مساهمة الزوجة في بناء بيت الحكومة

[لما]

عندي صديقة ساهمت في بناء بيت العمر مع زوجها بمبلغ كبير اضافه على القرض ولان البيت من الحكومة اي بقرض الدولة اخبرها زوجها انه لايمكن تسجيل اسمها معه فهل هناك طريقة تضمن به حقها لاصحاب الخبرة اعطوها رايكم:omg:

[badarameen]

يكتبلها شيك بدون تاريخ اضمن شي

[al saad]

راحت عليها.......
اهم شي الثقة موجودة والله يخليهم لبعض

[شموخ دائم]

,

,


مرحبا

الله يعطيها العافيه والله يبارك لهم فيه

حقيقه اهل قطر الحريم يقدمون مساعدات كبيره في بيت العمر
ويساعدون ازواجهم الله يسعدهم يارب دوم وهذا شي يقدر لهم
وعاده بدون اوراق وبدون اي ضمان هو شراكه وبحسن نيه لبيت العمر

والقانون لا يسمح بتسجيل البيت الا بعد انتهاء الاقصاد
ولكن في الامكان تسجيل ورقه بينهم يكتبها الزوج يوضح فيها انه باع نصف او اقل حسب مساهمتها فيه باع حصه معينه الى زوجته
وهذه الورقه قانونيه وتثبت مساهمه الزوجه على ان تسجل رسميا بعد انتهاء الاقصاد
بعد الفتره القانونيه للتملك

,

,

اخوك


شموخ دائم

[MAZEN37]

ياخوان انتم تتناقشون كانه الموضوع عادي يعني شريكين تجاريين
انا افضل شركتهم تكون شركة زوجيه

[خالد32]

ياخوان انتم تتناقشون كانه الموضوع عادي يعني شريكين تجاريين
انا افضل شركتهم تكون شركة زوجيه

و انا معاك ..... اذا انبنى البيت على الشك و عدم الثقه فالاحسن انه ما ينبني و بعدين تبدى المشاكل

اول شي الثقه و اسمه بيت العمر و محد يبي يعمر بروحه

اما اذا كان القصد بيعه او تأجيره فالورقه و القلم مطلوبين

و جهة نظر

[بن غيث]

الله يخليهم لعيالهم ويصلح حال الجميع
واذا اهي مأمنته ع نفسها مش راح تأمنه ع مالها
وان شاء الله يكون بيت سعيد عليهم ومبارك

[المسك1969]

السلام عليكم

أعتقد رفيجتج ساعدت زوجها وهي تدري من البدايه أنه صعب تسجيله باسمهم الاثنين كونه من الدوله وزوجها هو المنتفع به... وعليه فأن ساعدته فعليها احتساب الأجروهو كرجل أن أراد ان يخلص ذمته فسيخلصها لكن أنها تقول له اكتب لي ورقه فلا داعي لها

وللعلم حبيبتي فإنه لا قدر الله قضي بينهم بطلاق ولديها منه اطفال فالبيت لها ولاودها منه...

بس أهم شيء لاحد يوسس لأختنا ويخليها تفكر تفكير سلبي والزوج ماسوى هالشيء الا عشانها وعشان عياله منها

وفي الآخر أن كتب ورقة فلها الحق الاحتفاظ بها مع أنها مابتسوي لها شي بدون توثيق أو يكتب لها شيك كما أقترح أحد الأخوه وفي الأخير أرجو بعد أن رزقهم الله ببيت جديد أو كما تسمونه بيت العمر ألا تبدأ فيه المشاكل

يا اختي الكريمه قولي لها أن تحتسب الاجر فيما دفعته وربي راح يعوضها خير بحب زوجها لها واستقرار حياتها الزوجيه ... فقط تدعه لله وصدقيني راح تلقى خير كثير والمال اللي صرفته بيعود عليها اموال بأذن الله لأن زوجها كان في حاجة وهي من قضى حاجته
أسأل الله لهم وللجميع التوفيق اللهم امين

[wadha-qa]

والله اغلب الحريم ساعدوا ازواجهم و دفعوا مبالغ و في النهايه الزوج عادي يبيع البيت و هي تطلع من المولد بلا حمص على قولتهم
وحده اعرفها بعد 26 سنه زواج كتب اللبيت باسم زوجته السوريه الثانيه وخلي الثقه العميا تنفع القطريه اللي تدفع دم قلبها في بيت العمر هالحزه

الثقه زينه بس الوحده ما تصير مغفله و تتخلى عن حقوقها بهالسهوله احسن شي تسوي طريقة شموخ دائم

[بويوسف]

والله اغلب الحريم ساعدوا ازواجهم و دفعوا مبالغ و في النهايه الزوج عادي يبيع البيت و هي تطلع من المولد بلا حمص على قولتهم
وحده اعرفها بعد 26 سنه زواج كتب اللبيت باسم زوجته السوريه الثانيه وخلي الثقه العميا تنفع القطريه اللي تدفع دم قلبها في بيت العمر هالحزه

الثقه زينه بس الوحده ما تصير مغفله و تتخلى عن حقوقها بهالسهوله احسن شي تسوي طريقة شموخ دائم

من البداية ليش تعطيه اذا ما تثق فيه اصلا .. استغرب من زوج او زوجة يعطي ويمن اذا هي دفعت نص المبلغ على اتفاق ان تكون الملكية النص بالنص فهذا منطقي .. ولكن اذا كان على مبلغ مية الف او ميتين وتبغي تسجل هالمبالغ فهذي عدم ثقة ..

ويا وضحة مب كل الريايل مثل زوج رفيجتج اللي تزوج سورية وكتب البيت باسمها ..

[وحش الصناعات]

الموضوع صغير وماله داعي اكبر من هالحجم كله. البيت فالاخر لها قانونا ولو قدر الله وتم الطلاق وهي ام عياله فحقها مضمون ولاتحاتي. ولو باع البيت تجبره المحكمه ان يوفر سكن او بيت ملائم لها ولعياله. ومايقدر يقدم اعذار ولاغيره لان المحكمه تشيك على حسابه وراتبه وغيره. يعني يا الحريم لاتخافون يضيع حقكم بسهوله دام القانون ناصفكم

[q6ryah]

ارجو عدم اخذ الموضوع بحساسيه

الامور الماليه بين الزوجين يجب ان تكون واضحه ويجب على الزوجه ان تضمن حقها لانها اعطت زوجها من مالها كرم منها

لكن يجب ان تكتب ورقه ضمان للايام القادمه

او الاحتفاظ بالفواتير وتسجيلها باسمها بالمبلغ المدفوع


وليش الزعل من الحق

كم زوجه دفعت دم قلبها وجهد سنينها وراح لنزوه الزوج او للزوجه الثانيه

[q6ryah]

الموضوع صغير وماله داعي اكبر من هالحجم كله. البيت فالاخر لها قانونا ولو قدر الله وتم الطلاق وهي ام عياله فحقها مضمون ولاتحاتي. ولو باع البيت تجبره المحكمه ان يوفر سكن او بيت ملائم لها ولعياله. ومايقدر يقدم اعذار ولاغيره لان المحكمه تشيك على حسابه وراتبه وغيره. يعني يا الحريم لاتخافون يضيع حقكم بسهوله دام القانون ناصفكم

صراحه انا اخالفك الراي

لانه الموضوع كبير

روح يوم المحكمه واسمع الشكاوي

كم زوج طلع زوجته من بيتها لانه عليه اقساط

او قسم البيت بينها وبين زوجته الجديده

يابابا المثل المصري يقول

يامأمن الرجال يامأن الميه بالغربال

لانه الرجال ماله امان

[مرتبش]

مسلسلات رمضان؟

الحريم فيهم خير والرجال كذلك واذا واحد خذ سورية وطلع ام عياله من البيت فهذا مب رجال.. واتوقع كل الحريم يساعدون ازواجهم في بنيان البيت ..التكاليف عالية والاذواق اعلى .. واذا مب واثقة فيه كيف تأمن على روحها وياه كما قال بن غيث

[[vip]]

السلام عليكم

أعتقد رفيجتج ساعدت زوجها وهي تدري من البدايه أنه صعب تسجيله باسمهم الاثنين كونه من الدوله وزوجها هو المنتفع به... وعليه فأن ساعدته فعليها احتساب الأجروهو كرجل أن أراد ان يخلص ذمته فسيخلصها لكن أنها تقول له اكتب لي ورقه فلا داعي لها

وللعلم حبيبتي فإنه لا قدر الله قضي بينهم بطلاق ولديها منه اطفال فالبيت لها ولاودها منه...

بس أهم شيء لاحد يوسس لأختنا ويخليها تفكر تفكير سلبي والزوج ماسوى هالشيء الا عشانها وعشان عياله منها

وفي الآخر أن كتب ورقة فلها الحق الاحتفاظ بها مع أنها مابتسوي لها شي بدون توثيق أو يكتب لها شيك كما أقترح أحد الأخوه وفي الأخير أرجو بعد أن رزقهم الله ببيت جديد أو كما تسمونه بيت العمر ألا تبدأ فيه المشاكل

يا اختي الكريمه قولي لها أن تحتسب الاجر فيما دفعته وربي راح يعوضها خير بحب زوجها لها واستقرار حياتها الزوجيه ... فقط تدعه لله وصدقيني راح تلقى خير كثير والمال اللي صرفته بيعود عليها اموال بأذن الله لأن زوجها كان في حاجة وهي من قضى حاجته
أسأل الله لهم وللجميع التوفيق اللهم امين

الله يجزاس خير كفيتي ووفيتي ونفس الكلام أنا اقوله بعد


يازين الزين لا قامت الزوجه بمساعدت زوجها في الاخير البيت مبني لها ولعيالها :victory:

[[vip]]

صراحه انا اخالفك الراي

لانه الموضوع كبير

روح يوم المحكمه واسمع الشكاوي

كم زوج طلع زوجته من بيتها لانه عليه اقساط

او قسم البيت بينها وبين زوجته الجديده

يابابا المثل المصري يقول

يامأمن الرجال يامأن الميه بالغربال

لانه الرجال ماله امان

الله يهدينا ويهديس اصابع اليد الوحده مب سوا :nice:

[aljaber1]

الزوج غبي:omg: مفروض يبني البيت بالقرض وحتى لو زاد شويه
ومبلغها يخليه للاثاث وديكور بس مايكون باساسيات البيت ويفتك:victory:

[المعنى88]

من البداية ليش تعطيه اذا ما تثق فيه اصلا .. استغرب من زوج او زوجة يعطي ويمن اذا هي دفعت نص المبلغ على اتفاق ان تكون الملكية النص بالنص فهذا منطقي .. ولكن اذا كان على مبلغ مية الف او ميتين وتبغي تسجل هالمبالغ فهذي عدم ثقة ..

ويا وضحة مب كل الريايل مثل زوج رفيجتج اللي تزوج سورية وكتب البيت باسمها ..

المسكينة ماجابت كلمة كل الريايل

[المعنى88]

الزوج غبي:omg: مفروض يبني البيت بالقرض وحتى لو زاد شويه
ومبلغها يخليه للاثاث وديكور بس مايكون باساسيات البيت ويفتك:victory:

بل بعد غبي :eek5:......... المسكين ماغلط

[Doha Land]

السلام عليكم

أعتقد رفيجتج ساعدت زوجها وهي تدري من البدايه أنه صعب تسجيله باسمهم الاثنين كونه من الدوله وزوجها هو المنتفع به... وعليه فأن ساعدته فعليها احتساب الأجروهو كرجل أن أراد ان يخلص ذمته فسيخلصها لكن أنها تقول له اكتب لي ورقه فلا داعي لها

وللعلم حبيبتي فإنه لا قدر الله قضي بينهم بطلاق ولديها منه اطفال فالبيت لها ولاودها منه...

بس أهم شيء لاحد يوسس لأختنا ويخليها تفكر تفكير سلبي والزوج ماسوى هالشيء الا عشانها وعشان عياله منها

وفي الآخر أن كتب ورقة فلها الحق الاحتفاظ بها مع أنها مابتسوي لها شي بدون توثيق أو يكتب لها شيك كما أقترح أحد الأخوه وفي الأخير أرجو بعد أن رزقهم الله ببيت جديد أو كما تسمونه بيت العمر ألا تبدأ فيه المشاكل

يا اختي الكريمه قولي لها أن تحتسب الاجر فيما دفعته وربي راح يعوضها خير بحب زوجها لها واستقرار حياتها الزوجيه ... فقط تدعه لله وصدقيني راح تلقى خير كثير والمال اللي صرفته بيعود عليها اموال بأذن الله لأن زوجها كان في حاجة وهي من قضى حاجته
أسأل الله لهم وللجميع التوفيق اللهم امين

رد رائع ومتزن ، بارك الله فيك وكثر الله من أمثالك.

[ضوى]

مافيها شي اذا الزوجة ساعدت ببناء بيت العمر ، حريم وايد اعرفهم حطوا في البيت ، عاد اذا طلع الزوج مب كفو بعد لا حول ولا قوة الا بالله ، والبيت في النهاية لها ولعيالها ، اذا الزوجة تبي تحط في البيت تكتب كل شي وتوثقه عند محامي مع اني اشوفها صعبة جدا لانه يدل على عدم وجود الثقة وهذا الشي ينسف الحياة الزوجية ، والمفروض الامرو المالية للاثنين تكون واضحة تماما بينهما

[Romantic_qtr]

الموضوع ومافيه شي واحد ومهم جدا

واتمنى ان الكل يستفيد من كلامي

المشكله تعود على الاثنين ومالها خص الثقه والحياه الزوجيه

وان الزوجه دفعت او الزوج دفع

المشكله هي ان واحد استدان من الاخر

والاعمار بيد الله كل يوم نشوف الناس تتنتقل من الحياه الدنيا الى حياة الاخره

فا يا اخوان الله يبارك فيكم يجب على كل انسان يثبت حق اخوه المسلم

سواء زوج او زوجه

وافضل مانستدل به القران الكريم واطول آيه فالقرآن هي آية العقود في نهاية سورة البقره

وعسى ربي يهنيكم كلكم ويستر عليكم

مع خالص تحياتي

[MAZEN37]

الموضوع ومافيه شي واحد ومهم جدا

واتمنى ان الكل يستفيد من كلامي

المشكله تعود على الاثنين ومالها خص الثقه والحياه الزوجيه

وان الزوجه دفعت او الزوج دفع

المشكله هي ان واحد استدان من الاخر

والاعمار بيد الله كل يوم نشوف الناس تتنتقل من الحياه الدنيا الى حياة الاخره

فا يا اخوان الله يبارك فيكم يجب على كل انسان يثبت حق اخوه المسلم

سواء زوج او زوجه

وافضل مانستدل به القران الكريم واطول آيه فالقرآن هي آية العقود في نهاية سورة البقره

وعسى ربي يهنيكم كلكم ويستر عليكم

مع خالص تحياتي
وجهة نظر انت حر فيها واحترمها
بس الوضع بين الازواج غير وحط خطيين تحت كلمة غير
رأي انه الخط واحد وبعدين من غير المنطق يوصولن من العمر وسنين الزواج لين مرحلة بناء بيتهم وبعدين يكتبون ورق

[بو خليفه 123]

السلام عليكم

أعتقد رفيجتج ساعدت زوجها وهي تدري من البدايه أنه صعب تسجيله باسمهم الاثنين كونه من الدوله وزوجها هو المنتفع به... وعليه فأن ساعدته فعليها احتساب الأجروهو كرجل أن أراد ان يخلص ذمته فسيخلصها لكن أنها تقول له اكتب لي ورقه فلا داعي لها

وللعلم حبيبتي فإنه لا قدر الله قضي بينهم بطلاق ولديها منه اطفال فالبيت لها ولاودها منه...

بس أهم شيء لاحد يوسس لأختنا ويخليها تفكر تفكير سلبي والزوج ماسوى هالشيء الا عشانها وعشان عياله منها

وفي الآخر أن كتب ورقة فلها الحق الاحتفاظ بها مع أنها مابتسوي لها شي بدون توثيق أو يكتب لها شيك كما أقترح أحد الأخوه وفي الأخير أرجو بعد أن رزقهم الله ببيت جديد أو كما تسمونه بيت العمر ألا تبدأ فيه المشاكل

يا اختي الكريمه قولي لها أن تحتسب الاجر فيما دفعته وربي راح يعوضها خير بحب زوجها لها واستقرار حياتها الزوجيه ... فقط تدعه لله وصدقيني راح تلقى خير كثير والمال اللي صرفته بيعود عليها اموال بأذن الله لأن زوجها كان في حاجة وهي من قضى حاجته
أسأل الله لهم وللجميع التوفيق اللهم امين

كلام شخص عاقل و عين العقل - بيض الله وجهك يا صاحبة الرقم المميز :)


بالنسبه لي و من وجهة نظري .. بيت العمر هو مملكة الزوجه الخاصه .. لذا لا يمنع مساهمة الزوجه في انهاء البنيان و هي لم توافق في المساهمه الا انها حابه تمتلك هذه المملكه برضاها .. بدون اوراق

لكن بما ان الحياه فانيه والواحد مايضمن اذا بيعيش الغد ام لأ .. اتفق مع اختي المسك بكتابة شيك بالمبلغ المساهم فيه .. والمتبقي للبناء حسب الشريعه و قانون قطر .

[ورقة غار]

الموضوع فيه احراج شديد على الزوجين ..... بس الحق حق وافضل يكتب لها جيك

[بايع بايع]

,
,
مرحبا

الله يعطيها العافيه والله يبارك لهم فيه

حقيقه اهل قطر الحريم يقدمون مساعدات كبيره في بيت العمر
ويساعدون ازواجهم الله يسعدهم يارب دوم وهذا شي يقدر لهم
وعاده بدون اوراق وبدون اي ضمان هو شراكه وبحسن نيه لبيت العمر

والقانون لا يسمح بتسجيل البيت الا بعد انتهاء الاقصاد
ولكن في الامكان تسجيل ورقه بينهم يكتبها الزوج يوضح فيها انه باع نصف او اقل حسب مساهمتها فيه باع حصه معينه الى زوجته
وهذه الورقه قانونيه وتثبت مساهمه الزوجه على ان تسجل رسميا بعد انتهاء الاقصاد
بعد الفتره القانونيه للتملك

,

,

اخوك


شموخ دائم

اضيف على كلام اخوي شموخ
ان الورقة لازم تتوثق وتتسجل في قسم التوثيق بوزارة العدل
وتكون بقيمة المبلغ المدفوع وعشان ايش اندفع ( مشاركة في بناء بيت )
حتى مايطعن فيها من ماكان انها مزوره او غير صحيحه مستقبلا
وراح تكون نسخه منها موجوده في قسم التوثيق حتى لو ضاعت الاصل
وهذه اسلم وافضل طريقة

وبالنسبة لموضوع الشيك انا ماانصح فيه لان النقود تفقد قيمتها مع الايام والسنين
فلو قلنا هي دافعه 500.000 ريال اليوم في البيت واخذت شيك بالمبلغ
يمكن بعد عشر سنوات تزيد قيمه البيت للضعف فما يكون لها حق الا في 500.000 اللي هو مبلغ الشيك
اما في حالة التوثيق فراح تاخذ نسبة على الاعمال (نسبة تملك ) اللي قامت فيها في البيت باي وقت
وراح تتسعر في لحظة المطالبة فيها ولو بعد الف سنه مهما تغيرة قيمة النقود او زاد التضخم


والحق ماينزعل منه اذا ماطالبة الزوجه بتوثيق حقها
وبالتوفيق

[المعضادي]

ياجماعه خافوا الله في اللي تكتبونه ،
وبعدين انتي بدال ماتاخذين الشور من ناس على توثيق وخرابيط وهالكلام الفاضي
كان احسن لج نصحتيها بدال ماتدورين لها على شيء يضمن حقوقها !!!!!!

ليش هي بتخلص البيت وبتطلب الطلاق !!!!!!!

وتهقين اللي بتسأل عن حقوقها اشلون تثبتها من زوجها فيها خير هالمرة ؟؟؟؟؟؟!!!!!!

ولو درى زوجها تهقين مب حاط في خاطره ؟؟؟؟؟!!!!!!

اسمعي نصيحة اخو وقولي لها استحي وخيلي وعيني من الله خير واطلبي الستر

وادعي بالتوفيق . سبحان الله في امر هالناس

الا عاد اذا كان زوجها مافيه خير فهذا شيء ثاني

والله المستعان

[Mariam]

طبعاً اللي يقولون تثق فيه و تحتسب و ما أدري ايش و المحكمة تلزمه يوفر لها سكن هي و عيالها ، طيب هذا الشي لجميع الزوجات اللي دفعوا و ما دفعوا طيب هي دافعة دم قلبها، خل يعطيها دم قلبها و بعدين يوفر لها سكن حالها حال الكل، طيب المحكمة تلزمه يوفر لها بصفتها حاضنة طيب انتوا سألتوا إذا كانت فعلاً حاضنة ؟! يمكن ما عندها أطفال أصلا !! طيب لنفرض عندها عيال و المحكمة راح تجبره يوفر لها بيت بس مو شرط يكون نفس البيت ، و حالات وايد شفناها يوفر لها ملحق صغير في طرف البيت، اوكي و اللي يقولون ليش تثق فيه من أول ، يعني هذا جزاها إنها يوم شافته في ضيقة ما بخلت و جادت بمالها مع إنه صعب على النفس البشرية لكن هي نفسها كريمة و عطت زوجها، و هو في المقابل لازم يقدر هالكرم و يكتب لها ورقة بالمبلغ اللي أعطته، لأن هذا ((( حق ))) و الله سبحانه ممكن يغفر في جميع الحقوق إلا حقوق الناس و طبعاً صعب هي تطلب هالشي و أنا لو مكانها بستحي أقول حق زوجي، لكن ممكن تشهد حد على المبلغ اللي عطته عشان الحياة و الموت أو إذا الزوج فهم من نفسه و كتب الورقة، و القلوب تتغير إذا هو يحبها الحين يمكن بعدين يتغير، و يمكن يحط على راسها وحدة ، و الدنيا حياة و موت و ورثة يورثونها و ورثة يورثونه !! فليش الورث يروح لناس غير مستحقة ، و لا تقولون الورثة بيكون عيالهم بس لأن ما تدرون من بعد !!
هذا شرع الله و اللي يبي يعف يعف من نفسه مو حد يقول له ، و اللي يبي حقه ما حد يلومه بالعكس كفت و وفت و جزاها الله خير على وقفتها .

قال تعالى : (ولا تسأموا أن تكتبوه صغيرا أو كبيرا إلى أجله ذلكم أقسط عند الله وأقوم للشهادة وأدنى ألا ترتابوا)