لا تعرضوا مسلسل ( بنات الثانوية )في رمضان

[وجه السعد 2]

بعد أيام قليلة ندخل شهر رمضان المبارك و للأسف تتسابق القنوات و المحطات الفضائية لإقساد هذا الشهر الكريم من خلال المسلسلات و البرامج الهابطة و للأسف الشديد أيضاّ أن القنوات الخليجية تدخل في هذا الإطار و تتسابق في إنتاج المسلسلات الهابطة لإفساد الجيل الجديد و بخاصة الشباب و الفتيات ..
و سوف يعرض مسلسل كويتي على قناة الوطن إسمه ( بنات الثانوية ) و أنصح بإيقافه و عدم عرضه نهائيا و ذلك لأنه يمثل خطرا على عقلية و تفكير هذه الفئة السنية و يغرس فيهم أقكارا قذرة و يفتح أعينهم على سلوكيات شاذة !!!!
و فعلا فإن ما تبنيه الإسرة في سنوات طويلة يهدمه مسلسل تافه يعرض في ايام معدودة ومع الأسف في الشهر الفضيل ..
و لا نتمنى أن تقوم قناتنا القطرية و بالتعاقد و عرض هذا المسلسل .. اللهم بلغت اللهم فأشهد

[غايه الطواش]

طيب اخوي شلون نحكم على شي ماشفناه....
شنهي قصه المسلسل ......
واهم شي نخلي المشاهده لما بعد رمضان .....

[بـــــــنت النوخـّــــذه]

المشكله ان هالمسلسلات بشتى انواعها تعرض لك لسلوك السلبي طول ال 29 حلقه ويجون الحلقه ال 30 يعلنون التوبه

يعني مسلسلات مافي اي فائده منها لو تنعرض المشكله والحل قريب بنقول معليه لكن اخر حلقه لكل يعرف ان الله موجود كبيره والله


وشكرا"

[مساهمة بسFresh]

يعني جات على هالمسلسل؟:weeping:

للاسف 99.9 %من المسلسلات والبرامج في رمضان مالها اي هدف ايجابي

:weeping:

[بلوتنيوم]

وش مسوين بنات الثانوية ؟؟!

[almaf1a]

من دعايته مايصلح الى لل18+
ياريت يعرضونه على قناة مشفره ومب في رمضان

[MAZEN37]

المشكله ان هالمسلسلات بشتى انواعها تعرض لك لسلوك السلبي طول ال 29 حلقه ويجون الحلقه ال 30 يعلنون التوبه

يعني مسلسلات مافي اي فائده منها لو تنعرض المشكله والحل قريب بنقول معليه لكن اخر حلقه لكل يعرف ان الله موجود كبيره والله


وشكرا"
والمشكله الحلقه 30 محد قاعد بالبيت
كل العالم بسوق العلي والجبر :)

[بـــــــنت النوخـّــــذه]

والمشكله الحلقه 30 محد قاعد بالبيت
كل العالم بسوق العلي والجبر :)

وممكن تكون الحلقه 30 تصادف يوم العيد والكل لاهي باستقبال الضيوف:(

[miss.s0oso0]

انا اعتقد المفتاح بيد رب الاسره
فان الفساد موجود في كل مكان وزمان
ولكن لابد من غرس قيم وسلوكيات عند ابنائنا تنبع من داخلهم لإستغلال هالشهر الفضيل في شي مفيد
من الاقتراحات ان تقوم الام والاب بزياره مع ابنائهم الى مأوى المسنين وتقديم الفطور او السحور لهم
او ان تقوم الام بإعطاء بناتها مسؤوليات مثل المشاركة في الطبخ وان تدعو صديقاتها لذلك
او ان يعتكف الاب مع عياله في المسجد
الفساد للأسف منتشر وموجود وسيظل موجود في الاعلام لذلك فلنمسك نحن بزمام الامور ونحاول حماية اطفالنا من ذلك

[كازانوفا]

يا الله يا كريم تتفجر كل الاقمار الصناعيه عشان المسلمين يركزووو على هالشهرررر يارب

[الخيالة]

يات علي هالمسلسل ماشفتوا عيل دعاية المغنية ميريام فارس عندها برنامج في الرمضان بصراحه ماينفع بشي رقص واغاني وعرض ازياء

[ورقة غار]

الخراب برا وبحرا وتلفزيونيا ....وبيد المشاهد رب الاسره الحل

[Red rose]

ما ادري اش الحكمه من عرض الافلام ذات المقاطع القذرة وبالاخض في رمضان
هذا الشهر المبارك ؟؟؟؟؟؟؟؟

[ضوى]

لاحول ولا قوة الا بالله

رمضان بالسنوات الاخيرة صاير فيه تنافس وتسابق لنشر الفسق والمجون والعياذ بالله ، تنافس رهيب عالمسلسلات والبرامج ، والمصيبة انهم كل شهور السنة مستورات ومسلسلاتهم فيها شوبة ستر لكن مسلسلات رمضان يصير فيها الفسق بشكل سافر وبدرجة كبيرة اعوذ بالله ، شهر تتصفد فيه مردة الشياطين وتطلق فيه شياطين الانس تصول وتجول وتنشر وتعيث في البلاد والعباد والفساد

الحمد لله ربي انعم علي اني ماشوف برمضان الا بعد الفطور مسلسل محلي وبرنامج الشقيري وباقي المسلسلات اتابعها بعد رمضان ويامكثر الاعادة طول السنة والحمد لله نحاول قدر الامكان نبتعد عن هالتلفزيون وهالمسلسلات الله يعافينا يااارب

ونصيحة شهر فضيل يجب ان يتم استغلاله لنفوز بالعتق من النار والمسلسلات طول السنة تنعاد وباكثر من مرة وباكثر من قناة وباوقات تناسب الكل

الله يرزقنا صيام رمضان وقيامه وان يكتب لنا العشر الاواخر ونفوز بليلة القدر ان شاء الله ونكون من عتقاء الله من النار في اخره اللهم اميييييييييييييييييييييين

[nadeemy]

الحقيقه اشوف الدعايه للدراما الخليجيه حق شهر رمضان كلها خلاعه وقلة ادب ولا فيها مراعاة للشهر الكريم
ممثله يسالها احدهم : لو صحيتي ولقيتي العالم اللي حولك كلهم رجال ؟
ترد وتقول الله وناسه
وحده ثانيه تقول انا توني اكتشف اني ما استحي
وغيره من المناظر اللي تخدش الحياء . ممثلات الوحده رجلها والقبر لابسين لبس رياضه وميك اب مال قرود وتهصع وتمصع
والله اني اشوف المسلسلات المصريه الرمضانيه اكثر حشمه وادب من الخليجيه
الله يكون في العون

[دلة الرسلان]

صفدت شياطين الجن وانطلقت شياطين الأنس الله يصلح الحال

[ParadEyes]

يات علي هالمسلسل ماشفتوا عيل دعاية المغنية ميريام فارس عندها برنامج في الرمضان بصراحه ماينفع بشي رقص واغاني وعرض ازياء

المضحك المبكي انها مسيحـيــة :nice: فنشكرها لاهتمامها البالغ براحة الصيام المسلمين

[تحداني]

في مسلسلا ت تستحق المشاهده لانه بالفعل عمل ادبي فني راقي وخاصه ان جات على حزه لمه الاهل في اوقات معينه
وفي مسلسلات والعياذ بالله كما اشرتوا ابغض النظر عن الشكل الخارجي
هي مافيها فكره بالاساس ولا في شي ممكن الواحد ينتظره ولا يتتبعه

ايقاف المسلسلات حلم صعب لمنال
مقاطعته حلم ابعد منه
لكن انه انغير توجهاتنا وميولانا ورغباتنا هذا جدا بسيط


جملك الله برضاه

[راشد محمد]

لاحول ولا قوة الا بالله

[La.Queen]

يات علي هالمسلسل ماشفتوا عيل دعاية المغنية ميريام فارس عندها برنامج في الرمضان بصراحه ماينفع بشي رقص واغاني وعرض ازياء

ميريام فارس عسل ع قلوبهم .. محد انتقدها ...

[بو الجوري]

شفت دعايته :..

و الله يستر على بناتنا و بنات المسلمين :..

[محمد]

انا اشوف ان الموضوع سوا دعاية للمسلسل اكثر من ان يكون تنبيه ..
فـ كل ممنوع مرغوب ..

[Emarati]

برودكاست ؟ لوول

كيف تحكم على مسلسل انت ما شفت منه ولا حلقة !!

[sara jsm]

انا اشوف ان الموضوع سوا دعاية للمسلسل اكثر من ان يكون تنبيه ..
فـ كل ممنوع مرغوب ..

اي والله :o

[وجه السعد 2]

برودكاست ؟ لوول

كيف تحكم على مسلسل انت ما شفت منه ولا حلقة !!


شوف مقاطع منه في اليوتيوب الله يجزاك خير

[قلبي الطيب]

لحين مانعرض اشلون تحكم عليه

[المحقق كونان]

الله يهدي المسلمين

[الأصيلة]

ماشفت دعاية ها المسلسل الله يكفينا شره..
هم ناقصين بنات الثانوية بروحهم على شفا حفرة
من ها الوسائل المدمرة اللي بيدهم متاحة..
دعايات المسلسلات كلها منفرة ( صراخ وسب ودموع وأحزان وخيانات وطلاق )
مافيه شيء عدل أبدا ...
والله اقدروا ها الشياطين يفرون راس شبابنا ويحركونهم به السموم الخبيثة...
اللهم اجعل كيدهم في نحورهم ...واكفينا إياهم بما شئت..
وأجعل تدبيرهم في تدميرهم...

[cavok]

المشكلة مو تلفزيون قطر على ان يوقف مسلسل بنات الثانوية المشكلة في الستلايت وعندك
الانترنت من وين ووين تلاقيها -- اللة المستعان ---

[تاجر الشباب]

سبحان الخالق

[الـمـرقاب]

المشكله لين تشوف لقاء مع ممثل من هالممثلين وينسأل عن هدف ودور هالمسلسلات،
يجاوب وبكل "بجاحة":
هدفنا ان نعالج ظاهره او ظواهر سلبيه في المجتمع! :omen2:

المشكله تعرض "بمبالغه كبيره" تكاد لا تخلو من الخيال، وعلى قولة بنت النوخذه في الحلقة
الاخيره يتوبون..وتسأل وين حل المشكله؟ :telephone:

لو يصير هالقنوات تسوي اضراب عن هالمسلسلات، كان الدنيا بخير! :nice:

[meme~qatar]

المشكله ان هالمسلسلات بشتى انواعها تعرض لك لسلوك السلبي طول ال 29 حلقه ويجون الحلقه ال 30 يعلنون التوبه يعني مسلسلات مافي اي فائده منها لو تنعرض المشكله والحل قريب بنقول معليه لكن اخر حلقه لكل يعرف ان الله موجود كبيره والله


وشكرا"

ههههههههههههههه
ع الجرح
اضحك الله سنج يالفسكرة

[القحطاني505]

لا حول ولا قوة إلا بالله

ما ينشرون فسادهم إلا في رمضان

[راقية]

هم ناقصين بنات الثانوية
اللهم اجعل كيدهم في نحورهم ...واكفينا إياهم بما شئت..
وأجعل تدبيرهم في تدميرهم...

صاجه اختي بنات الثانوية بروحهم هالايام حالتهم حاله بعد هالمسلسلات راح تضيعهم اكثر
انا فتحت اليوتيوب وشفت دعايته واللي لفت نظري اكثر التعليقات كلها لمراهقات عقدوا النية انهم يتابعون المسلسل!!
المفروض الواحد ينووي صيام رمضان كامل وقيام الليل وختم القران لا حول ولا قوة الا بالله هذه اولا

ثانيا في ناس يقولون لا تابعون هالمسلسلات الخليعة في رمضان وتضيعون وقتكم لانها راح تنعاد بعد رمضان!!
ليش المنكر والاثام بس في رمضان وبعد رمضان خلاص مرفوع عنا القلم؟

حضرت درس لداعية الاسبوع اللي طاف وطرحت علينا سؤال حلوو
قالت اللي يسوونه هالممثلين والممثلات حرام والا لا؟ طالعه بدون حجاب ويمسكون يدين بعض وحب وحركات حرام والا لا؟
قلنا حرام
قالت لانكم عارفيين في نفسكم انه حرام واعترفتوا انه حرام راح تؤثمون طوول الوقت و انتوا تشوفون هالمسلسلات في رمضان والا حتى بعده.

[شمس]

مسلسل الى ابي وامي مع التحيه
عالج ظاهرة المسلسلات الهابطه

[قطر دزاين]

في رمضان الرسيفر يكون فيه اربع قنوات
البدايه
السعوديه الحرم
المجد للاطفال
وقناه دينيه من احد القنوات

هذا افضل لحل للاب والام

[intesar]

ما فهمت
اذا بيوقفون خلهم يوقفون كل المسلسلات

[راقية]

في رمضان الرسيفر يكون فيه اربع قنوات
البدايه
السعوديه الحرم
المجد للاطفال
وقناه دينيه من احد القنوات

هذا افضل لحل للاب والام

اخوي يعني في حركة معينة ممكن اسويها في الرسيفر وتطلع لي بس القنوات اللي ابيها؟
يا ليت اخوي تكتب الطريقة عشان نستفيد
الله يجزاك خير

[الأصيلة]

برودكاست ؟ لوول

كيف تحكم على مسلسل انت ما شفت منه ولا حلقة !!

مافيه فايدة عقب مانشوفه
ويشوفونه المراهقات المقلدات...
أعتقد النص جدا مخزي وقايمه الدنيا وقاعده عليه في الكويت...
والمسؤول وزير الإعلام ...الرقابة المفروض ماتجيز النص وهو بها المستوى...

[الـمـرقاب]

مافيه فايدة عقب مانشوفه
ويشوفونه المراهقات المقلدات...
أعتقد النص جدا مخزي وقايمه الدنيا وقاعده عليه في الكويت...
والمسؤول وزير الإعلام ...الرقابة المفروض ماتجيز النص وهو بها المستوى...


انا ماعندي فكره عن مستوى النص بس كلامك يدل انهم خربوها هالسنه!!

[الأصيلة]

انا ماعندي فكره عن مستوى النص بس كلامك يدل انهم خربوها هالسنه!!

أكيد خربوها ..والتخريب جاري من سنوات ...
ولما غاب العقاب ...جاء الجواب...
من لهم ها المؤلفين والمنتجين والمخرجين المخربين للأخلاق والقيم والدين...
كل واحد على كيفه يخيط ويبيط...
ومافيه مجال نحبس بناتنا ونسكر عليهم ونمنع التيلفزيون عنهم منعا باتا ..
ونمنعهم من زيارة عمهم أو خالهم أوخالتهم أو جدتهم...
حتى مايشوفون شيء بتلفزيوناتهم..
والأدهى والأمر تنزل الحلقات أول بأول في اليوتيوب...
يعني الحصار شديد لابارك الله فيهم ...وفي من دعمهم وساعدهم...

[الـمـرقاب]

أكيد خربوها ..والتخريب جاري من سنوات ...
ولما غاب العقاب ...جاء الجواب...
من لهم ها المؤلفين والمنتجين والمخرجين المخربين للأخلاق والقيم والدين...
كل واحد على كيفه يخيط ويبيط...
ومافيه مجال نحبس بناتنا ونسكر عليهم ونمنع التيلفزيون عنهم منعا باتا ..
ونمنعهم من زيارة عمهم أو خالهم أوخالتهم أو جدتهم...
حتى مايشوفون شيء بتلفزيوناتهم..
والأدهى والأمر تنزل الحلقات أول بأول في اليوتيوب...
يعني الحصار شديد لابارك الله فيهم ...وفي من دعمهم وساعدهم...


والله كلامج صحيح اختي..
بس عندي اقتراح واتوقع ممكن يفيد ولو بشي بسيط..

بما ان اغلب المراهقين عندهم عضويات في مواقع اجتماعيه، ممكن نسوي حمله على
هالمواقع الاجتماعيه باسلوب جاذب وممكن حتى التربويين والدعاة ينضموا لهالحمله
وتكون ضد هالمسلسلات، بس طريقة عرض هالحمله وهدفها هي اللي راح تحدد
نجاحها ام فشلها..

[الأصيلة]

والله كلامج صحيح اختي..
بس عندي اقتراح واتوقع ممكن يفيد ولو بشي بسيط..

بما ان اغلب المراهقين عندهم عضويات في مواقع اجتماعيه، ممكن نسوي حمله على
هالمواقع الاجتماعيه باسلوب جاذب وممكن حتى التربويين والدعاة ينضموا لهالحمله
وتكون ضد هالمسلسلات، بس طريقة عرض هالحمله وهدفها هي اللي راح تحدد
نجاحها ام فشلها..

المراهقات ماعندهم عضويات ولاشيء
همهم الأول البي بي ..والتويتر والفيس بوك
وطبعا أهم شيء الآن المسلسلات الكويتية فقط...
ومناقشة مايدور فيها من أحداث وملابس وحركات...
حفظ الكلمات الجديدة المايعة اللي يستلهمونها من هذي المسلسلات..
والله لوتقعد مع بنت الـ 8 سنين تستغرب
من وين تعلم هالمفردات وترد عليك بها...
راجع الكلمات تجد مصدرها قصص فجر السعيد وشلتها...

[الـمـرقاب]

المراهقات ماعندهم عضويات ولاشيء
همهم الأول البي بي ..والتويتر والفيس بوك
وطبعا أهم شيء الآن المسلسلات الكويتية فقط...
ومناقشة مايدور فيها من أحداث وملابس وحركات...
حفظ الكلمات الجديدة المايعة اللي يستلهمونها من هذي المسلسلات..
والله لوتقعد مع بنت الـ 8 سنين تستغرب
من وين تعلم هالمفردات وترد عليك بها...
راجع الكلمات تجد مصدرها قصص فجر السعيد وشلتها...


هذا اللي اقصده اختي، دام ان همهم الاول البي بي والتويتر والفيس بوك..
ممكن نوصل هالحمله لهالثلاث وسائل..لان الكلام ماعاد يفيد والمراهقين
احس صار عندهم اذن من طين واذن من عجين!

محتاجين طرق جديده في توعيتهم، وبالنسبه للمواقع الاجتماعيه فهي جدا فعاله..
لكن محتاجين جهود اكثر من شخص عشان الحمله تطلع بشكل ناجح ومؤثر في
المراهقين..

[ارين]

بعد أيام قليلة ندخل شهر رمضان المبارك و للأسف تتسابق القنوات و المحطات الفضائية لإقساد هذا الشهر الكريم من خلال المسلسلات و البرامج الهابطة


وصلني عبر الإميل هذا الكاريكتير الذي يعبر عما ذكرته من تسابق الفضائيات العربية لإفساد شهر رمضان من خلال المسلسلات

http://www.php4syria.com/site/images/stories/ramadan2008/ramadan2008_2.jpg

[الأصيلة]

هذا اللي اقصده اختي، دام ان همهم الاول البي بي والتويتر والفيس بوك..
ممكن نوصل هالحمله لهالثلاث وسائل..لان الكلام ماعاد يفيد والمراهقين
احس صار عندهم اذن من طين واذن من عجين!

محتاجين طرق جديده في توعيتهم، وبالنسبه للمواقع الاجتماعيه فهي جدا فعاله..
لكن محتاجين جهود اكثر من شخص عشان الحمله تطلع بشكل ناجح ومؤثر في
المراهقين..

على يدك يا أخوي...
تبغي لها ناس واعيين يصيغون المواعظ والإرشادات بطريقة محببه وجميلة تجذب المراهقات ...
فكرة حلوة وجميلة ..
أنا اعتقدت تقصد المنتديات...

[الـمـرقاب]

على يدك يا أخوي...
تبغي لها ناس واعيين يصيغون المواعظ والإرشادات بطريقة محببه وجميلة تجذب المراهقات ...
فكرة حلوة وجميلة ..
أنا اعتقدت تقصد المنتديات...


المنتديات ممكن تؤثر، لكن الشبكات الاجتماعيه مسيطره على محيط الانترنت!
إن حصلت مطوعين معاي ممكن اتم الحمله بنجاح..

وان قدرنا ندخل احمد الشقيري بعد بنكون قوّينا الحمله اكثر...

[شيط ويط]

وصلني من مده ايميل فيه صور لكواليس هالمسلسل .. الصراحة الممثلات اللي فيه كلهم (فرافير) :) خصوصا وهم لابسين مريول الثانوية ..

اللي يعين الشباب العزوبية في رمضان .. اهم شي لا ينعرض قبل الفطور .. :)

للامانه اكره ماعلي المسلسلات مادري اشلون الناس تصبر على متابعتها

[الأصيلة]

وصلني من مده ايميل فيه صور لكواليس هالمسلسل .. الصراحة الممثلات اللي فيه كلهم (فرافير) :) خصوصا وهم لابسين مريول الثانوية ..

اللي يعين الشباب العزوبية في رمضان .. اهم شي لا ينعرض قبل الفطور .. :)

للامانه اكره ماعلي المسلسلات مادري اشلون الناس تصبر على متابعتها
http://r11.imgfast.net/users/1111/13/75/17/smiles/701720.gif

والله لافرافير ولاشي..والله لو يلبسون ملابس الروضة...
كل وحده صاكه فوق الثلاثين وأشكالهم واضحة...أي فرافير الله يهداك...
http://r11.imgfast.net/users/1111/13/75/17/smiles/701720.gif

[Qatar-King]

موقع جريدة الوطن حااط تصويت والحمدلله الأصواات الراافضة مكتسحة التصويت ,,,


http://alwatan.kuwait.tt/polls.aspx?GrpId=77

أرجو من الجميع الدخول و التصويت بـلا و أن شاء الله قناة الوطن ما تعرضه ,,,

[[vip]]

يعني جأت على هالمسلسل

اغلبية المسلسلات غير هادفه ومادري شالهدف منها

ورمضان يعتبر موسم للتسويق في كل شي طبعاً ولكن بالأخص المسلسلات

[ALRAYYAN]

اييييييه .. اتذكر من كم سنه يوم كنا نقول هالمصريين والسوريين ماعندهم أدب في مسلسلاتهم ولا يحترمون هالشهر الفضيل

والحين صرنا نقول المسلسلات المصريه والسوريه أبرك وانظف من مسلسلاتنا الخليجيه

أنا مادري متى هاللي اسمها الكويت بتكف شرها عن ابناء وبنات الخليج من المسلسلات وخمر حلال وزقاره ماتفطر الصايم

الله المستعان *

[aldotshy]

http://youtu.be/e-SKjlNSPN4

وقفوه

[aldotshy]

<iframe width="425" height="349" src="http://www.************/embed/e-SKjlNSPN4" frameborder="0" allowfullscreen></iframe>

[الجسراوي]

اصلا معروف من ورا هالفن العفن عندنا في ( الخليج )........ شوفوا اساميهم وانتمائاتهم وبتعرفون
85% منهم ينتمون لفرقه ضاله والصراحه استغرب من تزايد اعدادهم وخصوصا النساء منهم .
10% منهم يؤمن بمبدأ التمثيل لاصلاح المجتمع ( وقليل من عبادي الشكر ) وهؤلاء محاربون .
5% محتاجين وهم اللي يقومون بدور عادي ومؤقت في اغلب الاحيان .

ولا مسلسل فيه خير حتى الاسلاميه لهم فيها اهداف لمصالح معتقدهم .

[بوسلمان 2010]

الله المستعان ويتقبل منا ومنكم صالح الاعمال

[مساهمة بسFresh]

لحظة:
كنه هالموضوع سوا دعاية للمسلسل اكبر من اللي يعرضونها في التلفزيون؟:(

[ضوى]

اصلا معروف من ورا هالفن العفن عندنا في ( الخليج )........ شوفوا اساميهم وانتمائاتهم وبتعرفون
85% منهم ينتمون لفرقه ضاله والصراحه استغرب من تزايد اعدادهم وخصوصا النساء منهم .
10% منهم يؤمن بمبدأ التمثيل لاصلاح المجتمع ( وقليل من عبادي الشكر ) وهؤلاء محاربون .
5% محتاجين وهم اللي يقومون بدور عادي ومؤقت في اغلب الاحيان .

ولا مسلسل فيه خير حتى الاسلاميه لهم فيها اهداف لمصالح معتقدهم .



اذا طاش ماطاش من 15 سنة مافيه ولا بنت الا ومحجبة ، الحين شوفوه كله بنات ومب اي بنات شي مب طبيعي

[وجه السعد 2]

هاذي نتيجة التصويت في احدى الصحف الكويتية على عرض المسلسل :


هل تؤيد عرض «تلفزيون الوطن» مسلسل بنات الثانوية?

نعم
لا

تم التصويت بنجاح


نتائج التصويت‬
نعم : 31.79 %
لا : 68.21 %

[Kuwaiti88]

اييييييه .. اتذكر من كم سنه يوم كنا نقول هالمصريين والسوريين ماعندهم أدب في مسلسلاتهم ولا يحترمون هالشهر الفضيل

والحين صرنا نقول المسلسلات المصريه والسوريه أبرك وانظف من مسلسلاتنا الخليجيه

أنا مادري متى هاللي اسمها الكويت بتكف شرها عن ابناء وبنات الخليج من المسلسلات وخمر حلال وزقاره ماتفطر الصايم

الله المستعان *


ياريت الاداره تمسح الرد الوقح هذا ...

الاداره تقول هذا المنتدى ليس بمنتدى سياسي وتخلي بعض اعضائها يسرحون ويمرحون ويطبون وينتقدون الدول ولما ترد

عليهم بتحضر وتنتقدهم تمسح ردودك ...

نقدر نرد عليك بس مستوانا أكبر منك ...

[ALTHANI QTR]

الله يعينا على مثل هالمسلسلات المشكله ياجماعه مافي مسلسل له هدف او رساله

[وجه السعد 2]

ياريت الاداره تمسح الرد الوقح هذا ...

الاداره تقول هذا المنتدى ليس بمنتدى سياسي وتخلي بعض اعضائها يسرحون ويمرحون ويطبون وينتقدون الدول ولما ترد

عليهم بتحضر وتنتقدهم تمسح ردودك ...

نقدر نرد عليك بس مستوانا أكبر منك ...



يمكن العضو خانه التعبير .. و إحنا ما نرضى الإساءة للكويت و أهلها .. و مطلبنا فقط وقف عرض المسلسل ..

[Kuwaiti88]

ياخوي ما عليك من هالاشكال الي تشوف نفسها في برج عادي...

اذا بتنتبه لكل ردودهم بتتعب... ناس ما تمثل الا نفسها... الله المستعان...


الناس وآنا اخوك ما تدري ان أغلب هالممثلين والممثلات أكثرهم مو كويتيين وما تدري انهم

بدون وعراقيين وايرانيين ومصريين وسوريين وأردنيين وغيرهم من الزلمات مع وجود

قله من الكويتيين اللي بوجهة نظري لا يمثلون الكويت ولا يشرفونها ...

وفي ناس والله والنعم فيهم ...

وترى مو كل من تكلم كويتي معناته كويتي ...

وانا اهني مو قاعد أعمم على هالجنسيات بس هذي الحقيقه ...

أهل الكويت ما يرضون حق بناتهم وعيالهم هالمصخره ليش اهم عايشين بحاله ماديه ممتازه

ومو محتاجين هالمصخره ...

انا مو ضد الفن بس بصراحه بعض الأعمال الفنيه الحين قمة المصخره ...

ما نقول الا الله يرحم ايام النفيسى والمفيدي ومريم الغضبان والخ ...

الأخ اللطيف يقول خمر وسهر وزقاره لو اهو يعرف دول الخليج جان عرف بأن الكويت

والسعوديه الدولتين الوحيدتين في الخليج اللي ما فيهم مراقص وبارات وكحول تقدم في الفنادق

والمنتجعات ولا يتم بيعها، ولكن تدش تهريب ويتم اعدامها يوميا من قبل الحكومه ...

[[DieT]]

انا استغرب علي الممثلين والاعلاميين من اجل الاجور والشهره يرضون بالادوار اللي تساهم في الانحلال
والفئة السنية اللي تقوم بهالادوار في المسلسل ماعندها اي وجهة نظر او رأي ( امع اا ت ) ومحال ترفض مثل هالادوار لان اخذو التمثيل ظهور وشهرة مش رسالة هادفه

=)

[chillis]

اشلون حكمت عليه قبل عرضه

[وجه السعد 2]

اشلون حكمت عليه قبل عرضه

إدخل اليوتيوب و شوف مقاطع منه

[Emarati]

من المتابعين

[لاجل QT]

لاحول لله...اشفيهم بعد بنات الثانوية

من اسمة مايطمن مبدئيا:(

الله يستر:(

انشالله مايتكلمون فيها عن الواقع الاخلاقي لان انعرفة ومافي داعي يفتحون اعيون اعيالنا ..بنلقاها من وين ولا من وين:(

احنا نربي والتلفزيون يخرب

شكلي باشفر القنوات الخليجية ابرك:weeping:

[Al-Enazi]

السلام عليكم ورحمة الله وبركاته

ياجماعه هذا شهر الخير اقبل علينا وكثير من الناس لم يبلغهم الله سبحانه هذا الشهر الفضيل رحمة الله عليهم اجمعيم

وانت وانا اذا الله احيانا الى رمضان نكون من الفائزين لان الله سبحانه عطانا فرصة العتق من النار ياجماعة الخير لمتى يعني خلاص والله انها حياة لهو ولعب زائله طال عمرك او قصر نبي نشوف المساجد مليانه في كل صلاه مب بس في رمضان طيلة السنه نبي نشوف حفظة قران وناس تزكي وتصوم وتصدق وتعتمر وتحج وتعبد الله سبحان كما بنبغي لوجهه الكريم الله سبحانه ماخلقنا عشان مسلسلات وخرابيط هذا طريق وكل واحد يحدد مصيره عندنا رب رحيم يتوب علينا ويغفر لنا ذنوبنا واحنا نحاربه بالمعاصي لدرجة اننا صرنا مستضعفين والله ماراح ترجع قوتنا الا بقال الله وقال الرسول يالله ياجماعه همه وحماس للفوز برضا الله سبحانه وبالجنه ان شاء الله اجمعين والسلام عليكم ورحمة الله وبركاته

[out]

الحمدلله انا واحد لا اتابع مسلسلات سوا في رمضان ولا بعد رمضان لاني مب مقتنع

الله يرحم مسلسلات الاول اللي صج كانت ذات مواضيع مفيده

وين ايام ( درب الزلق - الاقدار - خرج ولم يعد - فايز التوش - ناسف لهذا الخلل الفني - البيت الكبير .. الخ )

عسى الله يهديهم البعض اللي مايصدقون رمضان يجي بس علشان المسلسلات

[ALRAYYAN]

الناس وآنا اخوك ما تدري ان أغلب هالممثلين والممثلات أكثرهم مو كويتيين وما تدري انهم

بدون وعراقيين وايرانيين ومصريين وسوريين وأردنيين وغيرهم من الزلمات مع وجود

قله من الكويتيين اللي بوجهة نظري لا يمثلون الكويت ولا يشرفونها ...
وفي ناس والله والنعم فيهم ...

وترى مو كل من تكلم كويتي معناته كويتي ...

وانا اهني مو قاعد أعمم على هالجنسيات بس هذي الحقيقه ...

أهل الكويت ما يرضون حق بناتهم وعيالهم هالمصخره ليش اهم عايشين بحاله ماديه ممتازه

ومو محتاجين هالمصخره ...

انا مو ضد الفن بس بصراحه بعض الأعمال الفنيه الحين قمة المصخره ...

ما نقول الا الله يرحم ايام النفيسى والمفيدي ومريم الغضبان والخ ...

الأخ اللطيف يقول خمر وسهر وزقاره لو اهو يعرف دول الخليج جان عرف بأن الكويت

والسعوديه الدولتين الوحيدتين في الخليج اللي ما فيهم مراقص وبارات وكحول تقدم في الفنادق

والمنتجعات ولا يتم بيعها، ولكن تدش تهريب ويتم اعدامها يوميا من قبل الحكومه ...

اخوي كويتي 88
الكلام اللي كتبته بالاحمر اعرفه عدل وادري ان 80% منهم مب كويتيين ويمكن اكثر من هالنسبه

لكن السؤال .. من اللي سمح لهم بهالنوع من المسلسلات ؟
من اللي صرح لهم بعرض مسلسلات اقل مايقال عنها انها بدون هدف ؟
بل على العكس لها هدف من شانه اثارة الفتن والشهوات بين الشباب الخليجي



اما وصفك لي باللطيف انا اشكرك عليه لاني فعلا لطيف

انا ماقلت ان الكويت فيها مراقص وخمارات وعارف هالشي .. واعرف شنو اللي عندنا وشنو اللي عندكم وشنو اللي في السعوديه والبحرين والامارات وكل مكان

لكن انا اقصد ان الحكومه عندكم للاسف مخليه الساقط واللاقط يتكلم ويخترع ويألف
مثل اللي طالعه لنا هاليومين باختراع الزقاره الحلال واللي ماتفطر في رمضان
وطالعه لنا قبل شهر بالخمر الحلال اللي يفر الراس ومفعوله نفس الخمر ولكنه حلال ويتكون من اعشاب

وبلادكم كل يوم والثاني طالع لنا شي سخيف منها والقائمه تطول وانت عارف ان كلامي صحيح ..

الكويت تتصدر قائمه دول الخليج في اشياء لو ذكرتها انت بتزعل وهذا حقك

بلادكم فيها مشاكل مب موجوده في اي بلد خليجي وهذا كله ليش
لان قلوبكم مب على بعض والفساد منتشر بينكم وقاعدين لبعض قعده وحالتكم حاله
والحين جا الدور ان تصدرون لنا هالسوالف .. وقنواتكم الفضائيه فاضحتكم

واكبر مشكله انكم تشوفون عيوب غيركم لكن عيوبكم ماتشوفونها
او ماتحبون تشوفونها !!

اخوي لو هو فاسد وانا متاكد انه فاسد
بيتم اخوي وما ارضى حد يتكلم عنه مع اني متاكد ان اللي ينقال عنه صحيح لكن مابتقبله

لانه اخوي :)

[مسك روز]

تم التصويت بنجاح


نتائج التصويت‬
نعم : 30.86 %
لا : 69.14 %

[La.Queen]

الناس وآنا اخوك ما تدري ان أغلب هالممثلين والممثلات أكثرهم مو كويتيين وما تدري انهم

بدون وعراقيين وايرانيين ومصريين وسوريين وأردنيين وغيرهم من الزلمات مع وجود

قله من الكويتيين اللي بوجهة نظري لا يمثلون الكويت ولا يشرفونها ...

وفي ناس والله والنعم فيهم ...

وترى مو كل من تكلم كويتي معناته كويتي ...

وانا اهني مو قاعد أعمم على هالجنسيات بس هذي الحقيقه ...

أهل الكويت ما يرضون حق بناتهم وعيالهم هالمصخره ليش اهم عايشين بحاله ماديه ممتازه

ومو محتاجين هالمصخره ...

انا مو ضد الفن بس بصراحه بعض الأعمال الفنيه الحين قمة المصخره ...

ما نقول الا الله يرحم ايام النفيسى والمفيدي ومريم الغضبان والخ ...

الأخ اللطيف يقول خمر وسهر وزقاره لو اهو يعرف دول الخليج جان عرف بأن الكويت

والسعوديه الدولتين الوحيدتين في الخليج اللي ما فيهم مراقص وبارات وكحول تقدم في الفنادق

والمنتجعات ولا يتم بيعها، ولكن تدش تهريب ويتم اعدامها يوميا من قبل الحكومه ...

اخوي كويتي من حقك تزعل لانها بلادك- لكن بس للتوضيح .. اخوننا فالله ما تطرق للمثلين لان مثل منت عارف الممثل يادي دوره وياخذ كروته ويدبر ..

اللي يألفون مثل هالمسلسلات .. ما يراعون العادات والتقاليد وحرمه الشهر .. محد حاط لهم حدود للقصه - قنواتكم تسمح عادي ببث مثل هالأشياء - تخيل التلفزيون مجتمعين عليه عايله يتابعون هالمسلسل بتنخفس وجيههم لو جا شي مب عدل -
انا وحده اتابع المسلسلات لكن لو هالمسلسل او غيره من مسلسلاتكم ( اسمحلي بقول مسلسلاتكم لانها اكثر وحده مسويه بلبله) تابعتها وحده من هالمراهقات بتفتحون عيونهم على أشياء مالها اي داعي

[بوعلي2]

الله يستر ويعين الجميع

[Kuwaiti88]

للأسف خربنا وايد مواضيع بسبب الشد والجذب ...

وفي ناس سبحان الله لا يتسمون الا بالافلاس الفكري ...

يشوف نفسه مثالي وخالي من العيوب ويجمع على بلد كامل بأنه بلد كله مشاكل وبلاوي

لأنه طالع جم قناة خاصه مثل سكوب وفلاش واللي محد يطالعها من الكويتيين ...

عموما انسحب برقي من النقاش ...

[Qtr95]

ياريت الاداره تمسح الرد الوقح هذا ...

الاداره تقول هذا المنتدى ليس بمنتدى سياسي وتخلي بعض اعضائها يسرحون ويمرحون ويطبون وينتقدون الدول ولما ترد

عليهم بتحضر وتنتقدهم تمسح ردودك ...

نقدر نرد عليك بس مستوانا أكبر منك ...




كراوي قصص مبتدئ وعامل في مجال الفن ارى ان اخي الريان غلط
يوم جاب على الكويت , المفروض ما ينتقد الدولة ..
المفروض ينتقد مخرج العمل والكاتب ..
لأن الصراحة من ما نراه من فساد في المخرجين
الكويتيين (او بالاحرى مب كويتيين اصل وفصل ) ..

انا قابلت الكثير من الكتاب والمخرجين العالميين في حياتي-16 عام-
مثل الكاتبة J.K Rowling اللي باعت 400 مليون نسخة من كتبها ..
والمخرج الناجح احمد عاطف , والكثير الكثير ..
وكلهم لديهم رؤية وهي "رواية قصة" .. وجعل الناس سعداء ..
ووضع الجمال في ارواح البشر ..
للأسف .. ما نراه في الفن الخليجي هالايام وخاصة "الكويتي"
فيه قلة حياء وعدم احترام الشهر الفضيل .. واكبر دليل
قناة فنون قناة الشيعي القذر محمود حيدر وولده ..

عندكم الكاتبة هبة مشاري حمادة .. اعتبرها "غشاشة"
نعم هي "غشاشة" ومسلسل زوارة خميس يعتبر غش ..

لم ارى في حياتي كاتب من اي دولة خليجية يقدم عمل"غير اخلاقي"
مثل اللي في الكويت , ومع احترامي لأهل الكويت الأبي..
لكن ليقتدوا بوداد الكواري ,, وكتاب الإمارات ..
وكتاب البحرين .. وكتاب المملكة العربية السعودية ..

المسلسلات الكويتية اصبحت تجارة في تجتارة ..
انا اقولك هالكلام وانا فاهم شنو اللي قاعد اقولك اياه
كعامل في مجال الفن واللي يعتبر اوسخ مجال ..

ولكن انا احب اروي القصص .. وانا اكتب القصص
للتغيير للأفضل وليس تدمير الأجيال وضياعها ..
والكتاب العالميين 90% منهم يعملون بهذا الشئ..
ولكن المسلسلات الكويتية للأسف فاشلة من ناحية الإخراج والقصة والتمثيل ..

اعطيكم كمن مسلسل انصحكم بمشاهدته ..
فرصة ثانية او الملكة .. وتصانيف :nice:
فقط لا غير..
هذه اشرف الاعمل في رمضان ..