بغين استشارتكم في غطاء المناهيل ( المنيوم سعودي )

[السد]

بغين استشارتكم في غطاء المناهيل ( المنيوم سعودي صناعة شركة الزامل ) بدل حديد هندي
في احد جرب منكم هذا النوع ومدى استحماله وقوته
وما تفضلون ان يكون قياس المناهيل 60 في 60 أو 70 في 70
وشكرا

[@north_star@]

بالنسبه للمناهل الالمنيوم السعودي قوي وفي عدة انواع بالنسبه للوزن لايت ديوتي اللى هو العادي وميديوم ديوتي المتوسط وطبعا الهيفي ديوتي وبالنسبه للمقاس المتعارف عليه 60x60 وسعره ارخص من 70x70 والمقاس ما يأثر

[khaldoon]

اخوي ليش ما تركب المناهل اللي تكون من النوع اللي تقدر تركب فيه بلاط ...اجمل للفلل علشان ما تكون المناهل ظاهرة

ولو تقدر تسويها موازيه للمبنى يكون افضل و افضل

[السد]

اخوي ليش ما تركب المناهل اللي تكون من النوع اللي تقدر تركب فيه بلاط ...اجمل للفلل علشان ما تكون المناهل ظاهرة

ولو تقدر تسويها موازيه للمبنى يكون افضل و افضل

اي بركب المناهل اللي تكون من النوع اللي تقدر فيه بلاط
ولكن انا اتكلم عن نوعية المادة الحديد او المنيوم

[السد]

بالنسبه للمناهل الالمنيوم السعودي قوي وفي عدة انواع بالنسبه للوزن لايت ديوتي اللى هو العادي وميديوم ديوتي المتوسط وطبعا الهيفي ديوتي وبالنسبه للمقاس المتعارف عليه 60x60 وسعره ارخص من 70x70 والمقاس ما يأثر

هل يعتبر الالمنيوم اقوى من الحديد ؟؟؟

[khaldoon]

اخوي مب مهم مين اقوى طالما انها heavy duty و هذا هو اللي يعنيك و انها تتحمل بس اعتقد انها غاليه او اغلى من اغطية المناهل العاديه و غالبا راح تتأكسد مع الجو و يظهر عليها طبقة بيضاء....تأكد من هالشي قبل لا تشتري وهل في ضمان انه ما يتغير لونها وهل السعر لو كان اعلى يستحق ام لا؟

[خبير صيانة]

شوف عمر الالمنيوم ما كان اقوي من الحديد
شفت في بعض الاماكن في الكويت والامارات حديد وملبسه المنيوم من الخارج
ممكن اشوف لك مين بيعمله هنا واعطيك رقمه
بس ابتداء الحديد اقوي

[بن غيث]

طبعا الحديد اقوى
بس في المناهيل .... الالمونيم افضل وصدا الالمونيوم يقويه اكثر

[حورية]

بغين استشارتكم في غطاء المناهيل ( المنيوم سعودي صناعة شركة الزامل ) بدل حديد هندي
في احد جرب منكم هذا النوع ومدى استحماله وقوته
وما تفضلون ان يكون قياس المناهيل 60 في 60 أو 70 في 70
وشكرا

هلا اخوي بصراحة الالمنيوم احسن اولا من ناحية الشكل احلى وثانيا هو قوي ما يتاثر بشي وحتى للشيل اخف لان انت راح اتركب البلاط فوق الغطاء فراح ايكون اثقل لو ركبت الحديد وانا ركبت حق البيت بالعكس ما ايبين كان امركبة بلاط وادا تبي تشتري من الدوحة روح شركة محمد واخوانه واذا من الحساء ارخص عندك شركة بوسعد للمواد الصحية والفرق بينهم وايد في الدوحة 380 وفي الاحساء 250 وانت اختار الاحسن

[@north_star@]

هل يعتبر الالمنيوم اقوى من الحديد ؟؟؟

الالمنيوم أنظف وما يصدي وقوي بنفس الوقت بس الحديد
ممكن يصدي وخاصه على الاطراف وبجميع الاحوال النوع اللي يتركب فيه البلاط اسمه
recessed type

[خالد32]

الزامل البلاستك افضل
شكله حلو و ما يصدي

عموماً الحديد اقوى من الالمنيوم

[السد]

للرفع