اسوي صبية في المطبخ ولا لأ

[درع الوطن]

السلام عليكم

بإختصار ... المقاول يسألني إذا بسوي صبية في المطبخ وبعدين يتركب عليها الرخام
والأدراج الأرضية .ولا لأ ؟؟...

السؤال .. هل فيه مشكلة بخصوص عمل صبية في المطبخ مع عمل مساحة كافية للفرن
ولا المفروض اللي باشتري منه المطبخ هو اللي يعمل طاولة الرخام كاملة ؟؟؟؟

وشكراً

[The_Be$t]

والله ياخوي ماانصحك لان يمكن في المستقبل تبغي تغير اماكن الأدراج او الفرن

الشركة اللي بتنفذ المطبخ تقدر تسوي لك طاوله الرخام*

[خالد32]

اذا كان المطبخ خارجي (حق الخدامة) و تبي اي كلام سو صبية
اما اذا داخلى في ناس يسوون الصبيه حق المغسله بس و انا اشوف ان ما تسوي احسن عشان يطلع المطبخ احلى

[السد]

لا تسوي صبية
ما يحتاج

[قناص قطر]

السلام عليكم

لا ياخوي

خلك على الالمنيوم ابرك لك

من وجهة نظر فقط الصبيه تخلي المكان مكتوم بعد فتره الروايح تكرم ماتروح

[كنونة]

عزيزي اصبية تلزمك واجدمثلا تبقي تغيرديكورالخزاين تبقي زحزح مثلا الفرن والثلاجةماتقدرخلك من الصبية بلاها

[@north_star@]

خلك على الرخام انظف اخوي وبالنسبه للى بيركب المطابخ هوما يركب الرخام انت تاخذ حوض المطبخ وتودية لمحل أو مصنع الرخام وهو بيفصل الرخام على المقاسات وبالتوفيق ان شاء الله

[badarameen]

الصبية انظف واقوي بس حط في بالك ان ما راح تقدر تغير الديزاين
واصلن السعر ما يفرق بصبية ولا المنيوم لان الفرق بسيط جدا بين 200 و 400 ريال في المتر

[المقاول]

وضح مكان الصبية اللي انت محتار فية ... يعنى قصدك صبية ارضية المطبخ ؟

[خبير صيانة]

اذا عملت صبية ماراح تقدر تغير الديزان
لكن اذا انت مش محتاج تغيير الديزين
يكون الصبية ارخص
وامتن
واطول عمرآ

[خالد32]

و نصيحة لا تستخدم الرخام
جرانيت او صناعي احسن بمرات من الرخام لانه يخترب بسرعه

[أخو من طاع ربه]

اخوي يفضل انك تعمل رخام افضل وانظف وارخص
وما تعور راسك يمكن تغير تشكيلة المطبخ
ويكون عائق لك

حاليا ً كثير طايحين على طاوله من رخام متر اضافي مع المطبخ نفسه

[AL-ANSARI]

اذا القصد صبية وفوقها تحط الكبتات والادرج فأنا انصحك بها خصوصا لان المطبخ بتنظف ارضيته كثير بالماي وماتبيه يروح تحت الكبتات لانه بيسبب روايح وبيجمع حشرات

[بن غيث]

اهو مجرد رأي
الصبيه افضل مع رخام
وطبعا كل واحد له ذوق
وانت ابصر

[درع الوطن]

بارك الله فيكم كلكم ...

بصراحة أثلجتوا صدري بآرائكم ... عساني مانحرم من مداخلاتكم



وضح مكان الصبية اللي انت محتار فية ... يعنى قصدك صبية ارضية المطبخ ؟

انا قصدي الصبية اللي تكون فيها المغسلة .. والأدراج التحتية ...


اذا كان المطبخ خارجي (حق الخدامة) و تبي اي كلام سو صبية
اما اذا داخلى في ناس يسوون الصبيه حق المغسله بس و انا اشوف ان ما تسوي احسن عشان يطلع المطبخ احلى

صحيح .. هو المطبخ الخارجي ...


اذا القصد صبية وفوقها تحط الكبتات والادرج فأنا انصحك بها خصوصا لان المطبخ بتنظف ارضيته كثير بالماي وماتبيه يروح تحت الكبتات لانه بيسبب روايح وبيجمع حشرات

وهذا اللي أنا حاسب حسابه ....

جزاكم الله خير على المشورة الطيبة ....