شرطى التراث يبدل اطارات سيارة مقيمين بسوق واقف (( صوره ))

[ابوسعود]

شرطى التراث يبدل اطارات سيارة مقيمين بسوق واقف
http://www.raya.com/mritems/images/2011/7/19/2_582638_1_228.jpg

الدوحة ـ الراية :

فى لمسة تحمل العديد من المعانى السامية قام جندى من شرطة التراث بسوق واقف
بمساعدة مقيمين انفجر اطار سيارتهما فى قلب السوق فى تبديل

الاطار رغم حرارة الطقس وارتفاع نسبة الرطوبة.

بارك الله فيك وكثر من امثالك

[night]

الله يجزاه كل خير شهم الله يكثر من امثاله يارب

تحياتي

[Bin.Yousef]

جزاه الله خير

[غزلان]

جزاه الله خير

يعورون قلبي وقفتهم في هالجو

[سهم مديون]

موقف شهم

[Locale]

والله كفوو

[بوخالد911]

الله يجزيه خير الجزاء

[قــ502ـطرالعز]

تحياتي للرجال الشرطه الاوفياء والله يكثر من امثاله ... انشالله ياخذ جائزه الشرطي المميز هالسنه عاد

[الأستاذ]

رأيي مختلف ..
صراحة ما عنده سالفة .. ورفع ضغطي بهالصورة ..
هاد شغله وقاعد يبدل التاير .. وهم يطالعونه ..
ممكن نبلعها إذا كانت حرمه .. وإلاّ شياب ..
أمّا أثنين شحوط كل واحد يمشي على زنده التيس ..
يبدل لهم التاير .. ليه ؟
لو كنت مسئووله بالشغل أحاسبه على هالعمل ..
ممكن يساعدهم يدّز السيارة وياهم ..ويوخرها عن الشارع ..
أمّا يبدل لهم التاير .. عسى ما شر !!

[هاب الريح]

ما عنده سالفة لأن الخدمة اللي سواها في الموقف نفسة بايخة والمقيم اللي واقف يقدر يضرب جيك ويرفع السيارة والشرطي بعد

[الصاعق الحارق]

لو قطري اختربت سيارته او وبنشرت اؤكد انه هلشرطي رح يبهدل القطري وعلى فكرة صارت لي بسوق واقف سيارة اختربت وقام يتفلسف عليي ....... خلوها على الله

لكن اتوقع انه الاجنبي من نفس جنسه اكيد بيساعده

[ابوسعود]

رأيي مختلف ..
صراحة ما عنده سالفة .. ورفع ضغطي بهالصورة ..
هاد شغله وقاعد يبدل التاير .. وهم يطالعونه ..
ممكن نبلعها إذا كانت حرمه .. وإلاّ شياب ..
أمّا أثنين شحوط كل واحد يمشي على زنده التيس ..
يبدل لهم التاير .. ليه ؟
لو كنت مسئووله بالشغل أحاسبه على هالعمل ..
ممكن يساعدهم يدّز السيارة وياهم ..ويوخرها عن الشارع ..
أمّا يبدل لهم التاير .. عسى ما شر !!



اخوي الاستاذ

لاتحكم على الصوره ولكن اذهب الى ماهو ابعد
ولتمس لاخيك عذراااااااا
ولو عرف السبب بطل العجب
ماعتقد ان الشرطي متملل وقاعد يدور شغل حتى يقوم بخدمة المقيم
ولكن اكيد لديه اسبابه
وفي النهايه ديننا الحنيف يحث على مثل هذه المواقف ولايجب ان نلومه
ونقتل التعاون
وشكرااااااااا

[ابوسعود]

[/B][/U][/SIZE][/COLOR]http://www.raya.com/mritems/images/2011/7/19/2_582638_1_228.jpg

اعتقد بان الشخص الموجود في الصوره وبجانب الشرطي دريول
والمقيمين لايشترون مثل هذه السياره
السوبربان سياره عائليه

[بوخالد88]

الله يعطيه العافية وبيض الله وجه الشرطي

بالتوووووفيق

[ZURICH]

واضح يابوسعود انه دريول والسيارة لعائلة

آيش تتوقعون من رجل امن يشوف سيارة في وسط السوق وسبع البورمبة مايعرف يفك الطاسة

الصورة تعكس خدمة من خدمااات الداخلية المشرفـــــــــة .. يستاهل خيطين على العجــل :)

[ابوسعود]

واضح يابوسعود انه دريول والسيارة لعائلة

آيش تتوقعون من رجل امن يشوف سيارة في وسط السوق وسبع البورمبة مايعرف يفك الطاسة

الصورة تعكس خدمة من خدمااات الداخلية المشرفـــــــــة .. يستاهل خيطين على العجــل :)

:nice: يستاهل خيطين

[الأستاذ]

[/U][/SIZE][/COLOR]http://www.raya.com/mritems/images/2011/7/19/2_582638_1_228.jpg

اعتقد بان الشخص الموجود في الصوره وبجانب الشرطي دريول
والمقيمين لايشترون مثل هذه السياره
السوبربان سياره عائليه

فى لمسة تحمل العديد من المعانى السامية قام جندى من شرطة التراث بسوق واقف
بمساعدة مقيمين انفجر اطار سيارتهما فى قلب السوق فى تبديل



بو سعود ..
أنا ظننت أنك صورت الصورة وأنت أدرى بما فيها ..
وأنت قلت فيما تحته خط .. أنهم مقيمين أنفجر إطار سيارتهم ..
والصورة لا توحي بأنهم يبذلون أي جهد .. سوى التفرج ..
والرجل لابس بدلته العسكرية .. ويضرب جيك ..
وأنا بينت بردي ...إن كانت المساعدة لشايب أو عائلة .. فمقبوله ..
أما لشباب مهما كانوا ..
فيكتفى بالمساعدة في أزاحتها عن الطريق ..
أو بالدعم اللوجستي فقط ..:telephone:
[/B]

[vtc_4.8]

ما عنده سالفة لأن الخدمة اللي سواها في الموقف نفسة بايخة والمقيم اللي واقف يقدر يضرب جيك ويرفع السيارة والشرطي بعد

هههه صدقت
اهم شي وقفته الاخ :nice: :nice:

[سهم طايش]

عيل بكرة لي بنشرت اتصل له يبدل لي التاير !!

في ذمتكم هذي شغلة الشرطي

و المقيم شفيه ؟؟

[M.Alkhater]

استغرب منكم !!

لايعجبكم العجب ولآ آلصوم في رجب ..

الرجال قام بمساعده ..

انا لوشفت واحد متعطل بالشارع بوقف له وبساعده مافيها شي ..

بالعكس جزاه الله خير يمكن الأخ اللي واقف مايعرف يضرب جيك ..

يمكن سوآق بيتهم ويمكن ويمكن ويمكن .. في اسباب وايد ..

لاكن في ناس مادري شسميهم ..

:)

[عندليب قطر]

الله يجزيه خير الجزاء
*

*

[aljaber1]

ربما السياره فيها اطفال وحريم
ودريول جديد او يستهبل وعامل نفسه مايعرف شيء

جزاه الله خير على مد يد العون والمساعدة

[كاروهات]

اللي معترض ومو عاجبه

الله لا يحيج احد لكم .............. اذا كان هذا رايكم

الخدمة - التعاون - حب الوطن - الاخلاص في العمل

ما يعرف قطري / مو قطري
مسلم / غير مسلم

والرجل اللي نزل البير وعبا حذاءه ماي للكلب ركزوا معاي كلب
انا اقول الله يهديكم بس

[امـ حمد]

الله يكثر من امثاله

[الرويـس]

موقف يشكر عليه
واتصور الحكم على الظروف من واقع صورة فقط غير عادل بالمره .

[BIG-VEGA]

الله يعطيه على قد نيته

مايصير تحكمون على الصوره

المعروف ان القطري راعي فزعه ...خصوصا اذا السالفه فيها موتر خربان او مغرز او داعم

والفزعه تكون حدها اذا كانو نسوان في الموتر :shy:

بس بصفه عامه الفزعه دايما موجوده

[بوسلمان 2010]

الله يجزاه كل خير والمقيم الله يصلحه على يده نقش الحنه مايعرف شي ولا بس ايبونه من بلاده ويعلمونه على


اشلون يشغل السياره بس

[سنافي قطر]

واحد من الربع يداوم مع هالشرطي في سوق واقف

يقول الهندي جديد ومايعرف شي والسياره فيها عجايز وأطفال والشرطي ساعدهم

الله يجزيه خير *

[السد]

يجب اعطاء السائق مخالفة عرقلة حركة السير

[jajassim]

جزاه الله خير ،،

[طبعي غير]

اللي معترض ومو عاجبه

الله لا يحيج احد لكم .............. اذا كان هذا رايكم

الخدمة - التعاون - حب الوطن - الاخلاص في العمل

ما يعرف قطري / مو قطري
مسلم / غير مسلم

والرجل اللي نزل البير وعبا حذاءه ماي للكلب ركزوا معاي كلب
انا اقول الله يهديكم بس

انتي كذا :victory:

[qatara]

بارك الله فيه

هذا المنتضر من كل من يكون على وظيفه

ان يساعد الناس

ابرك من شرطي يدور اي زله بدل النصح والمساعده

يركض لك بدفتر المخالفات

[Abdullah_89]

صج صج بطت جبدي الصورة

انا لو منه اخلي هاي الليواقف متخصر يبدل جيك

لا ويمكن اخليه يخم السوق معاه قبل لايطلع

ماعنده سالفه هالشرطي والله


وترى اغلبيتهم يعرفون يصربون جيك ماعليكم منهم فبلادهم يضربون جيك حق سياكل مايعرفون يصربون جيك حق سياره

[بوعلي2]

الله يجزيه خير

[شبح الصمت]

الله يعطيه العافيه

يالربع الصورة الي واقف دريول ...

واغلب الظـن فيه حريـم داخل السيارة..

والدريوليه خبر خير في ضرب الجيـك ..

والرجال على راس عملـه أي وواجبـه أنه يخدم المجتمع وبيض الله وجهـه ...

[Dmy Enabi]

تحياتي
موقف يدل على نفس حرة وكريمة نفس عزيزة لاتنظر لتوافه الأمور كما ينظر إليها البعض ،ولكنها تنظر إلى عظم الأجر والثواب
المضحك في ردود البعض هو تذكري لقصة جحا وابنه والحمار
صدقا رضا الناس غاية لاتدرك

[بيرق_المجد]

جزاه الله خير واضح ان السياره سيارة عايله قطريه والكل منا يحط اهله في هل موقف وساعدهم شرطي ويش بتقول اكيد بتقول جزاه الله خير اللى ساعدهم ويمكن بس اللى سواه ضبط محل الجيك والباقي سواه الهندي ماشفنا اللى صوره وحده والله يكثر من امثالهم

ابيات اخترتها لواحد من الشعراء

النجم لــــــولا موقعـــــه فوق مابــان ............ ولا طاح دك الك الجبال الرواسي

يعني ان بقى ماهـان وان طاح ماهان ........... يعني امتعادل بالوزن والقياســي

[علي رشيد]

الله يعطيه على قد نيته

مايصير تحكمون على الصوره

المعروف ان القطري راعي فزعه ...خصوصا اذا السالفه فيها موتر خربان او مغرز او داعم

والفزعه تكون حدها اذا كانو نسوان في الموتر :shy:

بس بصفه عامه الفزعه دايما موجوده









ههههههههههههههههههههههه مالك حل خخخخخخخخخخخخخخخ

[Alkuwari-33]

من وجهة نظري ان الشرطي يشكر ع التطوع بس بنفس الوقت ما ياخذ كل هالانبهار الاعلامي لان مثل ماذكروا الاخوان ان المقيم كان ممكن يقوم بهالدور بنفسه وعني انا ياما شفت شبابنا يوقفون بعز الحر ويبدلون تواير لناس يحتاجون فعلا هالخدمه الانسانية وماقد شفت حد ذكرهم او صورهم من قبل واتمنى ماتكون مطبوخه من الشرطي متفق مع مصور من الجريدة :)

[المتحدث الرسمي]

.....................


جزاه الله خير الصراحه :)

والله يعطيه على قد نيته


موقف حلو من الشرطي انه يساعد المقيم

ذكرني بموقف حكومه تحب تساعد الدول الاخرى escape

[أين الحل ؟]

اصراحة ما عنده سالفة ليش راعي السيارة ناقص رجل او يد ولا شيبه ولا حرمه . ما كان في داعي يضرب له بنجر لا والأخ قاعد يتفرج عليه .مساكين هل قطر طيبين والله يعلم طيبتهم حتوديهم وين .في هذا الزمن الواحد لازم ما يكون طيب أزيادة عن اللزوم بعدين ينظرب عالى أفاه .

[R 7 A L]

رضى النــــاس غاية لاتدرك

اعجبني اختلاف الاراء هنــــــــــــا

[احساس شايب]

سنافي وفزعه رجال
واضح من السيارة انها سيارة عائلية ودريول ولا يخفى على حد غشامة الدريوليه
فاكبر تحية شكر وتقدير لهذا الرجل

[بوخليفة83]

واحد من الربع يداوم مع هالشرطي في سوق واقف

يقول الهندي جديد ومايعرف شي والسياره فيها عجايز وأطفال والشرطي ساعدهم

الله يجزيه خير *

اذا عرف السبب بطل العجب
الله يجزيه الخير وكثر من امثاله

[مهل]

واحد من الربع يداوم مع هالشرطي في سوق واقف

يقول الهندي جديد ومايعرف شي والسياره فيها عجايز وأطفال والشرطي ساعدهم

الله يجزيه خير *

الله يقويه و موقف شهم و تصرف حكيم .

اذا كانت السالفه كذا اعتقد يجب ان تتم محاسبه الجريده على العنوان الغير دقيق .

اعتقد الصوره و عنوانها شرطى التراث يبدل اطارات سيارة مقيمين بسوق واقف هذي لها ابعاد اخرى خصوصا مع وضع السائق المتفرج .

و ايضا يجب معاقبه الهندي بـ سطار على اذنه ... لانه المفروض ينزل مع الشرطي و يتعلم شلون يحط الجيك و شلون يرفع السياره بدال لا يقعد يتفرج و ينطر السياره متى تخلص .

[أم حمد]

كفوووو

الله يجزاه خير ويكثر من امثاله !

لبعض المعارضين

حتى في اعمال الخير بتعارضون !!

الله يعين وبس

[أم حمد]

اتمنى

ترفيعه فالعمل على هالعمل وشكره امام زملائه

لانه مثال كفووو يحتذى به

ونعم الرجال

[غير مخالف]

الله يقويه و موقف شهم و تصرف حكيم .

اذا كانت السالفه كذا اعتقد يجب ان تتم محاسبه الجريده على العنوان الغير دقيق .

اعتقد الصوره و عنوانها شرطى التراث يبدل اطارات سيارة مقيمين بسوق واقف هذي لها ابعاد اخرى خصوصا مع وضع السائق المتفرج .

و ايضا يجب معاقبه الهندي بـ سطار على اذنه ... لانه المفروض ينزل مع الشرطي و يتعلم شلون يحط الجيك و شلون يرفع السياره بدال لا يقعد يتفرج و ينطر السياره متى تخلص .


حلوة كلمة سطار
أحس أنها كلمة توحي بأن الضربة اطلع صوت أحسن من الكف

[الحال مايساعد]

الموضوع شدني
أولا للشرطي / يجزاك كل خير
ثانيا أعتقد والعلم عند الله ان الشرطي مجرد يحاول يثبت الجيك فقط ، لأن الصورة توضح هذا الشي ، وبعدين الدريول شموديه سوق واقف إلا لو كان في حريم ولا عوايل بالسيارة!!!! وممكن بعد الحريم هم إللي طلبو الشي هذا من الشرطي!!! وبالتالي أعتقد انه في كل الأحوال موقف الشرطي مشرف وهذا هو المعنى الحقيقي للشرطة التراثية ، بشكل عام الشرطي ماهو لبس ولا زي رسمي وإنضباط فقط في الأول ولا الأخير هو انسان تحكمه مشاعر وأخلاق وعوايد
للمرة الثانية أقول حق الشرطي / يجزاك كل خير

[راعي ال VXR]

الموضوع شدني
أولا للشرطي / يجزاك كل خير
ثانيا أعتقد والعلم عند الله ان الشرطي مجرد يحاول يثبت الجيك فقط ، لأن الصورة توضح هذا الشي ، وبعدين الدريول شموديه سوق واقف إلا لو كان في حريم ولا عوايل بالسيارة!!!! وممكن بعد الحريم هم إللي طلبو الشي هذا من الشرطي!!! وبالتالي أعتقد انه في كل الأحوال موقف الشرطي مشرف وهذا هو المعنى الحقيقي للشرطة التراثية ، بشكل عام الشرطي ماهو لبس ولا زي رسمي وإنضباط فقط في الأول ولا الأخير هو انسان تحكمه مشاعر وأخلاق وعوايد
للمرة الثانية أقول حق الشرطي / يجزاك كل خير

بارك الله فيك اخي العزيز
لا سمح الله الواحد لو انحط بنفس الموقف وجاه من يساعده صراحه موقف يثلج الصدر وفعلا مثل ما قالو الشرطه في خدمة الشعب
وجزاه الله خير هذا الشرطي

[Rashid554]

الله يجزاه خير الشرطي وبيض الله وجهه
ولكن الاخوان سواء قطرين او مقيمين اذا مايعرفون يبدلون التاير السياره في شركات الحين تقدم لك خدمة يجون لين عندك يبدلون لك التاير

[سهم احمر]

اكبر غلط الي سواه ها الشرطي - وعكس نظرة غير حضارية للعسكري او الشرطي - عيل كل من هب ودب بضرب له جيك وعلى أي اساس لو شيبه أو امراة

[الصاعق الحارق]

الي عنده جواله يعطيني اياه ويطرشه لي احتياط
ظهري يعورني مقدر اضرب جييك


في الذمه هذي شغله رجل امن ورجل مرور

يعني مايقدر يطلب ونش شرطه ويسحب سيارة لاي مكان


انا ما امنع انه يساعد
يساعد بس في حاله انه يكون مهب على راس عمله

يترك شغله ويضرب جييك هذا المفروض يتعاقب لانه عليه زي عمل ورسمي المفروض انه يحترمه

[مسمس12]

جزاه الله الف خير

[HiTec]

شرطى التراث يبدل اطارات سيارة مقيمين بسوق واقف
http://www.raya.com/mritems/images/2011/7/19/2_582638_1_228.jpg

الدوحة ـ الراية :

فى لمسة تحمل العديد من المعانى السامية قام جندى من شرطة التراث بسوق واقف
بمساعدة مقيمين انفجر اطار سيارتهما فى قلب السوق فى تبديل

الاطار رغم حرارة الطقس وارتفاع نسبة الرطوبة.

بارك الله فيك وكثر من امثالك

الخبر جيد والموقف ممتاز

لكن الي ما افهمه ليش صياغة " مواطن " يساعد " مقيم " ؟؟؟

هذا الي فعلا ما افهمه !

[شبح الصمت]

يالربع يلي تنقدون على الشرطي ..

اشدراكم انه ما حط الجيـك للهندي وخــلاه يكمل ...


بس على الصورة هل احد فيكم شاف انه كمل السالفه بكبرها ضرب له جيـك ..

وترى الموتر موتر عائلة مبين عليـه ...

الشرطي بيض الله وجـه الدور والباقي على الي مافيه خير يمر ولا يوقـف ..

طبعا البعض يوقفون بس الي زابرها حده وكاشخ مافي امل ينزل ..

إلا إذا حصـل موتر فيه بنات اهنيه ما عنده مشكلة لو يتغلغص تحت موترها .. ( البعض )

والسموحه بس في ردود حسست الشرطي انه سوى شيء غلط ..

[ذيب ازغوى]

شوف شلون الهندي واقف يطالعه

قسم بالله مسخرره

اتمنى ان يعاقب باشد العقااب ويتجازا اشد الجزا عشان يكون عبره لغيره لابس الزي العسكري ويبدل بنجر والهنود واقفين على روسه
قسم بالله مسخره

[شبح الصمت]

شوف شلون الهندي واقف يطالعه

قسم بالله مسخرره

اتمنى ان يعاقب باشد العقااب ويتجازا اشد الجزا عشان يكون عبره لغيره لابس الزي العسكري ويبدل بنجر والهنود واقفين على روسه
قسم بالله مسخره



ياخوك بل بل بل


حسستوني انه الشرطي مسوي جريمة ..

في الاول والأخير شنهي وظيـفته .. ( تنظيم السير )

والهندي عرقل السير وراح تصير زحمـه وراح يتحاسب الشرطي ..

فنقول جزاه الله الف خير وبيض الله وجهــه ...

حرك السيـر وريح العائلة الي داخل الموتر ...


:anger1:

[تحداني]

الآن " الاعتراض من البعض هو اعتراض على انه رجل مرور وهذا يتنافى مع أدبيات الزي والمهنه "

ام الاعتراض على " انه مواطن يعمل والمقيم يناظر " ؟؟
ولا الاعتراض على شنو ؟؟

لان انا ما شفت في الموضوع اي بطوليه سوى شئ واحد يستحقه رجل المرور
" ان بيض الله وجهه وبارك الله فيه .. وهذا من طيب اخلاقه وتربيته "

جملكم الله برضاه

[بومحمد911]

ما شاءالله عليه

الله يعطيه الصحه والعافية

والله يعطيهم الصحه والعافية جميع رجال الداخلية

[ابن البيطار]

بارك الله فيه ونعم الرجل

[HiTec]

سنافي وفزعه رجال
واضح من السيارة انها سيارة عائلية ودريول ولا يخفى على حد غشامة الدريوليه
فاكبر تحية شكر وتقدير لهذا الرجل


واحد من الربع يداوم مع هالشرطي في سوق واقف

يقول الهندي جديد ومايعرف شي والسياره فيها عجايز وأطفال والشرطي ساعدهم

الله يجزيه خير *


اكبر غلط الي سواه ها الشرطي - وعكس نظرة غير حضارية للعسكري او الشرطي - عيل كل من هب ودب بضرب له جيك وعلى أي اساس لو شيبه أو امراة

الشرطة في " خدمة " الشعب !!
:secret::secret:

[بو الجوري]

ماحب اللي يتفلسف على الفاضي :..:rolleyes2:

هل كنت موجود :.. ؟
هل شفت الوضع :.. ؟
هل عرفت اللي صااار بعد الصوره هذي :.. ؟


الرجال ما قصر :..
سواء بس ثبت الجيك :.. أو بدله التاير :..

[حصل خير]

جزاه الله خير وفي ميزان حسناته ،، واضح انها سيارة عائلة وهو هنا قدم صورة حسنة لرجل الشرطة المتفاني في عمله وكان بإمكانة أن يطلب "الونش" ولكن لأنه سيتسبب في إرباك السير قام الشرطي بحل عملي يستحق المكافأة عليه ,, وهي مناسبة للإشادة برجال الشرطة في قطر : المرور والفزعة وشرطة التراث وكل أقسام الداخلية وهي أكثر وزارة منظمة في قطر . بارك الله فيكم :nice::nice:

[حصل خير]

الشرطة في " خدمة " الشعب !!
:secret::secret:

صح :nice:

[Abdulraman]

الله يجزاه خير وصراحه يستاهل مكافاه من عمله

[تاجر كشخة]

يالربع في ناس مريضة في هالمنتدى ولا يعجبهم العجب ولا يشكرون الناس على خير بارك الله في هالشرطي الشهم في بعضهم زعل وتنرفز كيف شرطي يساعد واحد هندي ههههه ناس مريضة بقووو اشفيها يالمريضين لما الواحد يساعد الثاني حتى لو كان اقل مرتبه منه التوضع زين وخدمة الناس واجبه

[حليتان*]

لاحول ولاقوة الا بالله

عقليات الله يكافينا :(


بيض الله وجهه فميزان حسناته باذن الله

[حليتان*]

واتمنى ماتكون مطبوخه من الشرطي متفق مع مصور من الجريدة :)

ماشاء الله :nice:

اخوي ممكن تقولي من وين شاري عاقلك شكله من النوعيه الجيده :nice:

بالمنطق لو متفق معاه جان قريت مكتوب فلان الفلاني :anger1: ولا ايش بيستفيد هو :rolleyes2:

[halcrow]

الشرطي الي سواه غلط مفروض يوجهه ان يوقف سيارته في المواقف المخصصة حتى لو امبنشر. ويباشر اعماله الأساسيه. مو من اختصاصاته قيام بأعمال في اثناء عمله او غيرهامه. الأسره او الدريول بامكانهم يتصلون لرب الأسره او لأي شخص ويخلصهم من الموضوع عن طريق كراج ولا غيره فعل الخير ماتنطبق على هالحدث نهائيا

[al-obaidly]

صج الشرطه في خدمه المجتمع اوشفط اموال المجتمع

[hamoor4ever]

انا قطري وللامانه مرتين بنشرت وفي كل مره ينزل لي هندي يساعدني بصراحه بعضهم فيهم خير ، اعتقد السياره فيها حريم والشرطي حب يساعد واللي واقف هندي مايدري شنو السالفه

[q6ri_vip]

لي تعقيب ع كاتب المقال .... شرطي التراث يبدل اطارات مب اطار لسيارة مقيمين ليش مايكتب مقيم صاحب السياره وخلاص ... ترى ورى العنوان مقصد محد يعلم وش النوايه.. للعلم الاغلب يقول هذا الموتر لعائلة هذا شي .
وقفت الهندي وحطت يده ع الخصر ورجله مثنيها وهالوقفه وقفة مثل مانقول عنها دلع ليه مانزل يشوف الشرطي شيسوي بدل مايوقف هالوقفه . طبعا اذا هو السايق .
شرطي الاسواق او حرس السوق بالأصح مالهم علاقه بأي شي خارج عن وظيفته المفروظ يوقفهم عجنب ويشوفون لهم أي حد . ونقوله بالاخير يعطيك العافيه

[المحقق كونان]

الشرطي مب من مهام عملة يبدل البنشر

ممكن و هو يبدل البنشر تنسرق المحلات او يصير شي لقدر الله تعالى

على العموم نقوله .. جزاك الله خير

[Rayane]

ما عنده سالفة لأن الخدمة اللي سواها في الموقف نفسة بايخة والمقيم اللي واقف يقدر يضرب جيك ويرفع السيارة والشرطي بعد

يمكنه ما يعرف يضرب جيك

[mooona]

رأيي مختلف ..
صراحة ما عنده سالفة .. ورفع ضغطي بهالصورة ..
هاد شغله وقاعد يبدل التاير .. وهم يطالعونه ..
ممكن نبلعها إذا كانت حرمه .. وإلاّ شياب ..
أمّا أثنين شحوط كل واحد يمشي على زنده التيس ..
يبدل لهم التاير .. ليه ؟
لو كنت مسئووله بالشغل أحاسبه على هالعمل ..
ممكن يساعدهم يدّز السيارة وياهم ..ويوخرها عن الشارع ..
أمّا يبدل لهم التاير .. عسى ما شر !!

بد

وانا رفع ضغطي الشرطي هاذي مب شهامة الا اهانه ....تعودو المقيمين كل شي بالبلد ينفذ لهم بسهولة فقالوا خلاص نشغل هالبلد يخدمونا ...

[طموح2020]

انا مع اللي قاله (( الاستاذ))
هاذي ليست من مهامه
بس يمكن الشرطي يحب يساعد
الله يعطيه العافيه

[Roo7MooT]

للأسف البعض من أصحاب العقول المريضة كأنها تعرف حيثيات عمل الشرطي

من واجبات عمل الشرطي بصفة عامة سواء فزعة أو مرور اوأو أو أو

تشمل هذه المهام الأتي :

1. حفظ الأمن والنظام في منطقة الأسواق .
2. تنظيم الحركة المرورية في منطقة الأسواق وضبط المخالفين لقواعد حركة السير.
3. تقديم المساعدة للمسنين وذوي الاحتياجات الخاصة من حيث تسهيل تحركاتهم وتوفير سيارات الأجرة لهم .
4. إرشاد السياح الذين يرتادون منطقة الأسواق للتعرف على الأماكن الأثرية في الدولة والاستجابة لأي طلب مساعدة منهم .
5. ضبط الأشخاص الذين يقومون بأعمال مخلة بالآداب العامة وإحالتهم إلى جهة الاختصاص .
6. عكس ماضي رجل الشرطة القطري من خلال المحافظة على الزي الشرطي كما كان في بدايات العمل الشرطي بالدولة


يعني الموتر واضح أنه فيه عائلة سواء كان الهندي يعرف يضرب جيك او مايعرف كان بتحصلون

الشرطي يساعد السواق مافي حد فينا ماشاف شرطي يدز له سيارةاو يبدل لشخص بنجر


وكفاية مثال الاخت الي عطتنا مثال عن الشخص الي نزل البئر علشان يشرب الكلب

[ألوان]

الله يجزاه خير ..
أولاً: بالنسبه للسواقين اللي مايعرفون ( يضربون چيك ) المفروض إدارة المرور تضيف لاختبارات السواقة هالموضوع وماتمنحهم رخصة السواقة إلا لما يعرفون ( يضربون چيك ) حتى مايعطلون المرور ولا رجل المرور عن ماهو اهم ..
ثانياً: موقف رجل المرور انساني وكل هالتحليل والانتقاد والعجيب انه وصل لاتهامه بالاتفاق مع المصور !!! بصراحه الموقف مايتحمل كل هذا والله يعطي كل شخص على قد نيته ..
*

[HiTec]

ترة الموقف عادي وطبيعي جدا وكل شخص منا معرض لآن يمر بمثله على شنو تضخيم المووضوع !

تحسسوني ان الشرطي كان بروحه بهالسوق كله ! ومافي حد معاه والا يغطي على انشغاله !!
يمكن اصلا كان مخلص ورديته !

وبعدين هذا واااااااااااجبه .. ولا هو قدمه للهندي .. قدمه للعائلة القطرية الي في السيارة
لاحول ولا قوة الا بالله

[Ali Q]

الله يجزيه الخير بس الموتر شكله موتر عائلة قطرية 90%

والف شكر وتحيه لسعادة وزير الداخليه وكل الاخوان العاملين بوزارة الداخلية

[almaf1a]

في النهايه اعتقد الجميع متفق ان الهندي يبيله سطار على هل الوقفه واليد الي على الخصر

[مرحوم قطر]

صراحه غلطان

عسكري ابزي رسمي و ابشعار الدوله

نازل يظرب جيك

و راعي الموتر قاعد يطالع


لا غلطان و ستين غلطان

[توشيبا]

سبحان الله من بعض الردود

لو اهو مساعدك كان سويت له حفله في الموضوع

[المسافره]

شكله يساعده او الرافع به مشكله وهو يساعده

يمكن الاسيوي يده مكسوره او به الم

نشكره على الموقف افضل من غيره

[alfahad1]

والله بعض الردود فضيحه

[الـراسي]

جزاهم الله كل خير

صدق لا قالو الشرطة في خدمة الشعب

[الريمي قطر]

جزاه الله خير

[شيخ القبيلة]

جزاه الله خير سواء شرطة التراث او شرطة المرور والله يعطيهم العافية .

[بصمة قطرية]

الله يجزاه خير ..

[Rosy]

والنعم فيه رجال
بيض الله وجهه

[سحابة عابرة]

ليش هالنظرة السلبية للموضوع
سبحان الله بدال مانشكره على موقفه الشهم نذم فيه
الله يجزاه خير *

[الحياة الخالدة]

جزاه اللـــــه خير و رحم الله والديه ..

سبحان الله في بعض الردود تغث ..
و كأنهم دخلوا في قلب الريال و عرفوا نيتـــــــه ..
و مثل ما قال البعض .. لو ان هالموقف صاير لهم أو لأهلهم .. كان اختلف رد الفعل 180 درجـــــة ..
بس هذا طبع بعض البشر .. لا صار الشي بعيد عنـــــه .. قعد يتفلسف ..
مستخسر حتى كلمة جزاه الله خير كأنه دافع فيها فلوس .. :omg:

[مكتوم]

في ذمتي انه قرم


تسلم يمينه

[abdo222]

الله يجزيه الجنه

[Max Speed]

استغرب منكم !!

لايعجبكم العجب ولآ آلصوم في رجب ..

الرجال قام بمساعده ..

انا لوشفت واحد متعطل بالشارع بوقف له وبساعده مافيها شي ..

بالعكس جزاه الله خير يمكن الأخ اللي واقف مايعرف يضرب جيك ..

يمكن سوآق بيتهم ويمكن ويمكن ويمكن .. في اسباب وايد ..

لاكن في ناس مادري شسميهم ..

:)


:nice::nice::nice:

انا اتفق معك اخوي في كلامك ما بعرف كيف يفكرون هالاشخاص
انا مرة ضرب على التاير بطريق سلوي في عز الظهر والحمد لله انا مقيم شاب وقادر على تغييير التاير وفعلا نزلت اغير التاير ولكن كتيير من الناس رجال وشباب قطريين ومقيمين نزلو من سيارتهم وعرضو على المساعدة وانا رفض ولكن مجرد سؤالهم شجعني وبرد عنفسيتي في عز الحر الدنيا لسه فيها ناس خير كتييير

[لطيف الروح]

شرطى التراث يبدل اطارات سيارة مقيمين بسوق واقف
http://www.raya.com/mritems/images/2011/7/19/2_582638_1_228.jpg

الدوحة ـ الراية :

فى لمسة تحمل العديد من المعانى السامية قام جندى من شرطة التراث بسوق واقف
بمساعدة مقيمين انفجر اطار سيارتهما فى قلب السوق فى تبديل

الاطار رغم حرارة الطقس وارتفاع نسبة الرطوبة.

بارك الله فيك وكثر من امثالك

كل الشكر منا للشرطي لكن هالبعير المتعافي الي واقف على يسار الشرطي وش شغلتة كان غير تاير سيارتة

[Store]

الله يجزيه الخير

[qatarya-vip]

والله جزاه الله خير

صج هااللي واقف يقهر والمفروض بدل مايوقف يتفرج المفروض انه ينزل مع الشرطي حتى لو مايعرف على الاقل يمسك معاه بس الشرطي جزاه الله كل خير ووالله فيه شباب ينرفع فيهم الراس وانا حصل معاي موقف من كم اسبوع ووقفوا لي شباب وحركوا السيارة وضبطوا المشكلة اللي كانت صايرة لي وبمجرد ماتصلحت السيارة راحوا بكل ادب واحترام جزاهم الله خير

فيه ناس عندنا صج صج فزعة وهاالشرطي جزاه الله خير والله يهدي هاالهندي يبيلة شد شوي

[chillis]

يجزيه ربي كل خير

[سهم طايش]

لكن هالثور اللي حاط يدة في خاصرته و يتفرج شمهرتة ما يبدل التاير و الشرطي مسكين منسدح تحت السيارة

[راشد محمد]

الله يجزيه خير الجزاء

[قناص الخليج]

بس شلون جندي شرطة التراث مب شكل التسمية غلط

[ولد البدر]

ما قصر الشرطي لكن المقيم ما يحرك الرابضة قاعد يتفرج ، صراحة يرفع الضغط

[اعمال]

من الصوره واضح ان سياره فيها عائله واللى واقف هندي لا يعرف يضرب جيك ولا شي زين منه يعرف يسوق جزاه الله خير الشرطي

[سهم طايش]

و الله هالضيخ اللي واقف يبيله من يهمده على راسه بالاسبانه

[اليافعي 1]

ونعم والله في رجال الأمن ,,, أنا شفت كم مره يقمون بمساعدة الأخرين على تغيير تواير سياراتهم ,,, وفقكم الله

[عين قطر]

رأيي مختلف ..
صراحة ما عنده سالفة .. ورفع ضغطي بهالصورة ..
هاد شغله وقاعد يبدل التاير .. وهم يطالعونه ..
ممكن نبلعها إذا كانت حرمه .. وإلاّ شياب ..
أمّا أثنين شحوط كل واحد يمشي على زنده التيس ..
يبدل لهم التاير .. ليه ؟
لو كنت مسئووله بالشغل أحاسبه على هالعمل ..
ممكن يساعدهم يدّز السيارة وياهم ..ويوخرها عن الشارع ..
أمّا يبدل لهم التاير .. عسى ما شر !!





جزاك الله خير
العجيبه في الصورة وقفة الهندي .. كأنه يتفرج ليش ما يساعد

[هبوب الكوس]

يمكن يتفرج انه على وشك التفريخ

[الحياة الخالدة]

يمكن يتفرج انه على وشك التفريخ


تفريــــــــخ :omg:

ليش ؟؟ الشرطي راك على البيض مثلاً !! :secret:

[هبوب الكوس]

تفريــــــــخ :omg:

ليش ؟؟ الشرطي راك على البيض مثلاً !! :secret:

وش دخل الشرطي

قصدي اللي واقف

لا توهقيني

[الحياة الخالدة]

وش دخل الشرطي

قصدي اللي واقف

لا توهقيني


آهاااااااا .. تقصد رفيق ..

يا أخي قول جذي من البداية .. :secret:

[فقط قطر]

رأيي مختلف ..
صراحة ما عنده سالفة .. ورفع ضغطي بهالصورة ..
هاد شغله وقاعد يبدل التاير .. وهم يطالعونه ..
ممكن نبلعها إذا كانت حرمه .. وإلاّ شياب ..
أمّا أثنين شحوط كل واحد يمشي على زنده التيس ..
يبدل لهم التاير .. ليه ؟
لو كنت مسئووله بالشغل أحاسبه على هالعمل ..
ممكن يساعدهم يدّز السيارة وياهم ..ويوخرها عن الشارع ..
أمّا يبدل لهم التاير .. عسى ما شر !!



في ناس كثيرين مايعرفون يستخدمون ( الجيك ) فمن الواضح في الصورة ان الشرطي يساعدهم على وضع الجيك في مكانة الصحيح..والامن...

بالعكس ياخوي...جزاه الله خير....

[بلوتنيوم]

هههههههههههههههههههه
الموضوع ابسط من 113 رد :)

[almaf1a]

هههههههههههههههههههه
الموضوع ابسط من 113 رد :)

وابسط من 114 رد :p

[الحياة الخالدة]

وابسط من 114 رد :p


يعني مابي أقــــــــول إنه أبســـــط من 115 رد .. :secret:

[بلوتنيوم]

وابسط من 114 رد :p



يعني مابي أقــــــــول إنه أبســـــط من 115 رد .. :secret:

يصير اقول انه ابسط من 116 رد :secret:

ويستمر العداد بالدوران
:omen2: