جئتكم من سباير بمنكر عظيم

[سهم مديون]

السلام عليكم ورحمة الله وبركاته،،،
اسعد الله مساكم بكل خير وسرور اليوم ذهبت كالعادة الى مجمع سباير الرياضي حيث لدي اشتراك في السباحة ودخلت صالة تغيير الملابس واذا هناك اجنبي موجود وفاسخ الحياء متجرد من ملابسه كيوم ولدته امه ودخلت فجأة فإذا هو ينظر لي دون حياء او خجل!!
السؤال/ هل وصل بنا الامر ان الاجنبي ليس لديه علم بعاداتنا وتقاليدنا او انه لا يوجد ضوابط يعلمها الاجنبي بضرورة الالتزام بقوانين هذا البلد؟؟
تم الاتصال بالعضيد وقاموا مشكورين بالاستماع الى شكواي من هذا الموقف !
تتوقعون هل بيكون لهذه الشكوى سميع؟
وابيت الا ان اكتب عن هذا المنكر اللهم بلغت اللهم فاشهد ،،،

[العقل الحر]

وانت ليش ماقلت شي ؟

يتعرى قدامك وساكت !

اقل شي قله انى هذا الامر ممنوع لدينا وان لم ترتدع سوف اتصل بالشرطه

[STAR]

:omg: :secret:

[hamoor4ever]

اعتقد انك ضيعت وقتك ، ماتدري اخوي عن قوه الجواز الاوربي ، اذا كان اسيوي بيروح فيها لكن مثل ماقلت اذا اوروبي فتأكد ان جوازه يحميه

[توشيبا]

لا يوجد ضوابط يعلمه الاجنبي بضرورة الالتزام بقوانين هذا البلد .


بلى يعلم ويعلم ان الضوابط لا تنطبق عليه

[وحيد-الشوق]

اخبر واحد من ربعي قالي في بركة سباحة الماريوت حدث نفس الشيء ويقولي صارت بلاوي ثانية بعد وتحرشات

حسبي الله عليهم المصخره زادت في قطر

هم الداخلين واحنا الطالعين :(

[MAZEN37]

لا تعليق

[بن مفتاح]

من امن العقوبة اساء الادب

والله يستر علينا وعليكم وعلى كل مسلم ومسلمة ..

[hamoor4ever]

اخبر واحد من ربعي قالي في بركة سباحة الماريوت حدث نفس الشيء ويقولي صارت بلاوي ثانية بعد وتحرشات

حسبي الله عليهم المصخره زادت في قطر

هم الداخلين واحنا الطالعين :(

شتقول انا سمعت قصه شخص من عليه القوم تناشب مع عربي من جنسيه اوروبيه ، بغه يروح وطي عقب ماحطت له السفاره محامي وطلبو منه اعتذار مع ان المشتكي هو القطري بس تنازل عقب حفاضا على نفسه ههههه

[Nojoom]

خذ هذا الموقف امس صار لي والله

كنت في مطعم بنجز قسم العائلات


واحد اجنبي مع وحده اسويه اجلسو جمب بعض وليس متقابلين

وقاعد يضمضها وحركات مياعة واهي تحط يدها من تحت الطاوله على اماكن


الموقف كان واضح بالسبه لي لان مكاني كان كاشفهم والله احترقت اعصابي وقعدت اطالع ولاشليت عيني ابيه يشوفني شافني وصد ومره ثانيه شافني بعدين انتبه اني متضايق وخاف


ادري بتقولون وايد عليك ليش سكت بقول لكم صح انا في ديرتي بس القانون ماراح يكون معاي ولا بيسمح لي امد يدي


الله يعينا والله والله صرنا في بلادنا نخاف نطلع في بعض الاماكن وننحرج وكان احنا غربااء

[BoFahed]

اخوي لموضوع عادي عند الاجانب في الشواطئ وبرك السباحة انا الحين في بريطانيا واروح الجم كل يوم وفي غرفة الملابس كل الرجال يتفسخون ويسالفون مع بعض زلط ملط مثل البهايم الحمد لله على نعمة الاسلام.

ذكرني موضوعك بقصة مدرسة انجليزية في مدرسة ثانوية بالكويت سوت نفس الحركة وقامت الدنيا ووصل الموضوع الى مجلس الامة وطالبوا الاعضاء الاسلاميين بتحقيق مع وزير التربية

المفروض سفارتهم تبلغهم بانه هالشي ممنوع ويعاقب عليه القانون او اجبار البلدية بتعليق ملصق في كل نادي وغرفة ملابس علشان الكل يكون عنده باللي يسويه

[رآعي آلفتك]

حسبنا الله ونعم الوكيل

[سهم مديون]

وانت ليش ماقلت شي ؟

يتعرى قدامك وساكت !

اقل شي قله انى هذا الامر ممنوع لدينا وان لم ترتدع سوف اتصل بالشرطه

خلاص ولا تزعل اخوي المره الجايه بالمشعاب على راسه لكن لاحد ينسى يزورني في بو زعبل !

[Amigo]

اخوي سهم نفس الحكايه كل يوم تصير معاي وطلعت اشوفك
كل يوم وانا مادري

المهم صارلي نفس الموقف مع بريطاني وبعد مالبس الرجال
رحت وكلمته قلت له ترى هالشي عندنا عيب
ومايجوز وخاصته ان في يهال موجودين بشكل مستمر
فا الحمدلله نفع معاه الكلام وقام يحط الفوطه ويلبس من تحت

بس تدري انا ماالومهم والله هم عندهم هالشي عادي
بس الوم ادارة المجمع الي ماكلفت نفسها تطبع ورقه
وتلصقها في غرفة التغيير ان هالشي ممنوع ومايجوز
مافي الا الاخ الي في الريسبشن يصرخ على الناس
ومخيس النفس كأن المجمع ملكه


:victory:

[بن غيث]

على فكره السفارات الاوروبيه تفهم كل رعاياها عن كل تفاصيل قطر من عادات وقوانين وضوابط
بس للاسف الشرطه عندنا تخاف منهم ومن سفاراتهم
وشي ثاني ..
ترى قله منهم الي ما يحترمون القوانين ويراعون عاداتنا

[أم عبد الله]

الحق مو علية ........
في فرنسا فسخونا الحجاب وهم في بلادنا يفسخون براحتهم
احنا لا رحنا بلادهم نتفشل من الغترة والعقال والثوب ولازم نلبس بنطال وقميص
ولاالوحدة تقط عبايتها في الطيارة
احنا اللي عودناهم
وان لم تستحي افعل ما شئت

[كازانوفا]

المفروض هذا اضل ادوس ببطنه لحد ما يوعي على نفسه
لانو اكيد بغيبوبه

حسبي الله عليهم مثل البهائم اكرمكم الله

[العقل الحر]

خلاص ولا تزعل اخوي المره الجايه بالمشعاب على راسه لكن لاحد ينسى يزورني في بو زعبل !

لا اخوي محشوم لا بوزعبل ولا هم يحزنون ....... بس ماقلت لي شتبي كنتاكي ولا هارديز اذا زرتك :tease:


الصراحه انتوا مايعرف لكم ياهواش ياسكت ؟!

مافيه شي وسط ومافيه كلام وتهديد ونذير واذا تم يرادد او يتذمر وغلط في هذي الحاله استخدم قوة الردع

ويجب احترام القانون !

[ام ناصر1]

جان حسسته انه سوى منكر عظيم وصرخت عليه ورحت صوبه وغطيته ...يعني ع بالك انه غشيم ومايفهم
لين اسألك ايش فيك ..قوله عيب ...وحرام ...واشرح لاسود الويه يعني ايش عيب وحرام
هالشكل بيخافون من القطرين واذا ما صرخت على الاجانب ...بيسون الي براسهم
لكن لين جافوا اقطري يزعق عليهم يبدون يفكرون مرتين ...خصوصا اذا كانوا من النوع الي خايف
على رزقه ....

[Mharridy]

نسأل الله العفو والعافية

[الرايــق]

يا جماعة لازم نفهم
من امن العقوبة اساء الادب ..

حد يعرف اخر التطورات مع اخونا اللي تمشكل مع الامريكي الوصخ في مواقف السيتي !!؟

[ALRAYYAN]

كنت مشترك في نادي صحي في احد الفنادق

ثالث يوم دخل علي واحد فرنسي غرفة الساونا بنظام ربي كما خلقتني
قلت له لو سمحت عيب انك تتعرى بهالطريقة .. قال لي أسف ولف عمره بالفوطه اللي بيده

بعدها بشهر صار نفس الموقف لكن للاسف كانو عرب واللي عرفته تالي انهم يحملون جنسيه كنديه

قلت لهم بالانجليش لو سمحتو عيب أنكم تتعرون بهالطريقه
رد علي بالعربي يقول : بس إحنا في نادي صحي وهذا طبيعي

قلت له في قطر مب طبيعي ولو سمحتو تسترو وممكن افهمكم ليش مب طبيعي هذا اذا أنتوا مب فاهمين

قال لي إحنا حرين .. صرخت في وجيههم وقلت لهم اقسم بالله أنكم ماتقعدون في هالبلاد يوم زياده لو صممتوا على موقفكم وناديت مدير النادي الصحي وقلت له اطلب الشرطه حالا وبتكون انت الشاهد على الموضوع

اللي معاه قالو لي خلاص حصل خير واحنا إسفين وانتهى الموضوع على جذي

لكن فعلا وقاحه مابعدها وقاحه الله يمحقهم*

[نجدي قطري]

حسبنا الله ونعم الوكيل.
ما هقيت بلادي توصل إلى هالحد.

بس بصراحة أشكر حياتك يا الريّان ^^^^

[سهم مديون]

لا اخوي محشوم لا بوزعبل ولا هم يحزنون ....... بس ماقلت لي شتبي كنتاكي ولا هارديز اذا زرتك :tease:


الصراحه انتوا مايعرف لكم ياهواش ياسكت ؟!

مافيه شي وسط ومافيه كلام وتهديد ونذير واذا تم يرادد او يتذمر وغلط في هذي الحاله استخدم قوة الردع

ويجب احترام القانون !

اخي العقل الحر بصراحة لازم يكون هناك تنبيه على هؤلاء الاجانب وخصوصا هناك عدد كبير من الاطفال والشباب من ابنائنا المشتركين في سباير .

[مكتوم]

الله يلعن شكلة


ياخوي انت كيف تسكت له اتصل واطلب التحريات
واذا شكواك وصلت تابعها !!

والله انا مب مضايق الا من الانجليز اللي في قطر قوات عين على كيف كيفك
في كل حاجة

[مكتوم]

كنت مشترك في نادي صحي في احد الفنادق

ثالث يوم دخل علي واحد فرنسي غرفة الساونا بنظام ربي كما خلقتني
قلت له لو سمحت عيب انك تتعرى بهالطريقة .. قال لي أسف ولف عمره بالفوطه اللي بيده

بعدها بشهر صار نفس الموقف لكن للاسف كانو عرب واللي عرفته تالي انهم يحملون جنسيه كنديه

قلت لهم بالانجليش لو سمحتو عيب أنكم تتعرون بهالطريقه
رد علي بالعربي يقول : بس إحنا في نادي صحي وهذا طبيعي

قلت له في قطر مب طبيعي ولو سمحتو تسترو وممكن افهمكم ليش مب طبيعي هذا اذا أنتوا مب فاهمين

قال لي إحنا حرين .. صرخت في وجيههم وقلت لهم اقسم بالله أنكم ماتقعدون في هالبلاد يوم زياده لو صممتوا على موقفكم وناديت مدير النادي الصحي وقلت له اطلب الشرطه حالا وبتكون انت الشاهد على الموضوع

اللي معاه قالو لي خلاص حصل خير واحنا إسفين وانتهى الموضوع على جذي

لكن فعلا وقاحه مابعدها وقاحه الله يمحقهم*

كفوووو ياولد الأصول والمعاني
الله يغربلهممممم
والله في موقف مشابه تقريبا صار لي من 5 اسام يوم شفت واحد انجليزي يتلاغى
ويا بنت بلادي يبغي يدش غصب داخل المصعد وهي طالعه بروحها والمصعد صغير وضيق
وهي تكلمة بادب تقول له لو سمحتوا بدون رجال وهو جاء بعدها
وقال لها هذا مصعد عمومي
المهم اخر شي هي طفح الكيل وقالت له بصوت عالي انت في قطر مب في امريكا
وبعدين انا قلت له لاتشوف نفسك انجليزي وتتفلسف على الناس
عادي اذا هي شتكت توديك السجن


والله انا اناشد وزارة الداخلية بالتشديد على الاجانب لانه قوت عينهم لابعد الحدود

[المحقق كونان]

كفو يالرياني :nice:

لازم يا هل قطر تتكلمون ..السكوت ماينفع .. اذا سكتو بيسون الي يبونه و بيفكرون ان هالشي عادي ..

[روح الاطلس]

:eek5::eek5::eek5::eek5::eek5:

[R 7 A L]

تدري ليش سوى كذا

لان ماحد قال له

هالشي يسونه عادي في بلدانهم


الخلل من ربعنا المفروض في حملات وكتيبات وممطويات توعيه للاجانب في المطار
وصدقني راح يحترمون القانون
ليست حبناً فينا ولكن خوفاً على انفسهم

[رمادي]

بس احب اعرف شي واحد بس
شلون عرف انه مو لابس شي؟؟ :omg:

[eXpert*]

الموقف عادي جداً والتنبة يفي بالغرض .

كثير ناس تنسى هالأمور ،، والتكرار يعلم (الشطار).

وكلام أخوي (العقل الحر) ّعجبني ّ صدق إحنا يا نسكت صمٌ بكمٌ ونبحلق بعيوننا ،، ولا نقلبها هوشه ومراكز ونيابة .

النصيحة دوم تكون من القلب للقلب .

سر قبول النصيحة الإبتسامة الصادقة ،، إحنا حتى الطفل ننصحه بالهواش .

ويقولون ليش عيالنا يطلعون (معقدين).

[حنان الدنيا]

انته غلطان اخوي المفروض تكلم الناس اللى في اسباير

تدري احنا في سباير النساء ممنوع وحاطين اوراق ان التعري وتغير الملابس

في الممر ممنوع

ومره شفت وحده تونسيه وكلمتها وقلت لها ممنوع اذا حد شافج تبدلين في الممر

قمت قلت لها ليه حاطين غرف تبديل الملابس :eek5: ليكون منظر ولا ديكور :anger1:

[Locale]

:(
من الردود مبين ان هذي مب اول حاله
واضح ان كذا شخص شهد مثل هالحادثه
وانا مستتتغربه وايد يعني لهدرجه وصلنا
مادري بس انتوا الرجال جذي عندكم لان ماقد صار هالشي عندنا احنا النسوان او يمكن مايصادف لما اكون موجوده
استغفر الله العظيم
يمنعون الحجاب عندهم وعندنا معززين مكرمين
لعنة الله عليهم

[PoBox]

*
*
*

يمكن كان حران :rolleyes2:






إحنا يا نسكت صمٌ بكمٌ ونبحلق بعيوننا ،،
ولا نقلبها هوشه ومراكز ونيابة .
النصيحة دوم تكون من القلب للقلب .
سر قبول النصيحة الإبتسامة الصادقة ،،
إحنا حتى الطفل ننصحه بالهواش .
ويقولون ليش عيالنا يطلعون (معقدين).

:victory:

[الأصيلة]

خذ هذا الموقف امس صار لي والله

كنت في مطعم بنجز قسم العائلات


واحد اجنبي مع وحده اسويه اجلسو جمب بعض وليس متقابلين

وقاعد يضمضها وحركات مياعة واهي تحط يدها من تحت الطاوله على اماكن


الموقف كان واضح بالسبه لي لان مكاني كان كاشفهم والله احترقت اعصابي وقعدت اطالع ولاشليت عيني ابيه يشوفني شافني وصد ومره ثانيه شافني بعدين انتبه اني متضايق وخاف


ادري بتقولون وايد عليك ليش سكت بقول لكم صح انا في ديرتي بس القانون ماراح يكون معاي ولا بيسمح لي امد يدي


الله يعينا والله والله صرنا في بلادنا نخاف نطلع في بعض الاماكن وننحرج وكان احنا غربااء

النظرة ماتنفع ولاتحسسه بالخطا...
أبسط الأشياء الإتصال بالعضيد ...
وبسرعة يجونك وخاصة مثل هالأماكن مطعم أو مجمع...

[أحمد المهندي]

ياجماعة هم يعرفون ما يفعلون وانهم مو في بلادهم وان هذا غلط ولكن ما بهتمون لأنهم ما يعترفون فينا وهم عندنا ومتاكدين ان ما راح يصير لهم شي وان جماعتنا راح يطبطبون عليهم ويمكن يعتذرون لهم اذا احد اطال النظرة عليهم ..لكن لو واحد منا رفع فانيلتة شوي يجهز نفسة حق مليون كقضية اولها تعري في مكان عام واخرها خدش الحياء

[ALRAYYAN]

ياجماعة هم يعرفون ما يفعلون وانهم مو في بلادهم وان هذا غلط ولكن ما بهتمون لأنهم ما يعترفون فينا وهم عندنا ومتاكدين ان ما راح يصير لهم شي وان جماعتنا راح يطبطبون عليهم
ويمكن يعتذرون لهم اذا احد اطال النظرة عليهم ..لكن لو واحد منا رفع فانيلتة شوي يجهز نفسة حق مليون كقضية اولها تعري في مكان عام واخرها خدش الحياء

هلا اخوي احمد

والله انا مب معاك في اخر سطر في ردك
يعني ماله داعي نبالغ في الامور بهالطريقه

إحنا الحمد لله في بلد يحترم انسانيتنا واللي يتكلم بالحق صوته مسموع
لا اللي إحنا مضطهدين مثل باقي الشعوب في بعض البلدان العربيه ولا اللي إحنا منتهكين من حكومتنا او الجهات الامنيه ولله الحمد

هذا إحنا عايشين في امن وأمان ولا حد يقدر يتبلى عليك او يغلط عليك أياً كان هالشخص

يعطيك العافيه

[ام السعف]

هم الداخلين واحنا الطالعين :(

:weeping::weeping::weeping:

[ام السعف]

ياجماعة هم يعرفون ما يفعلون وانهم مو في بلادهم وان هذا غلط ولكن ما بهتمون لأنهم ما يعترفون فينا وهم عندنا ومتاكدين ان ما راح يصير لهم شي وان جماعتنا راح يطبطبون عليهم ويمكن يعتذرون لهم اذا احد اطال النظرة عليهم ..لكن لو واحد منا رفع فانيلتة شوي يجهز نفسة حق مليون كقضية اولها تعري في مكان عام واخرها خدش الحياء

أميل لرايك :(

[halcrow]

السموحه انا عندي راي اخر الغلط مو منهم. الغلط من اداره المركز سواء اسباير او فندق .... لان واضح ان الاجانب عندهم ثقافه غير جائزه شرعا. في هالحاله مفروض على المركز الصحي يحط تنويه على المدخل باحترام الاخرين وعدم التعري.. بالانجليزي والعربي ولعلمكم هالشي مطبق في اكثر من دوله. ذيك الحزه ماظن يتجرئ دام في تعميم واعلان واضح وخلونا نبتعد عن موضوع الموامره

[سحابة عابرة]

حسبنا الله ونعم الوكيل

[القحطاني505]

إلى متى ونحن على هذه الحال ؟

حسبنا الله ونعم الوكيل

[القحطاني505]

إلى متى ونحن على هذه الحال ؟

حسبنا الله ونعم الوكيل

[خنور]

يجب ان يكون هناك رادع لمثل هذه التصرفات لان الاجنبي لازم يكون عنده احترام لاعادات وتقاليد اهل البلد ونطالب من الجهات المعنية بتجريم كل من يعمل ذلك باقصى عقوبة .

[نجد سهيل]

طيب ليش هالمواقف ماتصير في المملكة
والله العظيم وشوفة عيني اني شايف اجنبي مبين عليه انه اوروبي مع زوجته
عند دوار ابو سمرة قبل لا يطلعوون من البلاد ان الزوجة (( وكانت هي اللي تسوق )) وقفت ونزلت وغيرت ملابسها الفاضحة ولبست بنطلون ساتر لا وبعد لبست عليه العباية ومن ثم خلت زوجها يسوق ويكمل الرحلة .
المهم ليش هم يهابون ويخافون من قوانين المملكة وعندنا الدعوة سهالات
اللي اعرفه ان القانون في مثل هذي الحالات واحد ويحمي عادات البلد من اي
تصرف دخيل عليه
ولا وش قولكم ياجماعة

[captin]

لبلاد بلادهم


وكيفهم يسون اللي يبون فيها

[9umt aljroo7]

:eek5:
ياااعييب الششششوم

[QTR-SOUL]

استغفر الله

[نجدي قطري]

طيب ليش هالمواقف ماتصير في المملكة
والله العظيم وشوفة عيني اني شايف اجنبي مبين عليه انه اوروبي مع زوجته
عند دوار ابو سمرة قبل لا يطلعوون من البلاد ان الزوجة (( وكانت هي اللي تسوق )) وقفت ونزلت وغيرت ملابسها الفاضحة ولبست بنطلون ساتر لا وبعد لبست عليه العباية ومن ثم خلت زوجها يسوق ويكمل الرحلة .
المهم ليش هم يهابون ويخافون من قوانين المملكة وعندنا الدعوة سهالات
اللي اعرفه ان القانون في مثل هذي الحالات واحد ويحمي عادات البلد من اي
تصرف دخيل عليه
ولا وش قولكم ياجماعة

لأن الله يسلمك من سوّى نفسه سبوس تلعب به الدياي.

[toomi9]

اخيييه
:|

[بوسلمان 2010]

لاتعليق لانك لو تكلمت انت الغلطان انت المجون وهم الصاحين روح بلا دهم وسو اي حركه عندهم راح يطبقون


عليك كل القوانين عندهم حسبي الله ونعم الوكيل

[hamoor4ever]

طيب ليش هالمواقف ماتصير في المملكة
والله العظيم وشوفة عيني اني شايف اجنبي مبين عليه انه اوروبي مع زوجته
عند دوار ابو سمرة قبل لا يطلعوون من البلاد ان الزوجة (( وكانت هي اللي تسوق )) وقفت ونزلت وغيرت ملابسها الفاضحة ولبست بنطلون ساتر لا وبعد لبست عليه العباية ومن ثم خلت زوجها يسوق ويكمل الرحلة .
المهم ليش هم يهابون ويخافون من قوانين المملكة وعندنا الدعوة سهالات
اللي اعرفه ان القانون في مثل هذي الحالات واحد ويحمي عادات البلد من اي
تصرف دخيل عليه
ولا وش قولكم ياجماعة

في وين اخوي بالمملكه :shy:

[Qatarianes]

الصراحه قوانين المملكه فهالشيا ترد للمسلم والعربي شوي من الهيبه الضايعه
انا ياما شفت بس هالايام النظام علي من نفسي ما لك عضيد

[عضو نشيط]

لا يا أخوان لا


إلا برد على هالأشكال وبتناشب معهم والحكومه معي ،،،

من صدقكم لهالدرجه مستهينين بقطر ،،

لا والله قطر ما ترضاها ولا حكومه ترضاها ولا شعبها ،،،

ومن خاف من الله ما عليه لا من جواز أوروبي ولا جواز أمريكي ،،،

وطبق هالحديث ولا عليك من لومة لائم ،،،

( من رأى منكم منكراً فليغيرة بيده فإن لم يستطع فبلسانه فإن لم يستطع فبقلبه وذلك أضعف الإيمان )

[مكتوم]

لا يا أخوان لا
إلا برد على هالأشكال وبتناشب معهم والحكومه معي ،،،
من صدقكم لهالدرجه مستهينين بقطر ،،

لا والله قطر ما ترضاها ولا حكومه ترضاها ولا شعبها ،،،

ومن خاف من الله ما عليه لا من جواز أوروبي ولا جواز أمريكي ،،،
وطبق هالحديث ولا عليك من لومة لائم ،،،

( من رأى منكم منكراً فليغيرة بيده فإن لم يستطع فبلسانه فإن لم يستطع فبقلبه وذلك أضعف الإيمان )

لله درك :nice:

[بـــــــنت النوخـّــــذه]

الظاهر جديد على الدوحه 000 هم مثل (0000) ببلادهم عادي يمشي جذيه 000

بس تصرفك سليم واحييك عليه باتصالك بالعضيد وياريتك تابعت معاهم شسوو معاه 00

انا مره دخلت حمام تكرمون احد المولات لقيت لافته ارشادات مكتوب عليها بما معناه ان لازم يلتزمون باللباس واحترام القيم وووو وكانت باللغه العربيه والانجليزيه انصدمت قلت عاد ماحطيتوها الا بالحمام :eek5: المفروض بالواجهه الرئيسيه للمجمع 00

عموما احيي كل رجل ومرأه غيوره اتشوف هالمناظر وتبلغ عنها ويدا" واحد للمحافظه على العادات والتقاليد و القيم

سلام (ن) عليكم

[intesar]

لا حول ولا قوة الا بالله العلي العظيم

[Miss]

ليش من البدايه ناخذ الموضووع بهواش وخناقاات ،،
الدين النصيحه ،، هو عنده في بلاده الموضوع عادي وسهالات ،، طيب سواه عندنا لانه في ظنه انه عادي ومحد بيكلمه ،، لكن يبين عليه انه متفهم لانه اول ما قاله احد الاعضاء في احد الردود انه خطأ تستر بالفووطه ،،
فيييه اخطااء واايد تصير لكن مب من البدايه هواااش خلهم يعرفون ان المسلمين سهل التعامل معاهم مب على طوول هواش
الدين النصيحه ،،

[مسكين قلبي]

الله المستعان

[لـبـيـه]

ظريبة الديمقراطيه الي تطالب بها بعض العقول الرخيصه الي همها الشهره والمال فقط

الله يستر اذا شفنه الخمورفي السنه الفلانيه بلشوارع والناس اتمشى واتداعم وهي لابسه نص من الحر خبركم

[شمس]

كنت مشترك في نادي صحي في احد الفنادق

ثالث يوم دخل علي واحد فرنسي غرفة الساونا بنظام ربي كما خلقتني
قلت له لو سمحت عيب انك تتعرى بهالطريقة .. قال لي أسف ولف عمره بالفوطه اللي بيده

بعدها بشهر صار نفس الموقف لكن للاسف كانو عرب واللي عرفته تالي انهم يحملون جنسيه كنديه

قلت لهم بالانجليش لو سمحتو عيب أنكم تتعرون بهالطريقه
رد علي بالعربي يقول : بس إحنا في نادي صحي وهذا طبيعي

قلت له في قطر مب طبيعي ولو سمحتو تسترو وممكن افهمكم ليش مب طبيعي هذا اذا أنتوا مب فاهمين

قال لي إحنا حرين ..
الله ينسفهم
صرخت في وجيههم وقلت لهم اقسم بالله أنكم ماتقعدون في هالبلاد يوم كفو والله زياده لو صممتوا على موقفكم وناديت مدير النادي الصحي وقلت له اطلب الشرطه حالا وبتكون انت الشاهد على الموضوع

اللي معاه قالو لي خلاص حصل خير واحنا إسفين وانتهى الموضوع على جذي

لكن فعلا وقاحه مابعدها وقاحه الله يمحقهم*

ولازم يكون فيه قوانين لانهم همج ما يمشون الا بقانون

[مضاربه]

حسبي الله عليهم كل شي يغيض المسلمين يسوونه بالكيد والا هم كل شي يعرفونه عن عاداتنا وتقاليدنا ودينا

[فرحة الكواري]

لاحول ولاقوة الا بالله العلي العظيم

[المحقق كونان]

ملاحظ على اغلب الاعضاء يخافون من الجواز الاجنبي

ترى هم الي يخافون من هل قطر و يخافون على مصالحهم و اشغالهم