من عنده أسر محتاجة لحقيبة رمضانية

[الميزان 1969]

السلام عليكم
كل عام وانتم بخير
هناك أسر فتح الله عليها من خيره وأعدت حقائب رمضانية للاسر المتعففة
ولا تحتاج منكم الا الدعاء اولا ومساعدتهم في ايجاد اسر محتاجة حقيقة ومتعففة
فمن لديه اسر متعففة وبحاجة فعلا لتموين رمضاني ارجو ارسال رقم المحتاج او عنوانه على الخاص
وجزاكم الله خيرا

[بن غيث]

اشلون اقدر اساعدك في هذا العمل الخيري
اما مستعد لاي طلب تبيه في هذا الشهر الفضيل
وارجوا من جميع الشباب القطري ان ينضموا لمساعدتك

[KHALiDiSH]

اشلون اقدر اساعدك في هذا العمل الخيري
اما مستعد لاي طلب تبيه في هذا الشهر الفضيل
وارجوا من جميع الشباب القطري ان ينضموا لمساعدتك

نفس الاستفسار

[fristauto]

واللة فيكم الخير ياهل قطر عمر الطيب مايتغير ياليت في كل منطقة يكون فية معرف للعوائل المتعففة ليقوم بعملية التأكد من العائلة و كيفية التواصل مع العوائل المحتاجة و المتبرعين و يكون هؤلأ المعرفون من الناس الثقات

[سداوي&مدريدي]

اثابكم الله

وفي ميزان حسناتكم ان شاء الله

[المسك1969]

الله يجزاكم خير وبلغنا اللهم واياكم ومن يقرأ رمضان وجعلنا جميعا من المعتوقين من النار اللهم امين

[الميزان 1969]

شكرا لكم
وجزاكم الله كل خير وجعله ربي في موازينكم يارب
الطريقة اللي تقدرون تساعدوني فيها يا اخوان
انكم تجيبون لي ولا عليكم امر
عناوينهم او ارقامهم
طبعا عالخاص
وجزاكم ربي الفردوس

[صرخة حجر]

الله يوسعها عليكم دنيا وآخرة ويجعلها في ميزان حسناتكم

[aljaber1]

جزاك الله خير الجزاء وكثر من امثالك
واتمنى الكل يمد يد العون والمساعدة
في هذا الشهر الفضيل بما تجود به نفسه

[FCB 123]

الله يجزيكم خير وبارك الله فيكم وفي مالكم إن شاءالله

[nono80]

هلا اخوي جزاكم الله خير علي المشروع والله يعينه علي فعل الخير والمعروف حبيت اساعدك اخوي في هالمشروع انا بديت فيه من اسبوعين وزعت المقسوم علي الاسر اللي احس حالتهم يرثي لها وبعد في كم عايله بعد محتاجه فا راح اتواصل معاك عن الاسر اللي عندي وراح نوزع عليهم المقسوم بالترتيب بينا ان شاء الله واللع يعينا علي فعل الخير

[كازانوفا]

الله يجزيكم كل خير يارب
بالفعل في ناس كثيره محتاجه
ومحتاجه حد يقول لهم وينكم ...

في ميزان حسناتكم يارب

[بو الجوري]

الله يجزيكـم خير :..

بس الحقيبه عباره عن شنو :.. ؟
و الكميـه :..

و إن شاء الله في ميزان حسناتكـم :..

[YandR]

ذولا هم اهل قطر .............دووووم سباقين للخير

[M S A]

الله يجزيكم خير. و يعينكم على فعله أبد الدهر إن شاء الله.

[بوعيسى1]

والله انا عارف باكستاني مواليد قطر وحيد ما عنده اخوان وابوه متوفي وهو في السجن من سنة تقريباً
وعنده ام وزوجة وعيال صغار حلويين . بيتهم في المعيذر وامه وعياله يسكنون مع زوج اخته
طبعاً ما عندهم مصدر لرزق .. امي وابوي الحمدلله ما يقصرون معهم ... بس بعد شكله ما يكفيهم
ويعطيكم العافية على فعل الخير ... بشوف ابوي لو لقيت رقمهم عنده بعرضه على العام

[السهلي]

الله يوفقكم ان شاءالله
و جعله في ميزان حسناتكم

[بصمة قطرية]

الله يثجزاكم خير ويجعله في ميزان حسناتكم يارب
من افضل الاعمال في هالشهر الفضيل ..

اخوي بس ممكن أعرف الكمية لكم عايلة تقريباً ..
وعبارة عن ايش ..
وان شاء الله راح اجيب لك العوائل المحتاجة لهالشي
في اقرب وقت بس انتظر ردك ~

[بوالبيض]

في ناس محتاجه بس يبون احد يساعدهم وانا مستعد اخوي للمساعده

[الميزان 1969]

الكمية متنوعة ..حسب عدد الأفراد .. والحقيبة في مجملها عيش وسكر وعدس وتمر وطحين وفيمتو ومعكرونة ..
بوعيسى ياريت الرقم عالخاص مانبي شئ عالعام مهما كان هذي أعراض

[الخزرجي قطر]

جزاكم الله خير في ميزان حسناتكم ان شاالله

[وحش قطر]

انا اعرف ناس مواليد قطر مب قطريين

[Kitchen]

الله يجزيكم خير ويبارك لكم في حلالكم ..

[مايبخ]

اثابكم الله
وجزاكم خيراً

[TNT99]

الله يجزيكم خير ويبارك لكم في حلالكم
في ميزان حسناتكم ان شاالله

[الميزان 1969]

اخوي وحش عادي من مواليد قطر
المحتاج محتاج وم شرط قطري
اهم شي متعفف
احنا بدأنا التوزيع ياريت تستعجل بالعناوين

[Om-OsAmA]

الله يثبتكم على فعل الخير وفي ميزان حسناتكم ان شاء الله

[مـراحـب]

أنا اعرف ناس محتاجه وما تطلب حد

اللي حاب يتبرع بأي شي

يراسلني ع الخاص

[بنت شيوخ]

جزاك الله كل خير