ابي نصيحتكم وين اسافر .. المالديف, ماليزيا, تركيا ؟

[AL HAJRI]

مساء الخير على الجميع ...

انا عرسي قريب ان شاء الله يعني في ااخر 9 وابي اسافر ومحتار بين
ماليزيا او تركيا وبين المالديف اللي افضلها بحكم انها جزر ومناظر خلابه وجديده في عالم السياحه ,,
ابي نصيحتكم وين اروح وهل تصلح هالدول في هذا التوقيت في اخر 9 لين نص 10 !!!؟


واتمنى من اللي عنده تقرير عن المالديف او اي دوله ينصحني فيها يحطه هنا في الموضوع ..
وتحياتي للجميع

[البدع]

تركيا ....

بس نصيحة اذا بتروح اسطنبول فقط ... فبترجع مثل اكثر الشباب يتذمرون

استاجر سيارة وزور مناطق مثل بورصة ازمير بحيرة فان انتاليا ... اناليا ... اسكندرون .. الخ

جبال وبحيرات وانهار وخضرة ... شيء يهبل

[وحيد-الشوق]

ماليزيا حلوة بس حر ورطوبة اشوف لو تشيلها من بالك يكون افضل

تركيا مثل ما قال اخونا البدع حلوة جنها اوروبا تقريبا وتساهل تزورها

والمالديف حلوة وتصلح لشهر العسل

[AL HAJRI]

تركيا ....

بس نصيحة اذا بتروح اسطنبول فقط ... فبترجع مثل اكثر الشباب يتذمرون

استاجر سيارة وزور مناطق مثل بورصة ازمير بحيرة فان انتاليا ... اناليا ... اسكندرون .. الخ

جبال وبحيرات وانهار وخضرة ... شيء يهبل

مشكور اخوي على النصيحه ..

[AL HAJRI]

ماليزيا حلوة بس حر ورطوبة اشوف لو تشيلها من بالك يكون افضل

تركيا مثل ما قال اخونا البدع حلوة جنها اوروبا تقريبا وتساهل تزورها

والمالديف حلوة وتصلح لشهر العسل

بشهر 10 بتكون رطوبه :omg:.. اللي اعرفه ان دول شرق اسيا جوها واحد طول العام تقريبا
امطار والحراره 25 - 35 طول السنه ,, على كلا انا اشوف ماليزيا صارت تقليديه وقديمه ..

طيب اذا حد من الاخوان يتكرم ويغرينا بتقارير عن تركيا او المالديف او اي دولة اخرى ممتازه
عساس نشوف ..

[أسير الاسهم]

الله يكتب لك الخير والتوفيق .. فيه تقرير ممتاز للأخ HADi إذا ما خب ظني للمالديف إن شاء الله تستفيد منه

وتركيا أعرف واحد من الربع راح لها هالايام شهر عسل بعد .. وانبسط واعجبته

نتمنى لك شهر عسل عسل

[Class - Qtr]

انا باانصحك ’’

اذا تبي شرق اسيا خلها جوله شرق اسيويه

كوالالمبور - بوكت - سنغافورا

والتنقل لازم يكون بالطائرة ( طيران داخلى ) والمتعه اكيد بتكون موجودة وتقعد في كل مكان 4 ليالي بالكثير

انا اخترت لك كوالالمبور ( الراحه ) اخترت لك بوكت ( المتعه ) اخترت لك سنغافورا ( التغيير والتسوق )

واذا تبي المالديف ’

انا اجوف ماتصلح لشهر العسل يعني الاجواء راح تكون مختصرة على جزيرة وشاليه والمتعه

ممكن تكون غير متواجدة وليل موحش فيه رومنسيه ولكن في وحشه بعد شوي

اذا تبي نصيحتي ’’

جوله اوربيه

لندن ----------- فرنسا ------------- ايطاليا

بلجيكا --------- فرنسا ------------- ايطاليا

فرنسا --------- ايطاليا ------------ المانيا


ومبروك مقدما زواجك والله يسعدك ويهنيك ويوفقك ويرزقك الذريه الصالحه

[Right]

مبرووووووووووووووووووووووووووك يالهاجري

[الخـود]

تركيا والمالديف شي ،، وماليزيا شي ..
يعني من رايي المالديف او تركيا .. وارشح المالديف
في تقارير بس في مواقع ثانية دور وان شاء الله تفيدك التقارير ...

[mE mYself & i]

نصيحتي لك وهذا كان جدولي في شهر العسل
المالديف
شانغ ماي في تايلند
هونج كونج

وماراح تندم

[abu abdulla]

تركيا الافضل ، اذهب الى انتاليا وبودروم واستانبول فيها تراث وتاريخ وتستحق الزياره اما المالديف فلن تعجبك وكذلك ماليزيا بتكون الرطوبه عاليه.
مبروووووك مقدما

[عميد الريان]

طويل العمر ما انصحك بالمالديف اول شي راح يكون شهر 9 موسم الامطار وبعدين طول اليوم مشاهد هالسيف وغاليه عالفاضي تركيا مافي احسن منها هالوقت بس سو لك برنامج ومبروك مقدم وجعله مبارك

[بوخالد911]

هلا

دامك خيرتنا بين هالدول : تركيا و ماليزيا والمالديف

اقترحك لك ماليزيا


ولكن لو في امكانية نقترح لك دول اخرى ؛ فاقترح بانكوك وع الوجه التالي :


بوكيت - تشانغ ماي - كوس مووي - بانكوك


موفقييين

والله يهني سعيد بسعيدة

:)


تحياتي قبل وضع اقتراحاتي

[بوسعود911]

انا انصحك بالمالديف جو رومانسي وطبيعه خلابة وهذي تغطية لاخوي العضو هادي عن المالديف
http://www.qatarshares.com/vb/showthread.php?t=410163

[KHALID J]

اذا تبي شرق اسيا خلها جوله شرق اسيويه

كوالالمبور - بوكت - سنغافورا

والتنقل لازم يكون بالطائرة ( طيران داخلى ) والمتعه اكيد بتكون موجودة وتقعد في كل مكان 4 ليالي بالكثير

انا اخترت لك كوالالمبور ( الراحه ) اخترت لك بوكت ( المتعه ) اخترت لك سنغافورا ( التغيير والتسوق )


انا مع هالجدول

[AL HAJRI]

الله يكتب لك الخير والتوفيق .. فيه تقرير ممتاز للأخ hadi إذا ما خب ظني للمالديف إن شاء الله تستفيد منه

وتركيا أعرف واحد من الربع راح لها هالايام شهر عسل بعد .. وانبسط واعجبته

نتمنى لك شهر عسل عسل

الف شكر لك يالغالي

[AL HAJRI]

انا باانصحك ’’

اذا تبي شرق اسيا خلها جوله شرق اسيويه

كوالالمبور - بوكت - سنغافورا

والتنقل لازم يكون بالطائرة ( طيران داخلى ) والمتعه اكيد بتكون موجودة وتقعد في كل مكان 4 ليالي بالكثير

انا اخترت لك كوالالمبور ( الراحه ) اخترت لك بوكت ( المتعه ) اخترت لك سنغافورا ( التغيير والتسوق )

واذا تبي المالديف ’

انا اجوف ماتصلح لشهر العسل يعني الاجواء راح تكون مختصرة على جزيرة وشاليه والمتعه

ممكن تكون غير متواجدة وليل موحش فيه رومنسيه ولكن في وحشه بعد شوي

اذا تبي نصيحتي ’’

جوله اوربيه

لندن ----------- فرنسا ------------- ايطاليا

بلجيكا --------- فرنسا ------------- ايطاليا

فرنسا --------- ايطاليا ------------ المانيا


ومبروك مقدما زواجك والله يسعدك ويهنيك ويوفقك ويرزقك الذريه الصالحه

اشكرك ياكلاس قطر والله يجزاك خير
بس عن نفسي ماحب اروح لدول اوروبا لان جمييييعها استايل واحد ,,
مطاعم وكوفيات وشوبنق وغاليه ع الفاضي وبالذات لندن وباريس ,,

[AL HAJRI]

مبرووووووووووووووووووووووووووك يالهاجري





الله يبارك فيك فديت خشمك

[مهل]

السلام عليكم



يقولك اربط راسك و كلن بينعت لك دوى ... الشباب نصايحهم طيبه لاشك .

ابيك تنتبه لشغله مهمه مايعرفها الا الي جرب ... في شهر العسل ترى اغلب وقتك تقظيه في غرفه الفندق .. يعني بالعربي اتعب على الفندق و نق الغرفه المميزه (سويت فخم مع حركات حلوه في الغرفه من شاور او جاكوزي الخ الخ )

بالنسبه للدول الي اخترتها انت اقدر اقولك ... ماليزيا شيلها من الحسبه .. لاني مجربها في شهر العسل .. فنادق حلوه ممكن تحصل بس جوها تعيس ،،، تطلع من ديرتك حر و تروح لديره حاره و نوعا ما بلد مش فخم .

المالديف زرتها انا من سنه تقريبا .. ميزتها انك بتحصل غرف مميزه و فنادق فخمه جدا و حركات بركه سباحه داخل الشاليه بحكم انها جزر و كل فندق عباره عن جزيره مستقله لحالها و التنقل غالبا يكون في طراريد كبيره او اذا فندقك بعيد بتروح بطياره .

ولكن ايضا المالديف ارشحها لك بنسبه ٥٠٪ فقط
و السبب الله يسلمك انه شغل قله حيا على السيف ،، يعني ماتقدر تطلع انت و هلك تستمتع في السيف الا في الليل و الجزيره مافيها الا الفندق فقط
والعيب الثاني انه جوها حار ايضا مثل ماليزيا . بالاضافه الى غلاها نوعا ما .

يعني ايجابيات المالديف هو الفنادق الفخمه و مواصفات الغرف عاليه جدا

و اذا قررت تختار المالديف راح تروح لريسبشن الفندق و بتحصل عندهم انشطه مثل رحله صيد سمك او برشوت او غيره .. اي رحله تختارها اطلبها برايفت ،، يعني لك انت و هلك فقط .. مايكون معاكم حد في الطراد اجانب .. لانهم يكونون في مناظر ماترضابها .

بخصوص تركيا .. من قال لا اعلم فقد افتى .. ماسبق لي زياره تركيها ولكني ارشحها لك بالمرتبه الاولى .. لانه فيها طبيعه و اتوقع جوها ابرد من باقي البلدان الي اخترت .. و الفنادق اتوقع بتحصل شي محترم


ختاما .. مبروك الف مبروك و فالك الذريه الصالحة

[طماطه]

ماليزيــــــــــا


وايد حلووووه .. وطبيعتها اتينن .. وتتنقل فيها بين ( كوالالمبور - بيننانغ - جنتنغ - لنكاوي - الكميرون ) .. وفي منها المناطق البااااااااااااارده وفي منها العاديه ..

[AL HAJRI]

تركيا والمالديف شي ،، وماليزيا شي ..
يعني من رايي المالديف اوتركيا .. وارشح المالديف
في تقارير بس في مواقع ثانية دور وان شاء الله تفيدك التقارير ...

اشكرك يالغالي على الرد





نصيحتي لك وهذا كان جدولي في شهر العسل
المالديف
شانغ ماي في تايلند
هونج كونج

وماراح تندم
مشطور اخوي وماقصرت



تركيا الافضل ، اذهب الى انتاليا وبودروم واستانبول فيها تراث وتاريخ وتستحق الزياره اما المالديف فلن تعجبك وكذلك ماليزيا بتكون الرطوبه عاليه.
مبروووووك مقدما

والله كثير قالوا لي تركيا , اشكرك على الإطراء والله يبارك فيك



طويل العمر ما انصحك بالمالديف اول شي راح يكون شهر 9 موسم الامطار وبعدين طول اليوم مشاهد هالسيف وغاليه عالفاضي تركيا مافي احسن منها هالوقت بس سو لك برنامج ومبروك مقدم وجعله مبارك


الله يبارك في ايامك يالغالي ومشكور ع النصيحه



هلا

دامك خيرتنا بين هالدول : تركيا و ماليزيا والمالديف

اقترحك لك ماليزيا


ولكن لو في امكانية نقترح لك دول اخرى ؛ فاقترح بانكوك وع الوجه التالي :


بوكيت - تشانغ ماي - كوس مووي - بانكوك


موفقييين

والله يهني سعيد بسعيدة

:)


تحياتي قبل وضع اقتراحاتي

الله يجزاك خير يابوخالد




انا انصحك بالمالديف جو رومانسي وطبيعه خلابة وهذي تغطية لاخوي العضو هادي عن المالديف
http://www.qatarshares.com/vb/showthread.php?t=410163

مشكور يالغالي ,,وبخصوص التقرير ترا شفته وجدا ممتاز وهو اكثر شي حمسني للمالديف



انا مع هالجدول

مشكور يالغالي على الرد

[تركي الشهراني]

الله يوفقك

ولا تنسى تعزمنا للعرس

[فيصل 111]

أولا مبارك عليك الزواج يا الهاجري.وبارك الله لكما وعليكما...
ثانيا أرشح لك تركيا..فجوها معتدل هذه اليام وقد كنت هناك قبل أسبوع..
لكن احرص على أخذ جولة سياحية في أكثر من مديتة كبورصة وبحيرة أبانت الجميلة..إضافة إلى اسطنبول طبعا..

[بوشاهين2]

أولاً بالمبارك وثانياً أنا بإذن الله رايح ماليزيا شهر 10 والكل يمدح ماليزيا بخصوص شهر العسل .. وبالنسبه لتركيا أخوي راجع الأسبوع ألي راح من تركيا يقول وايد وايد غاليه وكل شي فيها غالي أيقول سيخ الكباب فيه 5 حبات ب 25 ريال قطري .. علا شنو .. ياخوي روح ماليزيا

[ذيب ازغوى]

انصحك في تركيااا خاصه اسطانبول انطاليا افيوون

[القلم الصريح]

انا راي ولا دوله من اللي ذكرتهم اقتنعت فيهم لشهر العسل ، انا نفسك كنت محتار بين اوربا وماليزيا ونصحني واحد من الربع قالي ماليزيا حلوه بس مشكلتها جوها تعيس وحاره وانت طالع من الحر تروح للحر والله اقتنعت بكلامه وغيرت الوجه لاوروبا ، انصحك بجوله واضمن لك انك بتستانس :

سويسرا ( جينيف ) ، والمانيا ( ميونخ ) وماحولها مثل بحيرة تكنزي ، والنمسا ( زلامسي) جنة الله فالارض ( وسالسبورغ) ، وايطاليا ( البندقيه )

[مشتاقة لقطر]

المالديف انا زرتها 2007



بالتحديد يعني لو معاك عروس جديدة وماتعرفون بعض تصلح لكم تتعرفون على بعض

انا وزوجي رحنا تمللنا من ثالث يوم سولفنا وخلصت السوالف


اذا مالك بالانشطة البحرية ما بتعجبك

واساسا الحرمة بتملل لو انت تطلع غوص والا تجديف والا صيد والا سباحة


بمااني بعباية ما استمتعت خارج الغرفة ابدا جايبة كعوب معاي ههه وتمبت احوط بالزنوبة بالجزيرة بس المكان روووعة وحده 3 اياك والسكن غالي جدا والتنقل بطيارة مائية بعد غالي جدا


رومنسية جدا وريلاااااااااااااااكس وحدها 3 ايام ماتزيد

[ابو علاوي]

نصيحتي روح تركيا


البلدان الاسيوية حاااااااارة ورطوبة

[الصقر999]

تركيـــا بلا منازع...

في هذا الوقت جو روعة وطبيعة خلابة لو قدرت روح اوزنجول أو بحيرة ابانت حلوة لشهر العسل

[بوخالد911]

ماليزيا


لو في مجال ترووح تايلند

[GCC]

المالديف حلوة

والحين يمدحون سريلانكا

[مستر قطر]

أنصحك بتركيا ومافيه داعي انك تاجر سياره الله مكثر مكاتب السياحه ويفرون باصات جديده وكيفه ودليل سياحي يتكلم عربي ويأخذون مبلغ 100 لين 120 دولار علي الشخص يومين رحلات في اسطنبول وخارج اسطنبول لمدة عشرة ايام وارقام المكاتب السياحيه متوفره في اي رسبشن للفندق الي راح تقعد فيه اما بخصوص المالديف مانصحك وخاصه انه شهر عسل ماتنفع
وماليزيا زينه بس مشكلتها متروسه عرب

[kuwaiti]

اسطنبول ماعجبتني حتا شعبهم مو شي
الماليدف مو مال اطول فيها لانه لطوت فيها بيكون ملل بس حلوه فنادقها
ماليزيا اختر احسن الفنادق الفخمه وراح تنبسط وحلوه
بس اهم شي ركز على الفنادق الفخمه لان نص السفره حلاوه الفندق

[منهم وفيهم]

مبرووووك

[ok_ok]

تركيا

[بوفهد555]

انه لو منك مافكر غير في سويسرا بلد الرومانسيه وفعلا حلوه للعرسان

[ولد ازغوى]

تركيا بس اهم شي تاخذ جوله
اسطنبول بورصه ابانت اوزنجول
والرخص او الغلا انت تختاره بيدك

[مضارب مستثمر]

انه لو منك مافكر غير في سويسرا بلد الرومانسيه وفعلا حلوه للعرسان

راي سليم والجو بيكون مضبوط بهالوقت

بلد هاديه وامينه,,,,,والقطريه الان تطير زيورخ

مباشر,,,,,والحق عروضهم الان!!!!!

اذا حبيت شوية معلومات اضافيه ,,,ممكن ازيدك

ومبروك الزواج مقدما,,,,وبالرفاه والبنين بأذن الله

[kka]

تبي جزيرة وشواطئ ولا في الاحلام تحصلها في لنكاوي تبي جو حلو الكميرون جنتنق تبي تسوق وتمشي كوالالمبور كل هذا في ماليزيا

[AL HAJRI]

GCC
مستر قطر
Kuwaiti
منهم وفيهم
ok_ok
ولد ازغوى
مضارب مستثمر
Kka
تركي الشهراني
فيصل 111
بوشاهين2
قائد الشجعان
القلم الصريح
مشتاقة لقطر
ابو علاوي
الصقر999
بوخالد911

أشكر الجميع بصراحه على الردود القيمه والنصايح ..
بصراحه أنا متردد ومب عارف ..

اممممم بصراحه لوفيه تقرير مفصل عن تركيا من اي حد من الاخوان يشرح فيه الاماكن السياحية والفنادق وياريت يكون بالصور يكون أفضل .. لأني بصراحة متشجع على تركيا خصوصا جوها بيكون ممتاز في الوقت اللي بروح له ..

واحد من الربع نصحني بــ أسطنبول قال لي فيها فنادق واماكن سياحية واجد ..
وقال لي فيه اماكن اثريه وطبيعيه مب بعيد ايضا ..