استفسار بخصوص قير اتوماتيك لتويوتا

[بوعيسى1]

السلام عليكم ورحمة الله وبركاته
شباب عندي مشكلة في القير اتوماتيك d
وين احسن مكان لتصليح القير حق جي اكس ار 2001
ويعطيكم العافية

[secret]

شنو المشكله اخوي الي عندك

وضح لي المشكله

[ولد المنصور]

مالك الا دكا او دكار وان شالله يطلع الامر بسيط

[بوسعود]

أنا خرب عندي القير وصالحته في الدوحه وماضبط وتلعوزت رحت أبوظبي وخذيتلي قير بكرتونه من عند معروووف لقطع السيارات في صناعية مصفح بقيمة 9000 وريحة نفس من المشاكل لان الاتوماتيك بلعوم وصعب احد يضبطه

[بروكن برايس]

مالك الا الوكالة شغل مضمون

[محمد الجفيري]

ان شاءالله يفيدونك باقي الاعضاء
بالتوفيق

[القطري554]

اخوي روح الحوراني بتحصل عندة قيور فى الشارقة شغلة نظيف من تجربة

[الـخـالـدي]

نصيحه من اخو لاتعور راسك مع القير وتصلحه

اذا ينباع بخرابه بيعه بخرابه

وشوفلك قير جديد بكرتونه .. او انك تقلبه قير عادي وتفتك من صليحه

لانك بتعور راسك على الفاضي وبيرجع يخترب مهما صلحته ولو كان عند احسن مكان

لان القير يطلع موزون من المصنع بضغط معين من اجهزه كبيره ..

صعب صعب ايدي عامله ولو كانت ماهره تضبط الضغط اللي فالقير

هذا الكلام من كراج له خبره فهالامور .. وصارت مع اخوي دفع فتصليح قيره 20 الف على الفاضي

فالنهايه قلب قيره عادي ورتاح من عوار الراس ..

و الله يكون في عونك

[ولد المنصور]

ياجماعه الامر بسيط يا يصلحه عند دكا ويشتريله قطع من الشركة او مثل ماقال اخوي يشتريه جديد من الشارقه بكرتونة ...... وتحمل تحمل تركب جير مستعمل ياجديد او اتصلح جيرك عند دكا ........... عن تجربه سنين والله يوفقك

[CaNCeR_187]

يمكن ما يحتاج تبديل

اشرح ايش مشكلة الجير بالضبط

أنا عندي جي اكس ار 2000 ,,, جت فترة الجير أعطي فل ريس ما يغير نمرة ,,, يمشي بنفس النمرة

آخرتها كانت المشكلة ,,, تغيير فلتر وزيت الجير

[بوعيسى1]

والله ياخوان المشكلة هي بان يوم يتغير القير الثالث يطلع ار بي ام لين 6 شنه في n
يعني يسحب البنزين لين رقم 5 او 6 عقب يتغير القير
يعني يوم اتجاوز السيارة في سرعة 70 تقريبا يطلع صوت السرعة
وناس على بالهم انا قاعد ادعس علشان اتحداهم للسباق .... ههههههه
ارجوا انني وضحت النقطة .... ويعطيكم العافية

[العنيد000]

اخوي ياكلشات ولا زيت وفلتر قير

[بوعيسى1]

اخوي ياكلشات ولا زيت وفلتر قير

والله ياخوي بخصوص الزيت وايد ناس قالوا لي لا تبدل
اما كلشات فاحتمال تكون هي السبب لان الزيت يطلع ريحة احتراق
العموم البحث جاري عن الاسباب وان شاءالله الكل يستفيد

[عندليب قطر]

بالتوفيق

[بوعيسى1]

السلام عليكم ورحمة الله وركاته
اخواني الاعزاء اشكركم من كل قلبي على التواصل والنصائح
الحمدلله امس بدلت زيت القير . كزكيت القير . فلتر القير . فلتر بترول . بلكات
في البداية القير ما تعدل بس يوم رحت البيت اخوي الصغير قال لي اقطع بـ l
وعقب اقطع بـ 2 والحمدلله يوم قطعت السيارة رجعت اسوقه بـ d
الحمدلله انحلت المشكلة ورجع القير وكالة
ويعطيكم العافية على التواصل

[مسمار]

زين الحمدلله تسهلت الامور

[MAZEN37]

ياجماعه الامر بسيط يا يصلحه عند دكا ويشتريله قطع من الشركة او مثل ماقال اخوي يشتريه جديد من الشارقه بكرتونة ...... وتحمل تحمل تركب جير مستعمل ياجديد او اتصلح جيرك عند دكا ........... عن تجربه سنين والله يوفقك
بالعكس اشوف لو يركب جير مستعمل احسن ما يصلح حتى لو القطع من الوكاله
بشرط الجير المستعمل ما يكون تصلح:)

[بوعيسى1]

السلام عليكم ورحمة الله وبركاته
شباب انا آسف انا اسحب كلامي الموتر وقف في مكانه
يعني ماله حل .. وديته كراج باباي شارع 21 وقالو لي بيتصلح بعد 4 ايام
العموم قالو لي بناخذ منك 3500 ريال لتصليحه وضمان سنة كاملا
ووديته كراج داكار قالو لي 7 آلاف .....
قبله وديته كراج دكا بس قالو لي ميكانيكي مسافر
العموم لحد يبدل اويل فلتر .. لان بعد يومين السيارة ما بيروح فوق 40
ويعطيكم العافية على التواصل ....

[راعي الاصفر]

شوف اخوي موتري صار فيه نفس الشي ووديته الشركه وعقب الفحص وعوار الراس طلع الله يسلمك
سنسر للقير موجود في الثروتل وهذا شغله يوازن الريس حق القير
وقيمته 190 ريال وبدلوه والحمدالله الموتر له سنه اوكي
والله اعلم ممكن اتجرب وتبدله تبديله سهل وقيمته بسيطه واذا ماطلع هو انت ماخسرت وايد ولا تبطل القير وتطلع العله مب منه
انا كان بيصير فيني نفس الشي بس الحمدالله

[راعي الغزيل]

يالغالي روح شارع 15 في كراج اسمه كراج ام راشد في بنغالي اسمه اسلام روحه وبيضبط قير موترك كراج متخص في قير تماتيك ترى عادي يبدل قير موترك يركبك قير عادي عنده كل شي

[وحش قطر]

كراج باباي لعبته القير

توكل على الله انا مجربه قبلك

[بوعيسى1]

كراج باباي لعبته القير

توكل على الله انا مجربه قبلك

يعطيك العافية اخوي
فعلاً وديته كراج باباي والحمدلله صلح لي القير وتعدل الحمدلله

[مخايل البروق]

بالتوفيق

[الزجاجي]

قليل هم الكراجات الي تعطي ضمان سنه .. اذا عطاك توكل على الله

هم عندك حربي شاطر في الجيور

[&من ذهب&]

جرب كراج ناصر

[Desperado]

بالتوفيق

[بوعـلي]

بالتوفيق

[بروكن برايس]

يعطيك العافية اخوي
فعلاً وديته كراج باباي والحمدلله صلح لي القير وتعدل الحمدلله

تستاهل ، بغيت اعرف في اي شارع كراج باباي ؟ وكم رقم تلفوناتهم اذا عندك ، وجزاك الله خير

[kuwari]

عندي مشكله يالقير اذا الموتر بارد مايرجع للخلف القر يفصل لاكن مع الريسات يشبك رحت دكار الهندي قالي كلجات ويبيلة توضيب وشغل يدة حوال 2800 ريال غير القطع غيار علي سألت عن الكلشات في قطر تقريبا 4,5الاف والامارات 3,5 فقلت اشتري قير بــ 6,5 جديد من ابوظبي افضل لي ولا وش راي اجماعة