للبيع شاشة سامسونج الجديدة 3d مستعملة ليوم واحد فقط حجم 55 بوصه

[NeverLand]

للبيع

شاشة SAMSUNG D8000 LED سامسونج 3D الجديدة ..

احدى الشاشات المميزه التابعة لقائمة الفئات العليا لعام 2011 لشركة سامسونج ..

الحجم 55 بوصة

بها العديد من المزايا الرائعة

وتعتبر احد افضل ثلاث شاشات لهذا العام حسب تقييم الخبراء

http://img824.imageshack.us/img824/8282/1411f.jpg
http://img11.imageshack.us/img11/9672/1541c.jpg

للإطلاع اكثر على مواصفات الشاشة الرجاء الدخول الى هذه الصفحة

http://www.avarab.com/vb/showthread.php?t=221

السعر الرسمي للشاشة في السوق 15500

وسعر البيعه 13000

----------------

تأتي مع الشاشة:

ثلاثة نظارات 3D تعمل على البطارية ..

جهاز بلو-راي حديث 3D من سامسونج .. تم فتح العلبة لتجريبة ..

فيلم بلو-راي 3D

قطعة لتعليق الشاشة على الحائط ..

ضمان سنة من الشركة

----------------

تم شراء الشاشة يوم الخميس اللي فات وتم استعمالها لمدة يوم واحد فقط

الشاشة بحالتها الاصلية كما جائت من الشركة بالضبط .. لم يتم تشغليها الا يوم واحد فقط

سبب البيع هو رغبتي بشراء شاشة بلازما

----------------

للامانة الشاشة رائعة جداً وأنيقة وشكلها فخم للغايه .. وتقنية الثري دي عليها من افضل ما شاهدت هذا العام بلا منازع ..

وافضل بكثير من شاشة سوني الجديدة من الفئات العليا لهذا العام ..

[tooofy]

If you wanna sell it for 6000

text me

[NeverLand]

لا حرام عليك الشاشة جديده ماخذها هالخميس بـ 15500 واليوم الصبح مطلعها من كرتونها ..

صعبه 6000 !!!

[الجنوبي 11]

9000 ريال اخلص معاك بكره

[NeverLand]

اخوي الشاشه وملحقاتها ماصار لهم يوم واحد استعمال وسعرك اقل من اللي طالبه

للرفع

[Mody]

9500 عندي بس جديده وبتبيعها ماعجبتك ؟؟

[airbus]

والله ياخوي ادا ماعندي تلفزيون 3 دي لا شريته منك بالسعر الي تبيه

وربي يوفقك وتحصل الشراي الصامل !

[NeverLand]

والله مازلت اشوف ان السعر شوي عليها وحرتها ما ابردت يا مودي

الشاشه عجيبه ماعليها كلام وماخذتها الا عن اقتناع تام بعد ماخذيت لفه بالنت والمعارض على شاشات الفئات العليا حق هالسنه من سامسونج وسوني ..

لقيت الثري دي بهالشاشه ممتاااز ومهما تلف راسك تظل الصوره عميقه وتأثيرها مايروح عكس شاشات السوني الثري دي مالها بسرعه تفقده اذا ملت براسك خمس درجات بس ..

وكصوره hd روعه ومشرقه وتشوف فيها تفاصيل تخوف من دقتها وجمالها .. وكل الخبراء يوصون فيها

فتشجعت وخذتها

بس قبل ماخذها كنت متردد شنو اخذ بالضبط .. اخذ تلفزيون led ولا بلازما .. وبعد ماشريتها ودفعت فلوسها ماقدرت اشيل فكرة البلازما من راسي -__-

فقلت ابيع الشاشه من الحين وهي جديدة بكرتونها وماصار لها يوم واحد من الاستعمال احسن لان قيمتها بتكون فيها

احسن من اني انتظر لين ما باناسونيك تنزل الموديل اللي حاطه فبالي اخر السنه .. ساعتها بتكون الشاشه مر عليها وقت طويل واكون خسرت فيها

وبس .. هذي كل السالفه ههه ..

والله كل البيت مستغربين يقولون انت خبل الشاشه روعه وجديده ماعندك سالفه تبيعها

[NeverLand]

والله ياخوي ادا ماعندي تلفزيون 3 دي لا شريته منك بالسعر الي تبيه

وربي يوفقك وتحصل الشراي الصامل !

الله يخليك يارب .. يكفيني بس مرورك الحلو عالموضوع :nice:

[NeverLand]

سبحان الله وبحمده

[RAlkaabi]

شـــاشـــة روعـــة ! وعــرض ممتـــاز ..

بالتوفيــــــــق .. وفـــووق للطيبيـــن :) ..!

[NeverLand]

شـــاشـــة روعـــة ! وعــرض ممتـــاز ..

بالتوفيــــــــق .. وفـــووق للطيبيـــن :) ..!

والله محد روعه غيرك اخوي :nice:

يعطيك العافيه يا ذوق ..

[qatari911]

مشاء الله على الشاشه
بس حرام السعر هذا فيها
انا باخذها بسعرها الاصلي بس بالقساط على ثلاث دفعات
والله يوفقك في بيعتها

[الدوحه1]

تحذير لكل من يفكر انه يشتري شاشه 3d:
شاشة ال 3d مضره للعين والشاشات اللي تنباع في الدول الاوروبيه وامريكا يكتب عليها تحذير بانها قد تسبب ضرر في العين..
للمزيد من المعلومات يمكنكم البحث في الانترنت عن هذا الموضوع.
مع تحياتي.

[NeverLand]

تحذير لكل من يفكر انه يشتري شاشه 3d:
شاشة ال 3d مضره للعين والشاشات اللي تنباع في الدول الاوروبيه وامريكا يكتب عليها تحذير بانها قد تسبب ضرر في العين..
للمزيد من المعلومات يمكنكم البحث في الانترنت عن هذا الموضوع.
مع تحياتي.

الله لا يهينك افتح موضوع وحط هالكلام فيه وقولهم قاطعوا السينمات اللي تعرض بالثري دي بعد .. اما انك تشوف واحد حاب يبيع شاشته وتجي وتتقيرد عليه اسمحلي ماشوفها عدله الصراحه وتصرف خالي من الذوق :)

ترا التلفزيونات بكبرها مضره بالعين ماجات عالثري دي بس واتوقع مافي حد مايعرف هالمعلومه الخطيره .. والثري دي ترى ميزه جانبيه مع الشاشه يعني بإمكانك ماتشغلها وخلاص وتستمتع بمميزاتها الثانيه

عالعموم يزاك الله خير ..

[NeverLand]

مشاء الله على الشاشه
بس حرام السعر هذا فيها
انا باخذها بسعرها الاصلي بس بالقساط على ثلاث دفعات
والله يوفقك في بيعتها

هلا والله بك يالغالي

عرضك مغري والله لكني حاب ابيعها واستلم سعرها قبل المده اللي حددتها لي بالرسايل الخاصه

تقبل تحياتي وتسلم عالعرض

[al-sulaiti1]

شاشه رائعه وتستاهل السعر والله يوفقك فالبيعه انشالله

[NeverLand]

شاشه رائعه وتستاهل السعر والله يوفقك فالبيعه انشالله

الله يخليك ويوفقك يارب :)

الشاشه فعلاً مميزه ومب هاين علي ابيعها بهالسعر .. بس مضطر والله عشان السبب اللي ذكرته بالصفحه اللي فاتت :shy:

[SULTAN1]

بالتوفيق ،وارسلت لك رسالة على الخاص

[أم سلووومي]

شاشه رائعه تستاهل فعلا موفق اخوي

[NeverLand]

بالتوفيق ،وارسلت لك رسالة على الخاص

ويوفقك يارب .. تم الرد على الخاص

[TEAMspirit]

كم وصل سعرها ؟

[محمد الجفيري]

بالتوفيق ان شاءالله

[NeverLand]

شاشه رائعه تستاهل فعلا موفق اخوي

تستاهلين الخير يا ام سلومي .. يعطيج العافيه عالمرور الحلو :)

[NeverLand]

كم وصل سعرها ؟

هلا وغلا اخوي .. وصل سعرها 10500 ..

[NeverLand]

بالتوفيق ان شاءالله

تسلم على الدعوه الطيبه يا محمد :)

تقبل تحياتي

[bo-ibrahem]

الله يوفقك في البيعه

وبالنسبة للي رد على موضوعك يمكن الاخ حاب يفيدك

او يمكن توه ماخذ وحده ب15 الف ومنقهر من السعر الي انت حاطه

واتمنى من الشباب اما دعوة طيبه او عدم الرد الي ماله داعي

وفقك الله اخي الكريم

[NeverLand]

الله يوفقك في البيعه

وبالنسبة للي رد على موضوعك يمكن الاخ حاب يفيدك

او يمكن توه ماخذ وحده ب15 الف ومنقهر من السعر الي انت حاطه

واتمنى من الشباب اما دعوة طيبه او عدم الرد الي ماله داعي

وفقك الله اخي الكريم

تسلم لي يارب .. والله يخليك ولايحرمنا من ردودك

انا متأكد ان قصده خير وينصح للاستفاده بس مادري انقهرت حسيت نصيحته مو بوقتها ههه :secret:

الله يوفقك ان شاء الله وتسلم على هالطله الحلوه :)

[.*TNT*.]

بالتوفيق انشاء الله

[NeverLand]

بالتوفيق انشاء الله

وياك ان شاء الله يالغالي

[قطر77]

بالتوفيق إنشالله
والصراحة شاشة روعه

[NeverLand]

بالتوفيق إنشالله
والصراحة شاشة روعه

وياك ان شاء الله يا الغالي ..

تسلم على مرورك الحلو :)

[بروكن برايس]

بالتوفيق الغالي ، وان شاء الله تلقى الشراي اللي يبرد خاطرك ، وسعرك ما عليه كلام

[NeverLand]

بالتوفيق الغالي ، وان شاء الله تلقى الشراي اللي يبرد خاطرك ، وسعرك ما عليه كلام

الله يسلمك ويخليك ان شاء الله .. تسلم على ذوقك ومرورك الحلو :)

[limited]

اخوي كم وصلت الشاشه عندك؟ اعلا سعر؟

[NeverLand]

^
^

اخوي وصلت 10500 ريال ..

[بوعلي 8]

^
^
^
^

بيييييع

[NeverLand]

^
^
^
^

بيييييع

شكلي ببيع اذا وصل 11

[وجه السعد 2]

ارسلت لك عالخاص

[NeverLand]

ارسلت لك عالخاص

تم الرد عالخاص ..

للرفع

[تركي محمد]

يالحبيب الشاشه راحت ولا عادها موجوده ؟

[NeverLand]

يالحبيب الشاشه راحت ولا عادها موجوده ؟

هلا والله .. الشاشه للحين موجوده

[SULTAN1]

فالك الخير ان شاء الله

[Aek]

شيك الخاص

[NeverLand]

مساكم الله بالخير

طلب مني احد الاخوان اني اذكر له مميزات الشاشه على الرسايل الخاصه

وانا اعتذر اذا ماوضحت مميزاتها لاني كنت مستعجل وانا اكتب الموضوع

الشاشه غير انها تقدم افضل تقنية ثري دي على مستوى الشاشات الموجوده كلها بالسوق

وغير انها تقدر تحول اي صوره تو دي لثري دي وتطلع النتيجه مذهله

فهي تنتمي لفئة الشاشات الذكيه

http://img26.imageshack.us/img26/6798/909090.jpg

يعني تقدر تدخل فيها للنت وتتصفح الفيسبوك وفيديوهات اليوتيوب وتكلم اصدقائك واقاربك على السكايب

وتقدر تركب كاميرا وتخليهم يشوفونك

والشاشه فيها مميزات ثانيه كثيره غير شكلها الفخم وحجمها الكبير والوانها البراقه وصورتها الصافيه

مثلاً تقدر تحمل اي فلم من النت على اي امتداد تبيه

مثل avi او mkv .. وغيرهم كثير ..

وتنزل ترجمة الفلم وتحطهم مع بعض في فلاش ميموري صغير وتركبه عالشاشه

والشاشه تشغل لك الفلم وتدمج لك معاه الترجمه اللي انت حاطها بالفلاش ميموري بشكل منفصل عن الفلم

الشاشه تدعم اللغه العربيه واغلب اللغات الموجوده

وهذا مثال بسيط من فلم رابت هول .. بس اسمحولي على الاضائه التعبانه ماخذ الصوره عالسريع من كاميرا الجوال

http://img135.imageshack.us/img135/2159/78978789.jpg

بإمكانكم بعد تتحكمون بحجم الخط ..

هذا وانا مشغل فلم حجمه بسييط 700 ميجا لكن الصوره صااافيه ماشاءالله .. شلون لو حاط فلم حجمه كبير مسحوب من بلو راي

وفي مزايا كثيره للحين ماشفتها لاني اساساً من خذت الشاشه ما استعملتها غير كذا مره بس

بإمكانكم تشوفون مميزاتها عن طريق صفحتها الرسميه بموقع سامسونج:

http://www.samsung.com/uk/consumer/tv-audio-video/television/led-tv/UE55D8000YUXXU/index.idx?pagetype=prd_detail

والله خساره ابيعها باقل من سعرها لكن مضطر ابيعها قبل رمضان ..

http://img13.imageshack.us/img13/5421/90909v.jpg

[NeverLand]

فالك الخير ان شاء الله

الله يخليك .. والله انك ذوق

تسلم لي يارب

[NeverLand]

شيك الخاص

تم الرد عالخاص

[Aek]

شكلي ببيع اذا وصل 11

11 الف أنا شراي ورقمي عندك على الخاص

اخوي اذا اموافق رد علي بسرعه لأني مستعجل وبكره العصر اذا مارديت باروح اشتري جديد

[NeverLand]

11 الف أنا شراي ورقمي عندك على الخاص

اخوي اذا اموافق رد علي بسرعه لأني مستعجل وبكره العصر اذا مارديت باروح اشتري جديد

هلا اخوي .. حتى انا مستعجل مثلك وودي ابيعه قبل رمضان .. بس مادري لو قريت ردي عليك بالرساله ولا لا .. قلت لك عطني مهله عالاقل لين بكره عشان اشوف اذا في امكانيه ارجع الشاشه لسامسونج واسترد منهم المبلغ اللي دفعته بالكامل بدال لا اخسر فيه 4500 ريال وهو ما كمل عندي إلا اربعة ايام ..

بتواصلك معاك بكره ان شاء الله ..

[Aek]

الله يوفقك ان شاء الله وماتخسر ريال واحد فيها وانا عند كلمتي ورقمي عندك وانتظر رد منك .

[NeverLand]

^
^

الله يخليك ويوفقك بعد يارب .. والله يكتب لنا اللي فيه الخير ان شاء الله

[NeverLand]

تم بيع الشاشه لاخوي Aek :)

الف شكر على التفاعل واعتذر من كل اللي قدم عرضه وماصار نصيب .. خصوصاً الغالي سلطان

تحياتي للجميع ومبارك عليكم رمضان مقدماًَ

[SULTAN1]

يستأهل الاخ Aek,والله يعوض خير ان شاء الله ،وسعدت بالتعامل معك ،ومبروك عليكم الشهر الفضيل:nice::nice::nice: