إلى متى وطلابنا يعانون في الغربه :(

[مابدل العادات]

السلام عليكم ورحمة الله وبركاته

اشحالكم عساكم ابخير

مادري اشلون ابدا ولا اشلون انهي الموضوع الصراحه

يعني معاناة الطلاب في الخارج مايعلم بها الا الي مار فيها ولا يعرف حد يمر فيها وخاصة الطلاب الي على حسابهم الخاص والله حرام الي تسوونه يالمجلس الأعلى في الطلاب

والدليل على المجلس الفاشل

انه سمو الأمير الله يطول في عمره اول مادخل علينا استغرررب وتفاجاء انه عددنا كثير وكان يتوقع انه الطلاب القطريين اشوي في امريكا

يعني من السبب في انه مايدري بهاي العدد ؟؟؟!!!!!

واول ماشاف هاي العدد وفي طلاب كثار من الي على حسابهم الخاص كلمو الشيخه موزه

وبعدها علطول سمو الامير نزل قرار بظم الجميع للبعثات ولاكن المجلس الأسفل للتعليم لازم يتفلسفون اشوي

يعني وش الي بيخسرونه لما يضمون الطالب الي في المعهد للبعثه موب هو اصلا في امريكا والرجال جاد في الدراسه ؟؟!!!

وين المشكله لما يضمون للبعثات الي في الكليات ؟؟؟!!!!!
وين المشكله لما يضمون الي في الجامعه اول سنة ؟؟؟!!!!

الصراحه المسؤولين عندنا مادري اشلون تفكيرهم الصراحه يعني هم عبالهم انهم إذا وفرو كم ريال على الدوله بتنحط في جيبهم ؟؟؟!!!!!

قطر اقل دوله خليجيه عددا في الطلاب في امريكا !!!!

وين المشكله لو ظمو الكل للبعثات

يعني السعوديين في كل ولايه لا يقلون عن 5000 شخص وكلهم على حساب دولتهم سواء لغه ولا كليه ولا جامعه و حتى ماستر

ولاكن احنا مالنا الا الله سبحانه وتعالى عددنا قليل جدا مقارنة بالخليجيين يعني اكثر ولاية فيها قطريين هي ولايه كولورادو وكم عددهم ؟ 200 شخص !!!!!!!!!؟؟؟؟ يعني مستخسرين في هاي ال 200 اشدعوه
قول 100 مبتعثين عن طريق جهات مختلفه انزين الدوله عيزانه عن 100 قطري ؟؟!!!!!

إذا 200 اكبر عدد في ولاية واحده تتوقعون عجل كم قطري في امريكا

على اخر كلام مايتجاوزون ال 3000 تخيلو بس 3000 وذالين العالم ذل على البعثات

والي بيقولي نسبة مانسبه اقوله النسبه ماعمرها كانت مقياس للطالب وهاي كلام ناس تربووين ومتعلمين موب كلامي انا ولا غيري يعني انت ماتدري هاي الطالب وش كانت ظروفه .

حتى المجلس الأعلى ويمكن هاي الشي الوحيد العدل فيهم انهم الغو سالفة النسب

وادم الشخص خلص المعهد ووصل لمرحله الكليه وعلى حسابه الخاص ونسبته 50 هاي اشلون تقول عنه غير جاد هل لجل نسبته ؟؟!!! يعني ناس مادري اشلون تفكر

وفيه ناس نسبهم من ال80 وانت طالع حتى معهد اللغه مايقدرون عليه ويرجعون الدوحه

يعني الحين وين المشكله لما كل الجهات الي تبتعث تحط مثلا هاي القوانيين :

1- على الطالب المتقدم على بعثة لدراسة اللغه له مهله لكي ينهي البرنامج في مدة اقصاها 16 شهرا
لأنه معهد اللغه فيه 6 لفلات وكل لفل مدته شهرين يعني بالضبط 12 شهر ولاكن الزياده يعني لاسمح الله سقط في لفل ولا شي بسس ظروف ما مثلا مريض ولا شي

2- على الطالب المتقدم على البعثة لبرنامج الكليه له مهله يكمل دراسته في مدة اقصاها سنة

وبعدها يحول للجامعه وبيكون سنة ثانيه علطول خاطري اعرف وين المشكله وليه مايقدرون ينفذون مثل هاي الأشياء ؟؟؟؟!!!

وياريت يرحمون الطلاب اشوي يعني معاشات طلاب المجلس 2000 دولار فقط !!!!!!!!

والي يرحم والديكم يالي في امريكا وفي اي ولايه كنتو تكفون قولو لي 2000 دولار وش تسوي في امريكا !!!!!!!!

اغلب طلاب الملجس الأعلى من الي اعرفهم مايكمل لين 15 الشهر وهاي فعلا الواقع
لأنه الحياه في امريكا موب رخيصه من ناحيه المسكن والمأكل والمواصلات

يعني يكفي اجار الشقه بروحه يذبح حتى لو تسكن في اخس مكان بعد يكلف

عن نفسي الحمدلله الجهة الي مبتعثتني موب مقصره ولا الجهات الثانيه مقصره مع طلابها

ألا المجلس الأعلى ليه مادري الصراحه ؟!!!

والسموحه إذا اطلت في الموضوع ويمكن مايكون مرتب بس كان تعبير عن الي في قلبي :(

واتمنى اتمنى من الي وده يخرب الموضوع وهو لا فاهم شي لايرد احسن

[المسك1969]

السلام عليكم

انا صج مب فاهمه الموضوع بس ما احب اخرب واتمنى أنهم يسمعونكم

انا كنت بعد طالبه في امريكا وكان الراتب اللي يدفعونه لنا قليل وأذكر والدي حفظه الله كان معاي ويدفعون لنا حق مرافق بس فعلا الراتب قليل وكان وقتها فقط 1200 دولار وعقب خلوها 1400 دولار بس والله كانت فيها البركه والحمدلله

بس بالنسبة للبعثات كان على ما اذكر أنه في طلبة أول مايسجلون في الجامعه تضمهم وزارة التربية والتعليم للبعثه على طول

الحين مشكلتكم تبون اللي على حسابهم الخاص ينضم للبعثه وتبون يزيد الراتب صح؟؟

واعتقد أن هذا امر بسيط على التعليم العالي لأنهم المفروض يشجعون الطلبه وييسرون لهم الامر في التعليم واحنا صراحة نريد شعب متعلم ونريد أن نريح الاهل في عدم دفع مصاريف ابنائهم والتفكير فيها ومحاتتهم

ما اعتقد راح تنقص من ميزانيتهم ان سوو هالامرين
وعلى فكرة ترى يخشون عن الطالب ان لهم بدل ملابس أو كتب سنوي (على ما اذكر) وكان لك تطلب حق كمبيوتر وكله يخشونه هاي ايام وزارة التربيه والتعليم بس مادري الحين شلون وضعهم
اتمنى يكون افضل...لأن في وقتها والله كنا اقل المبتعثين الخليجين في الراتب
بس والله حلوه ايام الدراسه ياليتها ترد

وبالتوفيق ان شاء الله

[مابدل العادات]

السلام عليكم

انا صج مب فاهمه الموضوع بس ما احب اخرب واتمنى أنهم يسمعونكم

انا كنت بعد طالبه في امريكا وكان الراتب اللي يدفعونه لنا قليل وأذكر والدي حفظه الله كان معاي ويدفعون لنا حق مرافق بس فعلا الراتب قليل وكان وقتها فقط 1200 دولار وعقب خلوها 1400 دولار بس والله كانت فيها البركه والحمدلله

بس بالنسبة للبعثات كان على ما اذكر أنه في طلبة أول مايسجلون في الجامعه تضمهم وزارة التربية والتعليم للبعثه على طول

الحين مشكلتكم تبون اللي على حسابهم الخاص ينضم للبعثه وتبون يزيد الراتب صح؟؟

واعتقد أن هذا امر بسيط على التعليم العالي لأنهم المفروض يشجعون الطلبه وييسرون لهم الامر في التعليم واحنا صراحة نريد شعب متعلم ونريد أن نريح الاهل في عدم دفع مصاريف ابنائهم والتفكير فيها ومحاتتهم

ما اعتقد راح تنقص من ميزانيتهم ان سوو هالامرين
وعلى فكرة ترى يخشون عن الطالب ان لهم بدل ملابس أو كتب سنوي (على ما اذكر) وكان لك تطلب حق كمبيوتر وكله يخشونه هاي ايام وزارة التربيه والتعليم بس مادري الحين شلون وضعهم
اتمنى يكون افضل...لأن في وقتها والله كنا اقل المبتعثين الخليجين في الراتب
بس والله حلوه ايام الدراسه ياليتها ترد

وبالتوفيق ان شاء الله

وعليكم السلام

ياهلا ومرحبا

حاليا نفس الشي بالنسبة لظم الطالب ولاكن لازم جامعه من اللسته وماشاء الله على اللسته جامعاتها مايحتاج خخخخخ ألا كم وحده بس الله يسلمج الي اقصده يعني طلاب المعهد الي يدرسون لغه او الي في كليات المجتمع في امريكا بشكل عام :)

فعلا اختي هاي المطلوب لأنه الطالب الي على بعثه وموب ملحق على المصاريف فما بالج بالي على حسابه الخاصه ويدفع في الفصل الدراسي مابين 5000 إلى 13000 دولار يعني في السنة كم بتطلع على ابوه مسكين وفيه بعض الجامعات تطلب اكثر واكثر

ولازلنا اختي احنا اقل عدد في الإبتعاث واقل معاشات

نورتي موضوعي بردج ومساهمتج :)

[بومبارك511]

انا طالب ف امريكا وادرس على حسابي الخاص !!
تشجعنا يوم زياره سمو الامير وماقصروا ف المكافأت بس الاخوان اللي كانو حاظرين الاجتماع اغلبيه الطلبه اللي حضروا كانو على حسابهم هذول اللي قدرو يجون يعني في وايد ماقدروا يجون والبعض اصلا ماكان عنده خبر ...
واما على موضوع البعثه فهي من ساآبع المستحيلات اتوقع على المجلس الاعلى هذا وفي الاجتماع اللي الاخير معا سمو الامير وحرمه .. صحيح ان الامير سمع كلام كل شخص وبشرونا بالخير لكن للاسف كلامهم كان مجاملات يعني حتى راسلونا المجلس الاعلى بعد الاجتماع قالو لنا ارسلوا بياناتكم .. وارسلنا .. جانا الرد العجيب اللي تعبوا نفسهم وفكروا وقالو لنا انتو الشروط عندكم مب كامله .. يعني الرد كان مقنع ومتعوب عليه .. مع ان هالاجابه احنا ندريبها من يوم جينا امريكا وندري ان الكثير مو محقق الشروط كلها (لكن) كنا متوقعين استثناء من بعد الزياره من سمو الامير لكن الظاهر لبنان والسودان وفلسطين اولا منااا هالمليارات اللي تروح لهم اولا من الطلبه اللي يدرسون بالخارج وطموحهم الاول خدمه الدوله .. مافكروا ابدا انهم يناقشون الموضوع الصراحه شي يرفع الظغط بس شنسوي الشكوى لله

[لطآم]

انا كنت بأمريكا بالفتره اللي جاء فيها الأمير
وتبشروا الأخوان بالخير والكل استانس على الأخبار الحلوه
بالنسبه للطلاب اللي على حسابهم بس الصدمه من المجلس
الأعلى اللي قعد يتشرط كأن الأمر منهم مب من الأمير
الله يكون بعونكم والله وان شاءلله يمرون اعيال المسؤالين
بالمجلس بنفس اللي مريتوا فيه عشان يعرفون الظلم عدل

[مابدل العادات]

أي والله فعلا كانت الصدمه وشفتها في الربع مساكين والله حراااام الي سووه هاي المجلس


يعني الحين وين المشكله لما كل الجهات الي تبتعث تحط مثلا هاي القوانيين :

1- على الطالب المتقدم على بعثة لدراسة اللغه له مهله لكي ينهي البرنامج في مدة اقصاها 16 شهرا
لأنه معهد اللغه فيه 6 لفلات وكل لفل مدته شهرين يعني بالضبط 12 شهر ولاكن الزياده يعني لاسمح الله سقط في لفل ولا شي بسس ظروف ما مثلا مريض ولا شي

2- على الطالب المتقدم على البعثة لبرنامج الكليه له مهله يكمل دراسته في مدة اقصاها سنة

وبعدها يحول للجامعه وبيكون سنة ثانيه علطول خاطري اعرف وين المشكله وليه مايقدرون ينفذون مثل هاي الأشياء ؟؟؟؟!!!

[القحطاني505]

الله يعينهم

[مابدل العادات]

ويعين الجميع ان شاء الله

شاكر لك مرورك :)

[لطآم]

أي والله فعلا كانت الصدمه وشفتها في الربع مساكين والله حراااام الي سووه هاي المجلس


يعني الحين وين المشكله لما كل الجهات الي تبتعث تحط مثلا هاي القوانيين :

1- على الطالب المتقدم على بعثة لدراسة اللغه له مهله لكي ينهي البرنامج في مدة اقصاها 16 شهرا
لأنه معهد اللغه فيه 6 لفلات وكل لفل مدته شهرين يعني بالضبط 12 شهر ولاكن الزياده يعني لاسمح الله سقط في لفل ولا شي بسس ظروف ما مثلا مريض ولا شي

2- على الطالب المتقدم على البعثة لبرنامج الكليه له مهله يكمل دراسته في مدة اقصاها سنة

وبعدها يحول للجامعه وبيكون سنة ثانيه علطول خاطري اعرف وين المشكله وليه مايقدرون ينفذون مثل هاي الأشياء ؟؟؟؟!!!



أخوي ترى تفرق المعاهد بأمريكا
انا اخوي بميشغان ويدرس بالمعهد هناك
كل لفل عندهم 4 شهور يعني تخيل لو يشد حيله
وينجح في كل اللفلات بدون رسوب كم يبيله ؟

20 شهر ويخلص لفل 5 اذا ماعاد ولا لفل طبعاُ
بس اذا عاد الله يعينه يعيد 4 شهور
مب شهر ولا شهرين كل معهد يفرق عن الثاني
على العموم الله يكون بعونكم ان شاءلله
وتيسر امورك بأذن الله

[بوعلي-Qtr]

تفضلو هالمقال
http://www.dohaup.com/up/2011-07-23/admin1948048915.jpg (http://www.dohaup.com/)
جريدة الراية ..يوم الثلاثاء الموافق19-7-2011
صفحة 6
http://raya.com/mritems/streams/2011/7/19/2_582783_1_212.pdf
وبكرة باكمل الرد باذن الله

[D0ha]

الطلاب في امريكا !!!!



واللي مبطل حلجه في بريطانيا؟ شوف عيني...

- ساكنين في بيوت مشتركه مع أجانب (السعر و اللغة)
- مستقطعين في أخر الدنيا ويحرص على التوفير
- صار له سنة عن الدوحة وعن والديه والسبب تكاليف التذكرة
- يبعد عن الاختلاط مع شباب والسبب ما يقدر يصرف
- وهذي بعد شوف عيني يعطي رنه حق هله علشان يتصلون عليه

استغربت الصراحة يوم سألت عن عوايلهم...وفعلا تربية رجال ونفوسهم عزيزة

واللي أقوله ربي يشهد علي يوم الدين...

[العميد الركن]

نظام المجلس الاعلى لازم تثبت لهم انك جاد خلص لغة وجيب التوفل وادخل جامعة معترف فيها

خلنا نكون صريحين الجامعات الي خارج اللسته اغلبهم اي شخص ممكن يعديها وسهله وطبعا السهل غير مرغوب فيه هالايام

عندي قصة بسيطه ان شاء الله يعتبرون منها الشباب بما انك جبت طاري الدراسه

واحد من ربع اخوي الصغير الله يوفقه خلص الثانوية طبعا مايقدر يدرس برع ولاداخل

راتب ابوه والله مايصفى له الا 1000 ريال يمكن او اقل من الديون الي عليهم طبعا ديون مش لعب ديون حياة من سيارة واقساط الخ طبعا هذا على كلام اخوي

خلص ثانوية ودخل معهد انجليزي حاول يأسس نفسه تدري انه كان يتسلف من اخوي حق المعهد وحق تقديم التوفل والآيتلس وطبعا تعرف كم تكلفة كل امتحان وكل مره لازم تقدمه وتعرف مستواك


وجاب التوفل ودخل احسن الجامعات واحين عنده سبونسر والحمدلله تيسر حاله ورجع الفلوس الي تسلفها وفوقها كيكة :nice: مشاء الله

الواحد يجتهد ويدعي الله ..وربك مايضيع تعبكم

الله يوفقكم

[المسافره]

وجامعاتنا بقطر وش فيها مايبون جامعة قطر فيه جامعات المدينه التعليميه

الغربه مره

[رُفق المجنّا]

التّعليم عندنا من فشل إلى أفشل لا من حيث المناهج ولا من حيث الأنظمة وووو .. حتّى الإبتعاث لم يسلم منه

أخوي ما بدل العادات .. لا أجد إلا وحيد وهو بمقام الفيصل وهو أن تتقدّموا بكتاب لـ سمو الأمير يوضّح كل ما تطلبونه في حد المعقول.

وأمّا التّعليم ومن يقوم عليه فـ لا يفقهون في الأمر شيئاً


أتمنّى لك التّوفيق يا راعي كولورادو .. وهــ الله الله في ستاربكس بو عرّاب :nice: