لماذا ؟؟ :(

[تحداني]

قبل فتره إقترح علي الوالد أطلع لي " كردت كارد " من البنك التجاري
لغرض الاستخدام في المشتريات ومن خلاله تنزل لي نقاط على القطريه
وبالفعل استفدت من البطاقه وكان استخدامي لها بدون ما يكون عندي حساب عندهم

تفاجأت قبل يومين وانا استلم " الكردت كارد " من البنك التجاري
ان شعار الخطوط الجويه القطريه مو موجود

اتصلت واستفسرت قالوا لي تم الغاء هذه الميزه والخدمه
واصبحت حصريتها لدى qnb


لماذا تم احتكار هالخدمه لدى qnb فقط ؟؟
ولماذا طريقه استخراج الكردت كارد معقده لديهم بخلاف البنك التجاري ؟؟
ولماذا ايضا طريقه السداد لدى qnb مختلفه عن البنك التجاري ؟؟


اتمنى اتردون علي وإتساعدوني لأني أجهل جانب كبير
في الأمور البنكيه


جملكم الله برضاه

[العتوي]

هلا اخوي
كلامك صحيح
الحين الكيومايلز بس qnb
ترى نفس حالتك انا
والله كريم

[sendarala]

اي اتصلت على qnp وقالوا اذا تبينها لازم يكون في حسابج اكثر من 50000 ( خمسون الف ) حتى تكون عندج البطاقة البلاتينيوم

طبعاً راتبي ينزل في بنك ثاني وما عندي عندهم من جذيه قالوا لي لازم في الوديعة يكون عندج هذا الحساب

طبعا كفاية الديون اللي علينا ما نقدر في الوقت الحالي ناخذ البطاقة

الله يعينا

[تحداني]

هلا اخوي
كلامك صحيح
الحين الكيومايلز بس qnb
ترى نفس حالتك انا
والله كريم



اي ليش لهم اهما بس ؟؟ وليش شلوها من عند التجاري انا لما سألتهم ما ردوا علي
ولما قلت لهم ليش ما اخطرتونا قبل لا نصدر البطاقات الجديده هم ما ردوا علي
وكل ما قلت لهم شي قالوا شي صار وخلص

حتى في الكيومايلز احتكار


شكر على الرد وجملك الله برضاه

[تحداني]

اي اتصلت على qnp وقالوا اذا تبينها لازم يكون في حسابج اكثر من 50000 ( خمسون الف ) حتى تكون عندج البطاقة البلاتينيوم

طبعاً راتبي ينزل في بنك ثاني وما عندي عندهم من جذيه قالوا لي لازم في الوديعة يكون عندج هذا الحساب

طبعا كفاية الديون اللي علينا ما نقدر في الوقت الحالي ناخذ البطاقة

الله يعينا




هذا هو خاصه الي ما تنزل رواتبهم في البنك عندهم
لازم نحط لهم وديعه ملغ وقدره .. ونفتح احساب توفير عشان انحول لهم المبلغ المطلوب للسداد .. والمبلغ يكون محول من بنكج الاصلي الى بنكهم
واجراءات وعوار راس

ايام التجاري بس كانوا يبون شهاده راتب فقط
والسداد كان عن طريق مكاين الايداع

الحين شاسوي آخذ من عند الوطني بطاقتهم ولا لا ؟؟
محتاره

جملك الله برضاه

[العتوي]

^^^^^^
والله ياخوي اتوقع بس مو اكيد
ان مثلا صار خلاف بين البنك التجاري وبين القطريه ع بعض البنود فعساس جي ممكن تحولت لل qnb مو متاكد بس ممكن

[تحداني]

تتوقع يا اخوي ؟؟ ^^
بس انا عندي احساس ان الكيو ان بي ادفعوا مبلغ وقدره لاحتكار هالخدمه مع القطريه
انا اقول يمكن وعشان جي شلوها من باقي البنوك

بس اجراءات الاشتراك عندهم واصدار الكردت كارد والله مو حلوه
يا اخي انا مابي اودع شي عندهم وتطلع علي فوائد واقوم اطلع هالفوائد
او يمكن احتاج هالمبلغ
وما ابي افتح احساب توفير واحول مبلغ من بنكي الين بنكهم


ما ادري اعصابي مختربه من هالسالفه


جملك الله برضاه

[Abo Ahmed]

أنا نفس الشي كان عندي في التجاري والحين طلعت الوطني.

بس على العموم الموضوع مواحتكار!

المصرف عنده بطاقة جديدة بعد.

تقدري تشيكي على هاي الرابط:

http://www.qib.com.qa/arabic/site/topics/article60da60da1.html

ورابط الكيومايلز:

http://www.qatarairways.com/privilegeclub/en/partner-credit-cards.html

وتقدرين تختاري الي يناسبج.

أنا اخترت الوطني لأنه بالمجان. ما في رسوم تجديد بطاقة كل سنة.

الله يوفق الجميع.

[تحداني]

جزاك الله الف خير يا اخوي ابو احمد
انا ما كنت ادري ان المصرف عنده تعامل مع القطريه ولا فكرت اسألهم لان خدماتهم
الحمد لله والشكر عليها .. حقيقه فرحتني وانا فهمتني الي في فيلاجيو
ان بس عندهم اهما الاشتراك مع القطريه

هاذي فايده من يستشير الغير
من باجر انا في المصرف .. وسبب الحاحي لاني كثيره السفر
ومعظم تذاكر البيت من بطاقتي القطريه
فعشان جي حرصي عليها وايد


شكرا وايد
الله يرضى عليك ويجملك برضاه

[Abo Ahmed]

كيومايلز مباركة إن شاء الله :victory:

[بو خليفه 123]

الآن البنوك المنافسه هما من يحمل الكيو مايلز في الوطني و الـ 5% الاسترجاع النقدي في الدولي ..

التجاري لم يجدد مع القطريه العقد .. هذا هو السبب الوحيد .



الحين بعد قرار مصرف قطر المركزي الجديد لا يمكنك استخراج كريدت كارد بدون تحويل راتبك الا اذا فتحتي حساب توفير لديهم حتى يقوم البنك بحجز 125% على اللمت المطلوب من العميل



مثال ..


اذا العميل يبغي لمت بالبطاقه بـ 10 آلااف .. يجب ايداع 12500رق ليتم الحجز عليها .

ساعتها بأمكانك الاستفاده من الكيو مايلز لدى بنك قطر الوطني . و كل ماعلت البطاقه كل ما استفدتي من الكيو مايلز اكثر


البلاتينيوم على كل ريال تحصلين على 1 كيو مايل

الذهبيه اتوقع على كل 2 ريال تحصلين على 1 كيو مايل


و هكذا ..


نسبة الفائدة الآن : 1%



جملك الله برضاه :shy:

[eXpert*]

نفس الشئ وصلنيّ ، مع الأسف .

الحين بشوف الوطنيّ أو مصرف قطر الإسلاميّ .

[eXpert*]

للعلم شكلي بلغي بطاقتي عندهم طالما هذه إسلوبهم.

المفروض يشجعون العملاء على الإستمرارية ،، مع العلم التجاري من أروع البنوك في خدمة العملاء ،، ويحلون أي عراقيل تواجه العميل ,

بس في نفس الوقت أنا كعميل أبحث عن المنتج الأفضل .

[eXpert*]

الآن البنوك المنافسه هما من يحمل الكيو مايلز في الوطني و الـ 5% الاسترجاع النقدي في الدولي ..

التجاري لم يجدد مع القطريه العقد .. هذا هو السبب الوحيد .



الحين بعد قرار مصرف قطر المركزي الجديد لا يمكنك استخراج كريدت كارد بدون تحويل راتبك الا اذا فتحتي حساب توفير لديهم حتى يقوم البنك بحجز 125% على اللمت المطلوب من العميل



مثال ..


اذا العميل يبغي لمت بالبطاقه بـ 10 آلااف .. يجب ايداع 12500رق ليتم الحجز عليها .

ساعتها بأمكانك الاستفاده من الكيو مايلز لدى بنك قطر الوطني . و كل ماعلت البطاقه كل ما استفدتي من الكيو مايلز اكثر


البلاتينيوم على كل ريال تحصلين على 1 كيو مايل
الذهبيه اتوقع على كل 2 ريال تحصلين على 1 كيو مايل


و هكذا ..


نسبة الفائدة الآن : 1%



جملك الله برضاه :shy:

هذا أول يا الغاليّ ،، الحين الأرقام تغيرت بسبب القدرة الشرائية للفرد .

* معدلات كسب الأميال مقابل المشتريات:

•البطاقة البلاتينية - 1 كيومايل لكل 6 ر.ق تنفق

•البطاقة التيتانيوم - 1 كيومايل لكل 8 ر.ق تنفق

•البطاقة الذهبية - 1 كيومايل لكل 8 ر.ق تنفق

•البطاقة العادية - 1 كيومايل لكل 10 ر.ق تنفق


أعتقد راح أقدم طلب على مصرف قطر الإسلاميّ .

أولاً : لأن نسبة الدفع 100% (ما في أشي فوائد) .

بطاقتهم تعطي 1 كيومايلز مقابل كل 5 ر.ق تنفق .

عيبهم الوحيد مصاريفهم العالية في الإصدار والتجديد .

(على قولة القائل : الحلال دوم غاليّ)

[بو خليفه 123]

هذا أول يا الغاليّ ،، الحين الأرقام تغيرت بسبب القدرة الشرائية للفرد .

* معدلات كسب الأميال مقابل المشتريات:

•البطاقة البلاتينية - 1 كيومايل لكل 6 ر.ق تنفق

•البطاقة التيتانيوم - 1 كيومايل لكل 8 ر.ق تنفق

•البطاقة الذهبية - 1 كيومايل لكل 8 ر.ق تنفق

•البطاقة العادية - 1 كيومايل لكل 10 ر.ق تنفق


شكراً على الافاده يالغالي ..

انا ذكرتها من باب المثال فقط و كتبت "اتوقع"


و اتفق معك القوه الشرائيه و نسبة الوافدين سبب في ارتفاع الشروط


شكراً مره اخرى

[تحداني]

الآن البنوك المنافسه هما من يحمل الكيو مايلز في الوطني و الـ 5% الاسترجاع النقدي في الدولي ..

التجاري لم يجدد مع القطريه العقد .. هذا هو السبب الوحيد .



الحين بعد قرار مصرف قطر المركزي الجديد لا يمكنك استخراج كريدت كارد بدون تحويل راتبك الا اذا فتحتي حساب توفير لديهم حتى يقوم البنك بحجز 125% على اللمت المطلوب من العميل



مثال ..


اذا العميل يبغي لمت بالبطاقه بـ 10 آلااف .. يجب ايداع 12500رق ليتم الحجز عليها .

ساعتها بأمكانك الاستفاده من الكيو مايلز لدى بنك قطر الوطني . و كل ماعلت البطاقه كل ما استفدتي من الكيو مايلز اكثر


البلاتينيوم على كل ريال تحصلين على 1 كيو مايل

الذهبيه اتوقع على كل 2 ريال تحصلين على 1 كيو مايل


و هكذا ..


نسبة الفائدة الآن : 1%



جملك الله برضاه :shy:





الله جابك يا اخوي وانت اخبر ابهالامور مني انا الغلبانه
ليش ما جدووا العقد ؟؟ والله انا كنت وايد راضيه عليهم واموري طيبه معاهم وآخر حلاوه
ارباك العميل يفقد الآمان في التعامل معهم في السنوات القادمه :(


اذا كان القرار عن طريق المصرف المركزي
اذا على العين والراس مالنا بد منه غير انه نقول حاضر .. بس العروض الي قاعد يقدمها لي الوطني مو عاجبتني .. اصلا هم بالاساس يبطون الجبد
وماخذتهم المروءه والغرور لدرجه يشوفون البنوك الثانيه ولا شي

انا بروح مصرف قطر الاسلامي كل تعاملاتي البنكيه من راتب وغيره عندهم
احس انه احسن اشرايك ؟؟


شكرا على الرد المستفيض << يارب تعدي هالكلمه على خير لان بعض الناس شغالين تدقيق املائي ولغوي وطالعين عن صلب الموضوع


جملك الله برضاه

[مهل]

وش لج بالبحر و اهواله ... بنك ربوي الله لا يبلينا ولا يبليكم . مهما كان السبب حتى لو نقاط على القطريه ،، الي مابي اسبها حسوفه فيها الاسم بس.

المهم ما اوصيج بان السداد يكون اخر الشهر بنسبه ١٠٠٪ عشان ماتدخلين في الحرام .

------------

يقول الرسول صلى الله عليه وسلم: "إن الحلال بيّن والحرام بيّن، وبينهما أمور مشتبهات لا يعلمهن كثير من الناس، فمن اتقى الشبهات فقد استبرأ لدينه وعرضه، ومن وقع في الشبهات يوشك أن يقع في الحرام، كالراعي يرعى حول الحمى يوشك أن يقع فيه، ألا وإن في الجسد مضغة إذا صلحت صلح الجسد كله، وإذا فسدت فسد الجسد كله، ألا وهي القلب.

[تحداني]

هذا أول يا الغاليّ ،، الحين الأرقام تغيرت بسبب القدرة الشرائية للفرد .

* معدلات كسب الأميال مقابل المشتريات:

•البطاقة البلاتينية - 1 كيومايل لكل 6 ر.ق تنفق

•البطاقة التيتانيوم - 1 كيومايل لكل 8 ر.ق تنفق

•البطاقة الذهبية - 1 كيومايل لكل 8 ر.ق تنفق

•البطاقة العادية - 1 كيومايل لكل 10 ر.ق تنفق


أعتقد راح أقدم طلب على مصرف قطر الإسلاميّ .

أولاً : لأن نسبة الدفع 100% (ما في أشي فوائد) .

بطاقتهم تعطي 1 كيومايلز مقابل كل 5 ر.ق تنفق .

عيبهم الوحيد مصاريفهم العالية في الإصدار والتجديد .

(على قولة القائل : الحلال دوم غاليّ)




الله ينور عليك يارب .. كنت بعلق على اخوي بوخليفه 123 واسأله ليه الالتزامات الماديه لاصدار بطاقه من ناحيه تجديدها الى تغيرها الى حتى البقيه منها عاليه في المصرف الاسلامي .. في حين كانت هالامور ملغيه تماما في البنك التجاري بالرغم من سدادي للبطاقه 100% كل شهر

وهاذي مناسبه اسأل حضراتكم .. ليه المصرف ياخذ منه كل هالرسوم
في حين التجاري ماكان ياخذها ؟؟

وليه المصرف في تجديد البطاقه يكون عندهم سنوي وياخذون عليه رسوم ايضا .. بخلاف التجاري ما كانت تنتهي البطاقه الا بعد 4 سنوات وايضا بدون رسوم ؟؟

وعلى طاري الحلال غالي هو احنه بالاساس ما راح ناخذ من الوطني شي ويقول لي الوالد
نسبه الفوائد انتي عارفه الاساس من الوديعه فقومي وطلعي الفوائد الزايده ومافي مشاكل
بس هم مو مقتنعه بفكره ايداع مبلغ وحساب توفير


شكرا على الرد الله يرضى عليك
وجملك الله برضاه

[تحداني]

للعلم شكلي بلغي بطاقتي عندهم طالما هذه إسلوبهم.

المفروض يشجعون العملاء على الإستمرارية ،، مع العلم التجاري من أروع البنوك في خدمة العملاء ،، ويحلون أي عراقيل تواجه العميل ,

بس في نفس الوقت أنا كعميل أبحث عن المنتج الأفضل .



انا وايد متضايقه لانهم الغوا هالخدمه خاصه تعاملهم وايد سلس
والاحلى ماعندهم اي تعقيدات ماليه ابدا ابدا
ورحت استفسر ومافي احد منهم عطاني جواب عشان جي قلت اسألكم يمكن انتوا ادرى
الا والقى احد يشتغل هنا وهناك


جملك الله برضاه

[تحداني]

وش لج بالبحر و اهواله ... بنك ربوي الله لا يبلينا ولا يبليكم . مهما كان السبب حتى لو نقاط على القطريه ،، الي مابي اسبها حسوفه فيها الاسم بس.

المهم ما اوصيج بان السداد يكون اخر الشهر بنسبه ١٠٠٪ عشان ماتدخلين في الحرام .

------------

يقول الرسول صلى الله عليه وسلم: "إن الحلال بيّن والحرام بيّن، وبينهما أمور مشتبهات لا يعلمهن كثير من الناس، فمن اتقى الشبهات فقد استبرأ لدينه وعرضه، ومن وقع في الشبهات يوشك أن يقع في الحرام، كالراعي يرعى حول الحمى يوشك أن يقع فيه، ألا وإن في الجسد مضغة إذا صلحت صلح الجسد كله، وإذا فسدت فسد الجسد كله، ألا وهي القلب.




عليه الصلاه والسلام .. صادق يا اخوي ما نبي الحرام بس انا بإذن الله بعيده عنه
لان فعليا انا ما استخدم ولا استهلك ولا اصرف ريال واحد من عندهم وسدادي دائما يكون بتاريخ 15 الشهر واطلبها 100% مهما كان المبلغ وعمري ما دخلت في قضيه المخالفات المتأخره او السداد المتأخر

ليه خذت هالبطاقه ؟؟
خلني اقول لك ليه لاني كثيره السفر وهاذي سببها العمل ويتطلب مني فواجهتني مشكله في العمل انهم ما يعطوني مرافق إمرأه وانا الوالده معاي في كل سفراتي في هالحاله أخذها على احسابي .. فالنقاط توفر علي كثير .. ولو حبيت استفيد من قيمه المرافق اخذ واحد من اخواني والوالده واحط من ذاك على هاذي

غير هذا ايضا ازور جدتي وايد في دبي في السنه اكثر من مره
وتعطيني هالبطاقه امتيازات الدرجه الاولى وغيرها وغيرها
فعشان جي خذتها .. ولا انا مو عاشقه شي قي بنوكهم


الله يرضى عليك ويجملك برضاه

[Abo Ahmed]

انا وايد متضايقه لانهم الغوا هالخدمه خاصه تعاملهم وايد سلس
والاحلى ماعندهم اي تعقيدات ماليه ابدا ابدا
ورحت استفسر ومافي احد منهم عطاني جواب عشان جي قلت اسألكم يمكن انتوا ادرى
الا والقى احد يشتغل هنا وهناك


جملك الله برضاه

فعلا، البنك التجاري بنك راقي في تعامله. أنا تفاجأت بفك التعامل بين البنك والقطريه.

بس الموضوع جدا سهل مع الوطني.

كل المطلوب منج فتح حساب توفير ووضع مبلغ وديعة ومن ثم التقدم بطلب البلاتينيوم كارد، ونجوم كارد.

الوديعة لازم تكون بحدود الخمسين ألف ريال للحصول على البلاتينيوم.

بالنسبة إنه بنك ربوي، إختاري الدفع بنسبة 100 بالمئة. أما الفوائد إلي تطلع عن الوديعة، تقدرين تحسبينها وتضعينها في صندوق التبرعات.

الله يتقبل منا ومنج صالح الأعمال.


تحياتي.

[تحداني]

^
^

لالا انا ما ابي البنك الوطني شروطهم مالها معنى الحين انا ما ابي احط وديعه
يمكن انا فقيره امفلسه ماعندي غير راتبي ما عندي افلوي زايده
ليش وديعه خايفين على روحهم بعطيهم ورقه الراتب

خلاص بروح مصرف قطر الاسلامي وبرد حق ربعي اهناك
على الاقل راتبي ينزل عندهم ولا راح يعورون راسي تعالي توفير وتعالي حددي قيمه السداد ولا افتحي وديعه لان في الاساس عندي وديعه وهم اسلاميين وطيبين بعد


بخصوص اسئلتي الثانيه ليش مافيحد رد علي
والله هالقسم تعبني لو كنت حاطه استفساري في الحوار العام كان كلهم ردوا
هالقسم فقير مافي احد يزوره وايد وهالموضوع وايد مهم بالنسبه لي


شاسوي امري لله
بسوي الي قلتوا لي
ونصيحتك في الاعتبار انا سدادي كان دائما 100 % الحمد لله
يعني ما يتهنون ابشي من عندي :)


شكرا على الرد وجملك الله برضاه

[بو خليفه 123]

طلعي الي تحت البلاطه :sneaky:

[تحداني]

يالله صباح خير
ما احب الانانيين الي يحتفظون بالإجابات لنفسهم
يعني شيصير لو جاوبتوني .. ابي اعرف شيصير .. لو موضوعي تعدد وزواج كان خنقتوني من الزحمه

:( شاسوي
ما اعرف شاسوي

انا ابي ليش ؟؟ والكل قاعد يطلع لي أغلاط
تعبت منكم

جملكم الله برضاه

[تحداني]

طلعي الي تحت البلاطه :sneaky:



بلاطنا مكسور ومن امس قاعدين يعدلون فيه لا خلونا إنام
ولا خلونا نرتاح وفوق هذا قال لنا الثمان أمتار أبــ 2500 والوالده معترضه
كل مكان مشاكل وهواش

:(

جملك الله برضاه