مسك الختام .. في مسألة الاستقدام ..

[همر]

بسم الله الرحمن الرحيم

تعقيباً على موضوعي السابق:

"أزيدكم من "القهر" بيت.. المخلوقات الفضائيه هي سبب ارتفاع اسعار مكاتب الخدم !!"
http://www.qatarshares.com/vb/showthread.php?t=455906


وانطلاقاً من حرصي الشديد على الشفافيه والموضوعيه..
اود ان ازف لكم نبأ وصول خدامتنا العزيزه سالمه غانمه الى بلدها الثاني قطر..


وحرصاً مني على تقديم كافة الادله والبراهين على دخول الخادمه ارض الوطن..
ارفق لحضراتكم صوره طبق الاصل عن تأشيرة الخادمه مختومه من مطار الدوحه الدولي بتاريخ 15-07-2011 ..



http://img195.imageshack.us/img195/7429/photocnv.jpg
ملاحظه: تم "طمس" معلومات التأشيره حفاظاً على سلامة الخدامه من اي محاولة "تطفيش"..


:victory:


نجي للجد.. والسؤال الملحّ اللّحوح الذي يلوح في اذهانكم ..

كم كلفتك الخدامه ؟!!

صبراً جميلاً والله المستعان..

خلونا نرجع بالذاكره ريوس شوي ونسترجع مع بعض التفاصيل المطروحه في الموضوع السابق..



1825 رسوم المكتب وتخليص معاملات السفارات وادارة العمل..
50 ريال فيزا..
50 ريال رسوم خروجيه..
525 ريال تأمين..
1200 ريال تذكره على طيران الخليج طبعا !!

والمجموع 3650 ريال قطري فقط لاغير !!


طبعاً هذي الاسعار طرأ عليها الكثير من التغيير.. :weeping:

اولهم سعر التذكره اللي صارت على الاتحاد لين سنغفوره وعقب يومين على القطريه لين الدوحه.. :rolleyes2: .. صراحه مادري كم كان سعر التذكره ..

بس قال لي بن فرانسيسكو انها فوق 2400 ريال..

ليش؟
بيكوز أوف بييق سيزووون ...

بييق = Peak وليس Big .. أي الذروه ..



لكن المجموع قفز الى 6300 ريال !!! ضلل عشان تشوف :anger1: لازم تتعبون شوي ..


وانه ومن باب الوهقه الشديده والحاجه المريره لاستقدام الخادمه .. صراحه ما سألت ليش الفرق وصل الى 2650 ريال عن اول تفصيل عطاني اياه .. بس اللي فهمته منه انه كان في زياده في رسوم التصديقات ورسوم الخارجيه القطريه وغيره.. زائد فرق سعر التذكره طبعاً..

هذا غير التعقيدات اللي صارت بعد حادثة الخدامه الاندونيسيه في السعوديه وتدهور العلاقات بينهم.. قامت ادارة العمل في الفلبين تشدد على الاجراءات.. مع انه مالهم خص.. والظاهر والله اعلم ان السالفه كان فيها "بخ" على ظهري طبعا.. وبدون علمي ولله الحمد..


المهم الخلاصه .. وبعيدا عن التفاصيل الممله..

خدامتي وصلت بـ6300 ريال فقط لاغير ولو ما كان موسم سفر، كان وصلت بأقل من 6000 ريال..

ممكن اعرف بأي حق مكاتب الخدم عندنا تضرب 3000 الى 4000 ريال على كل راس ؟!!

والله خوش تجاره.. سجل تجاري وشقه غرفه وأفريقي ابيض وأفريقي أسمر.. واشفط..

اشششششششششششفط .. ما يندرى باجر شيصير.. :victory:
تحياتي..

[ضوى]

افكر جديا افتح لي مكتب خدم ، اشوفها تجارة مربحة جدا :)

[ضوى]

نسيت اقولك

قرت عينك والحمد لله انها جاتك قبل رمضان

[بوسلمان 2010]

ايه مكاتب الخدم نهبه في نهبه اول عليكي

[ام السعف]

قلت لكم خادمة امي وصلت قريب 7000 لأن بدلنا لها الخطوط الجوية
بسبب الضغط على الحجوزات وتأخير اوراقها ،، قالوا لنا الفلبنيية توصل على 2700 ،،

6000 ونص بس لتخليص الإجراءات في الفلبين ،،

المكتب في قطر ما يبي 3000 ؟

الخادمة هذي يات قطر بتسفر على حساب المكتب مب على حساب
المكتب الفلبيني ،، المراسلات المراكض كله يكون من خلال المكتب ،،

فمبلغ 3000 ريال وهم يراكضون للخادمة ويتكفلون بارجعاها
خلال 3 شهور ،، افضل من البوق اللي يصير في الفلبين
4500 وكل اللي يسوونه انهم يصادقون على اوراقها في السفارة
والقمسيون عندهم ...................> وتلقى مرات ياخذون فلوس من الخدامة بعد
علشان تدخل سحب بعثة خادمة :(

[بو خليفه 123]

ناهيك عن ذكر المجهود

والوعود الوهميه

والمشاوير

و اجهاد النفسيه


و و و ..


هذي تطلع عليك اغلى من بيع السوق .. بأكثر من 3000 او 4000

[FCB 123]

بس حاسب الله يسلمك واربطها وسكر عليها مضبوط لا تشرد عقب ( 3 ) شهور

ذيك الساعة الحسبة الي فوق مب نافعتك ولا نافعتنا خخخخخخخخخخ

بالتوفيق إن شاءالله

[همر]

نسيت اقولك

قرت عينك والحمد لله انها جاتك قبل رمضان


يووووووه اسكتي اسكتي نفسي مش سايعاني من الفرحه.. :nice: .. شكلي بفصل نفس ثانيه .. بس اخاف ما يخلصها الخياط قبل العيد !! :tease:



ايه مكاتب الخدم نهبه في نهبه اول عليكي

الله المستعان


قلت لكم خادمة امي وصلت قريب 7000 لأن بدلنا لها الخطوط الجوية
بسبب الضغط على الحجوزات وتأخير اوراقها ،، قالوا لنا الفلبنيية توصل على 2700 ،،

6000 ونص بس لتخليص الإجراءات في الفلبين ،،

المكتب في قطر ما يبي 3000 ؟

الخادمة هذي يات قطر بتسفر على حساب المكتب مب على حساب
المكتب الفلبيني ،، المراسلات المراكض كله يكون من خلال المكتب ،،

فمبلغ 3000 ريال وهم يراكضون للخادمة ويتكفلون بارجعاها
خلال 3 شهور ،، افضل من البوق اللي يصير في الفلبين
4500 وكل اللي يسوونه انهم يصادقون على اوراقها في السفارة
والقمسيون عندهم ...................> وتلقى مرات ياخذون فلوس من الخدامة بعد
علشان تدخل سحب بعثة خادمة :(

ومن قال لج انهم يرجعونهم ؟!!!
الخدامه تلف من بيت لي بيت .. لين ما يزهق المكتب ويهددها اذا ما قعدتي في بيت اكثر من 3 شهور بوديج السجن .. عاد اخر بيت بياخذها هو اللي بياكلها .. 3 شهور ويوم وتقول لهم ماما موت .. بيبي موت .. اي فون موت ...

واشرب يا مواطن..



ناهيك عن ذكر المجهود

والوعود الوهميه

والمشاوير

و اجهاد النفسيه


و و و ..


هذي تطلع عليك اغلى من بيع السوق .. بأكثر من 3000 او 4000


الله يخلي مخلص المعاملات .. عيل في راعي مكتب يراكض بروحه ؟!!!



بس حاسب الله يسلمك واربطها وسكر عليها مضبوط لا تشرد عقب ( 3 ) شهور

ذيك الساعة الحسبة الي فوق مب نافعتك ولا نافعتنا خخخخخخخخخخ

بالتوفيق إن شاءالله


لا من هالناحيه تطمن.. هذي الخدامه مب غريبه عنا.. اشتغلت عندنا سنتين وسافرت .. وصار لها سنه تحن تبي ترجع بيتنا ما تبي تروح مكان جديد .. مادري شكلي خوش كفيل :shy:...

[ام السعف]

همر تقدر تقول له سفرها ،، وما بيها تقعد في البلاد من حقك

بس على شرط تكون عندك ويزة احتياط تطلب وحدة ثانية ،،

بصراحة سالفة عدم تسفير الخدم لو ما كنوا زينين ،، صج حلت اشوية مشاكل
لكنها افتحت مشاكل ثانية :(

[عابر سبيل]

ألف الف مبروووك...
منك الفيزا و التذاكر..
و عليها المراكظ و التنظيف خلف السنافر:nice:...
*
*
،،
المهم...متى اجيب لعيال
يلقطون البيزات اللي بتكتونها عليها..

و لا نسيت الوعد :omg:

[بوحارب]

افكر جديا افتح لي مكتب خدم ، اشوفها تجارة مربحة جدا :)

تبين شريك بدون راس مال :(


مبروك همر وصول المبروكه ههههههههههه والله يعطيك خيرها ويكفيك شرها :nice:

[شيط ويط]

الحمدلله الذي عافاني من هم الخدامات وبلاويهن

[همر]

همر تقدر تقول له سفرها ،، وما بيها تقعد في البلاد من حقك

بس على شرط تكون عندك ويزة احتياط تطلب وحدة ثانية ،،

بصراحة سالفة عدم تسفير الخدم لو ما كنوا زينين ،، صج حلت اشوية مشاكل
لكنها افتحت مشاكل ثانية :(



ما اعتقد اقدر .. ولا راح اعرف اذا سفرها ولا وداها بيت ثاني !!! شلون بعرف ؟!! اهم شي يطلعها من ذمتي عشان يقد لي على وحده ثانيه .. وعلى فكره .. الخدامه سبب البلبله والموضوع اعلاه .. كانت اصلاً مرجّعه .. :nice:... كانت عند ناس ما يخلونها تسبح خخخخخخخخخ ....




ألف الف مبروووك...
منك الفيزا و التذاكر..
و عليها المراكظ و التنظيف خلف السنافر:nice:...
*
*
،،
المهم...متى اجيب لعيال
يلقطون البيزات اللي بتكتونها عليها..

و لا نسيت الوعد :omg:






معاك يا المطرقه..
نبي القصة..
دامك بديتها ع الملأ..
تنهيها لنا..حتى النهاية..
و حصريا في المنتدى..

و اتصور الخدامة و انت تستقبلها في المطار
و اتقطون عليها بيزات/"نقوط"
بو ريالات (موب دولارات)
لما تدش حوش البيت






ما نسينااااا ما نسينااااا روحوا قولوا له ترانا ما نسيناااا .. انا حاط صورة الختم عشانك بس .. شميت ريحة تحدي في تعليقك آنف الذكر ... حلوه آنف الذكر تحسون اني وايد اتابع الجزيره خخخخخ ...


بس طقوس الاستقبال للاسف ما قدرت اسويها لان الخدامه وصلت الساعه 2:30 بعد منتصف الليل .. وطبعا طرشت لها الشوفير .. دريولنا يلبس بدله وكرفته عشان جيه اسميه الشوفير ... وبن فرانسيسكو وزوجته استقبلوها عاد قطوا عليها علوج ولا ياسمين مادري بصراحه .. فعاد مب عدله يعني ادش البيت اليوم الثاني واروح اقط عليها نقوط قدام المدام .. تنتهي صلاحيتي ..




تبين شريك بدون راس مال :(


مبروك همر وصول المبروكه ههههههههههه والله يعطيك خيرها ويكفيك شرها :nice:

الله يبارك فيك يا بوحارب وان شاء الله اخليها تدز لك دلة كرك دامك في الخريطيات :nice:

[عابر سبيل]

ما نسينااااا ما نسينااااا روحوا قولوا له ترانا ما نسيناااا .. انا حاط صورة الختم عشانك بس .. شميت ريحة تحدي في تعليقك آنف الذكر ... حلوه آنف الذكر تحسون اني وايد اتابع الجزيره خخخخخ ...


بس طقوس الاستقبال للاسف ما قدرت اسويها لان الخدامه وصلت الساعه 2:30 بعد منتصف الليل .. وطبعا طرشت لها الشوفير .. دريولنا يلبس بدله وكرفته عشان جيه اسميه الشوفير ... وبن فرانسيسكو وزوجته استقبلوها عاد قطوا عليها علوج ولا ياسمين مادري بصراحه .. فعاد مب عدله يعني ادش البيت اليوم الثاني واروح اقط عليها نقوط قدام المدام .. تنتهي صلاحيتي ..





:nice:

خلاص..شركة بوحارب للكرك و النعناع..
عندهم فِيز فايضة..و من كل الجنسياتحتى للي جوازاتهم عنابية:eek5:
بنشتري منهم وحده و نكفلك..
بس لا تحرمنا فرحة الاستقبال
للمحروسة خدامتك....
*
*
،،
قال شوفير قال..
اخاف سواق (بقبقي)
و لا عنده (سوزوكي)..

لا تكون انت المحامي احمد يكيكي
و انا ما ادري..
خلاص..بسحب كلامي يا حضرة القاضي