بوالبيض
23-07-2011, 10:22 PM
السلام عليكم ورحمة الله وبركاته
وينك يالقطري في المستقله ندورك ياخي صج والله اي والله والله زين :) والله ما لي نفس في المدارس المستقله ليش عاد ليش عاد انتو جيتوا وشفتوا شنو يصير في المستقله لا ما جينا عيل خلاص لحد يتكلم ويقول نبي قطرين في المستقله ليش :
1- الرواتب ضعيفه ما تسوي صداع الطلاب.
2- لا ترقيات ولا درجات ولا شي يذكر وموقفه درجتنا من كم سنه.
3-لا منصب ولا شي بس مدرس طول عمرك .
4- ابداع يقول لك المدير وين الابداع تبي لا ضرب لا تمسك الطالب لا تقط عليه كلمه
وين تبي تعليم دام معطين الطالب الخيط والمخيط
5- شراف في الملاعب في الممرات المقصف في كل داعوس ليش مدرسين
ولا عمال.
6- بعدين مراقبين علي الطلاب في الامتحانات (ساعتين) فتره الامتحانات والامتحان
حده حده ساعه يعني كل تبن وراقب وخل الطالب يبهدلك ويخليك ريال ما تسوي
تقول حق المدير يطلعهم قال لا بيسون مشاكل في المدرسه لزم يطلعون كلهم.
7- الطالب يتكلم في الامتحان يضحك ويتمضخر ويغش بدون براشيم طبعاوالمدرس
اسكت يا ولد يطلعه يدخله المشرف يطلعه مره ثانيه يدخله المدير ليش زين يقولك
مالك حق يطلعه من الامتحان انزين يضحك ويتمصخر قال لا لزم تثبت عليه التهمه
يعني لزم تصيد عنده براشيم يعني بالعربي خله علي راحته يعلب ويضحك.
8-يقول لك المدير يا مدرس لزم تسلم علي الطالب وتضحك معاه وتاخذ وتعطي معاه
تحببه في المدرسه تقول له كلام زين حلو يعني ناقص ليش زين جي يبون المدرس
مجرد ديكور يلعب عليه الطالب يقول نبي المدرس القطري.
9-لا طلعه ولا تروح مكان لزم كل يوم تجي قبل الساعه 7 الاربع عشان الطابور تاخرت
رحت فيها خط احمر ليش متاخر تحقيق لفت نظر وليش وليش .
10- الابداع يقولك المدير انزين في الابداع تعرفون تسوي شوا في الطابور في الفصحه
تكتب مواضيع عن الماده طبعا كل خرابيط لان لا منهج ولا كتب في المستقله ملازم
وكتب مسوينها مدرسين تجربيه وين تبون الطلاب يتعلمون ويفهمون الله المستعان.
11- الحصه 55 دقيقه والحصه حدها 40 دقيقه للدرس يعني 15 دقيقه وين تروح
يمللون المدرس لين يرتفع الضغط عنده .
12- المدرس في اليوم 3 حصص يعني في الاسبوع15 حصه يعني بالعربي لاتغيب
ولا تتاخر ولا تطلع في بعض المدرسين 10حصص نادر بس بعد عذاب .
13- النجلس االاعلي يطلعون تعاميم علي المدرسه ويمللون المدرس والمدير
والله لو واحد منهم يجي ويشتغل بس اسبوع قسم بالله ما يقدر .
14-بعدين حتي في الاماكن العامه يسئلون انت وين شغال مدرس يه ولا حد يعطيك ويه
ويحسسونك انت ولا شي شنو مدرس نظره سيئه للمدرس في الخليج .
15- تضرب طالب رحت فيها يشتكي عليك شرطه نيابه تروح تترجاه وتترجا ابوه
اخر شي المعنويات راحت وطي والضرب الخفيف والقوي كلهم نفس الشي.
( الحين والله لو تروحون ويدورن علي القطري في المستقله 10 بالمئه بس موجود
والباقي طلع لعت جبده وزهق والي طلع الحمده الله الله وفقه ترفع وصار ريئس قسم
والي مدير ما نقول غير الله يرحم التعليم الحكومي ) والله الموفق عن تجارب اتكلم
وسامحونا يمكن قلنا شي غلط ولا شي بس من القهر الدوله ما قصرت وفرت كل شي
والحمد الله ويعطيهم العافيه وصرف بالملاين بس بدون فايده . والي عنده شي يقول
يمكن فاتني شي مني مناك .
وينك يالقطري في المستقله ندورك ياخي صج والله اي والله والله زين :) والله ما لي نفس في المدارس المستقله ليش عاد ليش عاد انتو جيتوا وشفتوا شنو يصير في المستقله لا ما جينا عيل خلاص لحد يتكلم ويقول نبي قطرين في المستقله ليش :
1- الرواتب ضعيفه ما تسوي صداع الطلاب.
2- لا ترقيات ولا درجات ولا شي يذكر وموقفه درجتنا من كم سنه.
3-لا منصب ولا شي بس مدرس طول عمرك .
4- ابداع يقول لك المدير وين الابداع تبي لا ضرب لا تمسك الطالب لا تقط عليه كلمه
وين تبي تعليم دام معطين الطالب الخيط والمخيط
5- شراف في الملاعب في الممرات المقصف في كل داعوس ليش مدرسين
ولا عمال.
6- بعدين مراقبين علي الطلاب في الامتحانات (ساعتين) فتره الامتحانات والامتحان
حده حده ساعه يعني كل تبن وراقب وخل الطالب يبهدلك ويخليك ريال ما تسوي
تقول حق المدير يطلعهم قال لا بيسون مشاكل في المدرسه لزم يطلعون كلهم.
7- الطالب يتكلم في الامتحان يضحك ويتمضخر ويغش بدون براشيم طبعاوالمدرس
اسكت يا ولد يطلعه يدخله المشرف يطلعه مره ثانيه يدخله المدير ليش زين يقولك
مالك حق يطلعه من الامتحان انزين يضحك ويتمصخر قال لا لزم تثبت عليه التهمه
يعني لزم تصيد عنده براشيم يعني بالعربي خله علي راحته يعلب ويضحك.
8-يقول لك المدير يا مدرس لزم تسلم علي الطالب وتضحك معاه وتاخذ وتعطي معاه
تحببه في المدرسه تقول له كلام زين حلو يعني ناقص ليش زين جي يبون المدرس
مجرد ديكور يلعب عليه الطالب يقول نبي المدرس القطري.
9-لا طلعه ولا تروح مكان لزم كل يوم تجي قبل الساعه 7 الاربع عشان الطابور تاخرت
رحت فيها خط احمر ليش متاخر تحقيق لفت نظر وليش وليش .
10- الابداع يقولك المدير انزين في الابداع تعرفون تسوي شوا في الطابور في الفصحه
تكتب مواضيع عن الماده طبعا كل خرابيط لان لا منهج ولا كتب في المستقله ملازم
وكتب مسوينها مدرسين تجربيه وين تبون الطلاب يتعلمون ويفهمون الله المستعان.
11- الحصه 55 دقيقه والحصه حدها 40 دقيقه للدرس يعني 15 دقيقه وين تروح
يمللون المدرس لين يرتفع الضغط عنده .
12- المدرس في اليوم 3 حصص يعني في الاسبوع15 حصه يعني بالعربي لاتغيب
ولا تتاخر ولا تطلع في بعض المدرسين 10حصص نادر بس بعد عذاب .
13- النجلس االاعلي يطلعون تعاميم علي المدرسه ويمللون المدرس والمدير
والله لو واحد منهم يجي ويشتغل بس اسبوع قسم بالله ما يقدر .
14-بعدين حتي في الاماكن العامه يسئلون انت وين شغال مدرس يه ولا حد يعطيك ويه
ويحسسونك انت ولا شي شنو مدرس نظره سيئه للمدرس في الخليج .
15- تضرب طالب رحت فيها يشتكي عليك شرطه نيابه تروح تترجاه وتترجا ابوه
اخر شي المعنويات راحت وطي والضرب الخفيف والقوي كلهم نفس الشي.
( الحين والله لو تروحون ويدورن علي القطري في المستقله 10 بالمئه بس موجود
والباقي طلع لعت جبده وزهق والي طلع الحمده الله الله وفقه ترفع وصار ريئس قسم
والي مدير ما نقول غير الله يرحم التعليم الحكومي ) والله الموفق عن تجارب اتكلم
وسامحونا يمكن قلنا شي غلط ولا شي بس من القهر الدوله ما قصرت وفرت كل شي
والحمد الله ويعطيهم العافيه وصرف بالملاين بس بدون فايده . والي عنده شي يقول
يمكن فاتني شي مني مناك .