نظام "مواشي" في بيع الاغنام المدعومه للمواطنين

[أسير الاسهم]

حبيت أسالكم عن نظام شركة مواشي في بيع الاغنام المدعومه للمواطنين ..؟

هل هي للمواطنين فقط . . . وكيف شرائها . . . والعدد المسموح . . والمطلوب ؟؟


يا ليت تفيدوني اسمع عنها ولا رحت لها

[MoHaMmEd114]

اي والله افيدونا جزاكم الله خير

[فارس الكلمة]

أعتقد أنها مفتوحة لجميع الجنسيات .. و الشراء من معرض الغنم .. كما

هو الحال في العام الماضي ..

[هارودز]

للكل انشاءالله

[واثق بالله]

للكل

جيتهم قبل كم يوم الساعه 9 صباحا

مالقيت الا الخرفان الميته اللي مافيها

لحم !!!


اذا تبي الخرفان الصاحيه اغبش

صوبهم عقب صلاة الفجر

والسعر واحد والله يعينك على السرى

في المقصب

[أسير الاسهم]

هل كل يوم تجي كمية .. العدد كم فاليوم يجي فالشبك ؟؟

وهل الواحد مسموح له ياخذ كمية ويحطها عنده مثلاا فالعزبه بدال ما اجي كل اسبوع اخذ ..؟؟

سمعت انه لازم اذبحها اول ما اخذها ..!!؟

اقد آخذ كم واحد ؟؟

[بوفاطمه]

هل هي للمواطنين فقط ؟؟
لا.لجميع الجنسيات.
وكيف شرائها ؟؟
تروح لاغنام المواشي المدعومة وتشتريه من هناك.
والعدد المسموح . . والمطلوب ؟؟
لا اعرف.اول ما تأخذ الراس توديه المقصب وتحلله هناك.
الله يوفقك.
انا هذا الي اعرف،والسموحة منك يالغالي.

[بن غيث]

اشتر العدد الي تبيه
لكل الجنسيات
اشتر ولا تذبح ... براحتك
سير عليهم بعد الفجر افضل وقت

[تاجر الشباب]

الله يكون في العون

[بومحمد 00]

الخروف يطلع من الشبك سيده المقصب

ما يركب الموتر ابد لانه ممنوع

وبعدين اصلا مواشي ما عندها الا الهلايم

كل خرفانهم تعبانه


الخرفان الي تبيض الوجه عند التجار اشهد انها خرفان

خذت الراس الواحد ب ١١٥٠ ريال

[خالـــــد]

ههههههههه

شدعوه باخذ واحد واسمنه واربيه عندي في العزبه

ليش يعني اذبحه

عليهم تصانيف

[شيط ويط]

مافي احلى والذ من (التيوس) .. خصوصا ( للمرق) :)

[بوسلمان 2010]

اظني الله العالم انه حق كل الفئات مواطنين ومقيمين