المساعد الشخصي الرقمي

مشاهدة النسخة كاملة : استفسار : عن دبي والسياحه والاسواق فيها


بوعبدالله100
19-07-2011, 12:00 AM
مرحبا


انا انشاء الله رايحه دبي واول مره اروح دبي صراحه :shy:

وبتم فيها اسبوع وبغيت جدول لمده اسبوع :victory:


ياريت تسعدوني ابي بدلات للعيد وملابس اطفال و ......والخ
dohanumber
19-07-2011, 12:04 AM
روحي دبي مول وامارات مول وأدعيلي
The_Be$t
19-07-2011, 03:28 AM
دبي مول : حوض السمك + تسوق+ برج خليفه + النافورة الراقصة + مطاعم

امارات مول: التزلج والتسوق

فيستفال ستي

دراقون مول

ماركاتو مول

فندق اتلانتس فيه اكواريوم وجنبه حديقة العاب مائية


وايلد وادي

وافي

ستي سنتر

برجمان


وبالسلامة ....*
البدر 8
19-07-2011, 05:22 AM
اسعار الملابس في دبي نار
اسعار الملابس في الخبر ارخص
وكلها ماركات وعليها خصم الان
FCB 123
19-07-2011, 10:06 AM
للهدوء اسكنوا في فندق زعبيل سراي .... يكون جنب فندق اتلانتس
والغداء لازم تجربون بوفيه اتلانتس عجييييييييييييب

ولو تسكنون بعد في فندق كمبنسكي بعد زين في بعض الغرف يسمونها الشاليه اعتقد تطل على مدرج التزلج الي في الإمارات مول
حلوه والمنظر روعه والله

بالتوفيق للجميع
أنا
19-07-2011, 12:47 PM
للهدوء اسكنوا في فندق زعبيل سراي .... يكون جنب فندق اتلانتس
والغداء لازم تجربون بوفيه اتلانتس عجييييييييييييب

ولو تسكنون بعد في فندق كمبنسكي بعد زين في بعض الغرف يسمونها الشاليه اعتقد تطل على مدرج التزلج الي في الإمارات مول
حلوه والمنظر روعه والله

بالتوفيق للجميع

أخوي ممكن استفسار عن فندق زعبيل ناوي احجز حق اجازة العيد
شنو رايك فيه من حيث الموقع والسيرفس وهل له شاطي خاص وشنو الانشطه البحريه والمطاعم عندهم .؟
يعني بشكل عام تنصحني احجز فيه .؟
مع الشكر

:)
Abdullah_89
19-07-2011, 09:44 PM
الفنادق :

فندق العنوان دبي مول
فندق كيمبينيسكي امارات مول
فندق المروج روتانا مقابل دبي مول
فندق اتلانتيس بس عيبه بعيد شوي عن المجمعات

نصيحتي للسكن فندق المروج روتانا


المجمعات :

دبي مول : الاكوادور
امارات مول : المدينه الثلجيه
ستي سنتر : مجمع عادي تمشايه وسينما
بن بطوطه : تمشايه وسينما
وافي مول: مجمع على الطراز المصري القديم للتسوق وفيه سينما بس مو ذاك الزود

اما السوق :

السوق الصيني : ملابس - ادوات كهربائيه - اكسسوارات
سوق الكرامه : مثل سوق الجبر عندنا فيه ملابس وتقدر تكاسر فالسعر
سوق نايف : سوق شعبي فيه ملابس واكسسوارات وعطورات ونصيحتي زور ارض الزعفران في هالسوق لان عنده عطور وبخور وايد حلو وفي كذا محل بأسم الزعفران بس المحل اللي اقصده اسمه ارض الزعفران

بالنسبه للمواصلات أجر سياره من الشارقه ارخص لك بس لازم يكون عندك فيزا
نصيحتي لك لو ماتدل وماتبي تعور راسك استعمل المترو ارخص لك واسرع لان دبي زحمه دوم المترو فيه كذا محطه توصلك للمجمعات ( دبي مول - امارات مول - بن بطوطه - ستي سنتر - السوق الصيني )

لاتنسى تزور برج خليفه في دبي مول وتروح قمه البرج

في شركات سياحيه تسوي جولات يوم كامل بالباص تاخذ التذاكر من الفندق عندك ونقطه اتجمع مجمع الستي سنتر


واي استفسار ثاني انا حاظر وموجود طرش لي رساله وان شاء الله بافيدك
بوعبدالله100
20-07-2011, 08:45 AM
يعطيكم العافيه كفيتو ووفيتو

وماقصرتوو
المسافره
23-07-2011, 08:55 AM
دبي وين ماتروحين حلوه وين ما تجلسين حلوه

المهم توصليين بالسلامه
فرحة الكواري
23-07-2011, 09:17 AM
المجمعات الحلوة

دبي مول
فيستفال ستي
امارات مول
مردف مول
وافي

والكثير الكثير من المجمعات
قطرية232
25-07-2011, 01:56 PM
طبعا المولات (دبي مول،امارات مول،ماركاتو) هاي الافضل
الاسواق العاديه ( نصيحه روح للشارجه،وايد ارخص واوفر من دبي)
بوظبي حق مدينة فراري
في شاليهات روعه في منطقة دبا اللي هي تابعه للفجيره اذا حابين تغيرون جو هناك وايد بتستانسون
Kitchen
28-07-2011, 04:52 AM
بخصوص ملابس الأطفال، أنا توني راجعة من دبي ..
والبضاعة معضمها عليها تنزيلات بحكم أنها من الكولكشن القديم
الصراحة ما عجبني شيء ولا شفت شيء ملفت في دبي مول
ولما رجعت الدوحة خذت للبنت الصغيرة كم فستان حلو من السلام بلازا
والصالون الأزرق وبونبوانت في فيلاجيو ..
المشكلة في دبي أن الكولكشن الجديد أول ما ينزل يطير ..
واللي عليه سيل ممسوح مسح من السوق عسى يتهنون فيه :)
وترجعين بالسلامة ..
عندليب قطر
29-07-2011, 07:29 PM
دبي مول وامارات مول
Dmy Enabi
30-07-2011, 03:46 PM
مرحبا أخوي
أنصحك تسكن في أبراج الإمارات جميرا إلي في شارع الشيخ زايد ـآنا سكنت فيه الليلة ب750 والحلو إنه يعطيك تذاكر مجانية بعدد الأفراد حق ولد وادي وحق شاطىء جميرا ،وبعد يودونك هالمكانين عن طريق الشتل مجانا ،وإذا حاب تروح بسيارتك بعد تقدر
آنا حجزت عن طريق ريجنسي ،وسافرت عالإماراتية ب950 ريال
تحياتي