المساعد الشخصي الرقمي

مشاهدة النسخة كاملة : المساعده في اختيار التخصص الجامعي


abu abdulla
20-07-2011, 07:48 PM
السلام عليكم ورحمة الله وبركاته
اخواني وخواتي ارجو مساعدتي على اختيار التخصص الجامعي وين تنصحوني بالدراسه الجامعيه وفي اي بلد لاني وبفضل من الله تخرجت من الثانويه بنسبه تجاوزت 80٪ وتؤهلني للحصول على بعثه وحاليا بانتظار نتيجة الايلس والتوفل
وبانتظار مشورتكم
للعلم مستواي في اللغه الانجليزيه ممتاز والرياضيات ضعيف
وابي نصيحه لدراسة تخصص يفيدني في حياتي العمليه (يعني بعد التخرج الاقي وظيفه) ولاتنسوني من دعواتكم
الأمبراطور
20-07-2011, 07:57 PM
عن تجربه في سوق العمل والاكثر دخل
١- الهندسه بانواعها
٢- تخصصات البزنس بانواعها + القانون+الماركتينج
٣ - اي تي +تخصصات الكمبيوتر
٤- التخصصات الادبيه بانواعها وارشح الاعلام في مقدمتهم
ضعيف في الرياضيات>>روح على القانون او الماركتينج او الاي تي او الاعلام
برع قطر او في قطر؟؟>> اذا عندك ربع وقروب يشجع روح امريكا ...اذا ماعندك خلك في قطر واشتر راحتك النفسيه وهو يعتمد بالدرجه الاولى على نفسيتك وتقبلك الدراسه في الخارج
استغفرالله
20-07-2011, 08:01 PM
اولا مبروك على النجاح والتفوق

اذا ضعيف في الرياضيات لا اتخصص هندسة او كمبيتر او اي تي

ادخل قانون او علاقات دولية في جامعة قطر او جورج تاون

مب لاقي احين جامعة تقبلك لان خلص وقت التقديم لهذا الفصل
النشميه
20-07-2011, 08:09 PM
\\لاتنسى صلاه الاستخاره\\
والله يوفقك انشاالله
بوخالد88
20-07-2011, 08:12 PM
الف مبروك علي النجاح

واتمني من الاخوان انه يفيدونك واهم حاجة الاستخارة

والله يوفقك ويسرك امورك كلها

بالتوووووفيق
Right
20-07-2011, 08:14 PM
أولاً: شنو ميولك ... وعلى ضوءه بتبدع بالتخصص


ثانياُ: إختار التخصص المطلوب في سوق العمل


وبالتوفيق إن شاء الله
تحداني
20-07-2011, 08:15 PM
الف مبروك وعسى الله ينور طريقك يارب
" ضغيف في الرياضيات " نخليها على جنب الا اذا كان عندك القدره انك تقويها مع التخصص في الجامعه ..

نجي للي ما يحتاج رياضيات ومرغوب جدا
" القانون - العلاقات الدوليه - الشؤون السياسيه - الاداره والاقتصاد بالتحديد الموارد البشريه - الاعلام جدا مرغوب - العلاقات العامه - "

اما في مجالات الرياضيات
" الهندسه بكل افرعها هاذي منتهين منه "

جملك الله برضاه
صعبة وصوفه
20-07-2011, 08:39 PM
ماشالله مبرووووك التخرج،،

إذا تبي وظيفة مضمونة والعروض تجيك وأنت لازلت تدرس، أنصحك تقدم على جامعات المدينة التعليمية،، مستقبل باهر ينتظر كل خريج/خريجة من هالجامعات بإذن الله،،

أما بخصوص التخصص الجامعي، أنا دائما أنصح وبقوة إنه الواحد يدرس تخصص نادر ومطلوب،، في عندك بكلية نورث وسترن بالمدينة التعليمية فاتحين تخصصين عليهم طلب كبير في سوق العمل القطري،، تقدر تتخصص إما في الصحافة Journalism أو الإتصالات communication،،
من خبرة شخصية، نادر جدا اللي مختصين في هالمجال من القطريين، وهذي بتكون نقطة إيجابية لك،،

وهذا رابط للكلية:
*http://www.qatar.northwestern.edu/

ملاحظة: التقديم للإلتحاق بالكورس الجاي Fall semester تأخر اللحين، بس إذا عندك رغبة خاطب الجامعة إذا في إمكانية للإلتحاق بكورس الربيع Spring..

أتمنى لك التوفيق
abu abdulla
21-07-2011, 01:19 AM
مشكورين وجزاكم الله خير ،،، جورج تاون طلبوا مني الايلس او التوفل بس للفصل الثاني وهي خيار اذا قررت دراسة العوم السياسيه او العلاقات الدوليه
والجسر قدمت التوفل وانتظر النتيجه
الدراسه في امريكا اكيد احسن لكن خيار صعب وصعب على اهلي بس ربنا يكتب اللي فيه الخير
abu abdulla
22-07-2011, 09:57 AM
اكيد شاغلكم الويك اند مازلت بانتظار نصائحكم
mohd89
22-07-2011, 10:10 AM
السلام عليكم ورحمة الله وبركاته
مبروك النجاح اخوي
اخوي بالنسبه للتخصص اذا شايف نفسك ضعيف في الرياضيات ابعد عن التخصصات العلميه
عندك البزنس مجالاته واسعه ومرغوب في سوق العمل وعندك القانون والصحافه والتسويق والعلاقات العامه
يعتمد على ميولك هل تحب الحفظ ؟هل تحب العلاقات العامه والاختلاط مع الناس دور وين التخصص الانسب لك
بالنسبه لي افضل الابتعاث عن الدراسه في الدوحه لاسباب كثيره
والله الموفق
الجني
22-07-2011, 11:11 AM
إبني العزيز بو عبدالله

إن شاء الله نشوف عبدالله

أن عندي 4 عيال يدرسون في أمريكا عيالي و عيال إخواني و الخامس

بيلحقهم قريباً إن شاء الله

و انا مسؤول عنهم و الحمد لله 3 منهم تحولوا على بعثة بعد زيارة

سمو الأمير الى امريكا


ستجد مواد تحبها من جملة المواد القررة , تخصص فيها

و أهم شيء تقوم تصلي الجمعة و عقب الصلاة تصلي وكعتين و تستخير

أنظر دعاء الإستخارة في جوجل و كرر الإستخارة بين الخطبتين

و لازم يكون عندك عزم قوي للدراسة و متطلبات الحياة

الله يوفقك يا بو عبدالله
سفير الدوحة
22-07-2011, 02:39 PM
السلام عليكم بوعبدالله
والله انا اللي اشوفه يمدحون هالايام تخصصات العلوم البيئية
في البداية تدرس اساسيات الاحياء (نفس اللي ب2 ثانوي)
وبعدها تاخذ مواد في العلوم الطبيعية


انا فهالتخصص وهو يدعم رؤية قطر 2030
ahmed jasim
22-07-2011, 03:21 PM
أنصحك تجرب هالخطوة لمدة 1-2 سنة
تفتر على كم شغلة ومنها بتكتشف نفسك وأي مجال يناسب طموحك
حتى لما تختار التخصص تستمتع بدراسته وتنتج فيه

مشكلتنا عيالنا يبون أسرع طريقة للوصول فوق وبعدين يقعد يقرى جرايد وماعنده أى شىء يطور المكان الى فيه وبعدها يحال الى التقاعد المبكر
abu abdulla
25-07-2011, 07:59 PM
شاكر مروركم ونصائحكم والله يوفق الجميع وابشركم تم قبولي في الجسر حتى ارتب اموري في امريكا والتخصص ان شاءالله علوم سياسيه او اقتصاد والجامعه في كالفورنيا وبعد ما استغني عن دعكم ونصائحكم وحفظكم الله ويسر اموركم
الخـود
25-07-2011, 10:02 PM
اذا تحب تخصص علمي .. فانا اشوف ان التخصصات البيئية حلوة ومطلوبة ..
وانا لاني ادرس بزنس .. اشوف ان الماركتنج تخصص وايد حلو ومطلوب ومب صعب او مستحيل
وفيه ابداع وابتكار .. واشوف ان وايد طالبات عندنا ما شاالله مبدعااات في هالتخصص ،، بس للأسف انا تخصصت محاسبة << ممل شوي
،، ومن رايي انه هالتخصص فرصة حلوة للشباب ..
بالتوفيق
تحداني
25-07-2011, 11:29 PM
شاكر مروركم ونصائحكم والله يوفق الجميع وابشركم تم قبولي في الجسر حتى ارتب اموري في امريكا والتخصص ان شاءالله علوم سياسيه او اقتصاد والجامعه في كالفورنيا وبعد ما استغني عن دعكم ونصائحكم وحفظكم الله ويسر اموركم




اختيار رائع
الله يوفقك يارب وينور طريقك ويسهل امورك

جملك الله برضاه
abu abdulla
25-07-2011, 11:35 PM
تحداني الزمن

اشوارك الطيبه انت والاخوان هي اللي شجعتني على اختيار العلوم السياسيه او الاقتصاد لان لي رغبه بالعمل في وزارة الخارجيه وابي ادرس في جورج تاون- امريكا
abu abdulla
25-07-2011, 11:39 PM
جبت 5 في الايلز وبكره نتيجة التوفل في الجسر بس بيقبلوني في الجسر ، واليوم رحت مكتب في شارع سلوى عن دوار مدماك خذا اوراقي وهو بيسوي القبول لي وبيعرض علي عدد من الجامعات بس يقول لازم اعمل فاونديشن اذا ما جبت ايلز فوق6 واعتقد الدراسه بالجسر بتعطيني فرصه ارفع معدلي في الايلز
تحداني
25-07-2011, 11:42 PM
هالتخصص جدا مرغوب وفرص العمل فيه رائعه وسوق العمل ينتظرهم
وجورج تاون تعتبر من الجامعات التي تتصدر في هذا التخصص
وكذلك هارفد وميتشغن والخ من الجامعات الرائعه في امريكا


ما راح تتحسف " اسملى عليك "
اهم شي شد الهمه والعزيمه في الجسر الاكاديمي
وخلال فتره دراستك ادخل على موقع الجامعه وشوف شروطها عشان تكون عامل احسابك
وعارف شنو المطلوب قبل ما يجي موعد التجسل في الجامعه

راب لامورك من وقت
وجهز وانت في الجسر
وخلي الاساتذه يكتبون لك كتب التوصيه
وتعرف على الدراسه والحياه الجامعيه في امريكا قبل شد الرحال
هذا راح ينفعك ويفيدك في حياتك الدراسيه والعمليه
وراح بخفف عليك الكثير من الصعوبات


الله يرضى عليك ويجملك برضاه
M O H A D
25-07-2011, 11:50 PM
شاكر مروركم ونصائحكم والله يوفق الجميع وابشركم تم قبولي في الجسر حتى ارتب اموري في امريكا والتخصص ان شاءالله علوم سياسيه او اقتصاد والجامعه في كالفورنيا وبعد ما استغني عن دعكم ونصائحكم وحفظكم الله ويسر اموركم

الشيخ بس بسآلك
الجسر متى ردوا عليك ؟
انا قدمت بعد الامتحانات على طول و لين الحين محد رد علي :(
بالتوفيق =)
مكتوم
27-07-2011, 08:13 PM
كلية محمد بن راشد للإعلام في دبي


http://mbrsc.aud.edu/MBRSC/index.html
وانت وهواك ، وفالك التوفيق