برازيليه

[بوالبيض]

السلام عليكم ورحمة الله وبركاته

اكيد الي دخل علي الموضوع فكر شي عن البرازيل ولا عن الكوره صار شي انتقل مثلا نيمار الي احد انديتنا :) الزبده حبايبي كلمه لاتينيه من امريكا الاتينينه المقصود^ بالبرازيليه^ لعبت ورق.. بالمصري كوشينه .. بالقطري خبصه.. لعبه يقولون الي مكتشفها فرستوا يوم كان مدرب منتخب قطر وهي العبه ازاحت لعبت الجوكر . ولعبت الهاند . القليل الي يلعبهم لكن اكثر شي برازيليه ما يخلا مجلس الي فيها هي العبه الحلوه والممتعه للمواطن القطري من مميزاتها تجمع الشباب من كل مكان القريب والبعيد الي ما شفته من سنين بتحصله يوم من الايام في مجلس احد من ربعك ولا احد متصل لك ها وينك والله موجود ها وش رايك قيم ^برازيليه^ يله عليها تروح وتتعرف علي الي في المجلس ويمشي الدور حتي خارج الدوحه الي يدرسون في الخارج كله لعب ورقه وتزيد المعارف بينهم بسبب^ برازيليه^ وشي مجربه انا وتعرفت علي ناس وايد من خلال لعبت^ البرازيليه^ والي ما يعرفها ولا متعلمها يجرب ويشوف ويتعلمها وتضيع الوقت وخلال العب غشمره وضحك ويصير تحدي مثل خسر واحد يقول له بكره الوعد بجيب لك واحد لعيب وهل من مجره ولا الزين فيها العبه مادري من خلال تجارب الي في المجلس تزيد قوة تعارفهم معي بعض بسبب هي العبه واكثر شي في المخيمات يتصل لك رفيجك ها في لعب تقول له في وتلعب ثاني يوم يتصل لك يقول لك بجيب لك فريق وتزيد المعارف شي حلو الله .
حبيت اكتب هل الموضوع حساس في فايده من ناحية تقارب الشباب لبعض وحتي لو لعبت في بيت احد من اهلك تزيد المعرفه من خلال الاهل وشي مجربه وحتي الاصدقاء يسئلون عندك وين فلان وجي شي طيب والله . والله الموفق

[شبح الصمت]

تبي الصج ما شفت من وراءها الا العصبيه والزعل والكلام والهواش ..

وجـهة نظر ...

[do7awi]

انا اشوف كل الشباب متولعين فيها بس ما يبون يعلموني :(

اتمنى اشوف شرح مفصل للعبة :)

[khalid Qtr]

تبي الصج ما شفت من وراءها الا العصبيه والزعل والكلام والهواش ..

وجـهة نظر ...

للاسف هذي ثقافة الكثيرين من ربعنا في الالعاب الجماعية ، ما يحب يخسر :tease:

[شبح الصمت]

وياخوي بو البيض ..


مهب شرط معرفتي للشباب من خلال الورقـه ...

في مجالس مافيها اورقه وجلسات طيبه وتعرف على وجيه طيبه مثلك وشراوك ولا به قصور عالحاضرين ..

تقبل خروجي ..

:shy:

[المسك1969]

السلام عليكم

شنو يعني البته برازيليه؟ واللعبه هذه تقرب الشباب وتخليهم يتعرفون على بعض سبحان الله

اسمح لي أخي الكريم أنت قاعد حفظك الله تدعوا الشباب لتعلم مثل هذه اللعبه وتنصحهم بها لأنها بتعرفهم على ناس وبيلعبون وياهم؟ أي ناس بيتعرفون عليهم وشنو بيستفيدون منهم؟ اللعب؟ اللعب؟ اللعب؟ ضياع الوقت والضحك ويمكن الهواش وكل واحد يشيل في خاطره فلان غلبني ويمكن يتطور الامر لأكثر من ذلك. يعني المجالس أصبحت فقط للعب الحين الله المستعان

أنا لست ضد الترفيه ولكن ضايقني أن الاجتماعات تكون من أجل اللعب والدعوه من أجل اللعب والالتقاء على قولة أخينا من أجل اللعب لا وعلى مستوى العالم يقرب البعيد ياسبحان الله.

بس سؤال هاللعبه للشباب بس والا مسموح للعنصر النسائي فيها؟

جزاك الله خير

الحين أحنا نبي نتطور ونعلى بالعلم وبالثقافه ونبي نزيد من حصليتنا الدينيه جيت تقول حفظك الله لعب ورقه... كوتشينه.. خبصه

[ANONYMOUS]

من العنوان توقعت انك لقيت لك وحده برازيليه تبي تتزوجها

ماعلينا


لعب لورقه مفيد وخصوصا اللعب مع الهوامير او الكبار :p

[شعنونة قطر]

من العنوان توقعت انك لقيت لك وحده برازيليه تبي تتزوجها

ماعلينا


لعب لورقه مفيد وخصوصا اللعب مع الهوامير او الكبار :p

انا بعد قلت :p

[العقل الحر]

نعم معروفه الكلمه من البداية

وافااا عليك معاك حريف ومحترف ممارس للعبه

والشباب عندنا في المجلس اغلبهم محترفين وعارضين عليهم عقود خياليه من عده مجالس :nice:

[R 7 A L]

في اوقات الفراغ شي طيب وزين
مثل الاجازات الاسبوعين او ساعة زمان بعد صلاة العشاء

[البدع]

اسمع عنها كثير

وما اعرف كيف العبها

اتمنى اتعلمها

[Qatarianes]

ياريال انا ماعرف الا كريزي ضرب وجوكر ومب ذاك الزود بعد

[طاش]

والله لا تعليق

[alsubaiai]

بوالبيض


انت من صجك فاتح موضوع عن البرازيليه :telephone: ولعب أورقه :tease:


:eek5: الله يعينك على نفسك :eek5:



الله يهديك و يهدينا وياك يارب :weeping:

[الـقـاسـي]

البرازيليه توها منتشره في الكم سنة الاخيره بين الناس ,, لعبه حلوه وومتعه انا عن نفسي العبها يمكن من سنه 95 وبشكل مستمر لين اليوم ..

انا عن نفسي اشوفها افضل من الباقي لانها تجبرك تشغل مخك وتفكر وتكتك ..

لكن اشوفك توسعت فالكلام عنها انها صارت تعرف الناس ببعضها ومن هالكلام

[AL HAJRI]

بكل صراحه مثل ماقالوا الاخوان ,,
البرازيليه 90 % من اللي يلعبها يشيل في خاطره ويتهاوش مع الآخر ,, بكل صراحه ...
ومش معنا انهم يتهاوشون ان البعض مايتقبل الخساره لااااا تقبل الخساره غير والهواش في اللعبه غير ,, اكثر الهواش والخلافات اتجي من السوالف من اللي برا القيم واللي داخل ,,

نقطه لصاحب الموضوع.. ( مش البرازيليه اللي تجمع وتعرف الناس ببعض, الحمد لله ماوصلنا لهادرجه تفرقنا وتجمعنا لعبه )

تحياتي

[nadeemy]

هذي اللعبه دخلت البلد قبل حوالى 25 الى 30 سنه وانتشرت بكثره في السنوات العشر الاخيره
بدات في السنوات الاخيره تنتشر في صفوف الجنس الناعم
فعلا لعبه تحتاج الى تركيز وقوة ذاكرة ونوعا ما تفاهم بين اعضاء الفريق الواحد
هذي اللعبه قضت على لعبة البلوت المشهوره والجوكر والكوت اللعبه قريبه من الهاند الا انها تعتمد على الحساب والارقام
بعض المجالس ادخلوا عليها الكثير من القوانين لزيادة الصعوبه لكنها افقدتها المتعه , يتم اللعب بعدد اثنين بته او شده او 104 كرت
اللاعبين المحترفين بحق يعدون على اصابع اليدين لا اكثر
جوهر اللعبه هو انه يفوز الفريق الذي يصل للالفين قبل الاخر

[بو الجوري]

:omg:
كل هالكلام :.. و الشرح و الغزل :.. عشان الورقه :.. !!!!
:eek5:
الصراحـه أنا ماحب أروح مجلس أو أقعد في مكان يلعبون فيه ورقه :..:nono:

إزعاااااااج و صراااااخ :anger3::.. و حزات أتم بروحي :.. :waiting:
أرجع البيت أبركلي :..

أنا ماقول هي مب حلوه :.. لكن مب لدرجة التعصب :.. و الأشياء اللي قلتها :..:rolleyes2:

الله يرحم أيام ( إسم ، جماد ، حيوان :.. :.. )
:nice:

[غايه الطواش]

لعب لورقه مفيد وخصوصا اللعب مع الهوامير او الكبار :p


واهم شي تخليهم يغلبونك :tease:

[ANONYMOUS]

واهم شي تخليهم يغلبونك :tease:


شدخل يغلبوني

انا ما العب الا مع عيال فقر نفسي فما نستفيد من بعض ههههههه

وكله نلعب اونو :shy:


--

على حسب اذا كل اثنين مع بعض.. لا لازم انت وهالبطران تهزمون الخصم :p


اما اذا كنت تلعب ضدهم فيا ويلك وياسواد ليلك تهزمهم

[محمد]

مجلس ما يتجمعون فيه الا عشان ورقه مافيه خير مع كامل احترامي
من قيم واحد بيتناحسون وكلن بيشيل على الثاني والي بيقطع المجلس والي والي الخ الخ


اساس المجالس التواصل بين الربع و عيال العم و الخال سوالف و غشمره ولا مانع من دوري سوني في الونينغ اليفن :p اما الورقه والله ما وراها الا المشاكل

[Right]

نهاية اللعب ... هوشة :nice:

[بوالبيض]

حاظرين نعلم الي يبي يتعلم شرح ما يصير لزم ممارسه . اكيد شبح الصمت بدون لعب ورقه بس انا قلت تجمع بس والتجمع بدون ورقه وبلعب ورقه اكيد مو كل يوم الواحدبيلعبها اوقات يعني احنا نلعب في وقت متاخر العقل الحر شكلهم يلعبون لعب ليل نهار ربي يحفظهم :) :اني موس: مادري جان صح التهجاء للاسم صحيح اما فايده فايده معي الهوامير ولكبار :) نتزوج برازيليه ما في مشكله شعنونه خالد قطر صحيح عوار راس وزعل بس الزعل وعوار الراس وقت العب بعدين الواحد ينسي بس الخساره ما ينسها يبي يردها مسك حبيبي ابد انا معي الثقافه الاسلاميه بس اقول مجرد وجهة نظر اخوي العبه حالها حال الكوره ما في فرق مادري جان بعد العنصر النسائي يلعبها ولا لا شي راجع لهم اخوي مسك لو قاعد معاهم بقول لك انا ما قلت لهم اتركوا الدين وخلو الدين واهتموا حق لعب الورقه اقراء الموضوع عدل اخوي مسك ( الي في قلبه الصلاه ما تفوته) مشكورين علي الرد ويعطيكم العافيه حبايبي شبح الصمت عزيز وغالي

[بوحارب]

لعبتها كذا مرة ماعجبتني مملللللللة

مافيه احلى من الجوكر :)

[غير البشر]

من كم يوم رايح السافليه في السنبوك
من اول ماركبنا واحنا على الفرضه صك برازيليه ههههههههه لين وصلنا وبعد كملنا
وتسبحنا اشوي وعلى طول برازيليه

وفي الرجعه طول الطريق يعني رحلتي كلها برازيليه مااستمتعت بالجو :rolleyes2:

[حليتان*]

مجلس ما يتجمعون فيه الا عشان ورقه مافيه خير مع كامل احترامي
\

:nice: هذا كلام شايب لواحد من عياله لاتخلي مجلسك مجلس ورقه


وعلى فكره الي فيه الربو لا يفكر فاللعبه :tease: لان ورقه بدون زقاير مايصير

[Qatar-Qa]

بصراحه لعبه رهيييبه
وادماااااااان
لازم كل يوم اقند الراس بكم قيم هههههههههههه

[آخر حبه]

عطني الميه دايركت بس

[sendarala]

الله يوفقكم ويصلح بالكم


بس ما اعرف شي باللعبة واول مرة اسمع عنها

[ZURICH]

لعب لورقه مفيد وخصوصا اللعب مع الهوامير او الكبار :p



واذا كنت لعيب وتفوز عليهم وانت معاهم في البحر عادي يحذفونك من اللنج

ممكن يلعب الواحد معاهم تكملة عدد بس لايفكر يفوز .. :)

[رُفق المجنّا]

البلوت وكلٍ يشل عفشه :victory:

[رجل شجاع]

البلوت وكلٍ يشل عفشه :victory:

خصوصا لا صنيت وعندك 400

[ذيب ازغوى]

موعدها او تقويت اللعبه يبدء من الساعه 1 الفجر لين اذان الفجر

واناا اجلس بس اضحك على الشباااب هههههههه لما يتهاوشون على الحركاات ولا يجيك واحد اعلمي ويخسر خووويه اخذ عااد انت ههههههههههه

وماعتقد حد في قطر مايعرف يلعب برازيليه

[vvip.fahad]

لعبة البرازيلية

هي لعبة ممتعه و تحافظ على الشباب من إلهياته في الشوارع وتمسكهم بالمجالس

اما شرحها
فهي تلعب بالورقة كامله بدون الجواكر ( الجيكر والميكر ) عوضاًً عن الجواكر يعتبر رقم ٢ هو الجوكر طبعاً من اي حكم
ويتوزعون الشباب فريقين كل فريق فيه اثنين
وكل واحد ياخذ ١١ ورقة في يده
طبعا لا ننسى قبل التوزيع ياخذ اللي على يمينك الورقة ويقص اذا قص ٢٢ يكسب مية
وهذي ال ٢٢ ورقة تتوزع ١١ و ١١ وتبقى خارج اللعب اللي يخلص أوراقة اول يأخذهم
وعلشان نأخذهم لازم بطريقتين اول طريقة اللي هي الدايركت والطريقة الثانية عادي
بنرجع لشرح الدايركت والطريقة العادية بالنهاية

بعد ما نوزع الورق نخلي ورقة بالميدان وهي ورقة اللي قاعد يمين الخباص
اذا ما يبيها يخليها للي بعده واذا يبيها هو يأخذها ويبدلها بورقة ثانية
وتمشي الورقة على نفس المنوال بالتبديل الورقة اللي في النص واذا ما تبي الورقة اللي في النص اسحب وانا دايم انصح الشباب ما يسحبون الا بعد الدور الخامس او السادس حتى ما ندخل ورقة جديدة باللعب وانفتح شي جديد وهذا تكتيك التحكير للفريق الاخر
المهم الي يوصله الدور ويبي ينزل ورق لازم ينزل على الاقل ٣ ورقات وتسمى بير ورفيجه يكمل معاه والبير الكامل هو سبع ورقات واللي يخلص بير من اي نوع يقدر يخلص الورق
وياخذ ١١ ورقة جديدة
انواع البير النوع العادي وهو بالتسلسل والنوع الثاني يسمى حرق وهذا ما انصح فيه الا باخر اللعب او بورق صغير ما يستفاد منه

نروح لسالفة الدايركت
الدايركت هو انك تسحب ورقه من الميدان او من السحبة وتركبها مع اللي عندك وتنزل كل الاوراق اللي بيدك بدون ما تقط اي ورقة بالميدان وبعدها تاخذ ال ١١ اللي برى وتكمل على البيور اللي عندك وتنزل ورقة لتكملة اللعب

اما التخليصة اللي مش دايركت انك بعد ماتركب الورق تقط اخر ورقة بألميدان ويكمل اللعب وتاخذ ١١ اللي برى

طريقة الحسبة هي
الخال او الاكة = ١٥
الصور والعشرة = ١٠
الجواكر اللي هي ( رقم اثنين ) = ١٠
الباقي كله = ٥

عاد في عندك باقي
مية التخليصة للي خلص
ومئة ١١ للي ما خذها من برى

ومئتين للبير اللي ما فيه جواكر
ومئة للبير اللي فيه جوكر
و ٤٠٠ لبير الجواكر هذا اذا سويت بير كامل كواكب سبع اوراق يعني

هذا شرح مبسط للعبه وترى في بعض المجالس تختلف القوانين
وبآلية اللي عنده شي او تصحيح يفيدنا فكلنا نتعلم
*

[غير البشر]

انا اشوف كل الشباب متولعين فيها بس ما يبون يعلموني :(

اتمنى اشوف شرح مفصل للعبة :)


احسن طريقه انك تتعلمها تقعد جنبهم واتشوفهم دووم وهم يلعبون واتركز معاهم
راح اتعلمها بدون محد يعلمك


انا ادمنتها :(

[غير البشر]

:omg:
كل هالكلام :.. و الشرح و الغزل :.. عشان الورقه :.. !!!!
:eek5:
الصراحـه أنا ماحب أروح مجلس أو أقعد في مكان يلعبون فيه ورقه :..:nono:

إزعاااااااج و صراااااخ :anger3::.. و حزات أتم بروحي :.. :waiting:
أرجع البيت أبركلي :..

أنا ماقول هي مب حلوه :.. لكن مب لدرجة التعصب :.. و الأشياء اللي قلتها :..:rolleyes2:

الله يرحم أيام ( إسم ، جماد ، حيوان :.. :.. )
:nice:


هههههههههههههههههههههههه
بوالجوري

اتخبر المكان الي شفته عندي حق الورقه

كل يوم عفسه عندنا هههههه:shy:

[AL_MUTAEM]

تبون الصج انا ماعرفت هالبرازيليه بس اسمع عنها لاننا شلة بلوت وتركس بس الورقه ما نلعبها اللا بالرحلات او موسم التخييم ..

بس انها تقرب كل بعيد ههههههههههههههههههههههه شي عجيب

[theeb_qatar]

:victory::victory::victory::victory:

[ضوى]

والله مسميات غريبة برازيلية وبلوت

الله يمتعكم فيها اذا ماتلهكيم عن الصلاة

[rawda]

اتحاد الطلبه القطريين في كولورادو على مشارف اجراء بطوله فهاللعبه للطلاب .. بس حبيت انقل لكم الخبر ههههههههه

[مضارب دوسري]

كنت العبها مع خالي يوم كان عمري 14 او 15 ماذكر
وبالغصب بعد :(
بس الحين ماتذكر شلون يلعبونها

من فتره علمني واحد من الربع هاند روسي وعقب كم يوم تهاوشنا ههههه وماقمنا نلعب ههههه

[هذال]

موضوع مهم ..
عن نفسي عانيت من قطع العلاقات بسببها :swoon:
زعل و اعصاب … وبرايي الورقه تبني علاقة مزيفه مش حقيقيه مجرد ماتركها تركوك
مجالس سكرت بعدها والله

[سعود.]

الورقة 99% سلبيات
1% بعد سلبي

[معماري قطري]

انا قلت محصلين برازيلية تسوي سحر والا داخلة تلعب في منتخب الكورة على إنها رجال

[@north_star@]

ماشاء الله من وين مطلعين هالموضوع اللي صارله 10 سنوات :pilot: