اشكره خرااااااط !!

[MAZEN37]

السلام خير الكلام
موقف غريب مرات يصير مع اي انسان
تحصل شخص تعرفه زين وكل كلامه افلام هنديه ويحاول يقنعك ويلف ويدور وانت :shy: ما تدري شلون ترد عليه وتناقشه ؟
موقف صار امس جدامي شخص قام يخرط اشكره ( عيار ) بس الي صار انه الشخص الثاني رد عليه وبجرأه عاليه
المشكله
زعلوا من بعض:weeping:
شتسوي لو انت بهالموقف؟

[شبح الصمت]

شوف أخوي مازن ..

في ناس تخرط عشان ما تجرح الشخص الي قدامها ...

وفي ناس تخرط لانه هالشيء فيـها خلاص تعودت على هالشيء ...

وقبل كل شيء انا ليش اوصل لمرحلة أنه يزعل علي ..

في أمور احنا نقدر نتفادها قبل حصولها ..

مثال // واعدت رفيجي اليوم المغرب اطلع معاه ..

طيب وجاني ظــرف طارئ أو مالي خاطر اطلع معاه ..

بشل التلفون // ألو فـلان ياخوك اسمح لي أو sms او mms وسوي له حبيـتين ..:victory:

وقوله اعذرني يالغالي ..

اما انا ما ارد عليـه وحقـره ومسكين ويشوفني في مكان مع أحد أو شيء قويه قويه هذه معناتها أنه أنا مهمش في حياتي ولا شيء يعني لي يعني بالعربي حاصل تحصيل ... :weeping:


من راح بكيفه وكيفـه يرده ..

[khalid Qtr]

الخراط يعرف نفسه ، وبالتالي تكفي ان توجه له نظرات معبرة ^_*

[جاسم القطري]

حلو يكون عندك واحد خراط في الشله ههههههههههه حق الوناسه يسويلك جو ما تملل

[منابر خالده]

ذكرتني بواحد مغطي على مسيلمة الخراااط

دايما يخررط علي بمغامراته البونديه بس والله كنت اضحك علية وماكان يزعل ههههه

[MAZEN37]

اخوي شبح الصمت انت تتصرف باتزان بس في ناس مادري شيحدها علكذب
ذكرتني مره قريب لي المشكله متواعدين من سبوعين طلعت العديد ايام الجو
الزين ويوم الموعد ما قام يرد وو وطرش لي رساله انه عنده ظروف
ثاني يوم الا واحد من الربع يقولي ساعدنا فلان بن فلان هو واخوه
بنشر في العديد تبي الصراحه
من يومها محتقره وصاد عنه

[Al- noor]

على حسب نوع الخرط .. اذا هالخرط مايضرك انت كشخص ليش ترد عليه وتحرجه؟؟!!! كفاية انك تعرف انه خراااط
اما اذا كان فيه ضررر لا لازم تقوله ستوب

[الحياة الخالدة]

أخوي مازن ..

إذا الميانة طايحة بيني و بين هالشخص .. يعني ممكن يتقبل مني الحجي و ما يزعل ..
أعطي إياها كاش بويهـــــه .. على ضحك طبعـــــاً .. لين يقــــــول الصج .. و يتراجع عن الخرطي اللي قاله .. :nice:

أما اذا الشخص بينـــي و بينه حدود .. بعد يعتمد:
إذا السالفة عادية .. و ما تأثر علي بشي .. أعديها و اضحك عليه من داخل نفسي .. انه اعتقد انه قص علي ..
و اذا السالفة متوقف عليها شي مهم .. أحاول أوصل له المســــج اني كاشفته .. بس بطريقة لطيفة و دبلوماسية ..
ما تحرجـــــه إذا كان طيب و على نياته .. :)
و ما تستفزه إذا كان شرير .. و ممكن يضرني بأي طريقة .. :rolleyes2:

و سلامتك ..

[شيخ القبيلة]

عادي اخوي هالنوعية من الناس الخراطين اسمع من اذن وطلع من الاذن الثانية وحسسه انك مب مهتم صدقني بينحرج وبيسكت .

[Frosty]

مثال // واعدت رفيجي اليوم المغرب اطلع معاه ..

طيب وجاني ظــرف طارئ أو مالي خاطر اطلع معاه ..

بشل التلفون // ألو فـلان ياخوك اسمح لي أو sms او mms وسوي له حبيـتين ..:victory:

وقوله اعذرني يالغالي ..

اما انا ما ارد عليـه وحقـره ومسكين ويشوفني في مكان مع أحد أو شيء قويه قويه هذه معناتها أنه أنا مهمش في حياتي ولا شيء يعني لي يعني بالعربي حاصل تحصيل ... :weeping:



هالموقف صار لي ويا واحد، ومن ذاك اليوم لهذا اليوم و انا كارهه.

بالنسبة للموقف اخوي مازن، الشخص الثاني كان المفروض يسكت ويسمع... ياما سمعنا صواريخ وعدينها على خير (الرد المعروف: شدعوة :discuss: )

[Qatarianes]

اعتقد انك تتكلم عن الصواريخ في السوالف والشلخ
خصوصاً مع ناس علاقتك فيهم مو ذاك الزود يعني سوالف في شيشه وميالس الخ بالعربي مافي مياانه تسمحلك تقوله ياخي لا تقعد تقص علينا
انا الصراحه عندي مشكله تقبل هالصواريخ ولا ارادياً افطس اضحك كنوع من التكذيب وعدم التصديق هههههههه الي فبعض الاحيان يحطني في احراج او اني ازعل هالناس
ترا على فكره انك تمشي مع الناس الي مثل ماوصفت شي زين واشوفها ميزه مهمه
انا الصراحه اشوف الي يقدر يتحمل هالناس ويستانس على سماع صواريخهم خرافي هههههه ياما حاولت امسك نفسي وعدم الرد وامشي مافي فايده

[بوسلمان 2010]

والله ياالربع هذي مشكله كبيره لان الي يكذب هذا مريض نفسي والمشكله انه يدري انه يكذب ولا يستحي من


نفسه وسبحان الله الي يكذب فيه ملامح تبين انه يكذب مثل عيونه طريقة كلامة حركاته ولا يبلك سوالف والله


اتفكرها انها صح وتندمج معه والاخير الاخ قاعد يلوص واحنا ياغفرين لكم الله

[كازانوفا]

دامك عارفه انه خراط ليش امضيع وقتك معاه من الاساس؟؟؟؟؟؟؟؟؟؟؟؟