حياة الانبياء - للشيخ ابراهيم الكفيف العجمي .. ادخلوا واستمتعوا بأجمل القصص!!

[NeverLand]

كلها ايام ونستقبل كلنا ان شاء الله شهر رمضان المبارك

ومافي احلى من ان نقضي وقتنا بهالشهر الفضيل واحنا نسمع قصص الانبياء ومعاناتهم اللي عاشوها وكيف تعذبوا في سبيل انهم يوصلون للبشريه رسالة التوحيد ..

انا اموووت على القصص بشكل عام .. خصوصاً القصص اللي تقع احداثها بأزمنه غابرة .. ودايماً احس بشعور ساحر ناحيتها .. فكيف لما تكون هالقصص صارت فعلاً .. واللي يرويها لنا هو ربنا نفسه عز وجل في قرآنه الكريم !!

http://img841.imageshack.us/img841/702/alkafeefiisylctadppsjel.gif

سمعت مشايخ كثار وهم يقصون قصص الانبياء

لكن ولا شيخ مر علي قال هالقصص بإسلوب امتع وابسط واجمل من اسلوب الشيخ إبراهيم الكفيف العجمي من دولة الكويت .. اسلوبه رائع وعنده صوت اذاعي رهيب يخلي المستمع يحس وكأنه فعلاً جالس بقلب الحدث ويشوف هالانبياء وشعوبهم امامه ..

والشي اللي حبيته فيه هو انه ما اضطر يستند على احاديث ضعيفه عشان يزيد من حلاوة القصه واثارتها .. كل اللي سواه هو انه استعان بالقرآن والاحاديث الصحيحه وحقائق علميه موثوقه ..

جد لما تسمعون هالقصص وكيف تعذبوا هالانبياء وانواع الابتلائات والمصايب الغريبه العجيبه اللي تشيب شعر الراس واللي لحقت بالشعوب اللي من قبلنا جراء عصيانهم ومكابرتهم راح يتغير شي بداخلكم .. راح تستمتعون وتستفيدون ..

طبعاً ماعرفت بهالقصص اللي يحكيها الشيخ ابراهيم الا من اذاعة قطر من فتره بسيطه .. كانوا كل مايخلص صلاة الجمعه يذيعون قصة من هالقصص .. فمن الحماس ماقدرت اصبر ورحت شريت المجموعة كلها وسمعتهم ..

صرت مثل المينون كل يوم بعد كل قصه ادخل النت وادور على اثار الشعب اللي دمره ربنا عشان يكونون عبره لنا .. المهم حبيت والله تشاركوني بسماع هالقصص المثيره اللي تفوق بإثارتها اقوى فلم شفتوه بحياتكم .. وتستفيدون من العبر اللي ربنا حب يوصلها لنا من خلالها ..

سحبت كل التراكز من السيديات بحجمها الاصلي من غير ما أقلل من جودتها ولا حتى نقطه وحده .. وحطيتهم كلهم بملف واحد مع الكوفر الخاص بالالبوم .. ورتبت التراكات حسب تسلسل ظهور الانبياء من بدء الخليقة لحد ظهور سيدنا عيسى عليه السلام .. الالبوم موجود عالنت لكن بجوده منخفضه عالاخر .. يعني ماراح تحصلون بأي مكان مثل هالجوده ..

في تراكات مالقيتها بالمجموعه الاصليه اللي شريتها فحاولت ابحث عن انقى صوت لها واضيفها للالبوم عشان يكون متكامل وهو بين يدكم ..

======== تفاصيل الألبوم ========

يضم الألبوم قصص الانبياء التالية أسمائهم عليهم السلام:

أدم
شيث
إدريس
نوح
هوود
صالح
إبراهيم
إسماعيل
إسحاق
لوط
يوسف
أيوب
يونس
شعيب
موسى
يوشع
شمويل
داوود
سليمان
عزير
زكريا
يحيى
عيسى

http://img98.imageshack.us/img98/3664/coveraje.jpg

صيغة: MP3
حجم الألبوم: 1.860 جيجا تقريباً
عدد الحلقات: 68

وصلة التحميل:
http://hotfile.com/dl/124454924/86717cd/Hayat_al-Anbiya.rar.html

===============================

ادري ان حجمه وايد كبيييييييير @@ .. بس والله يستاهل ..

حاولت ارتب لكم الالبوم واحط كل التفاصيل عليه عشان يسهل على الكل الوصول للالبوم وسماع القصص بالترتيب الصحيح في حال نقلتوه على اجهزة الايبود الخاصه فيكم .. لاني لما شريته ماكانت القصص مرتبه بأول سي دي .. وهذا شكل الالبوم في برنامج الايتونز:

http://img814.imageshack.us/img814/3150/897897898.jpg

اتمنالكم وقت ممتع مع حياة الانبياء .. وجزاه الله خير الشيخ ابراهيم الكفيف العجمي على هالاسلوب الشيق والراقي في طرح هالقصص القرآنيه المهمه بصوره محببه وقريبه للنفس ..

انصحكم تسمعون الالبوم برمضان وانتو بالسياره او اي وقت فراغ تكونون فيه ..

[ارين]

بأسلوبك الجميل في طرحك للموضوع شوقتنا لسماع القصص .. شكرا لك على جهودك الطيبة

وبارك الله فيك أخي الفاضل

وجزاك الله كل خير

[NeverLand]

الله يخليج يا ارين .. ولا شكر على واجب ..

[NeverLand]

حبيت اضيف شي بسيط ..

يمكن البعض يسأل نفسه ويقول ما احنا عارفين قصص الانبياء كلها وخذناها بالمدرسه وسامعينها الف مره بالخطب والبرامج .. شنو الجديد بسلسلة الشيخ ابراهيم العجمي ؟؟

الجديد هو الاسلوب الشيق نفسه 3>

والمعلومات الغريبه اللي اول مره راح تمر عليكم واللي فيها تفاصيل جداً غريبه بخصوص هالقصص ..

مثلاً كنت دايما اسمع ان سيدنا نوح هو الاب الثاني للبشر بعد سيدنا ادم .. بس ايش سبب هالتسميه ؟؟؟!! وهل الامطار والفياضانات دمرت الكره الارضيه كلها ؟؟ او الجزء اللي كانوا فيه قوم نوح بس ؟؟؟

وكيف كانت حالة الارض قبل لايخلق سيدنا ادم .. ومن اللي كان عايش فيها ؟؟ .. وشلون مات سيدنا ادم .. وشنو صار لإبنه قابيل بعد ماقتل هابيل !!! وين راح وشنو تداعيات هالحادثه الشهيره اللي الكل يعرفها لكن مايعرف شصار بعدها ؟؟؟

انا وصلت لقصة سيدنا ابراهيم .. بس اكثر قصه أثرت فيني لحد الان قصة سيدنا نوح والسفينه الضخمه اللي بناها .. وكيف كان قلبه يتقطع وهو على متن هالسفينه ويشوف ولده يموت امامه واصراره بعدم ركوب السفينه بأي شكل من الاشكال وينجوا بحياته والامواج تتلاطم بس عشان ما يؤمن برب نوح :(

شوفوا شكل السفينه لما لقوها العلماء بتركيا .. ضخمه ضخمه .. مش قادر اتخيل ان سيندنا نوح بناها بنفسه !!

http://www.b7r1.com/vb/uploaded/11236_1196376793.jpg

سبحان الله .. فعلاً آيه من آيات الله !!

على الرغم من ان منطقتهم كانت كلها جبال ومافي وجود لاي بحر وصناعة السفن عندهم شبه مجهوله الا ان نوح قدر يبني بنفسه اكبر سفينه عرفها التاريخ .. بتوجيهات من جبريل عليه السلام .. لانه لو مانزل عليه جبريل وفهمه شلون يبنيها ماكان راح يعرف ..

[qatari911]

جزاك الله خير
شرحك وافي وفعلا شوقتني اسمع القصص

[وجه السعد 2]

جزاك الله كل خير وفي ميزان حسناتك و اسمحلي اني انشر الرابط على بعض المواقع مع الدعاء لك ..

[NeverLand]

لا ماصدق اخيرا في حد عبرني :P

qatari911

الله يخليك يارب وان شاء الله تستمتع بالقصص مثل ما انا استمتعت فيها :)

وجه السعد 2

وياك ان شاء الله .. واكيد خذ راحتك وانشره مثل ماتحب .. يهمني ان هالقصص توصل لاكبر عدد من الناس

واذا تحب تنشر لنكات ثانيه مقسمه على عشر اجزاء عشان نسهل التحميل على الناس بيكون حلو

بحطهم بالرد الجاي

[NeverLand]

اليوم وصلت لقصة سيدنا ابراهيم .. ضحكني لما كسر اصنامهم ماعدا اكبر واحد فيهم وعلق الفاس عليه .. ولما اسألوه من اللي حطم هالاصنام لانهم كانوا شاكين فيه قال اسألوا كبيرهم .. اتخيل شكلهم بس شلون كان غبي وقتها لول .. ولما حطوا سيدنا ابراهيم بالمنجنيق وألقوه بالحوطه الكبيره اللي فيها النار .. واخرتها لما انطفت النار وطلع لهم وهو ينفظ الرماد المتطاير من غير مايكون احترقت فيه شعره وحده .. مشهد مهيب !!!!! بس الغريب انهم حتى بعد هالمعجزه العظيمه استكبروا وخذتهم العزه بالاثم ورفضوا انهم يؤمنون ..

بكمل باقي قصته بكره .. متحمس اعرف شصار لما راح للمك نمرود :D

بس ماشاءالله اعمارهم كانت على ايام سيدنا ابراهيم على 400 سنه وطالع !!

في معلومه توني اعرفها من هالقصص .. عمر سيدنا ادم المفروض يكون 1000 سنه بالضبط .. لكن ربنا توفى ادم بعمر 960 يعني قبل لايكمل الالف سنه بأربعين سنه .. وفي سبب مهم ورا هالشي ماكنت عارفه .. اذا سمعتوا قصته بتعرفون ..

وقوم عاد توني اعرف انهم اول من عمر البيوت بشكلها الحضاري اللي نعرفه .. ربنا عطاهم قوه جباره بنحت الجبال وحفر الصخور .. لما شفت شكل مساكنهم جد انسعقت ..

http://www.mjdislam.com/vb/imgcache/2245.imgcache.jpg

http://www.hawahome.com/vb/nupload/59406_1202500199.jpg

http://www.hawahome.com/vb/nupload/59406_1202500090.jpg

ونهايتهم كانت أليمه بس كانوا يستحقونها ..

[NeverLand]

http://img98.imageshack.us/img98/3664/coveraje.jpg

ألبوم "حياة الانبياء" للشيخ ابراهيم العجمي للتحميل

مقسم على عشر لينكات:

http://hotfile.com/dl/124631294/8f5ea47/Hayat_al-Anbiya.part01.rar.html - 200 Mb
http://hotfile.com/dl/124628791/5d13ba4/Hayat_al-Anbiya.part02.rar.html - 200 Mb
http://hotfile.com/dl/124628863/fac9ed6/Hayat_al-Anbiya.part03.rar.html - 200 Mb
http://hotfile.com/dl/124628923/fa49da4/Hayat_al-Anbiya.part04.rar.html - 200 Mb
http://hotfile.com/dl/124628823/bb19322/Hayat_al-Anbiya.part05.rar.html - 200 Mb
http://hotfile.com/dl/124627995/70a4218/Hayat_al-Anbiya.part06.rar.html - 200 Mb
http://hotfile.com/dl/124628132/f9fbf79/Hayat_al-Anbiya.part07.rar.html - 200 Mb
http://hotfile.com/dl/124628771/aa9ffe3/Hayat_al-Anbiya.part08.rar.html - 200 Mb
http://hotfile.com/dl/124628906/6a71163/Hayat_al-Anbiya.part09.rar.html - 200 Mb
http://hotfile.com/dl/124612842/046b940/Hayat_al-Anbiya.part10.rar.html - 43.65 Mb

على لينك واحد:

http://hotfile.com/dl/124454924/86717cd/Hayat_al-Anbiya.rar.html - 1843.65 Mb

[وجه السعد 2]

جزاك الله خير على هاذي الهدية القيمة ..

[المحقق كونان]

جزاك الله خير

[الكاسر99]

جزاك الله كل خير وجعلها ربي في موازين حسناتك يارب العالمين

[eXpert*]

جزاك الله خير

من أجمل القصص بأمانة ,,

[NeverLand]

يزاكم الله خير عالدعاء ومبارك عليكم الشهر

عسى الله يتقبل صيامكم وطاعتكم :)

[الخـود]

جزاك الله خير
سبحان الله من كم قاعدة افكر من وين القى مقطع صوتي لقصص الانبياء كلها !!

جزاك الله خير