جامعة العلوم التطبيقية في مملكة البحرين ..

[سيد الذئاب]

السلام عليكم ورحمة الله وبركاته ،،،


اتمنى احد يفيدني عن جامعة العلوم التطبيقية في البحرين هل هي معتمدة من المجلس الاعلى للتعليم او لا ؟؟

لان اللي عرفته عن الجامعة ان دراستهم في اجازة كل اسبوع ( الخميس والجمعة والسبت )

أو على الاقل اي جامعة في الخليج تنصحوني اكمل دراستي فيها تخصص (( بكالوريوس ادارة اعمال )) بس تكون الدراسة في الفترة المسائية ... لاني تعبت وانا ادور جامعة عندهم الدراسة في الفترة المسائية وما حصلت ..

أو أذا أحد من الاخوان عنده قائمة بأسماء الجامعات المعتمدة من قبل المجلس الاعلى للتعليم في دول الخليج لا يبخل علينا ..

[البحار00]

اذا بتنتظم فيها بيعترفون بشهادتك

اما سالفه الدراسه كل ويكند أنسى


حاولت قبلك وكان ردهم نفس ردي عليك

[ماجد البدر]

جامعة العلوم التطبيقية في البحرين وضعها جيد وملبيه طلبات كثيره للمجلس ولكن لم يتم الاعتراف بها الى الان عندهم دراسة بالكلريوس ودراسة ماجستير محاسبة
الدراسة عندهم كورس مكثف كل اسبوعين الخميس و الجمعة و السبت بيفتحون شهر 9 اعتقد يوم الخميس يدرسون العصر و الجمعة العصر و السبت الصبح و العصر تقدر تسافر وترجع
المشكله ان الجامعات الي في البحرين صار عندهم تقييم من جديد الجامعات وضعهم في البحرين صعب لان صار عندهم مجلس للمواصفات مثل ماتقول و العلو م التطبيقية وجامعة الاهليه ربغم من وجودها في مجمع تجاري قد لايتقبله البعض فان قييمها بحسب التعليم في البحرين ممتاز والجامعة الخليجيه توقف التسجيل بها على اساس انها تحتاج تطوير نوعي في متطلبات وزارة التربية في البحرين فما بالك في الاعتراف بها في قطر
اعتقد الجميع لديهم نفس النظام نظام اسبوعي ونظام عادي لطلبه الملتحقين بدوام اليومي
اكثر شي اقبال عندهم من الطلبه الكويتيين على اساس ان الحكومة الكويتيه طالبه فقط مواصفات معقوله وغير معقدة للاعتراف وامورهم طيبه

رقم جامعة العلوم التطبيقية
0097317728777
ثم تطلب الي تبيه من البداله و يحولونك عليه ولكن هم يفتحون شهر 9 اما الجامعة الخليجية فاتحين و شغالين ولكن التسجيل اعتقد انه مافيه على اساس المنع من وزارة التربيه عندهم حتى اشعار اخر
www.gulfuniversity.net

[برشلوني قطر]

اخوي تأكد اكثر من شغلك والتعليم..

واحد معاي فالشغل سووله سااالفه لين اعتمدوها له مع ان كان رايح انتظااام وتم اهناك

طول فترة الدراسه..وآخر كلام سمعته ان هم ذي الدفعه الي مشوها وعقبها وقفوو..

الله يوفقك

[سيد الذئاب]

جزاكم الله الف خير يالربع وما قصرتوا على الافادة ..

بس اذا الواحد يبي يكمل دراسته شلون ؟؟؟

في قطر ما عندنا جامعات مسائية كلها في الفترة الصباحية .. ويوم رحت جامعة قطر طبعا الكل يعرف طلباتهم التعجيزية في الموازي (( على بالهم اللي جاي يقدم عندهم ألبرت أينشتاين )) ؟؟

يعني اروح اي جامعة ؟؟؟

[ماجد البدر]

اول شي يعتمد على ايش بتدرس بكالريوس او ماجستير ثم يعتمد على حسب شغلك بعض الاشغال يعطون تفرع او تحويل شفت او يساعدون بقدر الامكان بتفرغ مثلا وهذه الاشغال قليله للاسف بحسب المسؤولين
بنسبة الى الدراسة بالخارج هناك قائمة بالجامعات في المجلس الاعلى الي يمكن الانسان يلتحق بهم واغلبها اجنبيه ولكن لايعني انها صعبه بل سهله ولكن الاخوان يحبون ان يشوفون المتخرج من جامعه اجنبيه وعليها اختام الجنبيه
الجامعات العربيه لازم التحاق وحضور المحاضرات ويكون باشراف المكتب الثقافي بمتابعتك هناك
لو تريد تسجل على سبيل المثال في العلوم التطبيقية سجل انت وحضك قد يوافقون عليها في اخر المطاف وتاخذ الشهادة وتحاجج بها المجلس من خلال قوانين بالاعتراف موقعه في مجلس التعاون بين بالاعتراف المتبادل بالجامعات يعني بعد ما تاخذ الشاهدة تشوف محامي يحصل لك فقرات ضعيفة في القانون تسهم في الاعتراف في شهادتك او بحسب جهت العمل لو قدرت تاخذ منهم اجازه او شي يدعمك في الدراسة هذا يساعدك ان يعترفون في شهادتك بتخسر وبتتعب وبتصيدك مشاكل و في النهاية ان شاء الله تحصل شهادة معترف بها في كل البلدان عدا الدوحة قطر وهي من اكثر الدول تصرف على التعليم و البحث العلمي وبناء الجامعات و الصروح التعليميه الي ما استفاد منها الا القليل من شبابنا و الكثير من الاجانب المبتعثين الى الدوحة

[سيد الذئاب]

اول شي يعتمد على ايش بتدرس بكالريوس او ماجستير ثم يعتمد على حسب شغلك بعض الاشغال يعطون تفرع او تحويل شفت او يساعدون بقدر الامكان بتفرغ مثلا وهذه الاشغال قليله للاسف بحسب المسؤولين
بنسبة الى الدراسة بالخارج هناك قائمة بالجامعات في المجلس الاعلى الي يمكن الانسان يلتحق بهم واغلبها اجنبيه ولكن لايعني انها صعبه بل سهله ولكن الاخوان يحبون ان يشوفون المتخرج من جامعه اجنبيه وعليها اختام الجنبيه
الجامعات العربيه لازم التحاق وحضور المحاضرات ويكون باشراف المكتب الثقافي بمتابعتك هناك
لو تريد تسجل على سبيل المثال في العلوم التطبيقية سجل انت وحضك قد يوافقون عليها في اخر المطاف وتاخذ الشهادة وتحاجج بها المجلس من خلال قوانين بالاعتراف موقعه في مجلس التعاون بين بالاعتراف المتبادل بالجامعات يعني بعد ما تاخذ الشاهدة تشوف محامي يحصل لك فقرات ضعيفة في القانون تسهم في الاعتراف في شهادتك او بحسب جهت العمل لو قدرت تاخذ منهم اجازه او شي يدعمك في الدراسة هذا يساعدك ان يعترفون في شهادتك بتخسر وبتتعب وبتصيدك مشاكل و في النهاية ان شاء الله تحصل شهادة معترف بها في كل البلدان عدا الدوحة قطر وهي من اكثر الدول تصرف على التعليم و البحث العلمي وبناء الجامعات و الصروح التعليميه الي ما استفاد منها الا القليل من شبابنا و الكثير من الاجانب المبتعثين الى الدوحة

جزاك الله الف خير اخوي ماجد ..

[بوحمد1]

ارجو الافاده اذا جد جديد في الاعتراف في الجامعه :)

[ماجد البدر]

ارجو الافاده اذا جد جديد في الاعتراف في الجامعه :)

في البحرين هناك اللجنة مكلفة من وزارة التربية و التعليم العالي في البحرين قاعدة تقييم الجامعات اعتقد بناء على هذا التقييم و الشروط الجديدة و مدى تبطبيقها بيكون اعتراف في قطر على هذا الاساس ان تكون الجامعات قويه اكثر وتطبق ماعيير قويه


الى حد الان و لاطلاع على لائحة الملجس الاعلى التعليم في قطر عن الجامعات المعترف بها لم يتم ادراج الجامعات من ضمنها
و الكلام انها في الطريق الى ذلك والله اعلم

[تحداني]

الله يحفظك يا اخوي " ماجد البدر " كلام عقلاني .. منطقي .. عن درايه .. وعن وعي
احب اضيف نقطه اضافيه ان حتى دوله الكويت معترضه على الجامعه الدليل
برنامج اخونا المحامي " عبد الجليل " في الوطن .. كانت هناك حلقه خاصه عن اعتراف الشهادات في هالجامعه بالتحديد تقدر تشوفه في اليوتويوب .. فديروا بالكم
من هالنوعيه من الجامعات



جملكم الله برضاه