بخصوص الي يخاف من قلب من الطيارة ( الفوبيا ) شنو الحل

[سعد آل شريم]

بخصوص الي يخاف من قلب من الطيارة ( الفوبيا )

وشو الحل بارك الله فيكم

[البدع]

يسافر بالسيارة .....

[رُفق المجنّا]

ياخذ دورة قفز حر :nice:

..

لا ألومك ع ذلك وأنا لدي فوبيا من بعض الأمور , ولكن حاول أن تتغلب عليها بنفسك , وأنا في الحقيقة أستمتع إذا مرت الطيارة ع مطبات هوائيّة :)

[تاجر كشخة]

خخخ انا عندي فوبيا من دخول قاع البحر

[رمــش الغلا]

ياخذ دورة قفز حر :nice:

..

لا ألومك ع ذلك وأنا لدي فوبيا من بعض الأمور , ولكن حاول أن تتغلب عليها بنفسك , وأنا في الحقيقة أستمتع إذا مرت الطيارة ع مطبات هوائيّة :)

احسدك :eek5:

انا اموت من الخوف اذا ركبت الطيارة
أمرض ويصيدني القولون لين أوصل بالسلامه :(

ياليت اتشوفون لنا حل والله

[Miss]

ما فيه غير انك اتوكل على الله وتجبر نفسك
مره عن مرة بتتعوود
انا بعد اخاف وكل مره اوصل لين باب الطياره اوقف ويسحبوني هلي
سحاب عشان ادخل :secret:
اييه ولا تقعد عن الدريشه عشان ما تخااف اكثر :rolleyes2:
رحله سعيده سواء كانت بريه او جويه :nice:

[عابر سبيل]

بخصوص الي يخاف من قلب من الطيارة ( الفوبيا )

وشو الحل بارك الله فيكم

مرحبا يا اخوي/سعد
على حسب الحالة و العمر..

فهالمسائل مالها حل واحد بارك الله فيك..
لانها تختلف من حالة لحالة و انسان لآخر..
فيا ريت..لو توصف اكثر عن الحالة..
ممكن باذن الله تجد مساعدة و اجابات
مفيدة..

[Locale]

لين لقيت حل خبرني
اعاني من هالشي لدرجة اني اوتر ابوعيالي معاي مع انه مايخاف لكن بسبتي يتوتر*

[شبح الصمت]

ربط عيونـك وصكر اذانيك قبل لا تطلع الطياره وخلهم يشلون لك كل شيء وانت في وسط الجو

الله يعينكم مافي الا هالحــل

لين تتعود اشوي اشوي

[سعد آل شريم]

يسافر بالسيارة .....


ياخذ دورة قفز حر :nice:

..

لا ألومك ع ذلك وأنا لدي فوبيا من بعض الأمور , ولكن حاول أن تتغلب عليها بنفسك , وأنا في الحقيقة أستمتع إذا مرت الطيارة ع مطبات هوائيّة :)


خخخ انا عندي فوبيا من دخول قاع البحر


احسدك :eek5:

انا اموت من الخوف اذا ركبت الطيارة
أمرض ويصيدني القولون لين أوصل بالسلامه :(

ياليت اتشوفون لنا حل والله


ما فيه غير انك اتوكل على الله وتجبر نفسك
مره عن مرة بتتعوود
انا بعد اخاف وكل مره اوصل لين باب الطياره اوقف ويسحبوني هلي
سحاب عشان ادخل :secret:
اييه ولا تقعد عن الدريشه عشان ما تخااف اكثر :rolleyes2:
رحله سعيده سواء كانت بريه او جويه :nice:

الله يجزاكم خير وبارك الله فيكم وعلى مروركم

[نــــظــــره]

اخوي انا اعرف وحده تخاف من ظلها وعنده فوبيا مب طبيعيه من الطياره تبكي لمجرد ذكر اسمها
ركبت الطياره وهي مغمضه وقعدت وهي تتشهد _شدعوه بتسوين عمليه استشهاديه_
المهم طارت الطياره لين وصلت الى بر الأمان طلعت المشكله ان اصلاً مافي مشكله
مجرد هواجس نزرعها فينا من لا شيء
أنا عن نفسي اذا حسيت بالخوف من شي أجربه عشان يتبدد الخوف

[ام ناصر1]

اول شي لازم تعرف سبب خوفك وتقنع نفسك ان سبب الخوف وهمي ولايمكن يتحقق ....
...وبعدها تقوي قلبك وتزيد عدد سفراتك وحاول تروح بطيران يجعل الرحلة ممتعة ومشوقة
وقبل السفر واثناءه تذكر الله كثيرا لين تطمن ...

[شيط ويط]

يسافر اكثر من مره في فترة زمنية متقاربة .. يعني سفرتين في اسبوعين .. معناته 4 مرات ركوب للطائرة ..

[ANONYMOUS]

منّوم

استشر طبيبك

[بوخالد911]

هلا

لا بد من ذكر الاذكار ودعاء السفر

لو مرين بمطبات هوائية غمض عينك واستمر بالذكرر

[شيط ويط]

وهذا علاج عملي لقيته لك :

إنني إنسان قاربت الأربعين ولا زلت حتى هذه اللحظة أخاف من ركوب الطائرات، وأخاف من الصراصير التي أهرب منها كالمجنون، وأخاف كثيرا من الصعود الى الأدوار العلوية كالبنايات والفنادق لدرجة والله تخجلني كثيرا أمام الناس .
بالله عليكم أن تراعوا ظروفي وتبحثوا لي عن علا ج سهل مهما غلت قيمته فهل يوجد في الدنيا من يخاف أن يسكن ليلة واحدة في فندق فخم بالدور السادس ؟


الأخ الفاضل/ خالد حفظه الله.
السلام عليكم ورحمة الله وبركاته وبعد،،،

جزاك الله خيراً على سؤالك.

أنت تُعاني من مخاوف متعددة، والمخاوف هي علة نفسية لها أسباب سلوكية، كما أنها تتعلق بشخصية الإنسان، ويعتقد الآن أيضاً أن هنالك مواد كيميائية بالمخ ربما تلعب دوراً هاماً في حالة اضطرابها.

العلاج للمخاوف يتمثل فيما يُعرف بالعلاج السلوكي، وهو قائم على المواجهة والتعرض، فمثلاً: بالنسبة للخوف من الطائرات، ابدأ بالقراءة كثيراً عن الطائرات، ثم أكثر من الذهاب إلى المطار لمشاهدة الطائرات وهي تقلع وتهبط، ثم بعد ذلك ستجد أنك أصبحت أقل خوفاً من ركوب الطائرات، ونفس الشيء بالنسبة للصراصير، يمكن أن تبدأ بالنظر لها من بعيد، ثم تقرب نفسك لها خطوة خطوة، ولا بد أن تقنع نفسك داخلياً وفكرياً أنك لست بجبان، وأن هذه فكرة سخيفة.

أما بالنسبة لصعود المباني المرتفعة، فيمكن أن تتخير أي مبنى مرتفع في البلد أو المنطقة التي تعيش فيها، وتذهب في اليوم الأول إلى الطابق الأول، وتقف فيه لمدةٍ لا تقل عن نصف ساعة، وتنظر في الأرض، وتكرر ذلك لمدة ثلاثة أيام، ثم بعد ذلك تنتقل إلى الطابق الذي يليه ثم الذي يليه، وهكذا.

هذه المواجهات السلوكية قد تراها غير فعّالة من الوهلة الأولى، ولكن صدقني أنها قائمةٌ على أسس علمية، وقد أثبتت جدواها العلاجية بحق وحقيقة.

يمكنك أيضاً إجراء بعض تمارين الاسترخاء، التي تتمثل في التنفس العميق والبطيء، مع الاستلقاء المريح واسترخاء عضلات الجسم مجموعةً تلو الأخرى.

العلاج الآخر والمهم أيضاً هو العلاج الدوائي، ومن أفضل الأدوية لعلاج المخاوف دواء يعرف باسم (زيروكسات) أرجو أن تبدأ تناوله بمعدل نصف حبة ليلاً لمدة عشرة أيام، ثم ترفع الجرعة نصف حبة كل عشرة أيام أيضاً، حتى تصل إلى حبتين في اليوم، وهذه هي الجرعة العلاجية التي يجب أن تستمر عليها لمدة ستة أشهر، ثم تبدأ في تخفيض الجرعة بواقع نصف حبة كل أسبوع.

هذا الدواء فعّال جداً، وسليم، فعليك الالتزام به، مع الإرشادات السلوكية السالفة الذكر.

وبالله التوفيق.

http://www.islamweb.net/consult/index.php?page=Details&id=235370

[kopoyashi]

.
.
.


الحل سهل جداً وهو :

* فكر في أن هناك مئات الطائرات التي تطير في السماء الآن ( حتى وانا أكتب لك هذه الكلمات ) والحمدلله كلها وصلت الى وجهتها بأحسن حال
* الطائرات الآن تطورت كثيرا وأصبح من الصعب حدوث خلل في الطائرة.
* الطيار يعرف اذا كانت هناك مطبات هوائية قويه قبل مساقات كبيره جداً فيتجنب الدخول اليها حتى الطائره تعطي تنبيهات بذلك فيتدخل نظام الطائرة في ذلك بتغيير وجهة الطائرة.

أتمنى لكم رحله سعيده

لاتنسى هناك مئات الطائرات تطير حالياً

.
.
.

[QtrGate]

ههههههههه ذكرتوني بالوالده مع ان كل شهر لازم نسافر دبي لاكن لين الحين تخاف من الطياره

[شاهين]

لين ركبت الطياره أموت وأحيا :(

[إينشتاين]

هل تعلم أن الطائرة هي الأكثر أَمناً من أي وسيلة نقل أخرى....

ولسنا هنا بحاجة للكثير من الجهد لبيان هذا .. ببساطة كم مرة نسمع خلال السنة عن حوادث طائرات في العالم اجمع ؟
انه لا تزيد عن بضع حوادث خلال العام او العامين
وبأعداد من الوفيات لايقارن بنسب الوفيات من جراء حوادث السيارات
فكم مرة نسمع خلال اليوم عن حوادث السيارات ووفياته ليس في العالم .. بل هنا في قطر ودول الخليج...

[غزلان]

اخوي انا اعرف وحده تخاف من ظلها وعنده فوبيا مب طبيعيه من الطياره تبكي لمجرد ذكر اسمها
ركبت الطياره وهي مغمضه وقعدت وهي تتشهد _شدعوه بتسوين عمليه استشهاديه_
المهم طارت الطياره لين وصلت الى بر الأمان طلعت المشكله ان اصلاً مافي مشكله
مجرد هواجس نزرعها فينا من لا شيء
أنا عن نفسي اذا حسيت بالخوف من شي أجربه عشان يتبدد الخوف


هذا هو الحل لكل خوف غير طبيعي او مبالغ فيه

كلنا نخاف من الطياره لكن نعرف ان العمر واحد نتوكل على الله و نركب نرتجف من الخوف عني اخذ معاي مصحف اقرا وشوي الا انا هاديه لكن عند المطبات اقرا قرآن وادعيه لين ربي يعديها على خير

[بوخالد911]

هلا



تذكرت من سنتين
كنت راجعا من تايلند
وعندما مررنا بخليج البنغال
الله لا يراوويكم
وكأن في لعبة قطار الموووووووووت


:)

[غزلان]

هلا



تذكرت من سنتين
كنت راجعا من تايلند
وعندما مررنا بخليج البنغال
الله لا يراوويكم
وكأن في لعبة قطر الموووووووووت


:)


و2009 وحنا راجعين من لندن لعبت بنا المطبات لعبه سخيفه :(

[بـــــــنت النوخـّــــذه]

اتخاف من الطياره ؟؟؟

عيل لو الطيار طول الرحله مطبات هوائيه ولي قرب عند المطار يرد يرتفع ويقلب الطياره عشرين مره هالحركه شبتسوي:weeping::weeping:

الله يهديك يالطيار يالي روعتنا اهههههههه000 قلنا خلاص بعد هذا اجلنا يا انطب بالبحر او بالبر هههههه

بس عموما " الفوبيا هذي بتنتهي اذا كلت لك علج وحطيت لك سماعات باذنك وبطلت لك فيلم لحظه الاقلاع 00وبتنسى كل شي لا تركز وانسى انك بالطياره 0

[نتفـه]

ابي علاج انا بعد ,,

[سعد آل شريم]

الله يجزاكم خير وبارك الله فيكم

[dohanumber]

الله يعينك

[نورهان88]

:nice::omg::nice:





حبتين منوم وتنام وماتدري عن شيء إلا وأنت بالبلد لمسافر لها

[(الفيصل)]

يوجد كتاب قد تجده في مكتبة جرير يتعلق بفوبيا الطيران وبه إرشادات وعلاجات لمن يعاني من مثل حالتك

http://www6.0zz0.com/2011/07/19/12/903529688.jpg (http://www.0zz0.com)

وتذكر (قُل لَّن يُصِيبَنَا إِلَّا مَا كَتَبَ اللَّـهُ لَنَا هُوَ مَوْلَانَا ۚ وَعَلَى اللَّـهِ فَلْيَتَوَكَّلِ الْمُؤْمِنُونَ) :)

حفظك الله ورعاك

[غايه الطواش]

في ابره مهدئه يضبرونها قبل الصعود بالطائره ...
بس اهم شي تروح لطبيب وهو يكتبها لك

[ام السعف]

هذا هو الحل لكل خوف غير طبيعي او مبالغ فيه

كلنا نخاف من الطياره لكن نعرف ان العمر واحد نتوكل على الله و نركب نرتجف من الخوف عني اخذ معاي مصحف اقرا وشوي الا انا هاديه لكن عند المطبات اقرا قرآن وادعيه لين ربي يعديها على خير

:nice::nice::nice:

اعرف وحدة تاخذ ابرة تقول ما تسافر من غيرها من عقب المطب اللي
طاحوا فيه :(

[غزلان]

:nice::nice::nice:

اعرف وحدة تاخذ ابرة تقول ما تسافر من غيرها من عقب المطب اللي
طاحوا فيه :(



الله يشفيهم ماينلامون تبين الصج مارتاح الا لين شفت ارض المطار

[Charisma]

اخوي سعد كل شي بيد الله سبحانه وتعالى { قل لن يصيبنا الا ماكتب الله لنا } تيقن تماما من هالكلام..

وانا عندي لك حلين ..

1- اذا بتسافر واول ماتقعد اشغل نفسك بسماع القران { الا بذكر الله تطمئن القلوب }
او
2- تاخذ دوا على شكل حبوب .. لفوبيا الطيران

بس خلني اشرح لك شغله بسيطه كلنا مؤمنين بقدر الله .. كثير ما اتجادل مع ربعي واقولهم ان الطياره ائمن من السياره .. كم صديق وقريب خسرناه في حادث سياره ؟ وقيس بحوادث الطيران

المطبات الهوائيه .. عامل جوي وماله تاثير على " اجهزه ومحركات الطياره" غير الرجه .. تطمن بالنسبه للمطبات الهوائيه

الهبوط والاقلاع يمر بمراحل قبل المباشره فيه للتاكد من السلامه ...في الطيران عموما القاعده الاولى "safety first" ومافي اي تهاون او مغامره او تخمين بالنسبه للسلامه..

اغلب الانظمه والاجهزه في لها "Back up-بديل" في حال لاسمح الله تعطل نظام معين .

واخيرا خل ايمانك بالله قوي واذا بتسافر لاتفكر ولاتشغل عمرك .. توكل على الله

ولاتنسى دعاء الركوب : سبحان الذى سخر لنا هذا و ما كنا له مقرنين و إنا إلى ربنا لمنقلبون
اللهم إنا نسألك فى سفرنا هذا البر و التقوى و من العمل ما ترضى اللهم هون علينا سفرنا هذا و اطوعنا بعده اللهم أنت الصاحب فى السفر
و الخليفه فى الأهل اللهم إنا نعوذ بك من عثاء السفر و كأبة المنظر و سوء المنقلب فى المال و الأهل.

[MAZEN37]

اي انسان يخاف من الطياره
فهو انسان
يخاف من الموت
( اذكروا هادم اللذات)
المؤمن حتى موته خير له والي يؤمن بهالكلام يحمل روحه على كفه
علشان الانسان يتفكر بحقيقة الدنيا
بالنسبه لي اي يوم امر صوب مقبرة ابو هامور ازورها ويه عيالي علشان يسالون
ويفهمون وتقوى القلوب

[بيانو]

مرحباً أخوي سعد ال شريم (والنعم)

قد يكون إستفسارك لأحد الأصدقاء مب شرط أنه أنت هذا الشخص صح

أقول خلها على الله ولا تفكر شلون هادي طايره كده وله أشلون لو وقعت وله أشلون لو المحركات توقفت

أبعد أي شىء فيه ( أش لون ) وفكر فى شىء أخر وهو إستمتاعك بالمكان المراد السفر اليه

وفكر فى الشىء الإجابى وقول سبحان الله و

سبحان الذي صخر لنا هذا
وما كنا له مقرنين
وإن إلي ربنا لمنقلبون

الحين منقلبون هذه بتخوفك تانى :):)

[Rashid554]

http://www.you tube.com/watch?v=7sK-Q_2_NgE

[@north_star@]

الحل حبوب دوار البحر وتنباع بالصيدليات ويفضل اخذها قبل نصف ساعة من الطيران وعطيها برقدة

[ASK2]

ذكرتني في واحد نفسك بس مع كثر السفر تعوود وصار يعشق السفر لكن في البعض صعب يتعود لان يكون عنده الخوف بدرجه كبيره اذكر ان هذا الشخص مره راح للصيداليه وقال في حبه تاخذه اتخليك ريلاكس لكن تحتاج وصفه طبييه فاراح لاقرب عياده نفسيه واوصفوا له دواء نفس الشي يخليه ريلاكس لكن مشكلة الدواء ان امر مؤقت ولا يعلاج المشكله نفسها فعطوه برنامج اعدادي سلوكي لمشكلة الخوف وبعض النصايح اهمها ان يسافر ووايد يتردد واايد على الطيارات يشوفهم شلون تقلع وتهبط يقرى عن الطيارات ويحاول يعرف عنهم
مثل هذه الاشياء وعطوه برنامج استرخاء ..

[كود نمبر]

ذكرتني في واحد من الربع من شدة خوفه من الطياره
يسفر هله في الطياره وهو يلحقهم في السياره
مع ان الطياره امن من السياره

[khaleeji]

حبتين بندول نايت مب داريه بشي لين توصلين

[Right]

حبوب منومة ... وموضوعك خالص :nice:

[قطر دزاين]

اخوي سعد
واحد من الربع نفسك فوبيا وقويه بعد راجع الطبيب وصرف له حبوب قبل ركوب طياره بـ 15 دقيقه

والحين رجال يموت في طياره ويسافر 14 ساعه ما عنده مشكله

[بولينجر]

الحل هو ذكر الله لا يغيب عن لسانك..... وتذكر انك اينما تكون تحت رحمة الله.....

[jasjar85]

اخوي في بعض الادويه الخفيفة جدا بدون مضاعفات جانبية تذكر.. الافضل ان تستشير طبيب فيها..
وانصحك بالاستماع لبرنامج التغلب على المخاوف للدكتور صلاح الراشد..
دمت سالما..

[ثابت]

اخوي في حبوب مهدية اسمها حبوب الأوميجا لنة اعتقد في حالة الخوف الشديد قد يسبب لك امور خطيرة

فا يفضل تروح لدكتور يوصف لك الحبوب هذي لنها ممنوعة على حسب علمي ولا تنصرف الا لحالات معينة لنها تخليك عادي تسلق جبل و انت اعصابك هادية ... والله اعلم

[سعد آل شريم]

الحمد لله ابشركم رحت لدكتور أعرفة وعطاني دوا وقالي كل يوم أكل حبة الصبح بعد الفطور قبل السفر بيومين .. وقالي هالحبة مايتوزع إلا في المستشفى وفي العيادة النفسية بالظبط واحنا طلبناه لهالحالات فقط .. وعرف حالتي على طوووووول .. وان شاء الله ببدأمن بكرة لان السفر بعد بكرة والله المستعان..

واي واحد يبغي الدواء بطرشله اسم الدكتور ومكانه واسم الدواء ..

وأشكر كل من مر على الموضوع وعلى كل من نصحني أو كل من رد على ولو بحرف .. وبارك الله فيكم

[شميرام]

اول حل الشجاعه ومواجهت الخوف ،، في حال وجود مطبات ذكر الله والاستشهاد لان اذا صار شي وشو احلى من شهاده

الايمان ان اللي كاتب الله بيصير لين جاء الموت لو هو راقد في بيته في سريره وهو سليم في طياره في سياره في البيت كله قدر مكتوب


حلول اخرى لا انصح فيها
الحجز على برنس او اولي اذا في إمكانيه
عند قبل ركوب طياره أخذ حبه منوم عند ركوب الطياره وبعد الاقلاع على طول وضع الكرسي على وضعيه السرير ونوم بهدواء لا تنسون البطانيه
النتيجه غير مضمونه لان تعتمد على الجسم وتقبله للمنوم *

[عاشقة الخور]

أخوي سعد حط في بالك الأعمار بيد الله وعليك بدعاء الأم وانشالله ماعليك شر ... وسفرة موفقة

[ALHAJAJI]

الحمد لله ابشركم رحت لدكتور أعرفة وعطاني دوا وقالي كل يوم أكل حبة الصبح بعد الفطور قبل السفر بيومين .. وقالي هالحبة مايتوزع إلا في المستشفى وفي العيادة النفسية بالظبط واحنا طلبناه لهالحالات فقط .. وعرف حالتي على طوووووول .. وان شاء الله ببدأمن بكرة لان السفر بعد بكرة والله المستعان..

واي واحد يبغي الدواء بطرشله اسم الدكتور ومكانه واسم الدواء ..

وأشكر كل من مر على الموضوع وعلى كل من نصحني أو كل من رد على ولو بحرف .. وبارك الله فيكم



الله يعينك ال شريم ويعينا معاك على هالحالة
انا للحين عشر سنين ما ركبت طيارة :weeping::weeping::weepin

فوبيا الخوف عندي غير طبيعية وكنت قبل لا اسافر بشهر اعيش في حالة رعب شديد.

ممكن تعطيني اسم الدكتور والدواء بارك الله فيك..

[$QTR$]

الله يوفقك أخوي سعد والله أني حاس بشعورك :) بس خلني أفيدك من واقع تجربة بموضوع طويل بس أدري أنه يهمك ويمكن يهم بعض الاعضاء .. انا وأعوذ بالله من كلمة انا صار لي حادث طيران في لبنان سنة 2005 والحمدلله الله سلمنا ومن عقبها صارت عندي مشكلة مع الطيارات وكرهتها بس بدت المشكلة تأثر علي في شغلي يعني ماقدر أسافر اذا طلبوا مني الشغل فبحثت عن الحل مع أني مؤمن بقضاء الله وقدره والحمدلله تخلصت تدريجياً من المشكلة بعد مابحثت عن الاسباب والعلاج من ناس مختصين أولاً : فوبيا الطائرات هي مشكلة نفسية بحته وعبارة عن ثلاث أنواع ,, والنوع الاول : تحس بأن أول ماتركب الطيارة أنك مخنوق بس من تطير الطيارة تصير الامور عادية عندك وهذا النوع من الخوف هين .. النوع الثاني : هو الخوف عند الاقلاع والهبوط فقط وأثناء الطيران تصيرعادية الامور وهذا النوع من الخوف بعد هين أما النوع الثالث : وهو الي يطلع الروح الي تحس اثناء الطيران وفي كل لحظه بأن الطيارة بتطيح ومن تسمع أصوات في الطيارة حتى لو صوت الجرس حق طلبات الخدمة تتلفت وتقول فيها مشكله وبتطيح ههههههه .. عموماً أغلب أنواع فوبيا الطيران تجي من موقف صاير لك قبل .. وأرد أذكرك بأن الموضوع نفسي مجرد وساوس وأفكر تشغل مخك فيها قبل السفر وأثناء السفر .. بس وين الحل .. ثانياً : الحل , عندك أخوي حلاً مثل ماأذكرو الاخوان قبل العلاج النفسي والعلاج الدوائي , العلاج النفسي حسب الحاله اذا كانت بسيطه تتغلب عليها من نفسك بأنك تواجه المشكلة مثل ماصار معاي قعدت مع واحد من الربع طيار مدني وشرح لي عن طريقة الطيران وأجهزة الطيارة وشنو مستوى الامان فيها وعقبها حسيت بأن الامور بسيطه جداً ,, أما الفوبيا الشديدة وفي هذي الحالة تعرض نفسك على طبيب نفسي مهب عشان العلاج الدوائي مثل ماصار معاك لا عشان الارشاد أو فيه مراكز متخصصه في فوبيا الطيران موجوده في الكويت والامارات عندهم برنامج علاجي لمدة شهر ..أما العلاج الدوائي والي ماأنصحك فيه أولاً لانه وقتي وثانياً لأن ممكن تدمن عليه ويخربط لك أمور حياتك ولذلك ماتصرف الا بواسطة دكتور نفسي مثل علاج ( الفاليوم ) وعلاج ( زيروكسات ) .. بس فيه أدوية خفيفة تلقاه في الصيدليات بدون وصفة مهب مخصصه لفوبيا الطائرات بس تعتبر مهداءات ...والحل الأمثل وأنا أخوك التوكل على الله وفي النهاية أسف على الاطالة وتأكد بأن قدر الانسان محتوم وين ماكان وبالتوفيق لك أن شاء الله وللجميع .. تحياتي

[جمال النعيمي]

دعاء السفر اخوي سعد مهم

وتوكل على الله اهم شي

واحب اقولك انك عادي فقط عندك فرط في الامان وهذا شي طبيعي وتحب تكون الامور تحت سيطرتك وليس العكس في طياره انت عبري لو انك قائد طيارة كان اختلف الامر

حاول تعرف اكثر عن عملية طيران راح تشوف انها اثبت من حركة السيارات وتعرضها لمفاجأت طرقات والشوارع


والحبه الي عطاك ايها الدكتور مشهوره في امريكا في استخدمها في السفر لكن تسبب التعود حاسب منها

فقط اذكر الله واقراء ايه الكرسي

واستمتع بكل الوقت وانت في الجو وانظر الى عجائب رب العالمين واعرف انك في يد الله سبحانه سواء كنت على الارض او كنت في السماء

اتمنى لك رحله موفقه

http://blogs.smarter.com/blogs/guests/bon%20voyage.jpg

[هاب الريح]

محدش بيموت ناقص عمر. :rolleyes2:

[غزلان]

محدش بيموت ناقص عمر. :rolleyes2:


عاد الخوف مايعرف هالشي:rolleyes2:

[Dabby]

انا حقيقه وايد اخاف من الطياره لدرجه ان اهلي كل سنه يسافرون واتم قاعده في الدوحه ... لكن الحين انا ادرس برع فا غصبن عني رايحه راده طياره ولا بعفن في الغربه ولا حد بيعطيني ويه ... الحل الوحيد اللي اسويه ان قبل الاقلاع اقعد واحط الحزام واغمض عيوني وارقد ولا اقوم الا بعد ساعه ولا ساعتين وانا في الجو .. ونصيحه لا ترقد قبلها يوم كااامل روح وانت تعبان حدك ... طول السفره بترقد ولا بتحس في الطياره

[بنز]

في ناس جربت وياي كل شي .. وبعد انخاف ..:secret:
كل اشوي انشوف الساعه :eek5:
ولا اذا ظلام وجاك واحد ايدابغ من ورا يبي التواليت .. ايشادخ :eek5:
مشكله والله :rolleyes2:
وراعي القولون الله ايعينه :(
ومن الحره اكل الوجبه كلها عشان اقص على نفسي :weeping:
واقمض عيني ان يعني راقد ومب مهتم :yawn:

لا لا قبل الرحله المزاج زيرو :weeping:

الله يعينا ويرحمنا وايقوينا

[هاب الريح]

عاد الخوف مايعرف هالشي:rolleyes2:

وانت تمون

[شبح الصمت]

اخوي سعد كل شي بيد الله سبحانه وتعالى { قل لن يصيبنا الا ماكتب الله لنا } تيقن تماما من هالكلام..

وانا عندي لك حلين ..

1- اذا بتسافر واول ماتقعد اشغل نفسك بسماع القران { الا بذكر الله تطمئن القلوب }
او
2- تاخذ دوا على شكل حبوب .. لفوبيا الطيران

بس خلني اشرح لك شغله بسيطه كلنا مؤمنين بقدر الله .. كثير ما اتجادل مع ربعي واقولهم ان الطياره ائمن من السياره .. كم صديق وقريب خسرناه في حادث سياره ؟ وقيس بحوادث الطيران

المطبات الهوائيه .. عامل جوي وماله تاثير على " اجهزه ومحركات الطياره" غير الرجه .. تطمن بالنسبه للمطبات الهوائيه

الهبوط والاقلاع يمر بمراحل قبل المباشره فيه للتاكد من السلامه ...في الطيران عموما القاعده الاولى "safety first" ومافي اي تهاون او مغامره او تخمين بالنسبه للسلامه..

اغلب الانظمه والاجهزه في لها "back up-بديل" في حال لاسمح الله تعطل نظام معين .

واخيرا خل ايمانك بالله قوي واذا بتسافر لاتفكر ولاتشغل عمرك .. توكل على الله

ولاتنسى دعاء الركوب : سبحان الذى سخر لنا هذا و ما كنا له مقرنين و إنا إلى ربنا لمنقلبون
اللهم إنا نسألك فى سفرنا هذا البر و التقوى و من العمل ما ترضى اللهم هون علينا سفرنا هذا و اطوعنا بعده اللهم أنت الصاحب فى السفر
و الخليفه فى الأهل اللهم إنا نعوذ بك من عثاء السفر و كأبة المنظر و سوء المنقلب فى المال و الأهل.



الله يجزاك خير

ارحم الله والديك

[بوسلمان 2010]

ايه والله من اسمعك الله يغربل ابليس الطياره

[عابر سبيل]

الحمد لله ابشركم رحت لدكتور أعرفة وعطاني دوا وقالي كل يوم أكل حبة الصبح بعد الفطور قبل السفر بيومين .. وقالي هالحبة مايتوزع إلا في المستشفى وفي العيادة النفسية بالظبط واحنا طلبناه لهالحالات فقط .. وعرف حالتي على طوووووول .. وان شاء الله ببدأمن بكرة لان السفر بعد بكرة والله المستعان..

واي واحد يبغي الدواء بطرشله اسم الدكتور ومكانه واسم الدواء ..

وأشكر كل من مر على الموضوع وعلى كل من نصحني أو كل من رد على ولو بحرف .. وبارك الله فيكم

في حفظ الله و رعايته
في سفرك و حلك
*
*
،،
حقيقة الموضوع مثير
خاصة بعد تصريح عدد كبير من الاخوة و الاخوات
انهم يعانون من هذا العارض..

لذا..اجد يا اخي/ سعد
ان الحل الذي اعطاك اياه الطبيب
ما هو الا علاج سطحي للامر
و فائدته قد تكون مؤقتة...

اتمنى منك و من كل من يعاني من مثله
ان يمتلك الشجاعة لكي يتعالج من هذه المشكلة
من جذورها...

فلا بد ان لها جذور راسخة في النفس
سببت ذلك و تراكمت على الانسان
الى انكبرت و اصبحت بعبعا..

لكن..بحول الله و قوته..
علاجها (النفسي) اسهل مما يتصوره الانسان
المصاب بها..
اما العلاج الكيميائي (حبوب/ ابره..الخ الخ)
و الذي تشير له و اشار له اخرون..
فهو في الغالب ان فائدته غير جذرية
و لن تزيل المرض
بل ستخفي عوارضه الظاهرة
و بصفة مؤقته

[La.Queen]

كل ما يركب الطياره يتخيل انها بتطيح .. لين يوقف قلبه وخلاص انتهى الموضوع ..


لالالا اتغشمر بعيد الشر ... ابعد التفكير عن الاشياء اللي مب زينه ولا تشوف حوادث طيارات وهالسوالف

وسم وتعوذ من الشيطان ولن يصيبنا الا ما كتبه الله لنا :)

[البيرق]

العلاج بدواء مهدي مهم لبعض الحالات في البداية حتى ينقضي الخوف
ويجب على صاحب الحالة ان يسترخي ولا يهتم ويذكر الله وينشغل عن الخوف بالصلاة وبالتسبيح وبرفيق يحب ان يسولف معه اما ان كان متوتر وعليه مسئوليات ويخاف من الارتفاعات ويطل من النافذة فقد اخفق في العلاج
وعندي حالة استخدمنا معاها الدواء لمرتين فقط ومن عقبها صارت الامور عادية جدا

[القلم الصريح]

عليك الايمان بالله واكثر من هالدعاء في الخروج إلى السفر



اللهم إني اعوذ بك من وعثاء السفر(1) , وكآبة المُنقلب(2) , وسوء المنظر في النفس والأهل والمال والولد. اللهم أنت الصاحب في السفر , وأنت الخليفة في الأهل , ولا يجمعهما غيرك , لأن المستخلف لا يكون مُستصحباً والمُستصحب لا يكون مُستخلفاً.*


(1) وعثاء السفر : مشقة السفر.
(2) المنقلب : الموت والآخرة.

[فرحة ايامي]

العلاج في المواجهة اللي يخاف من شي لازم يواجهه بس بالتدريج مش مرة وحده يوقف قلبه - يسمونه العلاج السلوكي أو التعديل السلوكي والفوبيا الخواف المرضي ترى اضطراب الاطباء النفسيين ما يعدونه مرض نفسي وسهل علاجه عن طريق المختصين في الحالات الشديدة ياخذ عقار طبي بس جرعته خفيفة لازم تساعده على اجتياز الخوف الشديد

[chillis]

انا مثلك عندي الفوبيا وبشده سمعت عن دكتور بالكويت اسمه خالد المنهدي تخصص فوبيا طيران واماكن عاليه وايد ناسوا جربوا علاجه واستفادوا راح اجرب انا بالقريب العاجل ان شاءالله

[نتفـه]

ممكن اسم الدكتور واسم الدوا ؟؟؟؟

[فرحة ايامي]

العلاج بدواء مهدي مهم لبعض الحالات في البداية حتى ينقضي الخوف
ويجب على صاحب الحالة ان يسترخي ولا يهتم ويذكر الله وينشغل عن الخوف بالصلاة وبالتسبيح وبرفيق يحب ان يسولف معه اما ان كان متوتر وعليه مسئوليات ويخاف من الارتفاعات ويطل من النافذة فقد اخفق في العلاج
وعندي حالة استخدمنا معاها الدواء لمرتين فقط ومن عقبها صارت الامور عادية جدا

نعم يا البيرق صدقت
لازم دواء جرعته عادة تكون بسيطة لازم عقار طبي بداية أو في الحالات الشديدة بعدين بالانسحاب التدريجي يتوقف الدواء يستمر العلاج السلوكي قد يستغرق عام بدون عقار حتى يتعود الفرد على عدم الخوف يبقى العقار الطبي موجود اذا احتاج لها الفرد

[أسير الاسهم]

انا اول مره ركبت طياره كنت للحين ياهل مراهق وبلحالي بعد .. خايف شوي .. بس اشوف الناس حولي عادي قويت قلبي ومشاا الحال ومن عقبها صرت اخر روقان وانا بالطياره لما اسافر


والبحر صار لي موقف كنت بغرق ومن عقبها صادني الخوف والفوبيا منه .. وعقبها بفتره شوي شوي صرت اتجرى عليه ولا اخاف ليما رجعت طبيعي


حاول تجمد قلبك .. وتذكر ( قل لن يصيبنا الا ما كتب الله لنا )

[عابر سبيل]

العلاج في المواجهة اللي يخاف من شي لازم يواجهه بس بالتدريج مش مرة وحده يوقف قلبه - يسمونه العلاج السلوكي أو التعديل السلوكي والفوبيا الخواف المرضي ترى اضطراب الاطباء النفسيين ما يعدونه مرض نفسي وسهل علاجه عن طريق المختصين في الحالات الشديدة ياخذ عقار طبي بس جرعته خفيفة لازم تساعده على اجتياز الخوف الشديد

جزاج الله خير و في ميزان حسناتج..
شكرا لك على تلبيةالنداء و اثراء الموضوع
بكلام قد عجزت عن ايراده..

و هذا اللي كنت حاب ارشد الاخ/صاحب الموضوع
و بقية من يعانون اليه..
و هو ضرورة مواجهة (خوفهم) و الاستعانة بالمختصين
ان صعب عليهم فعل ذلك (ذاتيا) او بمعاونة احد من افراد الاسرة
او اقرب الاصدقاء لديهم..

المشكلة يا اختي/فرحة..
اعتقد انها تكمن في "الخجل"
خاصة اني اتصور ان اغلب من به هالحالة
هم ناس كبار و راشدينو عقلاء و "اثقال"
و هذا يجعلهم لا يطلبون العون لكي لا تهتز صورتهم
او يسقط شيء من هيبتهم امام من يعرفونهم!

الشكر لك مثنا..و الشكر الجزيل للاخ/ سعد شريم
اللي فتح الباب و خلانا
نعرف ان الحالة لها انتشار
اكبر من اللي نعتقده..

بس كما تشير خبيرتنا النفسيه
الاخت/ فرحه..
العلاج "الجذري" لهالحالة بسيط و متوافر
لكن على الانسان ان لا يتردد
في الدخول فيه...

[عابر سبيل]

انا اول مره ركبت طياره كنت للحين ياهل

اعتقد ان اغلب من يعانون من هالحالة
متأثرين بتجارب قديمة منذ الصغر
و تراكمت عليهم دونان يقوموا بعلاجها..
اما ذاتيا كما حصل لك اخي..
او بالمساعدة من الاهل اوالمختصين..


عليه..فان من يعاني عليه ان
يتشجع لكي يواجه و يظهر
خوفه "الدفين"
و لا يشتكي او يركز فقط
على الاعراض التي تظهر له فقط
حين اضطراره لركوب الطائرة
و تنتهي بانتهاء الرحلة..

[فرحة ايامي]

جزاج الله خير و في ميزان حسناتج..
شكرا لك على تلبيةالنداء و اثراء الموضوع
بكلام قد عجزت عن ايراده..

و هذا اللي كنت حاب ارشد الاخ/صاحب الموضوع
و بقية من يعانون اليه..
و هو ضرورة مواجهة (خوفهم) و الاستعانة بالمختصين
ان صعب عليهم فعل ذلك (ذاتيا) او بمعاونة احد من افراد الاسرة




او اقرب الاصدقاء لديهم..

المشكلة يا اختي/فرحة..
اعتقد انها تكمن في "الخجل"
خاصة اني اتصور ان اغلب من به هالحالة
هم ناس كبار و راشدينو عقلاء و "اثقال"
و هذا يجعلهم لا يطلبون العون لكي لا تهتز صورتهم
او يسقط شيء من هيبتهم امام من يعرفونهم!


الشكر لك مثنا..و الشكر الجزيل للاخ/ سعد شريم
اللي فتح الباب و خلانا
نعرف ان الحالة لها انتشار

اكبر من اللي نعتقده..

بس كما تشير خبيرتنا النفسيه
الاخت/ فرحه..
تسلم بو راشد
العلاج "الجذري" لهالحالة بسيط و متوافر
لكن على الانسان ان لا يتردد
في الدخول فيه...
الفوبيا ما يظهر مرة وحدة أكيد مثل ما ذكر أسير الاسهم يكون عند الفرد وهو طفل بس لانه ما تعالج من الصغر ويكون أسهل يظل معاه ويمكن ما يعبر عنه بسبب الخجل الاجتماعي خاصة عندنا تعبير عجيب نعلمه أطفالنا منذ الصغر بالأخص الذكور - الرجال ما يصيح ما يخاف - فيكتم الطفل خوفه بهذا التعليم ما يعبر عنه لكي يتم تلافي المشكلة0

اذا الله أراد وسمح لي الوقت باتابع معاكم0

بس أبغي أقول ان الواحد بعد ما يعلم نفسه بس على العقار الطبي لان العقارات الطبية النفسية اذا ما كان عليها ضبط وكنترول من قبل الطبيب النفسي ويساء استعمالها قد تؤدي الى الإدمان رغم تصريح الاطباء بغير ذلك0

[عابر سبيل]

بس أبغي أقول ان الواحد بعد ما يعلم نفسه بس على العقار الطبي لان العقارات الطبية النفسية اذا ما كان عليها ضبط وكنترول من قبل الطبيب النفسي ويساء استعمالها قد تؤدي الى الإدمان رغم تصريح الاطباء بغير ذلك0

شجاعة من شخص مثلك ان ينتقد اهل الاختصاص
في مجاله...

و هذا ما انا اقوله و اردده دائما..
و العتب اختي ع الاقل بنسبة 50%
ليس على المرضى او المصابون بقدر ما هو على
الاطباء النفسيين الذين يسارع-أغلبهم-
في البدء بوصف العلاج بالأدوية و الكيماويات
او ما تسمينه "العقار الطبي النفسي"
قبل اي محاولة و سعي لطرق العلاج النفسي الاخرى..

و ازيدك..من تجارب "حياتية"و ليس معلومات علمية..
ان الادوية النفسية قد يكون لها اضرار "جسدية"
و تسبب تلف للخلايا و الاعضاء الداخلية للمرضى
دون ان يشعر بها المريض ولا من حوله من اهله
و لا ربمى الطبيب النفسي المعالج له..

الا بعد ان تستفحل الحالة...
و قد تكون حين اكتشافها ..
ساعة لا ينفع "الندم".

لذا...فإن كان آخر الدواء "الجسدي" هو الكي..
ففي ظني ورأي المتواضع..
ان آخر العلاج النفسي يجب ان يكون
"العقار" و المركبات الكيميائية..للامراض
او الاعراض النفسية..

و عند الضرورة القصوى فقط!

[Charisma]

الله يجزاك خير

ارحم الله والديك

ووالديك ياخوي ويجزيك بالمثل :)

[ALRAYYAN]

أكيد الاستفسار لاحد من صوبك مب لك انت ياسعد لأني اخبرك كثير السفر ماشاء الله

انا اكثر واحد يشوف حوادث الطيران ويقرا عنها وتتابع برنامج على ابوظبي جيوقرافيك اسمه كوارث الطيران

لكن ركوب الطياره عندي متعه مابعدها متعه .. من بداية هالسنة سافرت ٦ مرات يعني ركبت الطياره ١٢ مره بين القطرية والاماراتية

والله اتذكر اخر رحله كانت في ١٠ من هالشهر ووصلنا فوق الدوحه وقال الكابتن نعتذر عن تمكننا من الهبوط بسبب ازدحام حركة الطيران في مطار الدوحه

وخذ له ربع ساعه في اجواء الدوحه وكانت الساعه ١٢ بالليل والقمر شبه مكتمل والإضاءة خفييييفه في الطياره وقاعد جنب الدريشه وكل دقيقتين أشوف طياره ماره حذائه اما فوقنا ولا تحتنا ولا جنبنا ... جو خياااالي

كنت بدعي ان الكابتن ياخذ له ساعه زود فوق الدوحه من كثر ماهي حلوه من فوق

ركوب الطياره متعه .. وأي برج في اي دوله لازم أزوره واوصل قمته مثل ايفيل وخليفه والقاهره ولا اسكن الا في الأدوار العاليه جداً لان كلها متعه


لكن أخاف من ذي اللي ادور في الملاهي ولا في امل أركبها

[تحداني]

خوفي من الطائره مو لدرجه الجرعات او لادويه
بس خوف من المسافات الطويله والانحدارات والارتفاعات الغريه الي تصير ومن المطبات الهوائيه .. في بعض الطيارين جد ما ايعرفون يسوقون ما ادري اشلون اشرحها
وركبت مرتين على الخطوط الجويه البريطانيه تحسفت قلت توبه ابدا مستحيل اكررها


اما بخصوص الاماكن المرتفعه هم اخاف منها
اخاف من الحواف .. اي حافه شي معين
ركبت برج خليفه جاني صداع غريب
رحت على جبال القلب هم ما حبيت التجربه


الالعاب ما ادانيها اكره مدينه الالعاب
ما احب قطار الموت ولا القطارات ولا التشقلبات
ولا شي راسي تحت ورجلي فوق
احس ابخوف شديد شديد شديد ولايمكن اركبها


جملكم الله برضاه

[بـــــــنت النوخـّــــذه]

لا لاتاخذ ابر وجرعات وادويه ليش الوضع مايستاهل اساسا" تتعود على هالمسكان مادري شسمها

خلاص اذا بتسافر ود معاك يهال شياطين بينسونك الراحه والتركيز وبتنسى اصلا اذا انت بالطياره ولا لا اهههه لان بتم اتركض واتسكت واتهاوش فيهم

[المسافره]

مش انت الوحيد

احب ال سفر لكن ركوب الطياره يقلقني والله يقدر قبل ما اسافر بشهر اسمع سقوط طياره

انا المسافره دائما لكن ماقدرت اتخلص من الخوف من الطياره

اللي عنده الحل يقوووول لي

[Charisma]

خوفي من الطائره مو لدرجه الجرعات او لادويه
بس خوف من المسافات الطويله والانحدارات والارتفاعات الغريه الي تصير ومن المطبات الهوائيه .. في بعض الطيارين جد ما ايعرفون يسوقون ما ادري اشلون اشرحها
وركبت مرتين على الخطوط الجويه البريطانيه تحسفت قلت توبه ابدا مستحيل اكررها




اخوي المطبات خارجه عن اراده الطيار .. ومالها اي علاقه "بالسواقه"
الطيار قبل الرحله يكون عنده علم بالمناطق اللي بيمر عليها وفيها مطبات جويه
عشان كذا الكابتن وقت الترحيب بالركاب ينبهم اذا في مطبات في هالرحله او لا..

كل اللي بيد الطيار في حال دخوله منطقه فيها مطبات جوية انه ينقص السرعه لحد معين وينبه الركاب بالجلوس في اماكنهم عن طريق اشاره حزام الامان .. فقط
والمطبات الهوائيه انواع تصنف من 1 الى 9 .. وبامكان الكابتن يقرر ينزل او يرتفع لارتفاع اخر اذا حس ان المطبات الجوية قوية ..

بس بالاخير ماله اي علاقه بـ"سواقه" وغيره لان الطيار الالي يقوم بالواجب في الارتفاعات العاليه :nice:

[الجسراوي]

يا اخوان هالشي زين ... لاتحسبوه شر لكم بل هو خير ....

اللي خاف في الدنيا سلم في الاخره

وصدقوني انا اخاف في الطياره بس ربي يشهد وثت الصج ربي يثبتني وصارت معاي وانا مسافر من باريس الى فيينا وقريب منها صادتنا مطبه انزلت الطياره نزول هبوط قلنا خلاص طاحت الناس تصارخ وانا ماعرفت ولا تذكرت ولا جاني الا الكلمه الطيبه جعلها المولى اخر كلامكم

لا اله الا الله محمدا رسول

سبحان الله جات عفويه

شوفوا الموت واحد والايمان بالقدر خيره وشره نحن مكلفون به والعقيده الصحيحه والتوحيد الخالص كل هالامور استحضرها وقت السفر وراح تنسى الفوبيا باذن الله

[halcrow]

الشباب ماقصرووو وطبعا وصلت للهدف. والمرض نفسي وعلاجه بالعقاقير الخاصه له مثل ما قال أخونا شيط ويط ومثل ماوصفلك الدكتور. وطبعا الحل السريع اذا ماكان معاك الوصفه العلاجيه. ٣ حبات بندول نايت وأمورك عال العال بس تأكد متى تأخذهم لا تروح عنك الطياره ههههه وماتشوف شر

[تحداني]

اخوي المطبات خارجه عن اراده الطيار .. ومالها اي علاقه "بالسواقه"
الطيار قبل الرحله يكون عنده علم بالمناطق اللي بيمر عليها وفيها مطبات جويه
عشان كذا الكابتن وقت الترحيب بالركاب ينبهم اذا في مطبات في هالرحله او لا..

كل اللي بيد الطيار في حال دخوله منطقه فيها مطبات جوية انه ينقص السرعه لحد معين وينبه الركاب بالجلوس في اماكنهم عن طريق اشاره حزام الامان .. فقط
والمطبات الهوائيه انواع تصنف من 1 الى 9 .. وبامكان الكابتن يقرر ينزل او يرتفع لارتفاع اخر اذا حس ان المطبات الجوية قوية ..

بس بالاخير ماله اي علاقه بـ"سواقه" وغيره لان الطيار الالي يقوم بالواجب في الارتفاعات العاليه :nice:




الله يعطيكم الصحه والعافيه يارب ويحفظكم انتوا الطيارين الي دايما سفر وترحال
وينور طريقكم وين ما كنتوا .. اي معليه :) بس والله في بعض منهم ما ادري اشلون
حتى لو في مطبات هوائيه ما ادري اشلون اشرح لك

مثل ما قلتلك ركبت الخطوط الجويه البريطانيه تحسفت ندمت قلت شنو هاي
لا معامله لا شكل لا سواقه :) لا تحذيرات .. لا تنبيهات ما ادري انت اخبر مني
بس الفعل الطيار الآلي هو الي يقوم بكل شي وهو الي يتحكم بكل شي
يمكن لانك طيار اتعرف اتقدر حجم الخوف والأمان بس عامه الناس ما يقدرون يقدرونها مثلك
شوف اشلون الناس في هالموضوع خايفه


يعطيك العافيه يارب ويطرح فيكم البركه
جملك الله برضاه

[رمادي]

امسي على الجميع بالخير

لست خبيرا نفسيا لكني خبير بنفسي .. في مواقف الخوف ومنها ركوب الطائرة
بالاضافه الى ما ذكر الاخوان والاخوات .. من ادعية واذكار وايات تطمن النفس
(الا بذكر الله تطمئن القلوب ) فانا في مثل هذه الحالة دائما اتخيل نفسي انا قائد الطائرة
(الكابتن ) وعلي مسؤولية كبيرة ويجب ان اكون اخر شخص ممكن ان يخاف فتجدني اوزع الابتسامه
المفتعله هنا وهناك واشيع جو المرح خاصة مع الاطفال .. الا تلاحظون ان الاطفال لا يخافون ركوب الطائرة ؟؟
فتجدهم يلعبون ويمرحون ببرائة .. كانهم في ملاهي والعاب

علينا ان نتعلم من الاطفال

اعتقد هذا علاج سلوكي مثلما يقول المختصين لا اؤمن بالادويه مع احترامي لهم
تقبلوا تحياتي

[Charisma]

الله يعطيكم الصحه والعافيه يارب ويحفظكم انتوا الطيارين الي دايما سفر وترحال
وينور طريقكم وين ما كنتوا .. اي معليه :) بس والله في بعض منهم ما ادري اشلون
حتى لو في مطبات هوائيه ما ادري اشلون اشرح لك

مثل ما قلتلك ركبت الخطوط الجويه البريطانيه تحسفت ندمت قلت شنو هاي
لا معامله لا شكل لا سواقه :) لا تحذيرات .. لا تنبيهات ما ادري انت اخبر مني
بس الفعل الطيار الآلي هو الي يقوم بكل شي وهو الي يتحكم بكل شي
يمكن لانك طيار اتعرف اتقدر حجم الخوف والأمان بس عامه الناس ما يقدرون يقدرونها مثلك
شوف اشلون الناس في هالموضوع خايفه


يعطيك العافيه يارب ويطرح فيكم البركه
جملك الله برضاه

الله يعافيك وجزاك الله خير عالدعوات الطيبه..

طيران عن طيران يفرق ياخوي ..
بس اللي كنت حاب اوضحه بردي ان الطيار مايملك اي شي اذا دخل منطقه فيها مطبات هوائيه غير الطريقه اللي ذكرتها بردي السابق..
اهي الرجه والنفضه اللي تصير تسبب الخوف للركاب .. وكان الطياره بطيح او شي من هالكلام.. بس ماله اي شغل ولا حتى له اي تاثير على المحركات او على الاجهزه .. اللهم رجه..وفتره بسيطه.. وعاده مايكون السبب تيار هوائي jetstream او منطقه تتراكم فيها غيوم CBs
الطيار الالي يتحكم بالطياره 90% من الرحله .. الاقلاع يدوي والهبوط في اغلب الاحيان يدوي
يعني اذا بتعاتبونا عالسواقه شوفوا الهبوط :D

بس للامانه موضوع سلامة الركاب من اولويات الطاقم مضيفين وطيارين وشي لايمكن احد يتهاون فيه..
لو شفتوا طياره قريب وبتهبط وارتفعت مره ثانيه لاتحاتون .. لان هالشي يندرج من ضمن السلامه يمكن الطيار يكون لاحظ شي يقدر اهو بقراره ينزلها بس لجل يتاكد 100 % قرر انه يكنسل الهبوط ويرجع مره ثانيه ..
ولو شفتوا طياره وقت الاقلاع وقفت بنص المدرج والغت الاقلاع لاتحاتون.. لان هم اجرائات سلامه ممكن يكون في شي اثر عالاداء.
ولو قريب وبيصير الهبوط والطياره ادور حول نفسها ربع ساعه ولا نص ساعه .. هم لاتحاتون لان هالشي نتيجه الضغط عالمطار ممكن يكون التوقيت فيه زحمه ورحلات كثيره .. كلن ياخذ دورة وينتظر

والله يحفظكم وين ماكنتوا =)

[فرقة الصقور]

في أبر تخدر الهرمون المسئول عن الخوف (تصرف للحوامل عند الولادة) ،بعض حالات المداهمات

خذ لك وحده قبل السفر

[لطآم]

الفوبيا يعني شنو ؟

[مكتوم]

اخوي المطبات خارجه عن اراده الطيار .. ومالها اي علاقه "بالسواقه"
الطيار قبل الرحله يكون عنده علم بالمناطق اللي بيمر عليها وفيها مطبات جويه
عشان كذا الكابتن وقت الترحيب بالركاب ينبهم اذا في مطبات في هالرحله او لا..

كل اللي بيد الطيار في حال دخوله منطقه فيها مطبات جوية انه ينقص السرعه لحد معين وينبه الركاب بالجلوس في اماكنهم عن طريق اشاره حزام الامان .. فقط
والمطبات الهوائيه انواع تصنف من 1 الى 9 .. وبامكان الكابتن يقرر ينزل او يرتفع لارتفاع اخر اذا حس ان المطبات الجوية قوية ..

بس بالاخير ماله اي علاقه بـ"سواقه" وغيره لان الطيار الالي يقوم بالواجب في الارتفاعات العاليه :nice:


الله يرحم والديك

يعني المطبات الهوائية ماتطيح الطيارة كلش ؟!!

[ذكي جدااا]

الله يرحم والديك

يعني المطبات الهوائية ماتطيح الطيارة كلش ؟!!

اذا دش عصفور في محرك الطياارة ممكن تطييح الطياارة عيل اشلون مطب هوااائي الله هو الستااار سبحانه وتعالى.

[مكتوم]

الفوبيا يعني شنو ؟

الخوف والرهبه

يعني خووف مهوب طبيعي :eek5:

[مكتوم]

اذا دش عصفور في محرك الطياارة ممكن تطييح الطياارة عيل اشلون مطب هوااائي الله هو الستااار سبحانه وتعالى.

والنعم بالله

ياويلي لاتروعني زووود
الين اخر مره تميت فالمطار وبندت تيلفوني escape
اسمع ينادون اسمي بالسبيكرات
من زود الروعه تسمرت بمكاني الين جاء واحد من الامن اعرفه الله يذكرة بالخير يشوفني ويضحك
الين دخلني داخل الطيارة وربعي يضحكون

والسبة افلام الطيارات والافلام الوثائقية الخاصة بحوادث الطيران
حسبي الله عليهم

[ALRAYYAN]

والنعم بالله

ياويلي لاتروعني زووود
الين اخر مره تميت فالمطار وبندت تيلفوني escape
اسمع ينادون اسمي بالسبيكرات

من زود الروعه تسمرت بمكاني الين جاء واحد من الامن اعرفه الله يذكرة بالخير يشوفني ويضحك
الين دخلني داخل الطيارة وربعي يضحكون


والسبة افلام الطيارات والافلام الوثائقية الخاصة بحوادث الطيران
حسبي الله عليهم




ههههههههههههههههه تخيلتك وانت متسمر وقاعدين ينادونك ههههههههههه

قو قلبك والمكتوب بيصير .. عسى عمرك طويل

[فتى الجود]

السلام علييكم

سعد

البس مظله وانت راكب الطياره وامورك طيبة

حتى لو طاحت الطيارة

افتح المظله

[مكتوم]

ههههههههههههههههه تخيلتك وانت متسمر وقاعدين ينادونك ههههههههههه

قو قلبك والمكتوب بيصير .. عسى عمرك طويل

عساها مديمة ها الضحكه :nice:


ومن قال يالغالي

[Charisma]

الله يرحم والديك

يعني المطبات الهوائية ماتطيح الطيارة كلش ؟!!


ووالديك ياخوي..

المطبات الارضيه بتقلب سيارتك؟ طبعا لا

نفس الحال بالنسبه للمطبات الجويه .. الطياره ترتفع وتنزل بشي بسيط

اما انها اطيح الطياره؟ لا تطمن.. و الله هو الحافظ :nice:

[بصمة قطرية]

:weeping::weeping:
أكثر وحدة كنت خايفة في الطيارة ..:weeping:
المطبات الهوائية لعبت فيني ..:weeping:
خذت حبة من العيادة اللي في المطار
تهدي الأعصاب شوي بس بعد أخاف .. :weeping:

[بصمة قطرية]

ووالديك ياخوي..

المطبات الارضيه بتقلب سيارتك؟ طبعا لا

نفس الحال بالنسبه للمطبات الجويه .. الطياره ترتفع وتنزل بشي بسيط

اما انها اطيح الطياره؟ لا تطمن.. و الله هو الحافظ :nice:

شي بسيط ..:eek5:
قلبك يرتفع و ينزل معاها .. :weeping:

[chillis]

عن نفسي لو 20 ساعه ماتحرك ولا اكل ولا اشرب ولا ابطل الحزام فعلا نحتاج لعلاج لدرجه اني اكنسل سفرتي قبل ساعتين من روحتي للمطار من الخوف

[واقعي وصريح]

انا شطيت الربع حول 16 واحد عشان نروح شرم الشيخ ومن الخوف رجعت من عند باب الطيارة
2006 كانت اخر سفرة لي بالسيارة :(

[Qt.1]

ماله حل الاا اتوكل على الله وتركب الطياره وتؤمن بان كل شي قضاء وقدر :)

[لطآم]

الخوف والرهبه

يعني خووف مهوب طبيعي :eek5:



أول مره أسمع فيــه :rolleyes2:

[khalid969]

ماله حل الاا اتوكل على الله وتركب الطياره وتؤمن بان كل شي قضاء وقدر :)

يزاك الله خير

[ولد البدر]

انا اخاف عند الاقلاع والهبوط والمطبات الهوائية لكني اشوف وجوه المضيفات إذا خايفين ولا لا واشوف شعور اللي معاي إذا مبتسمين يعني الدنيا بخير