((((((( كل سنة وانتي بخير يالاحســـــاء )))))))

[مشاكل]

السلام عليكم ورحمة الله وبركاته

هانحن ذا تتسارع بنا الايام
وكأننا بالامس مودعين رمضان
وكلها ايام وساعات ويقبل علينا من جديد
اللهم بلغنا رمضان واعنا على صيامه وقيامه

ومع جيتك يارمضان تشد الرحال الى الجارة العجوز الحسناء
انها الاحساء
جميلة في بساطتها, اسواقها, اهلها ,قربها, نخيلها , سامانها ,,,,, الخ

لكن السؤال الذي قدي يطري على بال كل شخص منا

ماالسبب الذي يدعو للتغرض والتسوق كل سنة لشهر رمضان وبهذه الكثافة
مع العلم ان كثير من المتسوقين القطريين في الاحساء ميسورين الحال
واغلب البضايع اللي عندهم متوفره عندنا

هل هي عادة
ام توفير

دمتم في رعاية الله

[شموخ دائم]

,

,


مرحبا


كل عام والجميع بخير بمناسبه حلول الشهر الكريم

انا والله ما عمري رحت الحساء وما عمري شريت شي من هناك
وكل مشترياتي من الدوحه ولكن اسمع فيها من الربع بالمجلس

اعتقد هناك بعض الامور ارخص من قطر وهناك بعض الامور مقارب سعرها لقطر

والكثير من اهل قطر تعود ان يشتري اغراضه من هناك

لرخص السعر من ناحيه وتمشيه من ناحيه ثانيه ولو اني عندي اعتراض على كلمه تمشيه

اعتقد هناك مناطق احلى للتمشيه من الحساء

بالنسبه لي انا مشترياتي من الدوحه

,

,

اخوك


شموخ دائم

[(بوطلال)]

كل عام ونت بخير اخوي مشاكل


مادري شاقولك فعلا شي يضحك اروح بالسياره واعاني تعب الطريق والزحمه عشان كيس طحين وكرتون فيمتو . يعني كم بتفرق لو اشتري ب3000ريال من هناك 200 او 500 !!!

[البدع]

70 ريال تأمين

و البترول من 40 الى 50 ريال

وغير العشاء او غدا في مطعم

وغير اذا فكر يسكن عندهم

وهذا غير استهلاك السيارة

اين التوفير

الا اذا كان بيشتري اكل حق جيش في البيت

(يمكن) يوفر 100 او 200 ريال

[الحياة الخالدة]

في ناس تعودت تروح قبل رمضان .. يعني صار من الطقوس القبل رمضانيـــــة .. حتى لو مالها حاجة .. :secret:

و في ناس تروح تتشرى حق العيـــــــد .. عندهم خيارات أكثر و أسعار متفاوتة ( من وجهــــة نظرهم ) ..

و في اللي شايفين ان أغراض رمضان من هناك أوفر لهم .. غير متعة السفر عن طريق البر و تغيير الجو بالنسبة لهم ..

يعني تختلف الأسباب

مبارك عليك الشهر .. و الله يعوده علينا و عليكم من السالمين الغانمين .. :)

[الفهد1]

الاسعار نفس الشي مافي فرق يمكن بعض الاغراض صارت اغلى من قطر مثل الهيل من 250 ريال سعودي الي 700 ريال لا وفي شي بعد اغلى انا من الاشخاص دائم التردد على الاحساء بالنسبة للاثاث الشغل المحلى ارخص بوايد الارتفاع فقط في المواد التموينية فقط وغير الزحمة في شارع الماجد هاذا راي الشخصي وشكرا لصاحب الموضوع

[aljaber1]

توفير ماعتقد خصوصاً للعائلات واضف ان البعض منهم يؤجر فندق الراحه
هي رحلة فسحه لان الفارق مايسوى

[ام السعف]

اعتقد هي عادة أكثر من انها توفير ،،

[ZURICH]

ممكن اسافر لأي آمــر .. لكن للتموين اتوقعها صعبة شوي
تصرفوا بشكل طبيعي واشتروا متطلباتكم بشكل يومي ببساطة
الله المستعان
الان مانسمع الا مقاضي رمضان ومسلسلات رمضان

[chillis]

اعتقد لو تبات ليله وتحسب سعر البترول تطلع نفس القيمه ماتفرق كله من الدوحه ماتعنى

[حسن]

مافي مقارنه بين الجوده والاسعار وانصح بالتامين السنوي

[المحقق كونان]

سوق الحسا اصلن خسران

و سوى اشاعه انه رخيص

عشان يحرك التجارة في هالمنطقة

و بالمقابل المشتري بيدفع مبلغ و قدره للبترول رايح و جاي

و غير مصاريف الاكل في مطاعم الحسا و ممكن يسكن في فنادق او شقق الحسا

و طارت الفلوس و ضاع الوقت

الدوحة افضل و اوفر

[المُلهم]

عامل نفسي ..!
لا أكثر ولا أقل ..!

وكلنا بصوت واحد .. " مهرجان رمضان الأحساء القطري" ..!

عليهم بالعافية ..!

ولا تنسون .. الرقاق

[Rayane]

علشان تغيير جو .... وفكه من اربع حيطان يمكن..... لكن توفير.....؟ مستحيل....

من يشوفونك قطري رفعوا الأسعآآآآر ههههههههههه....

لكن يمك تقدر تقول الاشياء الثانيه مثل أواني . موآعين . أغراَض العيد وملابس وتريتبات.... صح... في فرق وآآآآجد. وخيآرات أكثر....

هذا غير انهم منعوا خروج المواد التموينيه من السعوديه.... يعني كل شئ بالخش......

بيكون في نوع من التوفير للي يبغي يوفر.... مثال... كيس الطحين هنا ب 120 وهناك 35. لو تآخذ اثنين . هذي 170 حطيتها في جيبك....

سوق الهفوف يصلح للي جاي على الدرب ويمر الهفوف في الطريق.... أما عنوه من قطر فما تسوى عليه.

[MAZEN37]

اعتقد هي عقدة
ما احب احد يضحك علي
نفس فكرة صيد السمك - لو تروح السوق تشتري طن سمك بلي راح تصرفه برحلة صيد
نفسيه لا اكثر

[بـــــــنت النوخـّــــذه]

اهل الحسا يقولون خفو علينا يا اهل قطر رفعتوا علينا الاسعار بالحسا من كثر ماتجون


وشكرا"

[ام السعف]

اهل الحسا يقولون خفو علينا يا اهل قطر رفعتوا علينا الاسعار بالحسا من كثر ماتجون


وشكرا"

بالفعل ،، وصلني نداء عبر اللاسلكي يقول :

من ح س ا الى البطرة
خفوا علينا ذبحتونا ذبحتونا ذبحتونا
رفعوا اسعارنا الله يرفع مقداركم ،، بس مب على حسابنا :(

حوووول
وحاولت احول بس الشبكة فصلت :secret:

[بصمة قطرية]

بالنسبة لي متعة
لأني تعودت على أسواق و مجمعات الحسا ..
يعني لما أتعنى واروح مستحيل يكون عشان تموين ..!!
هاي اذا فكرت آخذه..
اتعنى لمحلات عطور مش موجودة هني
ملابس وغيرها من الاشياء اللي تفرق في السعر كثير ..
سنين واحنا نروح ونعرف الاشياء اللي تستاهل الواحد ياخذها وفارق السعر كبير ..
ما اتعنى عشان شي بسيط ..

[halcrow]

مافيها اي توفير من الناحيه الماديه

احسب التامين والبترول وعشاك والتعب والخطر في الطريق

غير المبيت

فوق هذا ارتفاع اسعارهم .... هذا بروحه شي ثاني

كارفور ولا اللولو ولا دسمان ... ساعه زمان ونت تحت المكيف ولا خالص

تحياتي

[بصمة قطرية]

اهل الحسا يقولون خفو علينا يا اهل قطر رفعتوا علينا الاسعار بالحسا من كثر ماتجون


وشكرا"

فعلاً اسواق الحسا غلت عن قبل ..
بس بعد غالية للي ما يعرف لها *_^

[almaf1a]

هناك تنوع اكثر من الدوحه

[شويهينــه]

يمكن نقول قبل انها كانت ارخص

بس الحين احنا اذا بنروح عشان نغير جو

[أرج ــوآنه]

،


آتقضى من الآحساء ولكـــن من وين لـ وين،،
وعمري مارحت وخذيت آغراض الرمضان منااااك،،

وللعلم آهل قطر جعلت الآحساء تضرب في الأسعار من كثر مايتسوقون هناك،،
لذلك آصبحت الآسعار متعادله هنا وهناك،،

وآهل الاحساء يتذمرون ويقولون: آهل قطر خربوا علينا الآسعار:secret:

[سهم طايش]

تغيير جو يمكن

لكن اضرب خط و اتحمل خطورة الطريق علشان اوفر 300 ريال

[بوسلمان 2010]

كل شي غالي ومبروك عليكم الشهر

[R 7 A L]

أحسن

خلوا العالم تروح للحسا حتى لو نفس الاسعار
على شان التجار عندنا شوي يخفون من اسعارهم المبالغ فيها

[رُفق المجنّا]

أحسن

خلوا العالم تروح للحسا حتى لو نفس الاسعار
على شان التجار عندنا شوي يخفون من اسعارهم المبالغ فيها

:nice:

[انا حره]

اشوف المراكز كلها بيكامات وجمووووس كلها محمله كراتين تموين من الحسا

[قناص الخليج]

على قولتهم حج وحاجه

تبضع مع تغير جو

ولا الاسعار ماظن تفرق