The Master
23-07-2011, 08:56 AM
احم احم...ثم احم...
دائما...وابدا...نبقى كائنات اتحب التجمعات...اتحب العلاقات الاجتماعيه...الاخوة...الصداقة...الحب...
تهوى المزاح...وتبغض الغضب...لكن هذا لايعني ان اللي نرفضه او مانحبه ما انطبقه...
http://www.ae7m.com/blog/wp-content/uploads/2011/07/ego.jpg
فلان...في عز شبابه...الحمدلله ربي اكرمه ب مال...وسلطه...وفي عمر صغير...قدر يكون نفسه...من البديهي تجمع الناس حوله...خاصه لما يكون صاحب مال وجاه...كلن وعلى حسب هدفه...منهم من يبغي حاجة منه...ومنهم من يبغي رفقته صحيح...ومنهم من يبغي يدمره...
وبطبيعة الحال...اتصير مناوشات...وخلافات...وتضارب وجهات نظر...بين الاصدقاء...
فا هذا اللي حصل مع صاحبنا فلان...في يوم من الايام...صار خلاف...بينه وبين ربعه...وطلع منهم وهو امقفل...وقال ماراح ارجع لهم...ولا ابغيهم...ناس ماتحترم رايي...ولا تبغي تسمعه...فا ما ابغيهم...وباتعرف على ناس غيرهم...وارافقهم..ابرك من هذول...
وتعرف على ربع...غيرهم...وترك اللي قبلهم...مع محاولات من السابقين عشان يراضونه...ويرجع لهم...واعتذروا له...لكن شاف نفسه عليهم...وقال لهم...خلاص لقيت ربع غيركم...فا لاعاد تتصلون بي...
واصبح بين فترة وفترة يغير في ربعه...كل من خالفه اتركه...او ما اعجبه اتركه...وهكذا...
وعقب فترة...صارت مشكلة...بينه وبين اهله...وصار خلاف...والخلاف كان كبير...بينه وبين اخوانه واهله...وطلع من البيت...وهو غاضب...حاولوا هله واخوانه يرجعونه...ويراضونه...واعتذروا له...بكل السبل...بغض النظر عن المخطئ...يبقون اهل...وبينهم صلة رحم...لكنه رفض...وقال لهم...ماعاد ادخل هالبيت...ولا انا منكم ولا انتوا مني...ولا اتكلموني خير شر...انا مرتاح بدونكم...ومستانس بلياكم...
عقب كم سنة...
جا عرس ولده...يبغي يفرح فيه...ودائما...ماتحلى الاعراس الا بجمعة الاهل والاخوان واللي يعزون عليك...
ومحد يقوم بالعرس الا اخوانك وهلك وجماعتك...فا هم سنايدك...وعزوتك...
وعمره الفرح مايدخل القلب...الا بشوفة من اتعزهم ويعزونك...وابتسامتهم...وسوالفهم...ووقفتهم معاك...
يوم جا بيطبع البطاقات...قعد يحسب المعازيم...واغلب الاسماء...شطبها ب خط...وطلع معاه العدد قليل...سرح للحظه...وبعدها قال...مايهمني...جاو ولا ماجاو...
حاولوا معاه عائلته انه يعدل عن قراره...ويعزم الناس...ويحسن علاقته مع هله واخوانه...لكنه رفض...
الانسان عمره في ازدياد...وكل مازاد...قوى العظم...وثقل العقل...ومن احسن الى الاحسن...
لكن بعدها...يرجع لأرذل العمر...ويضعف العظم...ويخف العقل...ومن سئ...لأسوء...
وفي يوم من الايام...مرض...وكان مرض شديد...وخذوه للمستشفى...ونوموه عندهم...
واصبح يعالج هناك...في اول الايام...عائلته كانت اتزوره...واتشوف اخباره...
لكن طالت فترة العلاج...وصارت زيارتهم خفيفة...
واصبح...كل ماسمع قبضة الباب اتحرك...يفز قلبه ويلتفت...يبغي يشوف من جاه...لكن يتكدر بشوفة الممرض يعطيه الدوا...
لا ربع زاروه...ولا اهل مروا عليه...ولا عائلته اصبرت عليه...
وين قوته اللي يوم كان يترك ربعه عشان خلاف بسيط...ويدور غيرهم...غرور بنفسه وبسلطته ومنصبه...
وين قوته اللي...يوم ترك هله واخوانه...عشان خلاف بينهم...رغم اعتذارهم...وتبرا منهم...
يا اخواني واخواتي...
ترا الصداقة والله كنز...والواحد في هالزمن يشتري الرجال"النساء"...
والله صرنا قليل انشوف اصدقاء..بمعنى الخوي...اللي الناس ما تقدر اتميز اذا هذا اخوك ولا صديقك...من علاقتكم الطيبة...والاخوة اللي بينكم...والنية الطيبة...
صار الكثير يعقر في الثاني...ويتكلم من ورا الثاني...ويدور مصلحته في كل شي...
اذا هذا الشخص منه فايدة...بارافقه عشان مصلحتي الشخصيه...اما اذا لا...ما ابغيه...
ولا اتشوف ربع عشرة بينهم 10 سنين...في سفر...وغربه...او في البلاد...بينهم اتصالات...ومعزة...واحترام...
وعشان سوء فهم...يتركك...واتقول له ليه هالاسلوب معاي؟؟...يقول لك..."شي عادي...اهم شي ما اعور راسي؟؟!!!..."
من متى وهذي تعتبر معايير الصداقة؟؟...والاخوة بين الناس؟؟؟
لهالدرجة صرنا بس اندور مصالحنا...
لهالدرجة اللي يخالفنا الراي...او نسئ فهمه...نتركه...وننسى اللي فات...من عشرة واخوة؟؟؟
وعن اللي يقطع صلة رحمه...
الواحد يستغرب من هالناس...ومن هالعقلية...
يا اخي هذول هلك...من دمك ولحمك...وعمره الدم مايستوي ماء...
صحيح اتصير خلافات عائلية...مشاكل...مصايب...لكن يبقى...الواحد يحاول انه يحلها...ويسعى للم الشمل...ويرجع المياه الى مجاريها...مب يبتر العلاقة...
صحيح الواحد يقفل...ويتنح...لكن لما يهدا شوي...يرجع...ويحاول يصلح الوضع...
يا اخوان...ترا مهما كان هذول هلك...سنايدك...عزوتك...وفرحتك ب فرحتهم...
من منا مايخطى...من منا مايسئ الفهم...محد معصوم...لكن لما تصحى...ارجع...واصلح...وعدل من مسارك...
لاتظن قوتك الحين للابد...ترا مردها بتزول...وبتضعف...
ويظل الواحد يسعى للخير...وتكوين صداقات طيبة...وعلاقات جميلة...
احسن للناس...بيحسنون اليك...
وربي سبحانه...وصى بالاحسان...والمعامله الطيبة...والتسامح...
قال الله تعالى :" والكاظمين الغيظ والعافين عن الناس والله يحب المحسنين"
قوله تعالى: " ولو كنت فظاً غليظ القلب لنفضوا من حولك"
عن النبي (صلى الله عليه وسلم) :المؤمن الذي يخالط الناس ويصبر على اذاهم أفضل من المؤمن الذي لا يخالط الناس ولا يصبر على اذاهم.
اتمنى رسالتي اوصلت...
هذي دعوة مني...لكم...خاصه بقرب شهر رمضان...شهر المغفرة والرحمه...شهر الكنز...اللي نكسب منه الحسنات مضاعفه...والاجر من الله...
فا شوفوا من زعلتوه...من تركتوه...من غضبتوا عليه...من قطعتوا علاقتكم به...ايا كانت الاسباب...فا من منا لايخطئ...والمسامح اجره كبير عند الله سبحانه...
كان من الاهل...ولا الاخوان...ولا الاصدقاء...
كفاية قولة السلام عليكم...لك فيها اجر...
ونصيحة نصيحة نصيحة...لما تعمل عمل...اخلص النية لله سبحانه...بدون ابتغاء مقابل...او كبر...او غرور...
وعامل الناس...ب اخلاقك...لا ب اخلاقهم...:nice:
وكل عام وانتوا ابخير...واللهم بلغنا رمضان...واكتب لنا الاجر فيه يارب...وتقبل خالص اعمالنا...وصلاتنا وقيامنا يارب...:nice:
اخوكم علي...
دائما...وابدا...نبقى كائنات اتحب التجمعات...اتحب العلاقات الاجتماعيه...الاخوة...الصداقة...الحب...
تهوى المزاح...وتبغض الغضب...لكن هذا لايعني ان اللي نرفضه او مانحبه ما انطبقه...
http://www.ae7m.com/blog/wp-content/uploads/2011/07/ego.jpg
فلان...في عز شبابه...الحمدلله ربي اكرمه ب مال...وسلطه...وفي عمر صغير...قدر يكون نفسه...من البديهي تجمع الناس حوله...خاصه لما يكون صاحب مال وجاه...كلن وعلى حسب هدفه...منهم من يبغي حاجة منه...ومنهم من يبغي رفقته صحيح...ومنهم من يبغي يدمره...
وبطبيعة الحال...اتصير مناوشات...وخلافات...وتضارب وجهات نظر...بين الاصدقاء...
فا هذا اللي حصل مع صاحبنا فلان...في يوم من الايام...صار خلاف...بينه وبين ربعه...وطلع منهم وهو امقفل...وقال ماراح ارجع لهم...ولا ابغيهم...ناس ماتحترم رايي...ولا تبغي تسمعه...فا ما ابغيهم...وباتعرف على ناس غيرهم...وارافقهم..ابرك من هذول...
وتعرف على ربع...غيرهم...وترك اللي قبلهم...مع محاولات من السابقين عشان يراضونه...ويرجع لهم...واعتذروا له...لكن شاف نفسه عليهم...وقال لهم...خلاص لقيت ربع غيركم...فا لاعاد تتصلون بي...
واصبح بين فترة وفترة يغير في ربعه...كل من خالفه اتركه...او ما اعجبه اتركه...وهكذا...
وعقب فترة...صارت مشكلة...بينه وبين اهله...وصار خلاف...والخلاف كان كبير...بينه وبين اخوانه واهله...وطلع من البيت...وهو غاضب...حاولوا هله واخوانه يرجعونه...ويراضونه...واعتذروا له...بكل السبل...بغض النظر عن المخطئ...يبقون اهل...وبينهم صلة رحم...لكنه رفض...وقال لهم...ماعاد ادخل هالبيت...ولا انا منكم ولا انتوا مني...ولا اتكلموني خير شر...انا مرتاح بدونكم...ومستانس بلياكم...
عقب كم سنة...
جا عرس ولده...يبغي يفرح فيه...ودائما...ماتحلى الاعراس الا بجمعة الاهل والاخوان واللي يعزون عليك...
ومحد يقوم بالعرس الا اخوانك وهلك وجماعتك...فا هم سنايدك...وعزوتك...
وعمره الفرح مايدخل القلب...الا بشوفة من اتعزهم ويعزونك...وابتسامتهم...وسوالفهم...ووقفتهم معاك...
يوم جا بيطبع البطاقات...قعد يحسب المعازيم...واغلب الاسماء...شطبها ب خط...وطلع معاه العدد قليل...سرح للحظه...وبعدها قال...مايهمني...جاو ولا ماجاو...
حاولوا معاه عائلته انه يعدل عن قراره...ويعزم الناس...ويحسن علاقته مع هله واخوانه...لكنه رفض...
الانسان عمره في ازدياد...وكل مازاد...قوى العظم...وثقل العقل...ومن احسن الى الاحسن...
لكن بعدها...يرجع لأرذل العمر...ويضعف العظم...ويخف العقل...ومن سئ...لأسوء...
وفي يوم من الايام...مرض...وكان مرض شديد...وخذوه للمستشفى...ونوموه عندهم...
واصبح يعالج هناك...في اول الايام...عائلته كانت اتزوره...واتشوف اخباره...
لكن طالت فترة العلاج...وصارت زيارتهم خفيفة...
واصبح...كل ماسمع قبضة الباب اتحرك...يفز قلبه ويلتفت...يبغي يشوف من جاه...لكن يتكدر بشوفة الممرض يعطيه الدوا...
لا ربع زاروه...ولا اهل مروا عليه...ولا عائلته اصبرت عليه...
وين قوته اللي يوم كان يترك ربعه عشان خلاف بسيط...ويدور غيرهم...غرور بنفسه وبسلطته ومنصبه...
وين قوته اللي...يوم ترك هله واخوانه...عشان خلاف بينهم...رغم اعتذارهم...وتبرا منهم...
يا اخواني واخواتي...
ترا الصداقة والله كنز...والواحد في هالزمن يشتري الرجال"النساء"...
والله صرنا قليل انشوف اصدقاء..بمعنى الخوي...اللي الناس ما تقدر اتميز اذا هذا اخوك ولا صديقك...من علاقتكم الطيبة...والاخوة اللي بينكم...والنية الطيبة...
صار الكثير يعقر في الثاني...ويتكلم من ورا الثاني...ويدور مصلحته في كل شي...
اذا هذا الشخص منه فايدة...بارافقه عشان مصلحتي الشخصيه...اما اذا لا...ما ابغيه...
ولا اتشوف ربع عشرة بينهم 10 سنين...في سفر...وغربه...او في البلاد...بينهم اتصالات...ومعزة...واحترام...
وعشان سوء فهم...يتركك...واتقول له ليه هالاسلوب معاي؟؟...يقول لك..."شي عادي...اهم شي ما اعور راسي؟؟!!!..."
من متى وهذي تعتبر معايير الصداقة؟؟...والاخوة بين الناس؟؟؟
لهالدرجة صرنا بس اندور مصالحنا...
لهالدرجة اللي يخالفنا الراي...او نسئ فهمه...نتركه...وننسى اللي فات...من عشرة واخوة؟؟؟
وعن اللي يقطع صلة رحمه...
الواحد يستغرب من هالناس...ومن هالعقلية...
يا اخي هذول هلك...من دمك ولحمك...وعمره الدم مايستوي ماء...
صحيح اتصير خلافات عائلية...مشاكل...مصايب...لكن يبقى...الواحد يحاول انه يحلها...ويسعى للم الشمل...ويرجع المياه الى مجاريها...مب يبتر العلاقة...
صحيح الواحد يقفل...ويتنح...لكن لما يهدا شوي...يرجع...ويحاول يصلح الوضع...
يا اخوان...ترا مهما كان هذول هلك...سنايدك...عزوتك...وفرحتك ب فرحتهم...
من منا مايخطى...من منا مايسئ الفهم...محد معصوم...لكن لما تصحى...ارجع...واصلح...وعدل من مسارك...
لاتظن قوتك الحين للابد...ترا مردها بتزول...وبتضعف...
ويظل الواحد يسعى للخير...وتكوين صداقات طيبة...وعلاقات جميلة...
احسن للناس...بيحسنون اليك...
وربي سبحانه...وصى بالاحسان...والمعامله الطيبة...والتسامح...
قال الله تعالى :" والكاظمين الغيظ والعافين عن الناس والله يحب المحسنين"
قوله تعالى: " ولو كنت فظاً غليظ القلب لنفضوا من حولك"
عن النبي (صلى الله عليه وسلم) :المؤمن الذي يخالط الناس ويصبر على اذاهم أفضل من المؤمن الذي لا يخالط الناس ولا يصبر على اذاهم.
اتمنى رسالتي اوصلت...
هذي دعوة مني...لكم...خاصه بقرب شهر رمضان...شهر المغفرة والرحمه...شهر الكنز...اللي نكسب منه الحسنات مضاعفه...والاجر من الله...
فا شوفوا من زعلتوه...من تركتوه...من غضبتوا عليه...من قطعتوا علاقتكم به...ايا كانت الاسباب...فا من منا لايخطئ...والمسامح اجره كبير عند الله سبحانه...
كان من الاهل...ولا الاخوان...ولا الاصدقاء...
كفاية قولة السلام عليكم...لك فيها اجر...
ونصيحة نصيحة نصيحة...لما تعمل عمل...اخلص النية لله سبحانه...بدون ابتغاء مقابل...او كبر...او غرور...
وعامل الناس...ب اخلاقك...لا ب اخلاقهم...:nice:
وكل عام وانتوا ابخير...واللهم بلغنا رمضان...واكتب لنا الاجر فيه يارب...وتقبل خالص اعمالنا...وصلاتنا وقيامنا يارب...:nice:
اخوكم علي...