الى الحكومة القطرية : العنوسة في قطر ... ضاربه السقف .. وطريق سلوى صار زحمة

[توشيبا]

من وجهة نضري الحريم مالهم علاقه بالموضوع والذنب ذنب الرجال
الرجال لين يبي يتزوج لازم اعرف واجباته وحقوقه قبل

يعني تقدمة حق ناس وحطولك شروط ولا البنت تشرطت
قولهم سلام عليكم وشوف نصيبك معا قيرهم لين الله يرزقك مراه سنعه تقدر ضروفك
مب قاعد منحرج فاج حلجك مفهي وخايف تتفشل اذا قلتلهم لا
على الرجال ايحدد شيبي وشنهي ضروفه ومقدرته وعلى هالاساس يتقدم
مب على اساس وشروط الاخرين التعجيزية
*

كلامك عسل اخوي

وبالاخير يجينا يشتكي من البلاوي اللي صابته من هالعرس :anger1:

[Right]

يالله العنوسة .. العنوسة .. ليش معورين رؤسكم

زوجوا بناتكم وخلاص




يعني إنتي الحين حليتي المشكلة :nice:

[مضاربه]

كل شي ارتفع سعره جات على المهر يعني

[عبدالله قطر]

بالعكسس بناتنا مافيم شي وبناتنا هم شيخات بنات الخليج ..

واللي يتزوج من بره شيء راجع له ولو ترجع لنفسه تحصله سياره سفرات و و و الخ

بعدين يقول هاه هالكثر مهرررر !!

مانبي الا من حكومتنا توفر لنا القاعات والاسعار الرمزيه وجزاهم الله الف خير

ومشكورين على الموضوع

[الأصيلة]

بالعكسس بناتنا مافيم شي وبناتنا هم شيخات بنات الخليج ..

واللي يتزوج من بره شيء راجع له ولو ترجع لنفسه تحصله سياره سفرات و و و الخ

بعدين يقول هاه هالكثر مهرررر !!

مانبي الا من حكومتنا توفر لنا القاعات والاسعار الرمزيه وجزاهم الله الف خير

ومشكورين على الموضوع

كلامك صحيح....
لكن المشكلة صار القطري هدف كل الخليجيات
وبالذات بعض بنات السعودية والبحرين....
ويتمنون القطري وش ماكان...

[البدع]

كلامك صحيح....
لكن المشكلة صار القطري هدف كل الخليجيات
وبالذات بعض بنات السعودية والبحرين....
ويتمنون القطري وش ماكان...

سؤال ،،،

ليش يتمنونه

[qatara]

يعني شبينقص من الوحده لو خذت المهر واستفادت منه بشي يفيدها بعد الزواج


ووفرت على شريك حياتها التكاليف الغير مبرره والتي في الحقيقه ليست من الضروريات

بل كلها كماليات وشكليات ما انزل الله بها من سلطان

ولوفرو هل المصاريف المبالغ فيها لبناء عش الزوجيه

بلا فنادق بلا صالات بلا خرابيط

شروط الزواج الصحيح معروفه اواهمها العقدوالاشهار

عشاء بخيمه من هل المكيفات

وكان الله غفور رحيم

بس الزبو والهياط والمفوشر شوفووووووووووو عرسي اضخم وافخم عرس

وحده باخذها من اولها تهايط عند الناس ما حست كم تعبت عشان استر على نفسي وعليها

جالسه من اولها تلعب بتعبي ومكدتي قدام الناس بدون حاجه لها اي معنى

بعد فتره عند بد المسئوليه اكيد راح تخليني لانها ماخذتني البي لها طلابات فقط

[أخت الغالي]

من وجهة نضري الحريم مالهم علاقه بالموضوع والذنب ذنب الرجال
الرجال لين يبي يتزوج لازم اعرف واجباته وحقوقه قبل

يعني تقدمة حق ناس وحطولك شروط ولا البنت تشرطت
قولهم سلام عليكم وشوف نصيبك معا قيرهم لين الله يرزقك مراه سنعه تقدر ضروفك
مب قاعد منحرج فاج حلجك مفهي وخايف تتفشل اذا قلتلهم لا
على الرجال ايحدد شيبي وشنهي ضروفه ومقدرته وعلى هالاساس يتقدم
مب على اساس وشروط الاخرين التعجيزية
*

اي والله هذا الكلام السليم :nice: واللي اقصده

[الأصيلة]

سؤال ،،،

ليش يتمنونه

لأنه يقدم مهر وقدره؟؟؟؟
وسيارته ؟؟؟؟؟ مهما كان مستواه الإجتماعي...
يوفر البيت والخدامة....
وهذي كلها أحلام الكثير من البنات الـ غير قطريات...

[بوخالد911]

الله يهديهم بس

مصاريف خيالية والله

[أخت الغالي]

في نظري المسألة بعد في ان
( بعــــــــــ الغالبية العظمى ـــــــــــض )
من بنات ذا الايام
ماخذة الموضوع تحدي !

بتجيكم السالفة :nice:

واحد من ربعي اقل عن شهر تملك على احدى البنات
وقت تحديد فترة العرس
جت البنية وقالت لا والله ابغي اسافر واكمل دراستي
والرجال مايبغيها تروح برا قال لها تروحين لجامعة قطر ( على سبة الاختلاط )والرجال مايقدر يسافر عنده التزامات في قطر
والبنت راكبه راسها ماتبغي الا برا

المهم تكنسل كل شي والسبة العناد والتحدي السخيف ..


يعني الرجال القطري حالياً من يفتك من سالفة المهر
طلعوا له شروط من تحت الأرض

يابنات خفوا على عيال بلادكم !


صحيح وفي بنت طلبت الطلاق بسبه" قآآآعـه "

قالت ابي القاعه الفلانيه وقآل الرجال مقدر سعرها مرتفع اماكنيتي ماتسمح وطلبت الطلاق!!!

اللي يقول بتعيش فالقاعه كلها كم سآعه وأجار أتطلق بسبه قآعه هذولي ناقصات عقل ودين

ربي يهدهم ،،،،،

وكلن يرجع لأصله أحسن رجآجيلهم عرفوهم على حقيقتهم من البدايه قبل لايبتلشون معهم ،،،،

[Bin Hood]

لأنه يقدم مهر وقدره؟؟؟؟
وسيارته ؟؟؟؟؟ مهما كان مستواه الإجتماعي...
يوفر البيت والخدامة....
وهذي كلها أحلام الكثير من البنات الـ غير قطريات...

وصلنا 2011 وما زال الشاب الخليجي يظن انه لؤطه للبنات

[الأصيلة]

صحيح وفي بنت طلبت الطلاق بسبه" قآآآعـه "

قالت ابي القاعه الفلانيه وقآل الرجال مقدر سعرها مرتفع اماكنيتي ماتسمح وطلبت الطلاق!!!

اللي يقول بتعيش فالقاعه كلها كم سآعه وأجار أتطلق بسبه قآعه هذولي ناقصات عقل ودين

ربي يهدهم ،،،،،

وكلن يرجع لأصله أحسن رجآجيلهم عرفوهم على حقيقتهم من البدايه قبل لايبتلشون معهم ،،،،

إلا هذولا اللي صديقتها بنت فلان وعلان...
وموثقة الصداقة مع بنات الهاي هاي واللي مايتزوجون
إلا بها القاعات وماتبي تقنع نفسها إنها أقل منهم..
بالعكس إلا الخير للشاب اللي ارتاح منها...

[na7ees]

لأنه يقدم مهر وقدره؟؟؟؟
وسيارته ؟؟؟؟؟ مهما كان مستواه الإجتماعي...
يوفر البيت والخدامة....
وهذي كلها أحلام الكثير من البنات الـ غير قطريات...

احترم رايج بس اختلف معاج
واعتقد هاذا الكلام ينطبق على الكثير من البنات القطريات بعد

مثل مانخاف على بناتنا ونبي مصلحتهم
لازم نحسن النيه بغيرنا
ترى ياما قطرين عندهم اهل بالسعودية

[Bin Hood]

احترم رايج بس اختلف معاج
واعتقد هاذا الكلام ينطبق على الكثير من البنات القطريات بعد

مثل مانخاف على بناتنا ونبي مصلحتهم
لازم نحسن النيه بغيرنا
ترى ياما قطرين عندهم اهل بالسعودية

اتابع ردودك من فترة

جميعها متزنه واتفق معاك في اغلبها

انت من النوادر الي ارائهم غير عاطفية وتخاطب العقل

احييك على ردودك

[رياني qtr]

لاتلومونهم امس ثنين من الربع اخوان متملجين في الدمام ماخذين خوات وعرسهم الاثنين كامل مراح يكلف 60 الف ريال شامل كل شي الله يوفقهم وعرسهم ثالث ايام عيد الفطر :victory:

[ابوالكلام]

السلام عليكم ورحمة الله وبركاته
في شي ابي اقوله واحد بس لاغير الناس يبه نست نفسها كل واحد يشوف نفسه احسن ولا واحد يبي يقدم تنازلات

الله يرحم ايام لوزار والبطولة

وبالتوفيق

[qatara]

بعض هولاء لا يريدون الستر حقيقة

ما يريدونه رجل يكرف ليلبي طلاباتهم واوامرهم (مارد القمقم )

ولو تشوف بيوت بعضهم الاغراض من الحراج

والي خذها من بيسترها سوت فيها بنت ملوك

الله المستعان

[يراعٌ فراتي]

متوسط المهور 150
وتكاليف مو اقل من 200

هذا غير اذا بيشوف له داعوس ولا ملحق في بيت ابوه يضبط اموره فيه

يعني اقل تقدير 350 لشخص دخله محدود

واذا راتبه ما يوصل 10

هاي متى يتامل او يحلم انه يتزوج ؟؟؟

3 سنوات وشرط ما يصرف ولا ريال من الراتب



الله المستعان

[Faisal75]

لاتلومونهم امس ثنين من الربع اخوان متملجين في الدمام ماخذين خوات وعرسهم الاثنين كامل مراح يكلف 60 الف ريال شامل كل شي الله يوفقهم وعرسهم ثالث ايام عيد الفطر :victory:

صحيح ماكلف عرسهم إلا 60 ألف بس اللي عنده نظره مستقبليه بعرف أن فرق التكاليف بتطلع عليه في المستقبل من سفرات مستمرة للدمام وهدايا في كل زياره واتصالات خارجية وأكيد ستكون هناك زيارات لأهل الزوجة لابنتهم والإقامة معها كل فترة غير أن الابناء سيفتقدون الجلوس مع الجد والجده من جهة الأم والاحتكاك معهم ومع خوالهم و و و و وغيرها من أمور يمكن لايشعر بها الواحد أول ايام الزواج بس من مرور الشهور والسنوات ستظهر ويقول ياليت ....