لمستخدمي الايفون والاي بود والايباد

[بومحمد911]

لمستخدمي الايفون والاي بود والايباد
وخصوصا البنات
فيه برنامج اسمه whoshere
بالعربي لتأكيد (( الهوز هير ))
هذا اخطر برنامج موجود عالأيفون
وظيفته هي شات
طبعا هو مو شات بس لكن بالأمكان التجسس على الايفون بالكامل من ارقام وحسابات وبيانات
والاخطر من كذا انه يقدر انه يشغل الكاميرا من دون محد يحس والتقاط الصور
وهذي قصه حاصله عند الشيخ عادل المقبل
رئيس هيئة الفاروق يقول الشيخ :
قبل فترة اتصلت علي فتاة تبكي بحرقه تقول انها
كانت تستخدم الايفون من فتره وتعرفت على
برنامج الهوزهير وصرت استخدم البرنامج واحيانا اصحى
الصباح وهو شغال البرنامج ولا كنت اعرف مخاطره
ومرت الايام ودخل علي شخص يناديني
بأسمي فاستغربت فقلت اكيد هذا يعرفني
فقلت له من معي قال مالك دخل
فصار يعطيني معلومات عني وعن صديقاتي
ويعطيني وش كنت البس باليوم الفلاني
فاستغربت منه وشكيت بأحد اخواني
وخفت اقول لهم تكبر المشكله
وبعد اسبوعين صار يرسل لي صوري
فجن جنوني منه وقمت بتذكيره بيوم الحساب
لعله يخاف لكن ماعبرني
والاخطر من هذا كله حدد وين مكان بيتنا عن طريق البرنامج
وقام يصور البيت ويرسله لي يقول لي يا تطلعين
الحين او ارسلهم لاخوانك وهذي ارقامهم
فوالله ياشيخ مالي الا الله ثم انت
وحنا من عائله معروفه ومحافظه
يقول الشيخ اخذت وصف بيت البنت وقلت لها اتفقي تطلعين
معه بشرط انه يمسح صورك عشان مايشك انه مراقب
فاتفقت معه وجاء وطلعت معه وتمت مداهمتهم
ومصادرة الجوال وتحويله الى هيئة التحقيق والادعاء العام
لكن المصيبه مو هنا
المصيبه انه نشر صور البنت ولا هامه احد
اتعضو يابنات
والان تتم تتبع الصور حتى تحذف من الشبكه العنكبوتيه
ارجو الا تقف عندكم حتى يمكن معالجة المشكله قبل وقوع الفأس بالرأس .

[Bo jassim]

جزاك الجنة

[بومحمد911]

ويجزاك الغالي

[شنب]

الله يبعدنا عن هالـiPhone اللي كله تجسس

والله يخلي لنا الـSamsung Galaxy S 2:nice:

[الأمبراطور]

بسنا خرابيط بسناااااااا
الحذر من الانترنت>>والحين كل واحد رز له موقع
الحذر من تلفون بو كيمرا>> والحين يستعملون بوكيمرتين
الحذر من البلوتوث>>والحين مافي تلفون من غير بلتوث
الحذر من البلاك بيري >>والحين مسوين قروبات الدعوه
الحذر من الاي فون>>والحين متروس برامج دينيه
الحذر من الاي يباد....وعلى هالمنوال والتخلف مستمر والثواره مايبيلها راس مال
الناس وصلت القمر وانتوا هذا حدكم ....الشرهه على ينقل خرابيطكم في المنتدى

[بوخالد88]

لا تعليق

بالتوووووفيق

[The_Be$t]

اعتقد اجهزه ابل من اكثر الأجهزة امانا ومستحيل هذا الشي يحصل لو كان في ثغرات امنيه في البرنامج كان منع من ابل ستور



شكرًا اخوي بومحمد

[شنب]

اعتقد اجهزه ابل من اكثر الأجهزة امانا ومستحيل هذا الشي يحصل لو كان في ثغرات امنيه في البرنامج كان منع من ابل ستور



شكرًا اخوي بومحمد

غلطان!!

نظام الـiOS الموجود في iPhone و iPod Touch و iPad فيه ثغرات امنيه و اشياء خطره

مثل تتبع المستخدمين.. تدري انه من اول ما خذت الجهاز للحين يشوف مكانك و كل الاماكن اللي رحت لها من قبل

شوف هالخبر:
http://www.ce4arab.com/vb7/showthread.php?t=337639

[رجل مثالي]

في أحد المنتديات كاتبين عن البرنامج هذا الكلام هل هذا الكلام صحيح أو لا أو فيه خطورة
في أستخدام هذا البرنامج وهذا الذي كاتبينه في البرنامج والعلم عند الله
برنامج هوز هير
البرنامج عباره عن دردشه وبنفس الوقت فيه مكاالمة الوااي فاي يعني اذا فيه احد تعرفه من قرايبك ولا من اصدقائك تبي تكلمه وهو عنده نفس البرنامج تقدر تكلمه مجانا
يعني دردشه ومكالمه بنفس الوقت
وتقدر تعرف على نااس بعد من خلاله ولك بروفايل خاص فيك ونك نيم وصوره يعني بالمختصر برنامج يسليكم

( طبعآ أول مآتحمل البرنآمج وتجي تفتحه يطلع لك نافذه تقول هل تريد من هوز هير إستخدآم موقعك الحآلي ؟.<<بالانجليزي تجيك ‘‘ تظغط نعم يفتح ال gps ويحدد موقعك بالظبط ‘‘ ويصير كل ماسكرت البرنآمج وتفتحه
تتحدث البايانات عندك)

i phone وقآعدين بنفس البيت المهم تشوف اختك كم تبعد عني طلع لي 500 متر
يعني نص كيلو ؟؟! ماتكفيك !؟ قلت لك يحدد لكن مو دقيق مره

يعني بالعربي أفرض أنك انت من سكآن جده وفتحته يطلع لك نآس تبعد عنك 1 او 2 او 3 او 4 او إلى عشره كيلو ‘‘ هذول تأكد أنهم بجده

ويوم سآفرت للقصيم صآر يبين لي أن البعد الحين مااذكره بالظبط بس 650 او اكثر شوي

يعني الجهآز يستخدم خدمة تحديد الموآقع عن طريق الاقمآر الأصطنآعيه ويحدد لك البعد

ايه وفي نقطه حبيت انبهك عليهآ ‘‘ الجهآز يحدد لك المسآفه بالميل ‘‘ روح للظبط حق البرنآمج وعدله وخليه كيلو

ملاحظة ممكن هذا البرنامج فيه خطورة أذا كان فيه تجسس على الناس مثل ما ذكر الاخ كاتب الموضوع يجب الحذر من هذه البرامج

[بوخالد911]

بورك فيكم للغيرة

[The_Be$t]

اخوي شنب يمكن اكون غلطان بس اغلب المشاكل اللي تصير بسبب جهل المستخدم

برنامج هو إز هير مثل ماذكروا الاخوان تقدر تحط صورك في البروفايل وانت تسمح لهم يحددون مكانك

فهذا خطأ المستخدم اما انه يقدر يشوف الصور اللي موجوده في التليفون وانه يشغل الكاميرا فهذا مستحيل مستحيل مستحيل !!!!!


واذا على المكالمات في برامج ثانية تقدر تكلم فيها مثل فيس تايم وسكايب

[La.Queen]

اذا انا مب غلطانه

setting
location services
OFF


هاي يسكر موضوع التتبع حد علمي

وبالنسبه لموضوع who's here جزاج الله خير اختي

[تحداني]

ما عاد في خصوصيه حتى في التلفون :(

بارك الله فيك وجملك الله برضاه

[مضاربه]

انا عندي برنامج اسمه الخرائط بس ماستخدمته نزلته اول ماطلعت الايفون هل هالبرنامج فيه خطوره بعد

[بومحمد911]

بسنا خرابيط بسناااااااا
الحذر من الانترنت>>والحين كل واحد رز له موقع
الحذر من تلفون بو كيمرا>> والحين يستعملون بوكيمرتين
الحذر من البلوتوث>>والحين مافي تلفون من غير بلتوث
الحذر من البلاك بيري >>والحين مسوين قروبات الدعوه
الحذر من الاي فون>>والحين متروس برامج دينيه
الحذر من الاي يباد....وعلى هالمنوال والتخلف مستمر والثواره مايبيلها راس مال
الناس وصلت القمر وانتوا هذا حدكم ....الشرهه على ينقل خرابيطكم في المنتدى

يالحبيب اقول هدي اعصابك بس هذا برنامج وحبيت احذر الاعضاء منه

ليكون انت من الي وصلوا القمر اذا ما وصلت عيل الشرهه عليهم ما ودوك وياهم:tease:

بسنا خرابيط قال :anger1:

[La.Queen]

بسنا خرابيط بسناااااااا
الحذر من الانترنت>>والحين كل واحد رز له موقع
الحذر من تلفون بو كيمرا>> والحين يستعملون بوكيمرتين
الحذر من البلوتوث>>والحين مافي تلفون من غير بلتوث
الحذر من البلاك بيري >>والحين مسوين قروبات الدعوه
الحذر من الاي فون>>والحين متروس برامج دينيه
الحذر من الاي يباد....وعلى هالمنوال والتخلف مستمر والثواره مايبيلها راس مال
الناس وصلت القمر وانتوا هذا حدكم ....الشرهه على ينقل خرابيطكم في المنتدى

ايييييدك

[do7awi]

ايييييدك

وانا اضم صوتي كذلك

[@north_star@]

الله يجزيك خير على التنبيه وطبعا معظم البرامج تعتمد على حسب ظبط الشخص للموبايل يعنى عندك خصائص تحديد المواقع تقدر تسكرها

[TEAMspirit]

بسنا خرابيط بسناااااااا
الحذر من الانترنت>>والحين كل واحد رز له موقع
الحذر من تلفون بو كيمرا>> والحين يستعملون بوكيمرتين
الحذر من البلوتوث>>والحين مافي تلفون من غير بلتوث
الحذر من البلاك بيري >>والحين مسوين قروبات الدعوه
الحذر من الاي فون>>والحين متروس برامج دينيه
الحذر من الاي يباد....وعلى هالمنوال والتخلف مستمر والثواره مايبيلها راس مال
الناس وصلت القمر وانتوا هذا حدكم ....الشرهه على ينقل خرابيطكم في المنتدى

اوافقك الرأي

[المرحب]

الله المستعان

[MoHaMmEd114]

السلام عليكم

مافي في العالم os بدون ثغره لانها من عمل البشر

يعني مو بس الايفون والايباد بل جميع الأجهزة

فينصح لللبنت ان لاتستخدم الكام ولاتخزن صورها الخاصة عليه لان في النهاية اذا شبكتي النت على الجوال فالأمر سهل للهكرز بالدخول من اي ثغرة سواء ببرنامج وير هير او غيره

حتى الديسك توب اذا موصله كام افصله ولا تستخدمه الا وقت الحاجة

انا عن نفسي ايباد ون ومانزل برنامج الا لما اشفره عندي

وقواكم الله

[خزامئ]

الله يحفض جميع بنات المسلمين

[ام السعف]

بصراحة ما ادري هل الشيخ انكذب عليه والا السالفة بكبرها كذب في كذب

مب عارفة اشلون عقول المتمسكين في الدين تسمح لهم يروجون اي شي :(
اي شي :(

وين المشكلة ؟ :( :( :(

نريد حلا :(

[شاهين]

أدخل على سيت أب وغير الاعدادات
الظاهر ياأخوي تنزل برامج وماتعرف خصائصها
للعلم كل برامج الشات والتوك فيها نفس الميزة
والبرنامج صمم لتبادل الصور والملفات والبرامج
وللعلم من المستحيل أنه واحد يسحب محتويات جهازك
ألا تكون ضايفه
يعني الاخت ضافت واحد مايخاف الله وسحب كل اللي يبيه

[ام السعف]

أدخل على سيت أب وغير الاعدادات
الظاهر ياأخوي تنزل برامج وماتعرف خصائصها
للعلم كل برامج الشات والتوك فيها نفس الميزة
والبرنامج صمم لتبادل الصور والملفات والبرامج
وللعلم من المستحيل أنه واحد يسحب محتويات جهازك
ألا تكون ضايفه
يعني الاخت ضافت واحد مايخاف الله وسحب كل اللي يبيه

اشلون اتضيفه ويسحب من جوالها كل تحركاتها ؟

السالفة يا اخوي ما تدخل العقل :(

البعض يشطح في تأليف السوالف بهدف النصح :(

[rawda]

والله سالت مبرمج من ربعنا وقال صعبه واصلن السالفه ماتدش المخ

هالبرنامج اصلن للتعارف وتوني نزلته جربته .. لو ذكرت نوع جنسك ( ذكر او انثى ) والجنس اللي تميل له نفرض نقول ( female ) راح يظهر لك جنس ابنات بس !! ومابتشوف ولا ذكر واحد فالبرنامج !!

ماعلينا من هاي كله

هالبنت يوم نزلته وشافته برنامج دردشه اكيد انها اختارت الجنس اللي تميل له .. ولو ماكانت تدري .. عقبها بعد ماتعبثت فيه اكيد عرفت انه شات وبس !! مخليته فتلفونها ليش ؟؟ تبي تدردش ؟؟

الله يستر على بنات المسلمين

[محمد]

هل حد يقدر يضمن ان مايكروسوفت ما تقدر تسحب اي ملف في الويندوز حاليا يلي كاتبين ردودكم من كمبيوترات بنظام ويندوز ؟ :)

وهالشي ينطبق على كل نظم التشغيل ..

باختصار ..
الاشياء الحساسه والشخصية لا تخليها عرضة للخطر .. ولا فيه اي نظام في الدنيا الا و اصحابه يعرفون من وين "يدخلون" له من منفذ او اخر ..

انتهى

[شاهين]

اشلون اتضيفه ويسحب من جوالها كل تحركاتها ؟

السالفة يا اخوي ما تدخل العقل :(

البعض يشطح في تأليف السوالف بهدف النصح :(

البرنامج فيه نظام الـ gps تحديد المواقع وموجود بعد في البي بي
وتقدرين بالبرنامج تسحبين الارقام من دليل الهاتف والصور
و90% من البنات يصورن عمارهم :)
وقلت قبل شوي اللي مايعرف للبرنامج لايشطحه قصدي لايركبه
( نصيحه)
برنامج شات ولا توك في الاي فون
أغلبيتها فيها ثغرات
ونصيحه للاخوان خواتي
اللي منزل برنامج ibluetooth في الاي فون
لايخليه في وضع شغال على طول
بستطاع البرنامج يسحب اي محتوى من الجهاز

[ام السعف]

البرنامج فيه نظام الـ gps تحديد المواقع وموجود بعد في البي بي
وتقدرين بالبرنامج تسحبين الارقام من دليل الهاتف والصور
و90% من البنات يصورن عمارهم :)
وقلت قبل شوي اللي مايعرف للبرنامج لايشطحه قصدي لايركبه
( نصيحه)
برنامج شات ولا توك في الاي فون
أغلبيتها فيها ثغرات
ونصيحه للاخوان خواتي
اللي منزل برنامج ibluetooth في الاي فون
لايخليه في وضع شغال على طول
بستطاع البرنامج يسحب اي محتوى من الجهاز

يا اخي شاهين انت قريت كلامها ؟

تقول كان يقول لها اشكانت لابسة امس واسامي اخوانها

هل كاتبة على الصور هذا اخوي عبدالعزيز وهذا اخوي محمد وهذا اخوي سعد ؟

الصور الموجودة نعم الهاكرز ممكن ياخذ منها ،، لو ضايفة
حد على تطبيق الخرايط ممكن يحدد مكانها ،، لكن واحد مني والدرب

السالفة كلش ما تدخل المخ :(

[شاهين]

يا اخي شاهين انت قريت كلامها ؟

تقول كان يقول لها اشكانت لابسة امس واسامي اخوانها

هل كاتبة على الصور هذا اخوي عبدالعزيز وهذا اخوي محمد وهذا اخوي سعد ؟

الصور الموجودة نعم الهاكرز ممكن ياخذ منها ،، لو ضايفة
حد على تطبيق الخرايط ممكن يحدد مكانها ،، لكن واحد مني والدرب

السالفة كلش ما تدخل المخ :(

أختي أم السعف
بخصوص شكانت لابسه هاذي ماتدخل المخ
يجوز عندها الكاميرا أون لاين وهي ماتدري
بس أأكد لج البرنامج يقدر يحدد مكانج ويحدد المسافه بينج وبين الشخص الاخر بالكيلو
وفيه ميزه أنه يعطيج الاحداثيه
يعني تاخذين الاحداثيه وتنزلينها على الجارمن وتعرفين مكان الشخص وين هو فيه

وأكرر نصيحتي بالذات لخواتي اللي يصورن عمارهم
حذاري من برنامج ibluetooth
تأكدوا أنه في وضع مغلق

[شيط ويط]

اممممم طبعا مافي شي يستبعد في ظل ثورة الانترنت والاتصالات وتقنية المعلومات .. اذكر حضرت ندوة عن أمن الانترنت سنة حاجة وخشبه .. وذكر لنا المحاضر بأن دخول الشخص للانترنت واول ما يعمل كونيكت هو بمثابة شخص يحمل كيس نايلون شفاف ويتمشى في مكان عام مزدحم بالناس .. كل اللي في هالمكان يقدرون يشوفون محتويات هذا الكيس الشفاف وانت ماتدري انهم قاعدين يشوفونك ... هذا من جهه

من جهة ثانيه ظهرت فئة مع الاسف شوهت صورة الدعاة والناصحين .. والتصقت بهم وهم براء من هذه الفئة .. هذه الفئة من دعاة الانترنت والنصح .. استخدموا اسلوب الكذب والدجل والقصص المنسوجه من الخيال الكيبوردي ممزوج ببعض البهارات على الطريقة الهندية .. مستغلين أمية الكثير من مستخدمي الانترنت سواء الشباب او البنات ... وبدأوا الترويج لمثل هذه الامور عبر القروبات والايميلات والمنتديات .. ( اتكلم بشكل عام وليس هذا الموضوع ) .. ونشر مثل هالأمور بصورة كبيرة ورهيبة .. طبعا هدفهم النصح واحنا معاهم في الهدف .. لكن اختلف معهم في الاسلوب ..

وللاسف يكون اسلوب فاشل ويخلي المستخدم يتعنت في عدم الالتفات للي يروجون له .. طبعا القصص كثيرة والامثال كثيرة والقصص اكثر واكثر .. ونكتشف بعد ذلك بفترة وجود امور توضح هذه الادعاءات وتدحضها .. واحيانا تكون صحيحة او فيها نسبة من الصحه ..

لذلك يجب على المستخدم الاتي :

1- ان يكون مسؤول مسؤولية تامة عن استخدامه للانترنت والاجهزة اللي يستخدمها في الدخول للانترنت وما تحتويه ( صور شخصية معلومات شخصية باسوردات بطاقات ائتمانية .. إلخ )

2- أن يتعامل مع كل ما يطرح سواء اكاذيب او حقائق بشي من الموضوعية والعقلانية وأن يطوع المعلومة سواء كانت كاذبة او صحيحة لصالحه .

3- على الانسان ان يثقف نفسه ويسعى الى محو أمية الانترنت .. وان لا يعتقد ان الانترنت مجرد للترفيه وفقط ..

4- شخصيا صار لي من سنة 1994 استخدم الانترنت وأشوف نفسي مختلف كليا عن البدايات وصرت اعرف اتعامل مع محتوى جهازي من معلومات شخصية وصور وخلافه .

5- اخيرا كل واحد يسال نفسه هالسؤال .. ما حاجتي للاحتفاظ بصوري الشخصية والعائلية على جهاز ادخل عليه الانترنت ؟؟؟؟ تذكروا (كيس النايلون الشفاف اللي ذكرته في بداية الرد ) :)

كل الشكر اخوي بومحمد123 على طرح هالموضوع

[ام السعف]

أختي أم السعف
بخصوص شكانت لابسه هاذي ماتدخل المخ
يجوز عندها الكاميرا أون لاين وهي ماتدري
بس أأكد لج البرنامج يقدر يحدد مكانج ويحدد المسافه بينج وبين الشخص الاخر بالكيلو
وفيه ميزه أنه يعطيج الاحداثيه
يعني تاخذين الاحداثيه وتنزلينها على الجارمن وتعرفين مكان الشخص وين هو فيه

وأكرر نصيحتي بالذات لخواتي اللي يصورن عمارهم
حذاري من برنامج ibluetooth
تأكدوا أنه في وضع مغلق


اخوي شاهين // مب مكذبتك بخصوص معلوماتك
عندي تطبيق الماب اللي ضيافتهم عليه اشوف تحركاتهم اون لاين

واصلا ما يقدرون يشوفوني الا لو اني سمحت لهم
يعني في الأخير المضافين على التطبيق نفسه ،،

اثني على رد بو قنبلة اخونا شيط ويط كلامه جدا واقعي وعقلاني

بس اللي ابي اقوله : ما يصير الموضوع يحذر الناس بالطريقة
السطحية اللي انشر فيه ،، شي ما يدش العقل دخل عليها وما اتعرفه
يعطيها اسامي اخوانها يتكلم عن تحركاتها :(

[شاهين]

اخوي شاهين // مب مكذبتك بخصوص معلوماتك
عندي تطبيق الماب اللي ضيافتهم عليه اشوف تحركاتهم اون لاين

واصلا ما يقدرون يشوفوني الا لو اني سمحت لهم
يعني في الأخير المضافين على التطبيق نفسه ،،

اثني على رد بو قنبلة اخونا شيط ويط كلامه جدا واقعي وعقلاني

بس اللي ابي اقوله : ما يصير الموضوع يحذر الناس بالطريقة
السطحية اللي انشر فيه ،، شي ما يدش العقل دخل عليها وما اتعرفه
يعطيها اسامي اخوانها يتكلم عن تحركاتها :(

بخصوص الاسامي يمكن كاتبة في دليل الهاتف أخوي فلان :omen2:
وخصوص يعرف تحركاتها ... هاذي شوي قويه :rolleyes2:

[ام السعف]

بخصوص الاسامي يمكن كاتبة في دليل الهاتف أخوي فلان :omen2:
وخصوص يعرف تحركاتها ... هاذي شوي قويه :rolleyes2:

شفت اشلون ؟

طيب اشرايكم انتوا الشباب اتضيفون بعض واتشوفون البرنامج هذا
شنهي قدراته :shy:

[شاهين]

اممممم طبعا مافي شي يستبعد في ظل ثورة الانترنت والاتصالات وتقنية المعلومات .. اذكر حضرت ندوة عن أمن الانترنت سنة حاجة وخشبه .. وذكر لنا المحاضر بأن دخول الشخص للانترنت واول ما يعمل كونيكت هو بمثابة شخص يحمل كيس نايلون شفاف ويتمشى في مكان عام مزدحم بالناس .. كل اللي في هالمكان يقدرون يشوفون محتويات هذا الكيس الشفاف وانت ماتدري انهم قاعدين يشوفونك ... هذا من جهه

من جهة ثانيه ظهرت فئة مع الاسف شوهت صورة الدعاة والناصحين .. والتصقت بهم وهم براء من هذه الفئة .. هذه الفئة من دعاة الانترنت والنصح .. استخدموا اسلوب الكذب والدجل والقصص المنسوجه من الخيال الكيبوردي ممزوج ببعض البهارات على الطريقة الهندية .. مستغلين أمية الكثير من مستخدمي الانترنت سواء الشباب او البنات ... وبدأوا الترويج لمثل هذه الامور عبر القروبات والايميلات والمنتديات .. ( اتكلم بشكل عام وليس هذا الموضوع ) .. ونشر مثل هالأمور بصورة كبيرة ورهيبة .. طبعا هدفهم النصح واحنا معاهم في الهدف .. لكن اختلف معهم في الاسلوب ..

وللاسف يكون اسلوب فاشل ويخلي المستخدم يتعنت في عدم الالتفات للي يروجون له .. طبعا القصص كثيرة والامثال كثيرة والقصص اكثر واكثر .. ونكتشف بعد ذلك بفترة وجود امور توضح هذه الادعاءات وتدحضها .. واحيانا تكون صحيحة او فيها نسبة من الصحه ..

لذلك يجب على المستخدم الاتي :

1- ان يكون مسؤول مسؤولية تامة عن استخدامه للانترنت والاجهزة اللي يستخدمها في الدخول للانترنت وما تحتويه ( صور شخصية معلومات شخصية باسوردات بطاقات ائتمانية .. إلخ )

2- أن يتعامل مع كل ما يطرح سواء اكاذيب او حقائق بشي من الموضوعية والعقلانية وأن يطوع المعلومة سواء كانت كاذبة او صحيحة لصالحه .

3- على الانسان ان يثقف نفسه ويسعى الى محو أمية الانترنت .. وان لا يعتقد ان الانترنت مجرد للترفيه وفقط ..

4- شخصيا صار لي من سنة 1994 استخدم الانترنت وأشوف نفسي مختلف كليا عن البدايات وصرت اعرف اتعامل مع محتوى جهازي من معلومات شخصية وصور وخلافه .

5- اخيرا كل واحد يسال نفسه هالسؤال .. ما حاجتي للاحتفاظ بصوري الشخصية والعائلية على جهاز ادخل عليه الانترنت ؟؟؟؟ تذكروا (كيس النايلون الشفاف اللي ذكرته في بداية الرد ) :)

كل الشكر اخوي بومحمد123 على طرح هالموضوع



أنت كيف حالك أخوي شيط ويط :shy:
تصدق قمت مانزل برامج حماية للكمبيوتر هههههههه
ماعاد ينفع الفايروس ضاربك يعني ضاربك وغير التدخلات من الايميل
خله بدون أنتي فايروس أحسن وأخف :discuss:

[الـراسي]

جزاك الله كل خير يا صاحب الموضوع

والموضوع ما نزلته الا بسبب غيرتك على خواتك

فالردود اللي ما لها داعي يا ليت نتجنبها

الرجال ما حط الموضوع الا للحذر فقط

[شاهين]

شفت اشلون ؟

طيب اشرايكم انتوا الشباب اتضيفون بعض واتشوفون البرنامج هذا
شنهي قدراته :shy:

اخاف يشوفوني وانا عند قهوة حمود ههه
كنسلت الاي فون ورجعنا للبي بي
والله ياأخت أم السعف
البرنامج مثله مثل اي برنامج شاتنك
ميزته تقدرين تفتحين بروفايل الشخص الثاني عن طريق الاعداد
وبموافقته ويحدد مكان الشخصين بالكيلو متر أو الميل
ونقل بعض محتويات الاي فون مثل دليل الهاتف والصور والمفكره
اما سالفة يعطي معلومه شنو اللبس وشنو أكل ... رمضان كريم :(

[ام السعف]

اخاف يشوفوني وانا عند قهوة حمود ههه
كنسلت الاي فون ورجعنا للبي بي
والله ياأخت أم السعف
البرنامج مثله مثل اي برنامج شاتنك
ميزته تقدرين تفتحين بروفايل الشخص الثاني عن طريق الاعداد
وبموافقته ويحدد مكان الشخصين بالكيلو متر أو الميل
ونقل بعض محتويات الاي فون مثل دليل الهاتف والصور والمفكره
اما سالفة يعطي معلومه شنو اللبس وشنو أكل ... رمضان كريم :(

نفس الكلام اللي قال لي عليه ولدي العود من كم شهر لما
وصلني التحذير عن طريق الواتس اب ،،

وربنا اكرم وكل عام والكل بخير

[شيط ويط]

أنت كيف حالك أخوي شيط ويط :shy:
تصدق قمت مانزل برامج حماية للكمبيوتر هههههههه
ماعاد ينفع الفايروس ضاربك يعني ضاربك وغير التدخلات من الايميل
خله بدون أنتي فايروس أحسن وأخف :discuss:

اقسم لك بالله جهازي اللابتوب شاريه من سنة 2007 ومافي لا انتي فايروس ولا ام حمار ههههه يمكن من شهرين بس لين نزلت ويندوز 7 .. استخدمت برنامج solo صديقي الحميم من سنين .. لا ونسخة مب كاملة .. تجريبية بس من يظهر لك مسج الريجستر اضغط على كلمة كنتنيو .. والبرنامج يسوي ابديت بروحه هههههه

وفايروسات الايميلات خبزي والعجين .. وحركات مال اول تصلح حق اللي توه الف باء انترنت .. لا تفتح ايميل ما تعرف منو صاحبه وسو له دليت .. ولا تفتح روابط من مواقع مجهولة ولا لك حاجه فيها وامورك طيبه .. بس اهم شي حط لزقة جروح على الكام ههههه عشان لحد يشغل الكام وانت ولا تدري عنه هههههه

لأن قبل كنت اظن صعب حد يشغل الكام من غير لا يضوي عندك الليت مال الكام .. لكن طلعت السالفة خربوطيه .. يعني يقدرون يشغلون الكام وانت ولا تدري عن شي ..

تبي احط لك روابط ع اليوتيوب لناس مسوين لهم هاكينغ على الكام ولا يدرون عن شي ؟؟ :secret:

[MoHaMmEd114]

ليش موب مصدقيين؟


البرامج فيها ثغرات والمبرمجيين وظيفتهم بعد بيع البرنامج الدعم والمسانده وسد الثغرات

عيل كيف مافيها ثغرات؟

الا فيها والهكر شغله يصيد الثغره ويستغلها اما صح او غلط مثل ماسوى مع البنت

قبل تقولون محد يقدر يرد الصور اذا انمسحت من الهارد ديسك

والان اشكثر برامج شغلها بس استرجاع كل شي ممسوح من اي نوع من الهارديسكات

[شاهين]

اقسم لك بالله جهازي اللابتوب شاريه من سنة 2007 ومافي لا انتي فايروس ولا ام حمار ههههه يمكن من شهرين بس لين نزلت ويندوز 7 .. استخدمت برنامج solo صديقي الحميم من سنين .. لا ونسخة مب كاملة .. تجريبية بس من يظهر لك مسج الريجستر اضغط على كلمة كنتنيو .. والبرنامج يسوي ابديت بروحه هههههه

وفايروسات الايميلات خبزي والعجين .. وحركات مال اول تصلح حق اللي توه الف باء انترنت .. لا تفتح ايميل ما تعرف منو صاحبه وسو له دليت .. ولا تفتح روابط من مواقع مجهولة ولا لك حاجه فيها وامورك طيبه .. بس اهم شي حط لزقة جروح على الكام ههههه عشان لحد يشغل الكام وانت ولا تدري عنه هههههه

لأن قبل كنت اظن صعب حد يشغل الكام من غير لا يضوي عندك الليت مال الكام .. لكن طلعت السالفة خربوطيه .. يعني يقدرون يشغلون الكام وانت ولا تدري عن شي ..

تبي احط لك روابط ع اليوتيوب لناس مسوين لهم هاكينغ على الكام ولا يدرون عن شي ؟؟ :secret:

هههههههههههههه

تدري وين المشكله ياشيط
أكثر اللي يطيحون في مشكله يقولون لك
جاهم تهديد بعرض صورهم ولين سالت عن السبب قالوا لك شات أو روم وغيرها
ومستغرب من اللي يحفظ صوره وخصوصياته في كمبيوتر يدخل على مواقع شات وغيرها ويتشكى

[أخت الغالي]

ممكن استفسار :

ممكن أسامي لبرامج الشات والتواصل واللي تحدد الاماكن

على أساس اي برنامج ألغيه من البدايه ماعرف للأيفون لذاك الزوود عليميه فييه

اللي اعرفه برنامج بيرلنجوو؟

بس اخاف المحل منزلي برامج ماعرفها..

[SASAS]

بسنا خرابيط بسناااااااا
الحذر من الانترنت>>والحين كل واحد رز له موقع
الحذر من تلفون بو كيمرا>> والحين يستعملون بوكيمرتين
الحذر من البلوتوث>>والحين مافي تلفون من غير بلتوث
الحذر من البلاك بيري >>والحين مسوين قروبات الدعوه
الحذر من الاي فون>>والحين متروس برامج دينيه
الحذر من الاي يباد....وعلى هالمنوال والتخلف مستمر والثواره مايبيلها راس مال
الناس وصلت القمر وانتوا هذا حدكم ....الشرهه على ينقل خرابيطكم في المنتدى

:victory::victory::victory::victory:

[مخفي]

لاحول ولاقوة الابالله

الله يستر على شباب وبنات المسلمين

[جاسم القطري]

ما اظن السالفه صج ...

يحدد المواقع صح لكنه مب دقيق لكن يدخل ويشوف الجهاز شفيه من ارقام وصور ما اظن ... ممكن شركه ابل تقدر لانه اي برنامج تنزله لازم توافق على شروطهم ومنها يقدرون يحددون مكانك ويقدرون ياخذون صور لايف عن المكان اللي انت فيه
حتى اذكر صارت لهم سالفه من فتره على هالموضوع