أخوكم محتاج مساعدتكم ومشورتكم مع المقاول

[الحزين999]

السلام عليكم ورحمة الله وبركاته

أخواني الأعزاء الأفاضل أرجو منكم مساعدتي لأني فعلا تعبت من هذا المقاول وأتمنى إنني اخلص منه اليوم قبل بكرة لأنه أتعبني بمزاجه المتقلب مره أحلا من العسل ومره أمر من المر .
المهم أنا متفق معه تسليم مفتاح بس التشطيب أنا اختار المواد وهو عليه التركيب المهم المفروض يسلمني المفتاح في تاريخ 29/7/2011م وهو الين الحين ما خلص حتى من العظم الين الحين مع البنت هاوس والسور مع أني معطيه في العقد 14 شهر مب 12 شهر بس ولا بعد هو مبتدى في البناء قبل توقيع العقد بــ 4 شهور يعني الحين من ابتدأ سار له سنة 6 شهور مع إن عليه غرامة تأخير عن كل أسبوع 1000 ريال .
بس والله يا جماعة أني لأبي منه غرامة ولأغيرها مآبي غير أني اخلص منه على خير وريح راسي وسوي كل ديكورات بيتي براحتي والحين هو لأنه متأخر جالس يشتغل بسرعة على شان يسلمني العظم ويقول لي يا لله ابتد سو الديكورات على شان يقول التأخير منك مو مني لأنكم تعرفون يا أخواني الجبس على الأقل يبي له من شهرين إلى 3 شهور بس أنا مآبي اشتغل بسرعة بسرعة او أي كلام يعني هو اخرني كل هذا والحين يقول لي يا لله اخلص وسو ديكوراتك .
وش تشورون علي فيه يا جماعة الخير وش أسوي معه على شان استلم منه المفتاح وقول له روح خلاص والقلب داعيلك واجلس أسوي بيتي براحتي ؟؟؟؟
هل لازم أسوي الجبس قبل الأرضيات ولا عادي ممكن بعد الأرضيات أسويها ؟؟
هل لازم اركب المكيفات ولا مب شرط الحين ؟؟ أو ممكن اجلها الين قبل لأسكن البيت ؟؟ مع العلم أنها اسبيلت ؟
المهم تكفون شوروا علي بأي شي يخليني افتك منه وارتاح والله استوى لي مثل الكابوس هالبيت مع هالمقاول معاد باقي بيني وبين الجنون إلا شعره :) في انتظار مشورتكم على أحر من الجمر .

والله يجزي كل من بيشور علي بالشور السديد ألجنه يأرب

أخوكم في الله المحتاج لكم

[عابرة سبيل]

الله يعينك

[السكتون]

الله يعينك
من رأيي انك تبداء في تشطيب البيت من تبييض و جبس وتركيب الله يعزك الحمامات
والارضيات والبيبان والصبغ
وبعدين الغرامه الي انت حاطها ترى 1000 في الاسبوع شوي يعني في اليوم 140 ريال بس
كان المفروض انك اتحطها اقل شي 300 ريال في اليوم ولا تسكت عنه اخصمها من احسابه وحتى الفلوس الي تدفعها للاستشاري بعد انتهاء العقد بعد اخصمها من حسابه

[Chambray]

احين هو وين واصل ؟؟

ركبت بيبات الماي حق الحمامات ؟ بدون البيبات ماتقدر تركب البلاط
ركبت وايرات الكهرباء حق البيت ؟؟ بدون هالوايرات ماتقدر تشتغل في الجبس
بعد ماتخلص الجبس خله يركب وايرات الارضيات
بعد وايرات الارضيات خله يركب البلاط
ثم ركب النوافذ
وبالتوفيق


وسع صدرك وانا اخوك
انا شهر 10 القادم راح اكمل سنتين .. وتوني مبلش اصبغ برايمر :(

البنيان يبيله سعه بال

[khaldoon]

السلام عليكم ورحمة الله وبركاته

أخواني الأعزاء الأفاضل أرجو منكم مساعدتي لأني فعلا تعبت من هذا المقاول وأتمنى إنني اخلص منه اليوم قبل بكرة لأنه أتعبني بمزاجه المتقلب مره أحلا من العسل ومره أمر من المر .
المهم أنا متفق معه تسليم مفتاح بس التشطيب أنا اختار المواد وهو عليه التركيب المهم المفروض يسلمني المفتاح في تاريخ 29/7/2011م وهو الين الحين ما خلص حتى من العظم الين الحين مع البنت هاوس والسور مع أني معطيه في العقد 14 شهر مب 12 شهر بس ولا بعد هو مبتدى في البناء قبل توقيع العقد بــ 4 شهور يعني الحين من ابتدأ سار له سنة 6 شهور مع إن عليه غرامة تأخير عن كل أسبوع 1000 ريال .
بس والله يا جماعة أني لأبي منه غرامة ولأغيرها مآبي غير أني اخلص منه على خير وريح راسي وسوي كل ديكورات بيتي براحتي والحين هو لأنه متأخر جالس يشتغل بسرعة على شان يسلمني العظم ويقول لي يا لله ابتد سو الديكورات على شان يقول التأخير منك مو مني لأنكم تعرفون يا أخواني الجبس على الأقل يبي له من شهرين إلى 3 شهور بس أنا مآبي اشتغل بسرعة بسرعة او أي كلام يعني هو اخرني كل هذا والحين يقول لي يا لله اخلص وسو ديكوراتك .
وش تشورون علي فيه يا جماعة الخير وش أسوي معه على شان استلم منه المفتاح وقول له روح خلاص والقلب داعيلك واجلس أسوي بيتي براحتي ؟؟؟؟
هل لازم أسوي الجبس قبل الأرضيات ولا عادي ممكن بعد الأرضيات أسويها ؟؟


يفضل تسوي الجبس قبل الارضيات علشان ما تخرب الارضيات ولا تكسرها ولا و توسخها اما لو انك مضطر مثلا انك تسوي الارضيات قبل الجبس فما عليك غير انك تحمي الارضيات بشكل جيد بوضع طبقة سميكة من الجبس و الخيش لو كانت رخام او جرانيت او بطبقة من الفلين السميك و النايلون لو انها بورسلان او سيراميك

هل لازم اركب المكيفات ولا مب شرط الحين ؟؟ أو ممكن اجلها الين قبل لأسكن البيت ؟؟ مع العلم أنها اسبيلت ؟


يفضل تركب السبليت بعد ما تكون مخلص البلاستر و طبقة برايمر و معجون و لو اجلتها في الاخير ايضا ما في مشكله بس انظف للشغل لو تسويها خلال عمل المعجون و البرايمر لان تركيب السبليت يونيت راح يكسر شوي في الحوائط من اجل التمديدات فأفضل انك تخلص تركيبها قبل مغادرة المقاول للمبنى

المهم تكفون شوروا علي بأي شي يخليني افتك منه وارتاح والله استوى لي مثل الكابوس هالبيت مع هالمقاول معاد باقي بيني وبين الجنون إلا شعره :) في انتظار مشورتكم على أحر من الجمر .

والله يجزي كل من بيشور علي بالشور السديد ألجنه يأرب

أخوكم في الله المحتاج لكم

الله يوفقك و اي شي تبيه اكتبه و ان شاء الله بنجاوبك

[الحزين999]

الله يعينك

جزاك الله كل خير أختي

[الحزين999]

الله يعينك
من رأيي انك تبداء في تشطيب البيت من تبييض و جبس وتركيب الله يعزك الحمامات
والارضيات والبيبان والصبغ
وبعدين الغرامه الي انت حاطها ترى 1000 في الاسبوع شوي يعني في اليوم 140 ريال بس
كان المفروض انك اتحطها اقل شي 300 ريال في اليوم ولا تسكت عنه اخصمها من احسابه وحتى الفلوس الي تدفعها للاستشاري بعد انتهاء العقد بعد اخصمها من حسابه

جزاك الله كل خير أخي السكتون

والله ياخوك ماهمتني فلوس الغرامه .. كل همي اني افتك منه وبس :(

[الحزين999]

احين هو وين واصل ؟؟

ركبت بيبات الماي حق الحمامات ؟ بدون البيبات ماتقدر تركب البلاط
ركبت وايرات الكهرباء حق البيت ؟؟ بدون هالوايرات ماتقدر تشتغل في الجبس
بعد ماتخلص الجبس خله يركب وايرات الارضيات
بعد وايرات الارضيات خله يركب البلاط
ثم ركب النوافذ
وبالتوفيق


وسع صدرك وانا اخوك
انا شهر 10 القادم راح اكمل سنتين .. وتوني مبلش اصبغ برايمر :(

البنيان يبيله سعه بال

جزاك الله كل خير أخي Moyen Orient

والله الين الحين لا ركب بيبات ولا وايرات :( ولا ادري وش اسوي معه

[الحزين999]

الله يوفقك و اي شي تبيه اكتبه و ان شاء الله بنجاوبك

جزاك الله كل خير أخي khaldoon وماتقصر بيض الله وجهك

:( يعني مامنه فكه ؟؟؟

لاحول ولا قوة الا بالله العلي العظيم

[khalid.qtr]

الله يعيينك عليه ، ويفكك منه

[الحزين999]

في انتظار مشورة باقي الاخوان

[الحزين999]

الله يعيينك عليه ، ويفكك منه

جزاك الله كل خير .. والله يسمع منك إن شاء الله

[AL-ANSARI]

الله يعينك اخوي

[khaldoon]

جزاك الله كل خير أخي khaldoon وماتقصر بيض الله وجهك

:( يعني مامنه فكه ؟؟؟

لاحول ولا قوة الا بالله العلي العظيم

اخوي دور على مقاولين ثانيين و خليهم يزوروا الموقع بالسر ومن غير علم المقاول الحالي و يشوفوا الاعمال المنجزه و الاعمال المتبقيه فيه وشوف كم بيسعرون لك و لو بشكل تقريبي واعتقد ان اسعارهم راح تكون عاليه جدا عليك و اعلى من النسب اللي اعطاك اياها المقاول الحالي

ساعتها شوف و احسب هل لو جبت مقال جديد بيكون اوفر و احسن لك و الا ان تظل على مقاولك الحالي

هل مستعد تدفع اكثر و يرتاح بالك؟...هل اللي راح تدفعله اكثر بيكون احسن من الاول والا بتقول بكره ما عرفت خيره الا لما جربت غيره


لان مشكله كبيره انك تبي بس تتخلص من المقاول الحالي و بعدين ما تلاقي احد يبني لك بيتك و يكمله الا بأسعار دبل و ما تنسى ان اول مره يكون معاك الحق بس المره الثانيه راح المقاولين يقولون انه المشكله الظاهر انها منك مب من المقاولين وان التعامل معاك صعب

فكر في كل شي و بعدين اتخذ القرار

[بدوي]

لاتستعجل في هالمرحله وانا اخوك ، هالمرحله من أهم المراحل

مشكلة البنيان في بعض المراحل تكون قبل مراحل أخرى

تمديد بيبات الماي في الحمامات وانت بكرامه بعدها تركيب بلاط الحمامات

تركيب الجبس يفضل قبل الرخام والسيراميك وبنفس الوقت تحاسب اذا كانت تمديدات الكهرباء عالأرض .. لايكسر شي من البيبات

واثناء تركيب الجبس الأفضل انك تكون خالص من العازل في الحمامات العلوية والسطح .. عشان اذا فيه تسريب يكون واضح لك قبل الجبس

وامور كثيرة .. انت لازم تشرف عليها ، التعب لابد منه لــــــــــــــــــكـــــــــــــــن نصيحة اخو لايستعجل ويخليك تتسرع في هالمرحله

بما انك ماتبي تضره عشان الغرامة حاول تكون انت وياه دقيقين في التشطيب وان طالت المده

نفس واحد الله يهديه استعجل في التشطيب واكتشف ان الحمامات تسرب على الدور الارضي .. لأن بيبات الماي طولت وهي في الشمس وهو ماسوى اختبارالضغط لها :rolleyes2:


الله يوفقك ياخوي

[وحش الصناعات]

اسمع وانا اخوك لا تكون طيب في الامور هاذي ورح قله يا انك تكمل شغلك مثل ما هو مكتوب بالعقد ولا بيني وبينك المحاكم من باب التخويف لان الموضوع فيه غرامه وغيرها ...
وقله انك مرتاح في بيت وما عندك مشكله لو يتأخر البيت عشر سنين أهم شي أخذ حقي منك بالقانون وكل اسبوع تأخير لصالحي انا، وغير الأخطاء وووووغير وغير لأن البعض من المقاولين مهما تسوي معه الخير ما يبان بعينه فأضرب من حديد وأنا اخوك لا يلعب عليك، هذا موضوع كل هل قطر الي قاعدين يبنون يعانون من هالمشكله .... أقسم بالله العظيم أني لو بدالك لطلعله نجوم الظهر واسحب العقد معي من مكان لي مكان واخرعه فيه والاستشاري التعبان وينه عنك، ولا يجيك بنهاية كل شهر يبغي فلوسه وبس ....
والله يا أخون الطيبه فينا احنا والغلط هم فينا احنا لازم نغير من الاسلوب فالتعامل مع الخمه ذوول لين متى واحنا ساكتين ياااا ايه او لا ،، عندي مقاول يشتغل في بيت اخوي انه من يشوفني يرتعد كله الا شايف الموت قدامه ومن يجي ياخذ شيكه في نهاية كل شهر اخليه يفكر مليون مره شلون يجي ،، وفالعقد يقولك مع تسليم كل شيك لازم يكون مخلص مرحله معينه وأنا كنت اقعدله على المسمار والطابوقه واحلف على اخوي انه ما يسلمه الا لين يخلص حتى لوكان سبب التأخير احنا ،،،
ولحد يقولي ما ينفع معاهم كذا الا ينفع ونص هو من واحنا من هو المقاول الي قبل البنيان يجيك يركظ كانه قطوه يبي عظم السمك ،، وانا الي ادفع واعور قلبي وجسمي وحط حرتي في عيالي وبيتي وشغلي ووووووالخ.

واسمحولي يا جماعة الخير عن الخروج عن طوري وفي طرحي لهذه النقطه ولحد يفهم كلامي بغير محله لاني سبق وقلت البعض ،،
وآسف على الاطاله.

[فريج النجادة]

اسمع نصيحت من مر في نفس التجربة

في البداية اكتب لة كتاب انها عقد

على ان يكون مسجل في البريد وعندك الوصل من البريد وصورة من الكتاب

واذكر فية تم انها العقد بسبب التاخير

واذكر الاعمال الغير منجزة ومدة التاخير

وشوف لك واحد بدالة

واذا واحد قالك انك خسران او راح تخسر اكثر

صدقني ما عندة سالفة

شوتة بوز واذا جاك البيت طردة وقولة اذا عندك شي روح المحكة

في هل الحالة تكون انت القوي وهو العنصر الضعيف

وصدقني تقدر تكمل بيتك بأسرع وقت ممكن

ولا تنسى مثل ما قلت لك شوتة بوز
:nice: :nice: :nice:

[خبير صيانة]

اولا المفروض انت عامل جدول زمني للشغل بمعني مثل الحفر ياخدوقت اسبوعين اتاخر الي ثلاثه تقوله ليش تاخرت من الاول
علي قوله القايل (اذبح له قطة)
لكن بما انه غلط واتاخر في التسليم وانت غلطت وصبرت عليه
ارجوك لا تستعجله حتي لا يخرب شغلك الاستعجال مب زين والله يعينك ويقويك واهم حاجه الصبر

[الحزين999]

اخوي دور على مقاولين ثانيين و خليهم يزوروا الموقع بالسر ومن غير علم المقاول الحالي و يشوفوا الاعمال المنجزه و الاعمال المتبقيه فيه وشوف كم بيسعرون لك و لو بشكل تقريبي واعتقد ان اسعارهم راح تكون عاليه جدا عليك و اعلى من النسب اللي اعطاك اياها المقاول الحالي

ساعتها شوف و احسب هل لو جبت مقال جديد بيكون اوفر و احسن لك و الا ان تظل على مقاولك الحالي

هل مستعد تدفع اكثر و يرتاح بالك؟...هل اللي راح تدفعله اكثر بيكون احسن من الاول والا بتقول بكره ما عرفت خيره الا لما جربت غيره


لان مشكله كبيره انك تبي بس تتخلص من المقاول الحالي و بعدين ما تلاقي احد يبني لك بيتك و يكمله الا بأسعار دبل و ما تنسى ان اول مره يكون معاك الحق بس المره الثانيه راح المقاولين يقولون انه المشكله الظاهر انها منك مب من المقاولين وان التعامل معاك صعب

فكر في كل شي و بعدين اتخذ القرار

والله ياخوي khaldoon

فكرت في كل الي انت قلته .. بس ماقدرت اخذ القرار وهذا الي متعبني لان كل فكره احصل فيها سلبيات اكثر من الايجابيات مع الاسف :(

[الحزين999]

لاتستعجل في هالمرحله وانا اخوك ، هالمرحله من أهم المراحل

مشكلة البنيان في بعض المراحل تكون قبل مراحل أخرى

تمديد بيبات الماي في الحمامات وانت بكرامه بعدها تركيب بلاط الحمامات

تركيب الجبس يفضل قبل الرخام والسيراميك وبنفس الوقت تحاسب اذا كانت تمديدات الكهرباء عالأرض .. لايكسر شي من البيبات

واثناء تركيب الجبس الأفضل انك تكون خالص من العازل في الحمامات العلوية والسطح .. عشان اذا فيه تسريب يكون واضح لك قبل الجبس

وامور كثيرة .. انت لازم تشرف عليها ، التعب لابد منه لــــــــــــــــــكـــــــــــــــن نصيحة اخو لايستعجل ويخليك تتسرع في هالمرحله

بما انك ماتبي تضره عشان الغرامة حاول تكون انت وياه دقيقين في التشطيب وان طالت المده

نفس واحد الله يهديه استعجل في التشطيب واكتشف ان الحمامات تسرب على الدور الارضي .. لأن بيبات الماي طولت وهي في الشمس وهو ماسوى اختبارالضغط لها :rolleyes2:


الله يوفقك ياخوي



جزاك الله كل خير أخوي بدوي

وبيض الله وجهك على هذي النصايح القيمه .

بس ياخوك وش اسوي جنني الله يهديه وكرهني في الشغل معه :(

[الحزين999]

اسمع وانا اخوك لا تكون طيب في الامور هاذي ورح قله يا انك تكمل شغلك مثل ما هو مكتوب بالعقد ولا بيني وبينك المحاكم من باب التخويف لان الموضوع فيه غرامه وغيرها ...
وقله انك مرتاح في بيت وما عندك مشكله لو يتأخر البيت عشر سنين أهم شي أخذ حقي منك بالقانون وكل اسبوع تأخير لصالحي انا، وغير الأخطاء وووووغير وغير لأن البعض من المقاولين مهما تسوي معه الخير ما يبان بعينه فأضرب من حديد وأنا اخوك لا يلعب عليك، هذا موضوع كل هل قطر الي قاعدين يبنون يعانون من هالمشكله .... أقسم بالله العظيم أني لو بدالك لطلعله نجوم الظهر واسحب العقد معي من مكان لي مكان واخرعه فيه والاستشاري التعبان وينه عنك، ولا يجيك بنهاية كل شهر يبغي فلوسه وبس ....
والله يا أخون الطيبه فينا احنا والغلط هم فينا احنا لازم نغير من الاسلوب فالتعامل مع الخمه ذوول لين متى واحنا ساكتين ياااا ايه او لا ،، عندي مقاول يشتغل في بيت اخوي انه من يشوفني يرتعد كله الا شايف الموت قدامه ومن يجي ياخذ شيكه في نهاية كل شهر اخليه يفكر مليون مره شلون يجي ،، وفالعقد يقولك مع تسليم كل شيك لازم يكون مخلص مرحله معينه وأنا كنت اقعدله على المسمار والطابوقه واحلف على اخوي انه ما يسلمه الا لين يخلص حتى لوكان سبب التأخير احنا ،،،
ولحد يقولي ما ينفع معاهم كذا الا ينفع ونص هو من واحنا من هو المقاول الي قبل البنيان يجيك يركظ كانه قطوه يبي عظم السمك ،، وانا الي ادفع واعور قلبي وجسمي وحط حرتي في عيالي وبيتي وشغلي ووووووالخ.

واسمحولي يا جماعة الخير عن الخروج عن طوري وفي طرحي لهذه النقطه ولحد يفهم كلامي بغير محله لاني سبق وقلت البعض ،،
وآسف على الاطاله.

جزاك الله كل خير أخوي وحش الصناعات

وماقصرت وبيض الله وجهك على نصايحك الجميله .

والله ودي اسوي مثل ماتقول يالغالي :) بس مع الاسف ماتعودت اجازي الإساءة بالإساءة.. وانا كل الي ابيه ياخوك اني افتك منه بكل خير وسلام .. مع اني في الموقف الاقواى وهو في الموقف الاضعف :(

[الحزين999]

اسمع نصيحت من مر في نفس التجربة

في البداية اكتب لة كتاب انها عقد

على ان يكون مسجل في البريد وعندك الوصل من البريد وصورة من الكتاب

واذكر فية تم انها العقد بسبب التاخير

واذكر الاعمال الغير منجزة ومدة التاخير

وشوف لك واحد بدالة

واذا واحد قالك انك خسران او راح تخسر اكثر

صدقني ما عندة سالفة

شوتة بوز واذا جاك البيت طردة وقولة اذا عندك شي روح المحكة

في هل الحالة تكون انت القوي وهو العنصر الضعيف

وصدقني تقدر تكمل بيتك بأسرع وقت ممكن

ولا تنسى مثل ما قلت لك شوتة بوز
:nice: :nice: :nice:

جزاك الله كل خير يالغالي وبيض الله وجهك :)

[الحزين999]

اولا المفروض انت عامل جدول زمني للشغل بمعني مثل الحفر ياخدوقت اسبوعين اتاخر الي ثلاثه تقوله ليش تاخرت من الاول
علي قوله القايل (اذبح له قطة)
لكن بما انه غلط واتاخر في التسليم وانت غلطت وصبرت عليه
ارجوك لا تستعجله حتي لا يخرب شغلك الاستعجال مب زين والله يعينك ويقويك واهم حاجه الصبر

جزاك الله كل خير ياخوك وبيض الله وجهك

وش اسوي ياخوك هذا الي صار مع الاسف :(

[almaf1a]

والله يا أخون الطيبه فينا احنا والغلط هم فينا احنا لازم نغير من الاسلوب فالتعامل مع الخمه ذوول لين متى واحنا ساكتين ياااا ايه او لا

والله انك صادق

[وحش الصناعات]

اقول اخوي الحزين الظاهر انت وايد طيب،
على العموم الاخوان ما قصروا وعطوك حلول وانت براحتك سوى الي تبيه
بس لازم تعرف شغله وحده اذا بيكون اسلوبك في التعامل بنفس هالاسلوب صدقني اقدر اقولك انهم راح ياكلونك اكل ،، وانا داري انك ما تحب المشاكل ولا عوار الراس تبي تخلص وتفتك لكن ياخوي هاي الواقع ((ان لم تكن ذئبا اكلتك الذئاب)) وفالاخير اقولك اضغط على نفسك شوي وكون حازم معهم ،، ولا تكون مثل الي يقولك الطبع يتغلب على التطبع.

[khaldoon]

والله ياخوي khaldoon

فكرت في كل الي انت قلته .. بس ماقدرت اخذ القرار وهذا الي متعبني لان كل فكره احصل فيها سلبيات اكثر من الايجابيات مع الاسف :(

مره اخرى اقولك امن بديل و يتناسب مع ظروفك و تقبل فيه و بعدين شوف لو حبيت تطرد المقاول الحالي يعني رتب الخطوه الثانيه وما تتركها لبعدين علشان ما تتوهق ولا تندم ...المسأل مب بس طرد من اجل انك معاك الحق و بعدين انت اللي تدفع الثمن....جيبلي مقاول واحد ما يتاخر و يسلمك شغل نظيف مية بالميه....للاسف ما تحصل الا لو يبني لشخصية مهمه جدا جدا و ليس لمواطن عادي مع احترامي و تقديري للجميع و هذا شي خارج موضوعنا

يعني اعقلها و توكل على الله

[نواااف البوعينين]

والله ياخوي اقولك
بالنسبه عن الغرامه اتركتها لان اغلب الناس ما ياخذونها الا اذا كان المقاول واقف عن الشغل ومطنش
لكن دام يشتغل ويتابع فما تقدر تلوومه
وبالنسبه عن العقد والمده الزمنيه اغلب المشاريع الحكوميه والخاصه تنتهي مدتها ويمددون الفترة
بالنسبه عن الجبس تقدر تبلش اذا كان البلاستر الداخلي خالص
وتحياتي لك

[ابو حمزة1]

احسن طريقة اخوي استلم عظم وجيب فورمان جيد وعطيه راتب او نسبة وخليه يتابع باقي امور وهو يكون عنده الخبرة اللازمة ليتابعلك امورك انا من نفسي سويت هل شي وشخص موجود وثقة

[الحزين999]

[center]
احسن طريقة اخوي استلم عظم وجيب فورمان جيد وعطيه راتب او نسبة وخليه يتابع باقي امور وهو يكون عنده الخبرة اللازمة ليتابعلك امورك انا من نفسي سويت هل شي وشخص موجود وثقة

جزاك الله خير الرقم اذا سمحت :)

[بوفصول]

ارفع عليه قضية مستعجلة في المحكمة ,, واستأذن من القاضي اتشوف لك مقاول ثاني يخلصلك..عقب مااتعاين المحكمة المشروع .
وطالب بغرامة التاخير .. والمزاجي ماينتعامل معاه ياخوي
الله يوفقك

[المعنى88]

اسمع كلام اخوك / وحش الصناعات ............ ولا تصير طيب تراك غشيم مع المقاول
ياليت اسمع رايك عن الأستشاري اللي حاطه ولا تعاملك بس مع المقاول ...........
بعدين بسألك انته تبني على بنك التنمية ولا على حسابك .... وياليت ترد بصراحة عشان افهم منك ؟