متحرش جنسي في جنغل زون

[بن لادن]

السلام عليكم ورحمة الله وبركاته

يوم السب واحد من الربع شهد واقعة القبض على متحرش جنسي في جنغل زون ، والقصة ان كان في واحد باكستاني مع عائلته في العاب جنغل زون ولاحظ حركات غريبة ، وكان شاب ولابس لبس سبورت وجمسة معضل ، فحط العين عليه وفجأة شافه يسوي حركة حق بنت عمرها مايزيد عن 13 سنة ، المهم راح له وصار تشابك بالأيدي وجاوا الأمن وبعدها هرب ، وجات دوريات الشرطة اللي فالمجمع ودوروه فالمواقف وحصلوه وتم القاء القبض عليه .

الحذر الحذر الحذر ياجماعة الخير ، لاحد يهمل عيالة ويروح عنهم .

واذا لاحضتوا اي رجال بدون عائلته داخل الألعاب من حقكم اتنادون الامن وراح يطردونة ..

للعلم الموضوع كامل في مركز أمن الريان .. وانا بنفسي تأكدت من الموضوع وتابعت بعض تطوراته ..

والمفروض مثل هذي الاخبار تنشر فالجرايد لأخذ الحيطة والحذر ..

تحياتي للجميع

[Right]

وبيض الله وجه الباكستاني ... أنشهد أنه رجال

فعله طيب

[المسك1969]

يمه الله المستعان شنو وحوووش

والبنات يا امهات ويا اباء رجاء لبسوهم عدل وخافوا الله فيهم

الله يجزاك خير على التنبيه

[R 7 A L]

سلامي والله على الباكستاني
دفعة دينه وانسانيتة


شكراً على التنبيه

[ANONYMOUS]

زبدة الموضوع

لاحد يهمل عياله

[المحقق كونان]

بيض الله وجه الباكستاني

[لطيف الروح]

عمري يا المشعاب يلعب على نفوخه

[Locale]

استغفر الله الله يبعد هالاشكال عن بلادنا

[Abdullah_89]

زبده الموضوع مو لحد يهمل عياله

زبده الموضوع لاتخلون عيالكم يطلعون بروحهم مع الخدم والسواقين تراهم ألعن من اللي برع


الحذر ثم الحذر

ياريت الامهات يفضون نفسهم يوم فالاسبوع عالاقل يطلعون عيالهم هاليوم بدل مايطرشونهم مع السواق والخادمه

[بوحارب]

والله كفو عليه الخان :)

والتحرش في المجمعات موجود لذلك لابد من وجود محرم مع الحريم

[مساهم فنان]

يهبي المصري


وبيض الله وجه الباكستاني ... أنشهد أنه رجال

فعله طيب


بيض الله وجه الباكستاني ... ولا تنسوا الباكستاني فريمان اللي أنقذ في سيول جدة 14 شخص ثم مات غريقا ...

[Right]

بيض الله وجه الباكستاني ... ولا تنسوا الباكستاني فريمان اللي أنقذ في سيول جدة 14 شخص ثم مات غريقا ...



الله يرحمه ويسكنه فسيح جناته

اللهم آآآآآآمين

[القحطاني505]

بيض الله وجه الباكستاني

والله يجعل ما قام به في ميزان حسناته

ونكرر يا معاشر الآباء والأمهات انتبهوا لأطفالكم فهم أمانة في أعناقكم

[HADi]

فعلاً زبدة الموضوع لاحد يهمل عياله

[بوحسن 779]

عاش الخان راعي مواقف رجوليه في كل مكان

[Miss]

يا سااتر

الله يستر على بناات المسلمين من مثل هالمجرمين

[حليتان*]

لا حول ولا قوة الا بالله

[FCB 123]

سلامي والله على الباكستاني
دفعة دينه وانسانيتة


شكراً على التنبيه

انا اشهد انه رجال وعنده غيرة

[بـــــــنت النوخـّــــذه]

زبدة الموضوع

لاحد يهمل عياله

:nice:

السالفه لاتهملون عيالكم واستروهم عشان محد يطالعهم ويطمع فيهم

[قــ502ـطرالعز]

الله يستر علينا وعلى عيالنا ه حلال فيه الشوزن وربي بسسسسسسسسس اخ يالقهر

[intesar]

الله يكفينا شرهم وبلاويهم.. يمه موضوع يخرع حيل

[درع الوطن]

ياجماعة ...

والله أني أشوف بنات في عمر الزهور وبادية عليهم علامات الأنوثة .. ولبسهم مفصخ .. وقلة حيا ...

وشلون ماتبون حد يتحرش فيهم .. وأهلهم هم اللي يدللون على بناتهم بهالطريقة ....وفي الأخير يتشكون أنه فيه شباب يتحرشون في بناتهم .... أعوذ بالله من غضب الله

هالمره عدت على خير .. ومسكوا الذيب الأمعط .. بس الله يستر من المرات الجاية ....
والله يستر على بناتنا وبنات المسلمين ... آمين

[بوخالد911]

الله يحفظ فلذات اكبادنا

[night]

استغفر الله العظيم

جزاه الله خير الي بلغ .. ان شاء الله ياخذ جزاه عدل

[بوخالد88]

لاحول ولاقوة الا بالله

الله يحفظ عيالنا من هالمصايب والناس اللي ماتخاف الله

والباكستاني اشهد انه رجال وكفو

ياريت تكون هاذي عبرة للي هامل عياله مع الخدم من غير متابعة وامفكر السالفه فلوس وخدم وخلاص


بالتووووووفيق

[طاش]

الي مع اعيالة ماعلية خوف ولاكن الي همل ....

[الـراسي]

لا حول ولا قوة الله بالله العلي العظيم

[آخر الفرسان]

الموضوع صحيح 100٪

[البدع]

تسلم على الخبر

وياليت هذا الباكستاني يعطى جائزة

ياليت الدولة تدعم هذي النوعية من الناس

[قطري طموح]

بنت عمرها 13 سنه يعني بالغه ومهمله لحالها ؟ والله الخطاء الاكبر يتحمله ولي امرها هداه الله .

[امـ حمد]

الله يبعد هل الاشكال عنا

[النهار]

الخان مايلاعب عضلات تكاواندوا ماعليه والله كفو

[بوسلمان 2010]

مو هم حطو الاختلاط والعوائل مع بعض وقالوها شيبنا الاول خبزن خبزتيه ياالرفله اكليه هذا الانفتاح الله يكفينا


شره ويما بشفون توكم في الحمد

[جاسم القطري]

زبده الموضوع مو لحد يهمل عياله

زبده الموضوع لاتخلون عيالكم يطلعون بروحهم مع الخدم والسواقين تراهم ألعن من اللي برع


الحذر ثم الحذر

ياريت الامهات يفضون نفسهم يوم فالاسبوع عالاقل يطلعون عيالهم هاليوم بدل مايطرشونهم مع السواق والخادمه


:nice::nice::nice:


بيض الله وجه الباكستاني

[khalid Qtr]

انا ما يقهرني الا بعض الي نافخين اجسامهم بهرمونات وحديد

يفكر نفسه صار بطل العالم ومحد يقدر يوقفه

كفو يالباكستاني

[راعي ال VXR]

المفروض كل واحد يشوف نفس هالاشكال اللي يتحرش في بنات الناس يتوقف عند حده ..لكن للاسف الشديد اكثرهم ماعندهم جرأه ويخافون ان الموضوع يمكن ينقلب عليه من قبل الشرطه ويمكن يقولون له انه انت اشدخلك في الموضوع ومن حضرتك .. او للاسف ما يقدر يثبت لهم اللي صار امام عيونه ..والشرطه دائما يبحثون عن الدليل ..

[شبح الصمت]

لا حـول ولا قوة الا بالله

اش هالاشكال المريضـه ..

الله يجـزاه خير اخونا الباكستاني سوو شيء من داخـل ضميره الحـي وغيرته ...

الله يجزى كل انسان تحركت فيه الغيره على فعل خاطئ او امر غير لائـق ...

[@north_star@]

الله يستر على جميع بنات المسلمين وأكيد انه التقصير أيضا موجود من طرف الاهل ......والله يبعد هالاشكال عنا وعن جميع المسلمين

[كازانوفا]

حسبي الله ونعم الوكيل

[ضوى]

الله يحفظ عيالنا وعيال المسلمين اجمعين ياااااااااااااارب

[المتحدث الرسمي]

.......................


الله يستر على بناتنا واخواتنا من هالوحوش


والله يكثر من امثال الباكستاني و الله يستر على هله مثل ما ستر على بنت الناس و كان سبب في حفظ البنت من بعد الله من شر هالمريض

[KHALID J]

الله يحفظ عيالنا

[محمد]

معضل مب معضل .. طاح بيد بتان والله مب احسن له .. تسلم يمينك يا خان :nice:

[محمد]

انا ما يقهرني الا بعض الي نافخين اجسامهم بهرمونات وحديد

يفكر نفسه صار بطل العالم ومحد يقدر يوقفه

كفو يالباكستاني

نفخه على الطل ..
والقوة مفقوده من فوق ومن تحت .. الله لا يبلانا .. ما يسوى عليهم هالابر و البروتينات :secret:

[الحال مايساعد]

يجزاه كل خير

[boamir]

معضل مب معضل .. طاح بيد بتان والله مب احسن له .. تسلم يمينك يا خان :nice:

هههههههههههه اي والله بتاان ماعندهم تفااهم
الله يجزااه خير
والله يستر على بنات المسلمين

[HiTec]

السلام عليكم ورحمة الله وبركاته

يوم السب واحد من الربع شهد واقعة القبض على متحرش جنسي في جنغل زون ، والقصة ان كان في واحد باكستاني مع عائلته في العاب جنغل زون ولاحظ حركات غريبة ، وكان شاب ولابس لبس سبورت وجمسة معضل ، فحط العين عليه وفجأة شافه يسوي حركة حق بنت عمرها مايزيد عن 13 سنة ، المهم راح له وصار تشابك بالأيدي وجاوا الأمن وبعدها هرب ، وجات دوريات الشرطة اللي فالمجمع ودوروه فالمواقف وحصلوه وتم القاء القبض عليه .

الحذر الحذر الحذر ياجماعة الخير ، لاحد يهمل عيالة ويروح عنهم .

واذا لاحضتوا اي رجال بدون عائلته داخل الألعاب من حقكم اتنادون الامن وراح يطردونة ..

للعلم الموضوع كامل في مركز أمن الريان .. وانا بنفسي تأكدت من الموضوع وتابعت بعض تطوراته ..

والمفروض مثل هذي الاخبار تنشر فالجرايد لأخذ الحيطة والحذر ..

تحياتي للجميع

المشكلة لما ينتركون الاطفال مع الخدم
:secret:

[فيزيائية]

المفروض الاهل ينتبهون للبس بناتهم اول شي
بنات شكبرهم ضيق ومزلط ويبون العزوب مايبققون عيونهم
وعلى فكرة بعض الامهات اللي يخلون عيالهم مع الخدم
ويتمشون بالسوق تره بعض الخدم ينتقمون من الاهل بتركهم عرضة للاستغلال
وماننسى ان اللي يشغلون الالعاب رجال يعني الحذر منهم واجب
الله يستر علينا وعلى عيالنا المسلمين .

[خــالــد]

الشرها على امها الي مخليتها ولا تدري فيها مالت عليها من ام

[المسك1969]

الشرها على امها الي مخليتها ولا تدري فيها مالت عليها من ام


صدقت ربي يحفظك وأبوها بعد اللي مخلي الام بروحها ويا عيالها تروح الالعاب

[مكتوم]

سووووووود الله وجهه الوصخ

صحيح الشرهه على الام والاب


وينهم فيه ؟!!



لحد يقول هذي مدينة العاب وبزران والدار امان !!!

[توشيبا]

الله المستعان

[المسافره]

اللي ما تردعه اخلاقه ودينه مايردونه خلق الله الصرااحه الاخلاق عليها السلام ولا حد سالم من مشاكل المعاكسين مثل ذاك اليوم شيبه يلحق النسوان بسيارته ويطرش بلوتوث وهم ياغافلين لكم الله لين طاح باحد خلق الله سنعه وخلاه مايسوى قدام خلقه

[دااانة قطر]

يمه الله المستعان شنو وحوووش

والبنات يا امهات ويا اباء رجاء لبسوهم عدل وخافوا الله فيهم

الله يجزاك خير على التنبيه



اذا اللبس نفسه مب عدل شلون يلبسونهم عدل
الحين اغلب الملااابس عالموضه مرصرصه وكت
الكباار بعبااايات مرصرصه والصغاار بليقينزاات وبديهاات ستريش


الله المستعاان لا كباار ولا صغاار

[Class - Qtr]

نقطه مهمه ’

اتمني تكريم هالبكستاني لانه انسان بمعني الانسانيه اللي اصبحت نادرة

[BoFahed]

شهم والله اخونا البتاني ما قصر وياه مب غريبة عليهم البتان المرجلة

[قطرية حنونه]

اول موضوع اشوفه فيه شكر لواحد اجنبي


ممتــــــــــــــــــــــــــــــــــــــــــــاز

[Rosy]

المفروض اللي يسمحون بدخول للالعاب مايدخلون اي شاب من غير اطفال, والحمدلله الشكر الحين بعض من شبابنا المراهق يجيب اخوه الصغير او عيال اخته يدخلهم ويدخل معاهم !

عقولهم للافكار البطاليه والشيطانيه تشتغل صح

[ahmed203949]

كــفــو البــاكســتِِـاني ,, واللــــه يــزيـــــــد من امثـــالـه ,, وشــكــــــــــــرا ..

[دلة الرسلان]

بالله عليكم شنسوي بناتنا ملبسينهم عبايات وهم فريخات وعيالنا مايروحون اللألعاب الأ وأحنا

معاهم ومع هذا لما تدخل ألألعاب لازم ينقسمون ،الصغار يبغون لعبة غير عن الكبار والصبيان

يبغون لعبة غير عن البنات يعني غصب عنا نتفرق عن بعضهم لذلك لازم تكثيف أمني سيدات

ورجال ويكون فيه تنسيق مع الشرطة واللي ينمسك بالتحرش أو ملاحقة الأطفال أو مضايقة

العوائل تكون له عقوبة مشددة . الله يكفينا شر ها المنحرفيين .