اسعار نيسان باترول 2012

[qatari 111]

--------------------------------------------------------------------------------

السلام عليكم ورحمته الله وبركاته




تم وصول دفعات البـاترول الجديده وستعرض خلال ايام في المعرض مع فئة XE قير عادي

بمواصفات خيال واضافة بعض المواصفات لكل فئة على سبيل المثال توفير سماعات بوس 13 سبيكر

لكل فئة LE ال400 حصان وايضاً تم اضافة الباب الخلفي الكهربي مع سيت كهربائي للعبري في كل

فئة من XE لحد LE-City Option


الآن راح اذكرلكم الفئات والمواصفات والأسعار التالية:



فئة XE :

محرك 5.6 ,317 حصان ,8 سلندر +6 غيار عادي+رنقات 18+حساسات امام وخلف

+ باب خلفي كهربائي+تثبيت سرعة+ثلاجة+دف لوك+كرسي كهربائي للعبري+تيك خشب..


السعر ب169 ألف ريال (لامعلومات اذا يجي منها بيج او بس اسود)



فئة SE-T1:

انضاف عليه باب خلفي كهربائي مع كرسي عبري

السعر ب199 ألف..



فئة SE-T2 :

نفس الT-1 اللهم فتحت سقف

السعر ب204 ألف..



فئة SE-T3 : شاشة ملاحة باللغة العربية (بدون شاشات DVD)

السعر ب225 ألف..



فئة SE-T3 جلد: اصبح يجيك فيه جلد مع شاشات DVD

السعر ب240 ألف..




فئة LE-T1 :

محرك 400 حصان بنفس شاشة مع كيمرا خلفية وبدون ملاحه وبدون فتحة سقف

مع سماعات بوس 13 سبيكر

السعر اقل من 220 ألف..



فئة LE-T2 مخمل :

انضافت عليه مواصفات مثل الملاحه وباللغة العربية وكرسي كهربائي وباب خلفي كهربائي

مع ذاكرة للكرسي والمقود الكهربائي.(بدون شاشات DVD)

السعر ب270 ألف



فئة LE-T3 جلد:

نفس مواصفات LE-T2 اللهم جلد وشاشتين DVD

السعر ب280 ألف




فئة LE-City Option:

نفس مواصفات 2010-2011 + سماعات بوس 13 سبيكر

السعر ب299 ألف..



هذا الي وصلي لحد الحين وان شاء الله اذا جاتني فرصه راح ادعمكم بالصور


مع اجمل تحية طيبة

أخوكم : قـاهر الدروب


منقول من اخونا في قطر سبيد

[مهل]

السلام عليكم

والله الاسعار زادت و افضل فئه من وجهة نظري هي
فئة le-t2 مخمل 270 الف بس سعره غالي بصراحة

بخصوص الجير العادي اتوقع بيكسر الدنيا خصوصا اذا كان بدون هايدرولك سستم .. بتكون سياره عمليه بدرجه كبيره .. صرفيه بترول قليله جدا خصوصا على الخطوط الطويله بحكم ان الجير 6 سرعات

[qatari 111]

اسعار السيارات فالوكلات دوم تزيد داام ان محد يحاسبها

الله يرحم ايام التسعينات الفورويلات ماتتعدى 120 الف

الحين طافت الميتين وال300 الف

الله المستعان ... كم راح تكون اسعار الكروزرات 2012 اذا اسعار النيسان ارتفعت

[فقط قطر]

الله يرحم ايام التسعينات الفورويلات ماتتعدى 120 الف

الحين طافت الميتين وال300 الف



التكنلوجيا لها سعر....والمواصفات لها سعر اخوي...
والرغبان يدفع....

[المحقق كونان]

الجير العادي مواصفاته حلوه بس باقي له سبير خلفي

متى بينزل في المعرض ؟؟

:)

[qatari 111]

التكنلوجيا لها سعر....والمواصفات لها سعر اخوي...
والرغبان يدفع....

كلامك صح اخوي .... بس البدي كل سنه اخس من سنه قوة وصلابة البدي والهيكل

الجديده عبارة عن قراطيس تنحط فالفايلات

[qatari 111]

الجير العادي مواصفاته حلوه بس باقي له سبير خلفي

متى بينزل في المعرض ؟؟

:)

اي والله ماله حل الجير عادي .. وان شاءالله مايكون جير ه بنفس تقنية جير الكروزر الجديد اللي يرفع الضغط

[برشلوني قطر]

بس سؤال اخوي.. 2010 و 2011 هل نزل فيه نظام الملاحه بالعربي ؟؟

ومشكور اخوي ع النقل..

[hxamad]

تسلم أخوى ماقصرت

[qatari 111]

بس سؤال اخوي.. 2010 و 2011 هل نزل فيه نظام الملاحه بالعربي ؟؟
ومشكور اخوي ع النقل..


الموديلات هاذي مانزلت المنيوم بالعربي اما الملاحه الله اعلم ماعندي فكره فبها
الشكر لله


تسلم أخوى ماقصرت

الله يسلمك اخوي واسعدني مرورك انت والاخوان

[mazag]

على شنو زادوا اسعارهم
كل سنه يزيد سعر الموتر مب اقل 10 الاف !!!!!!!
عبدالغني يغير رنقات وستيكرات يزيد بسعر الموتر مب اقل من 10 الاف

[strong pilot]

السلام عليكم ورحمة الله وبركاته
اخوي انا عندي النيسان se الفل اوبشن نظام الملاحة فيه عربي
بس حبيت اعرف هل هو نظام هيدرولك او لا
احم احم

[الحـــوت]

يعطيك العافيه يالشيخ

[qatari 111]

على شنو زادوا اسعارهم
كل سنه يزيد سعر الموتر مب اقل 10 الاف !!!!!!!
عبدالغني يغير رنقات وستيكرات يزيد بسعر الموتر مب اقل من 10 الاف

هاذي حال الاحتكاار .. وحماية المستهلك حدث ولا حرج


السلام عليكم ورحمة الله وبركاته
اخوي انا عندي النيسان se الفل اوبشن نظام الملاحة فيه عربي
بس حبيت اعرف هل هو نظام هيدرولك او لا
احم احم

شكرا عالتوضيح بخصوص الملاحه .. اما بالنسبه الهيدروليك اول مره اسمع فيه

احم احم


يعطيك العافيه يالشيخ

الله يعافيك اخوي الحوت

[المخفي]

السلام عليكم ورحمة الله وبركاته
اخوي انا عندي النيسان se الفل اوبشن نظام الملاحة فيه عربي
بس حبيت اعرف هل هو نظام هيدرولك او لا
احم احم

Se ما فيه هيدرولك بس le t2 و le t3 فيه هيدرولك و سيتي أبين

[المخفي]

السلام عليكم ورحمة الله وبركاته
اخوي انا عندي النيسان se الفل اوبشن نظام الملاحة فيه عربي
بس حبيت اعرف هل هو نظام هيدرولك او لا
احم احم

ما فيه هيدرولك بس le t2 و le t3 فيه هيدرولك و سيتي أبشن

[qatari 111]

se ما فيه هيدرولك بس le t2 و le t3 فيه هيدرولك و سيتي أبين


ما فيه هيدرولك بس le t2 و le t3 فيه هيدرولك و سيتي أبشن

شاكر لكم عالتوضيح يا اخوان ..

[ساحر برشلونة]

تسلم أخوى ماقصرت

[سكر زياده]

شكراً عالتوضيح اخوي

[qatari 111]

تسلم أخوى ماقصرت

الله يسلمك اخوي


شكراً عالتوضيح اخوي

العفو اخوي والشكر لله

[الـقـاسـي]

فئة xe :

محرك 5.6 ,317 حصان ,8 سلندر +6 غيار عادي+رنقات 18+حساسات امام وخلف

+ باب خلفي كهربائي+تثبيت سرعة+ثلاجة+دف لوك+كرسي كهربائي للعبري+تيك خشب..


السعر ب169 ألف ريال (لامعلومات اذا يجي منها بيج او بس اسود)



فئة se-t1:

انضاف عليه باب خلفي كهربائي مع كرسي عبري

السعر ب199 ألف..


اسعاره غاليه بصراحه بس سؤال هذا بو 169 مافي منه قير تماتيك ,, وبعدين الثاني زياده 30 الف عشان كرسي كهربائي وباب خلفي تماتيك احس مب معقوله الاسعار ..

[qatari 111]

فئة xe :

محرك 5.6 ,317 حصان ,8 سلندر +6 غيار عادي+رنقات 18+حساسات امام وخلف

+ باب خلفي كهربائي+تثبيت سرعة+ثلاجة+دف لوك+كرسي كهربائي للعبري+تيك خشب..


السعر ب169 ألف ريال (لامعلومات اذا يجي منها بيج او بس اسود)



فئة se-t1:

انضاف عليه باب خلفي كهربائي مع كرسي عبري

السعر ب199 ألف..


اسعاره غاليه بصراحه بس سؤال هذا بو 169 مافي منه قير تماتيك ,, وبعدين الثاني زياده 30 الف عشان كرسي كهربائي وباب خلفي تماتيك احس مب معقوله الاسعار ..

بخصوص الاي اكس يجيك عادي بس
اما الثاني تقول زادو 30 الف اذا حسبناها بالسعر السابق
199000 - 30000 =169000 ريال

معقوله كان سعره ب169 الف بالسابق

واللي اعرفه اقل فئه اس اي من غير شاشه ولا فتحه كان سعره 190الف

والزياده كلها 9الاف ريال

واذا كلامي في شي من الغلط فارجو التوضيح

[محمد الجفيري]

جزاك الله الف خير

[QATAR505]

السلام عليكم ابي اعرف مكينة النيسان امريكيا او يابانيه ممكن حد ايفيدني

[Rayane]

طيب كم سعر القير العادي.....

اذا على كلامكم ... دف لوك وثلاجه وكراسي كهرب وبــ 169 قير عآآآدي...؟ باروح احجز لي واحد الحين... قصدي الصبح... الحين الساعه 1 في الليل خخخخخـــ

اتمنى أحد يفيدني بكم هالموتر حآآآلياً

[qatari 111]

جزاك الله الف خير
الله يجزاك الجنه ان شاءالله

السلام عليكم ابي اعرف مكينة النيسان امريكيا او يابانيه ممكن حد ايفيدني
مكينته يابانيه اميه بالاميه

طيب كم سعر القير العادي.....

اذا على كلامكم ... دف لوك وثلاجه وكراسي كهرب وبــ 169 قير عآآآدي...؟ باروح احجز لي واحد الحين... قصدي الصبح... الحين الساعه 1 في الليل خخخخخـــ

اتمنى أحد يفيدني بكم هالموتر حآآآلياً

كل سنه وانت بخير اخوي من بداية شهر 10 الحالي طيروا اسعارهم فوق

الفئه اللي تتكلم عنها وصل سعره 180 الف ومافي فالوكاله
لكن بتحصل في دبي بشركة العربيه ينفس السعر عندنا ب180 الف مع فرق العمله راح يكون سعره 176الف درهم اماراتي تفريبا وما علييه جمارك

[Rayane]

طيب أخوي قطري.....

كم رقمهم شركة العربيه ولا لهم موقع على النت...

[مهندس_قطري]

ياريت تجديد هذا الموضوع ووضع الاسعار الجديدة الحالية
بعد الزيادة الأخيرة التي تمّت في نصف شهر تسعه تقريبا !

يعطيكم العافيه...

[QATAR505]

لني عندي واحد والصراحه خفت اتكون مكينة امريكيا بس الصراحه موتر

[Mohammed VIP]

بالتوفيق

[The Stig]

لو الـ xe سبيرين بدال اسبير واحد جان ماتم في الوكاله

[مهندس_قطري]

هذا تجديد للاسعار الحالية لموديلات 2012 بعد التاكد من شركة صالح المانع اليوم صباحا..

فئة LE-T1 :

محرك 400 حصان بنفس شاشة مع كيمرا خلفية وبدون ملاحه وبدون فتحة سقف

مع سماعات بوس 13 سبيكر

السعر 286الف


فئة LE-T2 :

انضافت عليه مواصفات مثل الملاحه وباللغة العربية وكرسي كهربائي وباب خلفي كهربائي

مع ذاكرة للكرسي والمقود الكهربائي.(شاشات DVD) والرنجات الومنيوم

السعر ب300 ألف


فئة LE-City Option:

نفس مواصفات 2010-2011 + سماعات بوس 13 سبيكر ورادار...

السعر ب320 ألف..

[qatari 111]

طيب أخوي قطري.....

كم رقمهم شركة العربيه ولا لهم موقع على النت...

اسمحلي اخوي على تأخيري بالرد .. ورقمهم ما اعرفه والسموحه عالقصور

[qatari 111]

هذا تجديد للاسعار الحالية لموديلات 2012 بعد التاكد من شركة صالح المانع اليوم صباحا..

فئة le-t1 :

محرك 400 حصان بنفس شاشة مع كيمرا خلفية وبدون ملاحه وبدون فتحة سقف

مع سماعات بوس 13 سبيكر

السعر 286الف


فئة le-t2 :

انضافت عليه مواصفات مثل الملاحه وباللغة العربية وكرسي كهربائي وباب خلفي كهربائي

مع ذاكرة للكرسي والمقود الكهربائي.(شاشات dvd) والرنجات الومنيوم

السعر ب300 ألف


فئة le-city option:

نفس مواصفات 2010-2011 + سماعات بوس 13 سبيكر ورادار...

السعر ب320 ألف..

جزاك الله خير عالجهد والتجديد فالاسعار

والسبب في ارتفاع الاسعار هو ارتفاع العمله اليابانيه الين
لكن وقت نزول الين انسى يخفضون الاسعار .. عكس السيارات الاوروبيه تنخفض اسعار السيارات وقت انخفاض عملتهم[/b]

[majed 79]

يالربع أنا شريت نيسان 400 حصان

الظاهر le t1 بس فيه فتحه والشنطه اوتوماتيك وكرسي السايق اوتوماتيك

بس البياع قالي انه في هدرليك , حد يفيدني اشلون أتأكد ؟؟؟

[أسد الجزيرة]

يالربع أنا شريت نيسان 400 حصان

الظاهر le t1 بس فيه فتحه والشنطه اوتوماتيك وكرسي السايق اوتوماتيك

بس البياع قالي انه في هدرليك , حد يفيدني اشلون أتأكد ؟؟؟

الي عندك LE type 2
لانه LE type 1 ما فيه هيدرولك

[qatari 111]

كلام اخونا صحيح
النوع اللي مافيه هيدرولك اللي يجيك من غير فتحه ورنجات حجمها 18 من فئة ال اي 400 حصان
اما فئة اس اي ما فيهم هيدروليك

ونظام الهيدروليك مب نفس الرنج او اللكزس ترفع الموتر وتنزله ..

[qatari 111]

الدفعات الجايه من النيسان انتاج 2012 راح يزيد 10% من السعر الحالي

الله يعينا عالغلى