استشاره بالنسبة للملحق الخارجي للمنزل

[MeMe MoOoON]

موضوعي عن ملاحق البيت

المقاول نزل الملاحق والبيت ارفع ونسى يسوي الجسورقبل الطابوق هل هذا يعتر خطأ من المقاول هو يقول لازم البيت ارفع والملاحق انزل من البيت

قاله ابوي الله يحفظه هردم الملاحق وسوه مره ثانيه
ويكون مستوى واحد مع البيت ويكون مشبوك مع البيت
بالسقف عن الشمس الحاره والامطار الغزيره:)

[Chambray]

الشبك بين الملحق والفيلا لازم بعد اتمام البناء لان ممنوع :)

[The_Be$t]

تقدر اخوي تسكر بالكيربي بطريقة جيده ومايبين افضل لك وأوفر

او بالالمنيوم تسوي ممر زجاجي راح يكون روعه اذا كانت المساحه بينهم بسيطة

وبالتوفيق

[السد]

الشبك بين الملحق والفيلا لازم بعد اتمام البناء لان ممنوع :)

تقدر تشبك اخوي
وعندي انا موافقة :nice::nice::nice::nice::nice::nice:

[khaldoon]

عادة كنت اشوف الملحق اعلى من الحوش ب 15 سم و البيت يكون 30 او 45 سم يعني 3 درجات...ما فيها شي ولا غلط لو كانت ارضية الملحق اخفض من ارضية البيت

[Chambray]

تقدر تشبك اخوي
وعندي انا موافقة :nice::nice::nice::nice::nice::nice:

على يدك .. انا تابع لبلديه الدوحة .. :nice:

[مهره]

مافي صور للملاحق

[Chambray]

اليوم رحت بلديه الدوحة
قسماً بالله اقل مايقال عنهم ان شغلهم اي كلام
مافي احترام للمراجع
ولا اهتمام في طلبه
كاننا نطر منهم

رحت حق السوداني اسماعيل .. قلت له ابي اشبك بين الفيلا والملحق .. وش المطلوب قالي راجع رئيس القسم

رحت حق رئيس القسم قالي السكرتير مش موجود هو بس آمر ( بخياس نفس )
قلت له انا ابي اشبك الفيلا مع الملحق بسقف صبيه
قالي ما انصحك
لان يمكن يصير نزول في الملحق ممكن يسحب الفيلا او العكس !
قلت له بس الفيلا والملحق بنفس المستوى قالي انا ما انصحك
ليش بتسويه !!
قلت له يا اخي علشان الغبار والشمس

انا اهني مابي نصايح انا ابي اعرف هل بتعطون موافقة او لا

قالي روح حق موظفه مادري شسمها مجابل مكتبه هي بتقولك

طلعت من عنده رحت لها
قالت لي آمر

قلت لها الموضوع ( كيت كيت ) يصير ولا لا !!
قالت لي روح حق اسماعيل السوداني هو بيقولك ! انا هنا إداريه مالي خص في الامور الهندسيه !!
قلت لها اكيد تستهبلون انتوا
اسماعيل يحولني حق رئيس القسم
ورئيس القسم يحولني لج
وانتي تحوليني حق اسماعيل !!

امحق معامله اقول

طلعت من عندهم وان شاء الله بعد اتمام البناء راح اصكر بين الملحق والفيلا
ولا مذلتهم ..

[بن رومي]

الشيخ بالنسبة للمقاول اعتقد شغله ١٠٠ ٪

لانه يشتغل على الهرايط وعليه الاستشاري

ولو غيرت بتدفع من جيبك

وبالنسبه للوصله اللي بين البيت والملحق ، غير مسموح بها من البلدية ( وانا كنت مستغرب ) لين سالتهم عن السبب قالو لو قدر الله حصل حريق في المطبخ يكون منفصل عن البيت وسهل لدخول الدفاع المدني ،، اقتنعت تماماً

لاكن اذا انك مصمم اعمله و بيدفعونك غرامه علية عند اتمام البناء

بالنسبة لشغل المقاول ....

لازم الملحق يكون عتبة وحدة ١٥ سم

واذا انك معزم لا تكسر الاساس قول حق المقاول يرفع السقف ليوازي سقف الدور الاول للفيلا

والله يبارك لك في المنزل ويجعله عامر بهله

واي استفسار راسلني عالخاص


بن رومي

[وحش الصناعات]

اليوم رحت بلديه الدوحة
قسماً بالله اقل مايقال عنهم ان شغلهم اي كلام
مافي احترام للمراجع
ولا اهتمام في طلبه
كاننا نطر منهم

رحت حق السوداني اسماعيل .. قلت له ابي اشبك بين الفيلا والملحق .. وش المطلوب قالي راجع رئيس القسم

رحت حق رئيس القسم قالي السكرتير مش موجود هو بس آمر ( بخياس نفس )
قلت له انا ابي اشبك الفيلا مع الملحق بسقف صبيه
قالي ما انصحك
لان يمكن يصير نزول في الملحق ممكن يسحب الفيلا او العكس !
قلت له بس الفيلا والملحق بنفس المستوى قالي انا ما انصحك
ليش بتسويه !!
قلت له يا اخي علشان الغبار والشمس

انا اهني مابي نصايح انا ابي اعرف هل بتعطون موافقة او لا

قالي روح حق موظفه مادري شسمها مجابل مكتبه هي بتقولك

طلعت من عنده رحت لها
قالت لي آمر

قلت لها الموضوع ( كيت كيت ) يصير ولا لا !!
قالت لي روح حق اسماعيل السوداني هو بيقولك ! انا هنا إداريه مالي خص في الامور الهندسيه !!
قلت لها اكيد تستهبلون انتوا
اسماعيل يحولني حق رئيس القسم
ورئيس القسم يحولني لج
وانتي تحوليني حق اسماعيل !!

امحق معامله اقول

طلعت من عندهم وان شاء الله بعد اتمام البناء راح اصكر بين الملحق والفيلا
ولا مذلتهم ..

الله يعينك عليهم ،،،
مشكلتهم يا اخوي ما عندهم آلية عمل والظاهر يتعاملون بأسلوب معين عشان يتوهون المراجعين ،، واقص ايدي اذا ما كانوا عارفين شنهي المشكله من الاساس بس عدم تحمل الموضوع والسلبيه الي فيهم هي الي طاغيه عليهم كلهم وبدون استثناء .

[خبير صيانة]

اذا المسافه اقل من 3 متر الحل انشاء الله عنــــــــــــــــــــــدي

[عذايب قطر]

اذا المسافه اقل من 3 متر الحل انشاء الله عنــــــــــــــــــــــدي

شنو الحل لاني انا ودي اصكر بين الملحق والفيلا لانه يكون احسن وانظف لما اروح المطبخ الخارجي وهو المطبخ الرئيسي في البيت

[معماري قطري]

شنو الحل لاني انا ودي اصكر بين الملحق والفيلا لانه يكون احسن وانظف لما اروح المطبخ الخارجي وهو المطبخ الرئيسي في البيت

انا مسكر بألمنيوم وبولي كاربونيت .. البلاستيك المحبب 4 ملم خفيف وايد وقبل اتمام البناء ووقعوني على تعهد ازيله لو طلبوا الدفاع المدني ذلك .. إخوي باني بعدي وخلص وسوى سقف خرساني ومشوه بدون سوالف وألحين رفعوا ارتفاع الملحق ل 4 متر أو أكثر على ما اعتقد قبل كان 3 أو 3 ونص ومعقدين في زيادة الارتفاع سنتيمتر واحد

أكيد وزير البلدية المهندس الشاب سهل هذي الأُمور وهو فاهم شالحلول الهندسية الممكنة والله يوفقه ويوفق من يعمل بذمة معه

رفع الملحق لأربعة متر شيعني؟

يعني عندنا من مستوى الصفر ( الشارع ) بنرتفع في الحوش بتدرج بمعدل 30 سم والتدرج حتى نضمن تصريف المطر السطحي على الحوش ولو حبينا نسوي طريقة ثانية نحط بيبات تحت الارض لتصريف المياه للخارج أو لحفرة امتصاصية ( هذي تنفع للأراضي الكبيرة والقصور )

نكمل 30 سم للحوش و 45 سم لأرضية البيت أو 30 سم كمتطلب أدنى من التخطيط يصير عندنا ارتفاع بين 75 سم و60 سم لأرضية البيت .. ومن رأيي أرضية الملحق يفترض تكون نفس الشيء لسهولة الانتقال والحركة .. شكثر يبقى لنا من ال 4 متر؟

يبقى 3.25 في حالة ال 75 سم نشيل منها 25 لسور السقف ويبقى الخزان عاري مكشوف للجميع والتكييف كذلك .. ونشيل منها سمك السقف حول 20 وبعضهم يسونها 30 يبقى لنا 2.8 - 2.7 .. بيتي اظن ملحقه 2.4 وهو ارتفاع مريح وبدون سقف مستعار

وفي النهاية الواحد بيحط ساتر بارتفاع مترين أو ثلاثة بينه وبين الجار ما ادري ليش التخطيط ما يخلون الارتفاع 4.5 أو حتى 5 مناسب وفي حالة وجود ملحقين لبيتين متلاصقين ممكن عمل السور مرتفع ليضمن خصوصية الجار وأمانه من السرقة

[doha_vip]

شنو الحل لاني انا ودي اصكر بين الملحق والفيلا لانه يكون احسن وانظف لما اروح المطبخ الخارجي وهو المطبخ الرئيسي في البيت

اذا البيت في مرحلة البناء تقدر تاخذ عدم ممانعة من البلديه التابع لها ..

انا سويت كذا الحمد لله

[معماري قطري]

استشاريينا الأفذاذ للحين ما استوعبوا تسهيلات التخطيط الجديدة وللحين تمر علي تصاميم مسوين الملحق نازل ودرج بين البيت والملحق عالي .. ما ابالغ إن مر علي تصميم لبيت ناس من الأهل أيام رمضان كان فيه بيسمنت ومناور ساقطة ومع هذا مسوين ارضية البيت حول متر ونص مرتفعة وحتى تنزل للملحق تنزل خمس عتبات لا وبعدها ترتفع ثنتين للملحق .. شهالتعقيد في مساحة ضيقة وشهالعقلية الاستشارية الفذة .. وضحت هذا الخطأ وغيره وتفاجأت بالمالك يركز على الارتفاع ولا تهمه باقي التفاصيل

[doha_vip]

استشاريينا الأفذاذ للحين ما استوعبوا تسهيلات التخطيط الجديدة وللحين تمر علي تصاميم مسوين الملحق نازل ودرج بين البيت والملحق عالي .. ما ابالغ إن مر علي تصميم لبيت ناس من الأهل أيام رمضان كان فيه بيسمنت ومناور ساقطة ومع هذا مسوين ارضية البيت حول متر ونص مرتفعة وحتى تنزل للملحق تنزل خمس عتبات لا وبعدها ترتفع ثنتين للملحق .. شهالتعقيد في مساحة ضيقة وشهالعقلية الاستشارية الفذة .. وضحت هذا الخطأ وغيره وتفاجأت بالمالك يركز على الارتفاع ولا تهمه باقي التفاصيل

صحيح بو عبدالله .. لكن هناك بعض التعقيدات و التسهيلات على المزاج

مثلاً كنت ابي ارفع السور الى 3 م .. بدلاً من 2.6 م .. قالوا لي هذي منطقة نموذجيه وغير مسموح بالرفع

بالرغم ان فيه بيوت جنبي يمكن ارتفاع السور 3.5 م

[سعود.]

انا مسكر بألمنيوم وبولي كاربونيت .. البلاستيك المحبب 4 ملم خفيف وايد وقبل اتمام البناء ووقعوني على تعهد ازيله لو طلبوا الدفاع المدني ذلك .. إخوي باني بعدي وخلص وسوى سقف خرساني ومشوه بدون سوالف وألحين رفعوا ارتفاع الملحق ل 4 متر أو أكثر على ما اعتقد قبل كان 3 أو 3 ونص ومعقدين في زيادة الارتفاع سنتيمتر واحد

أكيد وزير البلدية المهندس الشاب سهل هذي الأُمور وهو فاهم شالحلول الهندسية الممكنة والله يوفقه ويوفق من يعمل بذمة معه

رفع الملحق لأربعة متر شيعني؟

يعني عندنا من مستوى الصفر ( الشارع ) بنرتفع في الحوش بتدرج بمعدل 30 سم والتدرج حتى نضمن تصريف المطر السطحي على الحوش ولو حبينا نسوي طريقة ثانية نحط بيبات تحت الارض لتصريف المياه للخارج أو لحفرة امتصاصية ( هذي تنفع للأراضي الكبيرة والقصور )

نكمل 30 سم للحوش و 45 سم لأرضية البيت أو 30 سم كمتطلب أدنى من التخطيط يصير عندنا ارتفاع بين 75 سم و60 سم لأرضية البيت .. ومن رأيي أرضية الملحق يفترض تكون نفس الشيء لسهولة الانتقال والحركة .. شكثر يبقى لنا من ال 4 متر؟

يبقى 3.25 في حالة ال 75 سم نشيل منها 25 لسور السقف ويبقى الخزان عاري مكشوف للجميع والتكييف كذلك .. ونشيل منها سمك السقف حول 20 وبعضهم يسونها 30 يبقى لنا 2.8 - 2.7 .. بيتي اظن ملحقه 2.4 وهو ارتفاع مريح وبدون سقف مستعار

وفي النهاية الواحد بيحط ساتر بارتفاع مترين أو ثلاثة بينه وبين الجار ما ادري ليش التخطيط ما يخلون الارتفاع 4.5 أو حتى 5 مناسب وفي حالة وجود ملحقين لبيتين متلاصقين ممكن عمل السور مرتفع ليضمن خصوصية الجار وأمانه من السرقة

اصبح كنت برد عليه بس نسيت اسمة ( بولي كاربونيت ) يجي منه الوان مختلفه جميلة



https://h.top4top.io/p_1607hxdec0.jpeg (https://top4top.io/)

[معماري قطري]

اصبح كنت برد عليه بس نسيت اسمة ( بولي كاربونيت ) يجي منه الوان مختلفه جميلة



https://h.top4top.io/p_1607hxdec0.jpeg (https://top4top.io/)

حلو يا اخوي يدخل النور ويعطي جمال ونظافة للمكان .. التقويس هذا يتطلب قناة تصريف جانبية وموضوعها سهل بس لو انترست غبار ونزل مطر ينبت عشب فوق .. عندي عاملها ولها فوق 15 سنة أو 16 حتى تنسد أوقات من الشجر والغبار بس ماشي حالها .. خفت تصدي لأنها حديد وصدت بس وضعها بعد ماشي .. اللي مخوفني إن القناة هذي مثبتة حديد الطبيلة بعرض 8 أمتار وطول 12 ونص والقوس مرتفع من الوسط حول 1.1متر .. المغامرة الثانية تثبيتها ببراغي في الحائط بدون أعمدة كلش

[معماري قطري]

صحيح بو عبدالله .. لكن هناك بعض التعقيدات و التسهيلات على المزاج

مثلاً كنت ابي ارفع السور الى 3 م .. بدلاً من 2.6 م .. قالوا لي هذي منطقة نموذجيه وغير مسموح بالرفع

بالرغم ان فيه بيوت جنبي يمكن ارتفاع السور 3.5 م

صدقت المزاجية واضحة اللي بيت ما بتكون خسارته كبيرة .. إحنا عندنا أرض عمارات في سوق الذهب عطونا بس 4 أدوار دورين محلات ودورين مكاتب وجارنا جنب ارضنا بنفس المساحة بالضبط عطوه بعدنا ست أدوار

وعمارة ثانية في ام غويلينة عطونا 4 بعد وواحد قريب مسوي فندق 12 دور وتقريباً نفس المساحة قالوا ذاك قبل .. الإشكالية الأخيرة بناية قديمة عليها قرار هدم قلنا بنخططها قالوا في افادتهم عليكم ارتدادات ما يبقى من الارض الا حق استوديوهات اثنين وبس حدنا 3 أدوار وللحين الموضوع عالق معاهم .. حتى الصيانة طالبين طلبات مب معقولة

[عذايب قطر]

اذا البيت في مرحلة البناء تقدر تاخذ عدم ممانعة من البلديه التابع لها ..

انا سويت كذا الحمد لله


البيت نحن ساكنين فيه مش قيد الانشاء - يصير اعمل بالزجاج upvc بس اشلون ع السقف بالكيربي يصير يعني عشان المطر وجيه - يعطيكم العافية
لانه المطبخ في الملحق وغير اخاف بالليل اروح المطبخ وغير الحيوانات الزاحفة ����

[عذايب قطر]

يعطيك العافية اخوي

[معماري قطري]

البيت نحن ساكنين فيه مش قيد الانشاء - يصير اعمل بالزجاج upvc بس اشلون ع السقف بالكيربي يصير يعني عشان المطر وجيه - يعطيكم العافية
لانه المطبخ في الملحق وغير اخاف بالليل اروح المطبخ وغير الحيوانات الزاحفة ����

سكريه بألمنيوم وبولي كاربونيت .. انا سويته بعرض مترين وطول 7 متر كلفني حول 2000 وألمنيوم رخيص بشكل مثلث مايل .. إحتديت اسوي له سيليكون اسكر الفتحات

عن الحشرات ركبي باب فاصل مع طرف الألمنيوم وخلي يحطون جدامه نعلة رخام تسكر أي فراغ تحت الباب

[معماري قطري]

اليو بي في سي بيطلع غالي والزجاج زين خصوصاً لو شفاف تبين منه السماء والشمس بعد مب غلط بس بيكلف حول 3 أضعاف الالمنيوم والبلاستيك

[عذايب قطر]

اليو بي في سي بيطلع غالي والزجاج زين خصوصاً لو شفاف تبين منه السماء والشمس بعد مب غلط بس بيكلف حول 3 أضعاف الالمنيوم والبلاستيك

ان شاءالله بشوف كم بيكلف - والالمونيوم ما احبه والسقف اهم شي يكون عازل للمطر والحرارة بس هذا ما يباله تصريح من البلدية صح - والحين بعد الجيران حوالينا وفي شبابيك تطل ع الحوش والملحق من الخلف عشان جيه ابي اصكره لانه الملحق فيه المخزن والمطبخ الرئيسي. الله يصبرني لين يصير..


يعطيك العافية

[معماري قطري]

ان شاءالله بشوف كم بيكلف - والالمونيوم ما احبه والسقف اهم شي يكون عازل للمطر والحرارة بس هذا ما يباله تصريح من البلدية صح - والحين بعد الجيران حوالينا وفي شبابيك تطل ع الحوش والملحق من الخلف عشان جيه ابي اصكره لانه الملحق فيه المخزن والمطبخ الرئيسي. الله يصبرني لين يصير..


يعطيك العافية

عزل البوليكربونيت 10 أضعاف الزجاج وحول 4 أضعاف الزجاج المزدوج .. حاط الأرقام في موضوع العزل الحراري وهذي ما تطلع الا باختبارات في مختبرات خاصة .. عن الألمنيوم يركبونه بسرعة وبعدين ما ينفتح ثابت من فوق .. ولو تبين ألمنيوم زين وعريض فيه عند الاختصاصي واعتقد غيره والزجاج دبل بس بيكون أغلى من اليو بي في سي والبولي كاربونيت يجي محبب ما يسمح بالرؤية

[عذايب قطر]

عزل البوليكربونيت 10 أضعاف الزجاج وحول 4 أضعاف الزجاج المزدوج .. حاط الأرقام في موضوع العزل الحراري وهذي ما تطلع الا باختبارات في مختبرات خاصة .. عن الألمنيوم يركبونه بسرعة وبعدين ما ينفتح ثابت من فوق .. ولو تبين ألمنيوم زين وعريض فيه عند الاختصاصي واعتقد غيره والزجاج دبل بس بيكون أغلى من اليو بي في سي والبولي كاربونيت يجي محبب ما يسمح بالرؤية


الله يجزاك الخير يالخبير ما شاءالله عليك، انزين وين ومن اللي يسوي كل هذا عشان اشوف
اي محل او وين لاني ما اعرف والله ومابي اسأل ابوي واصدعه...

الله يسعدك والله، ابي اشوف اللي بيسويه عشان اعرف كم بيطلع واشلون
اهم شي انه يتصكر الممر ولما اطلع ع المطبخ ما انكشف او اخاف مثلا، وطبعا لازم يصير بابين يمين ويسار عشان يطلع ع الحوش من الخلف ومن صوب الطبيلة..

ياربي متى يصير هالشي

تحياتي وانتظر ردك بليز

[معماري قطري]

بارسل لج رقم واحد على الخاص والا شوفي الاختصاصي للألمنيوم

[Azizuk]

بارسل لج رقم واحد على الخاص والا شوفي الاختصاصي للألمنيوم

اخوي معماري الاختصاصي ماعاد مثل اول في السابق كان يجيب الالمنيوم من البحرين بعدها مادري شنو اللي صار وارتفاع سعر ألمنيوم البحرين وحول على ألمنيوم الاماراتي وبعد الحصار ماعرف من وين يجيب الالمنيوم

عنده ألمنيوم فرنسي سعر المتر يكلف 1500 ريال*

رحت له من فترة يمكن 6 شهور المحل كله مغلق ومرت على المحلات اللي جنبه اسالهم قالو يفتح اوقات بس المحل معظم الاوقات مغلق

صاحب المحل هندي وعلى ماضن كان يجيب البضاعة من الخارج يمكن بسبب الحصار تاثر ومخلي المحل لاشغال اخرى يتاجر فيها من جذي مايفتح الا اوقات معينه

وهذا رقم الهندي بالاختصاصي

50083115

https://d.top4top.io/p_1608449kb0.jpeg (https://top4top.io/)

في المغربي صديقك اللي يشتغل في الدرويش يمكن مازال يشتغلون في الالمنيوم

ربيع شوقي الهاشمي وهذا رقمه

33039592

او محل من محلات الالمنيوم في سوق الحراج

عندك الاهرام بشارع الفروسيه مقابل سباير بس عيبهم عليهم زحمه ويلفون ويدورون يجي ياخذ المقاس بس ماعطيك بكم السعر ولازم تمر عليهم المحل شوي لعوزني

عيب اصحاب هالمحلات شبعانه وماتبي الا مشاريع وخاصه اذا عنده زحمه مايعطيك وجه


شوفو الدوحة كوك سبان يشتغلون هالشغلات وشغلهم حلو ومرتب ونظيف وبالمواعيد ومحترمين

[Azizuk]

ممكن عمل قاعدة من حديد سماكة 12 مم يكون قوي وفوقه يتركب المنيوم عادي اي درجة ويكون زجاج في ميلان او على شكل مثلث ويتركب عليه دبل غلايس زجاج

واذا حاب تسوي بين كل مسافة شبابيك تهويه منها يدخل النور ومنها تنفتح لتهويه

[معماري قطري]

ألمنيوم تكنال الفرنسي معروف .. وأكيد الغالي جودته عالية .. يمكن ميزة اليو بي في سي يتركب داخله حديد أو حتى الحديد للمساحات الكبيرة ويكون مغلف بألمنيوم يجي قوي وحلو .. إخوي الله يغفر له مسوي سقف حوض السباحة من عندهم قواطع مربعة زجاج بحدود 40 سم في 40 سم وفريم ألمنيوم داخله حديد والقزاز دبل بس كلفه 350 ألف ريال حق بيتي الاختيار الألماني عطوني عرض سعر ب 240000 لتغطية حوض السباحة سويته حديد وبولي كاربونيت ب 35000 لمساحة 10 في 6 مع جوانب مرتفعة في بعض الجهات 4 أمتار وبعضها 3 أو 2.5 .. عيبه يصدي الحديد لكن فيه مواد تغطيه ما يصدي وأكيد ذي عند الاختصاصيين الكبار وهم غالين

باشوف فرصة باصور السقفين عندي وباحطهم لتوضيح الموضوع

مشكور وما قصرت على الأبديت

[معماري قطري]

ممكن عمل قاعدة من حديد سماكة 12 مم يكون قوي وفوقه يتركب المنيوم عادي اي درجة ويكون زجاج في ميلان او على شكل مثلث ويتركب عليه دبل غلايس زجاج

واذا حاب تسوي بين كل مسافة شبابيك تهويه منها يدخل النور ومنها تنفتح لتهويه

ما يحتاج إخوي بو سعود .. كل العرض مترين إن كثر والألمنيوم حتى القطاع الضعيف يكفي .. اللي يبيع بيقول لك حد يمشي عليه وبيبالغ حتى يشتغل أكثر ويدفعك أكثر ووقت التنفيذ بيحاول يقلل المتفق عليه يزيد ربحه

بعدين هذا السقف محد يمشي عليه حماية ضد الغبار والحشرات والصوت القوي والحرارة

[معماري قطري]

الحديد ركبته لسقف حوض السباحة لأن مع الميلان يوصل طوله ل 7 متر واشترطت يركبونه ببراغي بدون تكسير في الطوفة .. كانوا يمشون عليه العمال على ارتفاع فوق 7 أمتار .. حق الممر بين الملحق والبيت قطاع الألمنيوم كان 4 في 4 سم وللحين عايش يتحدى الزمن والكورونا

[doha_vip]

ان شاءالله بشوف كم بيكلف - والالمونيوم ما احبه والسقف اهم شي يكون عازل للمطر والحرارة بس هذا ما يباله تصريح من البلدية صح - والحين بعد الجيران حوالينا وفي شبابيك تطل ع الحوش والملحق من الخلف عشان جيه ابي اصكره لانه الملحق فيه المخزن والمطبخ الرئيسي. الله يصبرني لين يصير..


يعطيك العافية

لا مايحتاج تصريح من البلدية .. في حلول كثيرة للتصكير .. على ماشفت منها الكويك سبان ومنها الكيربي أوالالمنيوم مع زجاج معتم ملون

والحلول اللي قال عنها بوعبدالله

[معماري قطري]

فكرة الكي سبان حلوة يسوونها الدوحة ك سبان ويحطون وسطها بولي كاربونيت للإضاءة تعبت احاول اتذكر اسم انس وشكلي تذكرته وبارسل رقمه للإخت اللي طالبة حل

[معماري قطري]

هذي صورة السقف الخفيف من الألمنيوم

https://i.imgur.com/U46kLVb.jpg

الجوانب القائمة زجاج عادي والشكل المايل بولي كاربونيت

وهذا سقف حوض السباحة اللي فريمه حديد يبين صغير لكن 6 في 10 وارتفاعه متدرج من 7 وشوي لين 6 متر .. الأزرق بولي كاربونيت بلاستيك طبقتين بينهم فراغ .. الحوض بارد ولا يحتاج تكييف بالعكس يحتاج تصخين ماي للسباحة والمشكلة الرطوبة خربت الصبغ .. صخان الماي خربان من ست شهور دافع قيمته وللحين ما ركبوه بيزعلوني تدمر

https://i.imgur.com/hTXEYFK.jpg

الباب الخارجي كان ألمنيوم وصج كجرة وضعيف غيرته أُم عبدالله لحديد

https://i.imgur.com/2L19Q8G.jpg

وهذا الحاجز الرخامي اللي يسكر الباب معاه عن الحشرات

https://i.imgur.com/WWuJ0Q9.jpg

[معماري قطري]

البلاط المربع اللي تحت بلاط حوائط زايد استخدمته للأرضية لثقتي بأن تحته خرسانة صلبة والمقاول خوفني وقتها قلت له فكر انا فيه خوف

[عذايب قطر]

ان شاءالله
ما قصرتوا والله

[عذايب قطر]

ترتيب ما شاءالله يا اخوي

نفس بيت ابوي غيروا الباب الى باب حديد وايد احلى.

يعطيكم الصحة والعافية

[معماري قطري]

ترتيب ما شاءالله يا اخوي

نفس بيت ابوي غيروا الباب الى باب حديد وايد احلى.

يعطيكم الصحة والعافية

الحديد آمن أكثر بس الباب الرئيسي عندي قزاز ويوبي في سي سهل كسره والدخول منه وكل درايش البيت بدون حماية .. انا عندي قناعة إن اللي بيسرق يقدر يدخل غصب حتى يكسر الجدار .. الحديد مشكلته الصوت وقت التسكير ولو يتركب بربلات أكيد بيكون أفضل