عندك واسطة ؟؟ ( دعوة للنقاش )

[آخر الفرسان]

السلام عليكم ورحمة الله وبركاته

الواسطه ....!!!!!!!!

كم انكسرت قلوب بسببها وكم ابتسمت قلوب من ورائها ..

اهي الطريق السهل الى اعتلاء سلم الراحة والمجد؟؟

ام هي الطريق الكاذب الى أخذ مكانة في المجتمع ؟

انعتبرها محطمة آمال ام هي بانيت آحلام ..

اخوتي الاعزاء :
ماهو رأيك الشخصي في الواسطه ؟؟

وان كان باستطاعتك محوها هل تفعل ؟؟

هل يمكن ان تلجأ اليها عند الحاجه ؟؟

بانتظار مشاركاتكم اتمنى لكم التوفيق



تحيه طيبه للجميع

[الخفي]

(( الواسطه تعدي على حقوق الغير وتجاوز للقوانين رحم الله الفاروق

حتى ابنائه واهله عاشوا كحال ابناء المسلمين والمسلمات في عهده ولم يميزهم في

العطاء ولا في المغانم ولا في المناصب يالله كم نحتاج الى امثال الفاروق في زماننا ))

[تاجر الشباب]

موفق انشاء الله

[وحيد-الشوق]

الواسطة من اسوء انواع الفساد

خاصتا في الوطن العربي والخليج عندك واسطة بتعيش مرتاح كل شيء بيتيسر لك بعثة شغل علاج برا ارض جنسية اي شيء تحلم فيه :(

طبعا لو استطيع محوها لفعلت :)

[دايموند]

انا مع الواسطة اذا كان الشخص جدير بالوظيفة ويريد شخص ان يساعده فالتوظيف.. فقط.. اما غير ذلك فالواسطة مرفووووضة..

[Right]

كاركاتير معبر وصادق فعلاً عن " الواسطة "


http://im8.gulfup.com/2011-07-26/1311686336961.jpg (http://www.gulfup.com/)

[ANONYMOUS]

الواسطه زينه اذا في عمل الخير وبدون تعدي على حقوق الاخرين

[آخر الفرسان]

انا مع الواسطة اذا كان الشخص جدير بالوظيفة ويريد شخص ان يساعده فالتوظيف.. فقط.. اما غير ذلك فالواسطة مرفووووضة..


عمر الواسطة ماتخلي الرجل المناسب في المكان المناسب

الواسطة هي التي تجعل الغير كفئ في المكان الكفئ

تحياتي
*

[الـمـرقاب]

شوف اخوي، احنا الحين في زمن الواسطه، يعني امورك ماتمشي إلا بالواسطه!
لازم عروقك تكون واصله الماي، كل صوب وكل اتجاه! :omen2:

ما اختلف معاك انها تاكل حقوق ناس ممكن يكون اكفىء من اللي عنده واسطه..
لكن الشكوى لله، المجتمعات الخليجيه بالذات تفشى فيها هالوباء!

[Bin Hood]

عمر الواسطة ماتخلي الرجل المناسب في المكان المناسب

الواسطة هي التي تجعل الغير كفئ في المكان الكفئ

تحياتي
*

اختلف معك اخي الكريم

مرات الشخص كفأ للوظيفة لكن محتاج الواسطة

وكأن الواسطة من المؤهلات :eek5:

[Dawn]

عمر الواسطة ماتخلي الرجل المناسب في المكان المناسب

الواسطة هي التي تجعل الغير كفئ في المكان الكفئ

تحياتي
*

اسمحولي انا دايما رايي يكون فيه اختلاف شوي عن باقي الاعضاء بس لحد يفهم اني ادافع عن الواسطه - ابدا بالعكس ،،، اتمنى يتغير الحال للافضل وما نحتاج نتوسط ولا نساعد بعضنا علشان ناخذ حقوقنا الانسانيه ... سواء دراسه او علاج او وظيفه ..

لكن من تجربتي الشخصيه

3 حالات من 5 توسطت شخصيا في توظيفهم وكانوا كفاءات وطنية ممتازه جدا ومكسب لجهة عملهم ... ولله الحمد مازالوا يبدعون ويقدمون افضل ما عندهم لخدمة وطنهم ....

ليش ما اساعد انسان محتاج اذا اقدر .... عالاقل اسوي اللي اقدر عليه في حل مشكلة البطاله .. بدال ما اقعد والعن البطاله والواسطه ،،،، عالاقل اكون سويت اللي علي ... والدور والباقي على المسؤولين اللي فوق يحاولون يلغونها بطرق مدروسه ....

هل اللي سويته حرام ؟؟؟؟ الله يشهد ان نيتي صافيه وما فيها اي تحايل او تلاعب على اي قانون ،،، فيه ناس ما يعرفون اصلا اني كنت سبب في قبولهم بالوظيفه ... واصلا لو ما اقبلوهم كانوا راح يحطون غير قطريين بدالهم .... لا والله بنات وعيال بلادي اولى من الغريب ومؤهلين ،،، ليش ما اساعدهم ؟


الخوف من هالمواضيع انه يلغون الواسطه ويتوهقون القطريين ( لان القطريين الوحيدين اللي يتوظفون بالواسطه في قطر وللامانه اشوف انه غير مرحب بهم كلش في جهات العمل ومهمشين جدا جدا بطريقه متعمده - وللا سف انا تعرضت لهالنظره لمده معينه الحمدلله الحين احس انهم شافوا اني كفاءه وممكن انفعهم - ،،، اما الاجانب فما ينخاف عليهم وصايره الاولويه لهم في التوظيف بدون اي واسطه ولا تقولون كفاءه ،، تراني في قسم مطلع على شهادات ومؤهلات الموظفين وشفت هالاجانب ماعندهم شي مميز اكثر من القطريين ماعدا اللغه يمكن ) وما اقدر اعمم بس انا اتكلم عن المكان اللي انا موجوده فيه ...

الله يوفق ( القطريين ) من غير واسطه وان شا الله الكل يتوظف على حسب مؤهلاته وكفائته ..

وشكرا عالموضوع

[QaTarI ClassIc]

الواسطة زينه ومفيده

بس

أذا ماكانت على حساب الغير

[تحداني]

في اماكن ماحب فيها الوساطه مثل
" بنك .. ولا مستشفى .. ولا مكان فيه مراجعين ويحتاج الى انتظار "
وفي اماكن اتقبلها .. احس ماعندي راي عدل في هالموضوع


جملكم الله برضاه

[الخيالة]

صح إحنا في زمن الواسطه
أنا موضوعي معلق لان ماعندي واسطه
ماحصلت للحين وظيفة لان ماعندي واسطه ووووو.......
بس الله كريم
توكلت علي الحي الذي لايموت وحسبي الله ونعم الوكيل

[حقيقه]

ماهو رأيك الشخصي في الواسطه ؟؟

وان كان باستطاعتك محوها هل تفعل ؟؟

هل يمكن ان تلجأ اليها عند الحاجه ؟؟


والله لها مميزات تنفع في اوقات الضروره

وليش نمحوها اذا فيه منها فايده

واكيد بلجأ لها

لكن هي ووووين ووين

وللاسف مافيه شيء ابلاش بهالوقت :(