الرخام التركي والعماني

[مهندس اسهم]

السلام عليكم ورحمة الله وبركاته

اتمنى من الاخوان اصحاب الخبره والتجارب تنصحونا بالنسبه للرخام .. هو طبعا الافضل والاحسن والارقى الايطالي والاسباني بدون شك ... بس مثلا للي حاب يركب رخام بس ميزانيته ما تسمح ايش تنصحونه بالبديل الجيد. هل التركي او العماني ؟ هل نقدر نصنفهم انهم يجون بعد الايطالي والاسباني من حيث الفخامه والجوده والعمر؟ وهل مع شوية اهتمام اكثر نقدر نحافظ على هالانواع من الرخام؟ وبالنسبة للاسعار اشلون؟
وهل حد ينصح بتركيب برسلان شبيه الرخام؟ هل فعلا اللي في نابينا او كافود لو حد حطاه محد يقدر يفرق بينه وبين الرخام؟ وهل راح يطلع فخم؟ فيه نوع صيني استبعدته من نصيحة استاذنا شموخ دائم وفيه اسباني بس والله ما اعرف سعره.

وسؤال اخير كيف اقدر احسب تكلفة الرخام نقول مثلا للمجلس.... اذا كانت مساحته 50 متر مربع وسعر الرخام نقول 400 ريال مثلا ؟ كم بتكون التكلفه كامله مع توريد وتركيب ومع اللي في الطوفه ؟

ياريت يا اخواني تفيدوني حتى اقدر احط الميزانيه الاخيره للتشطيبات. والله يجزاكم الف خير

[مهره]

والله يا خوي اعرف ناس جايبين رخام من السوق الصيني بدبي وصارلهم ٤سنين ولا اروع وانا حطيت لبيتي اسباني والله لا يرويك شلون تغير

[Chambray]

السلام عليكم ورحمة الله وبركاته

اتمنى من الاخوان اصحاب الخبره والتجارب تنصحونا بالنسبه للرخام .. هو طبعا الافضل والاحسن والارقى الايطالي والاسباني بدون شك ... بس مثلا للي حاب يركب رخام بس ميزانيته ما تسمح ايش تنصحونه بالبديل الجيد. هل التركي او العماني ؟ هل نقدر نصنفهم انهم يجون بعد الايطالي والاسباني من حيث الفخامه والجوده والعمر؟ وهل مع شوية اهتمام اكثر نقدر نحافظ على هالانواع من الرخام؟ وبالنسبة للاسعار اشلون؟
وهل حد ينصح بتركيب برسلان شبيه الرخام؟ هل فعلا اللي في نابينا او كافود لو حد حطاه محد يقدر يفرق بينه وبين الرخام؟ وهل راح يطلع فخم؟ فيه نوع صيني استبعدته من نصيحة استاذنا شموخ دائم وفيه اسباني بس والله ما اعرف سعره.

وسؤال اخير كيف اقدر احسب تكلفة الرخام نقول مثلا للمجلس.... اذا كانت مساحته 50 متر مربع وسعر الرخام نقول 400 ريال مثلا ؟ كم بتكون التكلفه كامله مع توريد وتركيب ومع اللي في الطوفه ؟

ياريت يا اخواني تفيدوني حتى اقدر احط الميزانيه الاخيره للتشطيبات. والله يجزاكم الف خير

اذا مجلسك 5 × 10 = 50 متر
50 متر مربع × 400 ريال = 20 الف ريال ( سعر الرخام ) من غير التركيب

لو قلنا سعر التركيب 50 ريال ((مثلاً )) 2500 ريال ( للارضيات ) غير شامل الدفان

ولو قلنا للطوف فهذا حسابه مختلف من حيث الكميات ومن حيث التركيب لان لازم نضرب الارتفاع في الطول

يعني مجلسك 5 × 10 ( الارتفاع 3 متر ) = 90 متر للحوائط

والارضيات 50 متر

يعني انت بحاجه إلى 150 متر تقريباً
× المتر ب 400 ريال

يعني الاجمالي 60 الف ريال ( الرخام بس ) ارضيات وحوائط
والتركيب في حدود 7500 ريال ( تقريباً ) مادري عن سعر تركيب الرخام .. بس اتوقع في هالحدود مب اكيد

وان شاء الله ماكون غلطان

[بن غيث]

اخوي فيه رخام انا انتظر العينات توصلني مع الاسعار وهو من كوبا
وهو بنفس جوده الايطالي وارخص منه
وفي حاله وصول العينات والاسعار راح ابلغك

[خالد32]

في اسباني 60 في 60 ب 240 ريال درجة ثانية و جيد
ليش ما تاخذ منه؟ بيطلع لك نص السعر تقريباً

[احساس شايب]

الرخام افخم بكثير من البورسلان ولا في شي يغطي على الرخام في الفخامة ..
انصحك بالتركي لان مواصفاته ممتازة وهذا عن تجربة مركبة وطالع فخم جدا وسعره مناسب بس ماتذكر سعره كم بالضبط ..
العماني جيد ولكن التركي اصلب منه بوايد .. انا مركب التركي اسمه ( كريما نوفا )

[مهندس اسهم]

والله يا خوي اعرف ناس جايبين رخام من السوق الصيني بدبي وصارلهم ٤سنين ولا اروع وانا حطيت لبيتي اسباني والله لا يرويك شلون تغير

مشكورة ع المرور اختي مهره ... والله شاقولج الله يعينج والله يرزقج تشيلينه وتحطين احسن منه.

بالنسبه للسوق الصيني نروح دبي ونشوف

يعطيج العافيه اختي

[مهندس اسهم]

اذا مجلسك 5 × 10 = 50 متر
50 متر مربع × 400 ريال = 20 الف ريال ( سعر الرخام ) من غير التركيب

لو قلنا سعر التركيب 50 ريال ((مثلاً )) 2500 ريال ( للارضيات ) غير شامل الدفان

ولو قلنا للطوف فهذا حسابه مختلف من حيث الكميات ومن حيث التركيب لان لازم نضرب الارتفاع في الطول

يعني مجلسك 5 × 10 ( الارتفاع 3 متر ) = 90 متر للحوائط

والارضيات 50 متر

يعني انت بحاجه إلى 150 متر تقريباً
× المتر ب 400 ريال

يعني الاجمالي 60 الف ريال ( الرخام بس ) ارضيات وحوائط
والتركيب في حدود 7500 ريال ( تقريباً ) مادري عن سعر تركيب الرخام .. بس اتوقع في هالحدود مب اكيد

وان شاء الله ماكون غلطان


يعطيك الف الف عافيه اخوي والله يجزاك خير ان شاء الله

الحوائط الرخام انا قلت بحطه الله يعزكم للحمام الرئيسي بس المجلس ومجلس الحريم والمدخل اكيد ما في الا الرخام للارضيات اما الحوائط للحين يمكن جبس او ورق جدران الموضوع قيد التفكير بس طبعا بيكون شي خفيف ومريح للعين وفي نفس الوقت فخم.

مشكور اخوي مرة ثانيه وارحم الله والديك

[مهندس اسهم]

في اسباني 60 في 60 ب 240 ريال درجة ثانية و جيد
ليش ما تاخذ منه؟ بيطلع لك نص السعر تقريباً

مرحبا اخوي خالد

ممكن تقول لي وين يبيعون هالنوع؟ وهل يعتبر احسن من التركي والعماني درجه اولى؟

مشكور اخوي خالد على نصايحك وتعجبني انك تجيب لنا افكار حلوه قريبه من الشي الغالي وفي نفس الوقت فخم وحلو وممكن يكون بديل جيد

ارحم الله والديك الشيخ

[مهندس اسهم]

اخوي فيه رخام انا انتظر العينات توصلني مع الاسعار وهو من كوبا
وهو بنفس جوده الايطالي وارخص منه
وفي حاله وصول العينات والاسعار راح ابلغك

حياك الله اخوي بن غيث

اول شي الله يوفقك فيه ويبارك لك فيه اذا كان فيه خير

وبصراحه معلومه جديده منك اخوي لاني اول مرة اسمع بالرخام الكوبي وبيكون شي حلو اذا بنفس جودة الرخام الايطالي وارخص منه .. وياريت اخوي لما توصل العينات وتعرف الاسعار تعرضها لنا ومع الصور حتى الكل يستفيد

الله يجزاك خير ويوفقك ان شاء الله

[تاجر الشباب]

ماشاء الله

[بن غيث]

بالعكس
الرخام في حوائط الحمامات يعطي فخامه .. مب جبس او ورق حائط
وان شاء الله اذا وصلت العينات برسلك الصور والاسعار
واكيد ارخص بوايد من الايطالي والاسباني وبنفس الجوده

[مهندس اسهم]

الرخام افخم بكثير من البورسلان ولا في شي يغطي على الرخام في الفخامة ..
انصحك بالتركي لان مواصفاته ممتازة وهذا عن تجربة مركبة وطالع فخم جدا وسعره مناسب بس ماتذكر سعره كم بالضبط ..
العماني جيد ولكن التركي اصلب منه بوايد .. انا مركب التركي اسمه ( كريما نوفا )

حياك الله اخوي احساس شايب ومشكور على مرورك

الله يجزاك خير على النصيحه .. بس معليه اخوي تحملني .. من وين خذته؟ واشلون بالنسبه للعروق ؟ وتقريبا ما تتذكر بكم خذته مب شرط بالضبط؟

واذا ما عليك كلافه اذا تقدر تحط صوره حتى الكل يستفيد

الله يعطيك العافيه اخوي

[مهندس اسهم]

بالعكس
الرخام في حوائط الحمامات يعطي فخامه .. مب جبس او ورق حائط
وان شاء الله اذا وصلت العينات برسلك الصور والاسعار
واكيد ارخص بوايد من الايطالي والاسباني وبنفس الجوده


صحيح اخوي الرخام جدا حلو وفخم في حوائط الحمامات والجبس او ورق الحائط للاماكن الثانيه .

يعطيك العافيه اخوي ومشكور وما تقصر على نصايحك والله يجزاك خير

[مهندس اسهم]

ماشاء الله

مشكور اخوي ع المرور والله يجزاك خير

[العنيد000]

اخوي انصحك تمر على جلفار طريق المطار

منزلين اشكال حلوه وفخمه

[خبير صيانة]

منزل مبارك انشاء الله

[Bu 7amad]

أنا خذت رخام ايطالي حق الصاله اللي تحت تقريبا المتر 380 ريال

وحق الصاله اللي فوق خذت عماني تقريبا 100 ريال

تصدق العامل اللي ركبلي الرخام يقولي بابا رخام فوق واجد نظيف واجد زين احسن من اللي تحت !!
فعلا العماني جودته ممتازه بس احنا مشكلتنا ماعندنا ثقه واذا سمعنا ايطالي ولا اسباني قلنا اكيد هاي ممتاز ومابنحصل مثله

[مهندس اسهم]

اخوي انصحك تمر على جلفار طريق المطار

منزلين اشكال حلوه وفخمه

بمر عليهم ان شاء الله وبشوف

الله يجزاك خير اخوي العنيد

[مهندس اسهم]

منزل مبارك انشاء الله

الله يبارك فيك ويخليك ويرزقك الخير والصحه والعافيه

[badarameen]

وين ممكن احصل محل يركبلي بعد بدال عوار الراس اشتري وادور حد يركب

[مهندس اسهم]

أنا خذت رخام ايطالي حق الصاله اللي تحت تقريبا المتر 380 ريال

وحق الصاله اللي فوق خذت عماني تقريبا 100 ريال

تصدق العامل اللي ركبلي الرخام يقولي بابا رخام فوق واجد نظيف واجد زين احسن من اللي تحت !!
فعلا العماني جودته ممتازه بس احنا مشكلتنا ماعندنا ثقه واذا سمعنا ايطالي ولا اسباني قلنا اكيد هاي ممتاز ومابنحصل مثله

مرحبا اخوي بو حمد
الله يباركلك في بيتك واهلك وعيالك

والله اخوي كلامك مضبوط 100% مب كل شي غربي معناته احسن شي

بس اخوي بسألك من متى مركب الرخام العماني؟ ومن وين خذته؟ لانه ياخوي سعره وايد زين

الله يوفقك ان شاء الله ويجزاك الف خير والله يريح بالك مثل ما ريحت بالي وبال كثيرين كانوا مترددين في شراء الرخام العماني

[مهندس اسهم]

وين ممكن احصل محل يركبلي بعد بدال عوار الراس اشتري وادور حد يركب

مرحبا اخوي

انا سمعت والله من الربع انه مركز الرخام والجرانيت اللي في بروه عنده ناس يركبون وبعدين يسوون الجلي للرخام بس والله مب متأكد وياريت الاخوان يفيدوننا وانت تقدر تتصل فيهم

وبقولك سالفه انا رحت المتحده للتجهيزات اللي في سلوى قال لي ما عنده حد يركب الرخام بس ممكن يدلني على ناس يركبون الرخام والناس متعامله معاهم روح لهم وشوف

وان شاء الله اذا عرفت شي بخبرك ولايهمك

[خالد32]

خذته من جلف ستايل قريب مطعم الساحة تقاطع المجنون

[مهندس اسهم]

خذته من جلف ستايل قريب مطعم الساحة تقاطع المجنون

الله يعطيك العافيه والله اشوف اعلاناتهم في الوسيط بمر عليهم ان شاء الله

بس اخوي كم تعطيه تقدير من عشره؟ ومتى اخوي مركبه؟

[Bu 7amad]

مرحبا اخوي بو حمد
الله يباركلك في بيتك واهلك وعيالك

والله اخوي كلامك مضبوط 100% مب كل شي غربي معناته احسن شي

بس اخوي بسألك من متى مركب الرخام العماني؟ ومن وين خذته؟ لانه ياخوي سعره وايد زين

الله يوفقك ان شاء الله ويجزاك الف خير والله يريح بالك مثل ما ريحت بالي وبال كثيرين كانوا مترددين في شراء الرخام العماني

الله يسلمك اخوي مهندس وماقصرت على الكلام الطيب
خذته سلمك الله من نابينا اللي صوب المطار وصارله تقريبا سنه ونص
اسمحلي على الرد المتاخر

[مهندس اسهم]

الله يسلمك اخوي مهندس وماقصرت على الكلام الطيب
خذته سلمك الله من نابينا اللي صوب المطار وصارله تقريبا سنه ونص
اسمحلي على الرد المتاخر

تسلم ياخوي على ردك وريحتني زياده انك قلت انك ماخذه من نابينا ومن سنه ونص

الله يجزاك خير ان شاء الله ومن الحين اقولك مبارك عليك الشهر

[المعضادي]

شوف يا خوي مهندس اسهم
انا باعطيك نصيحه لوجه الله وماعليك من اي فورمان ولا مقاول ، لأني انا مقاول وابني
وأشطب لنفسي فقط ،،،،، حلو
انت تعرف ايش مشكلة ربعنا في البنيان وبالذات ( مشكلة بيت العمر ) اللي ودت الناس في
مصايب ، ومن دين الى دين ويالله لحق عاد انت اركض ورى السداد !!!
وأخذها مني نصيحة مقاول مايبي منك ريال وللأخوان معاك ..
اياك وتحمل بعد !!! تشتري شيء غالي مثل الرخام الايطالي ولا الاسباني وتدفع فيه دم قلبك
ويكون تركيبه تعبان ،أو انك تستخسر في التركيب وتظن ان نوعه ولا سعره بيغطي عيوب
الشغل ، تأكد انه راحت حلاوته ولو ركبت سيراميك كان احسن لك
اللي ابيك تعرفه انسى موضوع الاسباني ولا العماني ولا التركي
أهم شيء يكون اللي يركب لك الرخام معلم صح الصح ، ومنقيه على الفرازه وتشوف شغله
قدام عينك ومب انت اللي تستلمه منه (((((( حط تحتها مليون خط )))))) لازم اللي يستلمه
استشاري ، وإذا رفض الفورمان ولا الشركة اللي بتشتغل لك ان استشاري يستلم منها الشغل
شوتها برجلك ، اعرف انه مب مضبوط ، الله يعز الجميع . ركز على التركيب اهم شيء
انا راح اعطيك مثل بسيط تمام :
انا في بيتي مركب رخام عماني ،،،،، ها اشرايك والحمد لله الخير موجود كنت اقدر اركب
ايطالي ، بس ركبت العماني لأنه كان خاطري في النوع بالتحديد ودرجة اللون
لكن اللي ركبوا لي الرخام عمال انا بنفسي جايبهم من الهند حق شركتي ولا ملحقين
وصدقني شغلهم من تركيب وجلي للرخام وتلميع ودهن الجل اللي فوق الرخام ولا فندق
الشيراتون .
فلذلك انصحك مب مهم النوع بقدر اهمية وجودة الشغل وحاسبني على كلامي
أخوك المعضادي

[مهندس اسهم]

شوف يا خوي مهندس اسهم
انا باعطيك نصيحه لوجه الله وماعليك من اي فورمان ولا مقاول ، لأني انا مقاول وابني
وأشطب لنفسي فقط ،،،،، حلو
انت تعرف ايش مشكلة ربعنا في البنيان وبالذات ( مشكلة بيت العمر ) اللي ودت الناس في
مصايب ، ومن دين الى دين ويالله لحق عاد انت اركض ورى السداد !!!
وأخذها مني نصيحة مقاول مايبي منك ريال وللأخوان معاك ..
اياك وتحمل بعد !!! تشتري شيء غالي مثل الرخام الايطالي ولا الاسباني وتدفع فيه دم قلبك
ويكون تركيبه تعبان ،أو انك تستخسر في التركيب وتظن ان نوعه ولا سعره بيغطي عيوب
الشغل ، تأكد انه راحت حلاوته ولو ركبت سيراميك كان احسن لك
اللي ابيك تعرفه انسى موضوع الاسباني ولا العماني ولا التركي
أهم شيء يكون اللي يركب لك الرخام معلم صح الصح ، ومنقيه على الفرازه وتشوف شغله
قدام عينك ومب انت اللي تستلمه منه (((((( حط تحتها مليون خط )))))) لازم اللي يستلمه
استشاري ، وإذا رفض الفورمان ولا الشركة اللي بتشتغل لك ان استشاري يستلم منها الشغل
شوتها برجلك ، اعرف انه مب مضبوط ، الله يعز الجميع . ركز على التركيب اهم شيء
انا راح اعطيك مثل بسيط تمام :
انا في بيتي مركب رخام عماني ،،،،، ها اشرايك والحمد لله الخير موجود كنت اقدر اركب
ايطالي ، بس ركبت العماني لأنه كان خاطري في النوع بالتحديد ودرجة اللون
لكن اللي ركبوا لي الرخام عمال انا بنفسي جايبهم من الهند حق شركتي ولا ملحقين
وصدقني شغلهم من تركيب وجلي للرخام وتلميع ودهن الجل اللي فوق الرخام ولا فندق
الشيراتون .
فلذلك انصحك مب مهم النوع بقدر اهمية وجودة الشغل وحاسبني على كلامي
أخوك المعضادي


الله يجزاك الف خير اخوي المعضادي على النصيحه الحلوه هاذي

وفعلا كلامك صح ومضبوط مليون في الميه التركيب وطريقة الجلي والتلميع اهم مافي الموضوع وان شاء الله باخذ نصايحك وبطبقها بحذافيرها

يعطيك الف عافيه اخوي ومبارك عليك الشهر والله يوفقك ويزيدك من خيره

[badarameen]

مرحبا اخوي

انا سمعت والله من الربع انه مركز الرخام والجرانيت اللي في بروه عنده ناس يركبون وبعدين يسوون الجلي للرخام بس والله مب متأكد وياريت الاخوان يفيدوننا وانت تقدر تتصل فيهم

وبقولك سالفه انا رحت المتحده للتجهيزات اللي في سلوى قال لي ما عنده حد يركب الرخام بس ممكن يدلني على ناس يركبون الرخام والناس متعامله معاهم روح لهم وشوف

وان شاء الله اذا عرفت شي بخبرك ولايهمك

جزاك الله خير اتصلت مركز الرخام والجرانيت بس انتظرهم ياخذون القياس والله يسهل

[مهندس اسهم]

جزاك الله خير اتصلت مركز الرخام والجرانيت بس انتظرهم ياخذون القياس والله يسهل

الله يوفقك ياخوي

وعلشان تفيد الاخوان كلهم والكل يستفيد من تجربتك... بعد ما ياخذون المقاسات ويركبون لك تفيدنا بكم شريت الرخام؟ ونوعه؟ وهل شريته من عندهم والا من مكان ثاني؟ وبكم التركيب؟ وطريقة تركيبهم اعجبتك وهل تنصح فيهم؟

ومبارك عليك الشهر

[مهندس اسهم]

رجعنا بعد غيبة وكل عام وانتوا بخير ولو انها متأخره بس توني راجع من دوره

اخواني حد يقدر يفيدنا اكثر بالنسبه لهالموضوع؟ واتمنى من اخ شموخ دائم ينزل موضوع الرخام في اسرع وقت لان الكل متشوق لهالموضوع وناطرينه على احر من الجمر

[لما]

ادري الموضوع قديم بس الاخ المعضادي ارجو ارسال الرقم للخاص لاني ابي عمال يركبون رخام الفيلا