نوادي او مراكز لتعليم السباحة

[المــستشار]

السلام عليكم ورحمة الله وبركاته

احد يعرف نوادي او مراكز لتعليم السباحة

للكبار والصغار

وفيه مدربين أكفاء واصحاب خبره

اللي عنده خبر لا يبخل علينا

وجزاكم الله خير وبارك الله فيكم

[eXpert*]

أسباير زون ، النادي الأهلي ، جامعة قطر .

وفي موضوع في المنتدى السنة اللي فاتت لو ترجع له راح يفيدك .

بالتوفيق إن شاء الله .

[$الملياردير$]

اخوي نادي الدانة ... في مدربين و مدربات للبنات و الاولاد ....في خصوصية جدا ايام خاصة للنساء اذا الام تحب ترافق العيال و مش شرط ان تكون عضو في النادي ...الكورس عبارة عن 10 كلاسات كل كلاس ساعة الاربع و انا شفت المستوى و كيف يدربون بس عليهم زحمة و اتمنى تجد الوقت اللي يناسبك و يناسبهم

[علي رشيد]

نادي العربي عندهم للأولاد و البنات
أيام محدده و مدربين

استفسر منهم 44673666

[rayyani4ever]

اخوي نادي العربي مسوين برنامج هالسنه.. الدفعة الاولى اكتملت و الحين ينتظرون اكتمال الدفعة الثانية.. تقدر تسجل اذا خاطرك


مدربين للكبار و الصغار.. و الرسوم اعتقد 400 شهريا..

[مضاربه]

نادي الدانه فيه مدربات فلبينيات بس مانصح بالاشتراك فيه نعم فيه خصوصيه بس مب نظيف افضل شي سباير

[mrs.spoon]

قرية بروة طريق الوكره، بس ما فيها مدربين.

[36R]

نادي الثريا الصحي

فقط للأطفال والبنات والحريم

وفيه مدربات كفىء

موفقين

[المــستشار]

أسباير زون ، النادي الأهلي ، جامعة قطر .

وفي موضوع في المنتدى السنة اللي فاتت لو ترجع له راح يفيدك .

بالتوفيق إن شاء الله .

الله يعطيك العافية ..

بالنسبة لأسباير مافيها تدريب بس فيها اشتراك لأستعمال المسبح

والباقي راح امر عليهم

وبالنسبة للموضوع القديم وين بحصله في وسط هالزحمة

[المــستشار]

اخوي نادي الدانة ... في مدربين و مدربات للبنات و الاولاد ....في خصوصية جدا ايام خاصة للنساء اذا الام تحب ترافق العيال و مش شرط ان تكون عضو في النادي ...الكورس عبارة عن 10 كلاسات كل كلاس ساعة الاربع و انا شفت المستوى و كيف يدربون بس عليهم زحمة و اتمنى تجد الوقت اللي يناسبك و يناسبهم

الله يعطيك العافية

[المــستشار]

نادي العربي عندهم للأولاد و البنات
أيام محدده و مدربين

استفسر منهم 44673666

الله يعطيك العافية

وان شاء الله راح استفسر

[المــستشار]

اخوي نادي العربي مسوين برنامج هالسنه.. الدفعة الاولى اكتملت و الحين ينتظرون اكتمال الدفعة الثانية.. تقدر تسجل اذا خاطرك


مدربين للكبار و الصغار.. و الرسوم اعتقد 400 شهريا..

الله يعطيك العافية .. وان شاء الله امر عليهم واعرف التفاصيل اكثر

[المــستشار]

نادي الدانه فيه مدربات فلبينيات بس مانصح بالاشتراك فيه نعم فيه خصوصيه بس مب نظيف افضل شي سباير

الله يعطيك العافية

المشكلة اسباير مافيه تدريب ابداً

[المــستشار]

قرية بروة طريق الوكره، بس ما فيها مدربين.

الله يعطيك العافية

[المــستشار]

نادي الثريا الصحي

فقط للأطفال والبنات والحريم

وفيه مدربات كفىء

موفقين

الله يعطيك العافية

بس هذا وين مكانه

[الـقـاسـي]

انا والله نفسك ادور انا سباحتي عاديه لكن ماينفع ودي اتعلم بشكل صحيح ياليت اللي عنده معلومات لايبخل علينا ..

[شيط ويط]

اسباير زون عندهم شركة استرالية متخصصه في تعليم الاطفال السباحه من سن 6 اشهر وطالع تخيل من عمر 6 اشهر

الاشتراك للاطفال 200 ريال شهريا

والكبار 400 ريال

وفي نظام ربع سنوي ونصف سنوي وسنه كامله

وفي باليومي بس مب تعليم

الكبار 30 ريال

والاطفال 15 ريال

طبعا تعليم السباحه اظن ما ياخذ اكثر من اسبوعين

[إشراقة قلم]

اسباير زون عندهم شركة استرالية متخصصه في تعليم الاطفال السباحه من سن 6 اشهر وطالع تخيل من عمر 6 اشهر

الاشتراك للاطفال 200 ريال شهريا

والكبار 400 ريال

وفي نظام ربع سنوي ونصف سنوي وسنه كامله

وفي باليومي بس مب تعليم

الكبار 30 ريال

والاطفال 15 ريال

طبعا تعليم السباحه اظن ما ياخذ اكثر من اسبوعين


كلامك صحيح بس يبي له ضبط شوي

ممكن تستخدم المسبح 30 ريال في اليوم و15 للصغار و400 لو تبي تدفع شهري
وهذا المبلغ لمجمع حمد المائي لاستخدام المسبح دون تدريب
وفيه اوقات للنساء واوقات للرجال

أما المدرسة الاسترالية مأجرين مسابح من عند المجمع ويأخذون مبلغ ما يعتبر بسيط
450 ريال في الاسبوع للطفل الواحد انا اتكلم عن اسعار الصيف هذا
غير رسم التسجيل 100 ريال

[q6ryah]

حبيت اذكر معلومه

نادي الدانه اذا ماكنت عضو انسى يتصلون عليك

صار لي شهرين معبيه الفورمه ولا اتصلو ولما اتصل استفسر يصرفوني

اسباير ممتاز

في الخريطيات مركزين عندهم سباحه للسيدات

ليدي جم ومركز الدانه

بس الافضل قبل التسجيل لازم الوحده تحط شروطها انه المدربه ماتسمح لغير المتدربين بالتواجد بالمسبح

لانه عيب المراكز انهم يدربون الوحده مع الاعضااء اللي يعرفون يسبحون

وفيه بالدفنه كلاود ناين او ناين كلاود


وفي نادي السد للرجال والاطفال ومختلط ومافيه يوم للسيدات للاسف

ومركز الثريا للسيدات

وهذي اللي اعرفه

[الأصيلة]

الله يعطيك العافية ..

بالنسبة لأسباير مافيها تدريب بس فيها اشتراك لأستعمال المسبح

والباقي راح امر عليهم

وبالنسبة للموضوع القديم وين بحصله في وسط هالزحمة

بالعكس فيه تدريب..
وبعد يمكن تشوف مدربه أو مدرب وتوديه معاك سباير بعمل اشتراك له
اسبوعي او شهري او يومي
وتقوم بعمل التدريب..
لأن سباير خصوصياته أكثر وساتر صراحة عن تجربة...

[ريم المدينة]

qmotion.com.qa

او دوحة دولفينز

اشتراك سنوي 325 ريال اتوقع...

التسجيل مفتوح حق الشهر الجاي..

مكانهم مدرسة دةحة كولج اللي في السد فيه مدربين ومدربات وفيه ايام خاصة بالنساء..
اتصل فيهم وشوفهم...

[بوالبيض]

جميع النوادي كانت حكوميه ولا خاصه فيها مدربين ومهره :)