استفسار : عن الوزن الزااائد ؟!!‏

[دايموند]

السلام عليكم..

ياليت حد يفيدني..

عندي صديقة مسافرة ماليزيا..
وبكرة ان شاء الله بترجع..

وشرت من اهناك اغراض..

وتقول احتمال راح يطلع

عليها وزن زائد ما يقارب

18كيلو ‏..‏ فياليت ‏
حد ‏
يفيدنا

الكيلو الزائد بكم في ماليزيا؟!!‏

وشكرا لكم..

[دايموند]

للرفـــــــــــــــــــــــع ....

[فيصـــل]

وعليكم السلام ورحمة الله وبركاته

مسافره عالقطريه هي ؟

[دايموند]

وعليكم السلام ورحمة الله وبركاته

مسافره عالقطريه هي ؟

ايوا اخووي عالقطرية

[فيصـــل]

حلو ..

اول شي اختي خل تكلمهم لان يمكون يمشون موضوعها او ينزلون لها من السعر

وعلى كل كيلو = 100 ريال - بعملتهم 79 .. يعني الله يعينها بتدفع 1800 ريال ..

بس خل تحط فبالها ان السياحيه مسموح لها 23 كيلو والبزنس 30 والفيرست 40 كيلو ..

والله اعلم

بالتوفيق يارب

[دايموند]

مشكووووووووور اخوي ...

انزين اخوي تكلم من علشان يراعونها؟؟

ومشكووور وماتقصر...

[Rashid554]

معظم رحلاتي على القطرية يراعوني بالسعر بحكم اني قطري وغالباً مايحسبوني القيمة حتى لو كانت 20 كيلو
واذا هي متردده ومو واثقه عليها تشحنها بمكاتب الشحن بتكون ارخص
بحيث تشحن اغراضها الشخصيه على الشحن بحكم ان ضاعت عادي
والاغراض الي شرتها تاخذها معاها

[دايموند]

معظم رحلاتي على القطرية يراعوني بالسعر بحكم اني قطري وغالباً مايحسبوني القيمة حتى لو كانت 20 كيلو
واذا هي متردده ومو واثقه عليها تشحنها بمكاتب الشحن بتكون ارخص
بحيث تشحن اغراضها الشخصيه على الشحن بحكم ان ضاعت عادي
والاغراض الي شرتها تاخذها معاها

اخوي هي في ماليزيا .. فتكلم من عشان يراعونها بالوزن؟؟!!

[بدوي]

اخوي هي في ماليزيا .. فتكلم من عشان يراعونها بالوزن؟؟!!

تكلم السوبر فايزر او اي موظف في القطرية في المطار

والحل الأخير أختي .. خليها تعزل الوزن الزايد في شنطة ثانية

وعيال الحلال واجد هناك .. اللي ماعنده وزن يمكن ياخذها عنكم وفي مطارنا استلموها

نفس الشي صارلي وانا راجع من ماليزيا من كم سنة .. عائلة قطرية عندها وزن

وجات وحده وكلمت المدام وخذنا شنطتهم ويانا لأن حجزنا كان بزنس وعندنا مجال :)

[غايه الطواش]

حلو ..

اول شي اختي خل تكلمهم لان يمكون يمشون موضوعها او ينزلون لها من السعر

وعلى كل كيلو = 100 ريال - بعملتهم 79 .. يعني الله يعينها بتدفع 1800 ريال ..

بس خل تحط فبالها ان السياحيه مسموح لها 23 كيلو والبزنس 30 والفيرست 40 كيلو ..

والله اعلم

بالتوفيق يارب

لا اخوي غيروا

الحين السياحيه 30 والبزنس 40 خل تنبه الموظفه ..لان صارت لي وانا راجعه من لندن وقلت لها الوزن المسموح تغير ..وهي ماكانت تدري فرويتها شمكتوب ع التذكره ...والا كنت بدفع 350 باوند

[دايموند]

مشكورين كلكم...

انزين كم يصير اشيل بيدي؟؟
مسموح لي اشيل 5 كيلو ؟؟

[غايه الطواش]

اذا سياحيه
7 كيلو
اذا بزنس
شنطتين صغار مجموع الوزن فيهم 15 كيلو

[دايموند]

السياحية....

مشكووورة اختي غاية الطواش عالتفاعل

[فيصـــل]

مشكووووووووور اخوي ...

انزين اخوي تكلم من علشان يراعونها؟؟

ومشكووور وماتقصر...

العفو اختي ..

خل تكلم السوبرفايزر والمسؤول عن ستاف القطريه هناك .. وباذن الله يعدونها




لا اخوي غيروا

الحين السياحيه 30 والبزنس 40 خل تنبه الموظفه ..لان صارت لي وانا راجعه من لندن وقلت لها الوزن المسموح تغير ..وهي ماكانت تدري فرويتها شمكتوب ع التذكره ...والا كنت بدفع 350 باوند

والله اختي هذا على كلام احد موظفي القطريه .. والله اعلم جايز كلامج صحيح

[khaleeji]

والله ما اذكر القطرية سامحوني بالوزن

في مطار ماليزيا خلها تسال عن الشحن اخبره في نفس المكان واذكر شحنت شنطه كبيره ب500 ريال

[طماطه]

صارت لي وانا راده من ماليزيا ... والوزن كان زايد علي واااااااايد

حسبت وزن الشنط عن طريق الفندق الي كنت ساكنته ..

والوزن المسموح 23 كيلووو فقط ..

وباليد 7 كيلوو ..

انا شنطتي كانت 15 كيلو ونفس الشي ريلي شنطته الي يمسكها بيده 15 كيلوو .. بس سامحونا على شنط اليد ولا خذو منا ولا ريال .. لان البووي الي يشيل عنا الشنط ساعدنا وكلم الموظفين الي فالمطار ..
بس خذو علينا وزن الشنط الكبار .. وسوو لنا دسكاونت بسيط

[غايه الطواش]

والله راجعوا الششروط الي ع التذكره أنا متأكد ة السياحية كانت مكتوبه ٣٠ والبزنس ٤٠ بروح ادور عساي ألقى تذكره واصورها لكم

[طماطه]

والله راجعوا الششروط الي ع التذكره أنا متأكد ة السياحية كانت مكتوبه ٣٠ والبزنس ٤٠ بروح ادور عساي ألقى تذكره واصورها لكم

30 كيلو وانتي طالعة من قطر ..

بس وانتي راده 23 كيلووو فقط ..

هالكلام اكيد 100 %

[خالد الحمادي]

اذا كان عندكم عضوية القطرية بتحصلون 10 كيلو للعنابية و 15 للسلفر و20 للذهبية

[غايه الطواش]

30 كيلو وانتي طالعة من قطر ..

بس وانتي راده 23 كيلووو فقط ..

هالكلام اكيد 100 %

لا اختي حتى وانا راده انا توي يايه من لندن
ونفس الشي السياحيه خذوا عليهم 30 والبزنس 40
هي اول شي احسبت لي مثل ماقلت لي بس طلعت لها الورقه الي فيها التذكره ورويتها
واسمحت لنا وشالت الوزن الزياده

[بـــــــنت النوخـّــــذه]

اخوي هي في ماليزيا .. فتكلم من عشان يراعونها بالوزن؟؟!!

(تكلم السفاره القطريه هناك وتشوف لها ولد حلال يمشي لها الموضوع بسكات )

بالتوفيق وان شاء الله امورها سهالات

[بوخالد911]

اي مكتب شحن

[القلم الصريح]

مب شرط تشحنهم على القطريه في اكيد عدة شركات شحن تقدر تشحنهم من ماليزيا ويطلع لها ارخص خل تبحث في ماليزيا عن شركات الشحن بالجو او بالبحر

[بو منيرة]

http://www.qatarairways.com/us/en/baggage.html

للاسف الموقع يقول 23 كيلو

بس رحلات امريكا لهم شنطتين كل وحده 23 كيلو