شغالتي . . . . . . . والإجازة !!

[deema117]

السلام عليكم ورحمة الله وبركاته


أخواني / أخواتي . . الكرام

ممكن تساعدون أختكم في النصيحة والمشورة :(

شغالتي ما كملت سنتين ولكن لظروف خاصة بها قررت السفر قبل قضاء المدة المقررة

لأن ابنها في حاجتها ، ولأن زوجها طلب منها العودة . . .

مدة بقائها عندي سنة ونصف تقريباً أو أكثر بشوي


!!

المشكلة أنها ما عطتني كلمة أكيدة بأنها رح تقضي إجازتها وترجع

دائماً تقولي آنا مب عارفة يمكن زوجي ما يرضى يخليني أرجع

وطلبت مني فرصة تتشاور مع زوجها لما تسافر

وتقررأما العودة أو البقاء في بلادها


إحساسي يقولي أنها مب راجعة

أشرايكم فالموضوع

هل أقطع لها تذكرة ذهاب وعودة ولا ذهاب فقط

هل أقدم على شغالة ثانية عشان ما أتعطل على الفاضي

وإذا أرجعت شغالي أنقل كفالة الشغالة الجديدة لأي شخص آخر


بانتظار آرائكم ومشورتكم :(

والله حاجتهم حاجة

http://imagecache.te3p.com/imgcache/badf64badbf761388ca4cbdee3fdff22.jpg

[بومحمد 00]

كلهم يقولون بنرجع ومايرجعون

نصيحه شوفي لج غيرها لان انتي الي بتوهقين عقب

[ANONYMOUS]

موضة الخدم ه اليومين

برد وبرجع

وكثير من الاسر يحجزون لهم تذاكر روحه ورده

لا ويعطونهم بخشيش

مب ل سواد عيونهم

عشان يرجعون

لان اتعبوا وهم يعلمونهم

شوفي

الحين لو بتقدمين على خدامه جديده بياخذ المكتب 9000

ومعاشها مادري اعتقد اعلى من الخادمه الحاليه

ف حاولي تغرينها ان بتزيدين راتبها يوم ترد 200 ريال مثلا.. ( طبعا اذا كانت اوكي وعاجبتج) بس تجدد سنتين أخريين..

[بو خليفه 123]

أختي ديما صبحك الله بالخير

والله ماكان ودي اشوف شايله هم الخدم :(


لكن هذا شر لا بد منه كل رب اسره لازم يمر به ..


أنا تعلمت دروس كثيره من الخدم .. و كلٍ يقول أمي ماتت و ابوي راسه قصوه .. و لازم ارجع البلاد .. بس اسبوعين و وعد برجع لكم ..

رغم تعاملنا الممتاز معهم .. و رغم السلفيات الي ياخذونها على رواتبهم .. ماينقع في عيونهم ..


لذلك .. اخر وحده قالت لي أمه بتموت .. قلت لها مهب مشكله .. هاتي الـ 8000ريال مال مكتب الخدم و انتي وعدتيني تروحين و ترجعين .. و ان شاء الله لين رجعتي بتلقين الـ 8000 جاهزه ..


او انك تروحين اجازتك عن طريق مكتب الخدم (و هذا الشيء يخوفهم)


و فعلاً رجعت لي ال8000 ريال و راحت .. و لم تعد :)


هذا الي انا بسويه .. و انتي بصرك ..

الله يوفقك و يعينك ..

تقبلي تحياتي

[khaldoon]

اختي حاولي معاها انها تستنى بس 6 شهور و فهميها انه التذكره لازم هي اللي تدفعها لانها ما قضت سنتين و انك ما تقدرين تدفعين التذكره لها الحين حتى لو اضطريتي انك تخصمي التذكره من راتبها لان المفروض انها عارفه هي و زوجها انها راح تغادر سنتين و اي تغيير في هذا الاتفاق هم المسؤولين عنه و صدقيني كلهم او اغلبهم كذابين و بقولوا زوجي مريض و ابني بموت و يمكن ما تكون متزوجه اصلا

زوجها ليش الحين يعني يبيها ترجع لبلدها و يخليها ترد لج بعدين...كله كلام فاضي وما تصدقين و حاولي تخليها لنهاية المده و فهميها انج مب عامله حساب ظروفها الطارئه و انها هي المسؤوله عن وعودها مب انت اللي تتحملي هذه المسؤوليه و يمكن اصلا شايفه او موعوده بشغل افضل ببلد ثاني لو رجعت...بالنهاية ما راح ترجع لج

ويوم تروح تقول انا كنت ودي ارجع بس اهلي و زوجي ما خلاني ...كذب في كذب ...اللي تروح ما ترجع و انتبهي انها لو غادرت راح تحتاجي 6 شهور حتى تقدري تسوي فيزا جديده

اختي لا تعطيها مستحقاتها كامله على اساس تضغطي عليها انها ترجع او على الاقل لا تكرمي معها و بعدين تندمي ... الا لو سويتي هالشي على سبيل الصدقه بس ما تتحسري بعدين و تندمي

كوني اكثر حزما معاها

[khaldoon]

موضة الخدم ه اليومين

برد وبرجع

وكثير من الاسر يحجزون لهم تذاكر روحه ورده

لا ويعطونهم بخشيش

مب ل سواد عيونهم

عشان يرجعون

لان اتعبوا وهم يعلمونهم

شوفي

الحين لو بتقدمين على خدامه جديده بياخذ المكتب 9000

ومعاشها مادري اعتقد اعلى من الخادمه الحاليه

ف حاولي تغرينها ان بتزيدين راتبها يوم ترد 200 ريال مثلا.. ( طبعا اذا كانت اوكي وعاجبتج) بس تجدد سنتين أخريين..

يا الغالي اللي اعرفه انه المكاتب الحين ما تلاقي طلبك الا على 10500 ريال و المكاتب اللي ب 9500 ريال طلبك ما تحصله وهذه هي اللعبه و الاحتكار لان الخادمات الفلبينيات مثلا عارفين انه القوانين ببتغير للافضل في قطر فما يقدمون على قطر حاليا الا طلبات قليلة جدا

[المسافره]

المهم من توصل المطار تاكدي انها دخلت من بوابة الخروج مش مثل بيت اخوي دزوها مع الدريول ودخلها المطار ولليوم ما طلعت من قطر يعني طلعت من المطار وراحت مع من الله العالم

[deema117]

كلهم يقولون بنرجع ومايرجعون

نصيحه شوفي لج غيرها لان انتي الي بتوهقين عقب

تسلم اخوي بومحمد . . والظاهر أني بقدم على وحدة ثانية أضمن :weeping:

[deema117]

موضة الخدم ه اليومين

برد وبرجع

وكثير من الاسر يحجزون لهم تذاكر روحه ورده

لا ويعطونهم بخشيش

مب ل سواد عيونهم

عشان يرجعون

لان اتعبوا وهم يعلمونهم

شوفي

الحين لو بتقدمين على خدامه جديده بياخذ المكتب 9000

ومعاشها مادري اعتقد اعلى من الخادمه الحاليه

ف حاولي تغرينها ان بتزيدين راتبها يوم ترد 200 ريال مثلا.. ( طبعا اذا كانت اوكي وعاجبتج) بس تجدد سنتين أخريين..


anonymous . . حاولت أغريها بزيادة راتبها أول ما ترجع وبعد مرور سنة

وعدها بزيادة ثانية وهي شكلها تبي ترجع الحمدلله مالقت عندنا إلا المعاملة الطيبة

بس الظاهر أن زوجها مب راضي لأن ولدها صغير ويمكن ما عندهم من يهتم فيه !!

تسلم لمروركم anonymous

[deema117]

أختي ديما صبحك الله بالخير

والله ماكان ودي اشوف شايله هم الخدم :(


لكن هذا شر لا بد منه كل رب اسره لازم يمر به ..


أنا تعلمت دروس كثيره من الخدم .. و كلٍ يقول أمي ماتت و ابوي راسه قصوه .. و لازم ارجع البلاد .. بس اسبوعين و وعد برجع لكم ..

رغم تعاملنا الممتاز معهم .. و رغم السلفيات الي ياخذونها على رواتبهم .. ماينقع في عيونهم ..


لذلك .. اخر وحده قالت لي أمه بتموت .. قلت لها مهب مشكله .. هاتي الـ 8000ريال مال مكتب الخدم و انتي وعدتيني تروحين و ترجعين .. و ان شاء الله لين رجعتي بتلقين الـ 8000 جاهزه ..


او انك تروحين اجازتك عن طريق مكتب الخدم (و هذا الشيء يخوفهم)


و فعلاً رجعت لي ال8000 ريال و راحت .. و لم تعد :)


هذا الي انا بسويه .. و انتي بصرك ..

الله يوفقك و يعينك ..

تقبلي تحياتي



الله يصبحك ويمسيك بالخير أخوي بوخليفة

فعلاً الواحد ما يقدر يصدقهم ، بس اللي عندي تكسر الخاطر توفى أبوها وهي عندي

ومن الحاجة حتى ماطلبت مني أنها تروح أصبرت مسكينة كانت حزينة وتأثرت لوفاة أبوها

وتوقعتها تطلب مني أنها تروح !!

ومن فترة قامت تحتفظ برواتبها عندي في التجوري في ظرف خاص فيها << :secret:

شكلي بقدم على وحدة ثانية وأمري لله وهي مب قاطعة رزقها بعطيها تذكرة ذهاب فقط

وإذا تبي ترجع بخليها تتصل فيني وبحجز لها عودة والجديدة بشوف لها صرفة


ما وراهم إلا الخساير :(

أمّا شغالتكم إلا رجعت لك 8000 ريال ولا أرجعت :omg: !!! تلقاها ميتة قهر على تصرفها :tease:

[deema117]

khaldoon . . باخذ برايك وبحاول معاها أني أأخرها عن سفرتها على الأقل

لين أقدم لي على وحدة ثانية . . وأدربها على الشغل قبل لا تروح !


...............


المسافره . . شكراً أختي على التنبيه والحمدلله غالباً يصادف أني آنا اللي أوصل

الشغالة للمطار .

[QTR-SOUL]

اخوي بو خليفه شلون رجعت 8000ريال من وين جابتهم هم كله ماعندهم ومتسلفين ؟؟؟؟

[فيزيائية]

نفس حالتي تبي تروح وماتدري اذا ترجع ....
وهي اول خدامه من بعد سننننننين زواج كنت انا اللي اطبخ فيها
اعلمها الطبخ وآكل من يدها لظروفي الصحية ....
والا مب اي حد ارتاح له او آكل من طبخه ...
اللهم سخر لنا عبادك الصالحين .

[حقيقه]

عطيها زياده في الراتب

بس عشان تقعد عندتس في ارمضان لانه صعب بدون شغاله

وخلال هالفتره قدمي على غيرها

ترى هي مب راجعه

[khaldoon]

هل صحيح انه اقدر الغي اقامة الخادمة و اخليها عندي بدون اقامة من اجل التقديم على خادمة جديده و عند قدوم خادمة جديده بعد خلنا نقول 40 يوم مع المعاملات اسفر الخادمة الاولى و الغرامة بتكون علي 10 ريالات في اليوم و بذلك ما اخسر شي ولا اتعطل ؟

ام ان القانون يوجب علي تسفير الخادمة خلال مدة قصيرة جدا أسبوع مثلا من تاريخ الغاء الاقامه؟

لو كانت الغرامة بس 10 ريال باليوم لانها تملك اقامة سابقه فالمشكله ان شاء الله انحلت و الغرامة ان شاء الله مقدور عليها

[ام ريان]

ماله داعي تقدمين على خدامه ثانية بنفس الفيزا اللي معك روحي المكتب واطلبي غيرها من نفس الجنسيه

[deema117]

نفس حالتي تبي تروح وماتدري اذا ترجع ....
وهي اول خدامه من بعد سننننننين زواج كنت انا اللي اطبخ فيها
اعلمها الطبخ وآكل من يدها لظروفي الصحية ....
والا مب اي حد ارتاح له او آكل من طبخه ...
اللهم سخر لنا عبادك الصالحين .

اللهم آآمين .. والله يفرجها علينا وعليج أختي فيزيائية

[deema117]

عطيها زياده في الراتب

بس عشان تقعد عندتس في ارمضان لانه صعب بدون شغاله

وخلال هالفتره قدمي على غيرها

ترى هي مب راجعه

مرحبا حقيقة . . زيدتها من فترة بسيطة

وإن شاء الله بقدم على غيرها

لأن شكلها مب راجعة

بس ياليتها تكمل السنتين عندي .. :secret:

وشكراً لمرورك الكريم

[deema117]

هل صحيح انه اقدر الغي اقامة الخادمة و اخليها عندي بدون اقامة من اجل التقديم على خادمة جديده و عند قدوم خادمة جديده بعد خلنا نقول 40 يوم مع المعاملات اسفر الخادمة الاولى و الغرامة بتكون علي 10 ريالات في اليوم و بذلك ما اخسر شي ولا اتعطل ؟

ام ان القانون يوجب علي تسفير الخادمة خلال مدة قصيرة جدا أسبوع مثلا من تاريخ الغاء الاقامه؟

لو كانت الغرامة بس 10 ريال باليوم لانها تملك اقامة سابقه فالمشكله ان شاء الله انحلت و الغرامة ان شاء الله مقدور عليها

khaldoon . . أظن أثناء إلغاء الإقامة يسألونك عن التذكرة ( يشوفونها )

فهل بتحجز وبعدين بتبيع التذكرة ؟؟

[deema117]

ماله داعي تقدمين على خدامه ثانية بنفس الفيزا اللي معك روحي المكتب واطلبي غيرها من نفس الجنسيه

الظاهر أني لتوهقت بطلب لي وحدة بنظام العقود الأسبوعية أو الشهرية ، ومشكورة يأم ريان

[deema117]

الخطوة اللي بديت فيها

لقيت عندي فيزا لشغالة فلبينية كانت عندي وألغيت إقامتها من زمان

فأحاول أغيرها إلى أندونيسية


جاري الانتهاء من الموضوع ... والله يعين :)

[khaldoon]

khaldoon . . أظن أثناء إلغاء الإقامة يسألونك عن التذكرة ( يشوفونها )

فهل بتحجز وبعدين بتبيع التذكرة ؟؟

اعتقد لازم نسأل الجوازات قبل الاقدام على هذه الخطوه والا بنتوهق...ما اذكر سألوني يوم عن تذكرة خدامة لما اجي اسفرها نهائيا