البطاله المقنعه .... عندكم حل لها ؟؟؟

[Dawn]

السلام عليكم

شلونكم ؟؟ :(

http://www.cartoonstock.com/newscartoons/cartoonists/rsl/lowres/rsln132l.jpg

حبيت اخذ رايكم في مشكله اعاني منها حاليا في وظيفتي الجديده في احدى الوزارات وهي البطاله المقنعه وعدم وجود اي شي اشغل وقتي فيه اثناء الدوام ...

طبعا بما اني متعوده على الكراف بالمستقلات مده 7 سنين انصدمت من طبيعة الشغل في الوزاره :omg:

وكنت في الايام الاولى اقارن بين شغلي كمدرسه وبين شغلي كموظفه في الوزاره واقول : الله وناسه ارجع البيت مرتاحه وماعندي اي شغل اسويه في البيت ...

وحلو ان صار لي رقم وظيفي وحقوق وظيفيه وكل قوانين الموظفين واضحه ومفهومه بعكس الظلم اللي تعرضت له وانا مدرسه ... وشي ممتاز ان فيه مرونه بالدوام :) غير كلش عن المستقلات اللي الوحده تقعد بعد الدوام للعصر ... كل هالاشيا اعتبرها نعمه واحمد ربي عليها ... اللهم لك الحمد والشكر

لكن بعد كمن يوم مليت .... مليت من القعده بدون شغل :weeping:

سألت زميلاتي : انتو دايما قاعدين هالشكل ؟ انا مليت صراحه ابغي شي اسويه قالت وحده انها ما سوت ولا اي شي ولا جاتها اي ورقه من 8 شهور :eek5: قلت لها ماعندج وصف وظيفي ؟؟ قالت لي لا :eek5: للحين ما فيه وصف وظيفي ولا اعرف مهامي الوظيفيه ....

طلبت نقل لقسم ثاني قلت اني راح ابدع فيه واعرف وحده موجوده في قسم قريب منه ،،، جاتني نصيحه منها اني ما اروح للقسم لان البنات فيه يتهاوشون على الشغل عددهم كبير والشغل قليل والكل يبغي يثبت وجوده :( وانا من النوع اللي اي هوشه تصير بين 2 اروح ابتعد عن المكان ماحب اكون وسط جو فيه مشاكل

عرضت خدماتي في اقسام ثانيه ،،، لكن الكل قالوا لي تو الناس عليج لاحقه عالشغل انتي جديده ... :(

فكرت انقل لوزاره ثانيه يشتغل فيها اخوي بس تذكرت كلامه انه البنات عنده ما يسوون ولا شي وان سووا يروحون الموظفين يدققون في شغلهم ويطلع كل شي غلط ويرجعون يعيدونه ويقول لي البنات ما ينفعون للشغل :( ،،، ما حبيت عقلية اخوي كمسؤول :secret: فتراجعت عن الفكره

انا ودي اعرف هل فيه ناس عندهم نفس هالمشكله ؟ واذا فيه حد يعاني من البطاله المقنعه ،،،، شنهي الحلول اللي حطها لحل هالمشكله ( غير القعده على منتدى الاسهم ) لأن للحين عندي مشكله بالنت ..

انا عندي هوايات بس مادري هل مسموح مثلا اجيب معاي اوراق وصمغ والوان واقعد اسوي مشاريع فنيه بالورق ؟؟ اعتقد مب حلوه صح ؟؟ صراحه مادري عن اتيكيت الشغل بالوزارات لانه عندنا في المدارس عادي هالسوالف .. ( اصلا لان مافيه وقت فراغ الا الفتره اللي يأجزون فيها الطلاب )

انا اصمم بالفوتوشوب بس اتملل من القعده على اللاب توب طول اليوم .. وللأسف للأسف ماقدر اقرا قرآن او اقرا كتب بسبب صوت البنات لانه عالي وهم يسولفون وانا ماحب اقرا الا في جو هادي


شرايكم ؟؟؟

رجاءا لحد يضحك ولا يتطنز ،،، لانها مشكله حقيقيه بالنسبه لي .. شسوي؟؟ :weeping:


وشكرا

[intesar]

مشكلتج مشكلة.. بالفعل الواحد اذا ما اشتغل وقعد فاضي يتملل وينعس.. وهذي وظايف الحكومة ناس ما عندها تسوي شغل وناس تكرف.. اصبري يمكن يعطونج شغل.. الله يعينج..

[Dawn]

مشكلتج مشكلة.. بالفعل الواحد اذا ما اشتغل وقعد فاضي يتملل وينعس.. وهذي وظايف الحكومة ناس ما عندها تسوي شغل وناس تكرف.. اصبري يمكن يعطونج شغل.. الله يعينج..

مشكلتي اني طالعه من شغلي وانا حابته ،،، لكن ما اقول غير حسبي الله على المجلس الاعلى اللي كرهنا في مهنة التدريس ...

انا ما زلت احضر دروس في وقت الفراغ ،، بعدين انتبه على نفسي واهد القلم واتعوذ من ابليس ..

انا للحين صابره وانطر الشغل ،، بس اخاف اقعد مثل زميلتي 8 شهور ،،، ما اتخيل صراحه ..

الله يعين :( الله يسمع منج ويعطوني اي شي اسويه

[تغلبية]

كنت مثلج في بداياتي ... ويمكن أكثر شوي لأن مسؤولي الأجنبي كان بمعنى الكلمة "نصاب"

تمللت .. احتريت .. انقهرت .. تكلمت .. تهاوشت .. مافي فايدة .. لين عقلت وركدت ..

وسويت لي نسيج بروحي في الشغل .. :) ...

طلعت الشغل من تحت الأرض اليابسة .. << تحب الكرف

احوس في النت اقرا .. اطلع .. فيما يخص طبيعة ادارتي .. واراقب الوضع في ادارتي..

وأقارن الدول الأحسن حالاً منا .. واقترح : اجراءات تطويرية .. اجراءات تسهل سير المعاملات ..

اقترح نشاطات .. اصمم مطويات توعوية واعلامية ..

اشارك باللي اعرفه في ادارتي واوسع علاقاتي في مجال الشغل

انتي فنانة .. زيني الادارت او اضيفي لامساتج الابداعية وحتى الثقافية على الادارة اللي انتي فيها

واستخدمي كل الموارد المتوفرة .... وبتنجحين باذن واحد أحد

[المسك1969]

السلام عليكم

الله يعينج غاليتي بس صراحة استغرب شلون في إدارات مافيها شغل؟ يعني تداومين من الصبح بس تقعدين على المكتب للظهر.. بس.. بدون أي عمل؟؟

عموما أنتي افهمي طبيعه العمل اللي مافيه عمل ومن ثم إبدأي بالتفكير في حلول وايجاد طرق لاضافة فكرة واقتراح او حل مشكله... بس المشكله اصلا أن مافي عمل فشلون بتعرفين طبيعة العمل؟ والله وهقه

أو صممي مثل ما قالت أختنا وارسمي على أوراق وإن ما عجبتهم لا تزعلين وصوريها ووزعيها بروحج... أنا اسوي جذيه في الشغل لأن ناس ما تحب الانسان اللي ينجز فما تبيه يبرز وأنا عن نفسي أحب شيء تعلمته ان الناس تستفيد منه لو كان القليل وعلى قد ما اقدر اسويه.

وسبحان الله ترى تكفي الطلعة الصبح من البيت فيها أو مافيها شغل كله ارهاق اهم شيء طلعتي ورحتي الدوام .. وصراحة ماجربت مثل هاي الموقف وان شاء الله ما اجربه لانه مابيمر اليوم سبحان الله وربي ييسر لج الخير غلاي

[وحش قطر]

مشكلتي نفسج والحل انج تروحين الدوام على البرااااد

تقعدين نص ساعه تشربين كوفي وتقرين الجريده

وعقب تطلعين تروحين اي كوفي مع حد من الربع

واذا تمللتي تروحين الجبره

ولا تاخذين فره في وكالات السيارات تشوفين شنو الجديد

واخر شي تردين الدوام تصلين الظهر معاهم وانتي راده البيت

[khalid Qtr]

بصراحة اعاني من نفس المشكلة :omen2:

[النجلا]

كلنا في الهوآ سوآ .. :tease:

احنا عندنا شغل بس حاليآ بما انها فترة الصيف مافي شغل وملل والله قلبي معورني على قومة الصبح اللي ماوراها فايدة:weeping:

آقرآ قرآن + كتب .. واذا تمللت العب في الفيس بوك والا اقعد اطالع مسلسلات :nice:

have a nice time

[تحداني]

اتبادلين معاي ؟؟ أجي مكانج وتجين مكاني ولكن لفتره محدده :)
خلينا نرد للموضوع الأصلي

ساعات اربط هاذي النوعيه من البطاله لكثره اعداد الموظفين .. وتمركزهم في وظيفه واحده بمعنى في غيابي هناك مليون بديل ..و في غيابك انتي هناك 10 بدائل
هاي التمركز وتشابه المهام يؤدي الى قله العمل

لايمكن ان تكون هناك مؤسسه او قطاع عمل ليس بها من العمل
الذي يغطي به الموظف ساعاته .. ولكن هناك خلل ما

الفراغ عودم الانشغال مو بس يؤدي الى الملل يؤدي الى الاحباط قله الابداع
تضيع وقت بلا فائده .. بل قومه كل صباح على روتين كأنكي تعرفين ماذا سيحصل


كيف تشغلينه ؟؟ ودي اساعدج بس ما اعرف
لو قلت لج نطور الاداء .. نفتح بوابه الاقتراحات .. تنقلين لقسم آخر
تبحثين عن فرصه عمل جديده <<<وانا اميل لهذا الجانب .. لاني اكره جانب البطاله المقنعه
" دائما ما اردد مبدأ في حياتي .. ان كان وجودي " بلا فائده " عفوا على هالكلمه ما اقصدج بس ان كان بلا فائده .. فغيابي افضل .. او تغير المكان أفضل بكثير

الشخص الي يكون عنده هدف وطموح ما يقدر يتحمل الراحه كثير



جملك الله برضاه

[asad]

السلام عليكم

شلونكم ؟؟ :(

http://www.cartoonstock.com/newscartoons/cartoonists/rsl/lowres/rsln132l.jpg

حبيت اخذ رايكم في مشكله اعاني منها حاليا في وظيفتي الجديده في احدى الوزارات وهي البطاله المقنعه وعدم وجود اي شي اشغل وقتي فيه اثناء الدوام ...

طبعا بما اني متعوده على الكراف بالمستقلات مده 7 سنين انصدمت من طبيعة الشغل في الوزاره :omg:

وكنت في الايام الاولى اقارن بين شغلي كمدرسه وبين شغلي كموظفه في الوزاره واقول : الله وناسه ارجع البيت مرتاحه وماعندي اي شغل اسويه في البيت ...

وحلو ان صار لي رقم وظيفي وحقوق وظيفيه وكل قوانين الموظفين واضحه ومفهومه بعكس الظلم اللي تعرضت له وانا مدرسه ... وشي ممتاز ان فيه مرونه بالدوام :) غير كلش عن المستقلات اللي الوحده تقعد بعد الدوام للعصر ... كل هالاشيا اعتبرها نعمه واحمد ربي عليها ... اللهم لك الحمد والشكر

لكن بعد كمن يوم مليت .... مليت من القعده بدون شغل :weeping:

سألت زميلاتي : انتو دايما قاعدين هالشكل ؟ انا مليت صراحه ابغي شي اسويه قالت وحده انها ما سوت ولا اي شي ولا جاتها اي ورقه من 8 شهور :eek5: قلت لها ماعندج وصف وظيفي ؟؟ قالت لي لا :eek5: للحين ما فيه وصف وظيفي ولا اعرف مهامي الوظيفيه ....

طلبت نقل لقسم ثاني قلت اني راح ابدع فيه واعرف وحده موجوده في قسم قريب منه ،،، جاتني نصيحه منها اني ما اروح للقسم لان البنات فيه يتهاوشون على الشغل عددهم كبير والشغل قليل والكل يبغي يثبت وجوده :( وانا من النوع اللي اي هوشه تصير بين 2 اروح ابتعد عن المكان ماحب اكون وسط جو فيه مشاكل

عرضت خدماتي في اقسام ثانيه ،،، لكن الكل قالوا لي تو الناس عليج لاحقه عالشغل انتي جديده ... :(

فكرت انقل لوزاره ثانيه يشتغل فيها اخوي بس تذكرت كلامه انه البنات عنده ما يسوون ولا شي وان سووا يروحون الموظفين يدققون في شغلهم ويطلع كل شي غلط ويرجعون يعيدونه ويقول لي البنات ما ينفعون للشغل :( ،،، ما حبيت عقلية اخوي كمسؤول :secret: فتراجعت عن الفكره

انا ودي اعرف هل فيه ناس عندهم نفس هالمشكله ؟ واذا فيه حد يعاني من البطاله المقنعه ،،،، شنهي الحلول اللي حطها لحل هالمشكله ( غير القعده على منتدى الاسهم ) لأن للحين عندي مشكله بالنت ..

انا عندي هوايات بس مادري هل مسموح مثلا اجيب معاي اوراق وصمغ والوان واقعد اسوي مشاريع فنيه بالورق ؟؟ اعتقد مب حلوه صح ؟؟ صراحه مادري عن اتيكيت الشغل بالوزارات لانه عندنا في المدارس عادي هالسوالف .. ( اصلا لان مافيه وقت فراغ الا الفتره اللي يأجزون فيها الطلاب )

انا اصمم بالفوتوشوب بس اتملل من القعده على اللاب توب طول اليوم .. وللأسف للأسف ماقدر اقرا قرآن او اقرا كتب بسبب صوت البنات لانه عالي وهم يسولفون وانا ماحب اقرا الا في جو هادي


شرايكم ؟؟؟

رجاءا لحد يضحك ولا يتطنز ،،، لانها مشكله حقيقيه بالنسبه لي .. شسوي؟؟ :weeping:


وشكرا

السلام عليكم و رحمة الله و بركاتة ....

أختي العزيزة ، أنصح بإتخاذ الخطوات التالية لمحاولة تصحيح الوضع :
1. مقابلة رئيس القسم لتسليط الضوء على المشكلة و الوضع الحالي "المأساوي" للقسم ، مع أهمية تعزيز المقابلة بخطاب أو تقرير مكتوب يعرض جميع مشاكل القسم مع بعض الحلول المقترحة من وجهة نظرك
2. في حالة عدم إستجابة رئيس القسم من خلال إتخاذ الإجراءات الازمة لعمل تغير جذري و فوري ، أنصح بالتوجة لمدير الإدارة أو حتى الوزير المسؤول ... مع مراعاة إتباع و إحترام الهيكل التنظيمي و التدرج الوظيفي في الوزارة

مع خالص تمنياتي لكي بالتوفيق ....

[شيط ويط]

مشكلة والله .. من فترة رحت جهة حكومية .. لقيت في الاستقبال 8 موظفات بلا مبالغة .. 6 منهم مالهم لزمه .. والشغل المطلوب منهم يسوونه 2 ولا اكثر من هذا العدد .. ولو موظف شنب كان تكفل به بروحه بحكم قلة عدد المراجعين .. بس بعد محد يقدر يقول شي .. المرأة نصف المجتمع احم احم ...

[بو خليفه 123]

اطلبي من مسؤولك المباشر ان يرسم لك "طريقك المهني" ..

تسمى Career Plan


للثلاث سنوات القادمه ..


بالتعاون مع الـ HR ..



ابتدي صح عشان يكون انتاجك صح في جهة عملك .. لا تتأثري بالاجواء السلبية من زميلاتك الي وظيفتهم مرتبطه بالفطاير والنميمه ..

[ام السعف]

يووووووووووه اطلعوا الموظفين اغلبهم مقنعين بالبطالة :(

طيب ليش ما يصرفون رواتب للناس وهم في بيوتهم وخاصة الحريم :(

[بو خليفه 123]

طيب ليش ما يصرفون رواتب للناس وهم في بيوتهم وخاصة الحريم :(




هذي احد اسباب عزوف المسؤولين بالاهتمام بالموظفات


يقول : مردها تتزوج و مجهودي و استثماري كله بيروح على الفاضي !

[ام السعف]

هذي احد اسباب عزوف المسؤولين بالاهتمام بالموظفات


يقول : مردها تتزوج و مجهودي و استثماري كله بيروح على الفاضي !

بــجــد ؟:eek5:

شنهو هالتفكير :(

كثيرات يكونون اصلا متزوجات ،، هو اللي عليه انه يأدي المطلوب
منه تجاه موظفينه مب يعتمد كونها بتترك الشغل :(

اكره هالعالم :(

[Qatarianes]

والله الي يبي يشتغل بيجيه الشغل
بس الي يبيها من الله بيعشق الراحه هههههههه

انا عن نفسي مرات اشوف نفسي من الكرف مابطل الكمبيوتر ولا اداوم في المكتب
اروح موقع المشروع عقب اقابل مهندس في مبنى يبعد 15 كيلو عن الموقع المشروع ارجع مبنى الدوحه اجتماع بو ساعتين اشوف الساعه وحده ونص ارد اشغل الكمبيوتر اشوف ايميلات مهمه او يكون عندي خبر ارد عليها ثاني يوم

وفي ايام من ست ونص الى ثنتين ونص جرايد وشاي ويمكن اطلع بدري
على حسب الشغل...


بس بخصوص

طلبت نقل لقسم ثاني قلت اني راح ابدع فيه واعرف وحده موجوده في قسم قريب منه ،،، جاتني نصيحه منها اني ما اروح للقسم لان البنات فيه يتهاوشون على الشغل عددهم كبير والشغل قليل والكل يبغي يثبت

ههههههههههههههههههههههههههههههه فطست ضحك الصراحه تخيلت الوضع

[تحداني]

:eek3::eek3:

متى يصير عندنا اشوي شغل ووايد موظفين

متى متى ؟؟

[ام السعف]

:eek3::eek3:

متى يصير عندنا اشوي شغل ووايد موظفين

متى متى ؟؟

تحداني ......> ما اتشوفين الدخول للمنتدى حزة الدوام
يعني ان مافي شغل :(

[تحداني]

تحداني ......> ما اتشوفين الدخول للمنتدى حزة الدوام
يعني ان مافي شغل :(


اليوم انا اوف :( :( :( " ما احبج "

[ام السعف]

اليوم انا اوف :( :( :( " ما احبج "

اووبس ...> مي سوري :shy:

براضيج يوم اللقاء بابتسامة ستصرعكي قتيلة......> بس مب اتمطين طقم الاسنان :shy:

[ANONYMOUS]

layoff

[لاجئ عاطفي]

الحل الوحيد ان يكون التوظيف في كل ادارات ووزارات الدولة عن طريق النت بدون تدخل بشري لا من المدير ولا غيره لان التوظيف الان بيد المدير يوزعه لاقاربه واصدقاءه ومعارفه اما الباقي (( لايوجد شاغر ))

[Dawn]

كنت مثلج في بداياتي ... ويمكن أكثر شوي لأن مسؤولي الأجنبي كان بمعنى الكلمة "نصاب"

تمللت .. احتريت .. انقهرت .. تكلمت .. تهاوشت .. مافي فايدة .. لين عقلت وركدت ..

وسويت لي نسيج بروحي في الشغل .. :) ...

طلعت الشغل من تحت الأرض اليابسة .. << تحب الكرف

احوس في النت اقرا .. اطلع .. فيما يخص طبيعة ادارتي .. واراقب الوضع في ادارتي..

وأقارن الدول الأحسن حالاً منا .. واقترح : اجراءات تطويرية .. اجراءات تسهل سير المعاملات ..

اقترح نشاطات .. اصمم مطويات توعوية واعلامية ..

اشارك باللي اعرفه في ادارتي واوسع علاقاتي في مجال الشغل

انتي فنانة .. زيني الادارت او اضيفي لامساتج الابداعية وحتى الثقافية على الادارة اللي انتي فيها

واستخدمي كل الموارد المتوفرة .... وبتنجحين باذن واحد أحد

انتي شكلج في قطاع خاص لان الحمدلله في الوزارات اشوف اغلب المسؤولين قطريين ،،، طبعا من خلال كلام اللي اعرفهم من الاهل والصديقات اللي يشتغلون في الوزارات ... ومن خلال خبرتي البسيطه في الوزاره اللي انا فيها الحين ...

فالله يعينج لاني جربت اتعامل مع الاجانب لكن نسبه منهم فعلا ما يحبون ينفعون القطري ولا يحبون يعلمونه شي .. توصلين مرحله معينه معاهم وبعدها تلقين الطريج مسدود لانهم يبغون المواطن يكون محتاج لهم ... ويفضلونه يكون من النوع اللي ما يسأل ولا يشتغل من قلب ... علشان اذا ارجعوا بلادهم يقولون ان القطري كسول وما يشتغل ..

طيب لما تقترحين هالافكار هل تلقين ترحيب من المسؤول الاجنبي والا تلقينه يحبطج ويقلل من قيمة الاقتراحات ؟

انا اشوف انه فيه مجال ان قسمي يستفيد مني واقترحت اني اشارك في المجله الدوريه اللي يصدرها القسم وما كان عند مسؤولتي اي مانع ... هذي محاوله مني وفي انتظار التشجيع ،، مادري ليش بس حسيت انه فيه انطباع ان الشغل التطوعي غير مطلوب في العمل الحكومي .. والا يمكن يشوفون ان فيها احراج لو موظفه جديده ما سوت شغلها الاساسي وبدت بشغل خارج اختصاص مسماها الوظيفي ..

[Dawn]

السلام عليكم

الله يعينج غاليتي بس صراحة استغرب شلون في إدارات مافيها شغل؟ يعني تداومين من الصبح بس تقعدين على المكتب للظهر.. بس.. بدون أي عمل؟؟

عموما أنتي افهمي طبيعه العمل اللي مافيه عمل ومن ثم إبدأي بالتفكير في حلول وايجاد طرق لاضافة فكرة واقتراح او حل مشكله... بس المشكله اصلا أن مافي عمل فشلون بتعرفين طبيعة العمل؟ والله وهقه

أو صممي مثل ما قالت أختنا وارسمي على أوراق وإن ما عجبتهم لا تزعلين وصوريها ووزعيها بروحج... أنا اسوي جذيه في الشغل لأن ناس ما تحب الانسان اللي ينجز فما تبيه يبرز وأنا عن نفسي أحب شيء تعلمته ان الناس تستفيد منه لو كان القليل وعلى قد ما اقدر اسويه.

وسبحان الله ترى تكفي الطلعة الصبح من البيت فيها أو مافيها شغل كله ارهاق اهم شيء طلعتي ورحتي الدوام .. وصراحة ماجربت مثل هاي الموقف وان شاء الله ما اجربه لانه مابيمر اليوم سبحان الله وربي ييسر لج الخير غلاي

اي والله يا المسك لا شغل ولا شي قعده من الصبح للظهر :(
انا سألت عن طبيعة العمل وقالوا لي شفويا ان القسم اختصاصاته كذا وكذا وان الموظفين يسوون كذا وكذا .... لكن ولا جاني اي شغل من اللي قالوه .... والتوصيف الوظيفي والمهام ما جاتني مكتوبه بحيث احطها في ملفي وارجع لها وقت الحاجه .. لا مجرد شرح شفوي لاختصاصات قسمي ...
انا راح انفذ اقتراحج انتي وتغلبيه ، اتمنى ان الوضع يتغير للاحسن ،، اشكرج على الدعوه الطيبه

[Dawn]

مشكلتي نفسج والحل انج تروحين الدوام على البرااااد

تقعدين نص ساعه تشربين كوفي وتقرين الجريده

وعقب تطلعين تروحين اي كوفي مع حد من الربع

واذا تمللتي تروحين الجبره

ولا تاخذين فره في وكالات السيارات تشوفين شنو الجديد

واخر شي تردين الدوام تصلين الظهر معاهم وانتي راده البيت

:) ادري تمزح ،، ما اظن انك تسوي هالشي فعلا

شكرا عالمرور

[ام ناصر1]

وين هالشغل الي مافيه كرف ..دلونا عليه ...
أنا عكس الي قلتيه ...شغلنا كرف من قلب ...وناويه اهده لاجل قعدة المكتب

[Dawn]

بصراحة اعاني من نفس المشكلة :omen2:

طيب هل فكرت بالحل ؟؟

هل عندك اقتراحات او تجارب لحل المشكله ؟؟

اتمنى لو تتكلم اكثر عن تجربتك

[Dawn]

كلنا في الهوآ سوآ .. :tease:

احنا عندنا شغل بس حاليآ بما انها فترة الصيف مافي شغل وملل والله قلبي معورني على قومة الصبح اللي ماوراها فايدة:weeping:

آقرآ قرآن + كتب .. واذا تمللت العب في الفيس بوك والا اقعد اطالع مسلسلات :nice:

Have a nice time

عالاقل عندكم مواسم فيها شغل ومواسم ما فيها شغل ... انا افضل هالنوع لانه متجدد و ما يكون الضغط فيه كبير مثل التدريس ،،، وما يكون بعد الموظف فاضي 100% من وقته ..
وحلو انج تستغلين الوقت بالقراءه ،، انا للأسف ماقدر :(

[Dawn]

اتبادلين معاي ؟؟ أجي مكانج وتجين مكاني ولكن لفتره محدده :)
خلينا نرد للموضوع الأصلي

ساعات اربط هاذي النوعيه من البطاله لكثره اعداد الموظفين .. وتمركزهم في وظيفه واحده بمعنى في غيابي هناك مليون بديل ..و في غيابك انتي هناك 10 بدائل
هاي التمركز وتشابه المهام يؤدي الى قله العمل

لايمكن ان تكون هناك مؤسسه او قطاع عمل ليس بها من العمل
الذي يغطي به الموظف ساعاته .. ولكن هناك خلل ما

الفراغ عودم الانشغال مو بس يؤدي الى الملل يؤدي الى الاحباط قله الابداع
تضيع وقت بلا فائده .. بل قومه كل صباح على روتين كأنكي تعرفين ماذا سيحصل


كيف تشغلينه ؟؟ ودي اساعدج بس ما اعرف
لو قلت لج نطور الاداء .. نفتح بوابه الاقتراحات .. تنقلين لقسم آخر
تبحثين عن فرصه عمل جديده <<<وانا اميل لهذا الجانب .. لاني اكره جانب البطاله المقنعه
" دائما ما اردد مبدأ في حياتي .. ان كان وجودي " بلا فائده " عفوا على هالكلمه ما اقصدج بس ان كان بلا فائده .. فغيابي افضل .. او تغير المكان أفضل بكثير

الشخص الي يكون عنده هدف وطموح ما يقدر يتحمل الراحه كثير



جملك الله برضاه


مممم شكلج مدرسه في مستقله او موظفه في بنك ... فعلا هالوظيفتين الوحده ودها تهد الشغل شويه وتغير نظام القعده في الدوام للعصر او المغرب والدوام في الاجازات والويك اند .. شي يجيب المرض .. بالذات مع الوقفه او الجلوس لوقت طويل ...

بالنسبه للتكدس بالعكس انا القسم اللي متوظفه فيه حسب كلام مسؤولتي انهم محتاجين وحده غيري بعد ..

لكن المشكله في توزيع المهام ،،، وعدم الثقه بالموظف يمكن ...

تركي للوظيفه بمعنى تقديم استقاله شيء غير وارد لان معناة هالشي اني راح انتظر سنين بدون شغل الا اذا قصدج القى لي واسطه .. لي واسطات في اكثر من مكان .... بس انا كرهت سالفة التوظيف بالواسطه جربتها وما حبيت الفكره صراحه ... وانا شهادتي فوق الجامعيه .... وعندي دورات تصميم جرافيك ولغتي حسب تقييم مسؤولتي حاليا انها ممتازه ... ما اقدر اخوض تجربة تغيير العمل وابدأ في استكشاف طبيعة الوظيفه من اول وجديد ... بالذات اني ممكن اندم لو طلع الشغل الجديد فيه عيوب أسوأ :(

[Dawn]

السلام عليكم و رحمة الله و بركاتة ....

أختي العزيزة ، أنصح بإتخاذ الخطوات التالية لمحاولة تصحيح الوضع :
1. مقابلة رئيس القسم لتسليط الضوء على المشكلة و الوضع الحالي "المأساوي" للقسم ، مع أهمية تعزيز المقابلة بخطاب أو تقرير مكتوب يعرض جميع مشاكل القسم مع بعض الحلول المقترحة من وجهة نظرك
2. في حالة عدم إستجابة رئيس القسم من خلال إتخاذ الإجراءات الازمة لعمل تغير جذري و فوري ، أنصح بالتوجة لمدير الإدارة أو حتى الوزير المسؤول ... مع مراعاة إتباع و إحترام الهيكل التنظيمي و التدرج الوظيفي في الوزارة

مع خالص تمنياتي لكي بالتوفيق ....

هذا اللي سويته الاسبوع اللي طاف بعد ما قالت لي زميلتي عن سالفة ال 8 شهور ،، خفت يكون مصيري مثلها ...
كان الرد ( اصبري ) وان شا الله راح يكون فيه شغل .. وان العائق حاليا المكان وانهم راح ينتقلون لمكان جديد وهالسبب هو اللي معطل الشغل .. اتمنى ان الوضع يتعدل باقرب وقت :(

[Dawn]

مشكلة والله .. من فترة رحت جهة حكومية .. لقيت في الاستقبال 8 موظفات بلا مبالغة .. 6 منهم مالهم لزمه .. والشغل المطلوب منهم يسوونه 2 ولا اكثر من هذا العدد .. ولو موظف شنب كان تكفل به بروحه بحكم قلة عدد المراجعين .. بس بعد محد يقدر يقول شي .. المرأة نصف المجتمع احم احم ...

تتكلم مثل اخوي :anger1:

طيب ال 6 بنات اللي مالهم لزمه ليش مسؤولهم ما يستحدث لهم بعض المهام اللي ممكن يطور فيها اداء قسمه ؟؟؟

[جاسم القطري]

مشكلتي نفسج والحل انج تروحين الدوام على البرااااد

تقعدين نص ساعه تشربين كوفي وتقرين الجريده

وعقب تطلعين تروحين اي كوفي مع حد من الربع

واذا تمللتي تروحين الجبره

ولا تاخذين فره في وكالات السيارات تشوفين شنو الجديد

واخر شي تردين الدوام تصلين الظهر معاهم وانتي راده البيت

ذكرتني بايام الوزاره هههههههه الله لا يعودها من ايام الحمدلله الله تاب علينا من هالمكان

[جاسم القطري]

الحل الوحيد للبطاله يسوون راتب بطاله يكون مبلغ بسيط عشان الدوله ما تضطر توظق عدد كبير لانها مجبوره عليهم

وتلقين الوظيفه تحتاج 2 والموجودين 7

[Dawn]

اطلبي من مسؤولك المباشر ان يرسم لك "طريقك المهني" ..

تسمى Career Plan


للثلاث سنوات القادمه ..


بالتعاون مع الـ HR ..



ابتدي صح عشان يكون انتاجك صح في جهة عملك .. لا تتأثري بالاجواء السلبية من زميلاتك الي وظيفتهم مرتبطه بالفطاير والنميمه ..

زميلاتي انصدمت فيهم الاسبوع اللي طاف وهذا اللي خلاني اطلب نقل

وحده حشرتني انها مشغوله ومضغوطه وحاله ( تعرف النوعية اللي دايما يقولون انا سووييييييت وانا سووييييت وانا عملت ؟ ) وان الشغل صعب ومن هالسوالف واخرتها يوم راوتني الورقتين اللي معطينها اياهم من يومين ،،، والله اني قعدت اضرب كف بكف واقول لها هذا الشغل ؟؟ تكتبين اسمين في لسته في ملف اكسل ؟؟؟

قالت لي اصلا رئيسة القسم ما تعطيني شغل .... قلت لها طلبتي شغل ؟ قالت لي انها اشتكت للرئيس اللي فوق رئيستنا وقالت له انه المسؤوله تعطيني شي مب من اختصاصي ،، وطلبت منه انه ينقلها ،،، فخلال النطره للانتقال لقسم اخر ،، راحت رئيستها تخفف عليها الشغل وتعطيها اشيا بسيطه ... وتمت على هالوضع مدة شهرين تقريبا

انا مب من النوع اللي يتأثر بالمتذمرين في الشغل ،،، واعرف انه فيه عداوات تاخذ الطابع الشخصي ومالها خص بطبيعة العمل ...

وبخصوص الخطه الوظيفية اللي تقول عنها ما اظن انها موجوده عندنا ،،، ولو عرفت القسم اللي انا اشتغل فيه يمكن تنصدم وبتكتشف ان باب النجار مخلع على قولة اخواننا المصاروه ... فخلني ساكته احسن :secret:

[Dawn]

يووووووووووه اطلعوا الموظفين اغلبهم مقنعين بالبطالة :(

طيب ليش ما يصرفون رواتب للناس وهم في بيوتهم وخاصة الحريم :(


هذي احد اسباب عزوف المسؤولين بالاهتمام بالموظفات


يقول : مردها تتزوج و مجهودي و استثماري كله بيروح على الفاضي !


بــجــد ؟:eek5:

شنهو هالتفكير :(

كثيرات يكونون اصلا متزوجات ،، هو اللي عليه انه يأدي المطلوب
منه تجاه موظفينه مب يعتمد كونها بتترك الشغل :(

اكره هالعالم :(


اخوي يقول لي لو انا وزير ،، بخلي البنات يقعدون في بيوتهم يتعلمون الطبخ وامشيلهم راتب واجيب بدال ال5 موظفات ،، موظف واحد يسوي شغلهم ...

مادري ليش هالفكره السلبيه عن الموظفات مع اني اشوف التزامهم بالدوام وكفاءة شغلهم افضل من الموظفين ..

وفعلا اغلب الموظفات متزوجات وفيه الغير متزوجات وكلهم والله بنفس الكفاءه .. ويؤدون الشغل المطلوب عليهم اول بأول ..

بوخليفه ذكرتني بصاحبة الترخيص اللي اول سؤال لها في المقابله ( انتي متزوجه ؟ ) واذا المتقدمة للوظيفه متزوجه خلاص راحت عليها ،،، وكأن المتزوجه محكوم عليها بالاعدام الوظيفي ... ليش خاطري افهم ؟

[Dawn]

والله الي يبي يشتغل بيجيه الشغل
بس الي يبيها من الله بيعشق الراحه هههههههه

انا عن نفسي مرات اشوف نفسي من الكرف مابطل الكمبيوتر ولا اداوم في المكتب
اروح موقع المشروع عقب اقابل مهندس في مبنى يبعد 15 كيلو عن الموقع المشروع ارجع مبنى الدوحه اجتماع بو ساعتين اشوف الساعه وحده ونص ارد اشغل الكمبيوتر اشوف ايميلات مهمه او يكون عندي خبر ارد عليها ثاني يوم

وفي ايام من ست ونص الى ثنتين ونص جرايد وشاي ويمكن اطلع بدري
على حسب الشغل...


بس بخصوص

طلبت نقل لقسم ثاني قلت اني راح ابدع فيه واعرف وحده موجوده في قسم قريب منه ،،، جاتني نصيحه منها اني ما اروح للقسم لان البنات فيه يتهاوشون على الشغل عددهم كبير والشغل قليل والكل يبغي يثبت

ههههههههههههههههههههههههههههههه فطست ضحك الصراحه تخيلت الوضع

انا حاليا احاول اطلع لي شغل باي طريقه وان شا الله القى ويتعدل وضعي الوظيفي شوي .. بس صعب انك تسوي شغل غيرك يقول لك لا ما اقدر اعطيك هالشغله تخلصها لان فيها معلومات سريه او ماقدر لانج جديده ويمكن ما تعرفين تسوينه ..

[Bin Hood]

اختي ليش تسوين مشروع تجاري

طبعا هب شرط يحتاج راس مال

وترى الاخوات عندهم افكار وايد خاصتا ان عارفين حاجات بعضهم بعض

عندج مشروع بسيط تغليف هدايا وورود

[Dawn]

:eek3::eek3:

متى يصير عندنا اشوي شغل ووايد موظفين

متى متى ؟؟

تبين تحريني صح ؟ :anger1:

طيب وين شغلج خليني اقدم عليه وببلغ زميلاتي يقدمون عليه علشان يزيدون الموظفين عندكم ويقل الشغل .. :tease:

[Dawn]

تحداني ......> ما اتشوفين الدخول للمنتدى حزة الدوام
يعني ان مافي شغل :(

ذكرتيني بالمدارس اللي يحطون فلتر على النت ،،، مستحيل تدخلين من خلاله على اي منتدى ، هذا غير المواقع اللي فيها تسوق اونلاين ... غير انه فيه نظام مراقبه على الاجهزه ممكن اي حد يدخل على جهازج ويشوف انتي شقاعده تسوين .... حتى زميلتي مره تقول انه المديره صورت السكرين وهي داشه موقع مب تعليمي ،،، وحطتها في ملفها الوظيفي كدليل على اهمالها ...

ايام والله :)

ام السعف ،، انتي صاحبة ترخيص ؟؟؟ اعترفي

[Dawn]

layoff

نفس البند يعني والا التقاعد المبكر ؟؟ لا انا ضد وضد وضد
بدل ما يسرحونا من العمل المفروض يوزعون المهام على كل الموظفين وصدقني الشغل بيمشي ،،، بالعكس التكدس ميزه للمدير الناجح وممكن يستغل هالتكدس لصالح جودة العمل ..

واذا عندنا مشكله مع موظف ( في كفائته مثلا ) المفروض نرفع من كفائته بالدورات والتدريب وما نقتله وظيفيا .. واذا مشكلته نفسيه مثل السلبيه ممكن المدير يحل هالمشكله من خلال اعطاء هالموظف الثقه والاستماع له ومعرفة سبب المشكله والعمل على حلها بأي طريقة كانت .. انا عندي قناعة ان اي موظف فاشل وراه مدير افشل منه .. :)

اي مشكله لها حل بس يعتمد على رئيس العمل هل هو مرن وشاطر ويحاول يكسب الموظفين اللي مسؤول عنهم والا لا ..

[Dawn]

الحل الوحيد ان يكون التوظيف في كل ادارات ووزارات الدولة عن طريق النت بدون تدخل بشري لا من المدير ولا غيره لان التوظيف الان بيد المدير يوزعه لاقاربه واصدقاءه ومعارفه اما الباقي (( لايوجد شاغر ))

اخوي لاجئ شكلك فهمتني غلط انا اقصد بالبطالة المقنعة عدم وجود مهام وظيفيه للموظف ...
ولا اقصد من لم يجد وظيفه ...

وكلاهما مشكلتان يجب ان لا تكونا في دولة صغيره مثل قطر ..

[Dawn]

وين هالشغل الي مافيه كرف ..دلونا عليه ...
أنا عكس الي قلتيه ...شغلنا كرف من قلب ...وناويه اهده لاجل قعدة المكتب

في الوزرات وبعض المؤسسات الحكوميه بتلقين شغلات مريحه جدا .. بتحطين ريل على ريل طوووووول اليوم :(

اذكر يوم كنت مدرسه كان الجلوس على كرسي مدة ساعه يعتبر رفاهيه حتى ان صاحبة الترخيص حطت لنا في قسمنا كرسيين وطاوله مكتب واحده واحنا اكثر من مدرستين ،،، فتوقعنا ان هناك خطأ ،،، لكن طلعت المديره من صجها مخصصه كراسي اقل وقالت لنا : انتو ما جيتو عشان تقعدون :rolleyes2: فعلا فرق بين كل طبيعه عمل والثانيه .. واللي يكسرون خاطري هم المكروفين واللي مالهم حقوق وظيفيه ولا احترام ،،، انا عالاقل تعدل وضعي من هالناحيه لكن للأسف صارت المشكله عكس مشكلتي السابقه مليت من القعده بدون شغل :weeping:..

وانتي وين تشتغلين ؟ شكل مكانج صعب ومبين عليج مكروفه من قلب الله يعينج

[Dawn]

ذكرتني بايام الوزاره هههههههه الله لا يعودها من ايام الحمدلله الله تاب علينا من هالمكان

اي وزاره ؟؟ شكلك طلعت منها على وظيفه احسن ،، الله يوفقك ان شا الله


الحل الوحيد للبطاله يسوون راتب بطاله يكون مبلغ بسيط عشان الدوله ما تضطر توظق عدد كبير لانها مجبوره عليهم

وتلقين الوظيفه تحتاج 2 والموجودين 7

انا ما اعتبر هذا حل .. لان كل مكان المفروض يكون فيه شغل ... واذا مافيه ممكن نطلع مهام نحسن فيها مستوى الخدمه لهذي الوزاره او المؤسسه الحكوميه لخدمة الشعب .. ليش نعطيهم رواتب ونركنهم ؟ او نقعدهم في البيت ؟ عالاقل نطور مستواهم باللغه بالآي تي ،، بأي شي المهم انه نرفع من مستواهم وصدقني بينفعون الدوله وقت الحاجه ..

احنا دوله عدد شعبها بسيط لو اشتغلنا عليهم كلهم عدل بالتعليم والتثقيف ورفع الكفاءه المفروض نحكم العالم .. بالذات ان ماعندنا فقر ولله الحمد .. يعني المفروض شعبنا كله يكون غني ومثقف و منتج ... البطاله والتكدس هذي المفروض حق غيرنا،، حق الدول اللي معدلات السكان عندها بالملايين ..

[Dawn]

اختي ليش تسوين مشروع تجاري

طبعا هب شرط يحتاج راس مال

وترى الاخوات عندهم افكار وايد خاصتا ان عارفين حاجات بعضهم بعض

عندج مشروع بسيط تغليف هدايا وورود

بن هود انا نسيت اقول اني تاجره في ايباي ،، وعندي متجر الكتروني ثاني للزباين العرب .. وتعاملت مع زباين من اكثر من دوله بالعالم : قطر و كل دول الخليج ، امريكا ، بريطانيا ...

والحمدلله تعاملت بعد مع تاجرات قطريات واي خدمه انا حاضره لاي حد ،، احب اساعد بنات البلد في هالشغلات ..

الحمدلله انا متميزه بشغلي بالتجاره رغم ان نشاطي محدود نوعا ما ... وزبايني دايما يرجعون لي ويجيبون معاهم زباين غيرهم .. فالحمدلله السمعه طيبه والشغل زين

لكن نشاطي التجاري اعتبره هوايه ... اتسلى فيها واستفيد منها $$$$ :)

والتجاره ما تغني عن الوظيفه ... من وجهة نظري ... لاني بصراحه استثمر جزء من راتبي في شراء بضاعتي ... واغلب شغلي في التغليف والتوزيعات والتصميم ،،،

كنت بحط صور من شغلي لكن للاسف ماقدر لان المنتدى تجاري $$ وممنوع اسوي دعايه لنفسي بدون ما تكون عندي عضويه تجاريه ... لكن اسمي معروف في منتدى آخر :)

على فكره لما يجيني مسج بجوالي التجاري في الدوام ما ارد عليه لين ارجع من الدوام ارد ،،، لاني احس انه تجاوز واستغلال لوقت العمل في شيء من مصلحتي الشخصيه ... وهالشي عيب وغير مقبول بالنسبه لي ...

بس اقتراحك ممتاز وانا معاك انصح اي انسان ان يشتغل شويه بالتجاره الالكترونيه لانها تسلي وتفيد في نفس الوقت ... :)

[ANONYMOUS]

نفس البند يعني والا التقاعد المبكر ؟؟ لا انا ضد وضد وضد
بدل ما يسرحونا من العمل المفروض يوزعون المهام على كل الموظفين وصدقني الشغل بيمشي ،،، بالعكس التكدس ميزه للمدير الناجح وممكن يستغل هالتكدس لصالح جودة العمل ..

واذا عندنا مشكله مع موظف ( في كفائته مثلا ) المفروض نرفع من كفائته بالدورات والتدريب وما نقتله وظيفيا .. واذا مشكلته نفسيه مثل السلبيه ممكن المدير يحل هالمشكله من خلال اعطاء هالموظف الثقه والاستماع له ومعرفة سبب المشكله والعمل على حلها بأي طريقة كانت .. انا عندي قناعة ان اي موظف فاشل وراه مدير افشل منه .. :)

اي مشكله لها حل بس يعتمد على رئيس العمل هل هو مرن وشاطر ويحاول يكسب الموظفين اللي مسؤول عنهم والا لا ..


معليش

يمكن انا نظرت للموضوع من فوق ك مدير

لان فعلا مشكله اذا زميلتج صار لها 8 شهور مامسكت ورقه

صحيح انا قصدت التسريح او الداونسايزينق طالما العمل يتطلب شخصين او 3.. ليش فيه 8 ويتهاوشون ع الشغل كما ذكرتي

هذا اهدار للمال.. للوقت .. بس طالما ذكرتي انج في وزاره فعليها واجب للمجتمع .. تجاه المواطنين والمواطنات..

لو في شركه تبحث عن ارباح .. فلازم يسوون لكم تصفيات..

المفروض تنقلون لمكان فيه اجانب سواء اناث او ذكور لمن يرغب ويتم تقطير الوظائف العليا طبعا للأكفأ ..


اذا بغيتي تطورين العمل.. حاولوا تحصلون على الايزو في ادارتكم او وزارتكم .. وبيشخلونكم شخاااااال .. ماحصلش

هذا هو الحل من وجهة نظري

[Right]

لا حول ولا قوة إلا بالله العلي العظيم

[Dawn]

معليش

يمكن انا نظرت للموضوع من فوق ك مدير

لان فعلا مشكله اذا زميلتج صار لها 8 شهور مامسكت ورقه

صحيح انا قصدت التسريح او الداونسايزينق طالما العمل يتطلب شخصين او 3.. ليش فيه 8 ويتهاوشون ع الشغل كما ذكرتي

هذا اهدار للمال.. للوقت .. بس طالما ذكرتي انج في وزاره فعليها واجب للمجتمع .. تجاه المواطنين والمواطنات..

لو في شركه تبحث عن ارباح .. فلازم يسوون لكم تصفيات..

المفروض تنقلون لمكان فيه اجانب سواء اناث او ذكور لمن يرغب ويتم تقطير الوظائف العليا طبعا للأكفأ ..


اذا بغيتي تطورين العمل.. حاولوا تحصلون على الايزو في ادارتكم او وزارتكم .. وبيشخلونكم شخاااااال .. ماحصلش

هذا هو الحل من وجهة نظري

الاداره في الطريق الى الايزو .. :)
والله يستر من الشخال اللي تقصده ،،، اللي بيتضرر من وراه مواطنين .. :(

سالفة سوء توزيع الشغل موجوده في كل وزاره تقريبا،،، ناس تشتغل عن 5 موظفين وناس قاعده ما تسوي شي ....

لما ترجع للسبب راح تكون حجة المدير انه اللي غير كفؤ لا نكلفه بشيء ،،، والكفؤ ( مريحنا ) وهو ما عنده مانع ياخذ شغل غيره فاحنا مستغلين وجوده .. وهذا يدل على فشل المدير اللي ما يسعى لتطوير الموظفين المسؤول عنهم ،،، ويختار الحلول ( الاسهل ) و ( الأريح ) ...

فالاولى والاجدر ان هالمدير هو اللي ينشال وينحط بداله واحد يهتم برفع كفاءة جميع الموظفين ... ويوزع المهام الوظيفيه بالعدل والتساوي

[أبو يووسف]

صراحة أنا أستغرب من بعض الوزارات يعقدون المواضيع ويقولون إنه الموظف الفلاني مهب موجود تعال راجعنا بعد أسبوع ولا بعد شهر وهم عندهم ناس فاضين مثلش له ميتم استغلالهم
انا اعتبر إنه ااتقصير من قبل المدير ، تلقينه مايحب يطور من أداء الموظفين
على فكرة أنا أخوي نفس الشيء وأزود تلقينه بالأسبوع كامل مايداوم إلا مرة وإذا سألتيه قال عادي ماعندنا شغل له أروح أتعب نفسي

[الجني]

أختي الفاضلة

أفهم من كلامج ان شهادتك ثانوية

الله يرزقك من واسع فضله

نصيحة : كملي دراسة عن طريق الإنتساب

[ANONYMOUS]

الاداره في الطريق الى الايزو .. :)
والله يستر من الشخال اللي تقصده ،،، اللي بيتضرر من وراه مواطنين .. :(

سالفة سوء توزيع الشغل موجوده في كل وزاره تقريبا،،، ناس تشتغل عن 5 موظفين وناس قاعده ما تسوي شي ....

لما ترجع للسبب راح تكون حجة المدير انه اللي غير كفؤ لا نكلفه بشيء ،،، والكفؤ ( مريحنا ) وهو ما عنده مانع ياخذ شغل غيره فاحنا مستغلين وجوده .. وهذا يدل على فشل المدير اللي ما يسعى لتطوير الموظفين المسؤول عنهم ،،، ويختار الحلول ( الاسهل ) و ( الأريح ) ...

فالاولى والاجدر ان هالمدير هو اللي ينشال وينحط بداله واحد يهتم برفع كفاءة جميع الموظفين ... ويوزع المهام الوظيفيه بالعدل والتساوي


اذا تطبق الايزو " بجد " ف ابشروا بالشخال

واللي مايثبت نفسه بالعمل.. راح يثبّت نفسه بالبند المركزي

ف من الحين.. الكل يطوّر نفسه .. ويحط لنفسه موطئ قدم

عشان اذا صار تفاضل مستقبلا.. يكون اسمه في اللسته البيضا..


انتي ذكرتي



ناس تشتغل عن 5 موظفين وناس قاعده ما تسوي شي ....


هذا معناته ان شخصين فعليين يقومون بعمل 10 اشخاص افتراضيين !!

هذا مب خلل في المدير..

هذا خلل في الموارد البشريه..

حتى توزيع العمل بالتساوى لايجدي نفعا..

حتى التطوير مافيه فايده --> اقصد للعمل..

بس بيكون بيكون فيه فايده ك استثمار في البشر.. احنا نتكلم عن المواطنين حتى يتأهلون لـ شواغر أخرى في جهات اخرى .. افضل من البند المركزي..

الله يستر عليكم

اني ارى رؤوسا قد اينعت ..:secret:

[Dawn]

صراحة أنا أستغرب من بعض الوزارات يعقدون المواضيع ويقولون إنه الموظف الفلاني مهب موجود تعال راجعنا بعد أسبوع ولا بعد شهر وهم عندهم ناس فاضين مثلش له ميتم استغلالهم
انا اعتبر إنه ااتقصير من قبل المدير ، تلقينه مايحب يطور من أداء الموظفين
على فكرة أنا أخوي نفس الشيء وأزود تلقينه بالأسبوع كامل مايداوم إلا مرة وإذا سألتيه قال عادي ماعندنا شغل له أروح أتعب نفسي

اتفق مع كلامك 100%
وبالنسبه لاخوك ،، انصحه يحاول يشوف حل ولا يتحطم من اسلوب المدير خله يحن عليهم ويطلب شغل او يطلب نقل على قسم ثاني ... والله يوفقه ان شا الله

[Dawn]

لا حول ولا قوة إلا بالله العلي العظيم



اسمحلي اخوي تجاوزت ردك

اشكرك عالمرور الراقي وفعلا الواحد ما يقول الا لاحول ولا قوة الا بالله ،، والله يعينا ان شا الله

[Dawn]

أختي الفاضلة

أفهم من كلامج ان شهادتك ثانوية

الله يرزقك من واسع فضله

نصيحة : كملي دراسة عن طريق الإنتساب

لا ياخوي
انا عندي بكالوريوس
وعندي دبلوم عالي (ما بعد البكالوريوس)
وعندي دورات لغه وكمبيوتر

وحاولت اكمل ماجستير لكني اندفنت في المستقلات 7 سنين ،، وعلى فكره طلعت من المستقلات ولا انحسبت لي ولا سنه خبره لحد الحين وضعي الوظيفي غلط واتعامل كخريجه توها متوظفه والسبب صاحبات التراخيص واخلاء الطرف وشهادات الخبره :omen2:

لكن مسؤول الموارد قال لي انه راح يحل المشكله ان شا الله

ومشكور على الدعوه الطيبه والنصيحه

[الدوحه1]

في مشكله ثانيه منتشره في معظم الجهات الحكوميه وهي "التكدس الوظيفي".
يعني مثلا قسم بحاجه الى 10 موظفين نحصل فيه 15 موظف!!!
او وزاره بحاجه الى 1000 موظف نحصل فيها 1500 موظف!!!
مافي رقابه من الامانه العامه على التعيينات ولا كل مسئول ايعيين على كيفه؟؟؟

[سهم عتيج]

يعطيك الف عافية اختي على هالموضوع اللي بالفعل قد يشعر به الغالبية العظمى من موظفي الوزارات المختلفة.. وطبعا هناك أسباب عديدة تجعل الموظف يتقاعس عن العمل شيئا فشيئا بعد أن يكون على أهبة الاستعداد لعمل أي شيء عند بدايته الوظيفية..

أولا.. يجب أن لا تندمي أبدا على عملك واجتهادك في عملك السابق في المدارس المستقلة أبدا حتى لو لم تجدي التقدير,, يكفي انك راضية عن أداءك,, والأهم من ذلك كله هو أنك أرضيت ربك بما أنك أديت واجبك تجاه عملك السابق بكل اخلاص,, وهذا بحد ذاته من باب كما جاء في الحديث الشريف(( اذا عمل احدكم عملا فليتقنه))

ثالثا والأهم من ذلك هو أن اجتهادك في عملك السابق طيلة 7 سنوات ابتداء من المواظبة على الحضور والانصراف والتحضير وحضور الدورات المختلفة جعلك صاحبة شخصية تحب العمل والعمل تحت الضغوط وهذا مايفتقده اغلب الموظفين..

لذلك فشيئ طبيعي أنك بقرارة نفسك ترفضين الخنوع للراحة الطويلة في أي عمل جديد لأن من شأن ذلك أن يؤدي بك تدريجيا الى عدم الرضى عن النفس,, ومع مرور الوقت قد تصبحين عالة على العمل حتى لو كانت طبيعة العمل لا تتطلب منك القيام بتنفيذ أي جهد..

لذلك أنت الآن أمام شيئين في حالة استمرار الوضع على ماهو عليه:

الأول,, وهو أنك تدريجيا ستصبحين كسولة خاملة مع الوقت,, وقد تبدأين بالتغيب التدريجي حتى يصبح دوامك على بعضه لا يتعدى الساعة او الساعتين في اليوم.. وهذا الأمر مع مرور الوقت واعادة الهيكلة لوزارتك قد يدفع القائمين على شؤون الوزارة الى التخلص منك..

الثاني: وهو استمرارك على الطبيعة التي تعودتي عليها وعدم الاستسلام حتى تحصلين على العمل الذي يرضيك,, وهذا ما أتوقعه وأتمناه منك..

وفي هالحالة عندك شيئين تستطيعين القيام به

الأول وهو انك تواظبين على الدوام وفي نفس الوقت كما ذكرت الأخت تغلبية في مشاركتها بأن تقومي ببعض الأعمال التي من شأنها أن تجعل المسؤول المباشر أن ينتبه اليك وان تأخر في ذلك وبالتالي تدريجيا سيقوم باعطاؤك بعض المهام وشيئا فشيئا ستزداد هذه المهام حتى تصلي الى مبتغاك..

الثاني,, وهو أن تقومي بالبحث عن عمل آخر من شأنه أن تجدي فيه نفسك بعد أن تيأسي من تحقيق ذاتك في عملك الحالي..

ونصيحة لك اختي.. الصبر ثم الصبر وان شاء الله ستصلين الى مبتغاك..

وعليك في هالحالة أن تؤمني بالمثل القائل في مثل هالظروف

(( الصلاحيات تؤخذ ولا تعطى)) ,, يعني عليك أن تجتهدي لأخذ المزيد من الصلاحيات ولا تنتظري حتى تأتيك..

والله الموفق

[Dawn]

اذا تطبق الايزو " بجد " ف ابشروا بالشخال

واللي مايثبت نفسه بالعمل.. راح يثبّت نفسه بالبند المركزي

ف من الحين.. الكل يطوّر نفسه .. ويحط لنفسه موطئ قدم

عشان اذا صار تفاضل مستقبلا.. يكون اسمه في اللسته البيضا..


انتي ذكرتي




هذا معناته ان شخصين فعليين يقومون بعمل 10 اشخاص افتراضيين !!

هذا مب خلل في المدير..

هذا خلل في الموارد البشريه..

حتى توزيع العمل بالتساوى لايجدي نفعا..

حتى التطوير مافيه فايده --> اقصد للعمل..

بس بيكون بيكون فيه فايده ك استثمار في البشر.. احنا نتكلم عن المواطنين حتى يتأهلون لـ شواغر أخرى في جهات اخرى .. افضل من البند المركزي..

الله يستر عليكم

اني ارى رؤوسا قد اينعت ..:secret:


:secret:
:secret:
:secret:

ياخي كلامك يخرع ...

المهم

الله يستر وان شا الله ان ما يكون ولا قطري متضرر من هالموضوع ... يكفينا الشخال اللي صار في الجامعه ومؤسسة حمد ووزارة التربيه ...

يارب يشخلون الاجانب ... والله عندنا اجانب عمرهم في الستين ومخلينهم ،،، لو قطريين ماخلوهم على طول عطوهم تقاعد من يوصلون الاربعين ... ماحب هالاسلوب والكيل بمكيالين .. :(

[Dawn]

لي عوده مع باقي التعليقات ان شا الله

[بو خليفه 123]

زميلاتي انصدمت فيهم الاسبوع اللي طاف وهذا اللي خلاني اطلب نقل

وحده حشرتني انها مشغوله ومضغوطه وحاله ( تعرف النوعية اللي دايما يقولون انا سووييييييت وانا سووييييت وانا عملت ؟ ) وان الشغل صعب ومن هالسوالف واخرتها يوم راوتني الورقتين اللي معطينها اياهم من يومين ،،، والله اني قعدت اضرب كف بكف واقول لها هذا الشغل ؟؟ تكتبين اسمين في لسته في ملف اكسل ؟؟؟

قالت لي اصلا رئيسة القسم ما تعطيني شغل .... قلت لها طلبتي شغل ؟ قالت لي انها اشتكت للرئيس اللي فوق رئيستنا وقالت له انه المسؤوله تعطيني شي مب من اختصاصي ،، وطلبت منه انه ينقلها ،،، فخلال النطره للانتقال لقسم اخر ،، راحت رئيستها تخفف عليها الشغل وتعطيها اشيا بسيطه ... وتمت على هالوضع مدة شهرين تقريبا

انا مب من النوع اللي يتأثر بالمتذمرين في الشغل ،،، واعرف انه فيه عداوات تاخذ الطابع الشخصي ومالها خص بطبيعة العمل ...

وبخصوص الخطه الوظيفية اللي تقول عنها ما اظن انها موجوده عندنا ،،، ولو عرفت القسم اللي انا اشتغل فيه يمكن تنصدم وبتكتشف ان باب النجار مخلع على قولة اخواننا المصاروه ... فخلني ساكته احسن :secret:



نوعاً ما عرفته


:(


صدقتي .. باب النجار مخلع

[بن عمران]

ارى علاج البطاله المقنعه , والافراد المُحالين الى الاحتياط من الجيش والشرطة , والموظفين الذين هم محالون الى البند المركزي , وفي نفس الوقت حل للتقطير الوظائف بالقطاع الخاص , هو القضاء على التحديات التى تمنع القطري بالالتحاق بالقطاع الخاص بالأخص الدوام الطويل والامن الوظيفي .
وعليه لابد أن تقوم الوزارت والهيئات الحكومية باصدار قانون التقاعد المبكر او الانتداب ويكون مضمون هذا القانون إعادة تقيم حجم العمل وعدد الموظفين لديها مما يجعل توازن بين حجم العمل وعدد الموظفين لديها ومن ثم احصاء الفائض من الموظفين وتوزيعهم على القطاع الخاص والزامه بتعينهم ويعمل نفس الشي مع الموظفين البند المركزي والاحتياطي من الجيش والشرطة ، وفي المقابل لابد أن يعمل القطاع الخاص على خلق قانون لاستعاب جميع الطاقة البشري الفائضة لدى القطاع العام وخاصةً اذا علمنا أن الموظفين القطريين أقليه به ، وعلى أن يكون التعين فية خيار للموظف سواء اراد دوام كامل اونصف دوام ، ,من اجل الاخذ في الاعتبار مبدا الربحية لدى القطاع الخاص يتم تعين البعض بدوام كامل والاخر نصف دوام مما لا يزيد التكلفه ، ومن خلال تجربتي بقطاع الخاص سابقا ان هذا التطبيق ممكن جدا وخاصة بالبنوك وبعض الشركات المساهمة

[asad]

هذا اللي سويته الاسبوع اللي طاف بعد ما قالت لي زميلتي عن سالفة ال 8 شهور ،، خفت يكون مصيري مثلها ...
كان الرد ( اصبري ) وان شا الله راح يكون فيه شغل .. وان العائق حاليا المكان وانهم راح ينتقلون لمكان جديد وهالسبب هو اللي معطل الشغل .. اتمنى ان الوضع يتعدل باقرب وقت :(

السلام عليكم أختي .....

بعد محاولتك "الفاشلة" مع المدير "الفاشل" لتصحيح الوضع ... أنصح بإتخاذ خطوات أكثر صرامة من خلال التوجه للمسؤول اللي فوق المدير إلى أن تصلي للوزير ... مع أهمية توثيق جميع المحاولات من خلال التقارير المكتوبة ... إصمدي و إستمري في إيصال صوتك و مشكلتك للمسؤولين وراح تنحل مشكلتك بإذن الله ...
مع خالص دعواتي للجميع بالتوفيق ...

[Dawn]

في مشكله ثانيه منتشره في معظم الجهات الحكوميه وهي "التكدس الوظيفي".
يعني مثلا قسم بحاجه الى 10 موظفين نحصل فيه 15 موظف!!!
او وزاره بحاجه الى 1000 موظف نحصل فيها 1500 موظف!!!
مافي رقابه من الامانه العامه على التعيينات ولا كل مسئول ايعيين على كيفه؟؟؟

مشكلة التكدس كنت اسمع عنها مثلا في المدارس الحكوميه ،،
لما سووا نظام المدارس المستقله خصصوا للقسم اللي كان شايل 4 معلمات حطوا بدالهم مدرستين ... وطبعا هالقرار مشى على كل الاقسام وقلصوا عدد الاداريات والضابطات والمشرفات بل وحتى عاملات النظافة ... بل وصلوا الى تقليص المواد الدراسيه وتم الغاء عدد منها ..

طيب وش صار بعد ( حل ) مشكلة ( التكدس )

صارت المعلمة اداريه وعاملة نظافة وضابطه ومشرفة اجتماعيه ...و صارت مطالبه بمهام موظفات اخريات بسبب النقص في عددهم ...

وش استفدنا من ارهاق الموظف بمهام ليست من اختصاصه اصلا ،،، والباقي قعدناهم في بيوتهم لانهم ( فائض ) بحجة التكدس

ليش ما يتم الاستفادة من الجميع ( وتوزيع الاعمال بالتساوي ) ... وفي هذه الحاله سيكون الموظف مرتاح ومن الراحه سيقوم ايضا بأعمال تطوعيه ترفع من مستوى اداء المؤسسه في كل المجالات .... وسيستطيع تطوير نفسه في اوقات الفراغ عن طريق حضور الورش التدريبية ،، او حتى الاطلاع على المراجع في المكتبة ..

ولا اعتقد ان المسؤول يوظف على كيفه لانه الارقام الوظيفية تكون محدده من الدولة ...

[Dawn]

يعطيك الف عافية اختي على هالموضوع اللي بالفعل قد يشعر به الغالبية العظمى من موظفي الوزارات المختلفة.. وطبعا هناك أسباب عديدة تجعل الموظف يتقاعس عن العمل شيئا فشيئا بعد أن يكون على أهبة الاستعداد لعمل أي شيء عند بدايته الوظيفية..

أولا.. يجب أن لا تندمي أبدا على عملك واجتهادك في عملك السابق في المدارس المستقلة أبدا حتى لو لم تجدي التقدير,, يكفي انك راضية عن أداءك,, والأهم من ذلك كله هو أنك أرضيت ربك بما أنك أديت واجبك تجاه عملك السابق بكل اخلاص,, وهذا بحد ذاته من باب كما جاء في الحديث الشريف(( اذا عمل احدكم عملا فليتقنه))

ثالثا والأهم من ذلك هو أن اجتهادك في عملك السابق طيلة 7 سنوات ابتداء من المواظبة على الحضور والانصراف والتحضير وحضور الدورات المختلفة جعلك صاحبة شخصية تحب العمل والعمل تحت الضغوط وهذا مايفتقده اغلب الموظفين..

لذلك فشيئ طبيعي أنك بقرارة نفسك ترفضين الخنوع للراحة الطويلة في أي عمل جديد لأن من شأن ذلك أن يؤدي بك تدريجيا الى عدم الرضى عن النفس,, ومع مرور الوقت قد تصبحين عالة على العمل حتى لو كانت طبيعة العمل لا تتطلب منك القيام بتنفيذ أي جهد..

لذلك أنت الآن أمام شيئين في حالة استمرار الوضع على ماهو عليه:

الأول,, وهو أنك تدريجيا ستصبحين كسولة خاملة مع الوقت,, وقد تبدأين بالتغيب التدريجي حتى يصبح دوامك على بعضه لا يتعدى الساعة او الساعتين في اليوم.. وهذا الأمر مع مرور الوقت واعادة الهيكلة لوزارتك قد يدفع القائمين على شؤون الوزارة الى التخلص منك..

الثاني: وهو استمرارك على الطبيعة التي تعودتي عليها وعدم الاستسلام حتى تحصلين على العمل الذي يرضيك,, وهذا ما أتوقعه وأتمناه منك..

وفي هالحالة عندك شيئين تستطيعين القيام به

الأول وهو انك تواظبين على الدوام وفي نفس الوقت كما ذكرت الأخت تغلبية في مشاركتها بأن تقومي ببعض الأعمال التي من شأنها أن تجعل المسؤول المباشر أن ينتبه اليك وان تأخر في ذلك وبالتالي تدريجيا سيقوم باعطاؤك بعض المهام وشيئا فشيئا ستزداد هذه المهام حتى تصلي الى مبتغاك..

الثاني,, وهو أن تقومي بالبحث عن عمل آخر من شأنه أن تجدي فيه نفسك بعد أن تيأسي من تحقيق ذاتك في عملك الحالي..

ونصيحة لك اختي.. الصبر ثم الصبر وان شاء الله ستصلين الى مبتغاك..

وعليك في هالحالة أن تؤمني بالمثل القائل في مثل هالظروف

(( الصلاحيات تؤخذ ولا تعطى)) ,, يعني عليك أن تجتهدي لأخذ المزيد من الصلاحيات ولا تنتظري حتى تأتيك..

والله الموفق


الله يعافيك اخوي
ما شا الله كلامك درر وممكن الجميع يستفيد منه ،، وانا فعلا جاتني فترة احباط والتزامي في الدوام كان سيء .... لكن انا راح اطبق كل ما جاء في هذه السطور والله يوفقني

على فكره
بالامس جاتني اول مهمة أخيرا ...
وتطوعت بالتنسيق لفعاليه سيقيمها القسم ... وحاليا اكتب لها خطة مقترحة ... الحمدلله حاسه ان الامور بدأت تتحسن بشكل ملحوظ ... :nice:

اشكرك على مرورك الراقي ومشاركتك القيمة

[Dawn]

نوعاً ما عرفته


:(


صدقتي .. باب النجار مخلع


:( :( :(

[Dawn]

ارى علاج البطاله المقنعه , والافراد المُحالين الى الاحتياط من الجيش والشرطة , والموظفين الذين هم محالون الى البند المركزي , وفي نفس الوقت حل للتقطير الوظائف بالقطاع الخاص , هو القضاء على التحديات التى تمنع القطري بالالتحاق بالقطاع الخاص بالأخص الدوام الطويل والامن الوظيفي .
وعليه لابد أن تقوم الوزارت والهيئات الحكومية باصدار قانون التقاعد المبكر او الانتداب ويكون مضمون هذا القانون إعادة تقيم حجم العمل وعدد الموظفين لديها مما يجعل توازن بين حجم العمل وعدد الموظفين لديها ومن ثم احصاء الفائض من الموظفين وتوزيعهم على القطاع الخاص والزامه بتعينهم ويعمل نفس الشي مع الموظفين البند المركزي والاحتياطي من الجيش والشرطة ، وفي المقابل لابد أن يعمل القطاع الخاص على خلق قانون لاستعاب جميع الطاقة البشري الفائضة لدى القطاع العام وخاصةً اذا علمنا أن الموظفين القطريين أقليه به ، وعلى أن يكون التعين فية خيار للموظف سواء اراد دوام كامل اونصف دوام ، ,من اجل الاخذ في الاعتبار مبدا الربحية لدى القطاع الخاص يتم تعين البعض بدوام كامل والاخر نصف دوام مما لا يزيد التكلفه ، ومن خلال تجربتي بقطاع الخاص سابقا ان هذا التطبيق ممكن جدا وخاصة بالبنوك وبعض الشركات المساهمة

ما شا الله عليك كلام سليم وياريت يتم الاخذ به من قبل المسؤولين :telephone:

[ام السعف]

اخوي يقول لي لو انا وزير ،، بخلي البنات يقعدون في بيوتهم يتعلمون الطبخ وامشيلهم راتب واجيب بدال ال5 موظفات ،، موظف واحد يسوي شغلهم ...

مادري ليش هالفكره السلبيه عن الموظفات مع اني اشوف التزامهم بالدوام وكفاءة شغلهم افضل من الموظفين ..

وفعلا اغلب الموظفات متزوجات وفيه الغير متزوجات وكلهم والله بنفس الكفاءه .. ويؤدون الشغل المطلوب عليهم اول بأول ..

بوخليفه ذكرتني بصاحبة الترخيص اللي اول سؤال لها في المقابله ( انتي متزوجه ؟ ) واذا المتقدمة للوظيفه متزوجه خلاص راحت عليها ،،، وكأن المتزوجه محكوم عليها بالاعدام الوظيفي ... ليش خاطري افهم ؟


دخلت على موظفة في حمد ابي اخلص شغلة عالقة

تمت الأخت تتكلم مع ربيعتها في الجوال وحضرتي معلقة
ولا مرة تعرضت للموقف هذا مع اي موظف ،، وان كان يتكلم في التلفون
يكون كلامه في مجال شغله ،، وكثيرا ما كانوا يسكرون علشان
يخلصون لنا شغلنا ــ اما الأخت تسولف تبي تضبط موعد
لزيارة فلانة اللي ولدت ومحتارة اشتاخذ لها هدية ،،

لو ما قلت لها احم احم وابتسمت لها ابتسامة اولى
واحم احم وراها لو سمحتي ما عندي وقت وراها ابتسامة مصطنعة،، كان بيمشي الياهل
وانا ناطرة عندها اتخلص لي شغلي :shy:

[كاشف الغطاء]

افضل حل تطلعين بلاك بيري

وتسوين لج شركة خاصة في النت للتصميم

وحاولي تبادرين بعرض رسوماتج وتصاميمج على المسؤولين

[Dawn]

السلام عليكم أختي .....

بعد محاولتك "الفاشلة" مع المدير "الفاشل" لتصحيح الوضع ... أنصح بإتخاذ خطوات أكثر صرامة من خلال التوجه للمسؤول اللي فوق المدير إلى أن تصلي للوزير ... مع أهمية توثيق جميع المحاولات من خلال التقارير المكتوبة ... إصمدي و إستمري في إيصال صوتك و مشكلتك للمسؤولين وراح تنحل مشكلتك بإذن الله ...
مع خالص دعواتي للجميع بالتوفيق ...

الحمدلله تم تكليفي بأول مهمه وتطوعت بمهمة أخرى .. واخيرا الكلام جاب نتيجه .. عالاقل صار الوقت يستثمر في شي مفيد ..

الصراحه لو ما بديت بالشغل كنت راح انفذ نفس الخطوات اللي قلتها بالضبط .. بس الحمدلله تم تعديل الوضع اخيرا :nice:

جزاك الله خير واشكرك عالمرور الراقي

[Dawn]

دخلت على موظفة في حمد ابي اخلص شغلة عالقة

تمت الأخت تتكلم مع ربيعتها في الجوال وحضرتي معلقة
ولا مرة تعرضت للموقف هذا مع اي موظف ،، وان كان يتكلم في التلفون
يكون كلامه في مجال شغله ،، وكثيرا ما كانوا يسكرون علشان
يخلصون لنا شغلنا ــ اما الأخت تسولف تبي تضبط موعد
لزيارة فلانة اللي ولدت ومحتارة اشتاخذ لها هدية ،،

لو ما قلت لها احم احم وابتسمت لها ابتسامة اولى
واحم احم وراها لو سمحتي ما عندي وقت وراها ابتسامة مصطنعة،، كان بيمشي الياهل
وانا ناطرة عندها اتخلص لي شغلي :shy:


يا الهي :omg:

حتى انتي يا أم السعف ضد الموظفات !

هذي الموظفه اللي كان معاها الموقف مثال سيء للموظفات لكن فيه امثله كثيره اثبتت وجودها وتفوقت على الموظف بأشواط ..

والا انتي اشرايج ؟ :rolleyes2:

[أخت الغالي]

وانا نفسج أختي

فسابق كنت اداوم بوزارة مايجي 10 من الشهــر الاوخلصنا شغلنا الضغط برمضان والعيد بس !!!

روتين يومي موومل تحسين ماتطورين من نفسج بس أسمك "موظفه" وراتب يمشي ...

وتوني ولله الحمد توظفت نفس الشي الشغل بسيط جدا أتمنى فيه حلول ..

[Dawn]

افضل حل تطلعين بلاك بيري

وتسوين لج شركة خاصة في النت للتصميم

وحاولي تبادرين بعرض رسوماتج وتصاميمج على المسؤولين

انا مكتفيه ولله الحمد في نشاطي التجاري بالمجالات اللي اشتغل فيها حاليا .

بالنسبه لعرض التصاميم فكره حلوه ،، لان ودي يكون لي دور في الناحيه الجماليه بالوزاره ... المفروض يكون فيه موظف مختص بهالامور في كل وزاره حسب وجهة نظري ..

شكرا اخوي عالاقتراحات واتمنى ان الكل يستفيد منها ..

[Dawn]

وانا نفسج أختي

فسابق كنت اداوم بوزارة مايجي 10 من الشهــر الاوخلصنا شغلنا الضغط برمضان والعيد بس !!!

روتين يومي موومل تحسين ماتطورين من نفسج بس أسمك "موظفه" وراتب يمشي ...

وتوني ولله الحمد توظفت نفس الشي الشغل بسيط جدا أتمنى فيه حلول ..

اختي شوفي بعض الردود والمشاركات من الاخوات والاخوان ما شا الله ما قصروا وعطوني مقترحات مفيده واتمنى انج تستفيدين مثل ما انا استفدت منها .. وبالتوفيق ان شا الله

[لاجل QT]

انتى وين تشتغلين ...ابي اقدم عندكم:)

هلكنة من كرف المستقلة..

انتى في نعمة غيرج فاقدها

بس اذا عندكم وظايف شاغرة بشرينى:)

[Dawn]

انا اشتغل في وزاره من وزرات الدوله ... وانا اخترتها لان قالوا لي انها غير باقي الوزارات وفيها شغل اكثر ... لاني توقعت اني بتملل عقب الكرف بالمستقلات ...

للأسف مافيها شاغر .. :( والا كنت افدتج باسمها علشان نصير ربع ونسوي شلة للهاربات من المدارس المستقله :) ..

[لاجل QT]

انا اشتغل في وزاره من وزرات الدوله ... وانا اخترتها لان قالوا لي انها غير باقي الوزارات وفيها شغل اكثر ... لاني توقعت اني بتملل عقب الكرف بالمستقلات ...

للأسف مافيها شاغر .. :( والا كنت افدتج باسمها علشان نصير ربع ونسوي شلة للهاربات من المدارس المستقله :) ..

:weeping:

بس انتى في نعمة قولى الحمدالله عقب كرف المستقلة