عاجل بخصوص برودكاست هريس أم راشد أتمنى عدم النشر

[سيف الحق]

السلام عليكم ورحمة الله وبركاته

إنتشر برودكاست عبر اجهزة البلاك بيري عن
أرملة قطرية تجيد عمل الهريس واللقيمات ولديها سائق يوصل مجاناً

وتدعى أم راشد

هالبرودكاست غير صحيح وليس إلا مقلب
والأرقام الموجودة فيه أرقامي :eek5:
وتنتهي بـ 73 و63 و 18
مما تسبب في إزعاج متواصل طيلة الـ 3 أيام الماضية



أتمنى عدم نشر البرودكاست :(
وجزاكم الله خير

[بوخالد88]

الله يخليك صحن هريس هههه

والله هالعالم صايرين كنهم يهال والله يعينك اخوي علي الازعاج

بالتوووووفيق

[سهم طايش]

بكم تسوون الجدر :secret:

[رُفق المجنّا]

ههههههههه

أرسل تحيّاتي لـ راعي البرودكاست :)

:nice:

[نتفـه]

امحق مقلب و الله .. الله يعينك والله اخوي ,,

[ام السعف]

يا هالهريس اللي مسوي ضجة ،، والله مافي الا هريس جارتنا ام خالد

تسلم لي يدها أحبها في رمضان وايد :shy:

[بوخالد88]

يا هالهريس اللي مسوي ضجة ،، والله مافي الا هريس جارتنا ام خالد

تسلم لي يدها أحبها في رمضان وايد :shy:


هههههه شكلج في رمضان امبسطة في الحووش تنطرين جدرهم متي يوصل

وكل اشوي الا ام خالد اخباركم شمسوين :telephone: يعني ماسويتو هريس:shy:

[sara jsm]

هههههههههههههههه مقلب يرفع الضغط ,,
انا بدالك استغل هالشهرة :p واترزق من ورى هالاشاعه ,,
فكر فيها انت بس :secret:

[HiTec]

هههههههه الله يعين بس
انت حول تلفونك لـ هريس الوالدة واخلص
اخذ نسبة

[امـ حمد]

الله يعينك اخوي

يازين هريس الوالده ام حمد ههههههههههههه

[راعي ال VXR]

لا حول ولا قوة الا بالله

[خوي الدرب]

ولا عليك أمر
أبي مطبقية لقيمات توصلها لي في الرويس
ههههه

الله يهدي هؤلاء الأطفال الذين أصبحت اجهزت التواصل في متناول أيديهم
فأستخدموها في غير موضعها

[الأصيلة]

المفروض يكون هناك عقاب رادع لمثل هؤلاء
لازم تكون رقابة على هذا الجهاز ...
أما إذا عادي الواحد ينشر برودكاست على كيفه
ترى اللي مايخافون الله كثيرين...

[ام السعف]

المفروض يكون هناك عقاب رادع لمثل هؤلاء
لازم تكون رقابة على هذا الجهاز ...
أما إذا عادي الواحد ينشر برودكاست على كيفه
ترى اللي مايخافون الله كثيرين...

ياليت بصراحة وخاصة لو فيها تشهير في ارقام او اسامي

علشان يكونون عبرة لمن لا يعتبر :(

[بوخالد88]

ياليت بصراحة وخاصة لو فيها تشهير في ارقام او اسامي

علشان يكونون عبرة لمن لا يعتبر :(

ويوزعون هريس بعد :secret:

[ام السعف]

ويوزعون هريس بعد :secret:

هاهاها
صادتك عقدة الهريس
هاهاهاهاها:shy:

يقطع سوالف ابليسك :(

[بوخالد88]

هاهاها
صادتك عقدة الهريس
هاهاهاهاها:shy:

يقطع سوالف ابليسك :(

صج مااوصلج برودكاست هريس ام راشد :telephone:

من قلب

[بنـت الغالـي]

الله يكون بعوونك اخوووي

=(

[ام السعف]

صج مااوصلج برودكاست هريس ام راشد :telephone:

من قلب

اتصدق جهازين في العالم كرهتهم ولا حبيت المسهم
النوكيا والثاني البلاك بيري

من الله ما ادري ليش ،، فمن جذيه ما وصلني شي ولله الحمد

من امس وانا اضحك على نكتة العنصرية والخال :(

هو الوحيد اللي وصلني مع ادعية :shy:

[منابر خالده]

بكم الجدر الله يخليك هههههه

في كاتشب ؟؟

امزح معاك الله يعينك والله

[بوخالد88]

اتصدق جهازين في العالم كرهتهم ولا حبيت المسهم
النوكيا والثاني البلاك بيري
من الله ما ادري ليش ،، فمن جذيه ما وصلني شي ولله الحمد
من امس وانا اضحك على نكتة العنصرية والخال :(
هو الوحيد اللي وصلني مع ادعية :shy:

افا ليش ماخذتي بلا بيري لا لا زم تاخذين






مهمم راح يفيدج في تلقي الاشاعات :omen2:




والهريس:tease:

[ام السعف]

افا ليش ماخذتي بلا بيري لا لا زم تاخذين






مهمم راح يفيدج في تلقي الاشاعات :omen2:




والهريس:tease:

الهريس يوصلني من غير اشاعات لين عندي في رمضان
ربي يسلمها ام خالد مب مقصرة :telephone:

اما البلاه بيري ..........> I hate it

[eXpert*]

هههههههههههههههه مقلب يرفع الضغط ,,
انا بدالك استغل هالشهرة :p واترزق من ورى هالاشاعه ,,
فكر فيها انت بس :secret:

إن كيدهن عظيم :nice:

[بونو]

هههههههههه .... يارجال سووها في صندوق الزكاة ..... ماجات عليك .... بس ممكن اتضيف الخنفروش على المنيو ..... بيمشي ترا ... خخخخخخخ

[غير البشر]

الهريس يوصلني من غير اشاعات لين عندي في رمضان
ربي يسلمها ام خالد مب مقصرة :telephone:

اما البلاه بيري ..........> i hate it



سلمي على ام خالد سلام وايد :(

[بو الجوري]

لا حول و لاقوة إلا بالله :..
:anger1:

حسبي الله عليهـم اللي يسوون هالحركات :..

بس يعني أكيد حد من ربعك :.. دامهم حاطين أرقامك الثلاثه :.. :rolleyes2:

[شبح الصمت]

الله يعطيـك العافيه

تراني كلمـتك ياخوك والله يعــينك ...

قلت صج هريس وكنا نبي للمجلس ...

[R 7 A L]

أصبر على الازعاج كلها كم يوم وبينسون

[ام السعف]

سلمي على ام خالد سلام وايد :(

يبلغ الله يسلمك :(

[قطرية ونص]

لا حول ولا قووة الا بالله .. انا مطرشته لي داعية من الداعيات مسكينة ماتدري .. ليش يسون جذي ليش يحطون ارقام الناس .. كذلك من فترة جانا برودكاست عن وظيفه وحاطين رقم واحد مسكين ازعجوه ..
قال عليه الصلاة والسلام ( كفى بالمرء كذباً )

[sara jsm]

إن كيدهن عظيم :nice:

ابيه يستفيد من الموضوع :shy:

[بو خليفه 123]

أنا لو منك منب زعلان و بحاول استفيد من هذا المقلب .. رب ضارةً نافعه ..

اي زبون او زبونه يتصلون بقول لهم ابشروا الهريس جاهز و بتصل في أم حمد ولا ام طمبحله ولا ام اي واحد بخليها تسويلي الهريس و ببيعه بـ دبل السعر بغرض الربح مع سعر التوصيل ..

و عقب ماتربح و تخلص تجارتك روح للنيابه العامه و قدم بلاغ تشهير على الشخص الي نشر البرود كاست و بيجرونه من اذنه ..


:victory:

[شبح الصمت]

لا حول ولا قووة الا بالله .. انا مطرشته لي داعية من الداعيات مسكينة ماتدري .. ليش يسون جذي ليش يحطون ارقام الناس .. كذلك من فترة جانا برودكاست عن وظيفه وحاطين رقم واحد مسكين ازعجوه ..
قال عليه الصلاة والسلام ( كفى بالمرء كذباً )



اختي سوالف وايد تصير

ناس ما تخاف الله ..

بس صدقيني الي يسوي هالشيء انسان قريب منـج يعرفـج وما يستحي على وجـه قليل حياء ..

نفس مسكين ذاك الي حاطين عن صندوق الزكاة وانه بيمشون رواتب للمطلقات ..

مسكين الرجال جاءته اتصالات وكلمته مسكين قبل لا انشر البرودكاست انا فيني طبع ما انشر شيء الا اتاكد واتصل انه صحيح ...

يوم اتصلت الرجال اشوي ويصيح يقولي اسكت لي يوم كامل في العاصمه العالم اشتكوا علي قالوا اني كذاب واني واني والي اشتكوا حريـم ...

حسبي الله ونعم الوكيل في بعض الاشكال الي انتو محشومين منها ...

مشكلة الياهل او الي عقلـه عقل بزر ويفكر انه بيضحك العالم وانه سوى انجاز ما يدري انه بيتحاسب ان صار في الدنيا وفي الاخره ماله مفر من غلطته ..

الله يغفر لنا ويرحمنا برحمته يارب ..

[أم حمد]

الله يعينك

وبالنسبه للي سوى المقلب فيه

اعتبره انسان متخلف الحمدالله والشكر على نعمة العقل !

صدق من قال قلة العقل مصيبه !

[مساهمة بسFresh]

معظم هالبرودكاستات اللي من هالنوع مقالب
والمفروض اللي عنده بلاك بيري يتاكد قبل لاينشر اي شي يوصل له(خصوصا اذا كان متضمن رقم جوال) لان ممكن يصير له نفس المقلب:shy:

[sendarala]

اخذ برأي الاعضاء ممكن تستفيد في ظل هالاسعار الغالية وعدم الزيادة في الرواتب


بداية موفقة ان شاء الله

[دااانة قطر]

حتى في هالسواالف مقاالب!

الله المستعاان

[ضوى]

تكنولوجيا و تقنية مفيدة جدا في الخير بيد العابثين تتحول لنقمة وراها مشاكل كثيرة

مدري متى بنتعلم نستخدم التقنيات المتاحة لتسهيل حياة البشر بما صنعت لاجله

[بلوتنيوم]

أنا لو منك منب زعلان و بحاول استفيد من هذا المقلب .. رب ضارةً نافعه ..

اي زبون او زبونه يتصلون بقول لهم ابشروا الهريس جاهز و بتصل في أم حمد ولا ام طمبحله ولا ام اي واحد بخليها تسويلي الهريس و ببيعه بـ دبل السعر بغرض الربح مع سعر التوصيل ..

و عقب ماتربح و تخلص تجارتك روح للنيابه العامه و قدم بلاغ تشهير على الشخص الي نشر البرود كاست و بيجرونه من اذنه ..


:victory:

هههههههههههههههه:nice:
التفكير الاقتصادي بمشاكلنا يخليها ذات مردود مالي ممتاز
اعتبرها دعاية مجانية :tease:

[La.Queen]

قمممممممممه السخافه ..

الله يعينك اخوي

[هارودز]

حركات يهال اتمنى من الداخلية التخل في هذا الموضوع والله عيب اللي يصير

[هارودز]

التدخل

[هبوب الكوس]

مبروك صرت اشهر من اوباما

الله يعينك على اتصالات العجايز :rolleyes2:

[صوت الضمير]

اها نفس سالفة صندوق الزكاة اللي يعطي الارامل والمطلقات 2000

اعتقد انه اللي سووا هالبرودكاسات ناس مرضى .. لانه هذا اشياء ماينمزح فيها

واللحين ماعاد نصدق الدعايات لانه ماعاد في ثقه

يعني هالمستهترين خربوا على اللي يترزقون وخربوا على كل شي

أبداع

[00soma00]

هههههههههههههههه

[رمــش الغلا]

وصلني والله زين اللي ماتصلت خخخخخخخخخخ

[سيف الحق]

أضحكتني بعض الردود ههههههه

خلاص ولا يهمكم راح افتح محل هريس :)

اللي يبغى هريس
أرقامي عندكم
:)

ويعطيكم ألف عافية على التفاعل
وأتمنى أي واحد يوصله البرودكاست يمسحه :(

[بـــــــنت النوخـّــــذه]

السلام عليكم ورحمة الله وبركاته

إنتشر برودكاست عبر اجهزة البلاك بيري عن
أرملة قطرية تجيد عمل الهريس واللقيمات ولديها سائق يوصل مجاناً

وتدعى أم راشد

هالبرودكاست غير صحيح وليس إلا مقلب
والأرقام الموجودة فيه أرقامي :eek5:
وتنتهي بـ 73 و63 و 18
مما تسبب في إزعاج متواصل طيلة الـ 3 أيام الماضية



أتمنى عدم نشر البرودكاست :(
وجزاكم الله خير

لاحول ولاقوه الا بالله

وين المسؤولين عن هاليهالوه الي ماسكين البلاك بيري

بعد مره انشرو رقم صالون نسائي باسعار مخفضه واتصلوا بنات طلعوا شباب مسويين مغالب سخيفه:anger1:

[جاسم القطري]

ههههههههههههههههههه والله مشكله هالناس

[انصار جليري]

ههههههههههههههههههه


اكيد حد يعرفك



حاذف احد قريب:telephone: وسوى فيك اخساس:secret:


الله يعينك

[Abdullah_89]

الله يعينك


انا عن نفسي اي برودكاست يجيني عن اكلات او اغراض للبيع حتى لو كان في روابط صور مافي أمل اتصل


فديت هريس امي الله يخليها لي

[مستر قطر]

هههههههاي ماقوووول غير الله يسامحه الي في باااالي

[الحياة الخالدة]

أضحكتني بعض الردود ههههههه

خلاص ولا يهمكم راح افتح محل هريس :)

اللي يبغى هريس
أرقامي عندكم
:)

ويعطيكم ألف عافية على التفاعل
وأتمنى أي واحد يوصله البرودكاست يمسحه :(


الله يعينك ياخـــــــوي

بس اشرايك .. تخليها زلقة بطيحــــــــة ؟؟

يعني افتح لك مطعم صج ودرب العمال ..
يمكن ينفتح لك فيه باب رزق .. ما تدري .. :)

ساعتها اللي سوا فيك المقلب .. بيحتــــــر :nice:

ان شالله .. إذا وصلنا بنمسحه و الحاضر بيعلم الغايب .. :)

[امل الحياه]

:p ههههههههه

[بوحسن 779]

مقلب قوي يا اخوي الله يعينك

[khalid Qtr]

هههههههههههههههههههههه

لا هنت فيه توصيل لـ معيذر

هاردلك ولا تحط راسك براس بو سـ .... ^_^

[غزلان]

هههههههههههههههههههههه

دام فيه اكل الأزعاج مابيخلص

[!! علي !!]

بوراشد عندك توصيل لمعيذر ، معاشر العملاء يفضلون الهريس الصادر من عندك

بوعلي بعد يبي توصيل لأمريكا ، وبومحمد يقول لو تقدر توصل الريان

(:

[شيط ويط]

ياخي الرقم اللي جاني مب نفس اللي انت حاطه .. ههههههه

بس عموما انا ما اتصل عشان هالسوالف الا لا تأكدت من راعي البرودكاست اللي مطرشه لي

[مشتاقة لقطر]

هههههههههه حلوة الفكرة سو لهم هريس وبيعه شالمشكلة

[المسافره]

لاحول ولا قوه الا بالله

من حقك ترفع قضيه على من كان السبب

البروت كاست انا ضده خاصه في نشر ماليس دعاء

[النهار]

لاحول ولا قوه الا بالله

[لاجل QT]

بس دام في اقبال لية ماتفكر في الموضوع:p

جيبلك وحدة شاطرة تسوى هريس..:tooth:

الحين وين بتحصلها من ازعاج التلفونات ولا من ازعاج طلبات المنتدي:funny:

[راشد محمد]

ههههههههه تعيش وتاخذ غيرهاا

[المسك1969]

لا حول ولا قوة الا بالله

من مسوي فيك هالمقلب؟ الله المستعان .. صج ناس ماعندها ضمير

[ريومه87]

بل
عاد انا وحده اموووت عالهريس بس ماصلني هالبرودكاست ولا جان حرررقت تلفونك بسبة الهريس

الله يعينك اخوي
هاذي حركات البلشتيه

[المنسى]

دوله الاماارات من كم يوم اصدرت قرار بالسجن 3 سنوات لمروجين الاشاعات على البلاك بيرى ياريت نشوف قرار مشابه والله يعينك

[فيصـــل]

الله يعينك ياخوي

سوالف مبزره ومالها داعي .. والعيب مب فالتكنلوجيا .. العيب فالاشكال اللي تستخدمها بهالاسلوب

[كازانوفا]

ههههه بجد مقلب حقيرررررررررررررررررررررر