قلبي يحبه

[لاجئ عاطفي]

ابتدى قلبي يحبه والسهر جاء في المنام
من يجيه النوم أصلاً والقمر ناوي يجيه

ابتديت أحب وأحلم واللي مثلي مايلام
والله إني بالمحبه قلت هذا اللي ابيه

قبل أعرفه كان فجري لونه اشبه بالظلام
من عرفته والليالي لونها ماله شبيه

إن تكلم قال قلبي آآآه -- ياحلو الكلام
ينتهي حكيه وأنا أجلس أنتظر شيء يحكيه

إن سكت أرسل لعينه من عيوني الغرام
وأرتبك في نظرتي وألقى نفسي ذبت فيه
إن تبسم آآآآخ منه ياحلاة الابتسام
هو شبيه البدر لا إلا هو ماله شبيه

لمسته ياهي حنونه يلمس الطفل وينام
مره جاء يلمس يديني وضاعت أعلومي بيديه

مشيته إيقاع هادئ حاله بحال الحمام
قلبه أبيض من نهار طيبته منه وفيه

كلمته تهتز فيني كل حرف له مقام
كل جمله من كلامه تزدهر دنياي فيه

كل نظره من عيونه كنها لقلبي وسام
كل بسمه من شفاته تقهر اللي مايبيه

بس فيه برود طبع يقلب الدنيا غمام
يوم اجيه بشوق ميت وهو بروده محتويه


والله اني مااحبه وين هذاك الكلام
والله اني ماهويته يـــاااااهـي قليله اهتويه


كم سمعت الكلمه هذي ومرت مرور الكرام
ماتعبر عن غلاته ودي بشيء ابتديه

والله اني من عشقته مالقيت له أي كلام
كل لغه في الكون تعجز تبتديه وتنتهيه


بعد كل اللي ذكرته اللي مثلي هو يلام
وش اسوي القلب شافه قال ياويلي أبيه

[نــــظــــره]

كل نظره من عيونه كنها لقلبي وسام
كل بسمه من شفاته تقهر اللي مايبي

والله اسمي مب هين في كل دقيقه ألقاه مرتز في موضوع او قصيده

قصيدتك روعه اخوي لاجئ عاطفي بكل معانيها

اختيار مميز

[لاجئ عاطفي]

كل نظره من عيونه كنها لقلبي وسام
كل بسمه من شفاته تقهر اللي مايبي

والله اسمي مب هين في كل دقيقه ألقاه مرتز في موضوع او قصيده

قصيدتك روعه اخوي لاجئ عاطفي بكل معانيها

اختيار مميز


هذا ان دل يدل على ان اسمج مميز :) تسلمين على المرور العطر ..

[عندليب قطر]

صح لسان الشاعر
تسلم يمينك أخوي

[محمد الجفيري]

واااو
بصراحه قصيده جداً رائعه
كلام عذب

تسلم الانامل

[ام بدر]

رووووووووووووووووووعة

بس جد ياويلي أبيــــــــــــــــــــــــــه

[~ عاشق قطر ~]

يعطيك العافية اخوي ، وصح لسان شاعرها