ســنـــــــــــــــــــه و 8 شـهـــــــــوووووور !!!!!

[قطـري كشيـخ]

السلام عليكم ورحمة الله وبركاته

عساكم بأحسن حال

طبعاً العنوان غريب شوي !

انا بفهمكم شنو قصة السنه و8 شهور .....


مواطنه قطريه في عمر 25
سنه و8 شهوووور اتقدم في كل مكاان فالدوله بدون مبالغة كل مكان بمعنى الكلمه , ومافي ولا جهه من اللي قدمت فيهم اطلبوها للتوظيف !!!

هــل هــذا شــي طبيـــعـــي !!!!!!!

لم مواطنه من اهل البلاد ماتلاقي وظيفه في اي جهه حكوميه او قطاع خاص وغيرها يتوظف برمشة عين بس لان عندهم واسطه !!!!!!!!!

والادها والامر انه البنت عليها التزامات بمبالغ كبيره !!


تخيلوا بنت متعلمه وعندها لغه انجليزيه جيده جداً ومواطنه ولها حقوق فالدوله ماتلاقي وظيفة لمدة سنه و8 شهووور !!!


كتبت هالموضوع واتمنى حد يقدر يسوي شي لهالبنت واللي جاد ويقدر "يتوسط لتوظيفها" يراسلني على الخاص


اهل قطر فيهم الخير واللي يقدر يساعد الله يبارك له
واللي مايقدر على الاقل يدعي لها بالتوفيق

[wadha-qa]

للاسف الجهات تماطل اذا اللي مقدم هنده شهاده جامعيه قالوا نبي ثانوي
و اذا هو ثانوي قالوا نبي جامعي !!

[Right]

لا حول ولا قوة إلا بالله العلي العظيم

حسبنا الله ونعم الوكيل

[khaldoon]

الله يوفقها و تلاقي اللي تتمناه

[قطـري كشيـخ]

بالضبط هذا اللي يصير

بس حرااام والله اللي يسونه عيالنا يتلتهووون على مايلاقون وظيفه

[قطـري كشيـخ]

Snyder


اللهم امين
تسلم اخوووي

[قطـري كشيـخ]

khaldoon

مشكور على المرور اخوي

[المسك1969]

السلام عليكم

أسأل الله أن يوفقها... بس سؤال أنت ذكرت أن عليها التزامات بمبالغ كبيرة... شلون وهي بعد ما توظفت؟؟؟

وإن كانت فرضا موظفه من قبل.. فلماذا تركت وظيفتها؟؟ ولترجع لوظيفتها القديمه لأنه كما سمعت يحق للمستقيل أن يعود ألم يكمل خمسة سنوات استقالة وخلال عملها أن كان مب عاجبها تقدر تقدم على وظيفه وان شاء الله تلقى على سعه وتغير شغلها...

وإن شاء الله اخوانا واخواتنا في المنتدى يفيدونك

[(بوطلال)]

ليش ماتشتغل في المدارس المستقله ؟

[قطـري كشيـخ]

اخوي المسك هي كانت موظفه في كيوتل وطلعت على اساس يتتوطف في مكان ثاني وماجاتها الموافقه
وتمت اتدور وظيفه ولين اليوم هي مب لاقيه .

[(بوطلال)]

اخوي المسك هي كانت موظفه في كيوتل وطلعت على اساس يتتوطف في مكان ثاني وماجاتها الموافقه
وتمت اتدور وظيفه ولين اليوم هي مب لاقيه .


اهاا يعني هي الي قطعت رزقها بيدها .

[قطـري كشيـخ]

ااي هي طلعت من كيوتل لان عندها اسباب اجبرتها تطلع

[sendarala]

حسبي الله ونعم الوكيل

لا حول ولا قوة الا بالله


الله يوفقها ان شاء الله

[قطـري كشيـخ]

تسلمين اختي

[(بوطلال)]

ااي هي طلعت من كيوتل لان عندها اسباب اجبرتها تطلع


مالها غير المستقلات اذا محتاجه تشتغل

[عناد2009]

واللي صار لها ٤ سنوات للحين ماقبلوها في اي مكان والسبب تخصصها.. بكالوريوس اعلام محد يبيها؟؟

[المسك1969]

اخوي المسك هي كانت موظفه في كيوتل وطلعت على اساس يتتوطف في مكان ثاني وماجاتها الموافقه
وتمت اتدور وظيفه ولين اليوم هي مب لاقيه .


شوف أخوي أنا انصحك وأنصحها لوجه الله أنها ترجع شغلها حاليا حتى تلقى وظيفه جديده وعقب تخليهم... مهما كانت قسوة العمل اللي كانت فيه أو تسلط من معها مثلا لأني ما اعرف شنو كانت ظروفها لترك العمل

ولكن انسان عنده التزامات مالية ويطلع من شغله ويتلته حرام ظلمت نفسها... خلها ترجع شغلها وعقب تدور أي مكان لأن الحين وااايد يدورون اشغال ومب لاقين

بالتوفيق

[R 7 A L]

اذا كانت جامعية وتبي راتب حلو تروح للمستقلة اي مدرسة فية شواغر كثير

وفي نفس الوقت تقدم على ادارة العمل لتحويلها الى اي شركة مساهمة او بنك

وفي نفس الوقت تقدم على الشؤون الاجتماعية وصندوق الزكاة ومعها كل المستندات الى تبين ان عليها ديون ماراح يقصرون

[Al-Kuwari]

اخوي هي مؤهلها جامعي ولا ثانوي ؟

وشنو تخصصها ؟

اذا كان تخصصها مطلوب فأحتمال اقدر اساعدها ان شاء الله

[Abdullah_89]

مايبون قطريات

يبون اللي يلبسون بنطلون وتنورة قصيره لانها اهي اللي بتمشي الشغل

خلها تجرب مع اداره العمل تنمية القوى العامله الوطنيه يمكن عل وعسى يوضفونها

والله يوفقها يارب

[Chambray]

عادي
زوجتي صار لها من 2005 لين اليوم وهي تدور وظيفه . ولا حصلت !!!!!!!
للاسف مافي واسطة :(

[قطـري كشيـخ]

البنت ثانوية عامه وعندها دوارات كمبيوتر ودورة icdl
وعندها لغة انجليزية ممتازه

[بوالبيض]

الله يوفقها وبكلم لها ناس واذ قالوا لي اوكي بكلمك اخوي فالك طيب ابشر:)

[قطـري كشيـخ]

تسلم اخووي ولا هنت

[FCB 123]

ﷲ ﻳﻌﻴﻨﻬﺎ ﻭﻳﻮﻓﻘﻬﺎ

[مخفي]

الله يوفقها ان شاء الله

اخوي راجع الخاص

[بن جعران]

الله المستعان ياخوي

انا اخوي من سنتين وهو ماتوظف ماخلا هيئه ولا اداره ماقدم فيها ,, كان موظف في البترول وتكالبوا عليه البوهنود والفلبن لانه القطري الوحيد عندهم في القسم ومحد وقف معاه وطلع وهو مابي العسكريه وليومك هذا محد دقله الا شركة حماية :weeping:
خريج علمي فوق ال60 % والانجليزي عنده ممتاز,, بس مانقول الا الله المستعان

[أخت الغالي]

وانا من 4 سنين مالقيت وظيفه اقدم كل سنه

محد رد غير البنووك عن طريق وزارة العمل ....

الصبر مفتاح الفرج

[صفقه]

تحب اكدرك ..

انا جامعي وابو عيال وصاحب بيت وعائله وصار لي سنة قاعد في البيت ماعندي وظيفه وعمري 31 سنة .
لا حول ولا قوة الا بالله بس .. الحمدلله على كل حال .

[بوسلمان 2010]

الله يسهل دربها واظني انه كيتارى يدورون على موظفين لاكن الاجانب ماخلو شي حق اهل قطر الواحد مايمديه


يشتغل ماكمل ثلاث شهور الا وزوجته محصلين لها وظيفه ولا وهي في بلادها وشبابنا وبناتنا الخرجين من


الثانويه والجامعيه كانهم هم الاجانب مالهم اي وظيفة والله قهر الي متى يااصحاب القرار شبابنا وبناتنا ارقود


في البيوت والاجانب يخطون ويبيطون في بلادنا

[المتحدث الرسمي]

......................


شيء عادي هاي يا اختي الفاضله

اللي يكلمج الحين بعد ما تخرج من الجامعه

قعد يعد بلاط بيتهم 11 شهر

لا خلى واسطه و لا بدون واسطه

لين الحمدلله الله فرجها

اكثري من الاستغفار والله بيفرجها عليج ان شالله

[The MooN]

السلام عليكم اخي

خليها تجرب تقدم بالمدارس ،، في وظائف كتير،، سكرتيرة ،، ريسبشن،، مساعدة معلمة وغيرها والراتب لا يقل عن 8000 وانا متاكدة من انها رح تتوظف

ان شاء الله

والله يوفق الجميع

[[vip]]

عادي أنا تخرجت من الجامعه بتقدير جيد جداً وقعدت سنه ادور شغل


وش الجديد الله يعين ماعندك واسطه قشر بصل

[نوفا91]

الله يفرج همها ..

[Frosty]

الله يعينها الصراحة ..

[Frosty]

السلام عليكم اخي

خليها تجرب تقدم بالمدارس ،، في وظائف كتير،، سكرتيرة ،، ريسبشن،، مساعدة معلمة وغيرها والراتب لا يقل عن 8000 وانا متاكدة من انها رح تتوظف

ان شاء الله

والله يوفق الجميع

واللي مايحب قطاع التدريس شيسوي؟!!

[القطري111]

الله يوفقها من عالي سماة ويكتب لها الى فية الخير
اامين

[The MooN]

واللي مايحب قطاع التدريس شيسوي؟!!

اممممممم؟؟ قلت لي شيسوي!!!

انا بقولك ان المضطر عالشغل بيشتغل اي شي ولا لازم تجي فباله كلمة "احب" و "ما احب"

وسبحان الله ما بتعرف يمكن لما تبدا الله ييسرلها شي امر او تتعرف على احد تاني يفتح لها المجال للمنصب الي تطمح له :)

وبالتوفيق
:)

[نتفـه]

ما اقول الا حسبي الله ونعم الوكيل و ان شاء الله تلقى البنت الوظيفه وما يقصرون الاعضاء ..

[بنت قطريههه]

انا لي ثمان سنين والله الشاهد علي ،. قدمت على كل المدارس المستقله سنويااا وماوظفوني وعندي شهادات بتقدير امتياز ،، بس ماقول غير حسبي الله ونعم الوكيل .

[أين الحل ؟]

عادي أنا متخرج من عشر سنوات ( تخصص كــــــــيـــــمياء ) وأول ما تخرجت حاولت أعمل في مجال دراستي ما لقيت لا في البترول ولا في اي قطاع اخر حتي يومنا هذاوانا أكافح للعمل في مجال دراستي .
وأنا الحين شغال في مجال توجيهي اجتماعي يختلف عن مجال تخصصي لأن الحاجة أم الدنيا .

وأول من حاربني في عدم التوظيف في مجال تخصصي هم المسؤولين القطريين والله يوجد عندهم نقص في الاقسام ولا يوظفون القطريين وأولهم ( قسم المختبر الجنائي في وزارة الداخلية ) الى يومنا هذا يوجد نقص في أعداد القطريين والمواظفين القطريين في قسم المختبر الجنائي ينعدون على الأصابع .
والى مش مصدق كلامي يروح يسأل اي مواظف في هذا القسم هل عندكم عدد كافي من المواظفين القطريين ؟هل يوجد عندكم نقص في عدد المواظفين ؟ ويتأكد .

كذلك شركة قطر للبترول منذ قرابة عشر سنوات واحد من ( طـــــــــــــويل العمــــــــــــر ) كان ما يحب توظيف الخرجين القطرين وكان يفضل العمالة الأجنبية فتعبنا من التقديم حتى هرمنا .

القاعدة : تقطير الوظائف = الماء المقطر المتبخر ( h2o)

تقطير الوظائف يعني كلام فاضي وليس له اى معنى من الواقع والحقيقة .

[ابوالكلام]

بخوص التقطير مجرد ذر الرماد في العيون

[bu 3li]

الله يعينها ياريال ,,

زوجتي نفس الحاله متخرجه من سنة 2008 بكلريوس اعلام ولين يومك ذي ما اشتغلت
لا حول ولا قوه .. المشكله يقولون تقطير وتقطير واخرتها تعيينات بالهبل حق الاجانب

[الجوكر90]

السلام عليكم
اخوي ترى فكل دول العالم في بطاله
يعني مب شي جديد
اذا هي عندها ثانويه غيرها وايد بنات جامعيات ومب محصلين اكثر من سنتين
ع الاقل هي عندها شغله قديمه

وبخصوص انها ماقدرت تكمل
اسمحلي هاي مب عذر تطلع بدون مايكون عندها عقد جاهز يعني الغلطه منها
وادري يمكن هي تقرى ردي بس هاي الصج وعشان ماتغلط نفس الغلطه

ولد عمي كان يشتغل فكيوتل ماطلع الا لما حصل عرض ثاني واعلى من راتبه والعقد جاهز بس يحتاج توقيعه

واذا تبي تشتغل فبنك ربوي او اسلامي قولي يمكن اقدر اساعدها

[BoAzozz]

الله يعينج اختي وتلاقين الوظيفه الزينه وترتاحين فيها

----------------------------
لكن الردود وتتجارب الاخوان والاخوات صدمني بشكل كبير
هذي كارثه بمعنى الكلمه
معقوله الي حاصل في بلاد الخير؟قطري مو لاقي وظيفه في بلاده
الكارثه الثانيه ان الوظايف موجوده ولكن محجوزه ان صح التعبير ...

لاحول ولا قوة الا بالله

[Bu 7amad]

عادي أنا متخرج من عشر سنوات ( تخصص كــــــــيـــــمياء ) وأول ما تخرجت حاولت أعمل في مجال دراستي ما لقيت لا في البترول ولا في اي قطاع اخر حتي يومنا هذاوانا أكافح للعمل في مجال دراستي .
وأنا الحين شغال في مجال توجيهي اجتماعي يختلف عن مجال تخصصي لأن الحاجة أم الدنيا .

وأول من حاربني في عدم التوظيف في مجال تخصصي هم المسؤولين القطريين والله يوجد عندهم نقص في الاقسام ولا يوظفون القطريين وأولهم ( قسم المختبر الجنائي في وزارة الداخلية ) الى يومنا هذا يوجد نقص في أعداد القطريين والمواظفين القطريين في قسم المختبر الجنائي ينعدون على الأصابع .
والى مش مصدق كلامي يروح يسأل اي مواظف في هذا القسم هل عندكم عدد كافي من المواظفين القطريين ؟هل يوجد عندكم نقص في عدد المواظفين ؟ ويتأكد .

كذلك شركة قطر للبترول منذ قرابة عشر سنوات واحد من ( طـــــــــــــويل العمــــــــــــر ) كان ما يحب توظيف الخرجين القطرين وكان يفضل العمالة الأجنبية فتعبنا من التقديم حتى هرمنا .

القاعدة : تقطير الوظائف = الماء المقطر المتبخر ( h2o)

تقطير الوظائف يعني كلام فاضي وليس له اى معنى من الواقع والحقيقة .



أخوي اذا لك خاطر تشتغل في تخصص الكيمياء وعندك استعداد طرشلي السي في ماعليك أمر.. حاولت أطرشلك على الخاص بس ماعرف ليش مب راضي يتبطل

[bu 3li]

السلام عليكم
اخوي ترى فكل دول العالم في بطاله
يعني مب شي جديداذا هي عندها ثانويه غيرها وايد بنات جامعيات ومب محصلين اكثر من سنتين
ع الاقل هي عندها شغله قديمه



اسمح لي يالغالي ,, هالشي ندري مب جديد لكنه مب عادي يكون في (قطر)
انت احسب كم قطري فـ البلاد بتعرف اذا عادي ولا لأ .. او ان صح التعبير قطري (في سن العمل)
ترى مب من كثرنا عشان نشوف ناس قاعدين بدون وظايف
البلاد بتنفجر من الاجانب .. شبيصير لو مشوا واحد ولا اثنين وحطوا القطريين مكانهم
شبيصير لو شالوا الدينصورات اللي ماتحركوا من كراسيهم وفي نفس الوقت ماقاموا يعطون وحطوا القطريين مكانهم
شبيصير لو كان فيه رقااااااااااابه وحساب لكل مقصر وتبديله بـ قطري ثاني محتاج للوظيفه وخايف ربه فـ شغله ومحلل راتبه

ترى الحلول كثيره لكن للأسف احس المسؤولين عن هـ الشغله مب حابين الخير لاهلهم ( اهل البلاد ) وفي نفس الوقت .. مافي متابعه دقيقه لـ مسألة التقطير

يخلون العالم بدون وظايف .. وقبل لايطلع تقرير بـ نسبة القطريين فالشركه او الوزاره .. راحوا عينوا لهم كم موظف في وظايف (غير اختصاصيه مالها مستقبل) وقالوا احنا يبنا النسبه المطلوبه

[أين الحل ؟]

أخوي اذا لك خاطر تشتغل في تخصص الكيمياء وعندك استعداد طرشلي السي في ماعليك أمر.. حاولت أطرشلك على الخاص بس ماعرف ليش مب راضي يتبطل


تم بعث رسالة على الخاص وشاكر مرورك .

[راقي]

..!! ويييييييييييييييه عندنا وعندك خيرر

الله يوفقها انشالله واذا هي محتااجه تقدم على المدارس يقبلون ومافي احب وماحب :)) اذا هي صاجه ومحتااجه