو الواحد إذا رد على الموضوع فيحس الكاتب على إنه سوى شيء فلو الواحد منا على الأقل قال جزاك الله خير فهذي الكلمة تكفى وتشجع على تطوير الواحد منا كتاباته لأن الواحد منا وله إسلوب خاص به فمنا العليمي ويبغي ينمي كتاباته ومنا المتعلم ومنا الخبير أو الكتاب سواء في الجرايد أو الصحفيين أو منا عندنا حبا في المطالعة وكتابة أكثر من موضوع لتطوير نفسه وينمي ثقافته وكتب الله أجرك مرة ثانية.

[Qatarianes]

صحيح كلامك بوخالد بس ياخي الردود تاثر في عطاء الكاتب
في منتدى من المنتديات كنت اسوي برنت سكرين بنفسي اشرح طريقة برنامج معين سواء للكمبيوتر او الايفون
كنت الاقي بالكاد ردين ثلاثه
لكن البعض ينقل لنا مواضيع مجرد نقل وتلقى الترحيب فانت تحس بانه حماسك يقل
فاما تغير المنتدى او حتى تبعد عنها
كلامك صحيح انه الواحد يسويه لله لكن ايضاً التقدير له دور
افرض انت عضو مميز وفعلاً مميز نكاً وعملاً في المنتدى
وفجأه شالو عنك التمييز وحطوه لناس انت ماتشوفهم مميزين في شئ
مادري شراح تسوي لكن هذي بمثابة عدم احترام لجهودك ولا تقدير لها
فلماذا تستمر اذا انت تحس انه لا احترام لوجودك ولا تقدير لجهودك

[بوخالد88]

ساعات اقول ودي انزل موضوع ومابي حد يرد

لان في الغالب بعض الاعضاء يفهمون بالمقلوب ويتجه الموضوع اتجاهات ثانيه

ههههههه اختي لاترددين في فعل شي انتي مقتنعة فيه لانه المعارضين في كل

مكان ، اهم شي لي طرحتي الموضوع يكون عندج خلفية عنه وتقدرين

تتناقشين فيه مع اصحاب الرأي الاخر اللي راح يناقشونج في موضوعج ، بالنسبة

للي يفهمون بالمقلوب خلي الاخ فهلوي يفهمهم:tease:


ولاتتوقعين انه الكل راح يعارضج او الكل راح يوافقج الرأي في موضوعج.

ويالله عاد شدي حيلج وناطرين مواضعيج :omen2:

بالتووووفيق

[شبح الصمت]

اللهم آمين

والله يجعلنا ممن يحسنون الظــن فيـهم ...

موضوعـك أخوي جاء في الصميـم...

ومن وجـهة نظري في ناس وايد تقدر تخلي العالم ترد على مواضيـعها من خــلال طرح موضوع يسبب الحساسيه ويحس أنه راح يكون فيـه رد وسلبياته أكثر من إيجابياته ... :anger1:


بس الاعضاء والحمد لله متوعـين لهالشيء ولا ودهـم في أي حساسيه يدخلون فيـها وأن العالم تنقد عليه/ ــها ..

وفي مواضيـع نطرحـه ولكن لا نحسـن اختيار محتـوى الموضـوع نفسـه ...

فــفي المنـتدى من يقرأ رأس الموضوع .. ويترك البطـن المحتوى ...

وفي منهم من يقرأ بطن الموضوع ولكن لا يعرف محتواه ..

وفي منهم من يشكر وفي منهم من لا يشكــر ...

ففي الأول والأخير نفس ما تفضلت لو طرحت موضوع حاول قد ما تقدر أنـك تشارك في الموضوع الي راح تطرحه ولا تخليـه عرضـه لتحريف مساره من الموضوع الاساسي إلى عدة مواضيـع مالها معنى ..


تقبل مروري
:shy:

[بوخالد88]

^
maybe learn how to write?


هاي شي اكيد ، وبعد لازم تعلم اختيار المواضيع اللي تهم الشخص الموجه له الموضوع .

يعتقد كل واحد منا أن له أسلوب واضح وسهل، وأنه واقعي في كل ما يكتبه ويدافع عنه. فيجب أن تكون كتابته مفهومة أولا، ومقنعة ثانيا. فهو لايكتب لنفسه بل يكتب لغيره، ولذلك يجب التساؤل دائما عن أنجح الصيغ والمفردات والحجج التي تمكننا من الوصول على القارئ.

بالتوووووفيق

[بوخالد88]

يعطيك العافية


الله يعافيك

بالتوووووفيق

[بوخالد88]

جزاك الله خير وبيض الله وجهك بس ودك لو الواحد إذا رد على الموضوع فيحس الكاتب على إنه سوى شيء فلو الواحد منا على الأقل قال جزاك الله خير فهذي الكلمة تكفى وتشجع على تطوير الواحد منا كتاباته لأن الواحد منا وله إسلوب خاص به فمنا العليمي ويبغي ينمي كتاباته ومنا المتعلم ومنا الخبير أو الكتاب سواء في الجرايد أو الصحفيين أو منا عندنا حبا في المطالعة وكتابة أكثر من موضوع لتطوير نفسه وينمي ثقافته وكتب الله أجرك مرة ثانية.

ويجزاك الخير اخوي

اي نعم صادق في كلامك والكلمة تعتبر هي الدافع لنا بس الواحد يحاول بقدر

المستطاع انه مايخليها همه الاول علشان ماتأثر علي كتاباته واسلوبه.

والله يرحم والديك ويجزاك الجنة

بالتوووووفيق

[بو الجوري]

أخوي :.. يعتمد على حسب الموضوع اللي أنا منزلـه :..:)

يعني لو منزل موضوع نقاشي :.. و خاصه إني مب ناقله :..
و تعبت و أنا أكتب :..
و محد رد إلا كم واحد :.. و يا يقول شكرا و موضوع حلو :.. و من هالكلمتين :..:secret:
الصراحه بزعل و بتضايق :.. ماراح أعاتب حد :.. لكـن بيحز في خاطري :..:weeping:


أما إذا كتبت موضوع فيه معلومه بتفيد الناس :..
فأجري إن شاء الله عند رب العالمين :..
و لكن هذا مايمنع إنه الواحد إذا قرا الموضوع :.. يرد بكلمة شكرا قبل لا يطلع :..:rolleyes2:

(من لا يشكر الناس لا يشكر الله) :..



يعني تخيل الموضوع اللي إنت منزله :.. و تعبان عليه :..
هو طبعاً للنقاش :.. و منتظر آراء الأعضاء :..
تخيل محـد يرد :.. أو بس يقولون مشكور عالموضوع :..
و بعد 3 ساعات تلاقيه في آخر الصفحـه :..:secret:

ما بيحز في خاطرك :.. !!! إنه محد ناقشك في طرحـك :.. !!!:weeping:


فالنهايه :.. مشكور على الموضوع :..:nice:

[R 7 A L]

أهم من الردود عدد المشاهدات

يعطيك العافية ابو خالد



للامانة مواضيعك و أختيارك للأفكـــار التي تطرحهــا متميزة
كتواجدك الطيب

[شبح الصمت]

أخوي :.. يعتمد على حسب الموضوع اللي أنا منزلـه :..:)

يعني لو منزل موضوع نقاشي :.. و خاصه إني مب ناقله :..
و تعبت و أنا أكتب :..
و محد رد إلا كم واحد :.. و يا يقول شكرا و موضوع حلو :.. و من هالكلمتين :..:secret:
الصراحه بزعل و بتضايق :.. ماراح أعاتب حد :.. لكـن بيحز في خاطري :..:weeping:


أما إذا كتبت موضوع فيه معلومه بتفيد الناس :..
فأجري إن شاء الله عند رب العالمين :..
و لكن هذا مايمنع إنه الواحد إذا قرا الموضوع :.. يرد بكلمة شكرا قبل لا يطلع :..:rolleyes2:

(من لا يشكر الناس لا يشكر الله) :..



يعني تخيل الموضوع اللي إنت منزله :.. و تعبان عليه :..
هو طبعاً للنقاش :.. و منتظر آراء الأعضاء :..
تخيل محـد يرد :.. أو بس يقولون مشكور عالموضوع :..
و بعد 3 ساعات تلاقيه في آخر الصفحـه :..:secret:

ما بيحز في خاطرك :.. !!! إنه محد ناقشك في طرحـك :.. !!!:weeping:


فالنهايه :.. مشكور على الموضوع :..:nice:



يا ناس هالانسان ماشاء الله عليـه كلامه درر ومنسـق ومرتب ..

ماشاء الله ماشاء الله

صدقني مفروض يشقحونـك درجـه عضو مؤسس ...

ومن صـجي اتكلم ولا به قصور على الموجـودين ...

في علاوات استثنائية ...

تساهل يا بوفهــد ...

:nice:

[بو الجوري]

يا ناس هالانسان ماشاء الله عليـه كلامه درر ومنسـق ومرتب ..

ماشاء الله ماشاء الله

صدقني مفروض يشقحونـك درجـه عضو مؤسس ...ومن صـجي اتكلم ولا به قصور على الموجـودين ...

في علاوات استثنائية ...

تساهل يا بوفهــد ...

:nice:
:telephone:


:shy:
ماعليك زووووود :.. ليش الإحراج :..
:shy:

[بوخالد88]

صحيح كلامك بوخالد بس ياخي الردود تاثر في عطاء الكاتب
في منتدى من المنتديات كنت اسوي برنت سكرين بنفسي اشرح طريقة برنامج معين سواء للكمبيوتر او الايفون
كنت الاقي بالكاد ردين ثلاثه
لكن البعض ينقل لنا مواضيع مجرد نقل وتلقى الترحيب فانت تحس بانه حماسك يقل
فاما تغير المنتدى او حتى تبعد عنها
كلامك صحيح انه الواحد يسويه لله لكن ايضاً التقدير له دور
افرض انت عضو مميز وفعلاً مميز نكاً وعملاً في المنتدى
وفجأه شالو عنك التمييز وحطوه لناس انت ماتشوفهم مميزين في شئ
مادري شراح تسوي لكن هذي بمثابة عدم احترام لجهودك ولا تقدير لها
فلماذا تستمر اذا انت تحس انه لا احترام لوجودك ولا تقدير لجهودك

مايصح الا الصحيح اخوي ، ولكن اقولك نفس الكلام اللي قلته حق اخوي رجل الجزيرة

انه الكلمة هي الدافع للكاتب ( الطاقة ) اللي يشتغل عليها و لكن مايخليها هي

هدفه الاساسي لطرحة المواضيع او المقالات لانه بعض الناس تكتب بغرض التسليه

والبعض بغرض تفريغ مافي انفسهم اوعقولهم اللي تنضح بالافكار النيره المكبوته وركز علي كلمة

( تنضح ) هههه ، ومشكلة المنتدي اللي تقوول عنه اتوقع في ادارة الفاشلة

لعدم تقيمها وتقديرها بالاشخاص المتميزين .

بالتووووفيق

*

[بوخالد88]

اللهم آمين
والله يجعلنا ممن يحسنون الظــن فيـهم ...
موضوعـك أخوي جاء في الصميـم...
ومن وجـهة نظري في ناس وايد تقدر تخلي العالم ترد على مواضيـعها من خــلال طرح موضوع يسبب الحساسيه ويحس أنه راح يكون فيـه رد وسلبياته أكثر من إيجابياته ... :anger1:
بس الاعضاء والحمد لله متوعـين لهالشيء ولا ودهـم في أي حساسيه يدخلون فيـها وأن العالم تنقد عليه/ ــها ..
وفي مواضيـع نطرحـه ولكن لا نحسـن اختيار محتـوى الموضـوع نفسـه ...
فــفي المنـتدى من يقرأ رأس الموضوع .. ويترك البطـن المحتوى ...
وفي منهم من يقرأ بطن الموضوع ولكن لا يعرف محتواه ..
وفي منهم من يشكر وفي منهم من لا يشكــر ...
ففي الأول والأخير نفس ما تفضلت لو طرحت موضوع حاول قد ما تقدر أنـك تشارك في الموضوع الي راح تطرحه ولا تخليـه عرضـه لتحريف مساره من الموضوع الاساسي إلى عدة مواضيـع مالها معنى ..
تقبل مروري
:shy:

الله يسمع منك ان شاء الله

والناس هاذي تراها في كل مكان موجودة اللي تقرأ اطراف المواضيع وماتقرأًّ

الموضوع كامل ، تحصله يقرأ عنوان المقال في الجريدة ويصدق الخبر وهوا

ماعرف تكملة الموضوع وتحصل الكلام الداخلي للموضوع مختلف كلياً عن العنوان.

زين اخوي هل انت من الناس اللي ينطرون كلمة المدح والشكر علي اللي تطرحة!!!

بكل صراااحة اخوي احاول قدر الامكان انه مااخلي الموضوع ينحرف عن مساره، ولكن بعض العقول

النيرة الله يعطيها العافية تجيك ووتقلب المسار لك

بالتوووووفيق

[مضاربه]

رحم الله والديك الموضوع حلو انا ملاحظه ويمكن اكون على خطا ان بعض المشاركات مافيها مصداقيه يعني كل وحده تفزع حق صاحبتها عسى مانعلق بشي الا كلهم هبوا مع بعض يدافعون عن بعض لازم يطلعون هم الصح

[بوخالد88]

أخوي :.. يعتمد على حسب الموضوع اللي أنا منزلـه :..:)
يعني لو منزل موضوع نقاشي :.. و خاصه إني مب ناقله :..
و تعبت و أنا أكتب :..
و محد رد إلا كم واحد :.. و يا يقول شكرا و موضوع حلو :.. و من هالكلمتين :..:secret:
الصراحه بزعل و بتضايق :.. ماراح أعاتب حد :.. لكـن بيحز في خاطري :..:weeping:
أما إذا كتبت موضوع فيه معلومه بتفيد الناس :..
فأجري إن شاء الله عند رب العالمين :..
و لكن هذا مايمنع إنه الواحد إذا قرا الموضوع :.. يرد بكلمة شكرا قبل لا يطلع :..:rolleyes2:
(من لا يشكر الناس لا يشكر الله) :..
يعني تخيل الموضوع اللي إنت منزله :.. و تعبان عليه :..
هو طبعاً للنقاش :.. و منتظر آراء الأعضاء :..
تخيل محـد يرد :.. أو بس يقولون مشكور عالموضوع :..
و بعد 3 ساعات تلاقيه في آخر الصفحـه :..:secret:
ما بيحز في خاطرك :.. !!! إنه محد ناقشك في طرحـك :.. !!!:weeping:
فالنهايه :.. مشكور على الموضوع :..:nice:

للاسف اخوي اذا ماحصلت تفاعل من قبل الاعضاء علي موضوع نفس ماتفضلت
انك انت اللي كاتبه وتاعب عليه اكيد راح ياثر بس تحاول بقدر الاستطاعة انك تتجنب هالشي
تاثير عدم الرد علي موضوع وتحويله الي احباط ، ومااتوقع انه موضوع يطلع
من تحت
يد بالجوري مايكون له ذاك الصدا والتفاعل لانه مواضيعك كلها ممتازة وقيمة

عدم الرد علي الموضوع له اسباب كثيرة والناس اتدور المواضيع الساخنة اللي تحاكي حياتهم
واذا جاهم موضوع عادي تحصل ( البعض ) منهم نفس القطاو بس يطل ويطلع

لانه الموضوع مب علي مزاجة

والعفو اخوي

بالتووووووفيق

[ام السعف]

عدم الرد مرات يسبب احباط ،، بس مثل ما قلت الواحد لو درب نفسه
ان اللي يكتبه لوجه الله فهذا يخفف منه الصدمة ،، اما لو الموضوع كان
للتشاور والنقاش .....................> اعتقد بيحرم الواحد يكتب
لو ما لقى تجاوب :(

[بوخالد88]

أهم من الردود عدد المشاهدات

يعطيك العافية ابو خالد

للامانة مواضيعك و أختيارك للأفكـــار التي تطرحهــا متميزة
كتواجدك الطيب


هههه اخوي رحال انا اسميهم ( قطاوه ) اللي يدخلون ومايردون علي الموضوع


والله يعافيك ويبارك فيك ويوفقك

التميز دووم عندك الصراحة في كتاباتك الطيبة

بالتووووووفيق*

[ام السعف]

رحم الله والديك الموضوع حلو انا ملاحظه ويمكن اكون على خطا ان بعض المشاركات مافيها مصداقيه يعني كل وحده تفزع حق صاحبتها عسى مانعلق بشي الا كلهم هبوا مع بعض يدافعون عن بعض لازم يطلعون هم الصح

شوف الكلمة امانة لو الواحد بيشارك علشان يدافع عن صديقه لمجرد الدفاع
اكيد الأمر هذا يحسب عليه عند رب العالمين ،

[بوخالد88]

يا ناس هالانسان ماشاء الله عليـه كلامه درر ومنسـق ومرتب ..
ماشاء الله ماشاء الله
صدقني مفروض يشقحونـك درجـه عضو مؤسس ...
ومن صـجي اتكلم ولا به قصور على الموجـودين ...
في علاوات استثنائية ...
تساهل يا بوفهــد ...
:nice:


اي نعم اخوي بالوجوري مواضيعك وردوك تشهد لك اخوي وكلها تدل علي

ثقافتك واخلاق العاليه:nice:

بالتووووووفيق

[بوخالد88]

رحم الله والديك الموضوع حلو انا ملاحظه ويمكن اكون على خطا ان بعض المشاركات مافيها مصداقيه يعني كل وحده تفزع حق صاحبتها عسى مانعلق بشي الا كلهم هبوا مع بعض يدافعون عن بعض لازم يطلعون هم الصح


والديج الجنة وكل المسلمين

ومرورك انتو وباقي الاعضاء هو اللي حلي الموضوع

هههه اي نعم اختي ملاحظة هاذي النقطة اللي تقصدينها في اكثر من موضوع

واشوف ردودهم للموضوع كانهم يبغون يحولونه الي مهزاله ، ومالج الا انه

تبعدين عنهم ، واتكتبن وتردين بالكلام اللي يقنعج ، وزين انج عارفه انهم

مجموعه مع بعض وغيرج مسكين مايدري ايش السالفه ويحس انه هو الغلطان

لين جاف اكثر من واحد ضده .

بالتووووووفيق

[شبح الصمت]

الله يسمع منك ان شاء الله

والناس هاذي تراها في كل مكان موجودة اللي تقرأ اطراف المواضيع وماتقرأًّ

الموضوع كامل ، تحصله يقرأ عنوان المقال في الجريدة ويصدق الخبر وهوا

ماعرف تكملة الموضوع وتحصل الكلام الداخلي للموضوع مختلف كلياً عن العنوان.

زين اخوي هل انت من الناس اللي ينطرون كلمة المدح والشكر علي اللي تطرحة!!!

بكل صراااحة اخوي احاول قدر الامكان انه مااخلي الموضوع ينحرف عن مساره، ولكن بعض العقول

النيرة الله يعطيها العافية تجيك ووتقلب المسار لك

بالتوووووفيق




تبي الصراحة كلمة الشكر الكل يتمناها والكل يبي انه الواحد يندعى له ..

فا مب غلط اني انتظر كلمة الشكر أو الدعاء ..

اقص عليـك لو قلت لك لا ما تهمني .. وأكون قد قصـيت على نفسي ..

أي نعـم أنتظر كلمة الشكر ولكن من الذي يشكرني على شيء قلته وكلمه طيبه قلتها وليس بها نفــاق أو كذب ..

أرحم الله والديــك وبيض الله وجــهك ...

[بو الجوري]

مشكور عالإطراء يا بوخالد :.. :)

[بوخالد88]

عدم الرد مرات يسبب احباط ،، بس مثل ما قلت الواحد لو درب نفسه
ان اللي يكتبه لوجه الله فهذا يخفف منه الصدمة ،، اما لو الموضوع كان
للتشاور والنقاش .....................> اعتقد بيحرم الواحد يكتب
لو ما لقى تجاوب :(

اختي قبل هالشي كان يهمني وايد وياثر علي الرد ، بس بعدين خلاص

موضوع التشاور والنقاش لازم يكون يهم الفئة اللي راح تطرحين لهم الموضوع

علشان تلاقين منهم تجاوب وردود .

بالتووووووفيق*

[بوخالد88]

تبي الصراحة كلمة الشكر الكل يتمناها والكل يبي انه الواحد يندعى له ..
فا مب غلط اني انتظر كلمة الشكر أو الدعاء ..
اقص عليـك لو قلت لك لا ما تهمني .. وأكون قد قصـيت على نفسي ..
أي نعـم أنتظر كلمة الشكر ولكن من الذي يشكرني على شيء قلته وكلمه طيبه قلتها وليس بها نفــاق أو كذب .
أرحم الله والديــك وبيض الله وجــهك ...

اي نعم اخوي صادق وانا هذا الكلام اللي كنت ناطرك اترد فيه علي :nice:

ووالديك الجنة اخوي شبح الصمت

بالتوووووووفيق

[بوسلمان 2010]

الله يعطيك العافيه اخوي بوخالد 88 على الموضوع يااخوي الواحد منا اذا نزل موضوع او احد الاخوات تنزل



موضوع طبعا اخونا واخوتنا في المنتدى كل واحد وله ميول على موضوع ما اهم شي الواحد او الوحده يكنون



مقتنعين من الي يكتبونه وانه مريح ضميره واذا ماحصل مشركات كثيره مومعناتها ان مافي اهتمام باالعكس



يكتب ويطرح المواضيع وبيجي اليوم الي مايحصل الوقت حق الردود من الاعضاء اهم شي الثقه باالنفس ويكون


هو مقتنع والله يوفق الجميع شدو الحيل في الكتابه

[بوخالد88]

مشكور عالإطراء يا بوخالد :.. :)

العفو اخوي وماقلت غير الحق والحق ينقال :)

بالتووووفيق

[عابر سبيل]

فلا تحزن إن وجدت جفاء أو قلة اهتمام من إخوانك لأحد مواضيعك



ولا تحزن إن حصلت جفاء ومعاداة لك أنت


لم الحزن أخي على هذا الأمر ؟؟!

تسلم يا بو خالد على هالمواضع
و مواضيعك المتنوعة والمثرية..
لو تسمح لي..
اني أسال معاك او اتسائل..
لي و لمن يكون شعر بهذاالشعور الذي تتطرق له
بالاعلى..

يا اخي..خلنا نمشي متتبعين لهالشعور و الحزن
او خيبة الامل..

لكن السؤال..الانسان يحزن ممن؟؟
من اللي يعرفهم و ما ردوا على موضوعه؟؟
من الشلة اللي متعود انها ترد على مواضيعه
لانه هو يرد عليهم عشان هم بعدين يردون عليه..الخ الخ الخ!!؟؟

و لا من كل العالم..اللي مرت ع المنتدى...
و يمكن ما شافت-لاسباب كثييرة- موضوعه..
في الوقت اللي هو يتمناه...
بس..من الممكن..ان فيه حد..يمكن تالي ينتبه و يعجب في موضوعه..
بس لما يكون للباقين مزاج و رغبة في القراءة لهذا الطرح او ذاك..

اعتقد..اننا قبل ان نطبطب على من يشعر بهذه المشاعر
يا اخي/ بوخالد..و البقية الكرام
خلونا معا..
نتتبع جذورو اسباب و مسببات هذه المشاعر..
و ربما نتعاون في ايجاد السبل لكيفية التعامل
معها عندما تنتاب صدورنا او صدور البعض منا..
و بالتالي تخف الوطأة ربما على قلوب من تاتيه هذه المشاعر..
و تزداد مشاركات المترددين من الاعضاء..فيما بيننا.

و لاّ لك راي ثاني..
فاعذرني اذا
على طول استرسالي:shy:

[الأصيلة]

الردود تعبر فعلا عن قارئي الموضوع...
لكن المشكلة إذا كان الموضوع في صوب والرد في صوب ثاني
ويسونها شات ..ويخربطون وياخذ الموضوع منحنى آخر...

شكرا لك على الطرح الراقي

[ام السعف]

الردود تعبر فعلا عن قارئي الموضوع...
لكن المشكلة إذا كان الموضوع في صوب والرد في صوب ثاني
ويسونها شات ..ويخربطون وياخذ الموضوع منحنى آخر...

شكرا لك على الطرح الراقي

:unsure::unsure::unsure:

[La.Queen]

عن نفسي .. اشوف هالمنتدى كل واحد يرد على ربعه ومعارفه واعداءه ..

بس اي عضو جديد ماله صيت ماينعطى وجه حتى لو كان مجتهد في موضوعه ..


Correct me if im wrong

[بو الجوري]

you are wrong :.. :)

أنا عن نفسي :.. الموضوع اللي يعجبني و أدخله :.. لازم أرد عليه :..
بغض النظر من كاتب الموضوع :..

و طبعاً في أعضاء أتعمد أدخل مواضيعهم :..
لكن مب معناته ما أدخل إلا مواضيعهـم :.. !!!

[La.Queen]

you are wrong :.. :)

أنا عن نفسي :.. الموضوع اللي يعجبني و أدخله :.. لازم أرد عليه :..
بغض النظر من كاتب الموضوع :..

و طبعاً في أعضاء أتعمد أدخل مواضيعهم :..
لكن مب معناته ما أدخل إلا مواضيعهـم :.. !!!

زين قلتها فيه اعضاء تتعمد تدخل مواضيعهم ..
:discuss:

[بوحارب]

اانا صرت مانزل مواضيع عشان كثرة الردود

المتابعه حلوة

ينطيك العافية

[بو الجوري]

زين قلتها فيه اعضاء تتعمد تدخل مواضيعهم ..
:discuss:

:rolleyes2:

و قلت عقبها :..
(( لكن مب معناته ما أدخل إلا مواضيعهـم )) :..

يعني شي طبيعي بدخل على مواضيع أعضاء معينيين :.. و مب شرط أعرفهم شخصيا :..
أو نتياً :.. :nice:
لكن أدخل مواضيعهم لأني أدري إني بلاقي شي مفيد :..

و فالمقابل قلت فالبدايه إني أدخل على الموضوع و أرد عليه بغض النظر من كاتبه :..

[ام السعف]

عن نفسي .. اشوف هالمنتدى كل واحد يرد على ربعه ومعارفه واعداءه ..

بس اي عضو جديد ماله صيت ماينعطى وجه حتى لو كان مجتهد في موضوعه ..


Correct me if im wrong

الحركة هذي تصير في غالبية المنتديات ،،

حسب خبرتي في عالمها خلال 12 سنة اقول من الأفضل :

الواحد لدخل منتدى يديد يشارك في البداية في المواضيع
و يعرف الآخرين عليه ،، وعقب ينزل مواضيع تعبر عنه ،،

[شيط ويط]

حزن مره وحده ؟؟؟ ... لا لا الموضوع ابسط من هيك .. سالفة المنتديات ومافيها قائمة على :

1- تواجد
2- استمراريه

بعدها اكتب اي موضوع حتى لو شخبوطي .. وبتلقى الناس ترد عليك

هذي هي فلسفة المنتديات

مايصير مثلا ناا اكتب موضوع اليوم .. وعدد مداخلاتي مع مواضيع الاعضاء 6 مداخلات .. ومن ثم اختفي وارد عقب شهرين اكتب موضوع ثاني .. وهكذا ..

[بوخالد88]

الله يعطيك العافيه اخوي بوخالد 88 على الموضوع يااخوي الواحد منا اذا نزل موضوع او احد الاخوات تنزل
موضوع طبعا اخونا واخوتنا في المنتدى كل واحد وله ميول على موضوع ما اهم شي الواحد او الوحده يكنون
مقتنعين من الي يكتبونه وانه مريح ضميره واذا ماحصل مشركات كثيره مومعناتها ان مافي اهتمام باالعكس
يكتب ويطرح المواضيع وبيجي اليوم الي مايحصل الوقت حق الردود من الاعضاء اهم شي الثقه باالنفس ويكون
هو مقتنع والله يوفق الجميع شدو الحيل في الكتابه

الله يعافيك اخوي بوسلمان

صادق كل من له ميوله بس انت خل مواضيعك امناصفة حق الصوبين :victory:

بالتوووووفيق

[بوخالد88]

تسلم يا بو خالد على هالمواضع
و مواضيعك المتنوعة والمثرية..
لو تسمح لي..
اني أسال معاك او اتسائل..
لي و لمن يكون شعر بهذاالشعور الذي تتطرق له
بالاعلى..
يا اخي..خلنا نمشي متتبعين لهالشعور و الحزن
او خيبة الامل..
لكن السؤال..الانسان يحزن ممن؟؟
من اللي يعرفهم و ما ردوا على موضوعه؟؟
من الشلة اللي متعود انها ترد على مواضيعه
لانه هو يرد عليهم عشان هم بعدين يردون عليه..الخ الخ الخ!!؟؟
و لا من كل العالم..اللي مرت ع المنتدى...
و يمكن ما شافت-لاسباب كثييرة- موضوعه..
في الوقت اللي هو يتمناه...
بس..من الممكن..ان فيه حد..يمكن تالي ينتبه و يعجب في موضوعه..
بس لما يكون للباقين مزاج و رغبة في القراءة لهذا الطرح او ذاك..
اعتقد..اننا قبل ان نطبطب على من يشعر بهذه المشاعر
يا اخي/ بوخالد..و البقية الكرام
خلونا معا..
نتتبع جذورو اسباب و مسببات هذه المشاعر..
و ربما نتعاون في ايجاد السبل لكيفية التعامل
معها عندما تنتاب صدورنا او صدور البعض منا..
و بالتالي تخف الوطأة ربما على قلوب من تاتيه هذه المشاعر..
و تزداد مشاركات المترددين من الاعضاء..فيما بيننا.
و لاّ لك راي ثاني..
فاعذرني اذا
على طول استرسالي:shy:

الله يسلمك ويعافيك اخوي عابر سبيل

افا عليك بالعكس مشاركتك في الموضوع تزيدة قيمة

نتتبع جذورو اسباب و مسببات هذه المشاعر..
و ربما نتعاون في ايجاد السبل لكيفية التعامل
معها عندما تنتاب صدورنا او صدور البعض منا..
و بالتالي تخف الوطأة ربما على قلوب من تاتيه هذه المشاعر..
و تزداد مشاركات المترددين من الاعضاء..فيما بيننا.
^^^^^^^^^^^^^^^
كلام سليم :nice: وراي من رايك اخوي

وشرفنا مرورك الطيب

بالتووووووفيق

[بوخالد88]

الردود تعبر فعلا عن قارئي الموضوع...
لكن المشكلة إذا كان الموضوع في صوب والرد في صوب ثاني
ويسونها شات ..ويخربطون وياخذ الموضوع منحنى آخر...
شكرا لك على الطرح الراقي

اختي الاصيلة ردي اقتبسته لج من رد اخوي شبح الصمت

((ففي الأول والأخير نفس ما تفضلت لو طرحت موضوع حاول قد ما تقدر أنـك تشارك في الموضوع الي راح تطرحه ولا تخليـه عرضـه لتحريف مساره من الموضوع الاساسي إلى عدة مواضيـع مالها معنى ))

وحياج الله اختي شرفني مرورج

بالتوووووفيق

[بوخالد88]

عن نفسي .. اشوف هالمنتدى كل واحد يرد على ربعه ومعارفه واعداءه ..
بس اي عضو جديد ماله صيت ماينعطى وجه حتى لو كان مجتهد في موضوعه ..

Correct me if im wrong

مب هالمنتدي بس كل المنتديات وحتي الكتاب في الجريدة مب من البداية

يحصلون لهم متابعين ومؤايدين وكل الناس تمشي علي هالنظام اختي ،

ولكن طرحج لمواضيع قيمة ومفيدة راح تحصلين اعضاء متابعين ومهتمين

لكلمواضعيج ، في البداية لازم تعرفين طرق جذب القراء الي الموضوع

اللي تحبين تطرحينه اختي .

بالتوووووفيق*

[بوخالد88]

اانا صرت مانزل مواضيع عشان كثرة الردود

المتابعه حلوة

ينطيك العافية

لا عاد اخوي بوحارب مايصير هيك لازم ترجع مرة ثانية لمواضيعك القيمة والشيقة

وكثر الردود تدل علي كثر متابعينك اخوي :victory: وحرام تحرمهم

اكتب وتابع محد ماسكك

ويعافيك خييو

بالتووووووفيق

[بوخالد88]

حزن مره وحده ؟؟؟ ... لا لا الموضوع ابسط من هيك .. سالفة المنتديات ومافيها قائمة على :
1- تواجد
2- استمراريه
بعدها اكتب اي موضوع حتى لو شخبوطي .. وبتلقى الناس ترد عليك
هذي هي فلسفة المنتديات
مايصير مثلا ناا اكتب موضوع اليوم .. وعدد مداخلاتي مع مواضيع الاعضاء 6 مداخلات .. ومن ثم اختفي وارد عقب شهرين اكتب موضوع ثاني .. وهكذا ..

:weeping::weeping::weeping: للاسف اخوي بعض الناس حساسه وتتأثر بالردود

كلامك سليم تواجد واستمراريه:nice:

اما الشخبوطي مايكتبه الا الشخبوطي :omg: ويرد عليه شخبوطي ههههه

ويعطيك الف اخوي

بالتووووووفيق

[الجني]

جزاك الله خير , موضوع رائع يا بوخالد

لإن أكتب لعضو واحد يرد على موضوعي

و يستفيد و أستفيد منه يكفي من أن يكون

هدفي كثرة الردود .

تقبل مرورك أخي بوخالد

[بوخالد88]

جزاك الله خير , موضوع رائع يا بوخالد

لإن أكتب لعضو واحد يرد على موضوعي

و يستفيد و أستفيد منه يكفي من أن يكون

هدفي كثرة الردود .

تقبل مرورك أخي بوخالد


ويجزاك الخير اخوي الجني

((لإن أكتب لعضو واحد يرد على موضوعي
و يستفيد و أستفيد منه يكفي من أن يكون
هدفي كثرة الردود)) :nice:

بالتوووووفيق

[بوخالد88]

شوف الكلمة امانة لو الواحد بيشارك علشان يدافع عن صديقه لمجرد الدفاع
اكيد الأمر هذا يحسب عليه عند رب العالمين ،
^^^^^^^^^^^

درررر ياام السعف:telephone:

والنعم بالله اكيد رب العالمين ماينسي حد

بالتووووفيق

[Dawn]

لا ليش احزن ،، عادي ،، ماشاركوا في هالموضوع بيشاركون في موضوع ثاني :)

بالتووووفيق

[هبوب الكوس]

لان أحزن :(

وسأستمر

وشكررررراً بوخالد 150

[المسك1969]

السلام عليكم

نعم حفظك الله موضوع في الصميم... ونحن نعمل لله ولا يهم المدح ولا الجفاء بقدر مايهم ان تصل كلمة حق لاصحابها... وعلى من يجد كلمة طيبه ألا ينغر ومن يجد كلمة سيئه ألا يُحبط لأن لكل انسان رأي ولا نستطيع أن ندرك رغبات الناس ولو حاولنا.

جزاك الله خيرا وفي ميزان حسناتك

[بوخالد88]

لا ليش احزن ،، عادي ،، ماشاركوا في هالموضوع بيشاركون في موضوع ثاني :)

بالتووووفيق

يعجبني تفاؤلك اخوي :nice:

بالتووووفيق

[بوخالد88]

لان أحزن :(

وسأستمر

وشكررررراً بوخالد 150

لن احزن :anger1: او :(

استمر بالتوووفيث

حياك الله اخوي هبوب الكوس

[بوخالد88]

السلام عليكم
نعم حفظك الله موضوع في الصميم... ونحن نعمل لله ولا يهم المدح ولا الجفاء بقدر مايهم ان تصل كلمة حق لاصحابها... وعلى من يجد كلمة طيبه ألا ينغر ومن يجد كلمة سيئه ألا يُحبط لأن لكل انسان رأي ولا نستطيع أن ندرك رغبات الناس ولو حاولنا.
جزاك الله خيرا وفي ميزان حسناتك

وعليك السلام ورحمه الله وبركاته

ان تصل كلمة حق لاصحابها:nice:

ويجزاج الخير اختي المسك

بالتوووووفيق

[بوخالد911]

لا احزن

ولكن ربما أحزن لعدم الرد من قبل أصدقاء أعزاء علي


والله الموفق

[الحياة الخالدة]

قواك الله أخـــــوي بوخالد88 ..

بعض المواضيع تجذبك و تخليك غصب طيب تــــــرد عليها ..

و بعضها .. حلــــــو .. بس مافي مجال تناقش أو تحاور .. و يكتفى فيه بالقراءة و الاطلاع ..

كلها تعتمد على شطارة صاحب الموضوع .. و على مدى شعبيته في المنتدى .. و تقبل الأعضاء له .. من جمال الأسلوب .. و اتساع الثقافة .. و حسن الرد و التعامل مع المتفقين و المختلفين معه على حد سواء ..

في أعضاء .. لما ترد عليهم بمواضيعهم .. يردون عليك و يحسسونك انك موجود .. و بمعنى آخر يعبرونك .. و يقدرون مشاركتك في موضوعهم ..
و في ثانيين .. ولا كأنك موجود .. و يعطونك أحلى طااااااااااف.. يخلونك تتحسف حتى انك دشيت موضوعهم .. و يردون على اللي يبونه حتى لو كان رده سخيف أو بكلمة وحدة .. و بالتالي لما تشوفهم منزلين موضوع ثاني في المستقبل .. ما يعود لك خلق تطل حتى بويهـــــه ..

في مواضيع معروفة .. و معروف انها تستقطب الكثيرين .. و تستفز القراء للرد عليها .. حتى لو مسكوا نفسهم عن الرد يوم يومين .. بس مردهم بيردون .. لأنها تمس واقعهم .. و تكون حديث المجالس ..

في ناس تدخل .. لترطيب الجـــــــو فقط لا غير .. و ما تكون أصلاً قرت الموضوع .. و لا لها اهتمام فيه .. و يدشون بس لأن توأمهم الروحي دخل و علق فيه .. فيعلقون على كلمة قالها .. بمصطلح خاص بينهم و بين بعض ..و يطلعون و لا كأنهم داشين موضوع واحد ثاني ..

مثل ما قالوا بعض الأعضاء ..
الناس الحساسين وايد :secret: بيتعبون ... لأنهم يبون الناس تعاملهم بنفس الطريقة اللي هم يتعاملون بها ..و هذا خطأ ..
الصحيح والأولى .. انك تتقبل الكل .. مثل ماهم ..
لأن المنتدى عالم مصغر .. للحياة الحقيقية اللي احنا عايشين فيها ..

هذرت وايد .. بس سامحوني
مثل ما يقولون .. قلبي متروســــــــة .. :nice:

شكراً لك .. :victory:

[بوخالد88]

لا احزن

ولكن ربما أحزن لعدم الرد من قبل أصدقاء أعزاء علي


والله الموفق

وليش تحزن منهم دام انهم اصدقاء أعزاء عليك فيمكن ماانتبهوا علي موضوعك

او او .. ولا تحسس منها اخوي يوم ويوم

والنعم بالله

بالتووووووفيق

[بوحمد2]

يعطيك العافية

يعطيك العافيه

[بوخالد88]

قواك الله أخـــــوي بوخالد88 ..
بعض المواضيع تجذبك و تخليك غصب طيب تــــــرد عليها ..
و بعضها .. حلــــــو .. بس مافي مجال تناقش أو تحاور .. و يكتفى فيه بالقراءة و الاطلاع ..
كلها تعتمد على شطارة صاحب الموضوع .. و على مدى شعبيته في المنتدى .. و تقبل الأعضاء له .. من جمال الأسلوب .. و اتساع الثقافة .. و حسن الرد و التعامل مع المتفقين و المختلفين معه على حد سواء ..
في أعضاء .. لما ترد عليهم بمواضيعهم .. يردون عليك و يحسسونك انك موجود .. و بمعنى آخر يعبرونك .. و يقدرون مشاركتك في موضوعهم ..
و في ثانيين .. ولا كأنك موجود .. و يعطونك أحلى طااااااااااف.. يخلونك تتحسف حتى انك دشيت موضوعهم .. و يردون على اللي يبونه حتى لو كان رده سخيف أو بكلمة وحدة .. و بالتالي لما تشوفهم منزلين موضوع ثاني في المستقبل .. ما يعود لك خلق تطل حتى بويهـــــه ..
في مواضيع معروفة .. و معروف انها تستقطب الكثيرين .. و تستفز القراء للرد عليها .. حتى لو مسكوا نفسهم عن الرد يوم يومين .. بس مردهم بيردون .. لأنها تمس واقعهم .. و تكون حديث المجالس ..
في ناس تدخل .. لترطيب الجـــــــو فقط لا غير .. و ما تكون أصلاً قرت الموضوع .. و لا لها اهتمام فيه .. و يدشون بس لأن توأمهم الروحي دخل و علق فيه .. فيعلقون على كلمة قالها .. بمصطلح خاص بينهم و بين بعض ..و يطلعون و لا كأنهم داشين موضوع واحد ثاني ..
مثل ما قالوا بعض الأعضاء ..
الناس الحساسين وايد :secret: بيتعبون ... لأنهم يبون الناس تعاملهم بنفس الطريقة اللي هم يتعاملون بها ..و هذا خطأ ..
الصحيح والأولى .. انك تتقبل الكل .. مثل ماهم ..
لأن المنتدى عالم مصغر .. للحياة الحقيقية اللي احنا عايشين فيها ..
هذرت وايد .. بس سامحوني
مثل ما يقولون .. قلبي متروســــــــة .. :nice:
شكراً لك .. :victory:

الله يقويك علي طاعتة وحسن عبادته ان شاء الله

ويجزاك الخير،

ههههههه اهم شي طلع الكلام المتروسة ولا باقي منه

لانه مب زين يتم في القلب :omen2:

وشرفني هالمرور الطيب


بالتوووووفيق

[بوخالد88]

يعطيك العافيه

ويعافيك اخوي مضارب حريص

بالتوووووفيق

[الحياة الخالدة]

الله يقويك علي طاعتة وحسن عبادته ان شاء الله

ويجزاك الخير،

ههههههه اهم شي طلع الكلام المتروسة ولا باقي منه

لانه مب زين يتم في القلب :omen2:

وشرفني هالمرور الطيب


بالتوووووفيق


لا للحين باقي وايد .. :nice:
ماخذة استراحـــــة و فرة على باقي المواضيع و رادة لكـــــــــم .. :)

الله يشرف مقدارك
و يرزقك خالد و اخوانه ياااااااااارب .. :omen2:

[مسكين قلبي]

جزاك الله كل خير اخوي

وبارك الله فيك

[تاجر الشباب]

الله يستر علينا

[La.Queen]

الله يستر علينا

هااااااااااااااااااه :eek5:

[chillis]

اهم شي يكون حسن الظن